رواية يمنية – روايه حب في صنعاء القديمه

قصة رواية يمنية – روايه حب في صنعاء القديمه .. روايات يمنية طويلة كاملة مكتوبة

رواية حب في صنعاء القديمة للكاتبة: عبير الكبسي أبطال الرواية: سلا ومحمد

روايه مستوحاه من واقعنا اليمني في صنعاء … وان شاء الله تعجبكم الروايه…

ونبدأ بسم الله..

يوم الخميس الصباح..

في حاره في صنعاء القديمه بيركبوا لمبات العرس وصوت الزفه ملان الحاره…ونسوان داخلات خارجات من بيت ابو عمار ال….

نسوان الحاره مجتمعات يقصقصين للغدا عرس ابنهم احمد اخو عمار الصغير…

وفي الحوش بيلعبو الجهال فارحين …جت مرت جارهم يحيى (سلوى) معاها تؤام بنات عمرهن سنتين وحامل وهي قريبه قوي ل ايناس مرت عمار الي معها محمد اكبر من التوأم بشهر وحامل علاقتهن اكثر من الخوات ..

الليل الساعه 9
مراعين للزفه تبدأ والكل بيتحيلا للتؤام ((سلا و سما )) لابسات فساتين بيض واطواق ومحمد ابن جارهن بالبدله وجالسات يتحيلين للجهال ويصورين ….

سلوى بابتسامه: ايناس ابسري ابنش يرحله من سلا بيتحيلا لها وبعد الطوق من شعرها …

ايناس: بضحكه ..ما جا الا للمسكينه سلا يسير لسما ..ماسطاه قد تمته هزوره عتخنقه بالكرفته.. ضحكين وهم بيلعبو ويرقصو فارحين..

الجده: عيوصلني الله لعرس جهالكن ونفرح بهم..
سلوى : امين .. يو تلفوني بيررن ماسمعت مع الازعاج .. الو..الوو ..هاا …مابينسمع

يحيى: اخرجي للباب جي اديلي الزنه ..

سلوى: يله تمام.

يحيى : ها لش القوا .. الله يحفظش. جهزي البنات اخرجهن الزفه وصورهن معي.

سلوى : تمام ..بس قوا انتبه لهن ..

يحيى : شازوجهن واجي..

سلوى: ضحكت.. يله ماتشتي شي شارجع العرس.

يحيى: خرج والبنات معه يصورهن تصورو الجهال وهو ماسك البنات ومحمد بيصورهم ..
.
.

مرت سنين والعائلتين اهل مع بعض نفس الاخوه .. الجهال يلعبو مع بعض ويسيرو ويجو … محمد يخاف من سما لانها مضااربه … ويحب سلا تفرع له من سما بس بعد ماتبقصهم الاثنين..
سلوى: ايناس ندخل جهالنا مدرسه مع بعض ونتداور انا وانتي من يوصلهم

ايناس: تمام في مدرسه حاليه قووي نكلم ازواجنا يبسروها… عند الرجال مخزنين .. عمار: جهز اورااق وشهايد ميلاد البنات نسير نسجلهم بكره.. يحيى: ان شاء الله .

بدأو يدرسوا وهم نفس الفصل وعدت سنه بعد سنه … يحيى: مهموم بيفكر بمشاكل اخوته من ابوه ع الورث وع البيت الي هو فيه جننوه يشتو يقسمو الورث …

فجأه تلفونه رن .. شاف الرقم استغرب والتفت لسلوى .

سلوى: خير مالك..

يحيى: رقم من خارج. جاوب .. الوو

صاحبه صلاح من امريكا: اينك يارجال لك وحشه .. مااخبارك .. بارك لي اخيرا فتحت لي شركه صغيره ومحتاجك ياخي جي نشتغل سوا

يحيى: والله مانا عارف كيف ..

صلاح: الفيزه شاجهزها وانت ..فكر مستقبلك انت والجهال..لامتى وانت مشاكل مع اخوتك ..جمع لك قروش وارجع بلادك اعمر بيت.

يحيى: ماسك دقنته بيفكر بكلامه .. تمام ان شاء الله شاردلك نابي…

سلوى: خير مالك …

يحيى : سارح ومطنن بيتفرج سلوى

سلوى: خير مالك.. من اتصلك وايش القصه..

يحيى: تنهد واخذ نفس طويل .. والله مانا داري مافعل…صلاح اتصل يقل لي فتح شركه ويشتيني اشتغل معه وعيرسل فيزه.

سلوى: وانت ليش ماتوافق ..ماعد رديت له خبر مالك.

يحيى: قطع الاتصال قبالش … وبعدا افكر مسرع ارد خبر.

سلوى: خيرة الله ..صلي استخاره وربي يقدم لنا مافيه الخير والله انها اخرج لك من دحس اخوتك شوف كيف وضعنا وكل يوم طروده من الييت .. وارتبك يلله صرفه..

يحيى: على الله…ذكرت جهزي لي الزنه معي عرس سمره ..

سلوى: يوو قامت مستعجله مالك ماتذكرني قبل مايطفووا.. يلله بساعتي اكويها ..
.
.

يحيى: فكر وقرر انه يسافر ..وصلت له الفيزه وبيتجهز للسفر .

في المدرسه….

محمد: سلا اشتي دفاترش كلهن..

سلا: رفعت حواجبها ..كلهن ليش .. مالك.

محمد: معي دروس ناقصه ماكتبتهن.

سلا : خزيت ..طيب بس خطي شووعه ماعتفهم.

محمد : سهل ..شلهن وخباهن ..العصر وهن عندش.

سما: قربت تشاور سلا طيب والله لاقل لابي ..

سلا : قلي لهم فجعتيني ..حساده حين انتي طسوس ماشل دفترش ومشيت

في بيت عمار
ايناس: بتلعب بالتلفون..جت ع بالها سلوى داخل نفسها اتصل لسلوى تجي عندي نتواله العصر..

سلوى: الو.. ايوه .. تمام اغدي يحيى والبنات واجي لاني اشتي اجابرش بموضوع

ايناس: خير .. يلا لاتتاخري

سلوى:تمام مع السلامه.

وبعد العصر راحت وجالسات مع بعض

ايناس: خير ايش الخبر..

سلوى: يحيى وصلت الفيزه اللي قلت لش وعيسافر

ايناس: مسكت وشها يوو وانتي كمان عتسيري

سلوى: لا لا .. اول هو يصلح وضعه وتجهز الفيزه له حلات.. بس بينهم البنات ومشاكل اهله وحدي

ايناس: خير لاتقلقي كما سافر ماعيجوا لش وانتي وحدش

محمد: فتح دفاتر سلا وبيطبع لها طوابع ملان الدفتر..خلص وناولها

سلا : تشتي تفتحهن

محمد: لا .لاتفتحي هنا لما تروحي البيت

سلا: ليش

سما :تستاهلي قد قطعهن لش وتمد لسانها تحانك

روحين البيت مع امهن

سلا دخلت قبل ماتجي سما ولقانتها وفتحت الدفاتر شافت الطوابع فرررحت قووي وخزيت ..لفتهن للشنطه فجيعه من سما

بيت عمار …
ايناس: ماشاءالله على محمد درجاته اوائل هو وسلا..اما سما جبرها لقانه فرص

عمار : سبحان الله كيف يتشابهين بس وحده شريره والثانيه طيبه وهادئه

عمار: محمد محماااااد.

محمد: ها فجيعه لايكون ابوه عرف بالطوابع

عمار: قالت امك انك شاطر .. ومتفوق اشتي ابني الاول

محمد: حااضر اعرفوا الا ارفع راسكم…
.
.

عدت السنوات ومحمد وسلا من صف لاصف تنافس الاثنين اوائل يستلفو كتب بعض ويكتبوا واجبات بعض ويشتري لها جعاله ويخبي في شنطتها..بس للاسف الصف السابع انفصلوا

كل واحد بصف بس بيشوفها في الراحه والفيدوس ويتعذر ان كتابه ضايع ..عشان يلقى فرصه يستلف ويكلم سلا

بيت يحيى جرس البيت بيرررن يررن

سلا: في الطاقه بتتفرج للحاره اول ماشافته نزلت بسررعه

سلوى: بنااااات الباب بيدددق

سلا: يلا هوذا انا خاطيه هاا.. فتحت وهي خازيه

محمد: موطي راسه خازي

سلا: ماتشتي

محمد: سمع انها سلا رفع راسه شافها.. هاا سلا تخايلتش سماج( سما)

سلا: ضحكت.. لا انا سلا..

محمد: اكيد احلى سلا..

سلا: خزيت قوي قلبها دق ماتشتي بسرعه..

محمد: اشتي كتاب الرياضيات لومابش معش مذاكره..

سلا: لا .. مابش معي .. الان اسير اديه

سلوى:ساعه ف الباب.. من؟؟؟

سلا : توترت بخوف هاا هو محمد يشتي كتاب وبيسالني على درس.

سلوى: اقطبي ناوليه وادخلي..ولو معش مذاكره ذاكري بحق اختش.

سما: بصوت جلف ياسلام والله ماتشم كتاب..فارحه بتوزع كتبها..

سلوى: الله يصبرني عليكن .. بديت للباب محمد ادخل يا ابني مالك

محمد: خاله.. كيف انتوا

سلوى: الحمدلله حبيبي .. قل لماما تجي عندي انا جالسه.
محمد: حاضر ..

سلا: تمت تتفاقد الكتاب وتمسحه وتعطره وسارت ناولته

محمد: مد يده يشل الكتاب وهو موطي خازي شكرا .. مع السلامه.. وروح وهو في الطريق شم الكتاب عطر رافع حواجبه مبتسم بيمشي وهو فارح..

ايناس: فتحت له الباب…كل يوم معنا كتب بتضيع ودروس مش فاهم .. لايحين

محمد: ناهي .. وايحين كل مره..قالت لكم خاله سيرو عندها

ايناس: سير تم مذاكرتك شاشل خواتك واسير..
ايناس رشاا .. زهور .. هيا اقطبين

محمد: وانا اجلس وحدي

ايناس: مع جي العب مع البنات احسن.. طنشته ومشيت مع البنات

ايناس: وصلت بيت سلوى..

سلوى: انا فدالهن زهور ورشا.. قمريات..

ايناس: مابتلمحي.. مابلا اختاري من هي لخالد..

سلوى: هههه..يكبرين واقلش

ايناس: يلا وانا شاخطب سلا لمحمد..من صغرهم ساع العصافير

سلوى: مانشتيش بدل.. خلينا حبايب بدل مانرجع نتقالع عليهم..تنهدت وسرحت

ايناس: مالش ..ياسين عليش.!!

سلوى: يحيى بيجهز الفيزه..بين اهم هم السفر وافلتش.. واهلي ويعلم الله كيف الدنيا هانك..

ايناس: ملامحها تغيرت: قووا لاتوجعي قلبي من ذلحين

سلوى: بابتسامه ممزوجه بزعل.. بين اجهز نفسيتش ..ابردي يحلها الله

ايناس: الله يعين ويستخير لكم مافيه الخير

وقت المغرب..
البناات دخلين لاعندهن ماما جاوعات

ايناس: يلا خاطرش اقوم اروح اسير ابسر محمد وحده واعشيهم

سلوى: يو مسرع ..! وعلى بعد البيت هو الا جدر يجي محمد يتعشى لاعد تروحي اتصلي للبيت..
وين زوجش..؟؟؟

ايناس: معه سمره اليوم عرس عيتأخر

سلوى: هيا مابش معش شي محمد واتصلي له والله ماتروحي حلفت.. خلينا نشبع من بعض قبل سفر الغفله

ايناس: يلا ..تمام

محمد وصل وبيتعشووا

سما: رافعه حاجب وعاوجه فمها..اوبه لكتبك يابطل من الضياع..لما عنسافر من عيسلفك..؟

محمد: رفع راسه شاف لها باستغراب !

سما: مالك …!

محمد: وين تسافري الصومال يا جده.. وبيضحك ضحكه مدرب خايف لايكونوا مسافرين صدق.؟

سما: بتفعل نفسك ابلد والا بتتبيلد !

محمد: سافري انتي وحدش ..خاله ماعتسافر معش

سما: بنظره شر وبصوت واااطي خاله والا سلا؟

محمد: مادخلش ياحساده

سلا: سما بس خباله عيب !!

سما: اغبياء والله

سلا: زيدتي بها

سما: طبعااا بتدافعي لانه حب….ماكملت كلامها.

سلا: مسكت فم سما.. مالش بتجنني اصص قلت

محمد: والله لوماتسكتي لاحشر وشش ف القلص

سما: هع هع .. اتحداك!!!

جت سلوى…

سلوى بتسمع صوت صياحهم ، قامين يبسرين مالهم..

دخلين للمطبخ وهم جالسين بياكلوا وبيتحانبوووا

سلوى:خير قدني داريه بدون ماحد يقل لي سما ومحمد صح..؟؟!!! بتبهرر لسما !

ايناس: انتوا اخوه، هيا قلنا كبرتوا عقلتوا !

محمد: بنرفززه ومقزز مش هي اختي هذه جنيه اعوذ بالله..

سما: بنظره شررر زيد وااصل ، انا شاوريك الجنان سواااا تتحداني ؟؟؟!

سلوى: مالكم قلنا ..ماوقع ؟؟

سلا: انتوا تعرفوا سما تتليقن ومحمد زعل.

سما: قامت وقفت ماسكه خصرها ههه بمسخره.. سما تتليقن صح ! تمام يا محامي الدفاع خليه ينفعش.

محمد: شافها بنظره محانكه رافع حاجب ،^^

ايناس: يلله انتوا اخوه.

تمت السمره شويه وروحت .

بيت يحيى الساعه 11 الليل
سلوى: بتغسول ف المطبخ وسما بتتحانب هي واخوها.. سلا جنب بتتفرج التلفزيون.. رن تلفون البيت قامت سلا تجاوب.

سلا: الو..الو.. باااابااا حيااا فاقدين لكم قووووي..

يحيى: حيا ب اميرتي كيف بنتي حبيبه باابا كيف خواتش وامش فاقد لكم قوي..

سلا: بتسمع وامتلت عيونها
دموع …الحمدلله《 صوتها مخنوق ايحين ترجعوا .. تعبنا بدو….ماكملت كلامها.!

سما: هزرت السماعه ..الووو بابا كيف انتو وحشتووني قوووي

سلا : سامجه اعوذ بالله ..دهفتها وقامت لاعند امها.

سلوى: جت بسرعه ويدها ملان صابون ..نسيت نفسها ومسكت التلفون،جت تجاوب الوو …..ماقدرت تتكلم فيها بكاء ..

يحيى: الله يحفظش ياروحي ..هانت خلاص انا داري طولت عليكم الغيبه متحمله مسؤوليه جهال وحدش.. بس قريب نجتمع واعوضكم كل الايام اللي بعدتها عنكم . وابشرش ياروحي اخيرا حصلت ع القرين كارد.

سلوى: ابتسمت ورجعت روحها ، صدق ..!!!

يحيى: ايوه الحمدلله.. وشبدأ اعامل لكم ان شاء الله.

سلوى: ان شاء الله ي روحي ..الله يوفقك ويسهل لك ويونس غربتك ويجمعنا ع خير.

يحيى: : اسمعي ..كلمت عمار يدخل لكم نت ..وابسركم صوت وصوره .شاحول لش بالصرفه واشتراك النت.

سلوى: تمام شاكلم مرته.

يحيى: تحتاجي شي ياغاليه.

سلوى: سلامتك وعافيتك. اوبه لنفسك الله يحفظك ويرجعك لنا بالسلامه.

يحيى: الله يسلمش، بس الله يديكم لي بالسلامه.

سلوى: ههه امين الله لايحرمنا منك.

يحيى: انتبهي للبنات .. والله معاكم .. تمت المكالمه..

بيت عمار سامرين بيتفرجوا تلفزيون هو ومرته والعيال في الصاله جنب الديوان بيلعبوا بلاستيشن

ايناس: بين اقول لو محمد ادخله مدرسه حكومي حين هو وزاري هذه السنه.

عمار: ايوه ، سابر قد مستواه حلو ..خليه يدخل شهاده وثانوي حكومي.

محمد: سمع سكته وخسر في اللعبه صيحين خواته فوقه . فلت اليد وقام دخل لاعندهم، اين حكومي والله خبرتي في الحاره بين اذاكر لهم مابيفهموا مابش مدرسين..

ايناس: ايوه وبيضيعوا كتبهم مه ؟!!

عمار: لاتخاف ادخلك احلى حكومي اشتي مجموع سوا.

محمد: طنن .. سارح بيلعب بالمدكا..

عمار: ماقلت..؟!

محمد: حاضر وقام خرج .

ايناس : عمار غدوه شاسير عند اختي منى معها جلسه.

عمار: تمام بس اتجهزي بحينه شاخرج اخزن واوصلش ع الطريق.

ايناس :تمام عنتجهز بحينه.
.
.

صباح يوم ثاني
سلوى: دخلت غرفه البنات قومين الساعة 9 ياهوانم قومين اليوم معاكن نفاض قشعين غرفتكن نتم النفاض باقي لرمضان اسبوع

سلا: قامت فتحت عينها وتتمطط.. تمام قوموا سما تفعل الصبوح دورها.

سما:هذه بتدور محارشه من الصبح.

سلوى: انا اعرف التوأم حبايب مش طباين،،! لك الحمد يارب.

ايناس: بنات قومين اقطبين معنا خرجه.. جهزين ثيابكن وكل شي وقومين نرفع.

رشا: تقلوا ما البس؟

ايناس: ازيد اهم ماتلبسي ..قومي ابسري ثياب سوا.

زهور: قامت وترفع سريرها سكته .

محمد: جالس مطنن ضابح.. دخلت امه لاعنده ..

ايناس: انت ذاهن هيا قوم اغسل وشك وجي .

محمد: اجي منافعه انا داري من حين اقوم لوما ارقد وانا بين انافع .

ايناس: خلاص شاخلي زهور تسير لابيت يحيى..

محمد: ها خلاص الان شاسير انفعكم لاعد تزعلوا مني وقرب حب امه فوق راسها..

ايناس: جنه لك كيف لوما .. واشتري ع طريقك روتي.

محمد: فارح ونسي موضوع المدرسه كل هذا كل امله يلمح سلا…ها حااضر اول اشتري روتي وارجع اسير لاعندهم واروح بدل السيره والجيه..

ايناس: ماشتيت. بس اقطب. وخرجت لاعند البنات .

محمد: قام للمرايه بيتمرى ويمشط ويفعل جل وتعطر ومتشيك كانه ساير عرس.

ايناس : بتداعي محمد شرررق هياا معي خرجه.

محمد: خرج هاا ماتشتوا؟

ايناس: بتتفرج له ومستغربه مفتحه عيونها .. اين عتسير؟!

محمد: قلتوا انفعكم ؟؟؟

ايناس: تميت نص الجل عسب تنفعني؟

زهور: فارح بروحه بيهوك قبال بنات الحاره وماده لسانها تحانك.

محمد: خززي ورجمها بالوساده وخرج.

سلا: مفلته الغرفه كلها وماسكه جرايد بتمسح الطاقه اللي جهه بيت محمد. وبتتفرج مراعيه حد يخرج.

سما: قرشتي الزجاج قراش قووومي داريه مامعش .. مش انا داريه مابتحبي ف القطعه ذيك لقن وسامج.

سلا: سمعتها وقامت من جنب الطاقه وقفت بس خباله واحترمي نفسش هو اخي.

سما: اخوش ههههه عنقلهم وهي واقفه قبالها للطاقه وسلا ظهرها للطاقه..هيا ابسرو اخوكم خرج ها .

سلا: قفت للطاقه شافته خرج..من باب البيت وبيمشي ف الحوش خرج وغلق الباب.

سما: زيدي الحقيه اخرجي معه.

سلا: ضحكت ..ناهي امانه اص لحد يسمعش.

سما: ضحكت بغمزه .تمام يلا صبوح .

قامين يصتبحين..ورن جرس الباب….

سلا: غمزت لسما انا شافتح. قربت للباب ..من؟؟

محمد: انا..

سلا: فتحت الباب واقفه وراه..بصوت خاززي ..هاا ؟

محمد: شاسير انفع بيتنا تشتوا شي..؟

سلا: ها …شم العطر لاعندها ..طيب لحظه اسير اسال.!

سلوى: ايوه راعي اكتب له في ورقه..و.. و.. وهذه الزلط.

سلا: طيب مدت يدها ناولته الورقه والفلوس.

محمد: شل الورقه وقال لها .شارجع وافتحي لي انتي اشتي اقلش حاجه.

سلا: قلبها دق .. وداخل نفسها ليش افتح انا ؟!! مايشتي يقل لي؟!

محمد: ياااي.. بتسمعي ؟

سلا: هااا.. ايوه تمام .

محمد: هزر الباب وغلق.

سلا: كانت ماسكه الباب استحبت معه .. وذهنت من التفكير ودخلت شلت مكنس

سلوى: اطلعي تمي الغرفه. ماتشتي من المكنس حق الحوش؟

سلا: كنت اشتي اكنس ، خزا قد الحوش ممهود من ورق الشجرر.

سلوى : بنبره حاده اطرحي حاجه فوقش لاتخرجي كذا .

سلا: ناهي وانتوا ماصدقتوا تحجبونا داخل البيت وخارج ياسعم من عيبسر .

سلوى: البسي ماعد انتيش جاهله.. غيرش في سنش ماسكات بيوت..

سلا: وعليها ..غيري ماسكات بيوت ناهي شالبس واكنس وادخل

سلوى: الله يصبرني يارب ..اين جت سما هوا !

سلا: بتكنس عشان لايدخل محمد والحوش هكذا.. بتجحف دق الباب ..طرحت المكنس ووقفت نفضت نفسها . وقربت للباب فتحته.

محمد: وليش تفتحي بدون ماتقلي من ؟!

سلا: هههه قد دريت انو انت

محمد: بتتشاقري او كيف لوما دريتي؟!

سلا : ببراءه مش قصدها تغازله..ردت قد كسرت قاروره العطر فوقك.. كيف ماعرفتك؟

محمد : قبل محد يبدي اسمعي الشجره حق الفرسك اللي بيننا وبينكم كسرت بقعه من البلك تحت الشجر وطرحت لش ورقه كوني تفاقدي البقعه من اليوم قدي بقعه مراسلتنا.. ماعد عنستلف كتب امي بتشك.

سلا: يوو بغير جنان ماشي لاحد يبسرها.

محمد: محد عيبسر.. ناززل بطرف التراب المهم اللي قلتلش.. مد يده هذا حقش الشوكلاته اللي بتحبيها..

سلا: قاحصه ع اسنانها وخازيه ليش تتعب نفسك. مابش داعي.

محمد: هههه هيا مش وقت المجامله من صف اول وانتي تراعي لها شليها سكته وخليني ادخل الحاجات.

سلا: مدت يدها..

محمد: ناولها الصابون..

سلا: فتحت الباب وتفرجت له واصترعت ادخل ناول امي مالك بتناولني.. وخاااازيه انكسفت

محمد: بيضحك قووي ع منظرها يضحك وهي مصروعه ..ها شلي يا بقره لاتخزيش..

سلا: رفعت حواجبها ..انا بقره ؟؟! طيب يامحمد سعرك سما.. ادعيها لك.. سماااا سماا.

محمد: مسك راسه يووو لاااا ..الله يسامحش

سلا: شلت الشوكلا وخبتها في جيب الفنيليه.

سما: هااا .. ياالله رضاك من صباح الصبح.

سلا: قلي لماما محمد جا يدي المصروف.

سما: بهنجمه، وارجلش وينهن ؟! او حنبين ادخلي انتي… او قد انتي الحارس حق البيت؟!

محمد: بنظره محانكه لسلا تستاااااهلي .

سلوى: بديت من الباب ادخل يامحمد ..

محمد: مستعجل امي مراعيين فوق الصبوح الروتي معي..

سلوى: شليهن ياسلا منه .. تسلم يابني بنتعبك الله يحفظك.

محمد: لا ياخاله . اي شي تشتوه قلوا لي انا وخالد سوا.

سما: اول انفع خاله. يا انا وخالد سوا.

سلوى:هزرت سما لاداخل .. بصياح قلنا تمي عملش.

محمد : مع السلامه

سلا: غلقت بعده الباب وجحفت الكنس وشافت امها دخلت سارت للشجره .. بتدور . لقيت ورقه بيضا ملفوووفه محنبه بين البلك. شلتها وعطفتها مربعااات وخبتها في جيبها ودخلت.

محمد: وصل البيت دخل الحوش قرب للشجره حقهم وشاف الورقه مابحد فرح ودخل..

ايناس: سااااعه .. اين انت من اول .. ؟؟!

محمد : سرت لخاله ونفعتهم .

ايناس: ادخل اصتبح قد الصبوح بارد.

محمد: دخل بعدوا من بقعتي..هياا فسحوا .. وجلس لقف القلص اللي يعجبه يشرب فيه شاهي حق العسل ابو ممسك صغير.

ايناس: يابني عتعقل عتكبر قد انت رجال.

فجأة قطع مجابرتهم التلفون بيرن..

ايناس : بغير محانبه اصتبحوا ..انا شاجاوب.. رفعت السماعه… هاااه؟

سلوى: ماهو هاااه ! وضحكت..

ايناس: مانفعل هم زد يخلوا للواحد عقل

سلوى: مابتفعلي؟

ايناس : والله بين تحمل حمله اتم كل شي معي خرجه بيت منى عتجي معي؟

سلوى: يو عادني قلت اتصلش نخرج نتصرف .. قدني انفض وبكره نخرج .. مارايش معش شي؟؟

ايناس: بكره وعينها عليهم بيصتبحوا ومحانبه ..تمام بكره نخرج .

سلوى: زد.كلمتي عمار ع النت. ؟

ايناس: ايوه.. اليوم لوما يرجع شانبيش.

بعد ماتمين مجابره غلقين التلفون..

سلا: واقفه قبال الدولاب ويدها داخل بين الملابس وبرجلها ماسكه باب الغرفه مركيه له وبخوف وحذر فتحت الورقه ابتسمت ابسرتها مسطره بالوان وكل سطر بلون قلم ومكتوب….
سلا..انتي عارفه انش واحده غيرر في حياتي.. مش مثل سما .. انتي ثانيه.. انتي الطيبه الجميله..انا اشتي اقلش شي لاتزعلي مني.. انا ..
سمعت صوت عطفتها وخبتها…

سلوى: ها تميتي وقت الثيابات والمكان منعوث هكذا ؟؟؟!……
.
.

العصر بيت عمار ..
عمار وصل وفعل اشتراك نت بيت يحيى وادى لهم المودم والباس وورد..

تغدوا ووصلها بيت منى وهو سار يخزن.

ايناس: بتسلم على ابن اختها احمد

زهور سلمت.. ورشا خازيه سلمت ودخلوا

بيت يحيى
سلوى: تمت صلت وتنهدت بتعب تمت البيت هي والبنات.. وقالت لهن يفتحين النت

سلا: عادو ماقد حملناش السكايب ماعرفش كلموا خاله ايناس

سما: بلقانه وترقق صوتها زي سلا وترمش بعيونها بمسخره.. لايكلموش خاله ايناس ولااا انا شاحمل ياخوشا هاتي

حملته وبدأوا يتجابروا…

ومازد وقع اي حدث مهم هذك اليوم.

ثاني يوم الصبح..
تجهزين سلوى وايناس والجهال لبسوا خرجوا معاهن

وصلين شميله بيتصرفين كل واحد ماسك سله

سلا : بتمشي ومرتبشه خازيه من محمد .. بتجحف للعربيه كل شي..

سما: شافتهم بنفس قسم الجعاله سارت شلت 3 كراتين شوكلاته من اللي بيديها محمد لسلا وطرحتها في عربيته وهو خززي وانحرج

سلا: بهررت لها وقربت منها الحجه عندي بين اقلش كل شي ياخبلا هكذا تفعلي عيب

محمد: قسم اكل الحيوانات جحف اكل كلاب وطرحهن في عربيه سما..

تم التصراف وهم بيتحانبوا.. وهو يفكر في سلا يعجبه شي ويشوف قيمته ويحسب بكم عيوقع. عتكفيه الفلوس اللي في جيبه ؟؟؟!!!

راح لاعند امه وقال لها شاخرج اراعي خارج ضبحت حمى..

سار حاسب بسرعه وخباهن في اكياس

تمين النسوان وخرجين شل منهن الاكياس للسياره وكيس سلا دخل داخله الكيس حقه اللي شل لها.. دبدوب وقلص وشكلاته اللي تحبها

وصلوا البيت.. واستغربت سلا.. عرفت انها منه لما شل الكيس من يدها.. وخبتهن في الدولاب..

ذكرت الرساله..ع جيه الام..
خرجين ملابسكن الباليه… نوزعها اجر ..

سلا : بخووف وربكه خبت الورقه في جيب بنطلونها تحت ملابسها..
وخرجت اللي مابتلبسهن..

سلوى: بتتفرج للباقي وهذا شوعه فوقش خرجيه…..

سلا: بتتبرقط من داخلها.. هذا بيعجبني الصدق اشتي افعل به محفظه.

سلوى: انتين اخبر.. وخرجت الغرفه الثانيه ترتب دولابها..

سلا: شلت الورقه ودخلت الحمام تقراها..عادتها مره ثانيه وهي منسجمه ووصلت لكلمه انا…

سما: رزعت الباب بقووه

سلا:نكزت ونكعت الورقه للارض ..جحفه تجحفش ياسماااج . مالش هيا احلمي اخرج..

سما: بتضحك و جالسه تطبل في الباب

سلا : طنشتها وطت مسكت الورقه باطراف اصابعها ابتلت وذااب الحبر.. ماكملت.. رجمتها وسحبت السيفون.. وخرجت وهي ضابحه من سما

سما: مالش اليوم بتتقارحي

سلا: قد زيدتي بها الجنان والخباله ورزعت لها الباب ومشيت

سما: عوجت فمها ورفعت حاجب بتجابر داخل نفسها مدري مالها مش اول مره امزح معها.!!!!!

سلا: بتجابر نفسها لو حد يشوف الورقه واحنا نتراسل لو ابوه يبسروها يوو خزاا والله مارد له رساله

ذكرت انها وهي بتنفض لقيت كتاب قديم حق السنه الاولى حقه كان معها.. فتحت وبتتفرج وتقلب لقيت في صفحه..

كلمات اغنيه وحرف S داخل قلب ومرنقش..
قلبهااا دق.. ودورت بقيه الصفحات مابش .. شطت الورقه وخبتها تحت الموكيت تحت سريرها

وبعد ايام..ليله رمضان ..
الجهال بيحرقوا في الشارع وهن راجعات من حفله يانفس ماتشتي مع صحباتهن اللي في الحاره.. شافهن محمد ووطى راسه عشان العيال لاحد يشوف

محمد: روح البيت وعلاقته برشا قوي. سألها كيف الحفله ؟

رشا: حاليه.. وبغمزه .بكره لو مش رمضان عنسير عند سلاااااا…

محمد: مسك فمها وكمل لها الجمله وسماج .. وضحكوا

زهور: بطبعها عاقله شويه ورزينه بهنجمه قوموا من فوق سريري .

سلوى: بناااات ادين الريموت نقلب الاخبار بكره رمضان او ماشي؟

سما: فتحت.. وهم فاعلين اعلان غدا اول ايام شهر رمضان المبارك..

ماتسمع الا البنات وخالد بصوت واحد هيييييي وتنباع اخيرا رمضاان قد احنا فاقدين له.

سلوى: حست بضيق وتنهدت لاغيب ابوكم…

.
.

اول يوم رمضان
كان جمعه… وقت صلاه الظهر الكل قام..الرجال ماسكين الحمامات حاله طوارئ يلحقوا الصلاه..والنسوان بيقرين قران..

عمار وابنه مروا من جنب بيت يحيى ودقوا الباب لخالد يخرج يصلي معاهم

سلوى: تميتين الدريس قومين.. ندخل المطبخ..

سما:بفرحه هيااا قوي متحمسه قامت بعدت ثياب الصلاه ورفعت الختمه شاسبقكم… تحب المطبخ بعكس سلا..تحب تفعل حلويات بس..

سلا: انا شارفع الغرفه والسراير.. طلعت الدرج ودخلت باب غرفتها فتحت الستاره والطاقه الجو كان حاااالي غيوووم وشم رمضاان.

《كيف شم؟؟! مدري بس له شم ثاني..!! المهم بتتامل السحب سمعت الباب افتتح كان مردود وخالد ومحمد جايين من الجامع.

محمد: رفع راسه للطاقه حقها ع طول شافها ابتسم.. نزل راسه

سلا: هربت من قدام الطاقه ونزلت الشبك..وبتتشاقرر..

سما: دلا دلا بتتسحب دخلت وخفعت ظهر سلا.. رمضااان صومي من المشاقره

سلا : نكزت التفتت وقلبها بيدددددق شافت وانها سما بضبح ممزوج بخوف اللهم اني صائم بس…

سما: يكفيش راعي للفطور وعنسير نسمر عندهم..

سلا: وياسعم عادحنا زي زمان بنجلس سوا…

سما: رفعت حواجبها وجاوبت بلقانه ..يهي يهي عاد تيه كذاك.. قالوا ماما ادي لهم الفلوس المصروفه اللي ناولوش امس ترفعيها..بسرعه .. خالد عيسسير مع عمو عمار يشركوا لنا.

سلا: ها .. تمام الااان.

سلا: نزلت..دخلت المطبخ مكنت امها الزلط

نجي لبيت عمارر :
ايناس : زهور رشاااا… سااااعه بتقشعين ديواااان…جين اشتي معاونه وماسكه التلفون بتتصل ..ردت سلوى… الوو.

سلوى: حيا.. شهر مبارك ..

ايناس: ع الجميع يارب.. اسمعي اشتي لافعلتي لحوح تدي لي عيجين خوات عمار وازواجهن يتعشو ولابعد الفطور جي اسمري انتي والبنات لاتتأخري.

سلوى: حااضر ولايهمش من عيوني..ولو تشتي معاونه نبيتيني. وخلصين يتجابرين……

زهور: بتبخر ملابس الصلاه ..وتعطفهن.

رشا: جالسه توزز امها .. اتصلي لخالاتي ليش اما عماتي نشتي بنات خالتي نلعب معاهن

ايناس: تقولي؟ قدي جلسه من مره.. يلا شاتصل لهن يجين سمره.. والعشاء يوم ثاني..

رشا: فررحت وقامت تمسح الماسات.

بيت يحيى
سلوى: سما يو جبر بنتي الحميشش.. وين جت سلا.. هن الا سراير البيت نظيف من امس خرجت راسها من المطبخ سلااا..؟

سلا: هااا .. ؟؟حااضر جيت..تميت.

سلوى: سيري البسي وجي شلي اللحوح لخالتش.

سلا: طلعت لبست ومافكرت انها عتشوفه..نزلت شلتهن ومشيت.

كان مطررر خفيف بدأ ينزل بدأ قوووي وهي وترن الجرررس
محد بيرررد ..!! وانهم طفوووا الكهرباء رجعت
كانت تدددق الباب تدق ..

خرج محمد يفتح بسرعه ..يوو قد انتي خضرااا قوي ادخلي امد مايوقف..

سلا: مطر ورعووود افتجعت دخلت.

محمد: دخلوا من باب الحوش ووقفها عند باب البيت قبل مايدخلوا هاا قريتي؟؟؟ !!

سلا: للنص بس ..بعدا قطعت كلامها.. ايوه ذكرت لاترسل اخاف حد يبسر عيضربونا

محمد: بعد العيد شانقل مدرسه ثانيه وماقدرش استلف كتب شاكون اشتري لش شوكلات وادخل ورقه فيها .قاطعهم الباب.

ايناس: فتحت الباب . يووو كيف قد انتي خضرا اددخلي برد عليش.

سلا:دخلت وهي خاززيه وفارررحه ان في عذر تسير عندهم..

ايناس: اطلعي لزهور خليها تدي لش ثياب..

محمد: فاررح ونفسه يجاوب يقل ايوه بس مادخله.. ساكت

سلا:طلعت وجلست تتجابر مع البنات وغيرت البالطو ونزلت ودخلت للمطبخ ،خاله شاروح ماما عيقلقووا..

ايناس: انا شاتصلها .. مطررر لما يوقف واشتيش تعااونيني..

سلا: مبتسمه وفارحه تمام.

ايناس: لفي السمبوسه تعرفي؟

سلا: هزت راسها ايوه ..ادوها.. بدات تلف.

محمد: واقف بيدور عذر لوقفته.. ابسرتووا حقي الساعه.

ايناس: مش وقتها.. بتبسر مابنفعل..!!!

محمد: تشتوا معاونه؟؟

سلا: بتلف وهي تسمع سكته

ايناس: ايوووه رضي عليك ..جي لاهنا.

محمد: دخل فارح واقف ها ايش اسوي.

ايناس: لحظه الف لك الزباله خرجها.

محمد: التفت لاعند سلا.. تحيول بعينه وفعل نفسه بيبكي

سلا: كركرت بصوت ماقدرت تمسك نفسها.وخرجت لسانها تحانك.

ايناس: التفتت شافته ضحكت.. قالت يله مسرع كبرتووا..كم كنا نتحيلا لكم….كملت تحكي لهم مواقف وهم صغار.

سلا: خزيت وابتسمت.

محمد: انا مش داري كيف قادره تعيشي مع الوحش سما.

ايناس: وهي بتلف له المغسله.. وتجابرهم سما نزززغه…بس عتكبر وترجع ساع سلا.

سلا: خاله خلصت.. باقي معاكم شي ثاني.

محمد: جي ارجمي الزباله بدلي ومد لسانه ورافع حاجبه دايما هذه الحركه رفعه حاجب العين اليسار.

سلا: مابتبرد قلبي فيك الا سما.

ايناس: ناولت محمد الكيس. بتغسل يدها. تسلمي ياروحي .. خلاص البنات عيتمين ويجين معي. اجلسي تعشي شاكلم امش

سلا: لا .. اول يوم اتعشى معاهم. وانتوا معاكم ضيوف مره ثانيه.

محمد: يبهرر ويكشر حواجبه ويهز راااسه لا ورا امه..

سلا: عينها ورا ايناس وضحكت من حركات محمد

ايناس: التفتت وراها ومحمد بيرفع حواجبه وينزلهن.. قالت قوم اخرج ..شرررق.

سلا: خرجت هي ومحمد سوا..شدهم قوس قزح بيتاملوا له..

زهور: من الطاقه واقفه.. شافتهم فتحتها..وقربت ..روميو وجوليت انتي وياه قوس قزح والزباله في يده خرجهاا عادني تميت ابخر.

محمد:ادخلي ياهبلا انتي والشعفله هاا.

سلا : يلا مع السلامه .. نتلاقى بعدين.

محمد: بصوت واطي ..ان شاء الله لاتتاخري

سلا :ضحكت وخرجت من الباب وع طوووول لابيتهم.

وصلت.. وسما في الغرفه بتجهز لها ثياب..

سلوى : في المطبخ..من جا؟؟؟ سلاا ا!! لاذلحين ياقمرر..؟؟!

سلا: بخوف.. وانا مادخلني .. نزل مطر وخاله صيحت واتصلت لكم.. وقالت اعاونها

سلوى: ها صح نسسسسيت..
.
.

وقت المغرب..
فضيت الشوارع من الزحمه والبقالات والجوامع بدأت تمتلي في كل حاره..والنسوان في البيوت اللي تقلي السمبوسه واللي بيتجهز للوضوء للصلاه..
الجهال اللي اول يوم يصوموا ماسكين تمر والماء وعصير..

السفره امتدت ورجعوا الرجال من الجوامع وبدأوا يفطروا..

بيت يحيى..
سلوى: ماسكه التمر وبتدعي وهي بتشوف بقعه يحيى فاضيه دمعت ودعت له ولبناتها …وفطرت.

سلا: بس ياسماج تميتي العصير الناس يفطروا بقلص..!

سما:طرحت القلص ..وبانت ملامح زعل ع وشها ذكرتيني ببابا. يصيحوا لاشربنا كثير..

خالد: ولما يخرجونا قبل المغرب نلوي ويجعلوا لنا عشان لانتعب من الصيام..

سلوى: قاطعتهم.. ماحبت تغثي الجهال، هيا اقطبوا نتعشى ونتصل له

بيت عمار
ايناس رفعت العشاء.. ومستعجله تجهز الزنه حق زوجها يخرج.. وذكرت الحليب.. خرجت لاعندهم للصاله .. وكل واحد ممدد بيتفرجوا التلفزيون..

بنات المطبخ واحده تغسول وواحده تطرح الناره..

محمد سير اشتري حليب شاهي.وماء وببسي..

عمار: هيا اقطبي ..معاكم حاجه بارده نحلي.

ايناس: مسكت وشها يوو نسيتك نسيك الموت..الان اديلك من عيوني.

عمار: ياسين على عيونش.. لهن النور والضياء

رشا: بفقعسه جبرررني بكم والرمسسه مابقيتوا للاتراك شي.

عمار: اختي رشا بدأت للقانه سيري عاوني امش.

بيت يحيى”””
سلا: سمااا اين جا حقي الاكسسوار اللي بفص ازرق

سما:مم ماعرفش بكل هدووء موطيه راسها بتصبغ اظافرها ..

سلا: الااااا عندش اخر مره لبستيه انتي..

سما:ماعندش حجه الدب والقلص اعمين عيونش .. دخلتيهن في القلص حق حبيب قلبش..

سلا: استغربت!! وقحصت فمها.. التفتت لها مادراش وليش تفتحي دولابي..

سما: غمزت لها بمحانكه انا توأمش بين احس بكل شي.

سلوى: صلت ولبست وجت لاعند البناات .

فتحت الباب وواحده بتتصبغ وواحده واقفه تدور الاكسسوار..

سلوى:: بسرتهن بضبح سااااعه ؟؟؟! مراعيه من اول وماجهزتين؟؟!

سما: يووو جبرني بسلوى القمريه حقنا هيا سيروا ابسروا الرسمه حقكم قدي تفحيطه وضعوها وجوا

سلوى: بابتسامه فحطوا عدوش مادخلش قومي البسي.. يالقانه؟
.
.

ايناس: بترتب صحون الفطاير والبيتزا والحلا ..ذكرت قلصات الشاهي راحت تديهن

زهور: مهرتها تلوي بالمبخرره..بتبخرر البيت والغرف.

رشا بتلمع المداعه

ايناس: الحمدلله كل شي جاهز .. جت للصاله بديت ومحمد بيتفرج تلفزيون.. !!! يااااي ما بتفعل هنا عتتفرط معنا؟؟

محمد: واين اسير ؟؟؟

ايناس: الشارع حق يوميه!! ليش اما اليوم عدمت الاماكن وحلقت عليك

قاطعها صووت الباب

زهور: فتحت الباب وبتسلم عليهن دخلين

ايناس: مبهرره بتتفرج له ابسرررت !!! هيا قوم اخرج

خرج وشاف سلوى سلم عليها…وخزي يبسر البنات قال كيف الحال وخرج

سما: واقفه جنب سلا بقصت يدها وهذك ردت لها البقصه

دخلين وجلسين

والنسوان بدأين يجين وكانت جلسه حاليه في ديوان يمني بتراث صنعاني..والمعشره في الوسط والمداعه..

الماسات مرتبه فوقهن الماء وببسي للمخزنات..

والبنات طرف المكان بيتجابرين..

اخت عمار: سلوى ، ماشاءالله ع البناات كبرين قمارى ويتشااابهين قوووي مابين افرق بينهن

ايناس: ايوه ماشاءالله بس بنفرق احنا بالطباع مختلفه

البناات خازيااات وزهور ورشا بيتليقنين عليهن.

سما: قربت للبنات بصوت واطي عنعلق فوقنا شباشب ساع الغنم يفرقوا بيننا وجلسين يتكركرين….

.
.

في الحوش بيت عمار..
محمد: جالس في الحوش داخل سياره ابوه فاتح اغاني وبياكل جعاله..بعد ماخرج للحاره مالقي خبرته.. مطفي السياره وجالس ضااااابح.. دق الباب فتح ..عمته اماني وعيالها .. شاف لؤي ..هلااا اخيرااا جا لي ونيس

عمته: ماشي عيروح مع ابوه سير معه هنا نسوان

محمد: مسك يد عمته قووا خلوه يدخل ضبحت..عنجلس فوق السياره..

اماني: حاكي ابوك وادخل عند محمد وماشتيش جنان نسوان ملان.

لؤي: هزا راسه حاضر ومشخررر فارح

محمد: اداك الله…دخلوا السياره لؤي جلس جنبه قدام،، محمدالتفت له حيااك هذي ضيافتك رجم له ويفر

اماني دخلت هي والبناات ، سلمين وجلسين..

شافت سلا وسما. باستغراب مااشاءالله سما وسلا ؟؟؟؟!! سبحان الله والشبه قمارى .. كبرتين!!

ايناس:معذوره قدلش عمررر مغتربه ماقدلش الا 4 شهور من حين جيتي ماعرفتيهن، هولا بناتي .

اماني: اذكرهن في عرس اخي احمد بالفساتين البيض جبرهن..

سلا وسما خازيات موطيات راسهن بيباقصين

زهور ورشا هيا نقوم نخرج قد احنا تلفزيون هههه.

زهور: والله ان المداعه غاثتني سار شم البخور هيااا نخرج الحوش نلعب

البنات بصوت واحد هيا قامين..خرجين وبيفكرين مايلعبين ..خورين ملاحقه اتوزعين داخل ولبسين الجزمات( عزكم الله )واول مافتحين الباب الحوش هيااا وبداين الملاحقه..

ؤي ومحمد: صوت الاغاني داخل السياره ماشافوا الا ولعت اللمبه حق الحوش وهجوووم البنات بيتلاحقين …تفرجوا لبعض بطنانه وجلسوا يتكركرووا

لمح سلا واقفه بتلف شعرها كان مفتوح طنن يفكر هي سلا او سما مش باين !!

لؤي : دكمه ياااي محمد ماااانفعل ودافه الظاهر مش عارفات انحنا هنا قال له طرررق السياره..

محمد: طرررق قووي

سلا : التفتت استغربت وتفاجأت وفلتت شعرها افتجعت تشتي تحمل فلتت من درجتين واعتاصت رجلها ..!

محمد: شافها وافتجع فتح باب السياره ..رفع حواجبه سلا او سما؟؟

سلا: ماردت ماسكه رجلها بتشوف دم انجرحت اصبعها في البلاط حق الدرج.. ورجلها بتووووجع بكيت

محمد: بخووف قرب شافها سلااا؟؟؟! مالش بتبكي يووو رجلش مجروحه … التفت يدور البنات ياا زهورر رشااا،،،؟؟!

لؤي : مانزل ..قدو خاززي ومطنن لايوقع لهم تهزيء!

محمد: مسكها تقووم ..قامت وبتمشي برجل

جت زهور مسكتها دخلنها البنات

رشا: خرجت مالك فجعتنا انت في السياره؟ فكرتك خارج!!

محمد : ادخلين انا ولؤي فوق السياره.

رشا: بقزازه وعاوجه فمها لؤي؟!!!!

محمد: مش وقت التخوار وملامح خوف،،، تنهد ابسرين سلا فلتت من الدرج..

رشا: بنظرره نااهي لك، قدي داخل.

سلوى: خاااايفه بتشوف رجل بنتها وان الجرح كبير اصبعها.

سلا: بتبكي وووجع قووي..

ايناس: لاتقلقي عمار بيت حسين ال.. قريب .. الان اتصله يجي يشلها..

سلوى: مربوشه وخايفه سما .ادي البالطو حقي وحق اختش ..

عمار: جاء شلهم المستشفى..

محمد: جااالس سكته طفى الاغاني وزاااعل انه سلا !! وبسببه؟

لؤي: مالك حلقتها ياسعم انو موت .. البنات شخيطات..

محمد: التفت للؤي .. مش سلا..!

لؤي: من سلا وايش معنى سلا؟ ومن اين تعرفها؟

محمد: مش وقتك ياكونان. الله يستر

.
.

في المستشفى..
جارحوا لها وخيطوا اصبعها ..وطلع التواء في المفصل .. جبسوا رجلها وروحت …

ايناس: ودعت ضيوفها .. ودعت البنات يجين يرفعين معها يعاوننها.
.
.

وصلوا من المستشفى سلوى دخلت بيتها مع سلا وخالد..

عمار: وصل وبيحكي لها مافعلوا لسلا..بيسألها كيف فلتت؟

ايناس: قالين لي البنات ان….وتمت حكت له.اتصلت لسلوى..

سلوى: يله خير.. مابش شي. .قلي لسما تروح وسامحيني شغلتكم.

ايناس: مابش شي.. الله يهديهم بس الجهال.

.
.

