وصلتني رسالة من المتألمة عفوا المعلمة ريناد وتحكي فيها عن بعض معاناتها في حياتها الوظيفية وتجاوز النظام لبعض أبسط حقوقها والجزء الثاني من القصة عبارة عن بعض كوابيسها أو أحلامها المرعبة اللي تنتابها مع الطرق الوعرة كل صباح ..وقمت بصياغة معاناتها كقصة أتمنى أن تحوز على إعجابكم
**************************
سلام احب ان اطرح عليكم قصة شله معلمات عاشوا الصعاب مع بعضهم (وما ادراك ما معانات المعلمات)
نبدأ في توضيح الشخصيات
المقدمه الوناسة بقياده ((حوا )) و((رقيه ))
واضع الاغاني القديمة ::الأرشيف:: ((السيده مكاوي))
((ابلتي وتوحه ))الدلوعات
((حامل الاسيه )) أم العيال والخاطبة للفرقة
((تاتا)) مع القوم يا شقرا
تبدأ القصة في الصباح الباكر والساعة بتكون 4 ونص وقتها بيمر السائق المعلمات على اول وحده تدخل تاتا وهي منعسة وتقول سلام يرد عليها وعليكم السلام ودرب تحط رأسها وتنام ويمشي يمر على الثانية رقيه وبما أنها بتاعت وناسه تدخل وتقول صبحك الله بالخير يا عم أبو خالد وما يقدر يطلع كلمه إلا تقوله الله يعافيك مر على البغاله (البقالة)وجيب خبز وتونه وقشطه وما يقدر يقولها طيب إلا تعطيه الفلوس خذ ودرب تحط رأسها ونومه وتجي اللى حامله الاسيه وتدخل ومحد يدري عنها وتسوي زي ما سوى غيرها وهكذا إلى أن يأتي للأخيرة السيدة مكاوي تدخل وصياح بنتها : مااااااااااااماااااااااااااااااا لاع خذيني معاك تكفين واااااااااااااا ……………هذه فاصل غياب نفس
تدخل وهي تشهق وتبكي ويقوموا كل اللى في السيارة واللى يقول يا حرام ليش كدا انزلي سكتيها
ودرب هي تحط رأسها أما الباقي فيعانون (شايلين هم غيرهم )
وبعد ثواني إلا خشوا كلهم في غيبوبة إلى إن دخلوا الخط الصحراوي وفجأه اووووووووووء قاموا كل البنات ايش في يا عم أبو خالد إلا يرد : ترانا يا بناتي غرَّزنا (بناتي كلمه تقال للطمئنة ))
المديرة : ايش رأيكم نقط ( كل واحد يدفع مبلغ معين)ونشري طياره
يطالعوا فيها المعلمات بنظرة ردت توحه: أقول أنتي أمك جابتك وهي تقط ما راح نقط ولا عندنا فلوس هو الناقص قيمه أكل وشرب وهدايا ودفاتر على ظهر أبونا وجع ( تقولها بصوت واطي)
وهنا تصدع (تصدح)ابلتي بالاغنيه الشهيرة (ما عاد في جيبي ريال ..وش اقضي للعيال )
فجأة يجي السايق ويقول : يا بناتي ترا السيارة مهي راضيه تطلع من الرمله انزلوا تراكم ثقال
توووحه : ايش ايش احنا ثقال أمكن كلهم ثقال إلا أنا عيني علي باردة (خايفة تحسد نفسها )
إلا ترد حمالة الاسيه : هيا هيا انزلوا
نزلوا وهم يغنوا عليهم عليهم مشينا مشينا ونزلوا في الصحراء الخالية لا ماء ولا دواء ولا كهرباء ولا صوت (اكشن) صوت !! في صوت صحيح لا ماء ولا كهرباء ولا دواء بس في ماء
اوه غنم الحق يا عم ابو خالد عنز وراعيهم معاهم
جاء الراعي وطلع سوداني (صدمه ) ايه المشكله ؟ ابو خالد :والله يا طويل العمر طالعين نصيد !ولا أقولك نشم هوا !منت شايف يا عبيط ؟السيارة خربانه ومعاي البنات هذول
====> البنات وعيونهم مبحلقة وخايفين
