يالله ياللي من ترجاك ماخاب
كلمات و قصة قصيدة يالله ياللي من ترجاك ماخاب مكتوبة بدأ كثير من الشعراء بكتابة صدر البيت ( يالله ياللي من ترجاك ماخاب ) في مطالع قصائدهم والبيت واضح انه دعاء ورجاء لله سبحانه وتعالى ولذا فقصة كل قصيدة تبدأ بهذه الدعوة تكون بين ثنايا ابياتها لعل أشهر قصيدة بدأت في ( يالله ياللى من ترجاك ماخاب ) هي القصيدة التي غناها الفنان الشعبي الراحل فهد بن سعيد قبل حوالي نصف قرن وانتشرت كثيرا في كل الخليج لشهرته الكبيرة وتقول كلماتها يالله ياللى من ترجاك ماخاب يا من عليه اشكي مشاكل حياتي تفرج لمن هو من الغرابيل ما طاب دايم عيونه بالخفا ساهراتي البارحه ما أمسيت والدمع سكّاب يحرم على عيني لذيذ المباتي عزّي لمن مثلي عن حبيّبه غاب ما ألوم من يبكي حبيبه سواتي انا ان شكيته عند ربعي والاصحاب ولا جيت ابسكت ما قويت السكاتي شعلٍ عيونه تطلق سهوم وحراب عمره ما غير اربع وعشر سنواتي له مبسمٍ كن العسل داخله ذاب وريقه دوى لجروحي الخافياتي حبه لجا بالقلب ماني بكذاب وعز الله اني منه قربت وفاتي انا مريض القلب والزين الاسباب وارجي عسى المعبود يحسن مماتي اما قصيدة الشاعر سراح بن حبيش العامري تقول كلماتها يا الله يا اللي من ترجاك ما خاب فزعتك من بعض العقول الخفيفه نشبت بين اثنين حاسد ونصاب تقاسموني بينهم بالنصيفه ان قلت حاضر افتحوا لي مية باب وان قلت عذري وجهوا لي قذيفه الاول إذاني بلا ذنب وأسباب يضحك معي ويخد بالليل سيفه والثاني أنيابه عددها مية ناب ويا كم وليف فرقه عن وليفه وللشر طلابه وللخير طلاب وللموت دون الحق نفس شريفه وللكيف صبابه وللنار شباب ولا مل جيرانه ولا مل ضيفه وللعلم ناس وللمهمات كساب وللصلح بين اثنين كلمة لطيفه اما قصيدة الشاعر فهد بن دعيرم تقول كلماتها يالله يلي من ترجاك ماخاب ياواحد كل الخلايق رجتله ياخالق الدارين ويارب الارباب ويأمن له المسلم رجاه وسجدله منهو مع الدعوه له خيول واركاب تجعله الجنه ثواه ووعدله اللي على الدعوه حريصين وأقراب ينهي عن المنكر بصدق وجهدله ويأمر بمعروف على اصحاب واغراب ويرجي من الله رحمته ويحمدله وياكم كافر لله أستغفر وتاب يوم النصايح صحته ووصلتله جوله هل الدعوه نواصيح وأحباب حتى أعتنق دين الرسول وشهدله لارأجي من الناس سمعه ولاأعجاب الايدينن بالصلاه ودعتله اهل ألحه منهم يحفون الاشناب ولافيهم اللي قد ثياب سبلتله وليا أذن المذن وهم عنده قراب وكل يردد بالاذان ونصتله ثم خشعو مافكرو وش ورا الباب غيب عن الدنيا ونفسه هدتله ثم ذرفة عينه بها الدمع سكاب خشيه من الله ياعساها شفعتله يالله يالمعبود ندعي بالاسباب بأسمأك الحسنى ووحي وصفتله منهم على الدعوه يدقون الاطناب ودروبهم للخير دايم مشتله انك تعوضهم بجنات وأطياب وترضا وتغفرله وتكتب سعدله اما قصيدة الشاعر عواض بن عايض الرشيدي تقول كلماتها يالله يـلــي مـــن تــرجــاك مــاخــاب يـالـواحـد الـــي كــــل هــــمٍ تـزيـلــه يـافـارج الضيـقـات فـكـاك الأنـشــاب مـحـي الـعـظـام الـهـامـدات النحـيـلـه تفـرج لمـن همـه مـن العـام مـا غـاب مــا مــر يــومٍ هـاجـسـه مـــا يجـيـلـه قصـة حياتـه قـصـةٍ تـرهـب ارهــاب والـوقـت قـاسـي والمشـاكـل حصيـلـه