ثاني يوم الكل قام وقت صلاه الظهر…
محمد: اول ماقام ..ذكر اللي حصل امس وبيأنبه ضميره اللي حصل لسلا بسببه .وبيفكر بخطه عشان يشوفها..!

ايناس: فتحت الباب شافته صاحي..هيا صلاه.

محمد: طيب الان ليش لابسين وين عتسيروا؟

ايناس: اسير ابسر سلا ، ماكرها طلع الصبح.

محمد: هز راسه تمام.

ايناس: انا شاسير الان وانتين تمين العمل ولابعد الفطور ارجعين زورين سلا.

زهور: حاضر .

وخرجت ايناس..
محمد: قرب لزهور يااي قالت امي تسيرين صح؟

زهور: قربت مثله تتمسخر عليه ايوووه عنسير والمطلوب من الاخر!

محمد: وقعي لها في الجبس واكتبي هكذا( انا اسف ياسلا ..جعلي مكسر اناا ) واكتبي تاريخ امس

زهور: ضحكت وتشتي ترد تذكر كلامه وتضحككك،ها ماقلت ايش من قصيده اكتب واوقع !

محمد: خزي ويغالط موقفه بس خباله ! اناا حرر مادخلش اكتبي اللي قلت لش وبس.

رشا: سمعتهم جت على ايش بتضحكي يامدكومه ؟

محمد: بابتسامه والله ماتنفعيني الا انتي داري باختي حبيبتي .التفت لزهور بنظره احنا والعاقلين قوي! وعوج فمه.

رشا: ماتشتي ؟

زهور: اكتبي له ضمانه ان هو عتكتسر رجله بدل سلا وافعلي تاريخ وتكررركر تضحك

رشا:ضحككككت… محمد مالكم مافهمت؟

محمد: التفت بحقد لزهور باااايخه والله انش سامجه.

زهور: الا قوااا.. يامنعاااه وفلتت وخرجت وهي بتضحك.

محمد : التفت لرشا اسمعي قلت للخبلا تيه لما تروحين تزورين سلا بخط صغيرر اكتبي سلامتش ياسلا اسف وتاريخ امس

رشا: هاااا بس كذيه حاضر مالها هذه ضحكت وضمانه.؟!

محمد : الصدق انا قلت تزيد جنب اسف جعلي مكسر عليش وماكمل كلامه ضحكك

رشا: ضحككت .ها كان سوا. يلا تمام.

محمد: حجفها انتي اختي االحااليه

رشا:ابتسمت دهفته نااهي يامصلحي

محمد: بيرفع لها حواجبه ويضحكها.

ايناس: مرعوا سلا علينا امس.

سما: ردت بغيره واناا؟ اناضد المرعه اوكيف!

ايناس: ضحكت ، انتي لسانش بيصد عيون خلق الله عليش وبيرجع كله فوق تيه المسكينه.

سما: شافت لسلا بنظره كان وراااها كلااام..وردت بصوت هاااادئ حتى انتوا ياخاله بتحبوا سلا وتدافعوا عليها

ايناس: يو منش يانززغه كيف بتفهمي.. والله اني احبكن سوا بس اختش رحيمه.. انتي بتشلي حقش.

سلوى: الله يعينني انا هكذاا واااصل دحسس.

بعد الفطور..
رشا وزهور بيضحكين مع سما وسلا وبيتخيلين موقفها لما فلتت ويضحكين ويتليغجين عليها..

رشا: سما ، زهور هيا نوقع لها في الجبس شكل رجلها مضحك هكذا.

سلا: ابتسمت ردت وبملامح مرهقه، ماتوقعين؟! فلتين لرجلي حالها.

سما: والله فكررره راعين..سارت ادت اقلام والوان وصباغ اظافر..

كل واحده مسكت قلم ويشخبطين.

رشا: شافت سلا انا لقفت بقعه كتابتين وحانكتها بلسانها..

سلا: فهمت بس خازيه.. وجاوبتها، ماقصدش؟

رشا: شافتها بتعجب متأااااكده عادش بتسألي؟ اقل ماقصدي وغمزت بتهديد؟

سلا:ههههه شلوش بس قلي ماعتكتبي..؟

رشا: اللي كسر رجلش امس قال نتاسف لش بضمان وضحكككت هي وزهور..

سما: ياااي مااالكن ؟

رجعين حكين القصه لسما وسلا..وجلسين يضحكين ووقعين وكتبين كل شي بس اسمه بخط خفييييف فضي مش باين..

وجلسين يفعلين حروف انجليزيه بس الM يخلنه مميززز بلون واحد احمرر.

.
.

عدت الايام تباخرت سلا وبعدت الجبس بس احتفظت به….

مر رمضااان بسرعه بدون مايحسوا الناس..

بدأت الاواخر والصلاه في الجوامع..وشوارع صنعاء حياااه ..

سلوى: تجهزت و خرجت هي والبنات يصلين ومرت لايناس وبناتها.

محمد: كان في الحوش فتح الباب و رد السلام.

سلوى:دخلت لباب الحوش تدعي ايناس .

محمد:فرح حين سارت سلوى،قرب لسلا كيف انتي افتهنتي اخيررا خرجتي؟!

سما: قاطعته امررع مازد في نفسك اكسر الثانيه عشان نفتح لك معرض رسم وتواقيع.

سلا: ضحكت..وسألته عتسير تصلي؟ خالد وحده ف البيت.

محمد: ليش وحده ايووه شاسير واشله معي

خرجين سلوى وايناس وبناتها وساروا كلهم.
.
.

رجعوا من الجامع كلهم وهن بيتجابرين ويتفقين متى يروحين السوق يكسين الجهال.

سلوى: خلاص اي حين ما حول يحيى الزلط شانبيش..

ايناس: تمام مراعيه نلفى السوق قبل مايخلصين الثيابات الحاليه

تمين هدار..وصلين وروحت كل واحده بيتها.
.

وبعد يومين استلمت الفلوس واتفقين يخرجين السوق مع جهالهن كلهن…. وخرجوا كلهم السوق…

البناات كانين يتفرجين محلات الشنط مع بعض ..

وخالد ومحمد بيتفرجوا محلات شبابيه وبنطلونات جنز مع بعض ..

والنسوان بيتفرجين الاقمشه ويتجابرين..

خلصوا الكسوه وجوعوا.. جلسوا كلهم في كافتيريا ف مول وطلبوا شبس وعصير وسندوتشات

سما: بلقانتها ماخلت حد ساير وجاي وماضحكت عليه، غير المقالب لهم في المحلات خلتهم ينبسطوا قووي وتفعل جو لسلا ومحمد وتحرجهم.. المهم..

محمد بيفكر داخل نفسه في عيدميلاد سلا بكره مايشتررري لها ؟؟؟ وهو بياكل بسرعه جت له فكره … طرح السندوتش وقام قبل مايخلصوا .

ايناس:لفتت له بتسأل اين عتسير؟

محمد: شافها وجاوب بهدوء اغسل يدي واجي..

سار بسرعه دخل محل خواتم واختار خاتم فضه.. ****المهم اخذه وغلفه ع الطريق لقي عربية جعاله شاف شكلاته سلا ابتسم و شل ام اند امز فتحه وبياكل حبه حبه وهو رافع راسه لافوق وبيمشي وصل لاعندهم فارح..وتفرج لسلا وبياكل .. ابتسم وسأل ها من يشتي لاتنفسووني عين ويكتسر سني وشاف سلا وبيرفع حواجبه بهباله ويضحكهم..

رشا: قربت هزرته من يده.. بغير محانكه ادي لي..

محمد: فرح هاتي يدش سكبهن كلهن لايدها وشافها.

رشا:رفعت راسها شافت له بصدمه.. كوووللللهن ! كيف لك؟؟!

محمد: مش لش وحدش كلوا كلكم…وخبى الكيس في جيبه..

خلصوا وهم ماشيين شافين محل دخلين..

محمد: بدون محد ينتبه له خرج الكيس من جيبه ودخل علبه الخاتم..وكرت كتب فيه كل سنه وانتي طيبه♡

لمح سلا وحدها واقفه تتفرج الاكسسوار من خارج والكل داخل..

قرب قالها ها امسكي خبي في الشنطه بشرط اماااانه افتحيها بكره..

سلا: مبلووده التفتت له ومسكت الكيس لايفلت ! ماهو هذا وليش بكره؟؟ رافعه حواجبها مستغربه!

محمد: هذا …سكت ولف عينه يشوف وراها المحل قال هااا هوذا جوووا.

سلا: التفتت تشوفهم محد خرج .. رجعت لفت له وضحكت مبينه اسنانها بمسخره زباج

محمد: ناهي لفي اسنانش بيكزززين بياض لانمرعهن وتقولوا كسرناهن.

سلا: لاقد علقت توقع خفيف دم ماتعرف تجاوبك الا سما..

خرجت سما الاولى من المحل..

محمد: ها اعوووذ بالله اذكرررهم يجوووا لك.

سما: يجوا لك انت ، مالك شكلك واحد منهم .

خرجين وهن بيتجابرين.. وروحووا البيت…

سلا: اووول ماوصلت البيت فتحت الشنطه وتشتي تفتح ذكررت كلامه قال لها بكرره…تنهدت يووو مايصبرررني وانا..
.
.

يوم ثاني وهي بدون نوم سمرت وصلت فجر وطلع الضوء قالت داخل نفسها قدو يوم ثاني فتحتها .. وشااافت خاتم فضه رقيق قوي بفص حرفها وداخله M&S وكرت كل سنه وانتي طيبه يا سلااا..

فرررحت وجلست تتفرج للهديه وخبتها تحت وسادتها ورقددت…

الظهر سلوى قامت ع اتصال من زهور
زهور: خاله .. راقدين؟؟!

سلوى: قدو وقت نقوم نصلي..

زهور: كنت اشتي اقلكم.. عنجي بعد الفطور احنا وماما ونفعل للبنات مفاجأه بعيدميلادهن لاتقولوا لهن…

سلوى: ضحكت .. يو كم اليوم التاريخ!! نسيت تصدقي……الخ وغلقت التلفون.

رشا: بدأت حقهاا الدحسس والهرررم.بس هذه المره مش لنفسها بتدحس لاخوها..ماااما افعلوا لمحمد معاهن اسمه في الترته !.

ايناس: يابناتي قووا اعقلين قد انتوا كبار ..

رشا: مافيها هو ابن خالتهن..قوااا .

ايناس: شبسر.. قدي اخر سنه لكم بعدا لامحمد ولاجدتي ..ماشتيش خالتش سلوى تتضايق وتنحرج مني..

زهور: اتصلووا هو الا نقطع ترته ونتصور ويروح له مالكم بتحلقوها.. بنحس ان احنا صف ثالث ثانوي..

ايناس: ضحكت .. مدري اي حين تعقلوا الله يهديكم بس.

سلوى: رفعت التلفون .. ردت هاا حيا ايناس كنت اشتي اقلش نفعلها وحدنا مارأيش مافيني لحد اوااخر الدنيا مقشعه..

ايناس: ههههه والله اني اتصلت اقلش ذيه وحدنا وازيد استأذن محمد مافعلت له الشهر الاول حفله اسهل لاكتبت اسمهم في الترته واتصوروا؟؟؟!

سلوى: يوو ياعيبتش محمدي ابني ..قد مامعاهم الا ذلحين لاكبروا هم نفسهم عيخزوا ويفهموا.

وتمين غلقين.

سما وسلا: مش عارفااات بشششششي.

محمد: محد قال له بشششي والكل مفاجأاااه.

ايناس: خرجت وبتقل لمحمد العب سكته شويه وارجع مابش شارع.. ويمكن اتصلك تجي تنفعناا

محمد: فرررح ايوووه اكيددد اي وووقت انا في البيت ماشاخرج..

سلوى: بناااات البسين سوا ملفلف يمكن عمكن يجي مع مرته وعياله يبدوا عليناا يتفاقدونا.. وشاورت نفسها وفمها معووج يااااسعم.

سما وسلا: يووووف جحفه لهمممم يخخخ والثقااااله ماطيقهم..

سلوى: مشااااكل مانشتيشششش..البسين هي خمس دقايق وبعدا عنجلس مع خاله ايناس.

.
.

في بيت عمار: زهور ورشا جهزين قبعات وشبيبات ..

وفعلين في كيس كبير وخرجين بسرعه بدون مايحسين..

وصلين عند خالتهن سلوى بيسالين بصوووت واااااطي اين البنات..

سلوى:ابتسامه بغمزه بيلبسين قلت لهن عمهن عيجي

زهور:حااالي رشااا جي للديوان طرحين الشبيبات.. وجهزين الماسه وفوقها القلافد حق الحفله..
.
.

محمد وصل واقف ف الباب..

خالد فتح له الباب: حياك ادخل .

محمد: الله يحييك، تسلم، قل لهم مايشتوا؟

زهور: قربت للباب شافته وفيها ضحكه ماسكاها مصدق روحك وجاي ، سااابر جي حلل الشياكه تيه.

محمد بضببحح يشتي يتقارح فوقها شاف سما واقفه بعيد بتسمعهم رد لاتكوني تجلسي مع سما خيرات بتمسخش.

سما: مش منك من الجل اللي ملبط بعقلك.

محمد: بسر خالد واشر بيده ، ها حاكي لك نسواان..اخي سير ابسرهم مايشتوا يامنعاه.!

ايناس: ادخل يامحمد خاله تشتي تبسر لها الانترنت.

سما: استغربت! يو ماله مابش فيه شي سرحت بتجابر نفسها.اها يوو والملعنه تيه سلا قد بتتمسكن لامي عسب تبسر قرمد .

المهم..
دخلوا الديوان وتفاجأين سلا وسما وابتسمين فررررحه بخزززا

محمد: فررح ان هم عزموه العيد ميلاد وداخل نفسه مستغرب كيف لهم عزموني !

دخلت ايناس بالترته…وتفرجوا الثلاثه لبعض

محمد: خزززي وضابح ليش اسمه مع البنات..شاف امه قال وانا مادخلني بالحفله ليش اسمي مكتوب!

ايناس: وانتوا صغار كنا نحتفل بكم سوا لانكم فرق بينكم شهر وانا مافعلت لك الشهر الاول.

محمد خااازي بضبح: يمه الله يحفظكم ،مش انا جاهل..!

سلوى: ولاعليك قدو اخر عيدميلاد كبرتوا خلاص وثانيا يمكن نسافر جوا نتصور للذكرى.

محمد تنهد وهز راسه: حاضر.

سلا: زاااعله لما ذكرتها امها ان ابوهم ممكن يرسل الفيزه اي وقت.

المهم قطعوا الكيك وتصوروا وسمروا شويه، طول الوقت ومحمد يتفرج لسلا .. وهي تخزا وتغالط وتجابر البنات ..وهن مركزززات عليهم ويفعلين لهم حركات تحرجهم..

وبيتجابروا من المدرسه انها عتبدأ بعد العيد …الخ

فجأه طفيت الكهرباء..

محمد اشتغل الجنان و بدأ يزبج ويغير صوته ويفجعهم وهن يصيحين..

وكمل اليوم ضحك وجنان ويذكروهم بطفولتهم >> هدوء ورقه سلا،وجنان سما،ومززاح محمد.
وطباع البقيه ويقارنين بينهم..

ثاني يوم كان قبل العيد بخمس ايام.
ايناس: بنات قومين اقطبين القشااع عتجي خالتكن سلوى وفاطمه(مرة جارهم) نغسل المفارش.

زهور: هي حفله والا صباان؟

ايناس: مش هو عليش ، الحوي حقنا اوسع.

رشا: بسرت اختها ردت جت ع غسال قد البيت قاعه عرس ..قد حجزوا بيتنا بعد العيد يوميه نفسسح للحااره.

ايناس: لنااا عمررر كذيه عتجين انتين تتفلسفين مالكن عيب لحد يسمعكن!

رشا: مش فلسفه بس بتقتلع يدنا كناس لو هم مطفيين..انتوا داريين افعلوا ف الباب ممنوع احضار البيض اللي داخلهن لماع… وكركرت هي وزهور.

ايناس: الظاهر عنتفرط احنا وياكن اليوم، اسير اتصلها شرررق.

سلوى: جت هي والبناات محمد وخالد متحملين المفارش..وبدأوا الغسال ..

سلا : بتوصل القصبه حق الماء للحنفيه ومحمد واقف انتزف الماء كله لافوقهم يشتي يبعد وطحسس وهن ضحككين عليه.

محمد: قام وهو ضابح نااازفهن كلهن.

جدة محمد بديت من الطاقه بالمسبحه واللثمه الملس مغطيه نص وشها ب المشاقرر ( ريحان وشذاب) نزلت اللثمه وتبسرهم بيلعبوا بالماء صيحت فوقهم وشاااتمتهم وجالسه تحطم سااعه
وهن تمين الغسال وتعاونين واحده خبزت للكل وواحده طبخت العشاء

.<هكذا اليمنيين معاونه ورمضان صحن يسير وصحن يجي من كل بيت للثاني.

بعد الفطور
البناات خورين يسمرين في الحوي وصوت سوق صنعاء القديمه حياااه في رمضان..اتصلين لرشا وزهور يجين معاهن واستأذنين يخرجين يجعلين ويرجعين.

خرجين والعيال بيلعبوا زراقيف وكيرم ووسط الحاره كان في عيال يلعبوا كره .. ابسرهن محمد وقام والعيال وقفوا اللعب عشان يخطين.

محمد: اين عتسيرين؟

زهور: وانت مادخلك ردت وهي ماسكه خصرها ورافعه حاجب نجععلل.

محمد: شاف لسلا، وانا عتجعلوا لي معاكم.

سلا: ممم نبسر لو بقيت زلط نشتري لك شونجم وضحكين وسارين البقاله.

عم علي صاحب البقاله ،حيا بناتي ماديلكن؟

سلا: بتتفرج للجعاله وتفكر ممم

سما: انا اشتي سندباد وابوملعقه وطرزان.والباقي شاشتري به شبس وسكريم.

رشا: وانا ويفر مثلث وطرزان وشبس وسكريم فمتو.

زهور: انا اشتي ميرندا اصفرر بااارد وشبس.

سلا: خلاص وانا شبس وسكريم فمتو.

تمين الجعاله ومحانبه مع عم علي ويجعلين ويردين ومحمد واقف وراهن..بيرقق صوته مثلهن بلغاجه وانا اشتي زعقه.

ضحكين عليه ، وتهزأ من عم علي و راحو محل الشبس .. واول واحده سلا طلبت2شبس واحد فعلت فيه بسبااااااااس خيراااات والثاني شويه

ودخل محمد بعدهن وقد تمت ..التفتت تشتي تناوله ..شل من نفسه وهو بيحانكها بحواجبه حركه كل مره..طلع االبسبااااس قوي معه اصتررع جلس يتقفزز فححح ………
.
.

ايناس: بتكعك للعيد والتلفوون بيرررن: بنااات جاوبين ، والتلفوون يرررن ، اين جيتوا ياجن جاوبوا

فلتت الكعك في التنور(فرن صنعاني مخصوص للخبز).

فاطمه: تمين السلام والهدره،قالت اديت لش رقم المنقشه بس قالت ماتعرف الا نقش قديمي.

ايناس: ياسعم ان هن الحراوى قديمي والا ماوقع اهم شي اسكه اذيتهن معهن عرس بنت خالتهن.
وسلوى عتسافر تعز عند اختها معها عرس اخت زوجها والا ماشاصدقهن قدهن كبار ع التنقاش كما تزوجين له حلات.

فاطمه خلاص شاتصلها.. اي حين تجي ؟

ايناس: حالي ليله العيد عشان العرس عيبدأ ثاني العيد

فاطمه : خلاص نسير الحمام بدري عشان المنقشه عتجي بعد الفطور.

ايناس: الان شانبي سلوى ولايهمش اكدي عليها احنا خيرات مش ترجع تنقش النص والنص ماشي.

تمين مجبر وغلقت واتصلت لسلوى..

سلا: الوو.. هاا خاله ماما مابحدهم ساروا للخياطه يبسروا الزنين

ايناس: قلي لها لما ترجع تتصل بي لاتنسي يابنتي.
وشمت القتررره حق الكعك.. شهقت بصوووت يووو يلا مع السلامه..

سارت وقد الكعك حاارق.. وبتصيح فوق البنات وينهن!

شافت واحده بتمسح الدرج..والثانيه بتمسح طيقان الطيرمانه سكتت..

سلوى: وصلت من عند الخياطه بنات جين قايسين بسررعه وادي لي التلفون ياسما

سلا: ايوه ذكرت خاله قالت تتصلوا لها!

سلوى: من خاله؟

سلا :ايناس !

سلوى: ايوه انا اشتي اتصل لها اقل لها تجي للزنين والا اقلش انتي شليهن لها وانا اتصل افهمها بس قبل ماتسيري قايسي ، المخيطه تشتي اردهن لو به تعديل اقطبين مابش وقت.

سلا: كانت بتلعب بشعرها سمعت امها قامت حاااضر شلتهن وسارت.

بعد ماقايست لبست وراحت تشلهن..

محمد: فتح بالصدفه خارج ينفع وابسرها بتخطى لاعنده ارتزح للباب ومسك خصره بيد ورافع رجله لاعرض الباب ورافع راسه بزززنط..

سلا: وصلت ، وضبحت من حركته مالك تعووقت صلاه ع النبي!

محمد: ماتشتي ؟ يلا من هناااا..

سلا: بتمثل انها زعلت والله! هكذاا تمام عادني جايه ادي لك هولا ورفعت الكيس .

محمد: شافه ، ورفع حاجبه باستغراب لي!

سلا ابتسمت بخزا: ايوووه.

محمد : مااهو هذا؟؟

سلا: جي لا داخل مايسبرش هنا.

محمد: امي وخواتي عيبسررووا مالش !!

سلا: سهل ، مش انا مثلك افتجع وحانكت بلسانها ودخلت.

محمد: لحق داخل نفسه بيقل هذه ياخراطه او بتجنن.!

ايناس: اسكه وريني .

سلا: ناولتها الكيس وخرجت الزنه.. وشافت محمد رفعت حاجب مثله ومدت لسانها.

محمد برطم فمه ياسعم زعل ونزل عيونه وبيمثل لها انو بيبكي وخرج..

ايناس: مابتشوف الحركات اللي بتحصل مركزه ع الفساتين.

سلا: ضحكت من حركاته..وزعلت انها صرعته وماقد ادت له شي..
.
.

قبل العيد بيومين
تموا النفاض والكعك بس عاد الدنيا محشوره .

محمد: بيدحس ..يمه انا ماقد اشتريت صندل

ايناس: يا ابني ماتفعل به قوا الله يرضى عليك مش انا فاضيه.

محمد: العيد جمعه وتشتوا اسير اصلي ببدله العيد والبوتي مالكم

ايناس: هوذك ابوك عندك سير حاكيه سدوووا..اين جين خواااتك زهووووور، رشااااااا !!!

زهور: بتسمع من الغرفه امها بتداعي.. قامت تجاوب هااا مالكم ؟

ايناس: عتجين الحمام جهزين البقشه عنسير بعد نص ساعه..

زهور : قد احنا واااانيات عمل ومثقلات بعد الفطور مش ضروري

رشا: ايوووه شاسير اتجهز وافعل لي خلطااات بس مابش معنا تراب روس( نوع من الحجر اليمني يستخدم في خلطات لنعومة الجسم والشعر).

ايناس: عنبسر لش من سلوى.
.

سلوى: هيا بنات تجهزتين؟؟؟

سما: اين اسيررر !! يخ جحفه اووولاااا شم العجايز حناء…ثانيا حااااامي قووووي ماقدرش اتنفسسس ثالثا …مافيني طافه بتقرشوونا قررش..

سلا: خلوها هنا الطسله تيه انا شاااااجي قد تجهزت.

سلوى: قالت رشا لامعش ترابه تشلي معش.

سلا: حاضر.
.
.

سارين سوا وصلوهم ع الطريق عمار ومحمد وهم سايرين يشتروا صنادل للعيد وسماطه ..

محمد بيحانك رشا بكلام وبيتفرج سلا من المرايه وهي وراه يعني يقصدها >> رشااا وارجعي وانتي نظيفه هااا قد انتي خاااادمه قووووي ..

رشا: ع الاقل احسن منك مابتتحمم الا ليله العيد يفففف ..

وصلين نزلين..

وعمار ومحمد في السوق..

عمار: انا شابسر الجعاله وانت ابسر محلات الصنادل نقي لك ماشتيت.

عمار: فكر داخل نفسه يحيى مابحد وشل لهم جعاله مع حقهم..

في الحمام..
سلا: حالي اليوم خفيف مابش زحمه حين بكرنا تمينا امد..

رشا: ايووه .ماما خاووورات ببسي بااارد اصفر وبسكوت ابو ولد ..وبتتلذذ .. قد احنا ميتات عطش.

سلوى: قامت اشترت لهن واتصلين لهم وروحوا.
.
.

فوق السياره..
عمار ناول محمد الجعاله حقهم..
محمد: خاله تيه الجعاله..

سلوى: خزيت من ايناس يوو شغلتوا نفسكم ياختي اسلموووا..

ايناس: رفعت صوتها تسمع زوجها مابش شغله ولاشي لو عمار مابحد كنت شاخليش تشتري انتي واخي يحيى..

سلوى: اكيد الله يحفظكم ويبارك فيكم.

رشا: بابا اهم شي ابو بقررره مانسيتوه؟؟!مايقع عيد الا به..

عمار: ضحك وهو ماسك السكان وزحمه يااااغارررتاااه مايقع عيد الا به!صدق ياسلا؟؟

سلا: والله صدددق مايعجبنا الا هوو.

عمار: انا داري بكن قد شليت خيرات..كان يبدع بي محمد لما اسير اسلم يجحفهن لاجيوبه..

وهن كررركرين.

محمد: خززي ورد بزبجه ايووه كنت ابيعهن لسما وسلا وخواتي بحقهن العسب..ههههه.

تموا ضحك ووصلوا البيت..

.
.

ليله العيد♡♡♡♡
احلى ليله كل بيت متحمس ومررراااعي يطلع الصبح ماعتقد حد بيرقد ليله العيد.. اللي بيلبج ف السووق .. واللي مالحقت تكعك بتكعك .. واللي ماكعكت بتشتري من السوق>> بس حق البيت اطعم.

تموا الفطور وجت المنقشه(تقيه) تنقشهن بيت ايناس

ايناس: واقفه بتكلم تقيه وفي يدها التلفون ابدأي ب زهور ..وجاوبت الو سلوى المنقشه قدي عندي قالت نجتمع لابقعه هياا جي وادي البنات.

سلوى: يوو . ماتقدر تتمهن وتجي .. اخاف ينود عليهن لما يروحين..

ايناس: بعدت من عند المنقشه شويه وقربت التلفون من فمها ..ياختي مارررضيت جي وبس مايروحين الا لما يبس ولاتقلقي..

سلوى: يلا تمام هوذا عنجي..

سلا وسما لبسين ومراعيات امهن تلبس..

سلوى: تلثمت وقالت لرشا ادي الستاره هو الا خطوتين مافيني للبالطو..

بيت عمار.الباب بيدق
محمد: في الحوش يغسل لابوه السياره قرب للباب من ؟؟

سلا وسما بصوت واحد : افتتتتح .

محمد: فتح اعوذ بالله توأم والا جن؟

سلوى: عوذب ي ابني..

محمد: مابسرهاش قفاهن يوو العفو ياخاله.

سلوى : ضحكت وفتحت الباب دخلت وهن واقفات جنبها.. بتسأله المنقشه داخل؟؟

محمد: ايوه بتشخبط البنات.

سلا: ضحكككككت.. وليش قارح قلبك هكذا حين مابتنتقشوش

محمد: رفع حواجبه ورد باستغراب وكركر يضحككك قااارح قلبي على مه خررربشه دجاج وطلاسم سحر وقالين نقش !!!

سما: زبااااج

سلوى: تميتوووا دحسس هياااا ادخلين.

محمد:ادخلين تشخبطين ههههه.

قفين وهن ضابحات مش هو عليك .

ودخلين يتنقشين.

تمت تنقشهن ارتصين جالسات معلقات ايديهن يتجابرين ويضحكين …وكل شويه يشتين من يشربهن ماء..

ويشتين من يرفع شعرهن واللي تشتي ترتزززح..
ودحسسس بيدحسين حال كل منقشه***.

سلوى: خلتهن وسارت تتم العمل في بيتها .

ايناس: بتجهز الجعاله في الديوان وتبخره..

والبنات جلسين في غرفه محمد !!

محمد: تم يغسل السياره ورفع الحوش دخل البيت ومشي لغرفته فتح الباب انصدددم وغلق بسررررعه وجلس يضحككككك ع اشكالهن..

اللي رافعه يدها وبتحك نخرتها بكتفها.. واللي بتنفخ شعر الثانيه من وشها..

وبيصيح من ورا الباب .. مالكم محد قال لي انكن هنااا ..وبعدا عتعمين الغرفه بشم الشخبطه حقكن تيه..جحففففه..

سلا: مش هي حنا هو خضااااب☆♡

محمد: وهذا ماعادوه او زفلت من حق الرصده ؟؟؟
.
.

يوم العيد الصبح…
ريحه العوووده بتفوووح من الديوان حق العيد..
والجهال ملبسين بثياب العيد وفي الديوان مرصوصات الماسات وفوقهن جعاله العيد

التلفوناات شغاله تهنئه من الخارج والداخل ..

عمار خرج هو ومحمد يسلموا ع المكالف.

ايناس بتقرب لاخوتها القهوه والعصير

اخوتها: والله ياختي مانشتي الا سلامتش شابعين مابش نفس بعد الصيام مبشمين ونشتي نقطب خواتش وخالاتش ونروح ننتذق نرقد

ايناس: شوويه ياخي امانه قرب للجهال جعاله وكعك

اخوها: مع الله يرضى عليش ها هذا عسبش انتي والبنات.

ايناس: مابش داعي ياخي تكفيني بديتك..الله يحفظكم.

اخوتها: ماهيش من قدرش قدو حقكن حق تعبكن هههه.

ايناس ودعتهم خرجوا .. ودعت البنات تدي لهن عسبهن.

رشا: يووو الف بس!! مالهم هذا العيد لاتكونوا تقلوا لهم مانشتيش بينقصوا من عيد لاعيد.

زهور: والله ماهي حق مساح الدراجين.

رشا: دراجين وبعدا حق صنعاء القديمه بين الدرجه والدرجه يشتي لش سلم.

ايناس ضحكت: قومين ياطماعات… تجهزين لبعد الغداء نسير بيت سيدش.

زهور: ابسروووا بيت سيدي قدو غدوه عنسير نمسي للذبال حق بنت خاله .. اليوم نسير الحديقه احنا وبنات خاله سلوى نلعب في الحديقه وغدوه احنا عنسير نمسي وهن يسافرين تعز .قوووا

رشا: والله انو صدددق قوووا .الله يحفظكم.

ايناس: ابسر سلوى وابوش ماعيقول.

البناااات فررررحين: هيااا ذاحين اتصلوا

سلوى جاوبت: تمام .. قد شنطي جاهزه نخرج وعنبكر الصبح مع اخي عيطلع لنا ننزل معه تعز.

سما وسلا: عرفين وفرحين قامين يتجهزين.

الرجال تموا السلام ووصلوا غدا بعد رمضان احلى غدا السلته واللحمه بنت الصحن والشفوت وسلطه وزحاوق مزحقه وخبز دافي..

تغدوا رفعوا الرجال ساروا يخزنوا..والنسوان اغلبهم بيجتمعين بيت سيدهن( الجد) والبقيه في الحدايق والمطااعم زززحمه .. والجهال فارحين.

العصر في المجالس الكل فاتح انستنا ياعيد
واللي في الغربه يقطعوا القلب هههه فاتحين كل القنوات اليمنيه اللي بيسمعوا فيها اغنيه انستنا ياعيد <<<مانحس عيد الا بها♡♡♡ ويتواصلوا مع الاهل والخطوط معلقه..وبيجتمعوا مع اليمنيين ويخرجوا يصلوا العيد ويروحوا يصتبحوا في الحديقه بثياب العيد…
.
.

في اليمن♡♡♡ في الحديقه …
سلا وسما وزهور ورشا ومحمد بيلعبوا ويضحكوا

محمد سمع اغنيه في الحديقه شاف سلا وقال لاخته هذه مني لش…….

كان محمد وخالد مع بعض وسلوى وايناس جالسات معاهن شاهي وكعك.

والبنات بيلعبين مع خالد ومحمد.

كلهم واقفين في طابور لعبه.

سلا شافت تذكره الالعاب ورجعت وقفت بعيد شويه..

محمد مشي يجي يلتفت وراه مابحد لمحها واقفه خارج اللعبه راح لاعندها ليش ماتطلعي معنا

سلا: ابتسمت ابتسامه خفيفه بين افتجع منها..

محمد: تخاافي من تيه وقد طلعتي المقص..
هيا من الخباله.

سلا:ماشتيش مادخلك .. وبعدت عينها منه التفتت وراه صاحت هاا طلعوا اللعبه الحق.

محمد: التفت وحمل(ركض)بسرعه طلع واشتغلت اللعبه.

سلا: رجعت لامها تشتي كرت..

سلوى: بس لعب نشتري لكم عشاء ونروح قد احنا تاعبات.

سلا :ملامحها بان زعل بس اقتنعت ان الكل ماعيلعبوش.

مشيت ورجعت لاعندهم شافتهم وبتضحك ع اشكالهم مفجوعين .. تمت اللعبه نزلوا

سلا: هيا الحقين بعدي قالوا ماما وخاله نروح لاعندهن لما تتموا اللعبه ندخل المطعم نتعشى..

سما: نلحق بعدش !!!يااي ياسعم انش الاميره نلحق بعدها..

محمد: بنظره محانكه لف لسلا اكيدد اميررررره.

سما: اصه انت يلا من هنا .

محمد : فعل حركه المسكنه حقه والله ابسري ياسلا هيا هااا ومشششي.

سما وسلا زهور ورشا ضحكين عليه لانه بيمزح..

محمد: قطف ورد وسار لاقدامهم حناك فيش ياسما الاميره عتمشي فوق هذا الورد ونفله قدام سلا.

سلا التفتت له وهي مصدومه…

محمد: قطف ورد وسار لاقدامهم حناك فيش ياسما الاميره عتمشي فوق هذا الورد ونفله قدام سلا.

سلا التفتت له وهي مصدومه بخزا احرجها: يوو مالك مهدت هكذا..

محمد: تشتي الصدق ماعندها حجه سما وعوج فمه قلك مهدت ووصلوا لاعندهن..

دخلوا تعشوا وكل واحد يطعم الثاني من العشاء اللي طلبه

ومحمد يتحيلا لحركات سلا ويتفرج لها وعيونه قلوووب..
محد حاسس الا البنات لانهن عارفات ..

ع خرجتهم لقيت ايناس مرة صاحب زوجها تسالمين ورجعوا البيت

وهم في الطريق عرف محمد ان سلا رايحه تعز من مجابره امه وخالته سلوى

ايناس: سلوى اختش كم لها متزوجه لاتعز اعتقد14 سنه اومه؟

سلوى: ايه لوتبسري محلا جهالها كيف يتكلموا تعزززي صنعااني حاليه قوي مجابرتهم.

سلا: ايوه وبالذات لما يتكلم ياسر < ابن خالتها.د محد يصدق يتكلم تعزززي فرص و صنعاني فرررص حااااليه قوي منه.

محمد: سمع كلامها وحس شي ضايقه غار من ياسر وبالذات لما قالت حاااليه قوي منه.. سكت فجأه كان بيمزح بس خبر سفرهم غثاه زد مدح سلا لياسر وفى.

نزل ولا كلمها ولا شي ودخل البيت.

سلا: استغربت انه تغير ماعد شافها ولا شي دايما يتعذر ويراعي لما تدخل وتغلق بيتهم بس هذا نزل ودخل البيت وداخل نفسها بتقل يمكن غثي حين عنسافر .!!
.
.

بكروا الصبح وصل خال سما وسلا(امين) هو ساكن في تعز مع اخته هدى(ام ياسر) دخل اصتبح امد مايجهزين وبتفاقدين البيت..

سلا: جالسه فوق سريرها بتتفرج من الطاقه.. بتجابر روحها وينو هذا ماخرج يوووف جحفه له والسماجه يزعل لكن ابسره قبل ما ارح لي.

محمد: جالس بيلبس عشان يخرجوا يتموا السلام ع بقيه الاهل..

عمار: محمد اقططططب شرررق.

خرجوا في الحوش بيدفوا السياره واشتغلت اغنيه ابو بكر يامسافرر ذكرر محمد بسفر سلا رفع الصوووت

سلا: سمعت السياره فتحت الطاقه شافته وبتسمع الاغنيه

سلوى: هيااا مالكن خالش في السياره مراعي..
غلقين وخرجين.. تلاقوا بالسياره في الشارع ..تسالموا

محمد : جالس قدام وبيتفرج سلا ورا خالها جنب الطاقه ع لفتهم ماسخيش عليها رفع لها حواجبه وابتسم وفعل لها باطراف اصابعه وهو ياسعم بيرفع الزجاج وبدون ما ينتبه حد باااي ومشيوا

سلا كانت مبتسمه وشافته قلبها بيرررجف وزاعله انهم عيسافروا

في الطريق
بيتجابرين ويضحكوا اشتروا جعاله وفاتحين اغاني ولقانه سما منسياهم طريق السفر..

بس وقت لفااات الجبال تسسسسكت فجيعه.

سلا: يوو عيجعلش تتزوجي لاتعز تهدأي طلعه نزله لاصنعاء

خالها: ضحكك تقولي ياسلا ؟

سما:سلا اهجعي يا .. قربت شاورتها محمد.

سلا: بهررت وفتحت فمها ولطمتها ياااكلبه اااصصص.

سما: قررري وبطلي زززقعه

سلا: ساااامجه يخ.

سلوى: بتسمع ياخي هكذا

امين: بيضحك اختي انتي خلفتي طباين مش هن توأم.

تموا مجابره سألها من يحيى ومتى عيرسل لهم فيزه واوضاع مشاكله هو واهله ؟جابرته لانه (محامي)

امين:لاتقلقي والا لو سافرتوا اعرفي الا حقه يوصله او اشتري لكم بها ارض..

سما: في تعز والا صنعاء والا هنا فوق الجبال

امين: ضحككك ناهي لا راااحت لش ياسماج بتزبجي

وبعد تعب وشمس ولفات طريق صنعاء تعزز اللي تخلي واحد اعصابه مشدوده .

امين بيحانكهن بالسياره عيطحسها يمشي ويمسك بريك ويرجع يفلتها

سلوى: قوووااا مش انت وهن

سلا:: ايووووه ياخال

سما: قدي حاضنه الكرسي ومغمضضضه.

واخيرررررا
وصلوا تعز…♡♡♡

وصلوا دخلين البنات وامهن..

امين: بينزل الشنط هو وياسر تموا دخلوا البيت وهن واقفات يتساالمين.

هدى: وا سلووى ايش الحلاوه هذي بناتك كبروا ماشاءالله يجننوا ياقلبي عليهم ..شافت سلا وانتي يامفعوصه ام لسان امك دايما تكلمني عنك.

سما:ضحككككت وشافت لسلا مالش كانهم لطموش جررربي الغلب اللي بيوقع لي من امش.

امين: هااااذي اللقنه اها ماعتفرررقي بينهن الا باللسان.

ياسر: بيتفرج وبيضحك سكته عادو ماتجرأ يتكلم.

سلوى: تموا مجابره وسالت وين العرس وين حنان(اخت منذر) زوج هدى؟

هدى: قدهم فوق بشقه واحنا تحت..اجلسوا يابنات ارتاحوا ادخلوا صلوا البيت بيتكم انا بروح اقرب الغداء

سلوى: دخلت تعاونها..

امين وياسر وخالد : غسلوا ايديهم وريحوا ولبسوا معاوز..وقربوا يتغدوا

سما: يوووو والحلااا عصيده ومرق حامض خااوره.

سلا: انا خاوره عقده وزحاوق جبن.

هدى: تعالين حبيباتي كلين ..خالد كيف حبيب خاله ساااكت .. نعم انت وحيد البنوت لازم الدلع لك بس حظك طلعوا توأم عسولات

خالد: ضحك وماسك الملعقه رد عاد سلا في عيني سما

سما: سما من؟ تغدا.. وخازيه تتليقن من ياسر

ياسر: (خلص ثانويه بيدرس معهد)حسستوني ان سما هذه الانسه مينشن خلوا لها حالها شكل البنيه يرحم

سما: والله ماترحم الا انت .. تغدى

ياسر: حاضر عنقلهم ملي كذا يا اصحاب صنعاء

سما: عاد امك صنعانيه بتسمعوا ياخاله.

هدى: ايوه لكن لاتصدقي له والله انه يقل لي اخطب له صنعانيه.

سما: لو عيجلس بتيه اللقانه ولا واحده عتقبله

تموا تغدوا ورفعوا ..

بعد العصر
الشباب تحت مجتمعين والبنات فوق عند العروسه الكل معجب بالبنات وحلاوتهن ورقتهن ..

ثاني يوم الصباح بدري
ياسر: خاله تجهزي انتي والبنات بانخرج نعمل لفه نطلعكم جبل صبر تشوفونه.

تجهزين وخرجين..

سما: جالسه ورا ياسر وهو بيسوق خالد جنبه
وسلا وسلوى جنبها

ياسر: قلوا لي كم واحد ضاااابح من سمااا وبتجننه؟

سما: صرررفوا كل شيطان ماله ذيه .. ياااي لاتتذربني ماتعرف بنت خالتك.

سلوى: ضحككت اسلم جلدك يا ياسر

ياسرر: على اللفه سررررع وقررب للطررف هاااا سمااااا ماقلتي.

سما: يوووو جحففففففه تجحفك ع سوووواقه نزززلوووني واطلعوا مااااشششتيش

ياسررر: لففففف ولففففف وطللللع وويهووون بالسياره وترررجع .

سما: بتصيح وحاضنه الكررررسسي اللي بيسووق به خلاااااص قوووا والله مافتح فمي .. قووا وقد عتبكي .. فيها خووف من الجبال..

اللي فوق السياره كلهم عيموتوا ضحك.

هدى: ابني اتعوذب خلاص .. امشي سوا ماعد بيخرجوا معنا يوووم.

سما: يو ياخاله كيف عايشين معه

ياسر: اشهدوووا عليهااا هااااا وزررر السياره.

سما: خلاص احلى واحد احلى سوواق قوا بس خلاص تعبت .. نفسي بتتغاثى.

طلعوا جبل صبر تصوروا وابسروا العجايز باللبس الصبري والمشاقرر وحميشااات بيطلعين ماء بدبب فوقهن (مش ساعنا هذه الايام نتعب لاغسولنا ههه)

تغدوا عند واحده في جبل صبر تطبخ اكل طعيم ورجعوا عصر لان معاهن اليوم غسل

روحين تجهزين وسارين ع الساعه خمس

في الصاله الكل لابس دروع والفل والمشموم واغاني فيصل علوي تزقع الصالع زقععع
.
.

نجي لصنعاء عرس بنت اخت ايناس يوم النقش

رشا: بتستشور لزهور.. يووف انتي وشعرش قصيه تعبت.

زهور: صلي ع النبي عليا قرع الله الشيطان..

رشا: اللهم صل عليه واله ناهي نمرعها.. يوف قومي من قبالي تميت

زهور: تميتي شعري هزوره قلك تمت.. شافت المرايه وانه واااو ساع الماء قالت يو فديتش ياخواوتي يجنن.

لبسين والعصر في الصاله واقفات مع خالتهن وخوات العروسه

بدأين النسوان يدخلين وصوت القاعه زززقع مغنيه بعود وبيرقصين النسوان صنعاااني اخو العروسه وعيال خالتها بيسايبوا كراتين الماء للثلاجات من الباب الخلفي وفجأه

رشا: دخلت المطبخ،بتكلم المسبره اللي بتفعل الشاهي،سمعت صوتهم ،تشتي تخرج، وهم دخلوا،ابسروها وسكتوا، وهي تخبت ورا الباب.

احمد: شافها وطى راسه خزي وخرج ع طول.

محمد:ماجابش هنا !

رشا:بعد ما انحرجت،ردت هو مطبخ مادخلكم انتوا
اطرحوهن واحنا ندخلهن.

رجعت للصاله،شويه ودخلت الحريوه اول شي بقميص( لبس تراث مفصل من قماش الجرز يغطي العروسه) وزفوها زفه صنعانيه..البنات الصغار قدامها بمزاهر الشذاب..

رشا وزهور وخواتها وبنات الاهل متجمعات يزفين ويحجرين(لوووولووولي).

اغلب القاعه لابسات المصرالطالعي( لبس يمني تراث)

تصورت العروسه وخرجت تتجهز للبس الثاني ( تلبس لبسسين او اكثر و بعض الاحيان لبس واحد)

ورجعت بفستان احمر مطرز ولثمه وتسريحه رقيقه.
.
.

في تعز..
تم الغسل وروحوا، وفي الطريق للبيت فعلوا زفه بالسيارات .

سما: انا ماشطلعش مع المدكوم ذيه الصووودق.

سلوى:اطلعي من التخوار هذا الساع بتبسري الرجال!

ياسر: بين احس لقانه بس مافهمت،اطلعي يا سما اسمعك

سما: لاتحس ولا ،هوعرس من الجنان اخطى طريقك دلا.

طلعت معهم بنت الجيران، خزيوا وسكتوا.

ياسر:السيارات اللي قباله واااقفه، بيطررررق عصصصب لف يمين ومشي شويه شاف الشباب موقفين السيارات.

سلا: ابسرروا على ززقع ورررقص محوشين اللي بيزفوا في الشارع وبيرقصوا الشباب سامبا.

سما: امانه هذه رقصه والا وقل بيلعبوا ؟

ياسر: ضحكك بعد ماكان معصب وتاعب من منافعه العرس، ووققل ياسماا هاااا !!تشتي تنزلي معاهم؟

سما: بسسسم الله علياا .. او بتخرررف؟!

ياسر: وجهك بنيه، بس الجنان ولد.

سلا: ياسر شاقلب معها .

سما: عادي ذكرت!

ياسر: كان ماسك سكان السياره فلته ، مسك التلفون بيتصل، هااا شباب يلاااا نطلع جبل صبر نزف من هناك للبيت.

سما: مسكت راسها وشهقت خيرررة الله.

ياسر: هاااا سما سمعتي !

سما: ناهي لك ،وبتتليقن بلهجته.

طلعوا جبل صبر، وبيزفووا ، جالس يحانك سما ،فجأه يشوف الا سياره شباب بعدهم ، طنش

بس لما قربوا من سياره ياسر ،كانين سما وسلا جنب الطاقه.

الشباب: فتحوا الزجاج وقالوا ( وين العروسه) .

ياسر: عصصصصب قوووي وردد عليهم،تشاتموا، وقففف السياره ونززل.

هدى: خااافت، وماسكه من كتفه ،ابننني الله يرررضى عليك طنششهم، اني فدالك ،شوف لاتخوف خالتك والبنات .

سلوى: قوااا ، لاتنزل و تتضاربوا ،انت واحد ،وهم ابسر كم منهم فرررغ ، وانت معك مكالف ملان السياره .

*سما وسلا وكل اللي فوق السياره خااايفااات سسكته.

ياسر: بيتفرج لهم معصب، والله ماسكت ،شانزززل اربي ابتهم،وفتح الباب نزل، وصررررع باب السيااااره.

ياسر: مشي لاعندهم ودق سيارتهم بعصبيه، هااا مالكم خفتووا ! انزلوا لو فيكم مرررجله؟

الشباب: فتح واحد ونززل، تهازروا شوويه ،وخرج المسدددس يهدده.

ياسر: ولا اهتزت له شعره بيتهازر هو وياه.

جوووا ناس حوشوووا، وفرعووا بينهم، ياسر رجع

هدى: قد حالتها حااااله خوف وبتبكي.

سلوى: بتهدئها وشافته الا جااء

سلا: ها يا خاله جااا الحمدلله مابش شي.

ياسر: فتح الباب وطلع سسسسكته، شغل السياره

هدى: يا ابني ايش قلت انا ؟لاتررروحش مااا تفهم طلع معاهم سلاااااح،! لووو حصل لك شي و..

ياسر: قاطعها، خلاص يمه مافيشش شي .
شغل السياره وافتتحت الزفه، ومشيوا سكته ،ضيعوا السيارات حق العروسه مع المضرابه، رجعوا وحدهم.

البنات ورا بيتوشوشين سكته، وهدأ الجو بعد ماكان نكت وضحك.

ياسر: سماااا اكثررر واحده فارحه فيني.

سما: ضحكككت، من طلب الجن ركضوووه.

ياسر: ماااات ضحكككك، ولافي فاااايده فيك ابدااا ولاشي بيخوفك، ويسكتك لا جبل صبر ولاغيره.

سما: ماقد تعرفنيش، لاتتعب نفسك ولا.