والسوداني يطالع فيهم ويحك في صلعته ويقول لا تشيييييييل هم بسيطة بسيطة أنا حروح وارجعلييك تاني
تقول رقيه : يا ويلي راح
ابلتي : بيروح يجيب ربعه ويجو يصيدونا
توحه (تضرب بالصوت وتصارخ) يا ابووووويا الحقني أنا الضايعة في وسطكم جيبوا حل
وبعد مده وتقوى الشمس على رأسهم ولا جا سوداني ولا نجراني
مشيوا المعلمات ولقوا شجرة شوك منسدحة (نايمه )على الأرض لانه في سيل جاء ضربها وقلعها من عروقها وصلبها ارضاَ( حركه سوبليكس)
والله لقو حته تحتها دخلوا فيها وعاشوا ثواني كأنهم عايشين في أساطير ألف ليله وليله (بعدهم صارت ألف ليله وليلتين) كأنهم في عشه شوك وصاروا يكتبوا في الرمال هه حركه ذكريات اللى تكتب (طريق الصحراء صعب وشاق ..ومعنى الاخوة شهي المذاق ) واللى تكتب (دنيا معكوسة تزرع بصل يطلع كوسة ) ومغبرين وحالتهم بالبلا
وفجاه يشوفو هايلكس طاير والبنات يصيحو واااااااااااا سياره ابو خالد الحق
وتجي السيارة ونشوف (الجنتل مان ) السوداني بثوبه الأبيض الواسع ووجه تلهبه لحافات(لفحات)الشمس والعرق يتصبب كأنه ليل العشاق ونجومه المكللة (وقعوا في غرام السوداني )
وبس ويدفوا السيارة وفي ثواني السيارة تقول أنا هنا
ويطيروا إلى المدرسة (الأمانة أماته يا عيال )
ولمن يصلو الا عدد بنات المدرسه 30 طالبه (شوفتوا المعاناة)وتوهم دخلوا إلا الصفيرة تو المديرة : يالله يا معلمات حصصكم لو سمحتوا بلاش إحراج يا ابله توحه يالله يا يا يا وهكذا
إلا والمعلمات ودهم يقوموا يقتلوها هنا ويرتاحوا ويقوموا يلموا شوشتهم ويطبعوا الروج وينفضوا نفسهم من الغبار ويلفوا تنوتهم ( لان السحاب وصل للجنب من الجهاد اللى صار)
وكل وحده تروح حصتها ومالها ثوان إلا تجي ابلتي وتقول شوفوا القهر يا بنات المديرة نايمه في ألا داره والله حرام كل وحده تشيل 25 حصة ( على فكرة ذي زايده على نصاب المعلمة الأصلي)وهي تنام ما لها شغله ولا مشغله
تبدأ الخطط بعد ذلك مثلا سرقه ساعتها وتقديمها نص ساعة . تقديم لها كوب من الشراب البارد ( لاتستغربوا ترا الكوب مو مغسول والعصير منتهى تاريخه)طرد بنتها اللى تدرس أولى ابتدائي من الفصل …..وهكذا يمضي اليوم والنكهة تبقى هه وتبقى مو يوم ولا يوم دي تبقى لمده 5 سنين معاناة في الصحراء لا نقل ولا غيره وفوق هذه كله شغل وحصص وضغط والأمانة مطلوبة ونشاطات على 30 طالبه ومديرة نايمه بس توصي الخالة تراقب
تبون … أحداث ثانية تابعونا بعد الفاصل …. لا تغيرون الصفحة …
بعد الفاصل … هذي أحداث ثانية من المعاناة …وقصة جديدة
تبدأ القصة بحوار يدور بين المديرة وأبو خالد على التليفون
المديرة : ابوخالد سلام عليكم
ابو خالد : يا ولد اهجد(كف عن الحركة) نعم يا ابله انتى مين ؟
المديرة : أنا المديرة
ابو خالد : وخير يا طير وش تبي؟
المديرة : الله يسلمك كنت أبغى منك خدمه صغيره
ابو خالد : يا ولد عبي الزهاب (جهز العفش في السيارة) وش تبين خلصيني
المديرة : بدون آمر عليك لو تكرمت ودي تشيلني آخر وحده وترجعني البيت أول وحده