سـود الليـالـي وقـفـت تـطـرق الـبـاب والـحـزن معـهـا فــارشٍ لــي شلـيـلـه أبغضـت ربعـي والجماعـه والأقـراب وأخـــذت بـالـوحـدة لــيــالٍ طـويـلــه ذقـت العنـا والوقـت خـايـن ونـصـاب والـقـلــب ولّــــع داخــلـــه بالـفـتـيـلـه نكبة زمـانٍ صادفـت بعـض الأسبـاب مـن ويــن مــا مــد النـظـر مستحيـلـه واخـر علومـي بالوناسـة والأصحـاب قــــدام شــوفـــة واحـــــدٍ مـهـتـويـلـه الصاحب الـي صـار لـي سيـد أحبـاب لأجـلــه تحـمـلـت الـحـمـول الثـقـيـلـه حـبـه جذبـنـي جــذب دلــوٍ بـمـجـذاب ولالي علـى فرقـى هـوى البـال حيلـه أزريت أسلي خاطري وأملك أعصاب الـقـلـب كـنــه فــــي يـديـنــه يـشـيـلـه واقلـبـي الــي صــار بـيـديـن لـعــاب كـــورة قـــدم كـلــن يـنــاول زمـيـلـه بين الرجا واليـاس والضـرس والنـاب مـدري عنـه وش مكسبـه مـن عميـلـه واليا ادبـرت دنيـاه وانصـاد وانصـاب شهـيـد حــب ومصـرعـه مــن خليـلـه وهذا الهوى كم دهور أحوال الأشناب والــي ربـــح بـالـحـب نـــاسٍ قلـيـلـه اما قصيدة الشاعر حمود بن طاحوس بن صويان البقمي تقول كلماتها يا الله ياللي من ترجاك ماخاب يا مطّلع فالبيّنه والخفيه يوم انتهت دعواه من كل طلاب مدك ولا مد الوجيه الرديه تبرج لعبد ٍ ما بعد سكر الباب ولا يكره الضيفان فالمعسريه سهرت عيوني لين شفت القمر غاب من واهجٍ فالكبد وقّد عليه سر يانديبي وارتحل خمس أشباب لا فيهن الفاطر ولا لوفقيه وممساك خالي محتمي كل هيّاب يوم ٍ ولد اللاش ينسى خويه ليلة لفيت وشب للنار صولاب يعد لكم بالكيف والشاذليه وكبش ٍ مربى واجهه عند جلاب جابه من المفلول مادح طليه رد السلام وعطه من عندي كتاب وليا قرى المضمون فاقبل عليه قل متغربٍ يالربع في دار الأجناب ولا منكم اللي قال هذي خطيه وانا ذراكم يوم كلحات الأنياب لقلطوا عرافهم للدعيه خصيمنا يكبي ليا جات الأنشاب نصفق عليه الحق لو قال ليه شفت الحبيني يا ملا يفرس الداب والصقر ضيع حجته مع عليه الصقر صبره طال مهوا بمخلاب وأبو حقب يبدي بعال البنيه سلمت يا حر ٍ بدا راس مرقاب من ضرب مخلابه تواكف دميه عبد العزيز اللي ملك كل الأصحاب وكل النحايا تتبعه فالغزيه منه الدول تمشي على فكر وحساب وكل ٍ عطا الجزيه وقدم هديه على النبي صليت والقاف قد شاب وارجو ولي العرش جزل العطيه اما قصيدة الشاعر حامد علي الحبابي تقول كلماتها يالله ياللي من ترجاك ماضاع يا مقتدر ياللي حصونك منيعه ياخالق سبع السموات والقاع والكون ومكون جمال الطبيعه ياحي يا للي للمقادير مناع ماخاب مخلوق ورسولك شفيعه مجري سفينة نوح في الموج بشراع يامغرق خصمه ومنجي تبيعه يا حافظ يعقوب من عقب مرتاع يوسف ويا كافيه شر الخديعه ويا مظهره من بير وبروج وسباع ياللي حميته عقب ذيك القطيعه انك توفقنا مع خير الاتباع وانك إتبعنا طريق الشريعه جانا الغرام وصار للشعر مطلاع من مخزن راعيه ماهو يبيعه سر يا قلم من بين مفروق الاصباع اكتب بيوت محكمات سريعه جزلات عجلات سريعات في ساع مستخرجات من ضمير تطيعه تلعب بها الافكار باشكال وانواع وابيات تلحق والمباديء طليعه والشعر يوزن غير ماهو بصاع يوزن بمنطوق المعاني الرفيعه والشعر فيه انصاف واثلاث وارباع واللي يخوضه ماعرف له فجيعه