سلا: ساارحه تذكرت محمد ، بتكلم نفسها ذلحين بيزفووا ياريت واحنا في صنعاء، كنت اطلع معه.

صنعاء
محمد: ابااه ، قوااا خلووني اسوق اشتي ازززف معاهم، حين هي زفه شاسووق دلاا.

عمار: والله مانا داري ما اقلك،مسك دقنته دقيقه بيفكرر ، امم يله تمام حين هو ليل سهل مابش مرور ، وابني رررجال داري ما معي واثق فيك.

محمد: فررح وحب راس ابوه، الله يحفظكم ويوصلني لوما ارفع راسكم واكون قد الثقه

عمار: امين يا ابني، انا شاتصل لامك تتجهز ويراعين لك.

عمار: ايناس قذا محمد جا لكن ، يشتي يززف مع عيال خالته.

ايناس: انت داري بابنك ليش يسوق؟ عادو غااوي!

عمار: قدو رجال ، مابلا حين انتي ام بتفتجعي عليه ، يلا سهل خليه اليوم.

ايناس: تمام، ماتشتي شي؟اجي افعلك عشاء او شي؟

عمار: مع ياروحي ، اسلمي الله يحفظش شاطلع عند احمد اتعشى عنده.

تموا مجابره وغلقوا..

رشا:واقفه مع خوات العروسه تشتي تطلع معاهن، مارضيت تطلع مع زهور وامها.

ايناس: يلا هاا سيري معاهن ،لكن جنان ماشتيش تمام؟

رشا: فررحت،حاضررر ولانخس.

ايناس: رجعت شافت نسوان واقفات من اهل العرس مراعيات مع من يزفين، طلعتهن معاها.

وقت الززفه ..
محمد: بيزززف معهم فاتح زفه للاخيررر ومووولع الغمازات حق السياره وفاتحين الطيقان .

زهور:شافت رشا في السياره جنبهم، اشرين لبعض.

احمد: قرب بالسياره لمحمد ويقل له معك سيدي زفه سوااا ؟ السيدي علللللللق!

محمد: خرج له السيدي وماقدر يناوله لانه كان ع يمينه، ايناس جالسه جنبه وماسكه قلااافد العرس،ناول زهور هي ورا ايناس .

زهور: خررررجت يدها وناولت رشااا.

رشا: كانت جالسه ورا كرسي احمد، مدت يدها مسكت السيدي

احمد بيسوووق مد يده من فوق الكرسي لاورا.

رشا تشتي تمكنه السيدي..مسك يدها مش عارف.

احمد: التفت بسررعه العفووو ، وشله منها.

رشا: قلبهاااا ووووقف وجلست مخبيه يدها من الخزااا، وداخل نفسها بتقل يوو جحفه ماهو هذا اليوم!

احمد: انحررج، لان الكل شاافه بيمسك يدها، فتح السيدي ورفع الصوت وبدأوا الزفه ، فعلوا لفه ع صنعاء، ورجعوا البيت لانه يوم النقش

البنات بيصفقين ويحجرين

احمد: اصه ، لاتصيحين قوووي وطين اصوااتكن.

محمد: بيززف معاهم وكان نفسه سلا موجوده.

زهور: وقت ماقربت السياره من سياره العروسه نززفت رشاا.

رشا: كان معها ببسي في يدها ، زغفته لافوقهم ورجع منه لافوق احمد.

احمد: نكززز،! من اللي نزززفني ؟

رشا: ضحكت، هو من خااارج.

وصلوا البيت

البنات طلعين جهزين العشا تعشوا وواصلين السمره ورقص وزفه وجنان..

يحيى: عزمووه شباب فعلوا غدا يمني ، وجلسه يمنيه وفاتحين اغنيه( مشتتتاق ياصنعاء والشوق غلاب مشتاااق للجلسسه جوار الاصحاب)، سسسرح وتذكر الجهال، خررج يتصل لهم.

سلوى: نزلت من السياره وصلوا البيت، جاوبت بفرررحه ، عمررك طويل عادني شليت كرت قلت اتصل بك لك يومين ما اتصلت قلقت عليك.

يحيى: لاتقلقي، الاموووور سااابره ، بس ذكرتش والجهال، قد انا فاقد لكم قوي ، لكن هااانت بقي القليل، جابر البنات وقفل.
.
.

دخلوا البيت يتعشوا قبل مايطلعوا يتموا السمره مع العروسه.

هدى: بتاكل وطرحت الخبزه، نعم ياسر اليوم شفت لك بنت تهبل ، مارأيك نخطب لك يابني .

ياسر: رفع راسه ، من صدقك يمه ! ايش من خطوبه هذا الساع عاد انا مادخلت جامعه !

هدى: قلت لك خطوبه وبعد الجامعه نزوجك.

ياسر: لا لااا مابيطيروش البناات، اربط البنت معي اربع سنين ، وبعدين انا بختارها وابتسسسم .

سلا: هو صدق ياخاله يدرس اول .

سما: ياسعم تشتي تقل لنا انك شاطر او كيف.

ياسر: ياااازعم ولف عيونه بززنط.

سما: شلووا الخيااابه.

ياسر: قد بدات تتليقن ب التعزي.

.
.

مشي الاسبوع وخلص العررس وقبل مايسافروا

سلوى: ياسر اشتي اخرج اشتري اشياء قبل ما اروح

ياسر: من عيووني يا خاله تجهزي بعد العصر بخرجك.

بعد العصر تجهزوا ولبسوا

سلا: بتعد العسب اللي كان معها.

سما: عتحاسبي خاله هدى على جلستنا هنا او حق ياسر.

سلا: شافت لها بنص عين . هي هي هي زباااجه، اسسسمعي اطلبش طلب ؟ بس قوووا قلي حاااضر.

سما: ربعت يدها وقلبت عيووونها، خيررر مش فاضيه.

سلا: بغير خباله، مش وقت الشخاطه، ابسرتي محمد كم قد ادالي هدايا ! اشتي اشتري له اي شي وخايفه حد يبسررني ، فكري معي.

سما: نزلت يدها ومسكت خصرها ، بس خباله انتي وقرمد ذيه لو يبسررروا ماما؟

سلا: وليش كلمتش ، الا تبسري فكره معي.

سما: اممم ، سمعت صوت ، التفتت للباب وشافت ياسر بيلعب بالمفاتيح يزغفهن للهوا ويمسسكهن.

سما: صيحت ايووووه ..

سلا: مسكت فمها ، اصصص ماهووو ؟دلا تحاكي.

سما: ابتسسسسمت ، ميداليه.

سلا: فكررره .. صحح .

سلوى: دخلت هيا بنات ، ياسر مراعي جهزتين ؟

سما: ايووه الاااان .

سلا: قامت لفت الفلوس ،ولبست .

بيت عمار
ايناس: وصلت البيت بعد العرس ، وقد البيت مرفوووس.

زهور: يوووو والفعله ، قد احنا وانيااات من عمل العرس.ماهو ذيه؟

رشا: والله ماكان نفسي يتم العرس ، ارجعوا شكموها الجمعه.

ايناس: ضحكككت اشكمها الجمعه؟ الحريووه تتشكم بعد شهرر وعاد اول امها تشكمها وبعدا احنا. ان شاء الله ،يدي الله العافيه.
.
.

تعز
سلوى: اشتي يا ياسرر هررريسه وحلاوى حاليه.

ياسر: من عيوووني.

سما: ولبنيه قوووا، تعجبني .

سلا: يخخخ كلهااا حليب .

ياسر: والله ياخاله ماكانهم توأم عكس بعض.

سلوى: مابلا الشكل توأم والطباع عكسس.

ياسر: ايوه ، هم يقولوا واحد من التوأم شرير وهذي سما.

سما: شريره وعلى عينككك.

ياسر: تنهد قد بفتك بكره منك اوووف.

سما: مقلع لك انت والسواااقه حقك.

ياسر: ب شرر يارررريت وانا اللي ارجعكم صنعاء بسس.

سلا: ماما ، واحنا نشتي للبنات نشتري لهن هديه.

سلوى: ماعتشترين؟

سلا: طقم سلس.

سلا: لقيت محل شنط واكسسوارات، قالت لو سمحت يا ياسرر وقف.

ياسر: هنا تمام من عيووني، كمان الشارع الثاني محل هريسه بارووح اجيب ، و وقف .

سلوى: فتحت الشنطه خرجت فلوس،.

ياسر: شافها، ايش تعملي ياخاله؟ مسك يدها والله مااشل فلسس.

سلوى: والله لاتشلها، حلفت .

سما: درينا انك مبوون ياجلده.

سلا: مش وقت لغاجتش هياااا انزلي.

سلوى:انزل معاكن؟

سما: مع ومن عينتبه للسياره؟

نزلين ودخلين المحل فرررحين ، لقين ميداليات باشكال واسماء.

سلا: شافت ميداليه بشكل وش وحاجب مرتفع ابتسسسمت، ودقت سما ، ياي ابسررري هذا روعه حركه محمد اللي يفعلها .

سما: بس مكتوب فيها خالد !

سلا: للبايع،لو سمحت معك ب اسم محمد؟

البايع:لحظه …دوور ،ولقي.

سلا: فرررحت ايوووه ، بكم ؟

البايع: سهل ماعنختلف بكم ماشتيتي.
.
.

ثاني يوم الصباح وصلووا صنعاء.

سلا: يووو كم فاقده للحارره ، هنا الصدق حياااااه.

سما: ايووه ياحياه بكررري من الصبح اكنسي وامسحي قبل مايجين المتفرطات حق امش فترتين صباحي ومسائي.

سلا: قلنالش عنزوجش لاتعزز.

سما: اهجعي يامدلوووزه.

وصلوا الحاره

محمد: ب زي المدرسه والشنطه.

سما: ابسرووا محمد بالزي هذا مضحك لووونه.

سلوى: قد نقل حكومي.

محمد: قرب للسياره، وشافهم ، الحمدلله على السلامه ياخاله، رجع شاف سلا والله انكم وحشتووونا قووي ونزل الشنط معاهم.

سلوى: اسلم يا ابني الله يحفظك لاتتتاخر ع المدرسه، امك مابتفعل؟

محمد: بتخبزز ، ادخلوا لاعندهم، وسار المدرسه.

سما: احنا عندخل للبيت نفتهن ونرتب الاداه.

سلوى: تجهزين لغدوه مدرسه، واقلكن كلمه مجابره مع محمد ماشتيش ، قد انتين نسوووان ، ابسرر غرر واحده بتجابر.

سلا: يوووف والضبح.

سلوى: ماهوو!

سلا: ضببح مانشتيش المدرسه تبدأ

سلوى: قلت والا.. يلا ادخلين هاا الدواير،وسارت بيت عمار.

زهور: فتحت الباب، حياا خاله الحمدلله ع السلامه ، اين البنات؟ ادخلوا ماما بيخبزوا

سلوى: البنات دخلين قدهن تاعبات من الطريق من قبل الفجر بكرنا،مارقدين سوا.

زهور : للعصر ونسير نبسرهن.

سلوى: حيا بكن في عيني، دخلت للديمه(مطبخ شعبي) الخارجيه حق الخبز، ايناااس ، ايناس.

ايناس: طرحت المخبززه ، يووو صوت اختي سلوى حيااا حيااا، الحمدلله ع السلامه، اي حين جيتي!

سلوى : الان والله ماقد دخلت بيتي، لقيت محمد قال انش بتخبزي قلت ابسرش فقدت لش.

ايناس: وانتي والله اعظم، كيف الجهال والعرس؟

سلوى: الحمدلله حالي ، غيرنا جو قبل المدرسه. وانتي كيف عرسكم ؟

ايناس: الحمدلله عان الله، ادخلي اصتبحي امانه خبز دافي.

سلوى:اسلمي والله شابعه مابش نفس قدني نوم اسير ارقد ونتباسر بعد الغداء

ايناس: تمام ، الله معش
.
.

العصر
سلا : تمت تصلي فتحت الطاقه، وشافت محمد في الحوي عند السياره، بتفكر كيف تدي الهديه بس ذكررت امها صيحت فوقهن، ضبحت وقامت تلبس عشان لاحد يجي يزورهن.

سما: كيف عتفعلي ذلحين ؟

سلا: امكن واحد من البنات يناولنه.

سما:ايوه احسن. امي قد فجعونا.

النسوان حق الحاره عرفين ان سلوى جت ،جين يبسرنها.

فاطمه(مرت جارهم): سلوى قد بناتش كبار اي حين تلثميهن؟

سلوى: قدو من هذه السنه يبداين ثالث اعدادي ويتلثمين .

فاطمه: ايوه سوا، وايناس؟

ايناس: والله زهور بتجنن ابوها ماتشتيش.

فاطمه: مابش عندنا بنات مايشتين.

البنات بيتسمعين وبيعلقين عليها ، جحفه مالها تيه .

زهور: والله ما اتلثم لو يموتوا.

سلوى: ايناسس مارأيش نخرج غدوه نشتري لهن قلافد المدرسه ونبسرلهن لثم على الطريق.

ايناس: تمام مابلا رشااا عتتلثم ، زهور قد زااايغت ابوها دحسس ، قال سهل عادهي صغيره لوما تقتنع.

سلا: لفتت لسما والبنات بصدمه بتسسسمعين ، صددقوا لخاله فاطمه.

سما: انا اشتي ادرى للمه بتحسد مننا ،جحفه تجحفهم، ابردي عنرجع نسير امريكا ونفتششش.

رشا: والله انهاا حاااليه تعجبني” شاتلثم واوقع قمررر ، جبررني بروحي.

سلا: شاورت سما، يعني لاعد عنحاكي محمد ولا نبسرره ، هم قالوا اخ مالهم قلبوا؟

سما: جبررر البراءه هو اخ؟ ياعقي،معش اخ هذك خالد حبيه.

زهور: كررركرت ع سلا . بعيييني يااا سلا عنقلهم.

سلا: بهررت ! من هم ؟ بغير جنان امانه ، انا اجابركن لاني داريه بكن ساع سما، ماعتتحاكينش، قوا.

رشا: ياخبلاااا احمدددي الله عنوقع لكم حمام زااجل.

سلا: ابتسسسمت وخززيت ، قلي له ان امي صيحوا لانتحاكاش، لاعد يوقفني ويجابر عتوقع لي قتله.

رشا: تمام.
.
.

ثاني يوم خرجت المدرسه هي وسما بثياب المدررسه واللثمه.

واقفات عند باب بيت عمار مراعيات للبنات يخطين سوا.

محمد : كان واقف ورا الباب ، سمعهن تصنم ماعد فتح ، بعد كلام امس رشا اللي وصلته له ، سمعهن وهن بيتجابرين.

سما: يووو والفعله ياسلا كيف شكلش بها امانه انش غوررربي (غراب).

سلا: يوو ، صدق؟ مادريتش كيف اوضعها بينحسي حواجبي من خاارج.

محمد: ماقدر يمسك نفسه يشتي يخرج يبسررر، فتح الباب وشافهن كركرر ، قال هذك البنات داخل وفلتهن وخطي .

سلا: ماعد دريت وين تحتشررر ابسسرته وقفت وشها بسررعه، وسمعته بيكركر قالت جحفه من السماجه.

محمد: سمعها ، ورد،ياسعم لاخوها خالد، انااا ياخالد ساااامج ! والله ؟ لاراحت لك بعييييني والله اني شاجمعهن لك لايووومهن ،عيجي، والتفت لسلا ورفع حواجبه وخطي.

رشا: خرجت مع زهور،ومشين.

جلسين يتجابرين ويعلقين ويضحكين على بعض.

محمد: سمعهن وضبببح صوتهن مرتفع والحاره يسمعوا ،بهرر لهن، ومشي من جنبهن وهمس بصوووت واطي ، اخطين سكته من الرفله هذا الساع.

رشا: ابسررته معصب ، تكلمت بصوووت واطي ، هذا قد صدق روحه.

سما: هو صدددق قد نسينا ارواحنا، صوتنا عالي اخطين سكته.

سلا: مابلا بيهنجم قد سكت له وهو بيهدد،انا داريه انه يقصدني مش خالد اخي.

رشا: شارجع اسأله ماقصده

وصلين المدرسه …

.
.

بيت يحيى: الباب بيدددق وصوووت رجال

سلوى: افتجعت ،وحملت تلبس، يا الله سترررك ،يعلللللللم الله ماقد وقع.. قربت للباب بتسأل من ؟

رجال من العسكر : افتحي احنا من المحكمه معانا احضار ،اين جاء يحيى.

سلوى : طرحت الستاره فوقها ،وبديت من الباب بفجعه وبطونها ف ارجلها ،خير مابه؟

اخو يحيى: بصوووت مرتفع اين جاااء ذيه ، شل البيت وفحط امريكا؟؟ يتخايل ان احنا عنخلي له حاله.

سلوى: اتقوا الله ، شليتوا لكم نص اراضي صنعاء والفلل حقكم ومزارع بني حشيش ولا قال لكم حررف وذيه البيت القديم اللي في زغط صنعاء حانب في حلوقكم.

اخو يحيى: احنا مانتكلمش مع مكالف ، اتصلي له وقلي له كلمه وعشر سوا ، والله مايبسر ابنه بعدا ، البيت خلال هذا الاسبوع يفضى، معي اجانب وقعت عقد معاهم سنه يسكنوا فيه.

سلوى: ماااادخل ابنه ؟؟ حسبي الله فيكم ونعم الوكيل وهرررين دموعها مثل المطرر.

العسكري: يا اختي وقعي هنا لو سمحتي.

سلوى: ماشاوقع ولا.

عمار : سمع صوووت الصياح كان عاد الا وصل من العمل، فتح باب السيارع ونزل ،خيرررر مابه؟؟؟؟

اخو يحيى: خير يا اخي ، قل لصاحبك يرررحله من الليوكه.

عمار: ياخي هانت الان مرته تسافر وشلوا لكم البيت .

سلوى: والله انه ظلم لكن الله يجعله في ذمتهم.

البنات وصلين شافين سياره وحوشه افتجعين حملين لبيت عمار كان محمد واقف يسالين ايش حصل؟

محمد: ….. تم يحكي لهن.

سما : حملت لاعندهم وزهور معها.

سلا: يعني ماعيوقع بنا ، تشتي تحمل نكعت القنطره من فوقها، خزززيت من المووقف من محمد، فلتتها وخطيت.

محمد: سلااا، ياااي نكعت القنطره .

سلا: ارجع اديها للبيت، وسارت.

عمار: بيقنع سلوى توقع.

سلوى: وقعت الاحضار،ودخلت البيت، ع ماهي بلبسها جلست في الارض تبكي، والبنات حولها مفجوعات.

محمد : دخل كلم ايناس باللي وقع كله.

ايناس: يوووو عيجعلهم نقمه تنقمهم، اقوم البس اسير ابسرها.

محمد: والله مادي القنطره حقها، سع ماراحت لها الا لووو جت تشلها.
.
.

سلوى: اتصلت ليحيى .. حكت له بكل شي.

يحيى: ولاتغثي نفسششش والا فلتي لهم البيت هو الا حجار فدا راسش وجهالي.. لاررجعوا اخوه

سلوى: والله ما اشتي اغثي لك قلب وانت بعيد لكن مانفعل..انا شاكلم ايناس تبسرلنا بيت في الحاره ننقل.

يحيى: وانا شاكلم عمار ..امانه انه احسن من اخوتي ونعم الاخ والجار.

ايناس: سارت تتفرط هي وسلوى.. وسألين ع بيت للايجار قريب في الحاره.

جميله: من الحاره ، ابسرري يا اختي معنا حمايا خرج من الدور اللي نازل وبابها وحده للشارع ،عد اكلم زوجي اذا عيأجروه واتصل بش، ولاتهمي الايجار.

سلوى: ررريت والله، ما قاهر قلبي الا اني افلت الحاره تيه ماسترررش.

ثاني يوم اتصلت جميله ونبتها انه وافقوا يأجروا لها.

سلوى: جاوبتها وهي رابطه راسها غاثيه،بس حمدت الله وشكرته، قالت للبنات يرفعين.

ايناس: بنات هيااا نسير ننقل مع خالتكن وادعين محمد من الشارع يبسرلنا جهال يعاونونا

سلوى: البسين لاعيجوا رجال يرفعوا الثلاجات.

سلا: لبست بالطو وطرحه ،وجت .

سلوى: واللثمه ياقمريه نسيتوها او مه؟؟

سلا: ماااعد الا نتلثم ونفعل عمل عنطفح.

سلوى: ولاتطفحي ولايقع بش شي،كنت في سنش باللثمه واصل ساكنين مع عيال عمي ولما تزوجت بين احميتي الله لاوفقهم.

سلا: وطت راااسهاا وبضببببح . ناااهي.

سلوى: قلي حاااااضرر.

سلا: لبست اللثمه وبيسايبين للحوش الصرر ( كومه ملابس مربوطه بطراحه).

محمد : دخل هو وخالد بيسايبوهن وبيتفرج سلا

سلا: بترجع لاعرض الباب حنبت الطرحه حقها في الباب وافتكت اللثمه ..خزززيت وغطت وشها بالطررحه

محمد: ضحكك ورجع يسايب ويغني كلام مقصود لها.

سلا: زااااعله ع بيتهم وطاقتها تتفاقد محمد كل شووويه،ويسمعها اغاااني .

تموا النقل ورفعوا البيت وخطيت الايااام خلصوا ثالث اعدادي ، وزاااد الحب بينهم عن بعد
.
.
.

مررررت الايام ومحمد ووواصل في الشارع وقت روحه سلا المدرسه ورجعتها ويتراسلوا عبر زهور ورشا..

في الاجازه كان معاهم عرس بنت في الحاره واتفقين سلوى وايناس يروحين مع البنات.

ايناس: سلوى تجهزي ع الساعه اربع العصر محمد عيوصلنا.

سلوى: عتكفي السياره ، ماشي سهل شاسير بتكس.

ايناس: ياعيبتش تكس وانا موجوده !! الا عتكفي ماعليش شي اقطبين نسير بحين نلقف بقعه حاليه جنب الكوشه.

تجهززين وخرجين..

محمد: يعرررف سلاااا ويميزززها من بين الملثمات كلهن ، كان لابس نظاره شمسيه ومتشيك ومتعطررر.

سلا: كان فستانها باين من تحت البالطو وررردي ، ومصبغه اظافرها .

ايناس: قدام وزهور.

سلا: ورا محمد طلعت اول واحده عشان تشوفه في المرايه وهو بيسووق.

محمد: شغل السياره وعرف انه عيوصلهن جهز لها اغنيه.. ( مافعل بي مافعل بي المكحل شل قلبي بالعيون يسحر ويسبي ما اجمله سبحااان ربي)

سلا: بتسسسمع وهي فارحه حاسه انه لها ، لانه واصل يناولها اغاني مع خواته.

وصلين القاعه نزلين كلهن واخر واحده سلا.

محمد: وانسوا القنطره سع ذيك اليووووم.

سلا: ضحكككت خازيه ونزلت وغلقت الباب دلاااا.

محمد: نزل فتحه وغلقه سوا، وجلس يتفرجهن لما وصلين.
.
.

الليل رجع لهن للقاعه ، طلعين فوق السياره.

ايناس: سلوى ابسرتي مرت صالح ال…، كلمتني تشتي سلا وسما لعيالها خطبه ذاحين وبعد المدرسه الزواجه.

محمد: مسسك برررريك ، وعقد حواجبه ، ولا ادى نخسس.

سلوى: نبسر، ابووهن بعدا سهل.

سما: مادخل ابي ، افرضوا مش احنا موافقات.

سلوى: بقصتها تسكت، مش وقت ، مادخلكن انتين ، نبسر كيف ونسال وبعدا سهل.

سلا: قد قلبها واقف قطعوا انسجام الاغنيه كان فاتح محمد(عارفه احلى حاجه فيكي ايه)ردددت منكم صدددق!!!

محمد: طفى المسجله.

رشاا: ماااالك حاااليه خليهاا.

محمد: سسساااكت ولانخسسس

زهور: طنشيه ، بيحانك.

ايناس: لو مش موافقات يابناتي سهل ، اول ابسرين لاهم سوا ،الله يسخرر لكن، ما مع البنت الا بيتها.

سما: ياخاله نتم ندررس.

سلا: سسسساكته ولا عد كلمه.

سلوى: الصدق انا اعرفهم مابش احلى منهم ، او مه يامحمد؟؟؟

محمد: ردد بضببح وصوووته واااطي ماعرفهمشش قووي.
.
.

بيت يحيى
يحيى: جالس في مطعم ، تم يتعشى، مسك التلفون يتصل لبيته في اليمن.

سلوى: قدي بتوضع البقعه للرقده ، سمعت التلفون الو …والله ان عمررك طووويل ،انا كل ما ا افكربك تتصل بي

يحيى: هههه..حياااش الله ، عيجعله طووويل امد احميكم من كل شي

سلوى: دمعت، وجاوبت بصوت مخنوووق، امين.

يحيى: تضاااايق من صوتها وتذكر الجهال والبيت ، عيونه امتلت دمووع، قال لها :هانت.

سلوى: اسمع ما كنت اشتي اقلك اليوم سرنا عرس من حق الحاره، ومرت صالح ال..(يعني لقبهم بس مشتيش اذكر اي لقب يصادف).
تشتي البناات لجهالها خطوبه ذاحين وعرس بعد المدرسه.

يحيى: عرررس مه من الجنان ،الفيززه عتجهزز قبل الدراسه ، مشتيش تفوتهن ويتأخرين سنه، قلي لها مابش نصيب عنسافر.

سلوى: انصدمت من الخبر ورفعت حاجبها باستغراب، صدددق!؟؟ والا غرر بتقل هكذا حين انت مش مووافق؟؟

يحيى: ضحككك ، الا صدددق ، اتصلت اقلش تجهزي نفسش هذه الفتره لانه يعلم الله نرجع مانرجعش.

سلوى: ارررتبشششت ،يعني متى وكيف؟؟

يحيى: مدددري ، شاكلم عمارر يقطع الجوازات لكم، والاثاث بيعي كل شي زايد او وزعتيه.

سلوى: بفررررحه ابتسسسامه عريضه، تمام حاضر ولاتقلق، وغلقت السماعه، جالسسه بتفكر، رفعت السماعه وبتتصل لايناس.

ايناس: كانت ساامررره و عمار ومحمد بيتجابروا، والبناات في غرفتهن..

سلوى: الو، عادني بين اقل افعل رنتين لوما جاوبتيش اغلق حن قد الوقت شررق.

ايناس: مع والله عادحنا سامرين لا شرق ولا

سلوى: ما افعل يا اختي مابش معي غيررش ادحسه، اتصل لي يحيى، عادو غلق ، قال نتجهز انه عنسافر في العطله وحاكيته على مرت صالح..

ايناس: تغيرررت ملامحها يوووو، ماهو ! بغير جنان ؟؟ اي حين.!

عمار ومحمد سكتوا فجأه وبيتفرجوا لها.

ايناس: حاكيتيه ؟؟ مش اني داريه ع ايش مستعجله؟ وافق؟؟

محمد: تصصصصنم.

سلوى: قلت ابوهن، مايسبرش مايدرى بشي ساع هذا.

ايناس: ايوه سوا خير مافعلتي.

سلوى: المهم فضفضت لش بين اهم السفر ، عيعين الله. سامحيني شغلتش.

ايناس: مابش اي شغله ، واول ما تبدأي تجهزي نبيني شاعاونش ولاتقلقي ونتفق ع كل شي.

محمد: تضاااايق قووي ،شل نفسه ودخل غرفته.

محمد جالسس يفكرررر ، ضبح وقام فجأه، خرج من غرفته وسار لخواته،شاف غرفه خواته مسرجه ، دق لهن الباب ودخل.

زهور: شافته وبتزبج ،خيررر مامعنا اليوم رساله والا اغنيه نووصلها!

محمد دخل و متضايق، جلس فوق السرير ووشه غاااثي.

رشااا: ياااي مااالك صرفووا؟!!!

محمد: امي حاكت خالتي سلوى، ومن كلامهن حسيت انهم موافقين ، قدهم عيجهزوا.

رشا وزهورر بصدددمه جاوبين سوا: بغيررر جنان.

محمد: والله ماالي علم ، اسكه ابسرررين الخبر سوا من سلا؟؟!

رشا: ولايهمك غدوه نعزمهن هنا

محمد: مسك رشااا ايوووه قوووا ، خليهن يجين بدرري احاكيها في الحوي.

زهور: انت وحظككك، الله يسخر لامي وخاله تفرررطه.

محمد: نسي الموضوع وفرح انه عيبسرها.
.
.

ثاني يوم الظهر..طلعين نتايج الاعداديه.

بيت عمار ..
رشا: شافت نتيجته ، حملت لاعند امها، يمه يماااه محمد نجحححح .

ايناااس: يووو الحمدلله ، وسلا وسما؟

رشا: والله مالي علم اتصلوا لهن، شاعزم البنات اليوم ونفعل لهن حفله نجاح.

ايناس: تمام ابسرين محمد يدخل من الشارع. ورفعت السماعه بتتصل لسلوى.

سلوى: بتجابر البنات وفاااارحات بالنجاح تشتي تتصل لمحمد ، رفعت السماعه تتصل ، وانه مشغول.

ايناس: بتتصل بسلوى وهو مشغول، جلست شويه عادت الاتصال.

سلوى: جاااوبت ، عمرش طويل بين اتصل بش وهو مشغول.

ايناس: وانا والكل ، قلت الظاهر يحيى.

سلوى: الحمدلله البنات نجحين ، ومحمد؟؟؟

ايناس: الحمدلله نجح والكل . الله يعين ع الثانويه، اسمعي عتجي نسير نفرح لوفاء دخلوا مكان الولاد امس.

سلوى: ايوه تمام نسير ماعد معي الا ذاحين اخرج قبل ما اسافر.

ايناس: والله انو صدق، والبنات فاعلات حفله لسلا وسما، خليهن يجين يتوالهين.

سلوى: تمام حاضر.
.
.

بعد العصر ..
سلوى وبناتها باب بيت عمار ..
سلوى: ابسرت محمد بيلعب في الشارع اشرت له يجي.

سلوى: الف مبرووك ي ابني، هيا ماذلحين ثانويه مابش لعب نشتي مجموع سوا..

محمد: خازي وموطي راسه رد عليها الله يبارك فيكم..والبنات الف مبروك نجاحهن.

سلوى: الله يبارك فيك ،ولفت للبنات هيا ادخلين ادعين خالتكن قلين لها تخرج..

ايناس: خرجت وهي بتتكلم

سلوى، سلمت ع البنات وباركت لهن وخطيين.

سما: دخلت الاوله

سلا: دخلت بعدها ،وحست محمد وراها .

محمد: دخل للحوش ورد الباب ، بصووت واطي سلا!!

سلا: التفتت له، وخازيه موطيه راسها.

محمد: اول شي مبرروك ع النجاح ثاني شي وطى راسه بزعل مبروك على الخطوبه.

سلا: رفعت راسها ، اين خطوبه من قال؟؟!

محمد: امس سمعتكن والليل خاله حاكوا امي ان عمي وافقوا.

سلا: ماوافقوووش .. وبصووت زعل لان احنا عنسافر قبل المدرسه.

محمد: فرح وماركز ع الجمله الاخيرة

تعز
هدى: ياسر ايش عاد سويت بالجامعه كلمت اصحابك يسجلوا لك بصنعاء، المدير أكد لابوك انه بيمسك فرع صنعاء.

ياسر: متى طيب.؟؟

هدى : نهايه الاسبوع .

ياسر: خلاص في وقت لاتقلقيش.

هدى: انا باكلم اختي تسال لنا ع بيت قريب منهم.

ياسر: تمام كلميهم وانا بشوف اصحابي.

هدى: اتصلت باختها وكلمتها.

سلوى: ايوه البيت اللي فوقي فضي اكلم لش صاحبته

هدى: عادي ي اختي اهم شي قريب من وسط صنعاء، مش بعيد.

سلوى: انتي مش عارفه ليش قلت لش تجي هنا ، قد شاسافر هذه العطله تعالي فوقي عشان لانزلتي بيتي ولاتديش اثاثش كله تعالي بيتي وقفلي ع بيتكم

هدى : اووو قد يحيى اكد لك؟ يلا باكلم زوجي وانبيش.

ايناس: بنااات اجهزين خالتكن مررراعيه لنا فوق الغداء

محمد: ف الشارع بيطرق لهن هياااا << رفع صووته عشان سلا تسمع وفتح اغنيه بصوت عالي.

ايناس: خرجت هي والبنات وبتهزئه مالك استحي على نفسك انت في حاره تجنن هكذا وطي الصوت.

محمد: تنهددد ووطى الصووت ، شغل السياره ومشي ولاجنب بيت يحيى ووووقفت السياره وهو نزل يبسر مالها ؟

ايناس: بتعااجل هيااا مه عتسبرر ؟؟

محمد: رفع صووته بالعاني ، مدددري شادق لخالد يدي ماء نبسر الظاهر الماء ناقص.

سلا: كانت في الحوش بتضحي الثيابات سمعته ، حملت للباب وقلبها بيدددق غمضت عينها وشمت عطرره تنهدت .. من !!!

محمد: اشتي ماء

سلا: مابش معنا معززز هنا..تشتي مااء.

محمد : قرب للباب، مش انا وحدي يالقااانه.

سلا: قحصت اسنانها وخزيت لاحد سمع، فتحت الباب ومن وراه قالت ها تشتوا ماء ،حااضر الان.
دخلت تدعي خالد مابحد، رجعت تغطت وادت ماء، فتحت الباب.

محمد: مد يده من ورا الباب يشل الماء، مسك يدها وفلت الماء للارض.

سلا:: انحرررجت،، يوو اسسفه الان ادي ثاني

محمد: فرح وطنن للززنه امتهدت،وضحك وانا مادرراني مابين ابسر شي.

ايناس: وصلت بيت اختها نزلت معاجله ومعصبه وخازيه حين تاخرت.

احمد: فتح لهم الباب، سلم عليها وبيشوف واحده ملثمه وواحده فاتشه ، قال كيف انتي زهوور؟ وتيه رشا؟؟!

ايناس: ايوه كل سنه نلثم واحده.

زهور: انا قلت ماشتلثمش وبسسس حتى لو قد عجزت.

رشا:على حلاااااش ، عتفجعي خلق الله.

زهور: وانتي استري ماستر الله.

احمد: ضحكككك، وهو بيشوف رشاا ،
قال :مابلا مررره اعجبتني.
.
.

دخلوا وقربوا الغداء..
رشا: ابسررت بنت الصحن ،ابتسسمت ،جلست جنبه خاااااله كم خاوره حقكم بنت الصحن.

اروى: واحمد ، روووحه فيها ..اقسمي له قطعه.

رشا: بتقسمها وبتتذكر السيدي لما مسك يدها..امتلت يدها عسل طرحتها في صحن ، وقامت تغسل.

احمد: داخل نفسه بيفكرمن هذك اليوم فيها.

جلسوا يتغدوا خلصوا، رفعين البنات.

رشا بتغسول مع بنت خالتها والنسوان فوق .

بنت خالتها حنان : بتسكب القهووه.

احمد: دخل للمطبخ، من عيغسل لي القات.

حنان: جحفففففه خصمي هذا المقطع يوميا بعد الغداء.

رشا: ضحكت ع حنان، وبخزا جاوبت اديه انا شاغسله لك.

احمد: الله يحفظش يابنت خالتي احسن من بعض الناس.

حنان: ع خرجتها تطلع القهوه شازوجك بها .. اهجع من دحسك يوووميه.

رشا حمرررر وشها ساع الطمطسه، هذه ساااامجه حنااان.

احمد: تصنننننم ولا عد نخسس، ودخلت الفكره في راسه حنان لانه معجب بها.
.
.

سلوى: بنات جهزين البيت خالتكن عتوصل بكره الصبح من تعز عنعزمهم غداء ويمسوا عندنا امد مايبسروا بيت.

سلا ساااارحه بتلعب بشعرها،في محمد وانها شافته وشم عطررره والاغنيه اللي فتحها.

سما: لوما تتم الاخت تتحيلا لروووحها، شاشلش كوافير ، يااااي سلااااا، بتسمعي قومي نفعل مهره.

سلا: ركزززت هااا ماااهو؟؟

سلوى: هنيت لعيني بكن ، كل واحده يشتي لها هدارر لراسها.

سما: دخلت المطبخ تغسول حق الغداء، تفتح الحنفيه مااابش ماء، دخلت لاعند امهاا ابشررركم مااابش ماء

سلوى: هووو هكذا تحلق الدنياااا ، ادي التلفون ابسر ايناس..

محمد: جاوب التلفون، امي مابحد تغدينا اليوم بيت خالتي . وانا ضوويت بعد الغداء،

سلوى: ابني الله يحفظك عتبسر لنا وايت؟

محمد: ايووه انا روحت عسب الرجال عيجي قال بعد العصر عنقسمه بيننا بالنص

سلوى: جبرني بك الله يحفظك ويبارك فيك تمام.

جاء الوايت ……

محمد: دخل يمسك الوايت للخزان..

سلا: مراعيه جنب الطاقه ، امد تسمعه لو قال يولعوا البمبه.

محمد: طرح القصبه للخزان وصاااح ولعووووا البمبه.

سلا: تشتي تووولع،، بتووولع ولااا به خبر! سارت تبسر وان امها صاحت جحفففه طفوووا

سلوى: البسي بساعتش وخرجي له البالدي الكبير يعبي الباقي لابينه

سلا: فررررحت حملت لبست ، وخرجت وقد الخزان بينسح لافوق محمد ، يشتي يهزر اللي( قصبه الماء) نززززفهاااا بدون قصد، وجلس يضحككك.

سلا: شهقت يحححح ، مالك وانت اشتحط.

بيت اخت ايناس
رشا: غسلت القات ونشرته

احمد: جاء دخلهن الكيس، وابسررها اسسسلمي الله يحفظش.

رشا بخزاا ومتووتره: الله يسلمك مابش شي.

احمد: هذا شقاااش( كيكه ).

رشا: ضحكت، مره ثانيه اشتي شقاا سواا جلاكسي.

ايناس: بتجابر اختها، عتسيروا مصر؟

اروى: ايووه ، عنغير جو امد، جي انتي وعمار والجهال؟

ايناس: ماعنقدرش كلنا والله عاد فوقنا ديوون السياره حق محمد.

اروى: والا خلي الجهال يجوا معنا ، واوبه لهم.

ايناس: اكلم ابوهم واردلش نابي.
.
.

بيت يحيى
محمد: بيجابرها سلا اشتي اقلش شي ، لو سافرتوا عتنسيني؟؟؟ وتنسي كل شي؟ افرضوا ماترجعوش!

سلا: خزززيت انت داري، اني ماشنساك لاتحرجني.

محمد: فرررصه مدري نزيد نجتمع قبل ماتسافروا اوو مع، انا شاررراعي لش عمرررري كللله وشافعل المستحيل والله لو تسيري اخر الدنياااا

سلا: ياااي الماء بيتطعفررر..

محمد: رفعه بسررعه وخرجه لصاحب الوايت.
بدي من الباب قلي لخاله مايشتوا شي؟

سلا: تسلم.

محمد: بصوووت وااااطي، لفت لها الله يسسسلمش ويحفظش ويخليش لي ومن نصيبي♡♡♡

سلا: تسمرررت بقعتهاا..تشتي ترد، صوت سلوى بتداعي امد الزلط.

سلوى: قلي له يراعي.

محمد: قلي لهم والله ماشل فللللسسس وهزر الباب لاعنده وغلقه

سلا: مبتسسسمه فارحه ،ماااارضيش يمه خطي ، حاكوا خالتي انتوا.
.
.

ايناس وعمار سامرين بيتجابروا..
ايناس: عمار ، اختي اروى عتسير مصر تغير جو ، معاهم شقه هانك، قالت نسير بس قلت ان احنا ماعنسترش

عمار: ريت والله وقد قضينا سياره محمد، يسيروا الجهال يغيروا جو

ايناس: قد قالت اديهم معاها، عتوبه لهم.

عمار: موووافق شاقدر ادبرلهم تذاكر.

ايناس: تمام انبيها غدوه.
.
.

ثاني يوم الظهر..
وصلوا هدى وزوجها وياسر وبنتها (من طبينتها).
هدى: وصلوا للبيت الاول ماعرفوش بيتهم الجديد ، ومحمد في الشارع راجع من الجامع بعد الصلاه.

ياسر: نزل يسال..

محمد: اشر له طررف الشارع، بس من انت يا اخي ولو سوء ادب..

ياسر: احنا اهل لاتقلق.

محمد: اجتغررر وبدات الغيررره تقلب في راسه، دخل البيت وهو بيفكر من ذيه اول مره ابسررره؟

ايناس: عتسير تنفعني

محمد: ايوه ، يمه لوتبسروا جاء واحد يسأل ع بيت عمي يحيى ومعاهم شنط !! من هم ؟

ايناس: هااا الظاهرر اختها وصلت من تعز.، وريتهم البيت؟

محمد: ايووه، سار ينفع والغيررره بتلف في راااسه.

خالد: فتح لهم الباب وبيعاونهم في الشنط ، محمد خطي من جنبهم ، وعاونهم..وتجابر هو وياسر.

النسوان دخلين وبيتسالمين وسلا وسما في المطبخ بيجهززين غداء.
.
.

بيت عمار..
ايناس: اتصلت لاروى تنبيها انه عمار وافق.

رشا: سسسمعت، فررررحت، حملت لاعند زهوور تقل لها.

محمد: وصل، وابسرهن بيتجابرين، قالين له، قال ماشتيش ماشسيرش.

ايناس: ليش؟

محمد: هكذا مابش نفسس ، بعدا سجلت معهد ودفعت.

ايناس: يوو يا ابني احمد الله سير غير جو.

محمد: بضبببح، مشتيشش مش بالغصبب.

رشا: غمزززت له ،طززز ووفررررت.
.
.

بيت يحيى
سما: خااازيه بعكس المره الاولى لقااانه.

ياسر : ماشاءالله ، سما واحده ثانيه ، لفات الجبل اثرت فيها.

سما: ماشي بس انت ضيف معك ثلاث ايام

هدى: بناتك كبروا ماشاءالله قمارررى، عتسيري تقطعي نصيبهن في امريكا..؟؟

سلوى: عيسخر الله لهن كلهن عيال الحلال.

ياسر: وانا وخالد ياخاله؟؟

سلوى: ضحكككت، وانتوا والكل يدي الله العافيه.
.
.

محمد: في بيتهم بيدور لابوه اوراق وشهايد البناات عشان الجوازات ، لقي صووورهم وهم صغااار وسلا معه في عرس عمه ، لفهن كلهن لاغرفته، ورجع ناول ابوه الاوراق.

.
.

بعد العصر..
ايناس وبناتها جين عند سلوى ،فعلت جلسه عشان هدى ، بيتجابررين وفجأه.

دخلت سلا: بسررعه ، ماما جاووبوا بابا في التلفووون مستعجل.

سلوى: قامت على طووول تجاوب ، حيااا كيف انت.

يحيى: احياش وسلمش ، انا مسسستعجل الان معي عمل ، بس قلت انبيش تخلي عمار يقطع للجهال جوازات ، حقش الجواز عادو لما ينتهي اربع سنين مايحتاج شي.

سلوى: بتسمع سكته، ليش ؟ قد عيطلعين الفيز؟

يحيى:قد طلعين ، معش شهر تجهزي نفسش ، سجلت البنات مبدئيا، في مدرسه عربيه هنا، المهم لاتقلقي شاجابرش بعدا .. مع السلامه

سلوى: مع … انقطع الاتصال، طرحت التلفون نسيت تغلقه من الصدمه.

سلا: خيررر مااايشتوا؟؟

سلوى: ذهنت من السرحان، ولفت لها بصدمه ..هااا تخيلي قدو السفر بعد شهر مش مصدقه؟؟!!

سلا: ماااانشتيشششش ، قلوا لهم مرتاااحين هنا

سلوى: قامت ببطء وزعل. اسير ابسر خالاتش واحاكي ايناس.

سلا: دخلت لاعند البنات ملان عيونها دمووع وزززعل، بناااات ابي اتصلوا ، عنسافرر بعد شهرر.

سما بفرحه: وقفت صددددق؟؟؟

رشا: هزرتها من كتفها تجلس، ززقرعه مااالش فاررحه.؟ اخس ياشوعه وتفلتينا و تسسخي.

سلوى دخلت عااادي بدون ابتسامه، عكس اول كانت فارحه ووشها بشووش،

ايناس: خيررر ، مايشتي.

سلوى: تنهدت وارتجمت جلست، بصووت حززين عنسافر بعد شهر.

ايناس: مسكت وشها، ومصدومه يوو وانا ؟

هدى: الصدق غبني على ايناس اما انا بين اجلس منها من السنه للسنه ، عتزعلي صدق بس قدو فهنه ، ترتاحوا من المشاكل.

سلوى قررررحت تبكي: كيف ارتاااح والله لو امريكا بتسسرج، ماااقدرش اخرج من وسط صنعاء وحارتي وجيراني ، ماعيووقع بي لا عزمت وضيفت ؟؟ اين ايناس تبدي عليا؟ والا نسوان الحاره كل واحده قلبها ع الثانيه.

ايناس: حضنتها،ضحكت والدموع ملان وشها، حسستيني قد عتطلعي الطايره،صلي عليه

.
.

البنات في الغرفه الثانيه
سلا: غاااثيه وماسكه نفسها بالغصب لاتبكي.

رشا: وعتسخي ع محمدي ، وتفلتيه لمن؟؟؟ والله لايجنن ويخررف ، ومش بعيد يلحقكم.

سلا: بتتفرج لها وقد الدمعه طرف عينها.

زهور: اذا بيجلس في الشارع طووول اليووم يراعي لو عتخرجي او تبدددي بقعه. واذا جلسنا سوا مايجابرررنا الا منششش !!

سلا: ما استحملتش وقرحت بككككككيت

رشا: يوووو ماغلاش خلاص بسس وحضنتهااا وتمسح ع شعرها.

سما: تاثرت من بكاء اختها وبكيت.

حنان اخت ياسر: دخلت لاعندهن وهن بيبكين، خيررر حتى هنا في بكاءء؟؟ هيا بس دلع احمدوا الله امرريكااا.
.
.

روحت ايناس العشي بيتها وبتجابر عمار..
عمار: ايوه قد اتصل لي يحيى وانا كلمت صاحبي يوقع بدلي ويمسك عملي ساعه امد ماسير اقطع لهم جوازات، وللبنات والكل يسيرين مع خالتهن

زهور: اول مادخلت هزرت محمد للغرفه هي ورشا..

محمد: مصدووووم.. مااالكن!! وابتسم بفرحه هااا خواتي حبيبات قلبي به اخباررر جديده ماقااالت ؟؟ اكيد قالت لكن انها تحبني صح !

رشا: غاااثيه وخايفه تقل له يغثى اسمع ، صلي على النبي اول .

محمد: اللهم صل عليه وع اله … ماهووو مالكن؟؟؟

زهور: سلا عيسافرروا بعد شهرر .

محمد: كان واااقف متحمس يسمعهن، سمعهن وجلس بدون مايحس للارض، ومسك راسه ، سسسكتت.

رشا: بتوواسيه ان شاءالله يرررجعووا.

زهور: على من بنخرررط، معروف امريكا لاسارررت مابش قرين كارد الا بعد ماتجلس في امريكا ع مزاااجهم محد داري لاي حين !

محمد قاطعهن: اصصص بسسس، وقام شل نفسه وخرررج، شغل السيارررره، وجلس يلوووي مش داري وين يسيررر، وكيف يفعل ، ومعقووول حب الطفوووله كله يروووح، ماخطي يوم وماسمعنا من بعض خبر ولا لمحه .. !!

.
.

سلوى: جالسه مع هدى وياسر وابوه راحوا بيت عمهم …لفت للبنات، وذكرررت..ياي بنات الصبح تجهزين مع عمكن عمار عيشلكن ويقطع لكم جوازات.

سلا سارحه مطننه، ايش عتفعل فس هذا الشهر، نكزها صوت امها..

سلوى: سمعتين؟؟

سما: حاضر هيا سلا ، نجهز الاوراق والشهايد حقنا.

سما: بين احس حنان فضووليه يخ ، جي نتجابر هنااا.
سلا: وممممحمد ياا سماااا، كيف عنفففعل؟؟؟

سما: خلاص نصيب ماعتفعلوووا عتلقي الف واحد احسن منه زرقه وشقره وحلاا..

سلا: ماادرااااش ، تررحمي لادق لش قلب ولا عشتي حب،من حين عرفتي امش وابوووش، انا اعرف محمد.

سما بتخمااارر :ناااهي يا جدتي ، وقربت لها وبصوت وااطي ..سلااا ..محمد تقلي ماعيفعل لوما يدرى؟ انتي عادش عتساافري وتنسي

لكن محمد في الحاره يرحمم عيجلس يتذكر كل شي.

