خيره إن شاء الله قصة قصيرة من سوالف الاولين

قصة خيره إن شاء الله من سلسلة قصص سوالف الطيبين الاولين الشعبية القديمة مكتوبة بالعربية

سالفة قديمة من سوالف الأولين

ثلاثه كانوا مسافرين كل ٍ على رحوله

واحد منهم كل ماتعرضوا لمشكله قال خيره إن شاءالله

قالوا أنت كل شي عندك خيره خيره

المهم

إتفقوا الإثنين ضده وقالوا نشوف آخرتها معه

يوم جا وقت الظهر وأيضاً وصلوا إلى أرض فيها جبال

وبالقرب من أحد الجبال قال واحد من الأثنين

يا جماعه خذوا أغراضكم وسوو القهوه والغدا

وأنا آخذ الأبل ترعى شوي

نزّلوا أغراضهم

وذهب بالأبل إلى خلف الجبل

وعقل ناقة خويهم اللي يقول خيره إن شاء الله خلف الجبل

ورجع بناقته وناقة خويه

ومسوي حاله فزع ومذعور وتعبان وينادي من بعيد

يافلااااان يافلااااان

رحولك إستجّفلت وهربت

وحاولت ألحقها ولاقدرت

قال خيره إن شاء الله

قالوا رحولك راحت وتقول خيره

أنت صاحي

قال خيره إن شاء الله

قالوا بعد شوي بتشيل أغراضك على ظهرك وأمش على رجليك

تقهوى وتغدى ولا كأنه فقد أغلى مايملك

المهم

ماإنتبهوا إلا والحنشل هاجمين عليهم وأخذوا رواحلهم

وأعمى الله القوم عن ناقته لأنها كانت خلف الجبل ولا إنتبهوا لها

يوم راحوا القوم بعيد قال اللي أخفاها

أشهد بالله إنها صارت خيره

وراح وجاب رحوله وشالوا عليها أغراضهم