صاحب قصيدة يامطر جيتك وانا قطرة مويه الشاعر صقر الشمري
وقصة القصيدة كما رواها الشاعر بنفسه
يقول الشاعر صقر الشمري ابو خالد انه قبل حوالي 20 عاما كان علي بعض الديون والحال صعبة
وصادف تلك الايام ان الامير سلطان بن عبدالعزيز رحمه الله متواجد في مخيمه ايام الربيع في الحدود الشمالية والناس تروح وتزوره وتسلم عليه ويساعد الناس كما هي عادته بالكرم والمواقف الانسانية التي يشتهر بها
يقول والله وأركب سيارتي وتوكلت على الله وتوجهت للمخيم ولما وصلت المخيم وقابلني الضابط امام المخيم
وسلمت عليه وقلت والله ودي ادخل على الامير
قال حياك الله يا اخوي عندك موعد ؟
قلت موعد بالبر ؟َ! هذا بر ماله بيبان طال عمرك
قال اجل اليوم يوم شعار اذا انت شاعر ابدخلك
قلت ان شاء الله اني شاعر
قال كم قصيدتك
قلت 40 بيت
قال مما هو فاضي الامير سلطان يسمع 40 بيت لكن اوجزها واخلص
قلت انت بس دخلني هالحين وابشر بسعدك والاختصار
المهم كتب الله ودخلت على الامير الله يرحمه والخيمه مليانه من الحضور
وكان الامير مشغول ومنزل راسه يقرأ المعاريض ويشرح عليها
وقفت حوالي 10 دقايق انتظره يخلص من الاوراق والمعارض ويرفع راسه علشان القي قصيدتي