يدخل بسوق من شرى فيه ماباع يصبر عليه يحتمل لوم ريعه كالمشتغل بالزرع ماهو بزراع بنفذ حلاله ويتخسر زريعه لا جا الخضار وقطف الاثمار ينلاع يابس وللماء في عروضه نفيعه البارحه يوم المخاليق هجاع فزيت فزت من غداله وديعه والجفن عيا يقبل النوم من صاع حارب لذيذ النوم مما يليعه قلبي لزينات التماثيل مطواع واليوم يعتاز الخوي الربيعه ياراكب اللي تطوي الخد بالباع منقيت من جيش طليعه قربتها في لازم عقب مرباع عقب الطمان اللي رياضه شبيعه تزهى الشداد والزين وابطان واصقاع وخرج من المشرق جديد وشيعه وان كان قصدك تختبر وانت طماع واسباب ما بك تتخذها ذريعه قس بالبحر بالباع والمتر وذراع واحذر غبيب مالها حد قيعه قايس هواك وحط ماطور دفاع والموج لا تلقا هوايل رفيعه قاع البحر لا جات الاقدار بلاع وخطر يموت اللي ينوشه صقيعه واعرف ترا حبل المقادير خداع وحبل الرد ملزم ابليس وخديعه واللي حياته للمخاليق مطواع لا بد يلقى واحد مايطيعه ومن جاع شبع وكل من شبع قد جاع والهون سلم النفوس الوضيعه والناس فيهم روس وضروس وكراع وفيهم فواعيس حكاهم طبيعه وفيهم اسود الغاب واسباع وضباع شيان الفعايل والطبايع شنيعه قلته وملزوم على الخط مرجاع وملجاك يامنجي الزبين ومنيعه اما قصيدة الشاعر علي بن جمه ال فروان اليامي تقول كلماتها (يالله ياللي من ترجاك ماخاب) ياواحد فوق المخاليق عالي إنـــــك تـغــفــر الــذنـــب يـــــارب الاربـــــاب مـاغـيـرك اشـكــي لـــه بــســرات حــالــي مـــن بـعـدهـا بـديــت فــــي راس مــرقــاب واهـيـض مـــن جـــاش الـحـشـا مـاطـرالـي غـربـلـنـي الـهـاجــوس والـفــكــر مــرتـــاب مـــواقـــف تـــرهـــب قــــــوي الــرجــالـــي دنــيــا دنــيـــه كـلــهــا اتــعـــاب وانــشـــاب مــــن دون مكـسـبـهـا ابــــي راس مــالــي دنـيــا تـخـلـي كـــل شــــي لــــه اســبــاب ويـجـيـلـهـا فـــــي كـــــل يـــــوم مـجــالــي فـنـصـح هـــل الايـمــان ذربـيــن الانــســاب فـــي طـاعــة الـمـولــى عــزيــز الـجـلالــي ديــــــن الله الـمـعــبــود نـــزلـــه بــكــتـــاب مـكــتــوب فــيـــه ان ذا حـــــرام وحــلالـــي الــديــن يــســر مــانـــزل ديـــــن غــصـــاب يـعــلــم الــمــؤمــن جــــــواب الــســوالــي فـلابــد مـــن مــــوت وقــبــر لــــه انــصــاب والـــمـــوت لايــمــكــن يــخــلــي تـــوالـــي الــمــوت مـاخــلــى مـحــمــد والاصــحـــاب وهــــل الـسـعــاده والـسـمــو والـمـعـالــي وحتـى الشجـاع اللـي علـى الخـيـل ركــاب الزير سالم وابو زيد الهلالي اما قصيدة الشاعرة همس القوافي تقول كلماتها يالله ياللي من ترجاك ماخاب ياواحدن كل الملا تشتكيله ياواقين عبدك عسيرات الانشاب مالي سواك يا الهي اشتكيله دنيا تقلب يا الهي كما الداب كم فرقت يارب خل وخليله خلتني اكضم قاسي الغيظ بالناب يالله تفرج لي همومن ثقيله والخاتمه صلو على سيد الاحباب رسولنا المختار وافي الخصيله اما قصيدة الشاعر سعود عايد العلوي الحربي تقول كلماتها يالله ياللي من ترجاك ماخاب يافارج الشده جزيل العطايا يامن وسعت برحمتك كل من تاب وانت الذي تغفر جميع الخطايا نرجيك يالمعبود تفتح لنا ابواب يالواحد