عماربيتصل: هااا محمد اين انت لااا ذلحين؟؟

محمد: كنت اعاون واحد صاااحبي معهم عرس.

عمار: يلا رووح هاا شرق عليك.
.
.

ثاني يوم الصبح خرجووا كلهم يقطعوا جوازات

محمد: نفسسسه يسيررر بس ماعيسافررش مابش معه عذرر!

عمار:هيا محمد..

محمد: ماشاسافرش للمه اقطع وانا ؟؟

عمار: جي اطرحني في العمل وروح بالبنات انت ما استاذنت الا ساعه وعسب المعامله تنفعني.

محمد: فررررح ، وجلس يمشط شعره بيده لاورااا لانه ماتشيك ساع كل كره.

وصلوا بيت يحيى طرررق بالسياررره وهن وخرجين مع خالد.

محمد: لفت للباب كان من عنده ع الجهه اليسار، واووول واحده خرجت سلا ،جلسسس يررفع حواااجبه حركه كل مرره ومبتسم .

سلا: كانت مكشرره وخازيه ، شاافته ابتسسسمت

سلا خرجت شافته ابتسمت مش باينه ابتسامتها مع اللثمه، طلع خالد قدام جنب عمار وسما جنب زهور ورشا، سلا آخر واحده عشان تجلس ورا الكرسي حق محمد.

محمد: نفسسسه يفتح لها اغاني مجهز لهن خازي من ابوه، وصلوا الجوازات .نزلوا ، محمد بالنظاره الشمسيه بيتفرج لسلا محد شايف نظراته.

تموا المعامله وقالوا يرجعوا لهن

بعدساعه، وطلعوا السياره..
عمار: محمد اطرحني في العمل وصبح خواتك وارجع للجوازات يكونوا جهزوهن.

محمد فررررح: حاضر يابه من عيوووني.

سما دكمت سلا

سلا خاززيه بقصتها تسكت.

عماروصل نززل الوظيفه حقه: محمد اوبه لهن وارجعو بسرعه وانا شتصل انبيهم لايقلقوا

محمد: حاضر، شغل السياره ومشي ، يلا ماتشتين صبوووح؟؟؟

رشا: كبدددده ورشوووش.

زهور: مع،، خاااوره قنم وزحاااوق وزلابيا.

محمد: وانت ياخالد؟

خالد: انا شااابع تسلم.

محمد: مابش شااابع، قلت والبقققققيه؟؟

سلا ساااكته…خازززيه.

رشا: ماتشتين هياا!

محمد: عندي فكرره نشل زلابيا وكدم وبرعي وقنم وزحاااوق، ماقلتوا ؟؟؟

رشا وزهور: ايوووه.

محمد: ياجنااااه ، وبيبسررر سلااا في المرايه ،بعد النظارره وانتين؟

سلا: اي شي.

سما: تمام مع البنات.

نزل هو وخالد،شل صبوح وسما بتقل لخواته فوق السياره وين ناااكل؟؟
كيف عنفعل مابش داعي قلي له نرجع.

سلا: خلينا نودع صنعاء قبل مانسير.

زهور: صنعاء والااااا حبيب القلب.

سلا: لفت وشها للطاقه بتتبسرر ودمعت.

محمد: جاء من جهه سلا وبدي لها من الطاقه بيرفع حواجبه، شاااافها مدمعه،طلع وسكت..

تنهددد وشاف سلااا في المرايه وياسعم بيجابر خالد ،،واخيرااا شاشبع منك ياخالد والله مايجهزين الجوازاات الا العشي.

البنااات كلهن كركرين فهمين قصده.

زهور: بغيررر جنااان..اصتبحوا كفااايه.

محمد: لقي بقعه حاليه خارج حده وقف ونزلوا يفرشوا يصتبحوا .. رشا وزهور وسما بيتفقين كيف يفعلين بخالد عسب يتجابروووا..

وصلوا ونزلوا… محمد فررش الصبوح جهه من اليمين حق السياره له ولخالد وجهه للبنات عشان ياخذين راحتهن..

سلا: غلقين عليها الباب داخل السياره وسارت رشا تشاور محمد بخطتهن..فرررح..

خالد بيصتبح مع محمد، جت لاعندهم رشا ادوا قسم سلا وجعت رجلها ماعتقدر تنزل..

محمد: هااا شلين لكن هذاا ..جلس شويه قال اسير ادي تلفووني اتصل لصاحب الجوازات وغمز لرشا يغالطينه.

خالد ولا في حسه بيصتبح مش فاهم شي عادو جاهل.

محمد فتح الباب وطلع جلس سكته بيتفرج لها من المرايه..

سلا: محمد..

محمد: اششش خليني اشبع من عيووونش ، معقووول ماعد شبسررررش ياسلااا؟؟؟!

سلا خززيت ووطت راسها

محمد: قلت خليني اشبع من عيووونش، ابسررريني.

سلا: محمد قوووا بتحرجني اشتي انزززل

محمد: سلا انتي داريه انتي ايش بالنسبه لي؟

سلا ساكته تتفرجه

محمد قال: غمضضضي عينش ثوواني.

سلا: مالك اليوم بتخرررف ، ماشاغمضش.

محمد: قوووا دقيقه بسسس غمضي.

سلا: ماااعه مالك بتتخيبل ؟؟

محمد: مسك ورده معلقه في المرايه..قلت غمضي والله لافدجش بتيه

سلا ضحكت: هااا غمضت

محمد: خليش مغمضه” قلي لي مابتبسري؟؟

سلا: ظلمي.. ماشبسرر !

محمد: هكذا عد اكون بعدش ظلمي اعمى ولا شستضي شي

سلا: انت داري مش بيدي..

محمدقاطعها: داااري ، والله لو انتي اخر الدنيا عتكوووني من نصيبي ولايفرقنا شي غير الموت، اوووعديني.

سلا بخزاا: خلاص ناهي لك جحفه.

محمد: هذا وعد اعتبره ياجحفه.

سلا بصووت واطي: ايووه

محمد كركررر: هيا انزلي ياعرجاا قالوا قدش عرجااا انزلي اصتبحي ولما تطلعي شافتح لش اغنيه ركزززي عليها.

سلا: تمااام يا عبدالحليم ..، فتحت الباب ونزلت

البناات مسكنها هاااا ماقال لش ياااي.

سلا: اص جااااوعه وبدات تاااكل ومارضيت تكلمهن.

البنات بيتحرققين هياااا جحفه لش، الحجه عندنا.

تموا صبوح طلعوا السياره فتح لها (يامنيتي ياسلا خااااطري وانا احبك احبك يااااسلااام… ورررفع الصووووت..

تمت الاغنيه ورشا وزهور غنين شلوا لكم صنعاااء مع الاراضي اما حبيب قلبي ماناش راااضي..

سلا خزززززيت بقصتهن: كلبااات لاراحت لكن .

وصلوا الجوازات نزل اداهن ومشي من عند بقاله جعل لها شكلااااته خيراااات من حقهااا الشكلاته.. ودخلها من الطاقه
.
.

بيت يحيى
سلوى بتجابرهدى لو تستاااجروا البيت حقنا حالي..

ووصلوووا
محمد بيدعي لخالد ياااارب ماتسافروا قل امين..

خالد: ماااشي مااالك نشتي نساااافر عند ابي.

محمد:بابا! وتسخى عليا ، لكن سسهل ..

ايناس… فعلت عزومه لبنت اختها
الحريوه وعزمت سلوى وهدى والبنات يسيرين عندها..

سلوى: ما افعل لش بنات الصحن او اخبز ؟؟

ايناس: الاثنين والله مامعي وقت والبنات ماروحين.

سلوى: ولايهمش ولو تشتي شي ثاني قلي لي.

ايناس: بس هولا محلبطات لي ولاتنسي اختش وزوجها.

سلوى: هو بيت اخوه عنجي انا وهدى

البنات وصلين وسلا في واااادي ثاااني ساااارحه بكلام محمد

سلوى: بنااات تجهززززين عنسير بيت خالتكن ايناس شكمه

سما: لو درينا ان سرنا معاهم قدي من مره.

هدى ضحكككت: والله عادها لساااااان..

سلا: دخلت غرفتها تدور فستااان محتارره خرجت ثلاثه جلست تقايس وتتفرج نفسها في المرايه اين احلى

سما: دخلت تتفرج لهاا منش صددق ، قد بتلبسي!

سلا: بتتفرج الفستااان في المرايه من ورا كتفها، اقايس جحفه لش يالقنه.

سما: وووومن اي حين بنقااايس بنلبسسس ذك الساع ومانلحق نتم البعاسس الا فوق السياره تصباغ واكسسوارر، والا رايحه بيت اهل زوجش.

سلا: ياااكلبه اص كوني بطلي خباله لحد يسسسمع مااالش.
.
.

ايناس بتكتب لمحمد طلبااات..

زهور ورشا دخلين يجهزين الامكنه ويبخرين البيت..
.
.

سلوى: ماسكه سماعه التلفووون..
ايناس جاااوبي ! مااالها مابتجاااوب ؟؟

هدى: اكيد مشغوله الان.

سلوى: اشتي يوصلين لها بنات الصحن والخبز قبل محد يبدي شرق..

هدى: الله يهديك رسلي البنات مع خالد.

سلوى: مع مش حالي نسايبهن ع صحن صحن.. يجوا بالسياره افضل.
.
.

بيت عمار
محمد: بيتجابر هو وامه ع المنفعه… يمه جاوبووا التلفوون.

ايناس: راااعي، لاقد تسيررر وتقل ماقلتلوليش كلهن مره واحده.

محمد: وهو واقف ربع يده ،تمام ها مراعي.

ايناس: يووو سامحيني ماسمعت الان ارسل محمد لهن وغلقت

محمد بفررحه بس مخبي ملامحه: من هن؟؟؟

ايناس: سير ادي البنات والخبزز من عند خالتك.

محمد: ع طووول الان، وفتح الباااب وخااارجي…

ايناس: ياااااي كون راااعي من الجنااان ، اديهن وبعدا سير ادي اللي قلت لك.

محمد: حاضر،، طلع السياره بيجابر نفسه اليوووم هذا سلاااا ..وخرج العطرر تعطرررر، وصل نزل.

سلوى: بتجهززز الخبز وتلفه ودعت سما تخرجهن.

سلا: قووووووا قلي انش تشتي الحمام، خليني اخرررررج انا قواااا

سما: بشررط.

سلا: قوا مش وقت تشرااط قبل مايحسوا امي ليش اخرج انا ماتشتي.

سما: اللي في شنطتش ادي لي جعاله وانا ادخل الحمام.

سلا: شليها كلهااا هيا مقلع سيرررري.

سما: دخلت الحمام.

سلوى: جت هيااا واحده تلبس الولد مراعي شرررق.

سلا: وين خااالد ووواصل في الشارع.

سلوى: البس لي انااا من المكارحه، بنقل لها الولد مراعي.

سلا: لبسسست بسرررعه مع مع جبرني بكم مش قصدي ادوووهن..

شلت الخبز وبنت صحن واحده وخررجت ،

محمد بابتسااامه ويشاكس بحوااجبه: فديت الايااااادي ، هيا عتطلعين وين خاله وسما؟

سلا لابسه الطرحه ومتلثمه بنصها: بغيررر جنان اين اطلع.

محمد بيتفرج لهاااا ويتأمل: سلا فاااقد لش تغيرررتي ! عاد غمازه خد وخد مع زي ماهي والا زااادت حلاااا .

سلا: يااااي والله انك مدكوم اصصصه لحد يخطى يسمعك، طرحت الخبز وقالت لحظه باقي البنات وسارت.

محمد: عينه عليها ولف شاف الخبز والبنت الصحن قال هاااااا هن هولا البنات وعوج فمه !!!

سلا: هااا امسسسك بسرررعه ،حرررقت حاااامي الصحن اووووبه…

محمد: بيمسك ويدز يده حاااامي ويفلت.

سلا: بتأشر له بقعه يدها موطفه(قطعه قماش)اشبح من هنا حررررقت

محمد: مسك يدهااا<<بالعااااني … هااا قلي كذا من اول..

سلا: وااالله انك حمااااار نزززغه.

محمد: وانتي بقرررره.

سلا: حماااار ،يلاا من هنااا

محمد: بتلاااعني ! طيب يابقرررره بين احبشش قوووي قووي.

سلا: وانا يااااشووووعه.

محمد: مااااااهوووو ماااقلللتي ؟؟؟

سلا: حمارررر وغلقت الباب لاوشه.

محمد مششش مصدددق نفسسسه ضرررب طررريقه(هااون-بيب بيب) ب السسسكاااان ههههه من الفررررحه وجلسسس يفحط ويجنن

عم حسين( شيبه): ياااا ابني عيب عللللليك جناااان وسط الحااااره وووطي الزززقع والجنااان ذيه.

محمد: قرب لاجنب الشيبه: ياعم والله اني بين احبهااااا قووووي ماااااافعل.

عم حسين: ضحك ، اين جاااا ابوك نقله يزووووجك..

محمد: قلوا له مااااا اشتيهااا الا هي.

عم حسين: هيا ادي لي خببز اطلع اسلت(سلته) قد شمهن جنان .

محمد: ناوله ، ادعوا لي مااتزوج الا هي، ومشي فاااارح بيغني.

سلا: دخلت وارتزحت عرض الباب وماسكه يدها البي مسسسكهاااا وداخل نفسها والله اني بين احبك قووووي والكل.. بس يعلم الله كيف اخرتنااا ، مشتيششش افكررر ذلحين خليني ع شم عطررره مطننه..

قاطعها صوووت سلوى… هيااا قمرررر عتدخلي تلبسي شررق.

سلا: دخلت لبست وبتتذكر كلامه وعطره
ومسكه يده .. وتضحك ع منظرره وحركه حواجبه .
.
.

بيت اخت اروى( اخت ايناس)..

احمد: بيلبس ويوضع الجنبيه وشل القات يشتي يغسله.. ذكررر رشااا ابتسم.. ومشي

سلوى: هيا نسير ذلحين نعاون خالتكن والبناات..

دخلين بيت ايناس..وايناس بتبسر البنات، مالكن مالبستين عيجين نسوان بعد الغداء…

سما: ايوه .قد جهزنا اداتنا لومانتم الغسوله.

ايناس: الله يحفظكن ويرزززقكن عيال الحلال انتين وخواتكن.

محمد: سسسسمعهن ، رد امممممممممممين.

سلوى: ضحككت هياااا ماذلحين عتسمعي هذا الدحس واااصل

.
.

تموا الغداء وبداين النسوان يجين..

اروى: ايناس جهزي البنات بعد اسبوع عنسافر.

ايناس: قد قطعنا لهن جوازات حددوا يوم ونقطع تذاكر

يحيى بيحملوا العمال اثاث وبيجهز البيت ويفرش.. عدى اسبوع ويوم سفر بنات ايناس مع خالتهن اروى

ايناس: اوبهين لنفسكن وتجلسين مع البنات وخالتكن.

بنات سلوى ادين هدايا تذكار وجين يودعين البنات لانهن عيسافرين ومايلحقين يتباسرين.

محمد غاااثي لانهن البنات عيسافرين وبيهم كيف يتواصل مع سلا قبل السفرر.

سلا حجفت رشاااا قووي وبككككيييت

سما: حجفت زهوووور وبيبكككككين.

سلوى: ذكرت الوداع وبكيت مع البنات.

ايناس: قدي لابسه يشلوهن المطار ، عنسير هكذا واحنا بنعدد ، يووو عتفضى عليا صنعاء اختي وبناتي وسلوى وبناتها ، وبكككيت

عمار ومحمد خااارج بيطرررقوا لهن يخرررجين.

سلوى روحت البيت هي والبنات وهن بيبكين

ايناس: طلعت السياره بتبكي.

عمار: هيا انتين النسوان ماعد زد درينا لكن شي لا فرحتين بكيتين وان هو سفر بكيتين ولاهو عرس بكيتين!! هذا انتي قلتي يسافرين.

ايناس: بناتي عيرجعين ، وبكككيت ،اما سلوى والبنااات ،وماقدرت تكمل بتبكككي.

عمار: مادخلهن ذاحين والا عيسافرين اليوم؟؟

رشا: باقي لهم اسبوووع .

عمار: هذا حال الدنيااا مانفعل؟؟

محمد: غاااااثي ، وعيقرررح زعل وساااااكت ولابيدي كلمه بيسمعهم سكته.
.
.

بيت يحيى..
ياسر جاء دق الباب.

سما: من ؟؟؟ وهي بتبكي..

ياسر: افتحي

سما: فتحت له ودخلت ، ماقدرت ترد السلام.

ياسر: خير قد بتتوادعوا من الان؟؟

سما: مش هو عليك غلق الباب.

ياسر: لقااانه تررردي وسلام طنشتي يلا بعذرك بتسافري ياسر( بدأ يتعلق بسمااا قوووي واعجب بها من حين سارت تعزز)

سلوى: من جاء؟؟

سما: ياسر .

ياسر: مساء الخيررر، قطعت لك ياخاله التذاكر ومأشر على موعد الرحله والسعر وكل شي.

سلا: سمعتهم ودددخلت بكككككككيت ، كان باقي لها اشياء تجهزهن وفتحت الدولاب شافت هدايا محمد ددددمعت
.
.

ثاني يووم الصباح
ايناس: اتصلت لسلوى، بكره نخررج نكمل بقيه الاشياء وصيت لش على بخورر. وسمن بلدي، وجششووش وقهوه وبن وشاهي.

سلوى: يوو مع مالشش ياسعم مابش هانك شي ؟

ايناس: والله لاتخوري كل شي ماعليش انتي شاجهز لش

سلوى: يا اختي بين اهم تحمال وشنط يضيعين.

ايناس: ولاعليش شي مع عمار خبره في المطار عيوووصل كل شي المهم اقطبي نخرج.

سلا: وانا اشتي اجي اشل لي ثياب صلاه وقلافد.

سما: وانااا والكل.

ايناس: البسين اسير ابسر محمد يشلنا..

محمد جالس في غرفته نووووووم مع الضبح

ايناس دخلت للغرفه لاعنده: محمدددد، محمددد مالك رقده هذا الساااع؟

محمد: تاااعب قلت لكم راسي بيوجعني.

ايناس: ما افعل ابوك مارضي يخرج يشلنا انا وسلوى هيا ابني قوا مابش وووقت.

محمد قام جلس فوق السرير ومسح عيووونه: هيااا الان.

خررجووا وسلا تتلكك تجلس اخر واحده عسب بقعتها حق كل مره ورا محمد جلست.

ايناس وسلوى نزلين محل بهارات يبسرين بهارات وقلافد.

سما تشتي تنزل معاهن.

سلوى: مابش داعي، راعين هنا ماعتنزلين تفعلين وغلقت الباب ونززلت.

محمد: فاااارحه عتنزل تشتري حلبه ، مدري تزيد تجي فرصه اوو مع ابسرها واحاكيها..

سلا: من هي! وبعدا كيف عنتواااصل ياسعم هي نفس مافرقت.

محمد: بقلبي ، بروووحي .. كوني قومي الصبح وصبحي على نفسش مني وكلي واذكريني وصلي وادعي لي ارقدي واحلميني قوووا لاتنسيني وانا اوعدش مانساشش ولا افلتش

سما: هنيت لك …

محمد: قاطعها قوا ياسماااجه اهجعي مابش وووقت انزلي اشتري لنا بطاط يلا مالش ماتنزلي معاهم،،، ابسررر سلااا في المرايه وبعد النظاره، سلاااا كوووني اتصلي قوووا شاكون جنب التلفون واصل.

سلا: وهي مدمعه صعععععب بس بحاول اتصل للبنات وهن يحاكينك.

محمد: هذه العيووون ما اشتيها تدمع ابداااا قوا ، سسسهل عيعين الله مادراش وترجعوووا

سلا: ابي مايشتوش نغترب هو الا امد تصلح امورهم.

محمد: انتي لي وبعدش ما اشتي الا الموووت.

سلا: ياسين عليك ياشوووعه اصه من الخباله ، انا حاسه عنرجع

محمد: ابسر امه وسلوى خاررجاات من المحل قال سلا اشتي افتح اغنيه واخاف حد يحسسس اسمعي اغنيه باوودعك يا الضنى مني لشش..ويارب عيونش ماتشوف غير السعاده ومحمد بسس

سلا: مسحت دموعهااا بسرعه وفتحت الطاقه تتبسر عشان لاحد يحسس

طلعين السياره
ايناس: باقي البخور والملابس وقبل السفر بيوم تنتقشي.

سلوى: يووو اسير منقشه خززا ، مش ضروري.

ايناس: الا عسب زوووجش مافيها شي محد عيتلووه لش .

.
.

عائله ارووى
وصلت مصررر اخذوا شقه والليل خرجوا يتعشوا

وبعد العشاء
البنات قامين يغسلين يدهن..

احمد: مسك سلطه .. قال لرشا هاا القات غسليهن على طريقش

رشا: ضحككت حتى هناا.!

حنان: قلت لش انه دحسس . الله يعينش.

احمد: جلس يتفررج لهن ورجع قام غسل يده ومشيوا

رشا: رجعت تشل شنطتها شافت محفظه احمد شلتها سكته وخبتها..

احمد: مشي ومش ذاكر لها خااالص

راحوا يتمشوا بعد العشاء، وشافوا في السوق نظارات

احمد: اخذ واحده لبسها ، لف لحنان سألها حاليه؟؟

حنان: مع شكلك ذباااابه.

رشا: والله انها مناااسبه ..

احمد: بعدش ،اتعلمي الذوق كم جهدددي ، غبني ع زوجش.

رشا ابتسمت بخزا،

احمد: بيعس جيووبه اين المحفظه! ودددق جبهته اووو نسيتها !!!

رشا: كم فيهااا؟؟

حنان: يستاااهل اللقانه.

احمد: اصه يالقااااانه، لف لرشا والله ما اعلم بس بطايقي فيها.

رشا: فتحت شنطتها وناولته بالنصصص.

زهور: هذه متسلبطه لو نسيتها انه اخرج عترجع لها سلم.

احمد فررررح: تسسسسلمي كيف لما ابسرتيها؟

رشا: رجعت للشنطه وهي هااانك.قلت والله ماديها الا لما تدورها توقع في اذنك.

اروى: لفت لهم وقدهم بعيد بتأشر بيدها يجووا
.
.

في صنعاء بيت يحيى
هدى بتساعدهن فس الشنط وترتب معاهن.

سلا: لفلفت كل اشياء محمد وفعلتهن اهم شنطه لها وكتاب كان يلخص لها كل شي بخطه وسيديهات اغاني كان يرسلها وشكلاتااات اللي شلهن لها.

سما: بس هباله عتسير الصحراء مالش ياقليله الولف هانك احلى شكلاتات..

سلا: ماتدخلي اناااا حررره.

محمد: سار محل فضه وصى لها سلس فيه تعليقه ايه الكرسي وعين زرقاء وM&S..وسط قلب مقسوم،وعطره اللي تحبه سلا بعد مافضحتها رشا انه بيعجبها.
.
.

في امريكا
يحيى تم جهزز الغرف وكل شي وجلسس وقدو تااعب ، اتصل لسلوى

سلوى ردت: مالصوتك سلامات!

يحيى: الله يسلمش ياروح الروووح ..

سلوى: فرحت وابتسمت ، هيا مالك بقي يومين ونوصل.

يحيى: والله ماعدبش صبررر ، مش مصدددق كيف تحملت بدونكم له الحمد ، متى عتوصلوا ؟

سلوى: قريت له التذكره.

يحيى: خلاااص انتظرررلكم بالسلاااامه ان شاءالله.

سلا: لقيت في الصور، صور لها هي ومحمد خبتهن تحت الملابسس.
.
.

محمد ممدد بقعته قبل النوم، بيفكر كيف كان يومه شاف سلا ، كلمها ،واول مره تقله انها تحبه.

سلا في غرفتها بتتفرج السقف وبتفكررر في كل الاياااام الاخيره اللي تعلقوا ببعض قووي، وبتتخيل كيف ع يكون حالهم بعد السفر؟
.
.

مصر..
خرجوا كلهم الصباح رحله لشرم الشيخ .. ولما وصلوا كان في شباب هانك ، بيتجابروا ويضحكوا

اروى: بنات خليكن هنا العبين واسبحين هذه الجهه لاتقربين عند المداليز هولا، دخلت تسبح معاهن وخرجت .

الشباب جالسين حول بعض وبيغنوا

حنان بتسبح هي ورشا جت موجه قويه فلتين ماعد قدرين يخرجين

زهور: كانت تصيييح وتأشر…

احمد بيتجابر هو وابوه والام، بعيد شويه من الشاطئ مش مركزين..

واحد من الشله شااافها تأشرر: لف للشباب شووفوا كأنها تأشر صح ؟؟؟

الشباب: يمكن لاهلها.. !

رد عليهم لاااا هذي بتصيح والله ،خرج اللي في جيووبه واسسررع لاعندهن.

اروى: التفتت تتفاقد البنات ، بتشووف واحد بيسبح لاعندهن، شهقت يوووو احمد الحق مدري ماااوقع.

احمد: كان يجررررري ، لا داخل جاء والولد ساعد رشا وحنان ، شاف احمد قال العفوو ماكنت اعرف انهم تبع عائلتكم شفتهم بيأشروا خفت لو حد حصله شي..

احمد متضااايق من الموقف شوويه انه دخل: الاخ يمني؟؟؟ لهجتك يمنيه !

الولد: ايووه ، مد يده معك يوسف ، طالب طب اسنان، وانتوا يمنيين؟

احمد هز راسه: ايوه واسلم،حياك الله، مشكوور ي اخي ماقصرت.

يوسف انحرج ،وبعد شويه من جهه البنات: هذا واجبنا ماسوينا شي، ولمح زهور مبتسمه

رشا: يا كلبه لو ما انتي ان طفحنا.

زهور: اشرت لهن براسها وهي بتتفرج له، لوما هووو ان طفحتين صدق.

يوسف: تشرفت بك اخي احمد ، ولو تحتاجوا شي احنا في الخدمه هذا رقمي .

احمد: مشكوور حبيبي ماقصررت، متواصلين .

وشاف البنات بيمشين وووقفين ، صاح لهن مااالكن يلا امشين ماتعرفين
تسبحين ليش تبدددعين بنااا قبال الناس لووو وقع بكن شي؟

رشا: بتبككككي اول ماخرجت من الماء شافت رجلها ملااان دم ، جرحتها في صخره لما فلتت في البحر.
.
.

صنعاااء

محمد: طول الليل كان بيتذكرها ،وسفررهاا دددمع ورقد وعيونه ملان دموع.

سلا: جلست تبكي مارقدتش الا بعد ما صلت فجر.

في الصباح …
سلوى: قيمتهن يلبسين يخرجوا يكملووا مشاوويرهن.

سما: لو تتصلووا لمحمد بدل التكاااسي تعب، وهو معه عطله

سلا: ايووه صدق والله ليش مافكرتوا؟

سلوى: خزاااا من خالتش ايناس، قد زيدنا بها .

خررجين وحدهن ومحمد ع خرجته بالسياره .
.
.

رشا بتبككككي اول ماخرجت من الماء شافت رجلها ملااان دم ، جرحتها في صخره لما فلتت في البحر.

احمد: شافها يشتي يسأل مالش شاف ماقدرت تمشي ..انصدم ومسك فمه، بتوووتر قال لحنان امسكنهااا ساعدينها تخطى .

وصلوا لاعندهم وهم بيقللللقوووا عليهم

اروى شافتها ومسكت راااسها: يووو ايش وقع بش امش قالت لي انش في ذمتتتتي.

ابو احمد: ولا في شي الااااان نسير نجارح لاتقلقووا.

يووسف: جلس يتفررج لهم ومركزز ع زهووور اللي اشرت له، لما مشيت حس داخله شي لما شافها وكلمها في البحر.

زهور: صح اعجبت بشخصيته وجنتلته ، بس كانت عاديه << مغرورره شويه وثقتها قوويه بنفسها.
.
.

محمد: فتح الطاقه حقه ،وسلم على سلوى، اين عتسيرووا اطلعو معي.

سلوى: مع الله يحفظك ،سير بعد عملك ، شاطلع تكس..

محمد: مسك دقنته الله المستعااان ياخاله تكس!! انتوا امي هيااا اطلعوا، فتح لها باب السياره.

سلوى: طلعت ، وقالت للبنات يطلعين.

سلا: بتتفرررررج له وقلبها بيددددق،اول ما طلعت شمت عطره غمضت عينها شووويه وتنهدت بفررحه..
.
.

في مصر..
جارحوا لرشاا رجلها وراحوا يتغدوا

احمد: بيتجابر مع الكل ونظراااته لرشا مميزززه يلمحها وينزل عينه بسرعه.

رشا: اول مايشوفها تتوتر وتخززا وتفعل نفسها مش منتبهه له
.
.

محمد بيسوق ولابس نظارته ويشووف سلا في المرايه ويرفع حووواجبه دلاا، لحد يركز..

سلا وحدها كانت مركززه عليه ومبتسسسمه من زبجه وحركات حواجبه

سلوى شافت المحل: هنااا يا ابني وقف امد ونزلت هي والبنات ،محمد مراعي فوق السياره،

السياره اللي قدامه تشتي تخرج، محمد شغل السياره لف لورا يشووف ويريوس،لمح شنطه سلاا ماشلتها، وضع السياره وطفاها مراعي، فتح الدرج اللي جنبه يدور اغاني يتسلا لقي الهددديه، جلسس ساعه فاتح الدرج بيتفرررج سكته قام شل الرساله والهديه بسرعه وخباها في شنطتها.

تم يطرحها في شنطتها ،وقلبه بيدددق ويدعي ان الله يستررر .خلص ومنتظرر لهن يخرجين

جين وطلعين السيارره..ماعرف كيف يقلها قام بدأ يلمح

محمد: وهو بيتفرج لسلا رفع النظاره وغمزز لها، وقال :خاله- ماعدبش وقت لما ترجعوا البيت تفاقدوا شنطكم لو في شي والا شي ،، لايفتشوووكم ويأخروكم في المطار..

سلوى: افتجعت !! مثل ايشش؟

محمد: يعني لوفي شي ممنوعات ساع اللي في التذكره..

سلوى: هاا. تمام .

سلا مااافهمت قصده ابدا وتلميحه.
.
.

رشا جارحت رجلها كان جرح بسيط.

وصلوا الشقه ارتاحوا ورقدوا وبعدين قامين البنات بيتجابرين في البلكونه على البحر.

احمد في غرفته قام وفتح البلكونه ولفت شافهن في البلكونه..صفر لهن.

حنان شافت له واشررت ..

رشا جالسه مبتسمه بس خازيه.

احمد عتغسلوا لنا القات، وضحككك لاتصدقين جوووعت وخاور جعاله البسين نخرج نتمشى ونخلي ابي وامي يخرجوا وحدهم.

اروى ماوافقت: مابلاا نخرج سوا ، ماحناش في بلادنا تخرج انت والبنااات وحدكم، قوموا البسوا وانا احاكي ابوك.

لبسين البناات وخررجووا تعشو ع البحر..

احمد شاف يوسف واصحابه بيلعبوا بموترات سباق

يوسف لمحه جاء دعاه يلعب معاهم.

احمد: يلا اجلسين انتين مع امي، وانا اروح معاهم.

حنان عوجت فمها :قلك يجعل لنا .. يلا سير طز فيك

زهور: جالسه بتتفرج ليووسف واقف من بعيد يتأمل لها.

احمد: راح مع يوسف وبيتجابروا

يوسف: احمد كن كلمني معي سياره افسحكم واوديكم اماكن حلووه، لايغالطوكم هناا نصب.

احمد: سهل مافي داعي نتعبك..

يوسف: يااارجال ايش من تعب انت ابن بلدي .

البنات بيتجابرين ضابحات حانقات من احمد فلتهن.
.
.

في صنعاء

قبل سفر عائله يحيى بيووم.
سلا بتفرغ ادواتها وشافت شنطتها وتشوف داخلها رساله وهديه اسسستغررربت وذكرت كلام محمد حق الشنطه وذكرت انها نسيت شنطتها فوق السياره عرفت،،، ابتسسسمت ودمعت خبتهن بين الملاااابس.

بيت عمار كانوا عاااازمين الحاره رجال ونسوان غدا وجلسه توديع سلوى وبناتها.. ويتعرفوا على زوج هدى وياسر جيرانهم الجدد.

سلوى: بنات تميتين كل شششي؟؟

سما: انا ايووه باقي اصلي والبس.

سلوى: ماتلبسسي!! من عيعاااون خالتش البنات مسافرات؟

سلا: ماما انا جاهزه ، اسسبق!

سلوى: ايوه نور الله قلبشش اسبقي قلي لها اركع واتم الفلف واجي.

سلا: تمام لبست وسارت، وصلت الباب مردود

دخلت خاااله خااله!!

ايناس: ايووه حيااا اداش الله ،معش شي؟

سلا: مع جيت اعاونكم والان ماما وسما عيلحقين يتمين صلاه ويجين.

سلوى: ادخلي اخلسي وخذي راحتش مابش حد، وجي معي المطبخ

سلا: ربطت شعرها بمصر ودخلت المطبخ كانت لابسه بنطلون جنز وبلوزه .

ايناس سارت تتصل لفاطمه تخبزز لها..

محمد: وصل في يده الفواكه، دخلهن المطبخ وبيجابر بيحطم والله لو تزيدوا تقلوووا منفعه…

سلا: متجمده بقعتها مادريت وين تهرب ، تصنمت..

محمد انحرج وخزززي، خرررج مهررري، يداعي امه.

ايناس سمعته وحملت لاعنده: يااي لاتسير للمطبخ سلا هانك.

محمد: قد دخلت ماااالكم ماتتحاكووا احرجتووني

ايناس: يوو، مش انا داريه سهل هي اختك..

محمد: خرج ياسعم ضااابح، وهو مبسووط ، يوو تيه سلا بيحاووول يتذكرر ملامحهااا وهي خااازيه تغيرت قدي قمررر.

سلا اول ماخرج جلست تتفرج شكلها وهي مرفوسه من الطبخ وخاااازيه موت من ايناس ماعتقل.
.
.

في مصر…
احمد: جاء بيجابر ابوه ، طلع هذا الولد قمه اخلاق تمشينا ومعه سياره ادا لي رقمه قال يخررجنا اماكن مع بعض وطلع ابن عم صاااحبي في اليمن

ابوه: تمام عنكون نكلمه يخرجنا..

رشا: بتغمزز لزهور حظششش ، باقي حنان..

زهور: فاااقده لسما وسلا يعلم الله مابيفعلين الان..

رشا: يوو بكره عيسافرين جي نتصل لهن ولمحمد لو يشتي شي

حنان: دلااا فهمني القصه مادخل محمد وسلا وسما

رشا: بيحبوا بعض قووووي وحكين لها قصتهم وانها عتسافرر.. امريكا..
.
.

يحيى: اتصل للبيت محد بيردد، قفل واتصل لعمار..

عمار: جاوب وكلمه واتفقوا انه يخرجهم المطار وبعدا قال له يشتي يكلم البيت لو هم عندهم..

عمار: ناول محمد التلفون قال شله لامك يجاوبوا سرريع.

محمد: خرررج بالتلفون بسرعه ع خرجته

وسلا مسررعه: بتقرب في الغرفه للنسوان صدموا بعض .

محمد: نسي نفسه وقال لها امسكي ناوليهم عمي يحيى.

سلا: خزززيت شلته ومشيت سريع لامها جاااوبوا ابي .

محمد: رررجع لاعند ابووه سسسارح جلس فوق المدكا مطنن.

عمار: جهز نفسك نشلهم بكره المطار.

محمد: مطنن مبهرر للمفرررشه .

عمار: ياااي من بين احاااكي .

محمد: لفت له هااا ماقلتوا..

عمار: خير ماقد معك بتهم ، ثانويه والا زواجه.

محمد: خزي ،مالكم اي زواجه مابلا خرجت مهرري و دخلت لا وش النسوان ههه. وضحكووا

رشا: كلمت خالتها انها تشتي تتصل للبيت.

اروى: ابسرلكن احمد تلفونه معبى رصيد، سارت هي ورشا لاحمد.

احمد: ع طووول، وابسر رشا ياااحرااام فقدتوا لمااما وااء وااء .

رشا: هههههه ماااشي مابلا نودع جيراننا عيسافروا ماعد عيرجعووش.

احمد ناولها.

رشا ضربت رقم بيتهم،

سلا: جاوبت لان ايناس عند النسوان.

رشا: بعدت من جنب خالتها واحمد، حيااا بمرة اخي ويحين زوجوكم وبتضحك.

سلا: يووو لاغيبكن فقدت لكن ياشوعات حلقت تسسافرين ذاحين…راعي ادعي خاله.

رشا: مع اشتي اجابرش ومحمد لابه شي اوصلكم

رشا: طيب اسمعي اين محمد مع ابي؟؟

سلا: ايووه مع الرجال .

رشا: طيب كلميني ما اقل له، و شاتصل لاعند ابي واحاكي محمد اهم شي ما تشتي ؟

سلا: قلي له يسلم ع الهديه ، ماقدرت اناوله شي بس شادي شي ياسعم لش لاعند خاله وانتي ناوليه.

رشا: شلووش بس هذا وشاقله انا بين احبك قووويه واموت فيك.

سلا: خززززيت ضحكت كلبه لاتحرجيني،قلي له دخلت غرررفته بسررعه اليوم وانا بيتكم ورجمت لفوق الدولاب كيس (فيه رساله وشال معطر منها).

رشا: تمام خلصتي اقطبي الله يحفظش بين اتصل بتلفون احمد ابن خالتي لايسمع خزا.

احمد: ع خطيته لاعندها يقلها يدعي سما بس سمعها بتقل اخر جملتين(وشاقله انا بين احبك قووويه واموت فيك) ولايسمع خزا) ، انصددددم وعصصصب مكشررر حواجبه.

رشا: التفتت وهو وراها، قالت العفو عادني جايه استأذنك ازيد اكلم محمد.

احمد: ضحكككك باستهزاء محمد ، يلله اتصلي لمحمدد نبسررر.

رشا: اسستغررربت ، ومشيت بعيد منه واتصلت لابوها.

احمد: كان شاكك وتأكدددد ، فلت لها التلفووون ومشي ضاااابح.

رشا: تمت كلمت ابوها ومحمد وغلقت.

سلا: فارررحه باتصال رشا بس غاااثيه ع السفر ،،

كملوا السمررره وروحوا البيت يرقدوا لان الصبح عيبكروا المطار.

رشا: تمت الاتصال ومشيت تدي لاحمد تلفونه مقفي، قالت له يووو والقزاززززه ياهووور هذا كله امد رصيد!!!

احمد: وقالب منها مارضي يرفع راسه ،مش وووقت نتفاهم وقت سوا.

رشا استغربت ومشيت، واقتهرررت وتحسست منه تفكر عشان الرصيد! بس احمد مش بخيل غررريب ماله؟؟

زهور: جت هي وحنان سكته ولطمتها في كتفها.

رشا: نكزززت وهي زاعله وحكت لهن مافعلت.

حنان: مع والله احمددد مش بخيل شاكلمه.

رشا: قلدش الله لا حاكيتيه هو قال عيحاكيني بنفسه.
.
.

محمد: دخل غرفته وغلق وشل كرسي وطلع يدور فوق الدولاب الكيس، شافه فتحه وفرررح ودمع
.
.

الصباح الساعه6
هدى قربت الصبوح، بتداعيهم يصتبحوا

سلوى: والله مالي نفس خليني البس واجهز التذاكر والجوازات..

ياسر: بيحمل الشنط للسياره..كمل ودخل يشرب بن.

سلا: مارضيت تصتبح وجالسه فوق سريرها بتبكي.

سما: سلا جي نصتبح، شم خبز طاوه

سلا مطنشه بتلعب باظافيرها.

سما: فلتتها وراحت تصتبح هي وخالد.
.
.

بيت عمار
بيلبسوا يسيروا يودعوهم.
.
.

في مصر…
اروى: قيمتهم يصلوا ويخرجوا البحر ع الشرووق.

احمد: خرج ، مغمض عين ومفتح عين يشتي يدخل الحمام يتوضى شاف باب غرفتهن مفتوح رجع

فتحت رشا الباب وخرجت شافته قالت صباح الخير.

احمد: اهلا بدون نفس.

رشا: طنشته ومشيت للغرفه.

تموا صلوا ولبسوا وخرجوا .. تمشوا ع البحر واحمد وابوه بيتسابقوا ع البحر والبنات حنان وزهور بيلعبين بالماء ورشا بسبب رجلها مادخلت..

احمد: شافها جالسه وحدها، فكر انها مفجووعه منه انه عرف قصتها.

ابو احمد: انا تعبت انت شبااااب وااصل ، مابلا سيروا ترمسسوا لكم عند الحجه حقكم ، وانا اخرج الهوانم هولا لايفعلين ساع امس.

احمد: داااخل نفسه والله لا اسير، عادها بنت خالتي حسبه خواتي من حقي احاسبها، وصل شافها.

رشا: حست في حد وراها ، التفتت تبسرر وانه احمد قالت له: اهلا ، وقفت وشها لاعند البنات.

احمد: اسمعي امس قلت لش شارجع اكلمش واعتقد انها فرصه لمصلحتش ، ماحبيت احرجش قبال حد ومش من حقي احاسبش بس انتي عادش بنت خالتي ومثل حنان وما ارضى لش بالغلط.

رشا: سمعته، وقامت بسرررعه لفت له بصددددمه وقفت ماااللك ؟؟ مااافعلت ؟؟؟

احمد: اسمعي لاكنت بتنصت عليش ولاشي بالصدفه قربت ش احاكيش،، واسمعش بتقلي شاقله انا احبك … وتتصلي به !!

رشا: من الصدمه مااافهمت قصده!! لمن قلت اي حين ولمن قلت؟

احمد: اعصااابش، انا مش من حقي احاسبش بس شاحذرش.

رشا: وعيونهاتدمع، تحذر وتحاااسب ع ايش؟
.
.

صنعاء
طريقهم للمطارر
سياره ياسر
الاب بيسوق وياسر جنبه وهدى وسلوى وسما ورا..

سياره عمار: عمار ومحمد وايناس وسلا (تعذرررت انها ماتكفي عشان تطلع معاهم).

ايناس: ماسكه يد سلااا.

وسلا: بتدمع وحاسه بخنقه نفسها تبككككي ماسكه نفسسها.

محمد: مبررررطم ولاااا بيدي نخسسس غير محمد حق كل مره ،

ايناس: ماسكه يد سلا، انتين بناتي والله شافقدكن قوووي وبإذن الله ترجعوا لنا بالسلامه وانتبهين لانفسكن، لاتبكين صنعاء ماعتطيررش مراعيه لكم يكمل ابوش يشتغل ويصلح وضعه وتررجعووا وتتزوجين هنااا.

محمد ددددمع وعشان لايبين لحد فعل نفسه بيسعل اشترغ.

وصلووا المطار وبيمشي وهوو بيسسسحب ارررجله سحب وماااسك نفسسسه بالغصب لايبكي.

سلا: بتبكككي بعد كلام ايناس موواصله بكاء

نزلوا ومشيوا لصاله المغاادره ..

عمار وياسر شحنوا الشنط ..
.
.

في مصر..
رشا: ايش تقصد بكلامك؟؟؟

احمد: بسألش سؤال وتجاوبي بدون كذب ! لمن اتصلتي امسس ؟؟!

رشا: ماعتربيني انت ،لكن شاجاوب بحكم اتصلت من تلفونك، لبيتنا وبعدين لمحمد اخي لاتلفون ابي وهذك الارقام عندك ، واقلك الف شكرر ي ابن خالتي ع ثقتك فيني ! ومشششيت لاعند خالتها وفيها بكاء

حنان شافته كان واقف مع رشا وراحت غاااثيه، حست انه حصل شي، خرجت تسأل ايش في ،؟؟؟

احمد طنشها ومشي ، ضبح خرج تلفونه واتصل ليوسف يسأل ع اماكن حلوه يروحوا لها.

يوسف: انا فاضي مابش معي شي واعتبرني ي اخي تكس اجي لكم الان ، وافسحكم.

احمد: بعدددك، غلق التلفون وذكر انها قالت لها الارقام عندك ، شافهن وانه بيتهم فعلا ورقم ابوها استغرب.

حنان: جت مره ثانيه ايش فيك رشا بتبكي ماقلت لها؟؟

احمد: ي اختي مدري والله بيني وبينش امس سمعتها ….. حكى لها القصه.

حنان: ايوه ومافعلت؟

احمد: سرت انصحهااا سع ما انتي لو هو انتي لاكسر راسش .

حنان: لاتكن تتدخل ومش انت فاهم شي وتتفيضل مالك دخل اولا تحاسب ثانيا هي بتكلم حبيبه محمد وبتقل لها ماتقل له وعارفات بكل شي عتقوله قبل ماتتصل..
.
.

في صنعاء..
الكل واقف بيتوادع سلوى حضنت ايناسسس وبكيت قووووي

وهدى بتسلم على سما.

ياسر: ماسك خالد واقفين

عمار وابو ياسر: واقفين بيتجابروا.

محمد: واقف بعيد عن ياسر وخااالد بيتفررج سلاا وعيونه ملان دمووع.

تمووا تحاضنووا ودخلوا صاله المغااادره….

البقيه كلهم منتظرين وقت اقلاع الطايره..

محمد: ماقدر يتحمل اكثر ، خرج فوق السياره يراعي لهم.

هدى بتهدئ ايناس ، برغم ان سلوى اختها بس عاشت مع جارتها ايناس اكثر من اختها هدى.

محمد ممدد للكرسي وجالس يتفرج الطايرات اللي بيقلعين، ودموعه نززلت ومسحهن اول ماشافهم خرجووا لاعنده ، وربط عينه بالشال ياسعم انه نوم.

سلا: طلعت الطايره اول ماقفلوا الباب حست قلبها مقبووض، وهي بتبكي..

المضيفه: بعد ما ابتسمت لهم واشرت ع اماكنهم.

سما: يووو والمضيفات من اين بيدوهن، ابسرين ع لبس ضخمات والله .وانا اقل لمه الناس بيسافروا

سلا ضحكت وجلست جنب الطاقه وتتفرج للارض ..

سلوى: اذكرين دعاء السفر ..توكلنا ع الله، ليش تغثين عتسيرين عند ابوكن وتدرسين احلى دراسه وتتفسحين.

خالد: مابلا سلا بتعدد، فارحه بباب اليمن والسايله.

سما: والطفاي، والحبسه في البيت مانبدي الشارع الا للعرسات بس والحدايق في الاعياد.

سلوى: بتشوف فرحه جهالها ، وقلبها مطروح في اليمن بس الظروووف اجبرتهم .

المضيفه بتشرح تعاليم الامان وربط الاحزمه.

سلا: مطنشه..

المضيفه مرت تتفاقد الركاب ، واشرت لسلااا ،

سلا سارحه، نكزتها سما بدكمه، وربطته .

بدأت الطياره تقلع وترتفع وتشوووف صنعاء تحتها وتحسس محمدد بعد عنهااااا قوووي ، كانين ينزززلين دموووعها.. وبعد ساعتين نعست .

محمد: اول ماروح مارضي يدخل البيت جالس في الحارره ، قبال بيتهم، ووشه غااااثي ولا اكل شي من قبل بيوم.

عم حسين: ياصباح الصبح ، الله يزوجك بها.

محمد: لفت ابسر انه عم حسين ، ضحك بندم، رررراحت لها ياااعم.

عم حسين: يووو ماتت !

محمد: الله لاقاااال مالكم ياعم حسين الله يحفظها.

عم حسين: كان تزوووجت ، الله يسخرلها.

محمد: لاحول ولاقوه الا بالله، سااافرت ياعم حسين سافرت، رااااحت لها.

عم حسين: الله يردها لك بالسلامه.
.
.

في مصر
وقت الغداء جلسو كلهم في المطعم.

احمد: موطي راسه ومحرج ، انه غثى رشا.

رشا: جااالسه بالغصب ماتشتي تجي عينها بعينه.

حنان: قامت وقفت قالت للبنات قووومين
قووومين نسير طاوله ثانيه نخلي ابي وامي يتغازلوا براحتهم.

ابوها ضحك: جبرني باللي بيفهم وابسر احمد مش ساع بعض الناس تنح.

رشا: وقدي واقفه تسير، ضحكككت ع تنح ولفت لاحمد بمحانكه.

راحين وجلسين في طاوله ثانيه

احمد: يلله قد فيها تنح نسير عند النسوان اخرج.

اروى ضحكككت.

احمد جلس معاهن: به ناس بيضحكوا ويتشفوووا فينا لكن سهل.