ابو خالد : وش وش وش ؟ والبنات موافقين على كلامك ذا؟
المديرة:يا ابو خالد أنا أكلمك انت مالي بالبنات
ابو خالد : يا ورع (ولد بس باللهجة العبرية) طيب بكرة وخير
المديرة : يعني خلاص؟
ابو خالد : توت توت توت توت ( سكر السماعة )
المديرة وهي متفشله تكلم نفسها : وعليكم السلام باي
ترجع السماعة وزوجها يبحلق فيها : هه وش قال
المديرة : اوووووف منك فهودي بيقول خلاص تحت أمرك
زوجها : يعني ما راح استناك عند ملف المحطه( يالفشيله يخلي زوجته تنزل من سيارة لسيارة في محطة قدام الله وخلقه رجال آخر زمن ..المشكلة في شكلها وهي مغبر وفشله )
المديرة : لاه فهودي , بس الغدا من السوق
ثاني يوم
يررررررررررريررررر <—- السيارة
طااااااااااااااااااط طاااااااااااااااط <——–بوري السيارة
تنزل أول وحده تاتا
وتدخل للسيارة : السلام عليكم
ابو خالد :وعليكم السلام ..يا بنيتي..تراني عندكم خبر انت واخوياتك
تاتا: ايش في ؟(هي قليله كلام بطبعها )
ابو خالد : تقول المديرة ودها أشيلها آخر وحده وانزلها أول وحده
تاتا : كيف كيف كيف !!! أقولك يركبوا البنات ويصير خير
ركبت رقيه وبعدها حماله الاسيه وبدأت ود ود ود ود ود
ولمن جا لبيت المديرة تووووووت توووووووت استنوا البنات 5دقايق 10 دقايق قاموا صرخوا حرك يا أبو خالد
أبو خالد مو مصدق خبر ويدوس بنزين وررررر بالسيارة وينطلق
وهنا تدور الحوار بين أفراد الشلة
توحه : هاع تبغانا على كيف ابوها إحنا نمشي اللي ما يمشي هيهيهيهييييي
ابلتي : تفحيطه ابو خالد ياي محلاها يا لله صبايا نرقص تكن تكن تكن تكن <— دقه جيزانيه
رقيه : تفتكرون سوا يقينا زمان تعبنا حتى حصلنا ابو خالد
وقف السيارة في طريق السريع ولقالهم قطعه ارض خاليه (خلا خالي ورب عالي) وقال تبوون تصلون
قالو :إيه ونزلوا فأتفقوا المعلمات بآخذ بحديث الرسول عليه السلام عند الحرب بحيث يصلوا جزء وجزء يراقب خوفا من (الحشاش)
صلى الجزء وانتهى وجاء الجزء الآخر وكان مكون من تاتا ,حماله الاسيه ,ألسيده مكاوي
وجلسوا الباقي يراقبوا (هه حشى ما يراقبوا بيحشوا)
وقت مستقطع(ترب ترب ترب هوووو هووووووو )
رقيه: مسكينة تاتا
حوا: لا قولي هبله وضعيفة ما قدرت تسوي شئ
وقت مستقطع(ترب ترب ترب هوووو هووووووو )
توحه : أنا لو في ضربت بالصوت وخليت اللي ما يحي يشتري يتفرج
ابليتي:انت تستخدمي صوتك بس في الصويت ..أنا أقولك لو جاني افتح الجوال وأحط رقم أبويا ولمن يفتح الباب أقول يا أبوي ألحقني
وقت مستقطع(ترب ترب ترب هوووو هووووووو )
رقيه ,حوا,توحه(متلهفين ) وايش بتسوي؟
ابليتي : بس يتصرف أبويا ويجي
رقيه : بالعكس يا غبية اذبحيه(اضربيه)وانطليه(ارميه) في السكة يدوسوه الشاحنات
وقت مستقطع(ترب ترب ترب هوووو هووووووو )
والبنات طايحين حش وهرج ومرج والصوت يقوى واللى بيصلوا وهم راكعين صارت كل وحده تدق الثانية بكوعها
وفجأة قوي الصوت وضربوا بالصوت واختلط الحابل بالنابل
مهم عارفين مين جا ,مين راح ,مين قتل مين
