لازلت احبك وهذا موجز اخباري

قصيدة لازلت احبك وهذا موجز اخباري القائل هو الشاعر السعودي محمد الراشد الرشيدي

والشاعر محمد ملهي الراشد الرشيدي شاعر سعودي ويسكن في مدينة الرياض

وسبق وان كتب قصيدة انتشرت بشكل كبير اسمها طالبات حائل كما سبق له المشاركة في برنامج شاعر المليون

وقصيدته ليس لها قصة وانما هي خيالات شاعر مثل الكثير من القصائد التي يكتبها الشعراء عندما تطرأ لهم فكرة قصيدة أو بيت

كلمات القصيدة

لازلــت احـبـك وهــذا مـوجــز اخـبــاري
وباقـي التفاصيـل انــا مشـتـاق بالـمـره

وهـبـه مــن الله تصـيـر مــلازم افـكـاري
اكـلــت قسمـك..وقـسـم الـغـيـر مـجـتـره

تـزوغ عينـي.. ولا احـدٍ لافـت انـظـاري
ولو ما ابخصك قلت ساحرني يابو غره

استاذنك؟ لانـويـت اســـج فـــي طـــاري
و(شمام) وانا اسمع الاصوات والصره

وتجتاحنـي مثـل ما يجتـاح الاعـصـاري
واطـيـح واقــوم ..مستـانـس ..ومتـشـره

وقصايدي فيـك صـارت نقـوة اشعـاري
لــو انــي اكـتـب بـوســط الـقـلـب وازره

غامـض وكـل الجماعـة تعـرف اسـراري
وحبـيـبـك مـوفـقـه ربـــي مـحــد ضــــره

كــل الــذي قـلـت هــذا مـوجـز اخـبـاري
وباقـي التفاصيـل انــا مشـتـاق بالـمـره

وللشاعر العديد من القصائد ونختار لكم قصيدتين

القصيدة الاولى

شرعوها …وزفوها ..وخلوني
اتجرع جميع الغبن بانواعــه

واكثر اللي قهرني واكبر طعوني
ابتسام العريس بداخل القاعه

جيت اسلم بعد ماخابت ظنوني
مابها شك كل اللي بقى ساعه

لون بشته مثل دنياي بعيوني
وزريها لاهب بالقلب واضلاعه

رحت اصفق يديني واختلف لوني
واتحرا..حوال الباب مطلاعه

ومن سألني علامك قلت يا عوني
قدرة الله كذا والحب واوجاعه

ادعوا الله يوفقها وخلوني
اتجرع جميع المر بانواعه

القصيدة الثانية

ياهيه انا ماني على الوصل ضاري
من يوم حبيتك اعيـش انتظـارك

بس انبسط مالك ومـال انتظـاري
ماهو لزوم انك بضيقـي تشـارك

محظوظ في شخصٍ يحب ويـداري
في كـل حالاتـك نعيمـك ونـارك

لو كـان بانـت بالبدايـه مـواري
غضيت طرفي عن تغيـر مسـارك

ماطاعت القمرا هوى كـل سـاري
افـرد جناحينـك وكمـل مطـارك

ما والله بعينـك تشـوف انكسـاري
لو عشت انا ما بين نارك وغـارك

مانـي بمترجيـك هـذا اختيـاري
وان جيت منت بضيف نورت دارك

طبعي كذا لا اغليت والبعض داري
ولك حق في مثلي تزيـد افتخـارك

خذ راحتك واترك علـي الطـواري
لو كان صبري معك عيـا يتبـارك

لو منت قـد الحـب هـذا قـراري
باعيش ليلك ليـن يطلـع نهـارك

وان قلت لي مجنون قلت اضطراري
وان قلت جبت العيد عيدك مبـارك

شكرا الي ذوقي وحسن اختيـاري
لو كان في غيري اسأت اختيـارك