حنان بصوت واطي: صدقتووا ان احنا نخلي العجايز يترمسسووا ، اديتكم اقلكم كلمه اسمعوها سكته ما شرفع صوتي لحد يسمع، امس رشا اتصلت لبيتهم بتكلم واحده حبيبه محمد ولو ركززت ع كلامها هي تقصد انها تقل لها، ياسعم من حبيبه محمد الكلام اللي سمعته ي احمد.. وانت فهمت غلط..

رشا: يفهم او مايفهم ماله دخل.

احمد: بنت خالتي يا ماله دخل . وضحكك ، الا لي دخل غصبا عنش لاقوم اقفد العصير لاوشش.

رشا ابسرته وهي حانقه: اتحداك عادو يقفد العصير هو

احمد كان فوق طاولتهم مزهريه وورده، بعدها بسرعه وطرحها قبالها وابتسم: اسسسف.

حنان: شلتها بسرعه رجعتها بقعتها، مالك تتتبدع.

وضحكوووا كلهم.

احمد: والله ماقصدي اشك فيش او اغثيش اطرحي نفسش مكاني، لو ما اعزش مثل حنان ما فعلت هكذا.

رشا: تمام معك حق، بس كن اسأل اول

وصل الاكل فوق الطاوله اكلوا وتموا، يوسف جاء ومراعي لهم .

نزلوا ، احمد طلع مع يوسف، والبقيه ساروا بتكس بعدهم.

احمد: بيجابر يوسف كم باقي لك تخلص؟

يوسف ضحك: حتى انت ياخي قد شبعت كل من عرفني قال لي كم باقي لك تخلص، اهلي كل ما اتصل لهم، كم باقي لك تخلص!
قل يا طويل العمر هذي اخر سنه لي وبعدها شدرس ماجستير.

احمد: مووفق، ومتى ماروحت منتظر اتصالك نلتقي في اليمن.

يوسف: اكيد شاروح في الصيف ان شاءالله شتواصل معك.
.
.

محمد دخل من الشارع وهم بيتغدوا ، مارضي يتغدى قال اكل خارج، مايشتي احد يحس بغثاه.

دخل غرفته وغلق ومسك كيس سلا وفتح الرساله قريها ودمع ومسك الشال طرحه في رقبته ورقد.
.
.

سلا: فوق الطايره مارضيت تاكل شي ، وحسها مع محمد.
.
.

ثاني يوم
يحيى منتظر لهم صاله الاستقبال وكل شويه يشووف الساعه ولارضي يخطى الوووقت .
شاف الشاشه موعد وصول الطايره وفرررررح.

سلوى وجهالها بيمشوا ويتلفتوووا ، استلموا الشنط وخرجوا ..

خالد شاف ابووه فلتهم ووخطي لاعند ابوه حضنه ودمع انه كبر ، شاف البنات جنبه واقفات بطوله فرررح وحضنهم وتسالموووا وشلهم الشقه.
.
.

في صنعاء
هدى بتتذكرهم في البيت غاااثيه وحاسه بووحده ، فرحت تجي عند سلوى بس مابش نصيب يجتمعين بس حمدت الله على ايناس.

ايناس غاااثيه وفقدت لسلوى اتصلت بهدى وتجابرين وذكرين سلوى بالخير.

مصر..
شلهم يوسف حديقه حلوه ، انبسطوا وروحوا
.
.

يحيى: نووورت امريكا والشقه ونورتوني يادنيتي جوا جابروووني جلس فوق الكنبه حاضن بناته كل واحده بيد وخالد في حضنه

سلوى بتجابره ع الرحله وو .. وقدهم بينعسوو ا رجع دخل البنات غرفتهن وخالد غرفته.
.
.

الصباح ..
سما راحت لسرير سلا: قووومي ياكسله بس نوم، قووومي شوفي ما احلى المنظر من الطاقه.

سلا: اوووف بتتأفف وتغطي وشها ، اشتي ارقد انقلعي من قبالي

سما: قومي ابسري الجو ما احلاه روعه والشقه تجنن، هياااا سلاااا ..وفلتتها وراحت ادت الشنط ،ترتب ملابسها في الدولاب.

سلا: ياااامزعجه ياهرررمه ياوش النحس جحفه تجحفش

سما: ياااي اصبحي وقلي ياالله رضاك

سلا: طيرتي نومي كنت بين احلم محمد، حتى في الحلم نكزتيني وذكرتيني بالسفرررر.

سما: جحفه لش انتي ومحمد قد خصمي فيش وفيه.

سلا: لوووسمحتي لاتغلطي عليه.

سما: بعدا اقلش شي يامتخلفه هذا حب طفوله وخلااااص انسسسيه . انتي الان اخر الدنيا.

سلا: شافت لها بنص عين وقامت تغسل وشها.،

خرجت ترتب ملابسها وذكرت الهديه حق محمد،.

سما تمت ترتب ملابسها وفتحت شنطه سلا ترتب لها.

سلا خرجت من الحماام، شافتها راحت بسرعه وهزرتها: خليها انا شارتب هذه.

سما: مقلع ، رتبيهن كلهن ، هوره ع شكلاتتها.

سلا: جي ياكلبه من اللقانه ارويش حاجه.
.
.

في صنعاء
عمار بيتكلم مع محمد اي حين تسير تسجل باقي للدراسه اسبوعين.

محمد: انا مسجل مابلا ندفع الزلط .

عمار: واشتيك ترجع الاول.

محمد : ان شاءالله.
.
.

مصر
ابو احمد: ماباقي الا اسبوع ونرجع ، اين زد نفسكم تسيروا

اروى: السوق .

حنان: ايوه قوا.

احمد: ناهي السوق في يوم، بقعه ثانيه؟
.
.

سلوى قامت ، دخلت تفعل صبوح وبتدور بعض اشياء ناقصه

يحيى: قام من النوم ودخل غرفه خالد شافه نوم دفاه وخرج، دخل لغرفه البنات وهن بيرفعين.

سلا نكزت، وغلقت الشنطه وقامت هي وسما حضنين ابوهن ، وخرجوا لاعند سلوى.

يحيى: ها كل شي موجود؟ قد حاولت اتذكرر واجهز لش المطبخ.

سلوى: ايوه الله يحفظك بس مابش ملح ، ودقيق

يحيى: ابررردي ، مارايكن نخرج نصتبح افسحكم ونبسر النواقص.

البناات بفرحه هياااا

يحيى: ذكرررت ما اخذت لكن لوازم المدرسه قلت لوماتجين تبعسسين وردي وباربي وو.. تختارين لنفسكن.

سما: ضحكت ، مع كبرنا نشتي وردي بس مش باربي.

يحيى: وسجلتكن كلاسات تقويه لغه من بعد اسبوع تبدأين مع المدرسه.

سلا: تمام .

سما: انتوا داريين يا بابا ايش اكثر شي عاجبني ؟

يحيى: ضحك، اكيد انااا .

سما: الصدددق مع وضحكككت اني شخرج فاتششه.

يحيى جلس يضحكككك: هيا قومين البسين.

سلا فتحت الشنطه وخرجت لها ملابس ولبست السلس حق محمد وخبتها من تحت البلوزه حقها.

سما : ياعيني ع الحب ولو لبستيه ماعتحسي بتبيجري له بدقات قلبش؟

سلا ضحكت: شلوش سعرش امريكي تحبيه زنجي

سماا : عوووذبي ، قلي لي ما عنلبس لخارج؟؟؟

سلا: نفس السؤال ، ماعنلبس البالطو والمقرمه.

سما: يوو عنوقع حبه خال في الشارع وجلسين يضحكين.

يحيى:فوق السياره مراعي لهن ..

خرجين بالبالطو حقهن وهو بيضحك عليهن ، قربين للسياره.

قال لهن عتتجلحبين بهذا ملان الشارع ، جين اشتري لكن ملابس محتشمه وحاليه

يحيى: فااااارح ، اول ماطلعوا تنهد وحمدالله وشكره انه جمعهم الله به بعد هذا الوقت.
.
.

مصر…
في المول ، لقيوا يوسف بالصدفه.

يوسف سلم على ابو احمد: حياك الله ياعم اي اوامرر لك من عيوني.

ابو احمد: اسلم الله يبارك فيك ماقصرت.

زهور: ماشافته بتتجابر واقفه مع البنات.

يوسف: تم سلم ومشي مع احمد.

ابو احمد: بيداعي احمد.

احمد: استاذن من يوسف، وسار يجاوب ابوه.

يوسف: واقف ولفت ع صوت البنات بيضحكين مشين من جنبه، لفت لزهور وابتسم.

زهور خززيت ومشيت.
.
.

هدى: اتصلت ل ايناس تطمنها ان سلوى وصلت.

ايناس: ايووه الله يحفظش اتصلت لي بساعتها وغلقت.

محمد: بيسمع سكته ، من اتصلكم؟

ايناس: خالتك سلوى وصلوا الحمدلله ، وخواتك قد عيروحين اخر الاسبوع.

محمد: الله يديهم كلهم بالسلامه.

ايناس: ابسرت له باستغراب من هم؟

محمد: خالتي والكل والا حسكم عند البنات بس.

ايناس ضحكت: قوم ابسرلك عمل من الزبج هذا الساع.

في امريكا…
يحيى وبناته تموا يتصرفوا..

سلا: نسيت شويه الزعل.مبسوطه بتتفرج من الطاقه.

سما: بابا اي حين بيأذن ؟

يحيى: اذان مه ! مابش.

سما: يو جعلنا خير على صنعاء تسمعوا اذان الجوامع كلهن مش بس اللي جنبكم.

يحيى تنهددد: اي والله يابنتي مابش مثل صنعاء

سلا: قلنالكم ولاصدقتوا

يحيى وصل بدايه شارعهم اللي ساكنين فيه وقال لهم اين البيت ؟

سلا: مدري شوارعهم متشابهة

يحيى: لفت لسلوى، اين؟

سلوى: مادراني، انا اسألني ع الابهر . طلحه.

يحيى: هيا احفظوا الطريق.

سلا: ابسروا على قفره ها، لو شي ان الجهال هانا ملان الحاره غوايرهم للحاره الثانيه.

سما قاطعتها وبقصتها: وتبسري بطانيه مصبنه في الجدر ، واللي بيعبي وايت.

يحيى: هز راسه وجلس يضحك ، والله ان روحي خارجه ع صنعاء ، خلوا بس تسبر امورنا ونرجع زياره.

سلا: انصدمت زياره بس ؟ ماعد عنروحش.

يحيى وقف قدام البيت: هيا عادش امس جيتي انزلين ننزل الاشياء.
.
.

في صنعاء..
احمد وصلوا بيت عمار ولمح محمد في طرف الحاره، ونزل يصفر له ويداعي محمااااد واااا محمد.

محمد: سمع صوت بيداعي ولفت لاورا ابسر سياره احمد ، وخطي بسرعه.

محمد وصل بيسلم على احمد: الحمدلله ع السلامه ، كيفك افتهنت ياخي مبين من وشك.

احمد: هو حن بطلنا القات ،عيرجع وشي ذاحين وش فقر هههه.

البنات نزلين دخلين قدهن فاقدات لامهن.

محمد بينزل الشنط : ادخل يا اخي امانه شوويه نبسرك

احمد: ادخل ابسر خواتك واحنا نسير البيت .

محمد: تمام، غدوه انت فاضي؟ اكيد عتخزن عنجي نجابرك.

احمد: مسك راسه فوق عيني وراسي حيا بك .

هدى: ياسر ، ايش سويت من الجامعه؟

ياسر: والله قد بنبدأ من الاسبوع هذا .

هدى: الله يعينك .

ايناس حضنت بناتها بشوووق وحببتهن.

عمار: وصل شافهن حضنهن وتسالموا

رشا: اشترت لمحمد محزمه جلد، ولابوها محفظه ولامها شنطه.

زهور: ادت لمحمد محفظه جلد منحوتهS&M
ولابوها صندل، ولامها بلوزه.

عمار: حركات وهدايا ، اسلمين يابناتي الله يحفظكن.

زهور: يووووو لااااغيب سما وسلا كنا عنشتري لهن ذكرناهن مابحد.

ايناس: والله انهن طرحين هداياكن .

محمد: هن في غرفتكن ، جين قلين لي كيف السفر ودخلوا يتجابروا غرفتهن.
..
..
..

بعد ايااام بدأت الدراسه وتعودين البنات يسيرين ويجين .

سلا وهي راجعه: سما تصدددقي احس محمد معي في كل بقعه احسه في كل حاره بيراقبني من بعيد.

سما ضحكككككت: قلعوا ابليسش ياسلا ، ايوووه وهذا عم حسين هااا( عجوز اجنبي بالعصا) مشيت من جنبه قالت كيف انتوا بخيررر الدنيا سابرره جبر البرمودا ،والاجنبي ابتسم ورد لها( ايش بتقولي).

سلا: اشرت له باي وهزرت سما وضغطت ع يدها مدلازززززه هنا مانشتيش .

سما: جت تقلي ، محمد هنا افتتتتتحي عيونش يامحمد .

سلا: يوو يا سما مابش فايده فيش عديمه مشاعر

.
.

عمار: محمد مارأيك افعلك دكان صغير نازل مكتبه، في العطله الجايه.

محمد: ليش العطله الجايه، وذاحين يسبر.

عمار: اخاف تششغلك على القرايه.

محمد: سسرح وقال ريت والله وفعلتوها من زمان.

عمار: مع انا لما حاكيتك ، على اساس اجازه مابش عمل في وقت القرايه.

محمد: حاضر ولايهمكم ولو ان احنا بدايه الدراسه مابش شي ومش هو مثل اول ثانوي مكثف.

عمار: خلاص قلنا كلمه وعشر سوا.

ايناس بتتجابر هي والبنات ع السفررر.
.
.

سلوى فعلت غداء وسكبت ليحيى مرق ،امد مايوصلين يتغدوا.

يحيى: يوووو فديت الايادي قد شم المرق والسلته وين انتي من زماااان.

سلوى بابتسامه: يهنى قلبك .

الباب بيررن خالد راح يفتح

سلا: اوووو شم اليمن

سلا: دخلت للمطبخ اووووخيته والشم ذكرت صنعاء.

يحيى: كيف المدرسه والمنهج حالي؟؟

سما: حالي ضخم قوي اغلبهن عربيات زميلاتنا..

يحيى: ايوه الحمدلله، سلوى تجهزي عتجي تسلم عليش مرة صلاح وتتعرف عليكن وتكنين تخرجين لا معي عمل.

سلوى: حيا بهاا، تمام.
.
.

اروى ماسكه التلفون: واتصلت لايناس.
جي نسير غدوه بيتنا نتغدى، قلي لي تعرفي بيت ال….

ايناس: ماشي ليش ؟

اروى: تقدموا لحنان .

ايناس: ماشاءالله شسال لش عمار.

اروى : خلاص غدوه في بيتنا ان شاءالله.

بعد ماسألوا ع الولد واخلاقه طلع محترم وخطبوا وتمت الخطبه وفعلوا حفله بسيطه واجتمع الكل .
.
.

امريكا الصباح
سلا قامت تفتح البرده حق الطاقه والدنيا بيضااااء ثلوج صاااااحتتت سمااااا قوووومي ابسرررري

سما: افتجعت نكزت فتحت عينها مااالش ونبعت للطاقه،

سلا: وااااو ضخم قوي .

سما: اسكه افتحي الطاقه ياضخمه نحس كيف برد او مع.

وكانين يصيحين فارحات.

يحيى: سمعهن وقام ،افتجع فتح غرفتهن وهن في الطاقه.

سلا: جوووو ابسروا ع حلا في الثلج.

يحيى: ضحككك هاااا كان امس مطرر نسيت اقلكن بيوقع ثلج للركب.

سلوى: سبحان الله ما اجمل الثلج.

سما: ابسروا ها محلا ثلجهم ساع الريش بينزل، احنا معنا برد يفدجين الراس.

يحيى: مابش مثل جو صنعاء، في البرد نهارها دفي وفي الصيف مع الامطار برود الله يحفظ بلادنا

سلا: ويرجعنا بالسلامه.

يحيى: طرح يده ع كتف بنته ، جبرني باليمنيه ماتشتي غير صنعاء.

سما: شافت سلا ،مش انتوا داريين للمه !

سلا افتجعت وبهررت لسما: للمه ؟؟؟

يحيى: للمه؟؟

سما: عسب خبايرها رشا وزهور.

وسلا: تنهدت كان قد بطونها في القع لاتلخفج.
.
.

بيت عمار…
عمار: ايناس ، صاحبي قال ان مرته ابسرت رشا في العرس وتشتي تخطبها.

ايناس: ما تخطب عاد البنات صغار تتم تدرس.

عمار: اكيد بس قلت انبيش يكون عندش خبر.

زهور: سمعتهم ولما دخلين الغرفه قالت لرشا عتوافقي؟ لو هم وافقوا.

رشا: ماااشي طبعا.

زهور: ليش حااسه ان معش حاجه مخبيه عليا.

رشا: الصدق اقلش سر ياويلش تحاكي حنان،.

زهور: ما احاكيش حنان !! دريت

رشا: ماهو؟؟

زهور: معجبه باحمد.

رشا: كلبه كيف عرفتي؟؟!

زهور : باين وزد قلتي لا اقلش لحنان،هههه
.
.

بيت هدى
ياسر: يمه لو تكلمي لي خالي يحيى يعمل لي فيزه اروح ادرس بامريكا.

هدى: ايش من فيزه الله يهديك، اجلس هنا مابش غربه.
.
.

سلوى: جت عندها مرت صلاح وشافت البنات .

مرة صلاح(ساره): ماشاءالله بناتش قمارى وحميش مش هن دلوعات.

سلوى: ايوه الله يحفظهن مشحوطات من صغرهن .
وانتي كم معش جهال؟

ساره: اثنين عيال كبار بيدرسوا جامعه في ولايه ثانيه.

سلوى: يو غربه فوق غربه الله يوفقهم.

ساره: آمين، ان شاءالله ترتاحي وباعرفك على يمنيات وعرب هنا.

سلوى: ان شاءالله ،

تمين يتجابربن.

روح يحيى وبيتجابر مع سلوى هيا اديت لش خبيره بدل ايناس لاتدحسيني.

سلوى: يووو ذكرتني اتصل لها والله مابش مثل ايناس بين احنجها مثل اختي واعظم.

يحيى: اتصلي لها الان عندهم صبح.
.
.

هدى: ياااااسر ، رد ع التلفون انت ، يدي فيها عجين.

ياسر: ولااا بيرد.

هدى: ياااسر وووينك؟؟

ياسر مارد.

هدى: اووو ، غسلت يدها ، وراحت تجاوب.

امين(اخوها): الوو

هدى: الو ، اهلا امين كيفك؟

امين : الحمدلله وووينكم ساعه ارررن محد بيجاوب

هدى: كنت بالمطبخ واحسب ياسر بيرد عليك شكله مش موجود.

امين: طيب، اسمعي سلوى، جابت لك توكيل القضيه حق ورث يحيى؟؟

هدى: ايوه ، ليش خير؟

امين : بكره معنا جلسه في المحكمه ، وبعد شويه بتحرك صنعاء.

هدى: تمام حيا بك انتبه لنفسك.

امين: تحتاجي شي من هنا.

هدى: ايوه بتصل اوصيهم يجهزوا لك اشياء تجيبها معك.

امين، تمام . مع السلامه.

هدى غلقت السماعه وقامت ، رن التلفون، رفعت السماعه: هاا امين!

سلوى: مالامين؟

هدى: سلوووى، حيااا كيف انتي والبنات وخالد ويحيى؟

سلوى: الحمدلله والله فاقدين لكم قوي.

هدى: مالصوتك خير؟

سلوى: والله زكاام . كلنا امراااض.

هدى: دخل البرد.

سلوى: قوي وثلوج كمان.

هدى: الله يعينكم، اتصل امين وبيقل بكره موعد المحكمه الله يسهل لكم ويرجع ليحيى حقه.

سلوى: يااااارب بشرش الله بوش النبي.

سلوى: تمت تتصل لهدى، وبتتصل لايناس مابيمسك الخط ، ناولت سما السماعه قالت لها مابيمسك اول مايمسك ادعيني.

سلا: لمن بتتصلوا ؟

سلوى: لايناس .

سما: غلقت السماعه بيدها واشرت لسلا تجي.

سلا: رفعت حواجبها وهزت راسها لا.

سما: غلقت وقالت ماما خلوا سلا ،اشتي الحمااام.

سلا: مسكت التلفون وعادت الرقم

ايناس: جالسه بتحفر كوسا للمحشي وتتفرج التلفزيون، رن التلفون ورشا ومحمد بيتضاربوا يجاوبوا

رشا: الووو

سلا : الووو

رشا: سمعت صوتها ناولت محمد السماعه قالت محد بيرد يمكن معاكس.<< ب العاني.

محمد: الو عتجاوب من المفراااغه هذا الساع.

سلا خاافت: ها الخط بيقطع بس ماما يشتوا خاله ايناس.

محمد: ارتبششش نفسه يكلمها وخازي من امه ، اشر لهم يجاوبوا بسرعه .

سلوى: سمعت سلا بتتكلم، حملت تجاوب.

ايناس: حيا كيف انتي … وتمين يتجابررين.

محمد: خرررج فاررح انه سمعها

رشا: لحقته مالك ماتكلمها؟

محمد: ماقدرت.
.
.

بعد ماوصل يحيى من العمل
سلوى: اليوم اتصلت لهدى قالت بكره موعد المحكمه.

يحيى: والله متجمل من اخوش قوي ، الله يثمن تعبه.

سلوى: امين ويرجع حقك.

سلا: لو رجعوا لكم البيت يا بابا عنرررجع ؟!

يحيى: ان شاءالله، الان اهتمين بدراستكن وان شاءالله خير.
.
.

اروى:حناااان يااا حناان!

حنان: ايووه جايه اتم اضحي واجي .

اروى: مش وقت الضحااي جي احاكيش.

حنان: ها جيت خيرر

اروى: اتصلوا بيت خطيبش قالوا نفعل العرس في العطه ، مارأيش؟

حنان: ماقال ابي؟

اروى: ماقد حاكيته، قلت ابسر رايش واقله.

حنان: مدري اللي تبسروه.

اروى: الله يستخيرلش مافيه الخير.

حنان: خزيت وقامت تكمل الملابس.

محمد: بيذاكر ،فاتح الاغاني مركب السماعات وسااارح ماسك الكتاب ويكتب سلا ويكتب اشعار جنب اسمها.

زهور: واقفه باب الغررفه حقه ، محمد كتبك حق السنه الاولى وينهن؟

محمد:مابيسمعش مارد.

زهور: جحفه لك لاقد طنشت ،هيااا اشتي اذاااكر

محمد: جالس بينحتت ولا بيسمع.

زهور: دخلت بضبببح، هزرت السماعه منه ،شافت ايش بيكتب.

محمد: غلق الكتاب، ليش تدخلي هكذا ؟فجعتيني!

زهور: وانت بين اداعيك ساعه مابتجاااوب طلع حسك في الكتاب مركزززز مع المذاكره.

محمد: مش هو عليش . ما تشتي؟

زهور: كتبك حق السنه الاولى وينهن؟

محمد: مدري وزعتهن ،وين كتبش؟

زهور: اشتي كتابك حين فيه حلول .

محمد: كانت تحل لي سلا الله يذكرررها بالخير ابسري كتبهن.

زهور : فكررره.هي اشطر منك ياتنح.

محمد: رجمها بالمدكا.

زهور: خرجت من عنده.

واستاذنت من امها تسير لبيت هدى تسال لو كتبهن موجوده.

ايناس: سيري ابسري ما اذكرش اين حق اخوش.

زهور:لبست وراحت .

هدى: ادخلي يابنتي . شوفي بغرفه البنات فوق مغلقه وفي كتبهم اعتقد.

زهور: طلعت وفتحت الغرفه حست شم سلا وسما في الغرفه ، دمعت .

فتحت الدولاب عرفت دولاب سلا >ملصقه قراطيس شوكلاته ام اند امز بحرف M جلست تضحكككك.

لقيت كتب لقطت اللي تشتيهن وغلقت ونزلت.

وصلت البيت دخلت عند محمد.
محمد: ي جناااه للغاجه اليووووم .

زهور: لغااااجه!! طيب يامحمد ، فلتت
سارت غرفتها.

محمد: لابسه ويدها كتب، اووو شكلها كانت عتقل لي شي ،قام بسرررعه لحقها.

زهور: سمعته جاء قامت غلقت الغرفه وواقفه ورا الباب ماسكه الجدر.

محمد: افتتتتحي اسسسف.

زهور: ماااااعه

محمد: قوووا

زهور: لغاااااجه مه!

محمد: دددددهف الباب بقوووه ودخل ،

زهور مسكت خصرها: نعم؟

محمد: امانه ماكنتي عتقلي؟

زهور: وتجعل لي شبس وسكريم.

محمد: ايوووووه من عيوني هاا!

زهور: دخلت غرفه سلا وحسيتها كانها موجوده.

محمد:: زهور !! هذا بس.

زهور: اصبر ، فتحت دولابها وكيف عرفت ؟

محمد: فررح هاا لقيتي صورتها !

زهور: مع لقيتها هي ، اسمع ياصورتها . الشكلاتات اللي كنت تدي لها فاعله بهن حرف ام في دولابها داخل قلب بورد مجفف .

محمد: صددددق ، ووطى راااسه فاااقد لها قووي .

زهور: انا احس حب حين كنتوا جهال بس لما تكبروا ممكن تنسوا بعض وتحب انت غيرها .

محمد: والله محد عارف باللي في قلبي لهااا غير ربي وانا.

زهور: مسكت يده ، قوووا قل لي .

محمد: ما اقلش؟

زهور : ليش تحب سلا ؟

محمد: مدري ما اعتقدش جمال لان هي وسما توأم.

زهور: ضحكككت ، لو سما هنا انها دعوستك،

محمد: هزر كتاب من كتب سلا ، وفتحه بيتفرج ع صفحه صفحه .

سلا: جالسه تفكر في محمد وذكرت صياحه وضحكت ،

سما: مال ابي مطنن .

سلا: ماقلت لش اليوم لما ناولتيني السماعه قلت الو وسمعت رشا تقل له معاكس جاء يصيح رجعت قلت له وين خاله ماقدرت اكلمه كان نفسي اكلمه.

سما: كانت بتحل مسائل بتلعب بالقلم في الهوا..فجأه صاحت سلااا.

سلا: مالش مالش كوني وطي صووتش بتفجعيني.

سما: ليش ماتتصلي لمحمد ؟

سلا: لاين اتصل من الجنان ولو حد يرفع السماعه الثانيه من ديوان عمي عمار ؟

سما: امم يبقى خليها عليا اسبرها لش .
.
.

اروى: لبست العصر وراحت لايناس هي وحنان.

ايناس: حيا الله بحريوتنا .وسلمت عليها.

حنان: عادو له حلاات .

ايناس: يدي الله العافيه .اهم شي نفرح بكن.

اروى: اي حلات ؟ عادني جايه اجابرش .

ايناس: خير ادخلين اتسبرين امد.

رشا: جت تسلم عليهن.

اروى: اين اختش؟

رشا: بيذاكر لها محمد.

حنان سارت مع رشا غرفتهن .

واروى مع ايناس في الديوان ..
ايناس: هيا اتقهوي ع كبانه والا ذمول .

اروى: اسلمي الله يحفظش، والله ي اختي كنت بين اقل ازوج حنان واحمد سوا تسير حريوه وتجي بدلها لايفضى البيت .

ايناس: ايووه هم قالوا خطوبه بس !

اروى: قذا قلبوا. الان يشتوا عرس في العطله . قدش داريه يقلوا بعد سنتين ويزاوطو مزاوطه.

ايناس: وانتي سهل ما ضرش خلي احمد يتم جامعه باقي له سنتين.

اروى: قدو هذا . شافعل كذيه ، مش هو جاهز يخطب .

ايناس: طيب قد نبيتيهم ؟

اروى: ماشي ، جيت استشيرش والا ما ابوها قال ماشتيتين اللي يناسبكم فعلتوه.

محمد: زهوور ابسررري حرف ام وحضنها، اليوم شاذاكر لش الكتاب كله.

زهور: ماااعه اول اخرج اشتري لي شبس وسكريم وجي احاكيك بحاجات خيرات لو تشتي تدرى.

محمد: الااااان ، اسير اجعل لنا واجي ، ع خرجته ورشا بتقل له يسير يسلم ع خالته ويجعل لحنان معاهن.

محمد: سار يسلم عل خالته وخرج.

اروى: جي هاا ، هيا عتقطب قرايه نزوجك انت واحمد.

محمد ضحككك: ع طووول .

ايناس: اين عتسير ها جي كذا.

محمد: اجعل لنا واجي وخرج.

ايناس:لفت لاروى ها ماتزوجي عادو عيسير يجعل.

اروى: ضحكت عتبسري يتم يقرا وقد بيدحس.

ايناس: والله انهم هم الله يحفظهم بس.

اروى: ذلحين تقلي اقلهم موافقين ع العطله.

ايناس: ايوه ، وافقي بس ماعيوافقوش لشروطش تتزوج مع اخوها وعاد انتوا ماقد خطبتوا له.

اروى: قد قلت كذيه.
.
.

سما: سلا مارايش لما يخرجو امي وابي ونتصل لرشا نتفاقد الامور ههه.

سلا: تمام نتصلهن وهن يحاكنه

رشا وحنان بيتجابرين وزهور بتلخص وتذاكر.

محمد دق لزهور الباب.

زهور: ادخل مابش حد.

محمد دخل وغلق: ها شلي قسمهن لاهانك وجي نتجابر.

زهور: فرررحت بالشبس تماام لاقد تبدأ تاكل جعل لك سم لو بدات.

محمد: سم ياكلبه ، مقلع يلا من هنا.

حنان: جي عندنا نتجابر.

زهور: معي مذاكره والله اتم واجي ها قسمكن.
.
.

امين: رجع العصر من المحكمه .

هدى: هاا خير بشرر.

امين تنهد فااارح اول ادي غداء قدنا ميت جوووع ملاحقه والله.

هدى: هيا دقايق واقرب لك.
.
.

سلوى:يحيى تقل كم الساعه في اليمن والله ماغمضت مراعيه للحكم.

يحيى: عصر ع ما اعتقد.

سلوى: اكيدد قد رووح زمان اتصل ابسرر مافعل.

يحيى: هيا اتصلي .

سلوى: طلبت الرقم ..

امين :.جاوب حياكم الله عمركم طوويل ..

سلوى: بشررر مافعلت.

امين : واخيرااااا

سلوى: يووو الحمدلله.

امين : راااعي راعي

سلوى: هاا خيرر !

امين: طبعا اخوته زوروا بعض الاملاك والاراضي انها مش لهم ، بس عاد معنا شهاده وحلف يمين.

سلوى: عيحلفوووا ماعليك شي.

امين: لا لاا معي شهود واوراق من الشهر العقاري ماعليش شي بس مبدئيا الحكم لصالح يحيى.

سلوى: يااارب يعين وينصفه .

يحيى: شل السماعه من سلوى وتم يجابر امين
.
.

زهور: رجعت لمحمد،

محمد بيقلب صفحات كتب سلا مبتسم.

زهور: زكاك عقلك هو الا كتاب.

محمد: حسها فيه شمها فيه ولو اي شي فيه سلا يرد الروح.

زهور: ماحصل واحنا مسافرررين؟؟

محمد: ابسرررتها ماقلت لكن..

زهور: صدددق!!!

محمد: والله بس ماعرفت من شكيت سما او سلا.

زهور: اقلك كيف سلا.

محمد: عوج فمه اعرفها .

زهور: هيا يا تعرفها خلاص.

محمد: مع قووووا قلي كيف هي عاد شعرها قصير لاعند اذنها.

زهور: لاااا ، ماشاءالله طوووويل يجنن واحلووت بس ماشقلك ياتعرفها.

محمد : قووووا هيااا قلي لي .

زهور: طبعا تعرف ان سلا الهادئه الطيبه الرقيقه البشوشه ماتزعل حد ،

محمد: داررررري ، اللي بعده اقلبي الصفحه.

زهور: ماتشتي يامعررص؟

محمد: تغيرت ؟ لون شعرها جالس فاتح هذك الاشقر؟

زهور: لا مش اشقر بس فاتح.

محمد: وغمازه في خد وخد مع.

زهور ضحككككت: ايوه يانزغه قد انت اخبر مني ماتشتي؟

محمد: ايني سلا ، وبيعدد ياسعم خرررط.

زهور: قوووم انقلع من قبالي اشتي اذاكر.
.
.

اروى: تقلي كيف نفعل شرط ومهر ؟

ايناس: يكسوا هم ويذهبوا ويدوا لش شرط اللي تعرسي لها به.

اروى: مع مدري كيف ذوقهم.

ايناس: والله هذا رأيي اهم شي يذهبوا هم في وشهم لكن لو انتي لاتوفي فوق المهر مهر اللي تخطبي ل احمد بها.

اروى: والله انو صدقش ، انبيهم وبس.

ايناس: ايوه ، وبعدا احنا نكسيها والكل مانركن على كسوتهم.

اروى: سووا .

حنان: بتجابر رشا الصدق احنجش قوووي مدري ليش.

رشا: ضحكت، هذا احساس كل واحده مخطوبه قد عتفلت العزوبيه والخبيرات.

حنان: ياشوعه خبيرات مه ؟ انتين خواتي .مامعي الا انتين.

رشا: هو هذا اللي مفرحني ازنط في عرسش .

حنان : جبرش صدق ، جي ندخل لزهور هي والمذاكره تيه .

رشا: هنيت لها اوائل قدي لا طريق.
.
.

سلا راجعه هي وسما في الطريق كان في شله بنات وعيال . خطيين من جنبهم جلسوا يسبوهن لانهن محجبات.

سلا: لو محمدي هنا كان قام ندعهم ملاطيم.

سما: اخطي ياحموده انتي والملاطيم ، احررركي رجلش.. وصلين البيت .

يحيى: ياحيا وقوا بالقمارى حقي ابسرتين هو الا واحد يتعود بس .

سلا: مانتعوود والله انهم بيضايقونا في الشارع.

يحيى: كون ردين الكوفيه حق الجاكت فوق الحجاب مايتلوهوش.

سلوى: انااا اعنيك بناااتي.

يحيى: لاتخافي مايقدروا يفعلوا شي مامعاهم الا فمهم بس البوليس هنا عيضبطهم.

سما: هي تيه مشووولحه لاتصدقوا لها.

يحيى : اول مايقع عمركن18 شاقطع لكن رخصه

سما: شاسوووق انا لقفت.

سلا: ماشي انااا..

يحيى: يوم بيووم سهل له حلات.

يحيى: شاخرج انا وامكن اوبهين لخالد راقد وتغدين.

سما: تمام ، الله معاااكم

يحيى: فارحه؟

سما: هزت راسها يب بب قووي الله يجبرنا بكم.

سلوى: ضحكت.

سلا: والله انش مفقعسه .

سما: على دخلتهن الغرفه يبدلين ايوووه مفقعسه لكم احمدي الله .

سلا: ماهو نتصل.؟؟؟

سما: شوووور ياقلبي .

سلا: فرحت وخايفه.

وبعد شهورر بدأت العطله
اروى بترنج البيت قبل عرس حنان ايناس معها بتعاونها، البنات خرجين مع حنان السوق يتمين بقيه الكسوه وصلهن احمد.

رشا: حنان ابسري هذه حاليه قوي .

حنان: ماشي، ماعجبنيش ، زيدوا التطريز فيه.

رشا: انتي حريوه ، كل فساتينش هادئه ضروري مطرز .

حنان: فيني بكاء مابش شي عاجبني اوووف ، هيا نروح ونخرج بعد العصر.

رشا: خرجت من المحل، وطلعت السياره قبل حنان.

احمد: هيااا عنجلش نلوي يوووميه وماعجبكن شي .

حنان: اخي لاتزيد لي قد شاطفح .

رشا اشرت له يسكت .

حنان: خلاص شلنا نختار الكوشه.

احمد: باقي اسبوعين تحجزي كوشه من الان؟

رشا: واي حين يحجزوا ؟ وقت اصلا بيحجزوا بعضهن نشتي نلقف .

احمد: ضحكك تلقفي مه ياسعم انها بقعه .

حنان: عتشلنا والا ماشي من حريق الدم ؟

احمد: ماااشي.

رشا : لاحول ولاقوة الا بالله.

حنان: ابردي منه خليه يواصل الثقاله.

احمد: تشتين الصدق مابش نفسس للوي تعبت من الصبح دومله نروح نتغدى وابسر لو اخرجكن.

رشا: شاورت حنان ماعليش منه نتصل لمحمد يخرجنا ويلوي بنا والله مايتكلم.

حنان: كانت معصصصبه من احمد وبتهززز رجلها، قدو هذا والله ما اخرج معه.

رشا: خلاص وانتي اهدأي مابش وقت الان نشوف شي وقت غداء نروح نتغدى ونصلي ونخرج.

احمد: مابتتشاورين؟

رشا: ولاشي.

حنان: سااااكته.

زهور بتفعل الغداء

ايناس بيقشعين الامكنه هي واروى ،للمرنج.

محمد: جالس في المكتبه ابوه فتح له دكان صغير.

عمار: وصل من العمل، يااا محمد كيف الدنيااا.

محمد: ضحكك ساااابره مابيشتروا الا هدايا مابش مدرسه

عمار: سهل عيدي لك الله من اللي بيقروا معاهد.

محمد: على الله.

عمار: امك روحت؟عنتغدى؟

محمد: معاهن عمل بيت خالتي قد طبخوا الصبح وبكروا لاعندهم، شاغلق والحقكم اقرب لنا .

عمار: يله لا تتاخر.
.
.

سما: ضبح كنا متوالهات بالمدرسه

سلا: ولاضبح ولاشي، نسجل معهد ، السنه اللي عتجي ثالث ثانوي وبعدها جامعه .

سلوى: يحيى، اتصل ابسر امين مافعل اخر قرار للحكم كان امس.

يحيى: قد ضبحت ماعد اشتي شي، اتصل ابسر وع الله ادي التلفون.

سلوى ضربت له الرقم وناولته السماعه.

امين: ي اخي والله ، اتصلت بكم امس محد بيجاوب.

يحيى:يمكن كنا نوم ، لاتنسى فارق الوقت عندنا.

امين: ايووه ، معي لك بشااره .

يحيى: بشرني ، الله يبشرك بالخير.

امين: طلع الحكم لصالحك البيت حقك

يحيى: الحمدللله والشكر لله.

امين: بس لحظه ، باتضطر تشتري سهم اخوتك في البيت عشان لايبتاع شوف لو تقدر تدبر المبلغ.

يحيى: كم عيطلع؟

امين : قليل مش كثير، تقريبا عشره الف دولار.

.
.

محمد قرب الغداء

عمار: لو مابش مره ف البيت ،تحس الاكل تافل( ناقص ملح) مابش طعم.

محمد: ضحك عيجبركم بامي.

عمار: امين ،تغدى، وصلى، بيتجهز يخرج.

محمد: عتخرجوا؟

عمار: ايوه، معي عمل شويه وارجع ، لما تتصل امك سير اديها انت

محمد: حاضر.

عمار:فتح الباب وخرج .

محمد: رفع الغداء، وبيصلي.
.
.

يحيى: قومبن البسين نخرج.

سما: قدو وقت رقده ، اين نسير؟

يحيى: نلوي ونرجع.

سلا: وانا فيني نوم .

خالد: الاااان اقوم البس.

سلوى: ليش؟؟ قومين غيرين جو.

سما: ما اشتيششش ، عنرقد.

يحيى: خليهن ع راحتهن ، تلفون البيت عندكن لو احتجتين شي اتصلتين.
.
.

زهور: تمت الغداء ،وبتشفت(شفوت).

حنان وصلت تشتي تعاونها.

رشا: والله ماتعسي شي شادخل انا انتي حريوه.

اروى: صدق مابش معها اخت. لكن سخركن الله لبعض الله يجبرني بش وبناتش ي اختي .

ايناس: امين .

اروى: من صغرهن مشحوطات بيت ومطبخ ساع بنتي حنان.

ايناس: الله يرحمهم امي ع ماعودونا.
.
.

سما: بعد ماخرجوا رفعت القلصات ورتبت الصاله .

سلا بتتفرج التلفزيون : سمااا جي بسررعه.

سما: مااالش؟

سلا: هذا من يشبه؟؟

سما: يوو قوووي يشبه محمد بس هذا فيه حبه خال.

سلا: فااااقده له اي حين عنرجع؟

سما: هيااا نتصل.

سلا: انا كل مره اصدقش واووودف ذك اليوم جاوبونا خاله ايناس وامي مابحدهم رجعنا نتعذر بالبنات لايحسوا.

سما: انتي مابلا بتزيدي بها ،

سلا: الصدق بين اخاااف.

سما: من ممممه؟؟؟ خووواشه عندي فكره نتصل ونسمع سكته.

سلا: هيا.

محمد: تم يصلي امتد وطرح وساده فوق وشه من الضوء لاعينه.
.
.

يحيى: ذلحين انا مش عارف كيف ادبر العشره الف كان معي اكثرر بس مصاريف البيت والجيه والتذاكر والمدارس السياره كل شي قرحت اللي جمعتهن.

سلوى: طيب عملك شركه تحويل اموال يعني ززلط ماتقدرش تقل ليحيى .سلفه؟

يحيى: شابسرر.

سما: ضربت الرقم وماسكه السماعه بينها وبين سلا .

عند محمد: التلفون بيررررن، مد يده وهو مغمض الوو.

سما: شافت لسلا بفرحه وفرحه قاحصه ع اسنانها.

محمد: الووو

سما: رجمت لها السماعه وبتبهرر لها تجاوب.

سلا: الوو

محمد: فتح عينه وبيتفرج السقف.. الوو

سلا: ايوه من معي؟

محمد سمع فررررح، قام بعد الوساده جلس: اتصلتي تسالي من معش؟؟ نسيتي صوتي؟

سلا: لااا .. بس بين اتاكد.

محمد: معش واحد للان مامر يوم مانسيش بيرسمش شكل وصوت عشان احس انش قبالي.

سلا ابتسسمت خززززيت: بتتحاكى هكذا انت وحدك.

محمد: مع امي وخواتي وابي جنبي واقلش قبالهم احبشششششش ياسلا فقدت لشششش قووووي اي حين عترررررجعي.

سلا شهقت ومسكت وشها: بغيررر جنان ،شاغلق.

محمد: لاتصددددقي مابلا انا وحدي في البيت، هاتي رقمكم اتصل انا.

سلا: مش حافظه له وبعدا لو تتصل انت اخاف حد يشك

محمد: وحشتيني، انتي بخيررر؟ مفتهنه ؟ عادش بتفكري بمحمد؟

سلا: اكيد ولانسيتك يوم ، حتى لما اخطى بين احس انك معي بتحميني من كل شي . احس اني شابسرررك

محمد: سلا

سلا: ها

محمد: احبش

سلا: وانا والكل

محمد: ماهو وانتي والكل؟

سلا: بين احبك..يووو جحفه خليتني اقولها ومش انا متلوهه ماتقصد.

محمد: الله يحفظش ويحميش ويسعدش ويخليش لي.

سلا: واهلي .

محمد: امين ، مع لي وبس يكفيهم اللي قد جلستي معهم.

سلا ضحكت سمعت السياره: محمد ش اغلق. يلا انتبه لنفسك .

محمد: حاضر وانتي والكل … غلق الخط.

جلس حاضن السماعه وسارح في كلامها وصوتها.
فرررح ، قام لبس وخرج المكتبه.

جين بنات يشترين طوابع من الفرحه باعهن ببلاش، واللي في جيبه خرج اشترى جعاله ووزع لعيال الحاره.

سلا: تمت تكلمه حجفت سما بقووووه احبشش فديتش ياتوأم قلبي.

سما: فرررحت،تقلي ي اختي ليش محد حبني حين انا لقنه.

سلا: ايووه انا اشششهد طايرتي الجن

سما: ههههههه تذكري كيف كنت ابقص ابن خالتي فاطمه(جارتهم) ويدخل يبكي.

سلا: ضحكككت، ايوه ياكلبه برغم انو اكبر منش.

سما: تقلي زهور ورشا ما اخبارهن بيحبين؟

سلا: ماسالته.

سما بتقلدها: وبتتريقق زي سلا وتقلب عيونها بين احبكك.

سلا: كلبه بسسس هباله ، ياقهري اتخايلت انو ابي جوا الظاهر سياره ثانيه.

سما: بس جنان عشرين دقيقه تكفيكم.

سلا: يووو اعوذبالله من عينش بتحسبي لنا.
.
.

فوق السياره
سلوى: ماشتيش يبتاع البيت حرام احلى بقعه وناس.

يحيى: ان شاءالله يوافق صلاح ما اعتقد يتحاكى.
.
.

صنعاء
رشا: اتصلت للبيت ، تشتي تقل لمحمد يخرجهن.محد بيرد.

حنان: مانفعل ذلحين؟

رشا: مامعنا الا احمد.

حنان: استغفرالله للثقاله.

رشا: يا اختي مش هو ثقيل ولا تعب والله وكان شمس ومراعاااه فوق السياره حرام .

حنان: ماناش داريه على ايش بتدافعي.

رشا: ماخرج وخبرته بيتصلوا قبالنا واعتذر ، وتقلي للمه بين ادافع !

حنان: حاكيه انتي ، ماشكلمه.

رشا: تمام.

ايناس: خلي اختش تجلس وانتي سيري مع حنان انفخي غيري جو.

زهور: ماشتيش سوووق ضبح شافعل ميه عمل ولا طنانه.

ايناس: ما اشتيتي.

اروى: مانزيد نفعل ي اختي والله ماعد دريت كيف افعل.

ايناس: خلاص مابش شي غدوه نرد الامكنه ونفرشهن ونكعك اخر الاسبوع قبل الذبال.

اروى: بين ابسر الدنيا منعوووثه وباقي اسبوعين واجنن.

ايناس: ماعليش شي يوميه انا وبناتي عندش.
.
.

ثاني يوم يحيى في العمل.
صلاح: ع طووول اطلب سلفه وانا اوقع لك ، عتبدأ تحسب لك ارباح 20% عنخصمها منها وراتبك ثابت.

يحيى: الحمدلله . تسلم اخي صلاح.

صلاح: الله يسلمك يارجال الشركه شركتك الله المستعان، مارايك ناخذ العايله رحله للولايه اللي بيدرسوا فيها جهالي.

يحيى: متى؟

صلاح : نهايه الاسبوع حلو؟

يحيى: ايوه، البنات يشتين معهد ، قلت لا اعطلهن.
.
.

عمار: محمد استلمت نتايجك؟

محمد: ماشي بكره عيسلموهن .

عمار: لو اديت مجموع حالي ادخل معهد انجليزي ، واذا درجات زفت ادخل تقويه للمواد العلميه اشتي ابني يدي مجموع واعامل لك منحه.

محمد: اتطمنوووا راااكن مجموع .

ايناس: يحيى ساامحني معي ذيه الاسبوعين مع اختي.

عمار: واسبوع العرس واسبوع مابعد العرس وبعدا شكمه وانكن لابتشبعين ولاتقنعين خرجات.

ايناس: انت داري ، اروى مامعها الا انا واختي نبيله قدي كبيره مش حق عمل وبناتها مزوجات متغربات.

عمار: يلا سهل كوني سيري للضروره.

ثاني يوووم
سلوى اتصلت لايناس

ايناس بتتجهز تخرج عند اروى.

سلوى: يووو فقدت لش يا اختي والله.

ايناس: سلووووى يووو حياااش كيف انتي فاقده لش والله قوووي كيف انتي والبنات.وخالد؟

سلوى: الحمدلله بخير وانتي كيف انتي وجهالش.

ايناس: والله بخير فاقدين لكم.

زهور: ماما محمد مراعي بيطرق

ايناس اشرت لها بيدها لحظه.

سلوى: اين البنات فقدت لهن.

ايناس: رشا زهور جين جاوبين

محمد: دخل يدعيهم هيااا شتاخر ع الشهاده.

رشا: راااعي ياشهاااده ، غمزت له بتكلم خالتي سلوى.

محمد: سلموا عليهم.

ايناس وصلت السلام.

سلوى: لومعاكم سكايب نجابركم.

ايناس: شاخلي محمد يبسر ماهو ذيه.
تمين مجابره وغلقت.

سلا: مالكم غلقتوا نشتي نكلم البنات.

سلوى: مستعجله عتسير بيت اختها قد عيزوجوا حنان . بيسيرين الصبح ويرجعين العشي قد قلت لها ع السكايب.

سما هزت راسها: هااااه .

سلوى: قامت المطبخ

سما: سمعتي بيخرجوا يوميه

سلا: يعني ايش؟

سما: قربت بصوت واطي يعني محمد في البيت.

محمد وصلهم وسار المدرسه يستلم شهادته فررررح 92% اتصل ل ابوه يفرحه.