بس اللي قدر عليه السايق العجوز قال يا لله صباح خير ودعس البنزين وجرى ودخل اللي كانوا يحشوا..إما الباقين فمازالوا في وضعيه الركوع (مو خشوع بالعكس إلا صلبت شرايينهم من الخوف)
وصرخ والبنات بس وقف زميلاتنا ( الحين بعد ما تركتموهم فريسة للكلاب)
كانت القصة كلها شغله قبيلة من الكلاب تتضارب مع قبيلة ثانيه
وعلى بال ما رجعوا لقو البنات بنفس الوضعية وعيونهم مبحلقة أسفل والكلاب تدور حوليهم (كأنهم يلعبوا طاق طاق طاقية)
وانتشلوهم كما ينتشل الشعرة من العجين
قالو البنات اللي ما كملت صلاتهم يا عم ودينا مسجد نصلي حرام كدا
قالهم يا لله صباح خير طيب
وصول مسجد نظيف وحلو بس كانت الأنوار خافته جدا ونزلوا يصلوا وقلبهم مليان خوف من الحشاش دخلوا المسجد إلا تاتا متصلبة والسيدة مكاوي تحاول تمازحها وتطربها من الطرب الأصيل (أنا خليجي ,تغار عليا. تخاف عليا)(ما قلت لكم الأرشيف )
حماله الآسية : بس احترمي نفسك أنت في المسجد جالسه تغني اجلسوا فكرر في همكم (يييييييييه نكد)
ومن الهم اللي في تاتا جات النتيجة عكسية فرتها ضحك
وهم يطالعوه –وش بك؟؟
تاتا : هههههههههههههههه
زميلاتها : جاتها النوبة وش فيك؟ ؟ جنت البنت !؟
تاتا : إيه أنا مجنووووونه هههههههههههه ايش الأشباح دي –>
وبالفعل بطريقه بطيئه لفوا رأسهم ولقوا هذه الأشباح البيضاء تتراقص قدامهم لهم ثلاث أطوال ,طويل . متوسط .قصير جدا (متوفر في الأسواق هههههههه)
كانت تاتا تضحك والآن صارت مهستره تضحك ودموعها تنزل وتصلب إصبعها (المشار على الأشباح )
كلهم بصوت واحد لاع مو حشاش ذول الحشاشين وبسرعة البرق هربوا ودخلوا السيارة وجلسوا وهم يرتجفوا (وإصبع تاتا مازال متصلب)
وفجأة صاروا ثلاثتهم يضحكوا
اكتشفوا سر الأشباح ..تخيلوا مين ,تخيلوا ,,,,الأشباح هم المصلين لأنه ببساطه دخلوا بالخطأ قسم الرجال
كان الجو هذا اليوم بارد جدا… واه من برد الصحراء. يقرص في العظام والله
وكانو الشله كعادتهم في السياره في الفجر (حشى مو فجر انما ليل )طبعا تعرفون ان في البرد بتتأخر الشمس في الطلوع وكان كل وحده تدخل شايه كشاف ولا شمعه علشان تشوف وين تنام
بدأو دخول المعلمات للسياره
وكل وحده تدخل تقول السلام ما تلاقي رد
الجو ساااااااااااااااكن وظلالالالالالالالالالالالالام والكل بينام ويتخلله الحوار المعتاد والمعاد
حوا : اخخخخخخخخخخخ اخخخخخخخخخ (تشخر)
توحه : حوا يا حوا حااااااااااااوااااااااااااا
حوا : ن… ع… م
توحه :عدلي المخده وعدلي راسك وهس لا تشخري
توحه : اممممم (يعني طيب بس ما فيها حيل)
وفجأه دخلوا في جو ضباب ×ضباب ومهم شايفين شئ الا تصرخ السيده مكاوي
يا بنااااااااااااااااااات قوووووووموووووا شوفو اللى انا شايفته
وتجيب رقيه وتقول : سامحني يا رب دايم اطلع من الفصل أخلي البنات يقروا لحالهم كأني موجودة في الفصل
وأبلتي تقول : سامحوني لأني دايم بسوي رجيم قدامكم بس ,وما أسويه لمن أروح لزوجي
وبوووووووووووووووووووووووووومب حصل انفجار رهيييييييييييييب
….
