قصيدة نجد شامت لابو تركي كتبها الشاعر فهَيِّد بن دحيم في مدح الملك عبدالعزيز – طيب الله ثراه –
والشاعر من اعيان اهل الرياض وممن عاش ومات في الجندية تحت راية الجهاد مع الملك عبدالعزيز رحمه الله في بعض غزواته وجهاده ثم مع الملك سعود وكان وجهاً من وجوه اهل العارض البارزة اذا جد الجد وحزب الامر ونادى منادي الجمع وقرعت الطبول ولبس السلاح وتجمعوا تمهيداً لايامهم المعروفة واندلاقاتهم المسعورة تجده هنالك ترمقه الابصار وتنشد نحوه الاسماع ماذا سوف يهزج به فهد بن دحيم
وكان للشاعر فهَيِّد بن دحيم حضوره المشرف دائماً في الكثير من المناسبات الوطنية الهامة للمملكة.. فهو شاعر قوي البلاغة والتأثير في نفوس الناس، وقصائده الشعرية تتميز بالحكمة والحماس والفخر نظراً لما يتمتع به هذا الشاعر من بعد النظر ورجاحة العقل وتعامله الجيد مع الكلمة الجزلة
المؤرخ السعودي الكبير المرحوم عبد الله بن خميس ذكر في كتابه «أهازيج الحرب» وهو كتاب خاص عن فن العرضات ذكر ان الشاعر فهد بن دحيم قد غاب مرة مريضاً عن التجمع ففقده القائد المؤسس الملك عبدالعزيز فقال ائتوني به ولو محمولا فجاء يغالب مرضه وهز سيفه وانشد
نجد شامت لابو تركي واخذها شيخنا واخمرت عشاقها عقب لطم خشومها
فاهتز الملك عبدالعزيز لها وتناول سيفه وجعل يتثنى بين جنده مفتخراً مزهواً وزاد الجند حماسة وعرامة واستجابة وفداء
نجد شامت لابو تركي واخذها شيخنا واخمرت عشاقها عقب لطم خشومها
لي بكت نجد العذية تهل دموعنا بالهنادي قاصرين شوارب قومها
حن هل العادات ومخضبين سيوفنا والطيور الحايمة جادعين لحومها
صعبةٍ افعالنا لي بغاها غيرنا وكلمة التوحيد حنا عمار رسومها
حن هل العوجا نهار الملاقي عيدنا والجزيرة كلها مدبين قرومها
لابتي عوج المراكيض هذا سوقنا بيعوا الارواح في الهوش باول سومها
مرخصين ارقابنا لي زهمنا شيخنا والقبايل كلها شيخنا قيدومها
في تواريخ العرب راسمين علومنا وعادة الدنيا تزول وتدوم علومها
والشاعر ابن دحيم لا يزال ذكره وصيته بين محبي الشعر الشعبي القديم، وبالأخص في احتفالات يوم العيد بإقامة العرضات السعودية، ويتم فيها شيل حربيات ابن دحيم ويأتي على رأسها القصيدة المشهورة السابقة
ومن قصائد الشاعر الشاعر فهد بن دحيم ايضا
قصيدة يا صليب الرأس
جت لابو تركي على ما تمنى يوم خلى السيف يرعف ذبابه
شيخنا سير بنا لاتونا من سعى بالحرب حنا ذهابه
يا صليب الراس زبن المجنا من سلايل وايل يلتجي به
حن هل العوجا نسابق دخنا فعلنا بين وكل درى به
كم صبي طاح يشكي طعنا فارق الدنيا وفارق شبابه
لاحتمى البارود منهم ومنا لابتي تاطا الخطر ما تهابه
لي مشينا والبيارق مشنا كل جو مشبعين ذيابه
ننثنى لعيون من هو تثنى جادل همه يعلل خضابه
قصيدة يا نجد حنالك
مني عليكم ياهل العوجا سلام يزيد واختص ربع بالمراجل تظهر حقوقها
