كلمات و قصة قصيدة يالطنايا حياة اليوم ملعونه مكتوبة
من القائل يالطنايا حياة اليوم ملعونه ؟
القائل هو الشاعر عويّد القرقشي الشمري
وهي قصة قديمة حدثت قبل حوالي قرن في العراق لقبائل شمر في العراق
الشيخ مثقال بن فهران اللويان الفداغي الشمري قبل وفاته روى ما وراء هذه القصيده الشهيره بموروث شمر
قال الشيخ مثقال بن فهران الفداغي ان هذه القصيدة أهداها الشاعر /عويد القرقشي إلي عشيرة الفداغة أثناء الحرب بين الفداغة وبين اليزيدية وقصتها في حربنا ذبح فيها اليزيديه زلم من شمر وخلص فشقنا وبالصباح سيرنا على محمد الذياب الجربا والى غاز نيشان وعنده له جماعه مجتمعين وعزلت ربعي وقلت لربعي حنا ما نضرب النيشان وبرزتهم هناك وشافن الجربا وجا لعندي وقال هل البلها اشوف معتزلين عن هالنيشان وش عندكم؟ قلت والله يا ابو فواز حنا الفشيقات غاليات علينا ما هو وقت النياشين لنا هالحين حنا وبين اليزيدية صار بيننا حرب ولا تخفى عليك وما عاد ننام الليل حنا واياهم مناكفه ناس تبيت ناس والفشق غالي علينا وحنا بحاجته قال ابشر وانا ابو فواز باكر اروح للموصل وابشر بصندوق فشق وقلت الله يجزاك خير وذي من اقل عطاياكم اللي نعرفها يا الجربان وما هي غريبه عليكم الفزعه والكرم وكان واقف معه عويد القرقشي وقال اما انا أبهدي لكم هوسه وقلت مقبوله منك يا ابو عراك الصبح من باكر راح ابو فواز ورجع العصر وهو جايب صندوق فشق ووزعته على ربعي اللي بيتنا حنا واياهم القرقشي قال اجتمعوا اجتمعوا ابي اقول الهوسه اللي اهديته لكم