….
… هدوء لمده فَانيَة (بين الثانية والثانية فانية )
توحه نايمه في سابع نومه في غرفتها وطايحه حك حك في وجهها وتقول في نفسها ايش هادا اللى يقرصني ناموس لاع ما اعتقد أكيد من المبيدات الحشرية والوصفات الخربانة اللى احطها على هذه الطخة (الوجه )
وتقوم متنرفزة وتقول : خلاص يا ناموس سكتت كأنها سمعت صوت راجل بيصارخ وراها وحست بدقات قلبها في بلعومها ترب ترب ترب ترب
قامت بهدوء وراحت للمرايه
صرخت بأعلى صوتها لاع نهى ايش اللى صار في وجهي ايش اللى صار في وسطي وكلما صرخت سمعت صوت الراجل
بعد مده من الترللي (الجنون ) هدأت واكتشفت انها تحولت الى
الى
الى
رجــــــــــــــــل
وسبب الحكه كان لها سكسوكه تأخذ العقل (الحق يا ولد وســــــــيـــــم )
وصلو المطار ولقوا ابلتي بجسمها الملفوف تركض وشايلة شنطة فوق رأسها وهم يجرو وراها
ابلتيييييييييييي
والناس يطالعو فيهم
رجل 1: اها شوف برنامج قنصوه <–اقتباس
رجل 2: لا طاش مات طاش <— اقتباس
لحد ما وقفت ابلتي حست انه في واحد كاشفها
تاتا: تعبتنا الله يصلحك بس
توحه : ايشبك يا ابلتي يا مجنون
ابلتي : مين اهلين والله بروح فرنسا
تاتا توحه : لاه يا غبي أنت ضامن انك بتجلس على هذا الحال امكن يوم
ابلتي : لا خليها 5 أيام دخيلكم
توحه : شايفني جنى يا ابليس ليش رايح فرنسا
ابلتي :يا اخي خلينا نصيع شوي نرتاح من الظلم اللى علينا سبحان الله خدمنا واعطينا الراتب للزوج وطبخنا وجبنا خدامه ,نكون غلطانين حتى لمن يعاكسوا أزواجنا بنكون احنا الغلطانين
خيم الصمت والاسيه عليهم وفرت من قدامهم وتقول باي يا بنات اوه اقصد يا عيال بتصل عليكم لمن أوصل
تاتا : سبحان الله هذه أول وحده صارت كدا اجل الباقين ايش صار فيهم
توحه (وهي حزينه والشكشوكه مالت للاسفل مع الكابة)
امش خلينا ندور علىالباقين
وهم ماشين بالسياره افتكرو رقيه اتصلو عليها جوال
رقيه : مين ؟<— صوت متضخم كأنها عزرائيل
توحه : يا ويلي رقيه انت انا توحه
رقيه أقول لك أنا مشغول انقلعي عنى
توحه: لا تقول انقلعي كلمني بصيغه ولد هذه فيها قبايل (أحلى الرجولة بانت)
أخذت تاتا الجوال وتسمع صوت بنت بتصارخ
تاتا :وش بتسوي؟؟
رقيه : وش تبون بي اذلفوا تراني مبسوط على الآخر وبكرة بتشكروني
وصوت البنت كل ماله يزيد
تاتا : وينك انت يا رقيه ؟
رقيه : لا تقول رقيه اسمي غرم الله (واو حيميش)
ويطلع من الجوال صوت البنت وتقوووووول الحقوني انا في الصحراء
تاتا : عرفت !!هذه المديرة وفي المكان اللى فيه المدرسة!!!
