بنت رجال قصة قصيرة من سوالف الاولين
قصة بنت رجال من سلسلة قصص سوالف الطيبين الاولين الشعبية القديمة مكتوبة بالعربية
سالفة قديمة من سوالف الأولين
تعرفون الأولين الله يسامحهم فيهم قساوه على الحريم
وزوجاتهم أيضاً فيهن عوابه ( عوب )
المهم حصلت مشكله بين زوج وزوجته وضربها
ولولا آخر كلمة قالها لزوجته ماكتبت هذه السالفه
المهم
الرجال جلس ضايق الصدر
شوي وإذا أهل ركايب مقبلين عليه
رحب فيهم وشب النار وسوى القهوه
وعطاهم الدله قال تقهوو
وذبح لهم الذبيحه
المشكله قاعد يفكر
هل زوجته تقوم وتطبخ الذبيحه
وإلا تفشله مع الضيوف
في البر ولا حوله أحد يستفزع به
المهم
جاب الذبيحه الى قسم الحريم وتركها في قدرها
جلس مع الرياجيل يسولف معهم
وقلبه مشغول بشي ثاني
زوجته قامت
وإذا تسمع رياجيل يسولفون عند زوجها
وإذا قدر الذبيحه عند المكان اللي يطبخون فيه
عرفت إن فيه ضيوف
شبت النار وسوّت غداهم
زوجها سمع إن فيه حركه في قسم الحريم
وعرف إن زوجته قامت طيبه وسوت الغدا
إستانس وإنزاحت عن خاطره الضيقه
المهم
حروت إن الغدا جهز
ذهب إلى زوجته
وإذا الذبيحه مطبوخه وجاهزه في الصينيه
طبعاً زوجته زعلانه ماتكلمه ولاكلمها
أخذ الصينيه إلى الضيوف
وتغدوا وعينوا خير
وبعد الغداء إستأذنوا ومشوا
وما علموا إن فيه مشكله ولا حسوا بأي شي
يوم راحوا
ذهب الزوج الى زوجته
وقال تنكسر يدي إن عاد مديتها عليك
إكتفت الزوجه بهذا الوعد
وأوفى الزوج بوعده
وعاشوا بسلام
أشهد بالله إنها بنت رجال والله يكثر أمثالها
مرتبط