عمار: اشتي اكثر ثالث ثانوي شد حيلك.

محمد: لو اديت سبعين انكم عتقلوا ادي تسعين.

عمار: ضحككك ، ابني ذكي ليش لا.

.
.

احمد خرج هو وحنان يشوفوا الدعوات.

احمد: وين رشا اليوم ليش ماجت؟.

حنان: بتفعل الغداء لخالي عمار ومحمد.

احمد: اهاا

حنان:ليش بتسأل؟

احمد: ولاشي بس استغربت.

حنان: ومه؟

احمد: بس

حنان: بس واصل ماتتحاكى الا من رشا .

احمد: مابلا هي ذواقه. زهور شوويه مغروره.

حنان: بالعكس زهور طيبه بس عاقله وهااادئه

احمد: اقلش شي بيني وبينش معجب برشا تقلي لو خلصت تدرس وتقدمت لها عتوافق؟؟؟

حنان: صفقت ايوووووه يعجبني الدغررري قل هكذا من اول.

احمد: مالش ماقلت بنت خالتي.

حنان: ايوه ولو بنت خالتك اهم شي معجب .

احمد: امانه لاقد حاكيتيها مدري يحصل نصيب او لا مشتيش تنحرج مني عشان تجلس طبيعيه.

حنان: اكيدددد.
.
.

محمد: رووح فاااارح للبيت بشررر رشاا .

رشاا: مبررروك يارب ثالث ثانوي توقع 95% تدخل طب.

محمد: ما اشتيش طب، اشتي طيران.

رشا: هاااا عشان سلا.

محمد: هههه مش شرط بس نفسي.

رشا: ايوه نسيت ما اقلك .

محمد: خيرر في موووضوع من سلا؟

رشا: ايوووون موضوع ضخم.

محمد: مسكها من كتفها عيرجعوا

رشا: شلوووك نبعت نبعه ، مع مابلا قالت خاله سلوى نحمل برنامج سكايب

محمد: طرح راسه فوق الثلاجه فرررحتيني تمام شاحمله.

رشا: ايوه وانا اضبط لكم مواعيد.
.
.

يحيى: سلوى .. سلوووى.

سلوى: ايووه كانت بتفعل عصير سكبت له للقلص وسارت.

يحيى: اسسسلمي ميت عطش ، صلاح وافق يدي المبلغ وقال عيحتسب لي ارباح عشرين في الميه عيخصموها منها.

سلوى: الحمدلله ، هيا اتصل ل امين .

يحيى: ايوه شا اتصل له ، واتفقنا نشلكن رحله لولايه قال حاليه بيدرسوا فيها جهاله.

سلوى: تمام.نبينا نجهز نفسنا قبل.

سما: سلااااا

سلا بترسم: هااا

سما: تقلي كلام رزان صدق؟

سلا: من رزان؟

سما: جحفه مالش فلتي اللي في يدش ركزي معي.

سلا: هااا بين اسمع

سما: العراقيه اللي لقيناها في المدرسه قالت الجامعه
هي عتحدد لنا اي جامعه تقبلنا وانها خارج الولايه

سلا: ايوه بس ما اظنش يخلونا ابي.

سما: الا به سكن بنات .

سلا: لاقد تكلمي ابي يمكن مايوافقوش.

سما: اكيد داريين ، هوذا عيال عمي صلاح بيدرسوا في ولايه ثانيه.

سلا: ناهي مش وووقت باقي سنه.

سما: ايوووه سنه. وندخل طوالي مش ساع اليمن سنه نطنن ننسى اللي قريناه.

.
.

رشا تمت تفعل الغداء، بتكوي الزنين حق عمار ومحمد.

هدى دقت الباب.

محمد فتح الباب ودخلت.

هدى: رشا وين امش.

رشا: بيت خالتي بيعاونوهم .

هدى: قد بتزوج بنتها.

رشا: ايوه بيرفعين البيت للعرس.

هدى: الله يعينهن جيت افتقدها ، امس اتصلت محد رد.

رشا: كنا هانك واليوم جلست امد اطبخ لهم.

الباب بيدددق.

محمد فتح الباب

فاطمه جارتهم جت تدور هدى قال لها ياسر عند ايناس.

فاطمه: هدى، جيت ادورش

هدى: حيا حيا هيا قدني مرووحه

فاطمه: مابلا جيت اقلش ان اخت سليفتي عتسافر امريكا قلت لو عترسلي لسلوى شي او تحتاج شي.

هدى: ايوووه والله جهزت لها طلبتني حلبه وقشر وسمن بلدي

فاطمه: جهزين بعد ثلاث ايام عتسافر ونبي سلوى.

هدى: تمام.

فاطمه: خاطرش ، اسير اخبز .وخرجت.

هدى: يلا سلمي على امش وتتصل بي لما تروح

رشا: تمام.

محمد: مايشتين.

رشا: خاله فاطمه قالت به ناس عيسيروا امريكا لو يشتوا خاله سلوى شي.

محمد: يووو صددق ما رايش ششتري لسلا شي واقل منش.

رشا: تمام وسما بعدا عيشكوا

محمد: تمام

رشا: ماعتشتري لها

محمد: مش عارف نفكررر .

اروى: ايناس كفايتش اليوم تعب .

ايناس: سهل ، نجي نلمع المعاااشر والمدايع والمزاهر.

اروى: شاتصل لاحمد وحنان يدوا معاهم ، دهان من حق النحاس.
.
.

نهايه الاسبوع ليله السفر
سلوى بتفعل كعك.

سما بتجهز ملابسها.

سلا بترتب شنطه صغيره لملابسهن: سما ريت والله ونرجع اليمن.

سما: ايوه والله ضبح لو شي ان احنا متعرسات العطله كلها عرررساات.
.
.

احمد اتصل لمحمد يجي يوزع معه الدعوات.

اروى البيت ملان بنات عم حنان ورشا وزهور بيكعكين وفاتحااات الززفه

ايناس: بكره عتسير حنان الحمام؟

اروى: ايوه قد حجزت مغنيه تلقفها ونفعل غداء للاهل.

ايناس: خلاص شابكر الصبح لاعندش البنات يسيرين معها واحنا ندخل للمطبخ.

.
.

ايناس: قسمت لسلوى من كعك العرس حق اروى ، وجهزت لها ذره حمراء وبخور.

هدى: وانا جهزت لها سمن وعسل بلدي وحلبه وقشر وقلافد اسير اشلهن لفاطمه

ايناس: ايووه ذكرت لاقد تسيري الان عيجين البنات يشتين يرسلين هديه لسما وسلا.

هدى: جبر قلبهن اهم شي الووزن لايزيد قد بتتحراني.

ايناس: لاتقلقي ولا زاد عندفع فدا راسها .

محمد: مارايكن في هذه الطرحات.

رشا: اممم هذي الوردي حلوه

محمد: سلا بيضااا اي شي عليها جنان.

رشا: هنيت لقلبش ياسلا ، عيسخرلي الله مثل قلبك ي اخي.

محمد: رجم الكيس لاوشها امييين.
محمد: خورت لها عطر .

رشا: ما عطر عتوووقع حرشه.

محمد: ابررردي لا حرشه ولا ، ماغير يقولوا قليلات ذوق وخرج لها لسانه.

رشا: سامج .

محمد: اوصلي بس لفيه داخل الطرحات اللي شليناهن ونوصل لخاله فاطمه عسب لحد يتفاقد

رشا: ماااالك .

محمد: واللله على ماقلت لش انش تناوليها . وقلي تخايلي انهم قد ادوهن لاعندكم الحاجات وبس ، وصلنا ها يلا انكعي.
.
.

ثاني يوم الصبااح
سلوى: قبل ماتخرج وتسير الرحله اتصلت لهدى وايناس تتطمن عليهن.

ايناس محد بيرد

هدى: جاوبت وقالت لها ان ايناس متعرسه .

بيت اروى عرررس وزززقع من الصبح مفتوحه الزفع.

احمد: وصل المصاريف لهم ، ومراعي للبنات يشلهن الحمام.

تجهزين وقدهن خارجات.

اروى: قمارى اين عتسيرين اول صبوح .

رشا ماكانت معاهن بتجهز ملابس حنان اللي عتلبسهن بعد العصر ..

ايناس جهزت لهن مزاهر الشذاب والمبخره .

تمين صبوحهن وقامين خرجين لاحمد طلعين السياره وبيدورين رشا.

حنان: احمد لحظه لاقد تخطاش .

زهور: انزل ادعيها؟

رشا: خرجت ،تشتي تطلع مابش مكان

حنان: جي قدام جنبي عيكفينا.

احمد: وغلقي الباب سوا ، امنيه(الامان).

حنان : لاتفتجع شامسكها،

رشا ضحكت: العفو اخرتكم.

حنان: ماصتبحتيش ! وين كنتي؟

رشا: كنت بين اجهز لبسش بعد العصر قلت عنوصل مشغولات.

حنان حضنتها: يووو فديتش ، ولفت للبنات وراها وفديتكن كلكن .

احمد: وكيف تسيري بدون صبوح عتدوخي.

رشا: ماشي سهل شاكل اي شي.

احمد سكت، وبيمشي شاف كفتريا وقف ،نزل اشترى سندوتش، وطلع.

حناااان: يووو والشم .

احمد: ناولها قلي لها مابش نزله الا بصبوح.

حنان بمزح: خووورت ليش اما هي مفروووض تعانيني انا حريوووه.

احمد ابتسم،
.
.

سلوى هي ويحيى في الحوش مراعيين لصلاح.

سلا شافت الكل خرج …. ، بعد ماسرحت شويه .
سلا: سمااا

سما: هيااا مالش

سلا: قووى احرسي لي اتصل بسرررعه .

سما: هيااا سريع.

سلا: شلت التلفون وتخبت بين كنبتين في الارض وضربت الرقم..

بيت عمار…
تلفون بيرن بيررررن .
محمد: في غرفته نووووم… مابيرد

سلوى قربت للباب.

سما: سلاااا

سلا: هاااا بررربشه غلقت السماعه وقامت ..

هدى راحت تبدي على فاطمه..
فاطمه: حياا والله انش في حسي قد كتبت لها العنوان حق سلوى توصل لها او ترسل لها بالبريد مش عارفه لاين عتوصل.

هدى: اسسسلمي الله يحفظش .

رشا: اكلت نص السندوتش والباقي نسيته فوق السياره.

احمد: بعد ماوصلهن،، شافه وضحك شله بدأ ياكل وبيفكر بها.

ايناس: بتتتصل للبيت محد رد، بدأت تتحلف لمحمد.

محمد نكزززز على اخر رنه جاء يجاوب سمع امه صوت امه وغلقت ، عاد الاتصال.

ايناس: اين انت من اول راقد عيب عليك ، جي عاون احمد .

محمد: ناهي وانا مااادرااني انكم تشتوا معاونه هو عرس نسوان ما اعاون.

ايناس: ما اللقانه لقااانه، جي نافع بدله سار يشلهن الحمام.

محمد: يله تمام البس واجي.

سلا: وهي ضاابحه مشيت، خرجت لاعندهم وقدهم خاطيين.

سما: يمكن مشغولين عرس حنان.

سلا بصوووت واااطي: ايوه ذلحين بنات ووتوصيله وزفزفه وجناان وخباله.

سما: بتغيرررو!

سلا: طنشتها ، وجالسه تهز رجلها.
.
.

هدى: الووو.. اينك ياخي ماتجاوب.

امين: هلا هدى.. والله مشغول كان معي جلسه بالمحكمه.

هدى:طيب اسمع اتصلت لي سلوى ورسلت لي رقم الحواله تستلم المبلغ وتجيب لاخوه يحيى ويبصموا ع الاوراق والعقد حق البيت.

امين: رسلي رقم الحواله والبقيه ماعليك عملي.

هدى ضحكت: ايوه الله يحفظك.

محمد بيسوق وفاتح فوق السياره اغاني كانت سلا ترسلهن لرشا.

ايناس: احمد سير ادي المغنيه.

احمد: الان محمد عيجي يسير يديها هو، انا راجع للبنات للحمام.

ايناس: يللله لاتتاخر.

احمد: خرج ، ومحمد وصل .

محمد: سلام ، اين انت.

احمد: رااااقد يامعررررص هيا ادخل اسالهم وين بيت المغنيه انا سايري ادي البيت.
.
.

سلا: سما، ذلحين وين محمد وايش بيفعل ؟

سما: بيعااااكس البنات في المرايه ويتفرجهن بدلش ياااامسكينه.

سلا: ناهي لش .

سلوى بتتجابر مع مرت صلاح.

ويحيى بيتكلم هو وصلاح
يحيى: ليش جهالك في ولايه وانت هنا؟

صلاح: قدموا هناك ، لان الجامعه هذك اقوى لتخصصهم. وحتى بناتك لو عيدرسين ممكن تكون اقرب جامعه بعيده عن السكن خاارج الولايه بتضطر تخليهم في سكن طالبات.

يحيى: لا لااا وحدهن !!!

صلاح: تقريبا نزيد نتاكد من الموضوع بالنسبه لهن.
.
.

البنات خرجين من الحمام.
حنان: لابسه لبس يمني تراث مع الفضه والمرجان والستاره واللثمه الملس وفوقها عقد ريحان وفل وشذاب .

احمد استغرررب: من تيه الحجه اللي عتطلع؟

زهور ضحكت: حنان.

احمد: مالها ، حين قدي حريوه عتجنن.

رشا: ماااادراك هذا لبس هووووكه ابسر على حلا.

احمد: الله يعينكن بس ، احنا زنه وشال وعسيب وقد احنا ماشاءالله.

حنان: افتح زززفه هيااا.

البنات بيززقعين في السياره.

احمد: وطى الصوووت ، يااي جنان ماشتيش عاد الدنيا ظهررر وزحمه ماتعلين اصواتكن اصصص.

رشا لزهور: جحفه لو محمد انه بيرقص السياره.

زهور: الله يعينها مرته .

رشا: اصه لايسمع هههه.
.
.

عائله صلاح ويحيى وصلوا ..
عيالهم استقبلوهم.
وشلوهم مطعم عربي وطلبوا لهم اكل.

البنات خازيات ولابيتكلمين ..

سلا: هيا نقي لش واحد ياهرمه.

سما: امانه هجعيني واحد زناااط بيتخايل رووووحه بالسبايكي وهن الا قرون الديك .

سلا ضحكككت وماسكه فمها .
سلا: كيف قرون ديك ؟

سما: مدري ، قصدش، والثاني فيه ضحكه الظاهر بيتدغدغ من الهوا ، لو اعطس لايضحك .

سلا بتضحك .

ساره: شافتهن وابتسمت مابيضحككن.

سلا: ولاشي بنتجابر .
.
.

وصلت سياره العروسه من الحمام واحمد بيطرق من راس الحارره وصل واحمد وعيال الحاره مجهزين القريح.

النسوان جهزين الغداء وقربين ..
والبقيه واقفات في الباب جهزين المبخره والمزاهر الشذاب والشمع في يد البنات المغنيه بتجرب المكرفوون

احمد: وصل الباب ويشتي يطلق رصاص بالمسدس.

حنان: قوااا مع ماشتيش يكفي قررريح ، مانشتي مشاكل.

احمد: لف المسدس.

البنات نزلين ودخلين الحوش بيحجررررين

المغنيه:بدات بالصلاه على النبي والزفه ( يابنات القصور غنين، وزفين العروس زفين، زغررردين….

البنات بيحجرين ويزفين ….

والعيال بيقرحوووا خارج ..

رشا: ماسكه المبخره قدامها(تثوير)بخور مخصوص من العين والحسد.

المغنيه بتزززف ..

وصلت حنان بززفه لافوق الغداء..

رشا خرجت هي وزهور يدخلين البقش حق الحمام..

احمد ناول رشا: هيااا جاوع خرجو لنا غداء ولعيال الحاره ..

رشا: تمام الااان .

احمد: مش تخرررجي انتي ادعيني من الحووي

رشا بربشه: ايوووه تمام.

احمد: عقبالش.

رشا: خزززيت طنشت ودخلت .

النسوان بيتغدين وحشيررره وقراب .

.
.

امريكا
ساره بتاشر لسلوى ذيك النحيف عبدالعزيز، والثاني رشاد.

سلوى: الله يحفظهم لش ماشاءالله.

سما: الديك طلع رشاد ههههه.

سلا: عيب عليش بس قد بيتلوهوا من كثر مابنضحك.

سما: بيغيددني بيتخايل روحه.

صلاح: بيسأل البنات ماتشتين اين نسير الان.

سلا: اين ماشتيتوا ياعمو .

عبدالعزيز: اسمع على مجبر صنعاني يمني على ميزه.

رشاد: كلمتين وقلبته مجبر ماسمعت سوا.
.
.

احمد شل الغداء وفرشوا في الحوي وبيتغدوا كلهم محمد وعيال الحاره .

اروى بديت من الباب تأشر لاحمد.

محمد بسر خالته وقام هو يجاوب

اروى: سيروا ابسروا قات حالي للمغنيه

محمد: تمام

اروى: قوا تحرى احمد، عسب تغني بطيبه نفس.

محمد: هههه ولايهمكم .

البنات بيرفعين ويغسولين بعد الغداء .

بعد العصر ( الذبال)
حنان لابسه فستان مطرززز ولثمه ملس وقناع جالسه في علاو المكان فوق كنبه مفروشه بسجاده وسجاف انيق مزين بمصون ومزاهر شذاب فوق الصفيف.

المغنيه بتغني (اغنيه صنعانيه) والنسوان بيرقصين.

والنسوان الكبار بيقرقرين مداعه(زي الشيشه بس تتن).

زهور بتقرب حليب شاهي .
.

احمد جالس هو ومحمد فوق السياره
احمد: الله يزوووجك،

محمد: قل الله ينجحك عاااادني على عمررر لوما اتزوج.

احمد: قل سنتين ثلاث تم جامعه مش عمر.

محمد: لوماتجي اللي في بالي.

احمد: لاتتخورش ، مامعنا الا الحاصل.

محمد: الحاصل لك حبيبي ، انا مراعي لها.

احمد: مراعي لها ! او عتخطبك هي.

محمد: ههههه ، ي اخي لاتتعذر بي ، شاقلك انا الله يزووووجك ، هذا اللي في نفسك .

احمد: امييييين .
.
.

امين: اتصل باخو يحيى انا باب الباب.

عبدالله(اخو يحيى): حياك ي اخي الان اخرج.

امين: ماسك الاوراق وواقف.

عبدالله : فتح الباب ، اتفضل حياك.

امين: اسلم ي اخي جيت ادي لك المبلغ واسلمك نسخه من الاوراق.

عبدالله: طيب ادخل مش هنا في الباب الله المستعان.

امين ضااابح منهم وانانيتهم،، دخل بدون نفس.

عبدالله: اخي باعنا خلاااص ، قد انسابه اقرب له مننا

امين: صح انا غريب، بس انتوا جعجعتوا باخوكم حرام والله، ما تغرب الا من ضيق حاله.

عبدالله: يا اخي هذا حق محد يزعل منه، بس هوو يشتي يلهف البيت.

امين: ماعد نفتح مواضيع تمينا هذي فلوسكم ونسخه من اثبات ملكيه يحيى للبيت ، والان بسلمك البيت ومعك اسبوع تفضيه لان يحيى اجره لناس مقابل المبلغ اللي جابه لك.

عبدالله: شل الزلط بيعدها، تمام ع طول ، اصلا البيت مافيه الا انا اجي اتفاقده انقل القلافد وافضيه نهايه الاسبوع.

امين: يله انا بستاذنك، فلوسك معك ، وقع لي بس هنا للاستلام وابصم .

عبدالله ضحك باستهزاء: نبصم ماعتنقص اصبع.

امين : على خرجته ، وهو بيجابر نفسه لاحول ولاقوه الا بالله، كيف طمع اخوه من لحم ودم باعوا اخوهم عشان زلط وغربوه.

محمد: هلااا هلاا ، مالكم هنا خير او في مشكله؟

امين: مد يده سلم بقوووه، لاااا الحمدلله احتلت وعمك يحيى اشترى سهمه.

محمد: اووو صددددق عيرررجع البيت حقهم.

امين: نعم لله الحمد، يلا بستاذنك.

محمد: طنن وسسسرح بيتفرج لطاقه المكان حق سلا وبيتأمل، بيتخايله انها عتبدي منها.

عم حسين: واااا محمدددد ، ماقال؟

محمد كان بيتفرج نكز، التفت: عم حسين فجعتوني.

عم حسين: ماااقال؟

محمد: من هو عمي امين؟

عم حسين: من عمك امين؟ دق صدر محمد ، ذيه ماااقال.

محمد تنهدددد: اااح ياعم محمد، فلتتني انا وذيه راااحت لها من هنا ، لكن ما راحت لها من ذيه وذيه(اشر لقلبه وعقله)

عم حسين: اننا بتحبها يابني قوووي؟

محمد: ضحككك وجلس جنب عم حسسين فوق الرصيف ، قوووووي قووووي والله، يامنعاااه ادعووووا لي ترررجع .

عم حسين: الله يردها لك سالمه غانمه،

محمد: امين امين امين

عم حسين: عتغنيلي او ماهوو يلا قوم من جنبي نجابر الحجه حقي او مابتترمسسوا الا انتوا ، عااادي سابره لنا.

مرة عم حسين: جلست جنبه مطننه للجهال حق الحاره بيلعبوا زراقيف.

عم حسين: وانا بين احبش قوي قوي.

محمد ضحكككك وخطي له .

مرة عم حسين(حضيه): هاااا ماقلت ياحج علي صووووتكم.

عم حسين: حب لك صنجا، محمممممد يااااامحمددد.

محمد بيسمعه بيداعي التفت لعم حسين.

عم حسين: عتزوجني باختها .

محمد ضحك واشر له، سلاااام .

حضيه: يزووووجك هيا قوم اخطى سوا ،دور من يسندك ياحج.
.
.

بيت العرس…
البنات بيرفعين ونسوان الحاره بيعاونينهن قدهن تاعبات.

ايناس: اروى انا شاروح، والبنات عندش ،عمار وحده عسب يخليني امسي للنقش والحفله.

اروى: الله معش. هيا راعي ابسرلش احمد يوصلش.

رشا: شاجي معاكم ادي لده نسيتهن وارجع .

ايناس: وترجعي وحدش معه مايسبرش انا شاديهن غدوه معي ماتشتي.

رشا: حقي الفستان اللي بحزام مطرز التفاحي والاكسسوار حقه وبجايم.

ايناس: تمام، وروحت.
.
.

عمار سامر ومحمد روح.
عمار: امك ماعتروحش؟

محمد: الا اتصلت اسالهم اي حين اسير لهم قالت زهور قد احمد اداهن صلينا.

عمار: البنات عيمسين وحدهن؟

محمد: ايوه البيت ملان نسوان ، احمد عيجي مع امي يمسي عندنا.

عمار: حيااا به .

ايناس: وصلت ، جت ومعها عشاء من حق العرس، وصلت تدفي لهم .

عمار: قرب يتعشى والطبيعه مجغوره حين تغدى خارج

محمد: ايوووه ماقلت لكم اليوم لقيت المحامي امين خارجي من بيت عمي يحيى

عمار: خيررر قد به مشكله هوذا قد سدو!

محمد: قال ان عمي يحيى اشترى سهمه وعيرجع لهم البيت.

عمار: الحمدلله.

ايناس: الله ينتقمهم بعد مه ؟ غربوهم وجعجعوا بهم.

احمد بيتعشى سكته وذاكر كلام رشا ع حبيبه محمد.

الصباح ثاني يوم…
ايناس: اين جا احمد نخطى.

محمد: قد خرج قبل شويه مادريش انكم عتسيروا

ايناس: كان قوم شلني .

محمد : فوق السياره بيوصل ايناس لبيت العرس، و بيفكر ولما وصل، وقف.

ايناس: يله وارجع لي وقت الغداء ، اغديكم وارجع .

محمد نزل وغلق الباب.

ايناس: اين عتسير؟ اليوم مابش شي ارجع المكتبه.

محمد: طيب ادعوا لي رشا اكلمها ،

ايناس: ماتشتي منها وانا اقلها.

محمد: اسألها ع حاجه رفعتها،ادعوها.

ايناس دخلت تدعي رشا .

رشا لبست وخرجت تجاوبه.

محمد: جي ما اقلش لو اتصلت خاله سلوى امنيهم لايفتحوا هديه سلا

رشا: ماعيفتحوهاش وانت من قلك تكتب رساله مجنون كلمتك ماصدقتني ، ماذكرررك؟

محمد: مادراني ، ذكرت وبس.

رشا: بعدا انت عطفتها تحت كرتون العطر اللي داخل الكرتون ماعتبانش.

محمد: كلميها وبس احتياط،

رشا: سهل شاقل انو مني.

محمد: ضحكككك، منش ماهو؟؟ شعر !

رشا: والله انك مدكوووم لكن على الله .خاطرك

محمد: روح وواقف عند المكتبه ،وذكر انها اتصلت هذك اليوم ..فتح باب بيتهم ودخل، جالس جنب التلفون.
.
.

يحيى استأذن ثالث يوم من صلاح يشتي يرجع.

صلاح: ليش خير؟

يحيى: انحرررج منه، تعذر بمعهد البنات.

سلوى: سحبت يحيى بتحاكيه على جنب ، ليش؟

يجيى: مدري متضايق ما ارتحتش.

سلوى: ولا انا والله ، نرجع بيتنا ماكودا تعودت عليه بعد صنعاء.

سلوى: سارت لاعند البنات، تجهزين غدوه عنروح.

سلا: بفرررحه اليمن .

سلوى: هنيت لي صدق.

سما: والله تفعلوا خير اقنعوا ابي نسير.

سلوى بقزازه: انتين مابتحسين ع دمكن ابوكن مستلف وبيفعل لكن المليح امد لاتحسين بغربه وانتين بتمكننه اليمن اليمن ، ومشيت.

سلا شاافت لسما باستغراب.

سما طننت في وش سلا: مالهم ماما؟

سلا: وطت راسها، مدري ،ودمعت ،انا الصدق ضقت

سما: هو حسش عند محمد .

سلا: مش انا فاضيه لسماااجتش.

سما: رفعت حواجبها تقلد.محمد،،

سلا ضحكت .

محمد: يارب محد يقرااا الرساله غير سلا،
مراعي جنب التلفون، ولا اتصلت، ذكر ان رشا قالت يحمل السكايب.

قام لبس وخرج للبريد يدخل خدمه النت .
.
.

بعد اسبوع..
خلص العرس ورجعين البنات من العرس..

يحيى: وصل لهم اتصال يستلموا الوداعه.
يحيى: جاوب وادى لهم العنوان يرسلوا بالبريد لانهم في ولايه غير حقهم، وخرج العمل وشل سلوى عند مرة صاحبه( لبناني) في العمل تتعرف عليها.

سلا: اخيرااااا ، سماااا دوري صرفه لخالد ادخلي العبي معه بلاي ستيشن قوا.

سما:حاااضر.

سلا: اتصلت وخااايفه من يجاوب .

زهور: الو ..

سلا: ساكته تتاكد من الصوت.

زهور: الوو للغاجه هذا الساع جاوب والا شاغلق.

سلا ضحكككت: جااالسه تيك المهنجمه مارحتي لش من الطبيعه تيه.

زهور: يووو حيااا سلا والا سما؟

سلا: يوو من غير شر طبعا سلا .

محمد: سمع زهور ونبع لاجنبها ، بياشر لها

رشا جت تسمعهم.

محمد: سيري جابري ابي وامي لحد يرفع السماعه قوا ولو تهزري الخيط من الكبس عادو احسن.

رشا رفعت حواجبها باستغراب.

محمد دهفهاااا: قووووا قطبه.

زهور: بتجابر

محمد: قلي لها هي وحدها ؟

زهور: انتي وحدش؟

سلا: ايووه .

زهور ناولته السماعه.

محمد: الووو سلا كيف انتي وحشتيني بين اراعي جنب التلفون ما اتصلتي واشررر لزهور تخرج.

زهور تهز اكتافها ماعه.

محمد بيكلم سلا وياشر لزهور بيده ( تهديد والله لارويش)

سلا: اصلا سرنا ولايه ثانيه ورجعنا، واول ماقدر بين احاكيك.

محمد: عتوصلكم وداعه ع اساس البنات ادين لكن هدايا ، هي مني لش وسما ولاتشم شي .

سلا: ضحكت ، وخزززيت، ليش تتعب نفسك.

محمد: مش ع التعب انا ذاحين اوبهي حد يقرا الرساله كتبت لش قصيده

سلا ضحكت: يو جنه يابي من اي حين قد بتكتبوا قصايد .

محمد: من حين مافلتيني معلق بين السماء والارض.
سلا

سلا: ياسين عليك.

محمد: وعليش الف ياسين،بعد هدوء …سلا.

سلا: ها

محمد: سرت دخلت نت ونكن نتواصل لو قدرتي،

سلا: ممم، مدري شبسرر كيف.

محمد:انتبهي للوداعه الكيس الاخضر بلصقه حقش شليه واحملي للغرفه خرجي الورقه من العطر وبعدا سهل.

سلا: قد فجعتني طيب الله يستر بس .

محمد: لاااتفتجعي محد عينتبه لها عطفتها تحت الكرتون اللي داخل الكرتون نفسه

سلا: محمد

محمد: ي روح وقلب وعيون محمد.

سلا…ابتسمت ،سكتت

محمد: ياااي بتسمعيني.

سلا: ايووه بس نسيت ماكنت اشتي اقل بتحرجني.

محمد: جبر اللي بيخزوا

رشا خرجت هزرت التلفون من يده

محمد يشتي يهزره .

عمار خرج للحمام.

رشا بتجابر سلا: جالسين كولنا امي وابي وو

سلا: يو هم في البيت.

رشا: ههههه ايووووه جبر اللي يفهم .

سلا: لاتقلي انو انا تسير خاله تقل لامي.

رشا: تمام يله حبي سما وتحبش مني.

محمد: اشر لها وانا.

رشا غلقت ورجمته بالوساده.

سلا: غلقت ومشيت سسسسكته لغرفه خالد

سما: والله انك مغالط بتهزر اليد امد اخسر.

سلا: بخخخخ.

سما: نكززززت

خالد: يامجنوووونه، مش كنتي راقده.

سما: ههههههه ايوووه اصبحتوووا يا سلا.

سلا: جالسه تلوووي فاتحه يدها وتطيررر ملان البيت.

سما: قامت تتفرجها ، مسسستغربه !!

سلا: حضنتها ، جبرررررره، فددددددديته، احبببببببببببه.

سما: صفقت لهاااا، حبتش العاااافيه ، هيا اخوش سجل كل شي افرحي سوا.

سلا: قحصت فمها ،خااااالد فديتك جبرررك ، احبك.

خالد: مالها تيه ! الجنان.

سما: عنسير غدوه المعهد.

سلا: جالسه رجل فوق رجل ما شاسيرش ، وبتقلب اغااني في التلفزيون.

سما: الله يشفيش.

سلا: مطنشه.
.
.

محمد: فاااارح ، وبيتجابر مع خواته.

عمار: محمد !!

محمد: افتجع..متاكده محد سمعني.

رشا: محد قوم جاوب على ضمانتي.

محمد قام وبعد الضحكه وخلا نفسه عادي،، ها يابه.

عمار: ماقلتليش كم دخلت من المكتبه.

محمد: هااا ، افتهن وجلس فوق المدكا، وقعت 12000 حق شهر سرت دخلت خدمه الانترنت والمودم.

عمار: مانفعل به!!! مابش انترنت في بيتي.

ايناس: يو للمه؟

عمار: لفت لها باستغراب، وانتي مافهمش فيه؟

ايناس: سلوى قالت نكون نتجابر ببرنامج حالي وابسرها.

عمار: المهم ، تووووبهي لجهالش ويفتتح قبالي او قبالش.

ايناس: تمام.

محمد: اباه ابسرووا، لو اشتي افتح عندي الشارع كلهن محلات نت، بس انا تعلمت احترمكم بغيابكم ووجودكم . انتوا ربيتونا ، يعني مابش داعي انت وامي تكونوا قبالنا .

عمار انحرج من كلام محمد وسكت.

محمد خرج ،

رشا: ماسكه فمها بتضحك، كيف لووما وقعت جنتل خايف ماتجابرها.

محمد: مااااشي والله ماهو من سلا ، ولو اشتي لا اسير يوميه النت ، بس اشتي يدروا مامعاهم

عمار بيكلم سلوى بصوت واطي: الصدق اذهلني محمد ، عادني ابسره صغير وان ابني رجال الله يحفظه لازم ادي له الحريه بس نراقبه من بعيد بدون مايحس.

ايناس: والله انه عاقل جنب جهال ثانيين….

.
.

بيت يحيى عندهم الساعه10 الصباح
يحيى في العمل سلوى نوم…
خالد بيتفرج التلفزيون…
خالد: سماا سماااااا قوووومي جاااوع.

سما: جحفه تجحفك انت والعبي من صباح الصبح سير افعل لنفسك..

خالد: هزر الوساده والبطانيه عليها.

سما: رجعت اقتلبت ورقدت نوووم.

خالد: قرب لاذانها سلااااا قووووومي.

سلا: دهفته وغطت وشها بالبطانيه.

خالد: هزززرها.

سلا: قامت معصبه ،لحقته لا خارج.

جررس الباب بيرررررن.

سلا: نسيت نفسها مع الملاحقه فتحت ، شافت رجال ببدله ساعي البريد، رجعت من الباب مشعفله كانت، قالت له دقيقه.

دخلت هزرت حجاب ولبسته وسارت تجاوب.
(بالانجليزي بس انا بكتب بالعربي):
ساعي البريد: وقعي هنا ورقه الاستلام….

سلا: وقعت، واستلمت الوداعه،شكرا

ساعي البريد: العفو.

سلا: دخلت دلا وغلقت الباب وحممملت لغرفتها وغلقت.. فتحت الاكياس ولقيت كيس اخضر مررربط فررررحت شلته قطعت المشمع وخرجت العطر كان ملفوف وسط الطرحات ، فتحت الكرتونه وخرجت من تحتها الورقه خبتها تحت سريرها..

سما قامت هزززرت المشمع

سلا خبت الكيس الاخضر.

سما: شلت بقيه المشمعات وخرجت تطرحهن فوق سفره الاكل ، يوووو والحلا شم صنعاء.

سلا قلبها بيفحر تدرى مافي الورقه.

خالد: سار يقيم امه .

سلا: جمعت العطر سوا وغلقته والطرحات عطفتهن وطرحتهن في كيسهن وخرجت.

سلوى: مالكم ماهو هذا الازعاج؟

سلا: فااارحه جووووا اطعموا كعك يمني وشم اليمن .

سما بتاكل كعك .

سلوى :يو الله يحفظهن ويجبرني براسهن ايناس وهدى.

سلا: ابسروا رشا وزهور مارسلين لنا حجابات حااااليه.

سلوى: ضروررري نبسرر حد مسافر نرسل لهم قلافد.

سلا: ايووووه والله، خزا قوي

سما شافت لسلا وعوجت فمها: خزززا قوووي قوي.

سلا: انا لقفت الحمام ادخل اغسل وشي ونجي نفعل الصبوح.

سما: يلا وانا بعدش.

سلا دخلت الغرفه ، شلت الورقه وخبتها في جيب البجامه، وراحت الحمام تقراها..
فتحت الورقه وانصدمت مسكت فمها..

سلوى: ادخلي فوري لنا بن، ودفي الصبوح امد ما اعجن.

سما: استغربت !! ماتعجنوا؟

سلوى: افعل لنا ملوج شاخور ابوش، مع سلته.

سما: ابي بس؟؟ضحكت واين التنور ؟ مالكم!

سلوى: شاملجهن في الفرن ، لو بتفعلي مهره بدل ما بتتحاكي انش مره.

سما: بصوووت مضخمته تقلد الرجال. ليش وانا ذلحين مش انا مره؟

سلوى: ضحكت يابنتي الله يهديش ويحين عتعقلي قلي لي ، وين جت سلا تأخرت .

سما: الظاهر بترفع غرفتنا.
.
.

محمد: تم يحمل السكايب ويفعل له حساب،

ايناس: ذلحين لو تتصل سلوى ما اقلها؟

محمد: شاكتب لكم في ورقه حسابي ، او هي تمليكم الحساب حقها.

ايناس: ان شاءالله تتصل وانت والا خواتك في البيت.
.
.

سلا: ماسكه فمها وعيونها امتلت دموع ، شم الورقه عطررر محمد ، وكانت بدايه الرساله صورتهم وهم صغار وتحتها كلمات شعر
هل تتذكر ايها الحب؟
كنت تلعب معنا
كنت تربي ابتسامتنا
تخبئ رنين ضحكاتنا البريئه لليائسين
كنت اتخيلك ايها الحب
مره على شكل حصان مجنح
يركض فوق قوس قزح
تنعكس اشعه الشمس الذهبيه
على جناحيه الشفافين
وتسقط كرذاذ المطر
على صحرائنا المشتعله بالانتظار
اجهدت نفسي في تعلم الرسم
كي انقلك من صفحه خيالي الى الورق مباشره..
لكنك كنت اكمل من خطوطي المرتبكه
واجمل من الواني الخشبيه.
Бёго.

وكلام تحت القصيده وغزل وحب..واهم شي (احبش ياشوووعه اموت فيش)..
عطفت الورقه وخبتها وغسلت وشها وخرجت .

القصيده(حقوق_النشر_والمشع_محفوظه).

سلا حبت الورقه وحضنتها ،وبعد ماخبت الورقه ودموعها ماوقفت ، وتغسل وشها وتنزل دموووع وتغسل وشها ، اخذت نفسسس ابتسمت.. وهدأت شويه خرررجت.

سلوى: سااااعه !!

سلا: ماركززت ان الكلام لها، جلست فوق الكنبه.

سلوى: عاد البنيه عتجلس، ادي لكم قلص قهوه اختي سلا.

سلا: مالها نفسس تفعل شي ، دخلت المطبخ.

سلوى: مالوشش !! ومالش سااعه؟

سلا: خااافت ، مابش شي بس بين احس نفسي تاعبه.

سلوى: عست جبهتها ، مابش شي .. جي عاوني اختش في الصبوح شرررقنا اليوم .. وانا اسير اتصل لايناس وهدى اشكررهن.

سما بتأشر لها بيدها مااالش؟؟؟

سلا: امتلت عينها دموع، ومسكت الخيار بتقطع وهي بتقطع ما انتبهت قطعت اصبعها .

سما: حملت صليها ، مااالش اذا تاعبه خلي انا شاقرب سيري اغسليها .
.
.

ايناس: جالسه بتنجابر هي وبناتها .

محمد: بيلعب بطه في اللابتوب.

التلفووون رن.

محمد كان جنبه، جاوب.

سلوى: السلام عليكم ..ممكن احاكي ايناس.

محمد: خاله سلوى ؟ كيف انتوا معاكم محمد.

سلوى: هااا !! محمد كيف انت؟؟

محمد: الحمدلله..كيف انتوا ؟

ايناس: سمعته قاامت ، وهزرت التلفون لاتخسر خالتك.

سلوى: حيااا انا فدالش تسلمي تعبتي نفسش.

ايناس: مابش اي تعب وامانه لو به حد جاي صليش نبينا بس .

محمد: لاتخسرووهم قلوا لهم نجابرهم سكايب.

ايناس: قال محمد قد فعل السكايب.

سلوى: راعي ادعي البنات اسالهن.

سلا: كانت جنبها بتلصق اصبعها، ماتشتوا؟؟

سلوى: حساب السكايب !

سلا: …… الحرف الاول كبيتال.

سلوى: مافهمتش جي حاكي خالتش.

ايناس: راعي محمد جي حاكي خالتك.

محمد: الو … مساءالخير..

سلا: صباح النور ، الحساب …..

محمد: ماااسك نفسسه ، اوكي وانا …..

ايناس شلت السماعه .

سلوى جااوبت

سلا: قلبها بيفحرررر نفسسسها تكلمه وزد سمعت صوووته …

غلقوا التلفون ودخلوا بالسكايب.

سلا: سجلت الحساب، ظهرر محمد اون لاين وفاعل صورته…قلبها ددددق .

محمد: شاف الاضافه قبلها اون لاين… نفسسسسه يجابررها ويتطمن ع الهديه، طلب الاتصال.

سلا: وافقت وماكانت مركزززه مع الربشه وهي واقفه واللابتوب فوق الماسه، فتحت .

محمد: شاف صورتها وااااضحه كانت لافه شعرها ذيل حصان … ولابسه بجامه رقيقه بنفسجي والسلس طرفه باين من رقبتها،

سلا غلقت بسرعه الاتصال .

محمد بعد من قدام اللابتوب ..

ايناس: قربت للابتوب ، بتتصل كيف اجاوب

زهور: قربت من امها وضغطت ع جواب المكالمه.

سلوى :الوو..

ايناس: ايووه

سلوى: بتسمعيني ؟

ايناس : ايووه واضح ، كيف انتي فقدت لش والله وللبنات، الف مبروك على البيت الله يبعد عنكم شرهم .

سلوى: الله يبارك فيش امين ..

ايناس: والبنات كيف هن ؟وخالد؟

سلوى: الحمدلله هوذا هن معش.

جلسين يتجابرين ومحمد بيسمعهن سكته

سلا: تسسسلمي يارشا على الهديه تجنن قوووي ياروووحي.

رشا: الله يسلمش والعطر عجبش؟

سلا: ايوه ، اول من استلم الوداعه هربت بهن للمكان تفرجت ع راحتي وخرجت الباقي حقهم.

رشا: هههه اهم شي تلحقي سما من الفضول حقها.
……. بعد مجابره طووويله غلقين .

محمد: فرررررحت واتطمنت انها وصلت لها.

رشا: والله انك مدلوز.

محمد: ربش بيخارجنا هههه نرررحمم، انتي داريه اول اتصال شفتها !!! افتتحت الكاميرا !

رشا: وانت بالعاني ليش تفتح الكاميرا ؟

محمد: والله مالي علم فعلت اتصال ، ما ابسرتها الا قبالي ، وضحكك.

زهور: بس قووووي احلوت سلااا وطولت .

رشا: حين هي واقفه .

محمد: ماعليكن من حبيبتي يلا مقلع من الغرفه.
.
.

سلا: نسيت الدموع وفرحت بصوته وخااازيه سارت تكلم سما بالمووقف اللي وقع معها ، سارت تتمرى كيف كانت؟ مسكت وشهااا .

سلوى: اين جت تيه مالها اليوم؟ عتتمي العمل ياسلا ؟

سلا: تمااام .

سما: لااامووووني الناس لااااموني وقلت ياناااس انا احبه …بتغني وتتفرج لسلا.

سلا: قلبت عيونها منها وجالسه تعاونها .

سلوى: بتتصل لهدى

هدى: والله لش وحشه يا اختي وقلت لياسر يدخل لنا انترنت ،قالت ايناس بتتواصل معش،.

سلوى: ايوه تسلمي يااختي ع الاشياء فرررحت بهن وذكرت اليمن وشمها.

هدى: اناا فدالش الله يرجعكم بلادكم بالسلامه.

سلوى: امين ،

قال يحيى انبيش تسيري بيتي لاتخليه فاضي وانتي مستاجره حرام مايجوز.

هدى: خلاص بجمع لك الايجارات ويحولهن ياسر لكم.

سلوى: يوو عيب عليش ، الله المستعان لو انزل تعز واسير بيتش عنتحاسب.؟

هدى: لا في فرق.

سلوى: بس خباله ماعنتشارعش كما احتجت طلبتكم.
.
.

ثاني يوم عند هدى نسوان الحاره بيعاونين ويربطين الاثاث .

محمد وياسر وابوه بينقلوهن للبيت من فوق الهيلوكس.

سلوى: بعد المغرب جالسه هي وبناتها بيتجابرين
رن التلفون

يحيى: الوو سلوى،

سما: سما يابابا

يحيى: تجهزين مرة صلاح عزمونا عشاء

سما: راعوا .. ها ناولت لامها السماعه.

سلوى: ها يحيى مساءالخير.

يحيى: مساءالانوار ، عتتصل بش مرة صلاح تعزمش عشاء .

سلوى: تمام ضبحنا في البيت .

يحيى: ما اشتيتي قلت انبيش قبل عسب لو ماتشتي تتعذري لها ، يلا خاطرش معي عمل ارجع بعد ساعه وجهزتين.

سلا: مشتيش اسير، مافيني من قام لبس.

سلوى: قومي من الغنج، عنسير كلنا ماعتجلسيش وحدش.

سلا: قامت بتأفف..دخلت غرفتها امتدت فوق السرير .

سما: لحقتها تتجهز.. شافتها ممدده ، الصدق يا سلا قد زيدتوا بالغنج ! ماالش؟ كنتي بدون ماتتواصلي معه احسن من تيه الطبيعه.

سلا ساكته

سما: طز فيش ومن يحاكيش وفتحت الدولاب تخرج لها ثياب مطننه ساااعه

سلا: قربت تراضيها ، جي نلبس هذا البنطلون وفوقه هذا الشميز.

سما: مع قوي فضفاض وطويل .

سلا: ايووه، قدو عشي مابش داعي نلبس جاكت فوقهن .

سما: صددق فكره حلوه ، هيا نطقم انا وانتي قد اسمنا توأم

سلوى: بتكوي لخالد البنطلون .

ساره: في المطبخ بتحوووس سيره جيه تجهز العشاء

سلا: بتتمرى، سما شوفي كيف حالي ؟ والا اغير.

سما: بالعكس احشم من الجواكت هههه، وانا كيف وقع فوقي راعي اقوم اخطى اوريش.

سلا رفعت حواجبها: ليش عاد الخطيه !!

سما: بتتمايل زي العارضات وتمشي ولفت لها ها حااالي؟

سلا: هههههه قوووووي ماعد باقي بعد تيه البرعه اللي فعلتيها .

سما: برطمت واكتسفت ، برعوا راسش والله اني خطيت حالي .

سلا حجفتها: والله انش قمررر وعسل وروووحي .

سلوى: دخلت تدور حاجه ، شافتهن ابتسسسمت من قلبها ، الله يرضى عليكن ويخاوي بينكن ،
.
.

محمد بيرفعوا الدواليب للامكنه ، افتتح دولاب جاء عيغلقه مارضيش المغلقه خربت .

ياسر: قدهن قدام المغالق .

محمد: معي مغالق اسير اديهن واجي نسبرهن، قدو ذيك العمل .

ياسر: وانا اسير اشوف لنا شاهي .

محمد: بيتنا اقرب لاعد تسير تشغلهم خليهم ع راحتهم، شافعل وادي .

ياسر: يلا بخرج اشتري بسكوت قد انا ميت جوع.

محمد: رجع بالشاهي

ياسر : ايوووه رضى عليك .

محمد: سكب الشاهي ،

ياسر: فتح البسكووت ، بياكل مع الشاهي.

محمد: تشتي الصدق مايعجبني الا اسكعه في الشاهي .

ياسر بضحكه: ساير لك جهال.

محمد: ايوه شازيد افعل سرلاك فيه طعم.

ياسر: انا فداااله انغغه انغغه.

محمد: ضحك،، بس خباله ،، يلا شبعت اقوووم اركب المغالق.

ياسر: يا اخي فاتح مكتبه مغلقه، اقلبها نجاره .

محمد: قد عنبدأ ثالث ثانوي مابلا اذاكر فيها .

محمد: فتح الدولاب ، شاف قراطيس الشوكلاته ،خزي وغلق.

ياسر: هيا مالك ماعرفتش!

محمد: مابلا فيهن اده ، تخايلي فاضي ابردلك بس .

ياسر: باعملهن مغلقه خطاف من خارج.
.
.

بيت يحيى وصلوا بيت صالح …

البنات نزلين من السياره .

رشاد: كان واقف مع عبد العزيز في الحوش بيفعلوا مشاوي .

سما: طلع الزناط بيفعل قنم بالفحم لو يسير باب اليمن محد يعبره ، وهنا بيشم الدنيا جيفه.

سلا: بتتكركر ، وهن داخلات سمعوهن .

رشاد: اهلا وسهلا.

سما وسلا استحين طنشين .

سلوى: الله يحييك.

دخلين ..

رشاد: عبد العزيز محد يصدق هولا يمنيات بياض وطول وجمااال .

عبدالعزيز: مافي نفسك ؟

رشاد: الصدق نويت اتزوج بس مدري يوافقو او لا عادهن بيدرسين مدرسه.

عبدالعزيز : كلم ابي .

رشاد: مابلا انا وانت ..

عبدالعزيز: عاد الموضوع مش في راسي ابدأ وانا اتشجع لما ابسر ردة فعل ابي.

رشاد: يا اخي والله انها فرصه ومعروف ابوهن وبنات ناس انت في غربه لاتتخورش.

سلا: جالسه ماسكه نفسها ضحك من تعليقات سما.
.
.