توحه : يا ويلي ايش نسوي نروح للمدرسة دحين
تاتا: أقولك بلاش الله معاها هههههههههههه
توحه : على قوله بكرة تشكروني هههههههههههه
(ننتقل الى غرم الله )
رقيه : تعالي يا بنت %^&$#%
المديره : تكفى اتركني وش تبغى فيني
رقيه :ييييييييه بلاش شغل العباطة ما أبغي إلا أعذبك بس
المديره : لااه شرفي
رقيه : وع عليك وعلى شرفك ما أبغي أمسه الله يقرفك هو ناقصني
وياخذها غرم الله (رقيه )ويكتفها في الشجرة المنسدحة (فاكرينا اللى استظلو تحتها انظر الجزء الاول) وبدأ يربطها بالشجرة بين دموع المديرة وتوسلاتها
بعد ربطها بإحكام بدأت تضرب فيها (بس بشويش )وراحت للهايكلس وتجيب صندوق الذخيرة
المديره : الاه تقتلني أرجوك
وينزل غرم الله الصندوق ويرميه أرضا ويفقع (يكسر) القفل ويفتحه بكل قوه ودهاء فيطلع غبار منه كثيف ويمسح غرم الله عرقه من شده الجهد اللى بذله ويطلع ما فيه من ذخيره ويبدا يصوب على المديرة
وطاااااااااااااااااااااااااااااخ
. . .
. . .
غرم الله : خليكي كدا تتعذبي وخليك تحت الشمس حتى تنشفى وتصيري (فسيييييييييخ ) يا السمكة الملعونة (تكره التونه من يومها )
تاتا: باقي السيده مكاوي وحوا يا هل ترى وينهم حتى جوال ما عندهم نكلمهم ؟؟
توحه :الان بعد المغرب اكيد ما تلاقيهم في البيت
وهم في زحمة السير وموقف طويل عريض
السيارة اللى على يمينهم : شوفو يا شباب بالله هذه أشكال تقول انهم بنات ولهم شوارب
خويه : يا ويلي أموت أنا شوف الجلسة يا قلبي أنت امووووه
خويه 2: بالله هذه أشكال دلع فاضي ولا فيهم اسم الجمال يا رب سترك(كذا هم الرجال.. الحلو يقولو انه بنيه وما هو رجال .. يعني الرجل لازم يكون بشع ومجرم ههههههههه مثل غرم الله )
تاتا : وهي ترتجف شكلو كفشنا ايش نسوي
توحه : أقول انطمي(اخرسي)ما بيسوي شي
السيارة اللى على يسارهم بنات مع السائق ومطلعين نص وجههم (بيقولو اسمها لثمه هاه الشئ المستور هو بس الفم)
توحه : ايش رأيك أصيدها
تاتا: ها ايه يالله
توحه: اثقل وجع ….ويطالعها بكل هدوء مع رفع الشكشوكه (السكسوكة )ويغمز لها
اللى البنت انصرعت عيونها صارت مثل عقارب الساعة وتفتح النافذة وتقول :هاي والله يا بعد قلبي تأمروني بشئ
توحه : بالله عليكي وين طريق الكورنيش ؟؟(عباطه هم في الكورنيش)
البنت : ها ها ها ها الواضح عليس دمس خفيف (في سؤال ليش البنات يحبو يقلدون لهجة بنات الرياض رغم انهم من الغربيه )
تاتا : خذي يا عمري هذا الرقم
ويقطع الحوار حجه تقطع الطريق وهي مسرعة وخايفة وتتعدى بين السيارات زي الثعبان
تاتا وتوحه أهابهم المنظر وعيونهم مبحلقة في هذه الآدمية اللى تجري
وسمعوا صوت واحد يغني مع صوت دربكه ويقوووول
وعدى الليل على مهله على مهله <—فاهمين وش يقصدوا بالليل
تاتا : جنب جنب السياره بسرعه خلينا نشوف ايش القصة
توحه : يا شيخ عادي هذه جلسة طرب
وبسرعه وقفوا السياره ونزلو واتفاجئو بالمنظر
تاتا وتوحه : اوه حوا ومين ذا راعي الدربكه اوه السيدة مكاوي
جلسة طرب وشباب ورقص واللى يغني حوا