العالم بسر الخفايا واجعل لنا توفيق في كل الاسباب ويارب جملنا بحسن النوايا وقال ايضا يالله ياللي من ترجاك ماخاب يامعطي الارزاق ياخالق الكون ياقابلٍ في رحمتك كل من تاب أنت الكريم وعندك الرزق مضمون أفتح لنا يارب في جنتك باب يافارج الشدات للمشتكي عون واختم لنا في خير يارب الارباب ياواحدن موجود والخلق يفنون الشاعر احمد الحكماني قال يالله ياللي من ترجاك ماخاب ياواحداً بامرك تحل المسايل الدار محلانه وفالجو سحاب ارخي همايلها وسوق المخايل يوده من مديره محادر على صراب ويسيل وادي السيل والقوع سايل ويعم حج وياخذ الشرق سكاب يوصل على النجده قهوب وهمايل وقال الشاعر عمران بن عوض الله يالله ياللي من ترجاك ماخاب ياخالق الماء من سحاب يقودي ياخاطري خذ من العلم ماطاب مالك ومال مبيحين السدودي وقال الشاعر عبد الرحمن عازب الزهيري الغامدي يالله ياللي من ترجاك ماخاب ياسامع الدعوات ربي عويني اتغاني المعسور يارب الارباب اللي يحب امرافق الغانميني راع الكرم والطيب فكاك الانشاب شيخ طويل اذراع ذرب اليميني معروف طيبه للقبايل والاقراب مثل الجبل ببعد مكان يبيني وقال الشاعر شجاع بن سويلم يالله ياللي من ترجّاك ماخاب آغفر ذنوب اللي ذنوبه كثيره عبدك ضعيف و دوم يذنب ولو تاب يرجوك عفوك لو ذنوبه غفيره مرات يستغفر و مرات يغتاب ومرات يفعل كل خيرٍ لغيره يارب ياخالق و زارق وتواب آغفر ذنوبي معلنه او سريره وقال الشاعر راشد الجمعان يالله ياللي من ترجاك ما خاب وانا ترجيتك وناصيك عاني يا خالقي سهل لنا كل الأسباب اللي تودينا لكسب الجناني اللي تعزوى فيك يالله مايهاب ولا يهمه كل قاصي وداني جيتك وانا يالله للعفو طلاب ادعيك من قلبي ومنطق لساني راجيك في مدخال من وسع الأبواب في منزلي عندك تعلي مكاني ياوحدا من فوق الأكوان رقاب يا مغير احوال البشر في ثواني يالله حقق مطلبي وانت وهاب والحمد لك والشكر لك وامتناني وقال أحد الشعراء يالله ياللي من ترجاك ماخاب انت السند يارب في كل الاحوال تشفي مريض طال وقته ولاطاب وتغفر ذنوب الي دخل بيت الاهوال وقال أحد الشعراء يالله ياللي من ترجاك ماخاب تغفر جميع ذنوبنا والخطايا في ساعة تسمع بها كل طلاب تصلح جميع احوالنا والنوايا وقال أحد الشعراء يالله ياللي ،،،،من ترجاك ..ماخاب في رحمتك ….يارب ماخاب ظني يالله دخيلك مابقى حولي اصحاب اقرب ..قريباً لو ..نخيته …خذلني وقت الرخا ..ياكثرها ..لمت ..احباب وبالضيق ماجاني صحيب وسائلني تسكرت ،،،كل ،،،المنافذ ،،،والابواب وصدمات جتني قاسيه واصفعني وقال أحد الشعراء يالله ياللي من ترجاك ماخاب رب العباد اللي نخافه وندعيه حنّا على بابك يافتاح الأبواب والرزق من عندك يارزاق نرجيه وقال أحد الشعراء يالله ياللي من ترجاك ماخاب تعطي عبادك كل غايه ومطلوب وترضى على عبدك ان صلى وتاب وهو راضي بحكمك ومؤمن بكل مكتوب وقال أحد الشعراء يالله ياللّــي مــن ترجـاك ماخاب ماخـاب من يرجيك ياربّ الأربـاب يا واحــدٍ كـلّ الخـلايق تهــابه يا قابــل التوبـة بــدون حســاب اغفــر لنــا زلّاتنــا واحتسبنـا واجعل لنا في مورد الحوض مشراب جمع وبحث واعداد وتحرير الباحث والإعلامي ناصر بن حمد الفهيد تويتر https://twitter.com/alfheedn
مرتبط