محمد: بعد ماروح فتح السكايب ومابش حد ، فتح البطه وجالس يلعب وكل شويه يشوف السكايب ويغلق.
.
.

بيت يحيى،،، كملو السمره وقدهم مروحين .
رشاد وعبدالعزيز خرجوا يودعوهم.

سما بتطلع السياره فلتت شنطتها، وطت تشلها.

رشاد شافها وابتسم

سما دعممت وغلقت الباب.

بيت صلاح ودعوهم

ودخلوا.

ساره: واحده من التوأم ماحفظتها لقنه وتدخل القلب بمزحها دمها خفيف.

صلاح: سما او سلا ؟

ساره: ماقد ميزتهن.

العيال بيسمعوا سكته

عبدالعزيز: غمز لرشاد.

صلاح: ما رأيش.. تشوفي طبعهن لو مالهن شي زوجناهن بالعيال .

ساره: على ماشفتهن ماشاءالله جمال واخلاق .

.
.

بعد اسبوع..
ايناس: بنات مارايكن الجمعه نشكم حنان.

زهور: ايوه الله يحفظكم قبل المدرسه.

رشا: ماعتفعلوا، غداء ؟

ايناس: نتغدى احنا وخالتش وهي وزوجها بس ، ونحلف ع البقيه بعد الغداء، نبسر المغنيه اللي زفتها يوم الحمام.

رشا: مع يخ مانشتيش ماتعرف تغني سوا ، نشتي ديجي اضخم وازقع .

ايناس: الديجي اغلى .

محمد: المغنيه بكم؟

ايناس: 20الف

محمد: معي لكم فرقه روعه 15000 حين اهم اصحاب عيخفضوا لي.

ايناس: خلاص ابسرهم لو مش محجوزين يوم الجمعه احجزهم.

محمد: تمام.

زهور: ياسلااام .
.
.

ابو ياسر: الصدق انا مستحي من يحيى قووي .

هدى: وانا والله ، مارضيوا يشلوها ما افعل .

ابو ياسر: خلاص نبعد نص قيمه ايجار البيت الاول ونخليه على جنب كما جاء دفعناها له.

هدى: تمام.
.
.

سلوى:خالد ، بس تلفزيون قوم ارقد, معك مدرسه.

سما: هيا قوم ، تستاهل ماخلانا نقلب.

سلوى: وانتوا على راسكم ريشه اختي سما .

سلا ضحكككت: تستااااهلي ياااعيني والصرعه.

يحيى وصل البيت

سلوى: قامت تدفي العشاء، وتقرب .

يحيى: ساااكت غير كل يوم يمزح ويجابرها.

سلوى: مالك ، كيف كان العمل؟

يحيى: هز راسه تمام،وساكت .

سلوى: يله بسم الله اقرب تعشى.

يحيى: قرب، بدأ يقسم الخبز وموطي راسه ياكل ، صلاح يشتي البنات لجهاله.

سلوى: رفعت حواجبها استغربت عادهن بيدرسين!

يحيى: قلت له.

سلوى: ماقال لك !

يحيى: تم يشرب الشاهي، طرح القلص ، قال يشتي الان بس موافقه مبدئيه .. الخطبه بعد المدرسه وبعد الجامعه زواجه.

سلوى: لانعرف جهاله ولاشي الصدق احنا في غربه مابش من نسأل ، قل له مش وقت.

يحيى: ماعليش شي عنسأل لو الجهال محترمين و اخلاق اين المشكله ، قد على ماقلتي احنا في غربه ، بعدا صلاح قمه في الاخلاق اكيد جهاله عليه.

سلوى: مش شرط .

يحيى: ماقد شاخذ رأي البنات الا بعد ما اسأل عليهم .

سلوى: الله يستخيرلهن مافيه الخير.
.
.

محمد: رجع من المدرسه، سار يستلم الكتب، ذكرر سلااا وجالس يتفرج الطاقه ويتذكرر ..

ياسر: خرج من البيت وغلق الباب، حياااك كنت منتظر لي ؟

محمد: هاا ..ايوه ، كيف انت ماعد بنبسركش.

ياسر: والله جامعتنا بدأت قبلكم ياحبوب .

محمد: ساابر، يلا خاطرك .ودخل بيتهم.

يوم الخميس العصر..

طرف الحجره(الصاله)..بطانيه ومدكا ووسادة، عمار بيقطف القات .

محمد بيتجابر هو وابوه.

ايناس بتمسح الجدران هي والبنات.

عمار: ماهو هذا الشم جغرتووا لنا البقعه .

محمد: امانه قد عيني بتلهب.

ايناس: خلاص تمينا.

عمار: يعني ندخل الديوان.

ايناس: مسكت ظهرها ، يو انا عندالله وعندك قد احنا وانيات عمل.

عمار: كان اقوم ابسر اين نخزن، قام وبيلفلف القات والماء، ادوا لنا علاقيه .

زهور:سارت ادتها وبتتفقد داخلها.

محمد: لك لك والجواعه بتدور خمسه والا عشره.

زهور: بهنجمه بنتفقدها لابه شعره والا شي ياجاوع .

عمار :بيلبس الجنبيه .

ايناس: واقفه ماسكه له الكوت .

عمار: تم يلبس ومد لها يده .

محمد: هنيت لككك ياحج عمااار .

عمار ضحكك: هياا مالك بتحسد ! ادي مجموع واحنا نزوجك.

محمد: لف لرشا وتحيول بعينه

رشا: ضحكت

زهور: ذكرروه بالورقه يدوهن معهم العشي.

ايناس: هاا سيري اديها فيسسع من فوق التسريحه، ايناس بصووت ووواطي: محمد ابسر لما قد ابوك مخزن وسالي بعد المغرب سرتوا اديتوهن .

محمد:ابسر الورقه وابسر امه ! والله ان قدهن نص البقاله.

زهور: مادخلك ياسعم من جيبك.

رشا: هو بيهم التحمال.

محمد: اللقانه لكن ، وانا من ابي عيوقع لي قلاب صور، وخرج وغلق الباب.

ايناس: هياا شررق ماباقي لنا ؟

رشا: انا ادخل امحط الحمامات .

زهور: وانا..

قاطعتها رشا: ادخل ابخر .. مش وووقت ، ادخلي المطبخ

زهور: زباااجه ، ما شادخلش المطبخ، الحمامات سهلات.

رشا: هيا ياسهله حمام بحمام.

ايناس: اي حين عتتخاوين يابناتي من المحانبه هو عمل نتعاون ونتم.

رشا: قلوا لها ، انا شدخل الحمام وهي تسير الثاني.

زهور: ناهي لش.
.
.

سلوى: ضابحه ومطننه تفكر في موضوع بناتها، مسكت السماعه واتصلت لهدى

هدى: بتفعل كيك لايناس ، سمعت التلفون وسارت تجاوب.

سلوى: مابتفعلي؟ صووتش ساع اللي بتشتغلي.

هدى: ايوه بينفعل لايناس كيك غدوه شكمه بنت اختها .

سلوى: ماشاءالله مسرع ، وتنهدت.

هدى: ياسين عليش مالش.

سلوى: يا اختي البنات كبرين مسرع قد حنان تزوجت، وذلحين تقدموا للبنات عيال صاحب يحيى اللي بيشتغل معه.

هدى: ماشاءالله بس بناتك صغارر مالكم ؟ لاتستعجلوا

سلوى: هذا اللي خلاني اتصلش قالوا كلام بس وبعد سنه خطبه رسميه، يتموا جامعه وتزوجين.

هدى: ها تمام حالي الله يسخرلهن لو فيهم الخير.

سلوى: يعني اوافق يا اختي.

هدى: لو الشباب سوا ليش لا ،يصلين استخاره واسألوا ووافقتي ، حالي بناتش عندش وناس تعرفوهم.

سلوى: كنت متردده بس بردتي قلبي .

تمين يتجابرين وغلقين.

يحيى : بيكلم صلاح ، كم في يمنيين مع عيالك.

صلاح: والله في مالهم شي نعرف اربع عوائل………

.
.

يحيى: سلام.. كيف الشغل معاك اخي.

قاسم: حياااك تفضل اجلس ..

يحيى: الله يبارك فيك .. كيف امورك؟

قاسم: تمام .. خير

يحيى: خير مالك جينا نبسرك نتطمن عليك نادرا مابنجتمع.

قاسم: انتوا معاكم عوائل بس انا عزابي.
يحيى: ضحكك وتجابروا ( نفسه يسال قاسم على العيال بس مادراه ) كمل واستاذنه وخرج.
.
.

ايناس: اتصلت لاروى تعزمها وتشل رقم زوج حنان.

اروى: هيا راعي اديه لش، احمدد يااا احمد ..
احمد: اديلي رقم علي زوج حنان.

احمد:

اروى:****

ايناس:كتبته وغلقت

عمار: هيا مه شليتيه ؟

ايناس: ايوه اضرب لك الرقم حاكيه وادي لي احاكيها.

محمد: فاتح اللابتوب ، منتظر سلا تدخل ومادخلت.
.
.

يحيى وصل البيت ..

سلوى: اجهز لك غداء؟

يحيى: لا شااابع ، الصدددق يا مرره ماقد اقتنعتش .. شاقله نأجل الموضوع لابعد سنه.

سلوى: ايووه والله .. لو انت في صنعاء عتسأل الكل وتعرف عنهم كل شي، نخليها على الله..
.
.

ايناس: محمد سير كلم صاحب البقاله يبرد لنا ماء وببسي ثلاث كراتين في ثلاث.

زهور: تمت تغشي الوسايد .

رشا: بتمسح الماسات .
.
.

هدى: ياسر قوم شل صحون الكيك معي لابيت عمار.

ياسر: واحنا فعلتي لنا؟

هدى: ايووه لاتعس هولا ، به صحن حمر علي قووي خليته لنا.

ياسر: هكذااا المحمر والحارق لنا .

هدى: ضحكت هيا قوم ياحارق .

حنان: تقلوا ما البس ؟

اروى: نلبسش قمباعي

حنان: يخ شووعه.

اروى: مع ولاشوعه ولا .. عتبسري كيف يوقع فوقش مع زنه الخطوبه اللي خيطتيها .

حنان: حاضر

اروى: بكري سبري شعرش .

حنان: مع شاسير كوافير اتمكيج واستشور وماعد الا المسبره تلبسني.

اروى: المهم انا شاسير الصبح اعاون خالتش وبناتها.

سلا: جالسه تتلبس وتتمرى.

سما: صررفوا طريق! مالش يا اختي بتجنني.

سلا: مابش نفس اذاكر.

سما: قووا خليني امكيجش

سلا: ضحككككت تذكري لو ما مكيجتي محمد واحنا صف اول .

سما: ضحكككت يوووو كيف وووقع .

سلا: وبعدا عمو عمار ضربووه وجاء يضربش ثاني يوم،،،

سما: كيف كنت جلفه هههه

سلا: ومازززلتي، تقلي مابيفعل الان ؟

سما: بيحلب البقره ، وانا مادراني قومي تمسي اشتي ارقد.

سلا: راعي اجهز الجدول ..

.
.

بعد العصر الكل عند ايناس..
فاطمه: جي اجلسي جنبي.

هدى: محد عيجلس جنبش؟

فاطمه: ماشي جي، قلي لي ما اخبار سلوى والبنات مش ناويه تجي زياره؟

هدى: ماشي ، قد انتي داريه لازم تجلس مده .

فاطمه: ما اخبار بناتها والدراسه هانك.

ايناس قاطعتهن: ازيد لكن شاهي.

فاطمه: تسلمي الله يحفظش جي افتهني.

هدى: ارتاحي شوويه لو نشتي عنقوم من نفسنا.

فاطمه: ماكنا بنقول؟ ايووه صف كم البنات؟

هدى: هاا قدهن ثالث ثانوي، وامس حاكتني جوا لهن خطاب.

ايناس: صددق ،يمنيين؟

هدى: ضحككككت، اكيددد يمنيين. عيال صاحب زوجها

فاطمه : يزيدين يتمين هذه السنه.

ايناس: الغربه تعب الله يعينها.

هدى: اكيد مابلا ذلحين كلام وبعد المدرسه خطوبه

والعرس بعد الجامعه.

فاطمه: الله يوفقهن.

ايناس: الله يفرح قلبها بهن.
.
.

محمد جالس هو وياسر واحمد مع الفرقه في المكان اللي نازل.. وعمار وابو ياسر وزوج اروى وحنان ساروا بيت ابو ياسر يخزنوا.
.
.

سلوى: افتح ياخالد لخواتك الباب.

خالد: حاضر

سما: بتتضارب هي وسلا من تدخل الاولى.

سلوى بتسمع الضحك والسفاط: ادخلين من الجنان.

سلا: خلونا نجنن، هنا لحد يسمع ولايضحك علينا.

سما: دخلت قبلش يلا غلقي.

سلوى: قد عيخطبوكن وانتين بتتمدلزين ايحين عتعقلين.

سلا ضحكككت: جالسه معاذيركم تعلمين اطبخين اشتحطين اعقلين عيخطبوكن.

سما: بين احس اني شاطفح لو انخطب شاجلس صنم .

سلا ضحكت.

سلوى: الله يهديكن بس.(ماعد كلمتهن بالخطاب).

سلا: ندخل نصلي ونجي نعاونكم للغداء.

سلوى: قد تميت افتهنين ،يجي ابوكن وتغدينا.
.
.

سلا: يووو الله يوصلني لوما يدحسوني ماما ويقلوا اشتحطي محمد جاء يخطبش.

سما ضحكككت: يجي يخطبش لا هنااا! عدمين البنات ، بطلي الاحلااام حقش وتقرصي العافيه .

سلا: عتبسري مااا شاتزوووج الا محمد وبس.

سما: ياااارب ، لكن مشتيش تتأملي وتنصدمي بعدا اعقلي يا اختي .

سما: خرجت الحمام، تتوضى.

يحيى وصل: ودخل يجابر سلوى، ابسرتي الموظف اليمني الجديد اللي حاكيتش عليه

سلوى: من ؟

يحيى: اللي كان في الولايه اللي فيها عيال صلاح،

سلوى: ايوه ماله؟

يحيى: كنا بنتجابر بعدا سألته على رشاد وعبدالعزيز قال انهم في قمه الاحترام وطحاطيح في الجامعه وبيسيروا جامع هانك ويصلوا كل جمعه.

سما على خرجتها من الحمام تشتي تدخل غرفتها، سمعت رشاد وعبدالعزيز.. وقفت تسمع.

سلوى: خلي زد معنا تيه السنه نسأل عليهم.

يحيى: ايوه وشازيد اسير لاهانك كما قد عنخطب.

سلوى:الله يستخيرلهن مافيه الخير، اقرب الغداء

يحيى: ايوه .اين البنات قد جين؟

سلوى: ايوه بيصلين.

سما: دخلت وغلقت الباب دلااااا وواقفه عرض الباب بتتفرج لسلا وحواجبها مرفوعات بصدمه، وقاحصه فمها.

سلا: ماااالش؟؟؟

سما ببصامه هزت راسها ولاشي.

سلا: كان مالش مبصمه !

سما:شافت لها سكته وفرشت السجاده ولبست وبدات تصلي.

سلا: عيزكيش عقلش صدق.

سما ضحككككت وقطعت الصلاه: اتليقني والله ماعيزكيش الا عقلش انتي الله يستر عليش بس.

سلا: وعليش ” الله يشفيش.

سما ضحكككككككت وتتكلم والضحكه تقطع كلامها: مااالش قرحين فيوزش وماقد دريتي.

سلا: ما ادرى ! بتفعلي مسرحيه وتقلدي وتطنشي وانا بين اسأل مالش؟

سما: تغدي وبعدا ، اخليش تحلي بخبر ، ووقفت تصلي

سلا: هنيت لي بش صدق وخرجت تقرب مع امها.

يحيى: كيف الدراسه مالها شي؟

سلا: لحد الان الحمدلله ،عاد احنا بدايه.

يحيى: ان شاءالله خير ولو احتجتين مدرس خصوصي قولين لي وانا ابسر لكن.

سلا: الله يحفظكم لنا .

سما: على خرجتها ، امين .

سلوى: ها جين قربين الصحون.

خالد: بيطبل فوق الصحون بالملاعق .

يحيى التفت له ببهراره: ماهو هذا الازعاج !

خالد: وطى راسه اسف، بس جاوع.

يحيى: هوذا بتبسرر بيقربوا !

خالد سكت.

بيت ايناس

خلصت الشكمه وايناس والبنات بيرفعين

محمد: بقيتوا لي كيك وببس والا ماشي.

زهور: ايوه باقي سير ياهور اعتبي.

ايناس: صلي على النبي . يهنى قلبه عيجبرني براسك يامحمدي .

رشا: ايوه يامحمدي سبرت لك ها جيت ولد واحد يغنجوك

محمد: بياكل كيك وماسك الببسي بيحانكها بحواجبه.

زهور: كل يا محمدي كل انا فدالك جبرك بماما.

محمد: جاء شعفل شعررهااااا عتقرررري يالقااااانه.

ايناس: هيا اشتحطين ، مع من جلست يامحمد.

محمد: انا وياسر واحمد كنا عند الفرقه.

ايناس: ها .
.
.

بيت ياسر

هدى: ياسر

ياسر: منسجم في اللاب توب..هاا

هدى: مارايك اخطب لك ؟

ياسر: تمام.

هدى: اليوم شفت واحده عجبتني.

ياسر: ركز على كلامها ، غلق الشاشه حق اللاب توب.

هدى عوجت فمها: عاد انت الا فهمت؟

ياسر: ماكنت منتبه ، بس كيف اخطب وماقد فيش وظيفه.

هدى: الوظيفه موجوده ، سلوى امس بتقل لي ان يحيى بيدور حد يمسك صرافه فرع صنعاء وانك تجهز سيفي وترسلهم .

ياسر: اماانه ، حلووو . تمام الوظيفه سبرت وهم متى راجعين

هدى: ماعد عيرجعوش يابني كذبه، لو شي انها ماوافقت تخطب بناتها هانك .

ياسر بصدمه فتح فمه: انخطبين !

هدى: تكلموا عليهن ناس، والخطوبه بعد المدرسه.

ياسر فتح اللاب توب وسكت.

هدى: ذلحين ايش قلت اخطبها لك ؟

ياسر بضبببح: اول نتوظف.

هدى: خيرة الله .
.
.

ايناس: تمين بساعتكن لو عنجابر خالتكن سلوى.

محمد: يشتي يتكلم اشترغ بالكيك.

زهور ورشا ضحككككين

ايناس: اخوكن عيطفح بتضحكين!!! ادين له ماء.

رشا حملت للمطبخ ، ادت له ماء.

محمد شرب وذكرهن وضحككككك .

ايناس: صرف الله بالشياطين مالكم ياعيالي! على مه بتضحكوا؟

زهور: قلنا لش الهواره بياكل ويتحاكى ويتحمسس

محمد: ضحك وقام رفع الصحن ، ادى اللاب توب وجلس

رشا: بتضحككك عليه ، ماااااكرهااا وقعت لك.

زهور: وهي بتبسر لمحمد ،فاااقده لسلا وسما.

ايناس: ايووه ذكرررتني ما اقلكن خطبوهن .

محمد بصدمه: طحس اللاب توب من يده ..

محمد ورشا وزهور تغيرررت ملامحهم بعد الضحك وهدووووء فجأه.

ايناس: بتحاكينى خالتش هدى قالت انهم تحاكوا عليهن ناس وعادهم يسالوا لا بعد المدرسه ويخطبوا.

رشا: هن موافقات ؟؟

ايناس: مدري ماقالت شي ، اتصلوا لي بسلوى احاكيها ابسر الخبر.

محمد: ناول زهور اللاب توب ، ونزل

ايناس: يااي اين عتسير عتتعشى؟

محمد: وهو بينزل، شاااابع..

رشا: وزهور تلفتين لبعض وبعدا لايناس.

زهور: مابش احد، رسلت لهن رساله وشاخليه مفتوح متى مادخلين يتصلين.

ايناس: انا قدني تاعبه رفعت لكن الديوان ، واحده تغسول وواحده تفعل عشاء

دخلين الديمه( المطبخ)..

رشا: انا شاغسول .

زهور: ناااهي مش وقت نتحانب ، تقلي صدق؟

رشا: كان مه عيكذبوا؟

زهور: معع، قصدي البنات عيوافقين بالذات سلا !

رشا: مدري والله ، تقلي عمي يحيى اجبروها توافق!

زهور: مااعتقدش ، الله اعلم .

رشا: يوووو كم غثيت ع محمد ، اكتبد.

زهور: ايووه ابسررتي كيف اقتلبت صوورته ، افتجعت امي يدروا.

رشا: يدروا مافيها لو يقلهم ، والله مافيها شي .

زهور: جي نتم وننزل نحاكيه .

.
.

عائله يحيى بعد الغداء
يحيى بيشرب شااهي وبينعس

سلوى: يحيى قدك نوم!

يحيى: ايووه شافعل لي نعسه نص ساعه وقيميني ارجع العمل .

سلوى: تمام حاضر.

البنات جالسات بيتفرجين التلفزيون.

سلوى: بنات افتحين النت نبسر ايناس.

سلا فرررحت ، قامت تفتح النت، يوو اون لاين .

سلوى: هيا اتصلي .

سلا: بتتصل …..

زهور: بتقرب العشاء.. قربت تطرح المقلى واللاب توب رن…

رشا: بيتصلين!

زهور: ايوووه ، ادي القلصات والخبز وجي .

رشا: تمام .

زهور: فتحت الخط الووو…

سلا: حياااا زهور كيف انتي .. وحشتيني

زهور: ماااامااا جووا اتصلت سلا.

رشا طرحت القلصات وبتجابر سلا.

سما جنب سلا: كيف انتين وحشتنااا قوووي ياشوعات.

رشا: مبررروك يالقنه خطبوش.

سلا: قبالش لها خاطبي .

رشا: لفتت لزهور باستغراب

سلوى سمعت قالت لهن ادعين ايناس

ايناس: قربت حيا اختي كيف انتي مبروك للبنات.

سلوى: سيرين ذاكرين ، اتم اجابرها وادعيكن.

سلا: ناهي مافيها جابروا

سلوى بهررت لهن.

سما قامت وهزرت سلا للغرفه.

سلوى: كيف انتي يا اختي .

ايناس: الحمدلله وانتي كيف انتي سمعت ان البنات انخطبين.

سلوى: مع ماقدوش رسمي مابلا تقدموا لهن عيال صلاح اللي بيشتغل يحيى معه وعاد احنا يا اختي بنسأل .

ايناس: ايوه تحروا بعدهم ابسروا انتوا في غربه .

سلوى: البنات مش هن داريات لانشغلهن من ذلحين يتمين واقل لهن .

ايناس: ايوه احسن لوما تسالوا وتبسروا.

سلوى: فااااقده لش وللبنات والله يا اختي قووي.

ايناس: وانتي والله زد بعد مارجعت هدى بيتكم واتخايل كل ماشدخل اني شبسرش.
.
.

زهور: نزلت لمحمد للغرفه…

محمد: ماتشتي ؟

زهور: افتح !

محمد: اشتي ارقد .

زهور:: اقلك حاجه سلا اتصلت .

محمد سمع سلا وقام فتح الباب .

زهور دخلت: اقلك شي استغربت منه.!

محمد: ماهو؟ خطبوهن قد سمعت.

زهور: اسمع احاكيك ماوقع

محمد بضبح وبيلعب بالوساده: ماهووو!

زهور: اتصلت سلا ورشا بتكلم سما وتبارك لها

قالت لها سلا مبروك على مه قبالش خاطبي !

محمد: طرح الوساده وابسر زهور ، يعني ماخطبوهن !
.
.

سما: اسمعي به موووضووع ابن كلب.

سلا: ماهوو! مالهم ماما اول مره يخرجونا.

سما: هيا اصبري اقلش تاكدت انو الخبر صدق الان

سلا: خير!

سما: اليوم خرجت من الحمام وبابا بيجابروا ماما .. اللي افتهم لي من حكاهم انهم تقدموا لنا .

سلا: ووووقفت ماااااهوو! بغير جنااان

سما: والله ! بس لوما بيباركين البنات ظهر لي ان الخبر صدق .

سلا: وليش مايسالونا او مابش معنا رأي.

سما: مددددرررري!!!

سلا: والله لو يموووتوني ويقطعوووني قطاع ما اتزوج الا محمد .

سما: اووووص ووووطي صوتش.

سلا: ماعه

سما : اهجعي ماقد قالوا لنا .

سلا دمعت: يوو يعني محمد عرف اذا البنات عرفين عيقلين له.

سما: وهو يشتحط يخطبش يحاكيهم.

سلا: مايخطب عادو ثاالث ثانوي وين احنا وين هو

سما: بس بكاء وخباله لايحسوا امي اصاه.

سلا دخلت الحمام بككككيت، وغسلت وشها وامتدت سريرها ورقدت من القهر.

سما: جالسه ضابحه ، بتعطف دولابها.

سلوى: بناااات ، يااااي بنات.

سما خرجت: ها ماتشتو!

سلوى: جي طفي مادريت كيف افعل به.

سما: مسكت اللاب توب

سلوى: مابتفعل اختش ؟

سما: رقدت معها مذاكره بعدا .

سلوى: اسير اقيم ابوش وقته يسير.

سما: بتكتب في السكايب لمحمد بالانجليزي ..
( الخبر حق خطبتنا ماقد عرفنا وعادو كلام لاتصدقين لهم ولا ماننخطب لو نموت هنا .. مابلا في اليمن وانتين داريات ماقصدي …)..نبسر يوم واجابركن.

رسلتها ومسحتها وخرجت من الحساب وطفت اللاب توب.

محمد: يعني كيف الخبررر اشتي احاااكي سلااا قووووا .

زهور: عندي فكره شل اللاب توب عندك قل تشتي تترجم انجليزي من النت.

محمد: اطلعي ابسري واديه .

زهور ذكرت: خاله سلوى مايعرفوش يتصلوا به كودهم بيخلوا البنات يتصلين هن.

محمد: هيااا فيسسسع اقطبي اديه

زهور: تمام.
.
.

سما: سلااااا،،، سلاااا …

سلا: ماتشتي .

سما: قووومي اقلش مافعلت ..

يحيى: مارأيش تسيري تسلمي على اليمنيه الجديده مايسبرش.

سلوى: والله اني ضابحه بين ادور اين اسير اتصل لزوجها ابسر هي في البيت .

يحيى: تمام ، سيري جهزي لي لده(ملابس).

سلوى بتكوي له الشميز.

يحيى: هيا قال هي في البيت اشلش عندها واسير انا وياه العمل .

سلوى قامت تلبس .

سما خرجت تتفرج التلفزيون .

يحيى: اوبهين للبيت ولنفسكن عنخرج انا وامش.

سما بفرررحه: حااااضر.

سلا: قامت وجالسه تقلب الكتب وتفكررر.

سما: دخلت لاعندها ، افررررحي افررررحي .

سلا: ليش!

سما: ابوش وامش عيخرجوا

سلا: صددددددق !

سما: ايوووه ابسررري محلاني كيف بين اهمش.

سلا: يووو من الله جت نحاكي محمد .

سما: ايوووون هيا قومي نخرج عندهم.

سلا: يله .

سلوى: خااالد جنان ومحانبه مع خواتك ماشتيش.

خالد: هن بيحانبين هن. بيهازرين البلستيشن

سلوى: ذاااكر مابش زفت .

سما: بتتحلف له بيدها من قفا امها.

ايناس: قد انا وانيه عمل اخطى ارقد لي.

رشا: وين جت زهور تغسول .

زهور: ماااهو ياقلبي قد غسولت حق العصر كلهن دولش.

رشا: وانا فعلت العشاء ، جي انتي.

زهور: سيري العبي والله ما اعس حاجه ، اقطبي هيا نفتح اللاب توب مع محمد، شلته ونزلت.
.
.

سلا: فتحت اللاب توب، اوف لاين ، طفته وطرحته.

زهور: هيييي امي رقدو انتررر براحتك، لاترجمه ولامعاذير.

محمد: بدون نفس ، شله منها وفتح.

زهور: هياا اسرررع اللاب توب بطيء.

محمد: وانتي مادخلش يلا من هنا.

زهور: والله لافعلك زفه لوما تهجع.

محمد: ابسرلها بقلبه وش، فتح وابسر رساله ماركز انها اون لاين او لا .

زهور: قربت تقرا .

محمد: ابسررتي !!

زهور: ايوه ماحاكوهن غريب!

محمد: يعني مووافقين .
.
.

سما: مالش ماتفتحي؟

سلا: اوف لاين

سما: نتصل لهن؟

سلا: بغير جنان الان عشششي عندهم.

سما: اام طيب راعي ابسر حد رد ع الرساله .

سلا بضببببح: مابش.

سما طنشتها وشلت اللاب توب فتحت الحساب،
:سلااااااااجه جي ابسري ياعميا هو ذا ها اون لاين .

سلا: قاااامت من بقعتها ، قربت لسما وانه اون لاين، هزرت اللاب توب .

سما: الحجه عندي لو خليتش تتفحوري انو اخرج .

سلا: قوووا قد اللي فيني كافي.

محمد: شاف اون لاين ، رسل من موجود ؟؟انا زهور!

سما: مدت يدها لاوش سلا هااا شلوش زهور اشبعي بها.

سلا: ها زهور معش سلا !

محمد: سلا من جنبش؟ انتي ومن؟

سلا: سعليش وحدي .

محمد: داريه من معش ؟

سلا بخوووف: من ؟؟؟!!

محمد: حبيبه قلبه وروحه وكل الدنيااا انتي ياسلاااتي.

سلا: رسلت له وش احمرر خازي.

محمد: اقدر احاكيش؟

سلا: ايوه .

محمد: قولي لسماج توخر (تبعد) من جنبش.

سما: هنيت له فارحه بصوته يتخايل روحه رابح صقر.

سلا ضحكككت.

محمد: بيتصل …

سلا: الوو..

محمد: بيبهرر لزهور تخرج ،

زهور: تهز اكتافها ماااعه

سلا: بتاشر لسما تسير عند.خالد .

سما: علت صوووتها ، جحفه تجحفش انتي ويااااه هاااه مقلع ، سارت لاعند خالد.

محمد: مقلع لها ههههه وانا راعي اقلع اللي جنبي.

زهور: جلست وماسكه الفررش.

محمد: تحملها وخرجها وغلق

سلا: بتضحك من اصواتهم.

محمد: عيجبرني بالضحكه تيه فاقد لها ، اليوووم انااا في عالم ثااااني اول ماسمعت الخبر والله ان قلبي نغزني.

سلا: ياسين عليك ، وانا اتفاجأت من رشا وهي بتتحاكى مع سما محد قال لنا !

محمد: طيب امانتش انتي موافقه ؟؟

سلا: منك صدددق تسأل!

محمد: سلا للان ماقد تعمقت في قلبش ولا اعرف مشاعرش ناحيتي قوووي اللي اعرفه صح تحبيني وحب طفوووله واكثررر مافرقنا عن بعض الا الغربه وسفركم ولانسيتش وماااازلت احبش واكثر من زمااان .

سلابتلعب بشعرها : … وتسمع سكته.

محمد: مالروحي ساكت .

سلا: مستغربه كلامك ! محمد مش معناه ماتواصلنا وتجابرنا وقلت لك احبك وقلت لي احبش ان مابينت مشاااعري انا غيررر… انا اولا خزززا ثانيا محافظه على كل شي وعامله له حد ، حاسبه له يوووم يجي وانت حلالي وتعرف كم بين احبك ..

محمد: وانا ياسلا بعد كلااااامش هذا لو اراعي لش عمررري كله ، وشافعل المستحيل عسب اوصلش ، ولو ماكنتي نصيبي لااااسمح الله ، والله مابسررر غير سلااا واراعي لش حتى لو قد انتي ثررما .

سلا: ضحكككت، ثرما ايش .

محمد: عتقلي ليش ما اخطبش ؟

سلا: سكتت ..

محمد: طيب اقلش كنت مراعي اتم ثانويه على الاقل واحاكيهم ..ماكنت عارف عمي عيستعجلوا ..

سلا: بس انا ماشاووافقش ومابش زواجه بالغصب.

محمد: يااااااااارب ماتكوني غير لي ياسلا .. والله لايسهل لواحد غيري يشلش.

سلا: بس خلاص… بين اخزاا قواا.. قل لي كيف دراستك.

محمد: فديت القوااا واللي بتخزاا… قلي لي حد بيعاكسش شاجي لابوه بالجنبيه.

سلا: هههههه مع مابش معاهم حقهم الشقر يعاكسوهن.

محمد: انتي اجمل وارق واحلى سلا شفتها بحياتي.

سلا: محمد بس خباله شاغلق .

محمد: بقرررره.

سلا: وانت شووعه .

محمد: احبشش.

سلا: ووورجع !

محمد: قلي لي احبك …

سلا: ماعه ماحبكش.

محمد: وانا ماحبش … اناااا امووووت فيش وياااارب ماتكووووني الا من نصيبي.

سلا: امين.

زهور: بتدددق الباب لمحمددد

رشا: افتح جاوب ابي.

محمد: طنن … يووو راعي اجاوب..

سلا: حاضررر. اغلق؟

محمد: لاااا قوا راعي.

سلا: طيب.

محمد: قام فتح الباب، اين ابي؟

رشا وزهور بيضحككككين دهفين الباب ودخلين

محمد: والله انكن جننننن من عيني لاررراحت لكن.

رشا: مابتقلووووا نشتي ندرى

محمد : مش هو عليش..

سلا: خليهن سهل تستاااهل تبطل معاكسه.

محمد: والله يافطسا تفضحيني …

تجابرووا وضحكووا كلهم وغلقووا ..

.
.

اروى بتكنس: يوو ي احمد سااارت حنان كانت ماسكه البيت كله ، اشتي ازوجك .

احمد: اول اخطبووا لي.

اروى: ريت والله وانت تبطل البلا ذيه القات وتجمع لك حق خطبه.

احمد: هو الا الجمعه بين اخزن .

اروى: انت اخبر بروحك ، للمه مابتسير مع ابوك العمل.

احمد: يله قدي اخر سنه تيه ، وابسر عمل .

اروى: كما قد جمعت حق خطبه انا اوفي لك جنيهات تخطب.

احمد بفرحه: صددددق عتوفو!

اروى: والله. ابسرك تجمع حلفت لاوفي.

احمد: حااضر .

التلفون بيرررن.
اروى: الوو.

حناان: الوو..اماه كيف انتوا

اروى:حيا بامي وعيني عمرش طويل.

حنان: هههه . ان شاءالله .للمه؟

اروى: بين اذكرش انا واحمد كيف انتي؟

حنان: الحمدلله ، مابتفعلوا .. خورت نسير عند خالتي ايناس وناكل زلابيا وبرعي من اللي بيفعل جنبهم .

اروى: ضحككككت.. او قد انتي واحمه .

احمد: التفت لامه باستغراب.

حنان: مادخل الخوره في الوحام؟ مابلا امس واحنا ضاويين(مروحين) شمه يجنن خزيت احاكي علي.

اروى: ههههه تمام ماغلاش صدق، اي حين تستري تجي شاكلم خالتش نسير عندها.

حنان: ابسروهم بعدا نبوني.

اروى: تمام ….. تمين يتجابرين وغلقت.

ياسر: جهزت السيفي والشهايد ، وارسلتهن لخالي يحيى.

هدى: رفعت يدها تدعي الله يسسسسهل لك ويوفقك

ياسر: حب رااسها ويدها امين يارب ويحفظك.

هدى: مالاختك من حين جينا ولا اتصال ولا بتجي.

ياسر: انتي عارفه بعماتي كيف يعبوا راسها وزد بتسير عند امها.

هدى: نااهي بس على الاقل تتصل ،عاد الناس يسألوا انا ربيتها وبحسبة امها والله مافرقت بينها وبينك .

ياسر: الله يهديها يمه ، انا بكلمها.

هدى: مع لاتحاكيها ولا خليها براحتها.

.
.

يحيى: اليوم وصل لي ايميل من ياسر ماشاءالله عليه كم شهايد وخبرات.

سلوى: ايوه هو واصل معاهد ومنظمات ،الحمدلله يعني وافق صلاح عليه.

يحيى: عادحنا ماقد تحاكيناش.
بس عيوافق لانه معرووف ومضمون هذا اهم شي .

سلوى: الله يوفقه ويجبر قلب اختي بابنها .

يحيى: ويجبرني براسش هيا عتقربي لنا عشااء ..

سلوى: ابتسمت ..امين من عيني اقوم الان

يحيى: ماقلتي لي ارتحتي عند مرت فؤاد(اليمني الجديد).

سلوى: مالها شي على نياتها،

يحيى: يله اهم شي تلقي ونيس في الغربه.

سلوى مدت الخبز قبال يحيى.

يحيى: بسم الله .. وبدأ ياكل.

سلوى: ماكنت اشتي اقلك

يحيى: صلي على النبي.

سلوى: عليه افضل الصلاه والسلام وعلى اله واصحابه اجمعين،ايوه زد نبيت صلاح؟

يحيى: مع لوما يفتح الموضوع هو.

سلوى: احسن

يحيى: على الله.

سلوى: طرحت الخبز من يدها وجالسه بتلعب بالقلص .

يحيى: مالش ماتتعشي.

سلوى دمعت: الصدددق قد فيني ضيييق هنا وفاااقده لليمن.

يحيى: تشتي ترجعي؟!

سلوى: قلت زياره .

يحيى: خيرر ان شاءالله ولاتهمي .

سلا: لو كنتي سمعتي ماقال اليوم ماتتليقني علينا هكذا.

سما: ماعيقول احبش يا سلا ياروحي وقلبي ونخسي.

سلا ضحكككت: انتي كلبه مايقطع فيش قاطع غبني عليه اللي عيشلش ، عيشل له حمود مصلح.

سما: يحمد الله اللي عد اوقع مرته.

سلا: لاتتخوريش وترجعي تتحمدي الله ع رشاد.

سما: وانتي اخبقي هنا مراعاه لحماده ،

سلا: والله ما اخبق ولا ، وماشتزوج غير حبيب قلبي لو يقطعوني .

سما: هنيت لش عنرررقد! الحجه عندي بين ابسر لش حجج تحاكيه.

سلا بتحانكها: مش مراعيه لش .
.
.

محمد: تم يصلي فجر ورفع يدعي.

عم حسين: امين يااااارب عتجعلها من قسمه يارب.

محمد ابتسسم وتم يسلم: عم حسين قواا لاتفضحوني .

عم حسين: ما افضحك ! عتتزوج اين جا ابوك احاكيه.

محمد: حب راس عم حسين ، قوا جبرني براسكم ، مش وقت.

عم حسين: كان جي نصتبح انا وانت .

محمد: لو يوقع اول قلص بن على هذا الصبح يااااسلااام سلم.

عم حسين: عتجي وعتفعل لك البن والخبزه الدافيه المدهونه ومقلى الفول ،لاتستعجل على روحك.

محمد: من هي ياعم حسين؟

عم حسين: انت اخبر

محمد: ولا اشتي شي اهم شي اتطمن انها لي وبعدا اشرب حامضه.

عم حسين ضحك: يا ابني البنات نصيبهن اسرع من العيال مابلا اقرا وابسر لك وظيفه وخطبت.

محمد: ياعم حسين الدنيا مربوشه، اول مااتم الثانويه انا شاجي استشيركم.

عم حسين: اشر بيده ، من تيه العين وتيه.

محمد: الله يحفظكم، هيا راعوا ادخل ادي لنا صبوح عسب لا اتاخر على المدرسه.

عم حسين: مع والله ، اخطى انت اقرا، وانا اسير ابسر الحجه حقي.

محمد: كان خاطركم ها .ورفع يده يودعهم.

.
.

ايناس: اتصلت خالتش بتقل حنان خورت تجي تصتبح زلابيا .

رشا: غدوه مابش معنا مدرسه تجي الصبح .

ايناس: تمام شانبيها.

سلا: ماما ، ماقصدها امس زهور ورشا بيباركين لسما على الخطبه ، او قد تقدموا لها .

سما: وانا مادخلني …يتقدموا لش انتي بترجم لافوقي.

سلوى: اي حين ماجاء نصيبكن جاء

سلا: من اليمن نصيبنا مش هنا لوما نرجع.

سلوى ضحكت: اين نرجع !

سلا: المهم يعني مانشتيش من هنا.

سما بهررت لسلا تسكت.

سلوى: لو تقدموا عيال ناس هنا يمنيين مافيها؟

سلا: مدري في اليمن ثانيين.

سلوى: له حلااات ، قومين ذاكرين ، كم باقي لاختباراتكن النصفيه.

سلا: بعد شهر ونص .

سلوى: ذاااكرين ، اشتي مجموع.

سما: ضحكت مابش مجموع هنا .

سلوى: انا اشتي ماعليا منهم.

سما: بأفأفه تماام.

يحيى: من بكره سير لاعند بسام ال…وابدأ العمل عيوريك كل شي.

ياسر: على طوول بدرس طبيعه العمل ، وبتواصل معاكم ايميلات .

يحيى: مووفق حبيبي.
.
.

ثاني يوم الصبح..
ايناس: اشتري لنا زلابيا دافيه وبرعي ،

زهور: قد فعلت شاهي بنعنعه وفاصوليا.

رشا: قوووا حمودي جر لنا كدم .

محمد: قلوا كل شي مره واحده .

ايناس: هيا سير هولا بس اقطب لاتتاخر قد خرجوا من البيت

محمد: تمام ، خرج بيغني .

ايناس: قومين البسين سوا لو جاء احمد معاهم عيدخل.

زهور: تمام .

رشا: في الغرفه، بتدور ماتلبس

زهور: دخلت لاعندها، لاتتعذري ساعه تدوري ماتلبسي ياسعم انه عرس ، اقطبي واخرجي نقرب.

رشا بشخااااطه: مااااعه

زهور طنشتها ومشيت.

احمد: حيااااك الله ، ايووه عرفتك اكيد ، الحمدلله على سلامتك متى وصلت؟

يوسف: امس ، واليوم قلت اشوفك، متى انت فاضي.

احمد: على الظهر، اعمل حسابك عتتغدى عندي ؟

يوسف: يا اخي مابحرجك والله مشكور ، معزوم قد معي قائمه جداول نتمهم ونجتمع .

احمد:مع والله حلفت اليوم معي نتغدى ونخزن.

يوسف: خلاص ولايهمك، كثر الله خيرك .

احمد: غلق وبيطررق لهن.

حنان خرجت هي واروى.

احمد: عتصتبحوا بس او مه؟

اروى: ايوه

حنان: ايوه عسب اسير افعل غدا لعلي .

احمد: تمام وانا شاسير اتصرف عيجي يوسف يتغدى.

اروى: مالك ماتنبيني من قبل.

احمد: مادراني اتصل ذلحين

اروى: خلاص اطرحنا نصتبح وسير اتصرف وارجع لنا اروح افعل غداء

احمد: تمام

محمد: على رجعته للبيت وابسر سياره احمد وصل

احمد: نزل وسلم على محمد حياااك ابو حميد .

محمد: الله يحييك ، كيف الدنيا

احمد: سابره له الحمد .

محمد: هيا غلق السياره وندخل .

احمد: مع عاد…

محمد: والله ماتدي خطوه ، صبوح وبعدا سير اين ما اشتيت.

احمد: بعدك .

محمد: انا شاسبق لايبرد الصبوح غلق السياره والحقني.

احمد: الله الله ، الله الله طررريق.

محمد: حياك ادخل

احمد: السلام عليكم ، كيف انتوا ياخاله ، حبها فوق راسها

ايناس: الله يسلمك ياابني ادخل.

اروى: قد قلت له لكن مزااوط

احمد: مد يده يسلم على زهور.

زهور: سلمت .

رشا: خاااازيه، ويدها مثلجه وبترتعش.

احمد: سلم، وشافها.

رشا: خزيت وطت راسها، وراحت تقرب.

حنان: دخلت معاهن المطبخ فاااقده لكن ، خرجت من شنطتها عطورااات ، ها جرين هولا سكته ، ماعجبنيش.

رشا: يووو مالش بتجنني.

زهور: حالي لاقد الجنااان هكذا اديهن بس .

حنان : والله مني صدق بيغاثين نفسي.

ايناس: دخلت ماهن، شافت العطور !!

حنان: ماعجبنيش شمهن ياخاله .

ايناس: كيف ماعجبش! والله ان صورتش معيفه.

حنان: استغرربت ، ماااشي.

ايناس: اروى ياعيبتش تخايلت حنان خورت خوره عاديه وبنتش واحمه؟

اروى: قامت لاعندهن، من هي! والله ماقالت لي .

حنان: وانا مادراني ، هو هذا وحام !!

ايناس: بتضحك ابسري قد جحفت لهن التسريحه .

اروى: فرررحت، فعلتي فحوصات ؟

حنان: ماشي ، يعني لو خورت واحمه !

اروى: ايوه ، ارجعي افعلي فحص حمل ندرى.

حنان بخزا: تمام .

رشا: يوووو جبرني عد اوقع خاله.

زهور: ادي بنيه نمكيجها ونلبسها قباضاات.

ايناس بتضحككك .

.
.

ياسر: اماه ماتشتيش حاجه ؟

هدى: اين عتسير؟

ياسر: ابدأ الشغل اليوم افهم العمل واشوف متى باداوم.

هدى: الله يوفقك.
.
.

بيت ايناس، تموا يصتبحووا ..

احمد: طرح قلص الشاهي وقام ..

محمد: الى اين ؟

احمد: معي عمل .

محمد: مابش ، عنتغدى سواا .

احمد: والله عيجي صاحب، هيا عتلبسين ؟

اروى: هيا ..

ايناس: ماشي والله ماتتغدوا الا هنا .

اروى: والله انو عزم صاحبه عادو وصل من مصر امس.

حنان: يوسف اللي فسحنا في مصر، وانقذنا من الغرق

زهور: ضحكت

ايناس: يجي لاهنا

اروى: مع مايسبررش ، سهل نرجع نتغدى الجمعه بيتنا .

ايناس: ان شاء الله.

حنان: قامت تلبس.

ايناس: وانتي اجلسي نزيد نخورش مامعش.

حنان: اروح افعل غدا علي وحده.

اروى: جي عاونيني واخلي اخوش يتصله يجي يتغدى

اروى: قومي جي انتي والبنات

ايناس: ماكلمتش عمار.

اروى: اتصلي به وابسري لو رضي لحقتين بعدنا .

ايناس: شانبيش وافعلش بنات الصحن هنا واخبز لش.

اروى: تمام مراعيه للنابي.

ايناس: ماكلمتش عمار.

اروى: اتصلي به وابسري لو رضي لحقتين بعدنا .

ايناس: شانبيش وافعلش بنات الصحن هنا واخبز لش.

اروى: تمام مراعيه للنابي.

عمار: سيري.

ايناس:تمام و زهور هنا، عتفعل لك الغداء

عمار: تمام ، قلي لها تجهز الديوان عيجوا يخزنوا عندي.

ايناس: حاضر شاجهزه واسير .. مع السلامه.
.
.

امريكا
يحيى: هياا مالش ماقد قمتيش؟

سلوى: قلت شويه يهدأ راسي ماقدرت، تاعبه.

يحيى: اشلش المستشفى!

سلوى: شربت حبه يهدأ، بس اول مره يوجعني هكذا .

يحيى: خلاص لاتقوميش انتي ، البنات عيجهزين ارتاحي.

سلا: انتي رفعي عند التلفزيون وانا اسير المطبخ افعل سندوتشات وصبوح .

سما: تمام.
.
.

يوسف: انا الان في السايله من اي لفه ادخل ؟

احمد: ثالث لفه وانتظر وانا اجي لاعندك.

يوسف: تمام ، انا سياره مونيكا بيضاء

احمد: تمام، شتواصل معك.

ايناس: بعدت لابوش صحن( بنت الصحن) ارجعي نضجيه وفعلتي له عسل.

زهور: حاضر..

ايناس: كنتي عتجي وتذاكري هانك.

زهور: مع لو محمد رجع شاخليه يديني بعد الغداء.

ايناس: تمام

رشا: هي بتتهرب من الغسوله حق الغداء

زهور: مابلا اهم دراستي ، مش تفاريط من بقعه لابقعه ولاكأنش بتقري، وامتحانات.

رشا: وانتي مايفعلوبش شاغش منش.

ايناس: بسس محانبه قومين نخطى شرق.

محمد دخل: عاااطش ادوا لي ماء

ايناس: ادي لاخوش ماء هيااا والحقي لاخارج، اقطب يامحمد الخبز حق خالتك معي ، خزا نتاخر عليها.
.
.

سلوى: قامت وراسها مرربط تفعل غداء.

سما وسلا وصلين دخلين يعاونينها وهي في المطبخ

سلا: هيا ادخلوا احنا عنكمل.

سلوى: ادااكن الله هيا جين تاعبه قوي.