حوا في المايك : يا مرحبا (هؤ) باللى جانا واللى (هؤ ) واللى شرفنا يا شباب قولو ورايا
وتجلس تاتا وتوحه جنب السيدة مكاوي وتقوله تاتا : ايش اللى مسويه يا أغبياء
السيده مكاوي انت تعرف احنا فينا الفن من صغرنا وبنحقق امنيتنا
توحه : وتحققوا أمنيتكم بالغني والشرب الله لا يعوضكم
تاتا : يا حوا اوه يا سيده مكاوي وش نناديها
السيدة مكاوي : محسوبتكم عدنان وهذا الأخ علي
تاتا : يا علي عرفتنا
حوا: وسبحانه وقدروا عليه وخلوك تنسى أحبابك
توحه : أنت كدا مرتاح بوضعك يا غبي؟
حوا : عايش حياتي وش عليك مرتاح وقلبي بين ايديك
تاتا : قوم يا جواد ما وراهم سالفة
وقاموا وهم معصبين وهم في الطريق جلست تاتا مقهورة من وضعهم وتقول
معقوله اللى يصير فينا كل واحد راح طريق اخس من الثاني
توحه : خليها على الله على قول مجتمعنا الراجل ما يعيبه شئ …. وين تحب تروح
تاتا : خلينا نشتري أكل ونروح البيت احسن لنا احس أنى ضقت من لف الشوارع وكل منظر اخس من الثاني
والله اشتروا أكل وجلسوا قدام التلفزيون
توحه : ملل صح وش نسوي ؟
تاتا : أقولك جيب التليفون خلينا تنسلى على خلق الله
ويجيبوا تليفون وهاتك يا غزل
وكل ما يتعرفو على بنت يواعدوها في سوق حراء البوابه رقم 8
بس اللى انصدمو فيه لقوا بنات كثير وسبحان الله مختلفين جدا
اللى تبي ضحك (هذه النوع رهيب ) واللى تبي حب ( اكبر كذبه ) واللى تبي تفرغ همومها ( هو الواحد ناقصه نكد) اللى تبي فزعه وسحب فلوس (قولها سلام تقولك عطنى ريال ) واللى تبي تشعلق في رقبتك وتبي زواج (هاه لا تعليق )
تاتا : بالله عليكي روحي لحوا والسيدة مكاوي تراهم عند بشكه شباب
وتدوس بنزين رقيه وطيران
لقوا حوا والسيدة مكاوي يجروا (اتخيلوا المنظر حوا جدا قصيرة والسيدة مكاوي جدا طويلة والدربكة فوق رأسها ههههههههههه) و وراهم جيش من الشباب وكلهم يقولو (شنهو بنات )
ويفتحوا الباب ويدخلوا حوا وزميلتها للسيارة ونفسهم مقطوع والسيارات وراهم والرجال وراهم والبنات والشعب السعودي
بس رقيه قويه قالت
الحين اللفلف بيهم أضيع جدهم هاع هاع
والاغاني ترج السيارة رج (اغاني المسرعة تعرفوها هي حقت الهالكسات ما غيرها )
وبعد تعب وقفت السيارة وقالت ما نسيتوا شئ
كلهم : لاع احنا كدا بخير
ويرن جوال توحه
توحه : نعام (واصله معاها )
ابلتي بنات الحقووووووني
توحه : ايش بك
ابلتي تعالو خذوني من المطار بسرعة واللى يرحم والدينكم
ابلتي : واااااااااااااااء جات المنحوسة تفرح ما لقتلها مطرح بعد قطع التذكرة والتعب على بال ما وصلت لفرنسا ورحت لهوتيل الا الدنيا تلف بيني وارجع بنت واااااااااااااااااء ما كسبت إلا ركوب الطيارة والتعب
رجعوني لزوجي وعيالي بروح أعيش حياتي كما كنت وااااااااء
_________________
وهنا ينتهي الحلم وتبدأ اليوم الدراسي على أمل الخروح باكرا لكي تبدأ الرحلة مجددا للمنزل وسنة خامسة صبر مع تحياتي … رندوش
تحياتي بلاك هورس
تاريخ كتابة القصة عام 2002م / 1422هـ
جميع قصص بلاك هورس خاصة بموقع قصص قصيمي نت والحقوق محفوظة