فروخ الحرار اللي تطلع في نهار الهديد من نسل ابو تركي شبوب الحرب بسبوقها
حنا هل العوجا وحنا اللي نرد الضديد والطايله يحظى بها من عز طاروقها
يا نجد حنالك على الداعي كعام الضديد والله ما نرخص بها وسعود عشيقها
يالابتي هرج المجالس بالرخا ما يفيد يقطع صبي ما يرد النفس عن بوقها
لي قيل ابو تركي من العوجا نوى بالشديد عبدالعزيز اللي يسوق المر بحلوقها
من مات منا في نهار الكون يكتب شهيد يوم النيامس مثل برق الصيف بشعوقه
قصيدة حنا هل العادات
سلام يا شيخ على الحكام صيته رفيع لين اصطفق في نجد تسكن عقب زلزالها
نمشي براي الله ثم براي ابو الجميع عبدالعزيز اللي ملك نجد وحمى جالها
لي جا نهار للجنايز فيه مثل الصريع يمن جوانبها ويقعد ميل عيالها
كم راس راس عاصي عقب الصعاله يطيع سلطان نجد وهقوته محد تهقوى لها
واثنى علي اللي بالملاقا للسبايا وديع سلطانا لي كبرة القالات شيالها
عبدالعزيز ان باعوا الشيمة هله ما يبيع لاستصعبت يحلها ويخلص اشكالها
حنا هل العادات وانا اللي نفك المنيع كم دولة صالت علينا وارتكينا لها
يالابتي هرج على غير الصمايل يضيع ماكل من رام الثنا والطايلة نالها
من ذل منا في نهار به يشيب الرضيع ودك يعقب في المجالس عنه فنجالها
واللي وقع بنحورنا في الهوش ماله شفيع حنا هل العوجا هل العادات وانا لها
قصيدة حنا هل العوجا
شيخنا زيزوم كل القبايل اعلنت له بالثنا اربابها
ياخذ الطولة على كل طايل هقوته محد تهقوى بها
ابو تركي لاقبل الضد صايل ياخذ الطولة ويحظى بها
حن هل العوجا الى جت صمايل وشيخنا اللي نجد عيّا بها
كم صبي يحتظى بالجمايل ما يهاب النار يا طابها
ودك اللي ما مضى له فعايل يلبس الشيلة يغطى بها
قصيدة هية يالمجمول
يا سلام الله مني على عز النزيل لاصطفق في نجد تهتز عقب سكونها
حامت العقبان والذيب غاد له عويل عند ابو تركي لهم عادة يرجونها
لابتي يوم اشهب الملح غاد له زليل ياردون الموت والروح ما يغلونها
هية يالمجمول ياللي هدب عينه ظليل فيه شارات جميع العرب يشهونها
لا تراعي بعض الازوال يازين تعزيل ماوطا بالنار مع لابة ياطونها
يسحب الماهود والشال والردن الطويل وان تسابقنا المحاجي قصر من دونها
ابرق البحنحان لي جا اللقا مابه حصيل والشكا له كلها لابتي يحظونها
اقمحن يالبيض عار على مرة الذليل الكحل عيب عليها يطب عيونها
قصيدة عيدنا الحرب
شيخنا لي دعانا ماتوانينا عيدنا الحرب لي شبت مشاعيله
لي بكت دارنا معها تباكينا يوم راع اليمن جتنا مراسيله
ماكر الحكم لاولنا وتالينا شيخنا ما سكن في نجد بالحيله
بالهنادي نطوع من يعادينا الى احتمى الحرب فكينا مشاكيله
عقب اللي تخلف يوم قفينا ودك ان العذارى ما تراعي له
الفخر باكر لي من تلاقينا من تؤخر ورانا يلبس الشيله
شيخنا لي زهمنا ما تخفينا النيامس ونقل السيف وشي له