سما: ارزم لكم ؟

سلوى: عاوني اختش وجي.

سلا: مع خلوها تسير ترزم لكم ، انا شاتم بسرعه.
.
.

بيت اروى..
الكل فوق الغداء وبيتجابروا بعد ماتعرف يوسف على محمد.

يوسف: انا بعد الثانويه حصلت منحه ..

محمد: كم كان مجموعك؟

يوسف: تقريبا 93% .

محمد: ماشاءالله موفق ، الان باقي سنه دكتوراه ؟

يوسف: ان شاء الله، باخذها من الاردن .

محمد: ويخلوك عادي تسير اين ماشتيت.

يوسف: طرررح الملعقه وضحكككك ، من هم يخلوني؟؟

محمد: قلت وقعت لك منحه ! بيخلوك تسير من بقعه لابقعه؟

يوسف: هنيت لك يااامحمد صدق، لووو تشوف على جعجعه وبهذله لو ما تعامل وعاد انت تجمع نص المعاريف والحاره وكانك رايح زفه، وقدك دافع نص المنحه رشاوي.

احمد: ضحككك، قلنا لهم ماصدقوش.

محمد: ضحك اصلا استغربت بين ابسرك بتلوي.

يوسف: البركه في الوالد الله يحفظه ويطول لنا بعمره.

احمد: امين ، يحفظهم جميعا

محمد : امين .

احمد: والوالد ايش بيشتغلوا؟

يوسف: وزير ال…

احمد بأستغراب: لف لمحمد ورجع ليوسف ، وزير ال…. هو ابوك ؟؟؟

محمد: شاف لاحمد ويوسف سكته ..

يوسف بغمزه : ايوه ، مابش شبه صح ؟

احمد: ضحك مش على هذا ، بس ماقلت لي من قبل.

يوسف: والان فتحنا موضوعه وجت الفرصه اقلك .

احمد: ماشاءالله.. والنعم بهم واخلاقهم غير البقيه

يوسف: هذا من ذووقك حبيبي
.
.

في امريكا العصر بعد الغداء..
يحيى: فتح عينه وشاف الساعه ، اوو تاخرت خمس دقايق سلوى ليش ماصحيتيني ؟

سلوى مابترد

يحيى لف جنبه يشوف مابحد سلوى: سلووووى !!

سلوى مابترد

يحيى:قام للحمام، وشافها جنب الباب مدوخه..
سلووووى،،!! مالششش.

يحيى: سماااا، سلاااااا .

سما : السماعه في اذنها وبتذاكر.

سلا: بتسسسمع ابوها بيصيح استغربت قااامت …

سما: شافتها قامت فجأه بتحمل ، حست في شي طرحت كتابها وراحت
.
.

عمار: دق لزهور الباب، خرجوا المخزنين ، وانا شاسير ابسر عمش وارجع

زهور: قوووا اطرحوني معاكم عند امي افتجع وحدي لايطفوا وتتاخروا للعشي

عمار: البسي سرريع

زهور: لبست البالطو والحجاب ولحقتهم للسياره..

عمار: غلقي الباب سواا !

زهور: فتحته وغلقت بقوه .

عمار حس واحد بيخطى ويتفرج لها

زهور: بتغااالط ، اقطف لكم القات !

عمار: مع تسلمي ، يا بنتي قد انتي ثاني ثانوي اي حين عتتلثمي .

زهور: بابا ابسروووا، غدوه لما اووقع دكتوووره واتكرم واطلع في التلفزيوون ويقلول بنتكم الدكتوره كيف عتفتخروا !

عمار: مادخل القرايه بالفتشه ؟

زهور: الا لها دخل، عنرجع نتجابر يوم من بدري .

عمار: تمااام عنبسر اخرتش يا اقتنع او تقتنعي انتي.
.
.

يوسف: شباااب بضطرر للاسف مغادرتكم ، اسير الاهل كلهم مخزنين بيتنا ، خزا خليتهم وجيت . والف شكرررر على الغدا الصنعاني الرررهيب بنت الصحن لحالها ..

احمد: يهناااك حبيبي شرفت والله .

محمد: تشررفنا والله بمعرفتك..

احمد : وانا لي الشرررف متواصلين .
وخرجوا معه لاخارج.

يوسف واقف بيفتح السياره

زهور وصلت ، نزلت وغلقت باب السياره

عمار: شارجع لكم الساعه9 هيا ادخلي ..

زهور: حاضرر ، مشيت وجت عينها بعين يوسف ، نزلت راسها ودخلت بسرعه وردت الباب ..

احمد ومحمد ودعوه وساروا لعمار يسلموا عليه..

يوسف: شغل السياره وعلى مابيلف وعينه بعد زهور للباب ..ومششي ..

امريكا
سلا بصووت: يووو مااااما مالهم وبكيت.

سما: ماسكه وشها ومصدومه

يحيى: رفع سلوى راسها من الارض فوقه ، بيصيح ادين ماء بسرعه ، مابش شي .. لاتقلقين ..

سلا: حملت تدي ماء

سما: مالهم ماما؟؟

يحيى: بيعررق خووف ، شويه ارهاق، ذكرررت ادي عطر …

سما: ادت عطررر..

سلا: ناولت ابوها الماء ويدها بترتعش وبتبكي.

سلوى: تفتح عينها وتغمض، لسانها ثقيل ..

يحيى: الحمدلله ع سلامتش، مالش مابتحسي..

سلوى: رفعت يدها تمسك راسها وفلتت يدها.

يحيى: تحملها لافوق السرير ..

سما : ماسكه يدها من شق وبتبكي.

سلوى: شربت الماء ،

يحيى: اتصل استاذن من صلاح ،وبيتفرج سلوى ..

سلوى: بدات تفتح عينها

سلا: جنب راسها..

سما: ماسكه يدها ..

يحيى: مابتحسي؟

سلوى: مدري كنت عند الحمام ماحسيت الا الدنيا بتلف وغوشين عيوني وانتذقت.

سلا: حضنتها يوو ماغلاكم ليش ماقلتوا لنا انكم تاعبين ..

يحيى: قومي نسير المستشفى ادين لامكن اده تلبس ..

سلوى: لا مابش داعي
.
.

صنعاء
يوسف : بيسوق ، ونظرة زهور في عينه ذكررر مصرر ..

محمد واحمد رجعوا للديوان بيتجابروا..

محمد: كيف عرفته ولد محترم وزد متواااضع قوي..

احمد: …. حكا له قصه الغرق ، وانه تعرف عليه

محمد: حبوب قوي ..

احمد: ايوه وماقصرش معانا هانك ..

زهور: دخلت بتسلم عليهن ..

حنان: فاتش غدا طعيم ..

رشا: باررركي لحنان فعلت فحص حمل وطلعت حاامل .

زهور بفررررحه: حضنتها مبرررروك ياااقلبي .

حنان: الله يبارك فيش، اقرب لش تتغدي ؟

زهور: ممم شوويه .

حنان: شويه ونتغاوووث خورت رز ومرق وبقيه الشفوت..

رشا: يوو الشفوت مع المرق طعيمه ..
.
.

يحيى: كان اسير ادي عصاير وفيتامينات واجي ..

سلوى هزت راسها تمام .

سلا: افعل لكم اكل والا شي ..

سلوى: مع، سيري ابسري اخوش بس بين اقلق هامي

سلا: قامت ، حاضر ..

سما: بترزم راس سلوى،،

صنعاء …
علي: اي حين اجي لش؟

حنان: ليش، ماخزنتش معاهم ؟

علي، خزنت شويه وسرت عند الخبره.

حنان: 9 ؟

علي: مع شاخرج بعد ساعه واجي تجهزي.

حنان: تمام

رشا: يوو مسررع!

حنان: سهل عنكون نتلاقى في جمعتي كونين جين بيت سيدي او بيتنا .

زهور: تمام .

رشا: ان شاء الله .
.
.

امريكا …
يحيى: سالت الدكتور الصيدلاني ، وشرحت له قال يمكن ضعف او قله تغذيه او حمل .

سلوى: ما اعتقدش حمل ، بس يمكن بين اهم البنات وامتحاناتهن..

سلا: لاتهموناش والله ان كل شي الحمدلله سهل .

سلوى: الله يسهل لكن ويوفقكن.

يحيى: اوبهي لنفسش وهن شدي لهن مايشتين مدرسين انا مستعد.

سما: لحد الان الحمدلله مانحتاج .

يحيى: الحمدلله، ادين لامكن شي تاكله وتشرب الادويه ..

.
.

يوسف: مخزن مع صاحبه ،

صاحب يوسف: اين انت عيب عليك جينا نبسرك وانت بتتنبع مامعك ؟

يوسف: تنهد، والله ان النظره غيررر سبحان من خلق عيونها ..

صاحبه: يهيي يهيييي، الاخ بيحب !!

يوسف: مع والله، بس سحرتني ، اين جوا البقيه؟

صاحبه: روحوا ماعد الا انا مراعي لك داري ماعد عتمتسك كل يوم في بيت .

يوسف: قدو هذا ..

صاحبه: ذلحين من الساحره ..

يوسف: ماعليك ابرد لك..
.
.

رشا: قومي ندفي لش عشاء قبل ماتسيري..

حنان: مع شاتعشى مع علي ..

اروى: اين عتسيري مسرع؟

حنان: علي اتصل عيخرج من عند خبرته ويمر لي.

اروى: اوبهي لنفسش ولاتزيدي العمل وزيدي افعلي فحص دم نتاكد من الحمل وطمنيني .

حنان: حاضرر

ايناس: وقلدش الله لاخورتي شي اتصلي اي حين ماكان.

حنان: الله يحفظكم ياخاله ويجبرنا بعافيتكم ..

هدى: يا ابني اين انت عمل لاخر الليل وين تغديت؟

ياسر: والله الرجال فاضي ووراني الاوراق والمكتب وكل شي وتغدينا سوا..

هدى: كيف عيكون دوامك.

ياسر: من الصبح للساع 2 واخرج اتغدى وارجع للساعة 9 بامسك اداره الفرع حق صنعاء

هدى: الله يوفقك يابني ويعينك

امريكا ثاني يوم… الفجر الساعه 5:30

سما بتفعل الغداء

سلا بترفع الغرف

سلوى تمت تصلي فجر، بتسمع اصوات ومجابره، فتحت الباب.

سلا وسما التفتين للباب شافين سلوى .

سلوى: صباح الخير، ياسلااام سلم ،هذه الحيمشه عميد انا تاعبه !

سلا: سيروا افتهنوا ، قلنا نرفع ونفعل الغداء قبل مانسير.

سما: لاتقوموش ولاتفعلوا شي.

سلوى: دخلت المطبخ ، طفت النار تحت الاكل .

سما: مالكم قد عنتم.

سلوى: ادخلين البسين انا اليوم بخير الحمدلله .

سلا كملت رفعت: ولاتعسوا شي .

سما: والاكل قد طروحته ماباقي الا ينضج .

سلوى: لكن القوى والضياء الله يوفقكن ويسخر لكن كل قلب.

سما: حبت راس امها ..امين

سلا حضنتها: امين ويجبرنا بعافيتكم.
.
.

العصر.. صنعاء
محمد: جالس فاتح اللاب توب ، قلب الصفحه فعل تحديث ولا اي رساله، ضبح ..وغلق.

عمار: بس لاب توب، عتذاكر؟ماقالوا عيمتحنوكم؟

محمد: والله مابش نفس للمذاكره، بس شاحاول، ايوه بعد اسبوعين امتحان تجريبي لنص السنه .

عمار: هيا قوم امسك الكتب ، واللاب توب هذا ولا عيفتتح الا بمعدل سوا

محمد استغرب: شاف ابوه .

عمار: بتسمع؟

محمد: حاضر ، وقااام ضاااابح .
.
.

بيت ياسر،،،
ايو ياسر: ابني توظف ومدير وحركات،

هدى: على قد مافرحت له ب العمل ، بس بين اقلق مسؤوليه لو ينسرق او يضيع مبلغ ، بعدا ماعنفعل.

ابو ياسر: ضحككك لاتقلقي ، ولا تزيدي الوسواس ، خلي ابنك ، يرتب اموره ونخطب له.

هدى: يارررب يسهل له ،

ابو ياسر: امين يارب

هدى: كنت اشتي اكلمك

ابو ياسر: خيرر!

هدى: كيف احلام ولاعد بتسال ولا اتصال ولا شي.

ابو ياسر: سافرت عند امها البلاد .

هدى: براحتها، بس والله اني فقدت لها وغثيت منها عاد الناس يتصلوا، جلست بيت عمتها من اول مانقلنا ولا اتصال.

ابو ياسر تنهد بضبح : والله مش عارف ايش اقول

غرفه احمد رن التلفون …
يوسف: رراااقد!

احمد: ماخزنتش اليوم نعست شويه.

يوسف: قوم دور لك عمل من التخازين .

احمد: يلا ، الان اتمهر ..اقوم اكنس اطبخ

يوسف ضحكك: تجي نروح نسبح من الزبج هذا الساع!

احمد: والله ! ضخم هيا ، مارقدت الا من ضبح .

يوسف: الحجه عند الحراف .

احمد: اي وااالله اديتهاا ..

يوسف ضحك: ساعه ونتلاقى في ال…

احمد: ع طوووول .
.
.

بعد شهرين…
صلاح: اخي يحيى، انا اجلت موضوع الخطبه، لانه بكرنا به، بس الان انا اشوف انه نتفق الان، لان بعد شهر عيتمين اختبارات، يكونوا هذه الفتره معاهم شهر يجهزوا امورهم.

يحيى انحرج بيحك دقنته ،وبيسمعه سكته،

صلاح: ولايهمك فكرر خذوا وقتكم ومعاكم شهر.

يحيى: عد ابسر رأي البنات وانبيك ،
.
.

في صنعاء..
محمد: بيفحط ويطرررق ف الحاررره ..

عمار: سمع السياره،، هذا الولد ولا عقل .

ايناس: ولاعيعقل الا لما يفعل فعله بالسياره هذه

عمار: والله ماراحت له، لو ما حرمته منها .

رشا: فتحت الباب، ادخل والله انهم بيتحلفوا لك تحلاف.

محمد: دهفها ودخل ….
.
.

ياسر: العمل والله ماشاءالله زي ما بتشوف ياخال،

يحيى: لما نوينا فكرة صنعاء، ع طوول اخترتك بدون تردد لاني عارف ب نشاطك.

ياسر: وان شاءالله لو الامور مشيت هكذا اخر السنه نفتح مكتب صغير في حده، لان التحرير وحده اماكن مهمه .

يحيى: حلووو وهذا شور، عد اكلم صلاح وان شاء الله خير.
.
.

احمد: ي اخي شهر ماكفت والله ان مسايرتك هوكه هههه، تصدق بطلت التخازين بعد مارحت لك .

يوسف ضحككك: حلو شوف عمل العصر واشتغل ي اخي قدك شيبه اي حين باتتزوج ؟

احمد: والله انو هذا هههه ، قدمت ومنتظر الموافقة

يوسف: موفق حبيبي، لوما ارجع ب اخليك تشتغل معي ، نقلع اسنان من شق وطرف.

احمد: ضحكككك، ساااابر ، ان شاء الله موفق .
.
.

امريكا …
سلوى رابطه راسها: والله اللي تبسره انت اخبر، زيد اسال عنهم وحاكي البنات.

يحيى: قد سالنا ، وصلاح محترم جدا، مارايش! نحاكيهن.

سلوى: تمام.

يحيى: اي حين موعد الدكتور حقش، نتطمن لش شهرين وراسش وجع .

سلوى: ايوه والله انه من يوم لا يوم اخس، هانت الموعد يوم الاثنين.

يحيى: اليوم ربوع ، خلاص تمام شا اخد اذن ونسير .

سلوى: ان شاءالله
.

في غرفتهن..
سما: واخيرااا بقي شهرر ونتم دراسسسه ونبدأ جامعه..

سلا: فارحه هنيت لش، بين اهم هممم ، الجامعه عنسير ولايه وبتبسري امي تاعبين؟

سما: ان شاء الله قد عيسيروا للدكتور الله يطمنا عليهم.

سلا: امين ..

يحيى: دق باب غرفتهن ودخل هو وسلوى …

محمد: دخل وهو مووطي راسه

عمار: ليش هذا الجنااان ؟

ايناس: انا ماقلت لك انت والسواقه والمدلازه وسط الحاره تدق جاهل والا شيبه .

محمد: اسف اخر مره، مد يده بورقه لعمار…

عمار: شاف الورقه وابتسم وشاف محمد ..

محمد: ابتسسسسم قووي ..

ايناس: مالكم !

عمار: هكذاااا ابني اللي تمنيته ، ترفع الراس بس هذا تجريبي اشتي نفسها اخر السنه .

ايناس: نجح؟

عمار: 94%

ايناس: رفعت يدها، يوو لك الحمد والشكر ياااارب

محمد: حب راس عمار وايناس من عيووني اخر السنه احسن .

عمار: فرررح..

محمد: هيا ادوا اللاب توب .

عمار: ضحك من عيني سير شله
.
.

في امريكا…

غرفه البنات ..
يحيى: دخل جلس فوق سرير سلا ..

سلوى: جلست جنب سما ، قبال يحيى وسلا.

يحيى: كيف المذاكره؟

سما: الحمدلله ..

سلا: ولاتقلقوا كله سابر.

يحيى : قد عتكملين وبقي لكن القليل، واشتي احاكيكن بمووضوع ..

سلا: خير مالكم ؟

سما: اكيد ماما عيدوا لنا اخ جنب خالد .

سلوى: ضحكت، مع يا سماجه اسمعي ابوش.

يحيى: قبل فتره حاكاني صلاح انه يشتيكن لعياله ..

سلا: شافت لسمااا ومقعيه فمها من الصدمه .

سما: شافت سلا ولفتت ليحيى!!

يحيى: طبعا سالت عليه وغلقت الموضوع قلت لاخر السنه واليوم فتح الموضوع معي ..

سما ساكته بتبسر سلا

سلا وطت راسها ، بتلعب بطرف الكتاب ..وعيونها ملان دموع..

سلوى: سلا، مالش؟

سلا: انا مابين افكر الان وانتوا داريين عاد هنا دراسه وولايه ثانيه مش وقت .

سما: وانا مثل سلا ..

يحيى: ابسرين هي الا خطبه تبسرين دراستكن وكل شي ونزيد نتحرى بعد العيال، وانتين عتدرسين وبعد الجامعه، وعد ازوجكن.

سلا: موطيه راسها، ماناش موافقه.

يحيى: انا تغربت وتجعجعت عسبكن وامكن، والشخص اللي وقف معي ودعمني صلاح وللان في قمة الاحترام معي ، وانا مستحي ارد له طلب وانا شايف ان مابش مانع .

اشتي لكن الستر انا مش ضامن عمري والبنت مالها الا بيتها وزوجها وزد شهادتكن ..

سلا هزت راسها لا..

سلوى: ابوكن مش هو فاضي للغنج والشخاطه ، عترفضين له طلبه!

سلا: سكتت .

سما: بتتفرج لها باستغراب.

يحيى: انا موافق وشايف رفضكن ماله داعي ..
.
.

محمد: فتح اللاب توب ، وشاف اوف لاين ، ضبببح وغلق اللاب توب بقوة …
.
.

سلا: بس انا قلبي مقبوض ماشتيش .

سلوى: سهل كلنا وقعنا هكذا وسبرت الدنيا

يحيى قام: بعدا ماقد عنزوجكن الان ، المهم انا قد اديت له موافقه بس قلت احاكيكن .

سلوى: يلا تمين مذاكره، ماكرها كبرتين افرح بكن ، شاخرج ابسر ابوكن .

يحيى: خرج ، وارتاح انه كلمهن ، رسل رساله ل صلاح .

صلاح: كان جالس هو وساره، ولع تلفونه وهو صامت.

ساره: تلفونك

صلاح: ماله؟

ساره: الظاهر رساله.

صلاح: مد يده فوق الماسه وشل التلفون ، وافقووا

ساره: الحمدلله، والله انهن بنات ماشاءالله من جمال واخلاق وحماشه وادب .

صلاح: الله يجعل في ذلك خير، وكتب رساله ليحيى.

سلا: بكككيت ..

سما: اصص، قامت غلقت الباب ، حضنتها، وهي غاثيه .. اسمعي لاتبكيش اعرفي الا نطاير ب ابتهم.

سلا: من تطايررري مابلا اطيرر انا ! ومحمد لمن؟ والله ما اتزوج الا محمد .

سما: اصصص مسكت فمها لاحد يدخل اهدأي قلت لش عنبسر كيف نفعل.

سلا: ما ابسرر؟ خلاص وافقوا وافقوا،، وبككككككيت.

سما: حضنتها وبكيت معها.
.
.

بيت عمار ..
زهور: ادخل ،

محمد: فتح الباب ودخل ، مالكن بتضحكين؟

رشا: مجابره بنات، ماتشتي؟

محمد: قلين لي زد خالتي سلوى اتصلو ب امي قدلهم خيرات مادخلوش السكايب.

زهور: والله مااعلم ، يمكن واحنا ف المدرسه اتصلوا..

محمد: مابش يمكن، ارجعين اسالين امي .

رشا: مانقلهم؟

محمد: قلين ما اخبار خاله والبنات ماعد تواصلناش.

زهور: فكررره، اسير اسالهم.

محمد: حجفها ايوه يامنعاااه روحي عتخرج اسمع سلا

رشا: ياسين على روحك وقلبك .

زهوربضحكه: يسترررر عليك .

محمد هزرها: وعليشش ، هيا سيري ياقمر،

.
.

امريكا
سلوى: ماعليك منهن بيقلين هكذا خزا،

يحيى: ايوه،عادهن غاويات والظاهر بيخزين
.
.

بيت هدى..
هدى: ياسر ..

ياسر: ماسك الريموت يقلب ..هاا

هدى: كم رقم عمك يحيى؟

ياسر: لفت لها ليش!

هدى: خالتك ماعد اتصلت، وواصل هي اللي بتتصل بنا خزا منها اشتي اتصل لها .

ياسر: ولايهمش بكره اعبي رصيد وتتصلي.

هدى: الله يرضى عليك وينور قلبك.
.
.

بيت عمار
زهور: ماماا، ما اخبار سلا وسما ، خاله بتتصلكم ؟

ايناس: يوو والله انها في حسي ، اسكه ادوا اللاب توب نبسررها. ..

زهور: تمام الان شاسير اديه .

محمد: هاا مافعلتي؟؟

زهور: ايووه ، هيااا قوووم ادي اللاب توب وجي .

محمد: قااام فارح، رفع لها حواجبه ^_~ .

ايناس: هيا اتصل لنا بها ..

محمد: مابحد ، الحساب اوف لاين .

ايناس: مدري مالها ، اول مره تقطع هكذا الاتصال !

زهور: يعلم الله
.
.

بيت ابو ياسر..
ياسر: اديت الكرت ، ها ..

هدى: جي اتصل لي بخالتك انت.

ياسر: تمام …
.
.

امريكا …
سما: الوو..

ياسر: ناول امه السماعه..

هدى: كيف انتي حبيبتي كيف امش واخووتش ..

سما: الحمدلله خاله حياا بكم ، كيف انتوا؟

هدى: الله يسلمش بنقلق امش مازد اتصلت.

سما: هي كانت تاعبه شويه والان الحمدلله .

هدى: يوو مالها سلامات !

سلوى: بتأشر لسما .. من بتحاكي..

سما: خاله، هوذا ماما عيجوبوكم
.
.

محمد: ليش ماتتصلوا بهم ؟

ايناس: من اين الرقم ؟

محمد: هو السكايب مسجل برقمهم ..

ايناس: تمام اتصل .

محمد: اسير ادي كرت تيليمن واجي .

ايناس: يلا اقطب

محمد: لبس الصندل ومشي .

سلوى: تمت تجابر ايناس وغلقت، وين سلا ادعيها

سما: حاضر.

سلا: مااالش فتحتي هكذا نكزتيني..

سما: جاوبي ماما .

سلا: قلتي لهم !!

سما: ماشي يامتخلفه سيري جاوبيهم.

سلا: بتبسري كيف وشي ما اقلهم !

سما: افعلي لش كحل خفيف وبتره(روج) وسيري.

سلا: ابتسمت ، جحفه لش رووووحي بتطلع والله نفسي اسمعه واشكي له وابكي له وافضفض له …

سما: عيجي بابا نويل بعد شهرين وووكفي له الشكويه قومي جاوبي امش يا لغجه.

سلوى: اين انتي بتذاكري من اول تعب عليش ، ادخلي افعلي لش حاجه كلي

سلا: قد اكلت شابعه

محمد: ادي التلفون يارشا ..

رشا: ماعيووصلش لاعندك ، اقرب. ،،،

محمد: شاتصلكم انا لايجاوب عمي يحيى..

رشا: من قفا امها ، بتتمسخر ع محمد وتحرك راسها ب( يوووه منك).

محمد: مسك ابتسامته واتصل..

امريكا**
قاطع سلوى وسلا رنة الهاتف ..
سلوى: جاوبي الظاهر ابوش.

سلا: رفعت السماعه، الوو ..

محمد عرف صوتها بس ! : الوو..خالة كيف انتوا وكيف خالد وعمي قلقنا عليكم مابتدخلوش.

سلا عرفت صوته وبتمثل مادريتش، مفجوعه انه اتصل: هااا احنا الحمدلله مابلا انشغلنا شويه امتحانات كيفكم كلكم ياخالو؟

محمد: هوذا امي تشتي تحاكيكم

سلا مخبيه ابتسامتها: لفت لامها يوو جاوبوا اتخايلي انه خالي.

سلوى: حياا حياا..

ايناس: اين انتي قلقتينا عليش ، سامحيني ما اتصلت ومقصرره يا اختي

سلوى: يو مع سامحيني انا، بس والله اني تعبت ،

ايناس: سلامتش خير ؟ مالش!

سلوى: راسي مسنب لي سنااابه شهرين والله وجع

ايناس: تعاينتي؟

سلوى: ايوه قد شاسير ..الووو الوو

ايناس: يوو قطع الاتصال

سلوى: عادت الاتصال

ايناس: لاعد تخسري ي اختي امانه ارجعي طمنيني عليش وريحي بالش لاتجلسي تهمي وتقلقي

سلوى: ع الله ، والله اني بين اهم دراسه البنات ثانويه ، جامعتهن في ولايه ثانيه، والان رجع صاحب ابوهن يشتوا خطبه بعد شهر

ايناس: خطبه مسررع؟والمدرسه؟

محمد: بيسمع امه لف لزهور ورشا ورجع يسمع امه

سلوى: هو بعد المدرسه، بس الزواجه بعد القرايه، الله يسهل لهن ، كيف محمدي والبنات كيف اخي عمار؟

ايناس: الله يسلمش والله انهم بيشغلوني واصل عليكم كودهن في اللاب توب مراعيات للبنات

سلوى: يو مغلاهن صدق ، ثانويه ماعد بين اخليهن يعسين شي

ايناس: ماعندش حجه، الله يوفقهم ماطولش عليش ي اختي … تمين يتجابرين وغلقت .

زهور: من عيختطب!

ايناس: اعتقد سلا وسما او واحده منهن ماانتبهت سمعتها بتقل صاحب يحيى قد عيخطبوا بعد شهر

محمد: مسستغرررب وملامحه تغيرت

رشا: ع الله

سلا: ليش تقلو لخاله ان احنا انخطبنا؟

سلوى: مافيها اخبي ع ايناس!

سلا: انا ماقد وافقتش

سلوى: وابوش قد وافق

سلا: يمه قوااا ماشتيش

سلوى: مسكت راااسها وغمضتت

سلا: يووو مالكم مامااا ؟؟! سلا: دوختووا؟؟مدمعه،،يو ياالله ياالله كيف افعل سماااا!!! اين انتي جي غيري عليا

سما: هااا، خرجت من الغرفه تجاوب شافت امها ووقفت تسمررت بقعتهاا

سلا: جي اتصلي لابي

سما: هااا اين ابي عيوصل متاخرر ،نتصل للطوارئ

سلا: كم هو؟ 199

سما: مع، 911 اتصلي بسرررعه ،ادت لامها ماء ويدها ترتعش

سلا: طلبوا العنوان عيجوا ، شاتصل لابي يلحقوا لاهانك

سما: بتبكي، شاسير ادي لهم حجاب اغطي شعرهم

سلا: باباا ، ماما دوخوا، اتصلنا للطوارىء عنشلهم

يحيى: اي طوارئ مالها مافيها ماوقع؟

سلا: دوخوا علينا

يحيى: ياااارب الطف يارب اسبقين وقلين لي اي مستشفى عيشلوها اسأليهم اول مايوصلوا واحده تسير مع امها وواحده تجلس مع خالد ، يلا انا اليكم

سلا: تمام، غلقت

سلا: بتبكي، انا السبب جلست ارادد الظاهر رفعت لهم الضغط

سما: خلاص غلقي موضووع مش وقت

محمد: بيلووي ف غرفته ،سيره و جيه ..ضااابح.

رشا: دقت الباب ، محمد افتح.

محمد: ماهو، مشتيش مواساه من حد، خلاص انخطبتت الله يسخر لها.

رشا: لفتت لزهور ورفعت لها حاجب باستغراب!

محمد: طفى الكهرباء، وبيجابر نفسسه( باذن الله عتكون سلا لي يارب ، اجعلها من نصيبي انا ).

ودمع،قام ولع ، وفتح دولابه خرج المفتاح من تحت الملابس وفتح الدرج خرج رسالتها والشال وقريها ودددمع بينه وبين نفسه (يعني ايش عد افعل، ابطل اركنها، استغفر الله يارب بس تعبت )؟
رقد والرساله في حضنه .

ايناس: الفجر بتقيمه للصلاه، يلاا صلاه! محمددد

محمد: رفع الملايه فوقه واقتلب، نكعت الورقه .

ايناس: يو الله يحفظك الظاهر كان سامر بيذاكر.

محمد نووم..

ايناس: وطت تدي الورقه ، بتبسرر لمعه والوان وقلب ، رفعت حاجب مستغربه ، فتحتها ابتسمت، بتقرا ….!!!! جلست جنب رجل محمد فوق السرير، وبتتهجى الرساله ،سلاااا !!!

محمد: نكزز ع صوت امه بتقل سلا .
.
.

في امريكا***
سلوى: بعدما وصلت المستشفى.، ودخلوها فعلت فحوص ، وبعدا للرنين المغناطيسي.

((المجاابره كانت انجليزي شاترجمها لكم ))

يحيى: دكتور ، اين المريضه سلوى …؟

الدكتور: في غرفه الملاحظه ، بانتظار جواب الرنين.

يحيى: شكرا

سلا: ليش، رقدوها مافيها؟

يحيى: جي نبسرها، لاتفجعيها، اهدأي.

سلا: حاضر .
.
.

صنعاء..
ايناس: طرحت الورقه فوقه وخرجت سااارحه بتفكر ف اللي شافته ..

رشا: ماما..

ايناس: نكززززت، يو حسبش الله فجعتيني .

رشا: ادخل اتوضى والا محمد عيدخل .

ايناس: مسكت وشها، اصبع تحت دقنتها واصبع على صابرها ، محمدددد ، قصته قصه وين كنت انا من اول والله ما اعلم .

رشا: حست من كلام امها ، انها دريت . ليش ماله؟

ايناس ساكته مطننه.

رشا: قلت لكم ، ماله؟

ايناس: هااا بيذاكر كان سامر الظاهر.

رشا: هااا ..يلا ادخل اصلي
.
.

امريكا..
الدكتور: للاسف مريضتكم مصابه بورم حميد والحمدلله انه بدايه وصغير سهل الاستئصال ومافي اي قلق.

يحيى: سرطااان؟؟ متااكد !!

الدكتور: لاتقلق ، حميد، وسيتم اجراء عمليه جراحيه بسيطه للتاكد من نوعه .

يحيى: وصوته مخنوق ، شكرا.

سلا: كانت جالسه مع امها، مراعيه لابوها يجي.

يحيى: جلس جنبها سسسكته ولا تكلم.

سلوى: ما قالك الدكتور ؟

يحيى: شافها ومااااسك نفسسه ، مابش شي سلامتش، غر مدري مالهن الاعصاب متشنجات، من كثر مابتدحسي هدأي نفسش والدنيا عتسبر.

سلوى: الحمدلله ، ماقال اي حين عنروح؟

يحيى: الان، شاسير ابسر .
.
.

محمد اول ما قام تفاجأ ليش ورقة سلا جنبه!! وذكر موضوع امس، لفهن الدولاب وغلق وجالس مطنن.

زهور: دقت باب الغرفه ودخلت.

محمد: خيرر !

زهور: مالك بتقلب صور، ياسعم اني زوجتها انا.

محمد: ماتشتي؟

زهور: ي اخي عندي لك فكره ..

محمد: نتصلها ! مع قديمه .

زهور: ياجناه للغاجه حقك اسمع.

محمد: فيسسسع ، ماهو.

زهور: يا اهبل انت جيت ف التجريبي معدل،

محمد: ايوه يا فهيمه وبعدا.

زهور: وبعدا لو جيت اخر السنه هكذا عامل منحه لاعند سلا.

محمد: دارري، بس اغلب المنح لدول ثانيه.

سلا: ماعليك من دول ثانيه، ماما عيحاكوا خاله سلوى.

محمد: على الله ، تميتي الخوره حقش ذيه الساع.

زهور: انكررر انها ماعجبتكش؟

محمد: الصدق والله ماقد تلوهت اني اسير ، طيب وعتطلع منحه في شهر يازهور؟ مافايده اسير وقد خطبت.

زهور: والله لو تدرى سلا لاتفسخ.

محمد: ولو تستر تفسخ ، ماكانت وافقت ، خلاص يازهور انا فكرت ، صح احبها وكل شي ، بس يعلم الله اين النصيب، امس اكتسرت نفسي قوي للمره الثانيه.
.
.

الدكتور: العمليه بعد اسبوع، كل ما استعجلنا كان افضل، لان الورم بيكبر وبيعمل ضغط في الاعصاب اللي تكون حولها.

يحيى: انا مستعد حتى الان يادكتور.

الدكتور: تم تحديد موعد العمليه بعد اسبوع حتى نتمكن من تمام اجراء بقيه الفحوصات اللازمه.

يحيى: شكرا، الان تقدر تروح؟

الدكتور: اكيد ، انتهي من معامله اوراق الخروج وسيتم تحديد كافه الفحوصات ومواعيدها خلال هذا الاسبوع في ملفها.

يحيى: شكرا .

.
.

بعد اسبوع ، في المستشفى …
يحيى جالس قلقان يسير ويجي في ممر المستشفى ويقطعه الدعاااء لسلوى ويرجع يلوي بقلق..

سلا مع خالد ف البيت بتبكي وبتدعي لامها ..

سما في المستشفى مع ابوها..

بعد اربع ساعات …
الممرضه: خرجت.

يحيى: خلصت العمليه ؟

الممرضه: الان في طريقي بالعينه للمختبر، والدكتور بيخيط الجلد .

يحيى: لعوز وشه ، يااارب اشفيها واحفظها واجبرنا بعافيتها ..

اليمن- صنعاء
هدى: بتصلي وتدعي لسلوى.

ايناس: دقت الباب تتبادى على هدى.

هدى: بثياب الصلاه بتدعي، سمعت الباب، مسحت وشها ، وفتحت.

ايناس: ياعقي ي اختي الساعه عشر مابتصلي؟

هدى: ادعي لسلوى ،اليوم عتفعل عمليه .

ايناس: يوو خيرر، عمليه مه!

هدى: هي مشي داريه مافيها، قالوا لها فيها تلف ف الاعصاب .

ايناس: مالش فجعتيني مافيها؟ كانت بتقل لي عادي عتسير عند دكتور تتعاين.

هدى: طلع فيها ورم حميد، الله يقومها بالسلامه ويجبر جهالها وزوجها بعافيتها.

ايناس: امين يارب، انا شاخلي محمد يسير للجامع الكبير بعد صلاه الظهر، يدي حق ختمه دريس بنيه الشفاء.

هدى: الله يحفظش ي اختي ويجيرنا من كل بلا.

ايناس: امين، ويحفظ امه محمد.
.
.

بعد الظهر …
رشا: راجعه من المدرسه ، هي وزهور

احمد: فوق السياره بيطررق لهن، عرف زهور.

رشا: جحفه لهم ع قد قله حيا ،

زهور: انا اشتي ادرى لاطرق يعني عنطلع او ماهو !!

رشا: مدلازه، الله وكيلش.

احمد: فتح الطاقه ، ماااالكن ،اطلعين ساااعه بنداعي.

رشا: لفتت ، يو احمد .

زهور: هووو انت ، بنقل منو ذيه اللغجه .

احمد: اطلعي يالغجه انتي وهي ، عد اخطى لاعند خالتي.

رشا: طلعت هي وزهور ورا.

احمد: انا السواق حقش او مه ؟

رشا: فهمته وانحرجت، وبعدا كيف عرفتنا!

احمد: طلعتين ورا الثنتين ، حسيت نفسي تكس

زهور: ضحكت، هنيت لك والزبج هذا الساع ما اصتبحت تنفاش؟
.
.

امريكا/ المستشفى
يحيى: دكتور طمني؟؟

الدكتور : استأصلنا الورم وجزء بسيط من الدماغ.

يحيى: دكتور، يعني في خطوره !

الدكتور: اشر بيده مش عارف،.

يحيى: دكتور كيف استأصلتوا جزء من الدماغ ؟

الدكتور: الورم حجمه كبير، وكي لايعود اضطررنا لاستئصال جذوره اللي كانت متصله بالدماغ بحيث مايرجع مره اخرى.

يحيى: ايش الاعراض اللي ممكن تاثر عليها ؟

الدكتور: سنتكلم لاحقا والان اعتذر منك لدي عمليه اخرى.
.
.

في اليمن ،،(فوق سياره احمد)
احمد: زهور شكلها الطحطوحه..

رشا: للمه ؟ وانا ابسرتني غبيه او مه؟

احمد: مدري شكلها هكذا.. هيا وادعين خالتي للباب احاكيهم.

رشا: ادخل ..

احمد: جاااااوع ماعتغدونا ..

زهور: الحاصل انت وحظك يمكن امي فاعلين سوسي يمكن بريك يمكن بنت صحن او سلته بطاطه.

احمد: ساااابر، حتى مندي هههه.
.
.

ثاني يوم ….امريكا ..
سلوى في العنايه المركزه،، بدات تفتح عيونها ..

سلا: لابسه لباس المستشفى الازرق الخاص ب المرافقين ،،، ماما بتسمعوووني؟؟

سما:اذا بتسمعونا ، حركوا يدكم ..

سلوى: رفعت اصبعها..ولانها تحت اجهزه التنفس الصناعي ماقدرت تتحاكى..

يحيى: الحمدلله على سلامتش..هيا عتفعلي لي غداء خاور الاكل من يدش..

سلوى: بتسمعهم وبتدمع ..

يحيى: يله شاروحكن تذاكرين وتغدين وانا ارجع

سلا: مع ابوها المذاكره.

يحيى: امش بخير وهنا ماعتفعلين لها شي ولابتستر تتحاكى روحين هيا جهزين الاده ..

سما: من له نفس يذاكر .

يحيى: بغير جنان لاتحرمين تعبكن، باقي لكن اسبوعين للاختبارات
.
.

في اليمن بيت ايناس.
ايناس: بتتصل .. محد بيرد.

محمد: يمكن مشغولين في المستشفى.

ايناس: شاعيد الاتصال بعدا .. قوم ذاكر باقي لك شهر ابسر المواد وابدأ فيهن

محمد: على الله ، شاخرج انا واحمد النادي وارجع

ايناس: انت اخبر بروحك ، تشتي مجمووع وتشتي منحه وتشتي تسافر ! بتجابره( وهي بتتصل لبيت سلوى)

محمد: ان شاءالله .

ايناس: الوو.. واخيرا

سما: من معي؟

ايناس: ها سلا والا سما؟

سما: يو خاله ايناس
ماعرفتكمش الصوت مش واضح .انا سما.

ايناس: ها كيف امش؟

سما: وصوتها مخنوق ، ف العنايه قوااا ادعوا لها ياخاله والله ان احنا ولاشي بدونهم.

ايناس: هيا بين اقل انش العاقله صلي ع النبي الحمدلله ، قامت بالسلامه اهم شي والعافيه دلا.

سما: على الله .

محمد: بيسمع سكته وبيلعب بالتسته حق المدكا

ايناس: بتتجابر ومركزه عليه بعد مادريت ب حبه هو وسلا وشافت الرساله.

.
.

في العنايه …
سلوى بعدوا لها قصبه التنفس،،

يحيى: واخيرا فتحتي عيونش سوا نبسرش..

سلوى بصوت تاااعب وواطي مشحبه بعد القصبه: اين اختك.

يحيى: ماسمعتش..

سلوى: اختك كانت عندي مع ابي ..

يحيى: قرب يعسها لو محمومه،

سلوى:دهفت يده مالك ، لاتعسني ابي عيصيح يادكتور.

يحيى: افتجع و كانت جبهته تعرق ، مسح بالفاين وسار يدعي الممرضه..

الممرضه: لاتقلق ،المريضه اجرت عمليه في الدماغ وستتحسن ف القريب العاجل

يحيى: اين دكتورها؟

الممرضه : سيقوم بجوله على المرضى الساعه الثامنه صباحا.

يحيى: بيأس ،شكرا .

الممرضه: اعتذر ولكن يجب عليك مغادره العنايه المركزه، وسوف نتصل بك اذ اضطررنا لذلك.

يحيى: بعد ماحاول يقنعها يجلس ورفضت ، ضوى البيت وفي الطريق بيدمع على حاله سلوى .

في اليمن ..
ايمن: اتصل بهدى يتطمن على سلوى بعد ماقالت له .

بيت عمار..
ايناس: انت داري سلوى مرة يحيى، وقع لها ورم حميد في راسها وبعدوه.

عمار: لاحول ولاقوه الا بالله ، متى؟؟

ايناس : تعبت قبل شهرين ونص وذلحين تعاينت وقرروا لها العمليه وفعلتها.

عمار: الله يشفيها ويشفي كل مريض.

ايناس: امين وزد ف الغربه غبني على زوجها وجهالها.

محمد: بيذاكر هو وصاحبه في الديوان ..

رشا: زهور بتحسي حركات احمد ونظراته ؟.

زهور: ايووه قوووي ولما تتكلمي يرد ويزبج .

رشا: يعني حتى انتي والكل ركزتي؟ كنت اقل بيتخايل لي.

زهور: هيا بس مجابره ،ذاكري

رشا: هنيت لش كيف بيجي لش نفس.

زهور: نفسي ادرس طب وافتح عياده.

رشا: هنيت لش طب مه ؟ عتجلسي تقري عمرش كله !!

زهور: ضحكككت ، مع اشتي طب اسنان اخف شويه.

رشا: الله يعينش بس تصبحي على خير شارقد لي .
.
.

امريكا ..
يحيى: وصل البيت طرح مفتاح السياره في الماسه وجلس فوق الكنبه ورزح راسه لورا.

سما: بابا كيف امي ذلحين؟

يحيى: تاعبه شويه
يمكن مع التخدير بتربش.

سلا: كيف بتربش ، اقوم اجهز لكم اكل؟

يحيى: مع مشتيش شي، شاخطى ارقد شويه عسب لو اتصلوا بي.. وقام لغرفته.

سلا: جلست تبكي..

سما: خلاص ندعي لهم مايفيدش البكاء

سلا: ياااارب اشفيهم لنا وردهم بالسلامه .

.
.

بعد اسبوع.. في المستشفى..
الدكتور: سبب عدم التركيز في الكلام ، الورم انتشر لاعصاب الذاكره ، وعندما استئصلناه اثر على مراكز الاعصاب ولكن مع الوقت ستعود على ماكانت عليه.

يحيى: بعد كم تقريبا؟

الدكتور : لا اعلم بالتحديد ، والان تستطيع المغادره والتزامها بالراحه ، والمتابعه كل 6 اشهر .

يحيى: شكرا لك

سما: في غرفه سلوى بترفع الملابس وترتب الشنطه يضووا البيت بعد ماسمح لها الدكتور ..

سلوى: يابنتي وين عتسافري؟

سما: ياماما عنروح البيت.

سلوى: تمام .. وغمضت نوم بسبب تاثير المهدئات.

يحيى بنظرة حسره: لاحول ولاقوه الا بالله بس ،يارب لك الحمد والشكررر، عترجع احسن باذن الله

سما: صدددق! ماقال الدكتور ماما عيرجعوا يعرفونا؟

يحيى: ان شاااءالله اهم شي تنتبهين لها وتدعين لها.

سما: بكيت،، يااارب تعبنا بدونهم والله ..كانوا كل شي . مش متخيله كيف قدهم.

يحيى: نحمد الله انه قدر ولطف به ناس اخس مننا ، ماما عتتباخر وترجع افضل ان شاء الله.

سلا: تمت تفعل الغداء وذكرت انه بقي لامتحانها قليل وتتم وتنخطب . (لو اتصل لمحمد واحاكيه واقله بابا وافقوا وغصب عني لايغثى مني)..يارب ادي لي علامه لو هو موجود اتصل به .

سمعت التلفون رن ..
……: الو، السلام عليكم ، ؟

سلا: وعليكم السلام.

……: الحمدلله على سلامه خالتي.

سلا: محمددددد! الله يسلمك.كيف انت؟

محمد: ليش ماعرفتينيش؟

سلا: ماشي ، مالصوتك متغير!

محمد: صوتي متغير ؟هههه قد محمد متغير بكله جت على صوتي !

سلا: دريت قصده وبتسمع سكته .

محمد: كيف خالتي الان ؟

سلا: انت داري..

محمد: غمض عينه وتنهد ( ياالله ياااااسلا كم وحشتني انت داري ) وكلامش وصوتش وضحكتش وحشتيني.

سلا: والله اني بين احاكي نفسي اتصل بك وقلت يارب ادي لي علامه لو اتصل انك تجاوب اتصلت انت.

محمد: جاااالسه هبالتش من صغرش لو تشتي شي تقلي يارب ادي لي علامه.

سلا: عاد انت ذاكر كل شي.

محمد: كل شي واكثر شي وحشني فيش الفدغه(غمازه خد).

سلا: ضحكتني وانا ماشتيش اضحك..محمد انا ماشتيش وابي موافقين.

محمد: سلا ماعد بش بيدنا شي ولو الله كاتبنا لبعض عنكون لبعض والان انسي كل شي ونهتم بالامتحانات وبس .

سلا: ايش من امتحانات واين جنان، تعب امي وموضوع الخطبه ، وانا ضاااااايعه تاااعبه ،

محمد: مش اكثر مني بس بإذن الله ، ربي عيخلينا لبعض وعتوقعي من نصيبي واذكرش.

سلا: خزيت،ان شاءالله خيرر.

محمد: ممكن اطلب من حبيبي طلب ؟

سلا بخزا: اسمي سلا مش حبيبي.

محمد: هااااا ماقلتي !

سلا: اسمي سلا ..

محمد: الثانيه …

سلا: قصدك حبيبي .

محمد: حبيبي وووروحي انتي ، كل كلمه بتقليها وكانها قاموس ولازم احفظه ، هذا مااعتقدش حب ، اعتقد انش كل حاجه افكاري ومشاعري واقلش يااااارب يخلينا لبعض.

سلا: امين ولايفرقنا عن بعض..

محمد: ام… قطع الاتصال.

سلا: ماسكه التلفون ، مراعيه يتصل،

محمد: كمل الكرت ، مراعي جنب التلفون لو عتتصل هي.

سلا: الظاهر نجح الكرت عليه ، رفعت السماعه تتصل ، وصلت السياره وابوها طرق غلقت التلفون وقامت ..

سما: نزلت ، وماسكه الاكياس،

يحيى: نزل الكرسي المتحرك وطرح سلوى فوقه ودخلت..

سلا: يو جعلي مكسر عليهم ، خرجوا بارجلهم ورجعوا بكرسي.

يحيى: مابش فيها شي عتخطى بس لانها مابتاكلش جسمها ضعيف خايفين تدوخ وتستوجع العمليه .

سلا: ماما نورتوا البيت ؟

سلوى: اين بيت حق صنعاء ؟

سما: احنا قد احنا في امريكا نسيتوا؟

سلوى: انتي اسكتي ياشريره .

سما عينها امتلت دموع.

سلا: بهررت لسما تسكت .

بعد اياااااام
بيت عمار…
زهور: اخيرااااا تمينا الاختباراااات ..

رشا: مش اني مصدقه اليوم اخر يوم.

زهور: ياهمتاه ثالث ثانوي السنه اللي عتجي.

رشا: اهجعي مش وقتش قد بتهم ثالث ثانوي .

زهور: الحجه عند التفرطه حقش ، هذا همش.

رشا: ايووه ادور لي اين اسيررر .

زهور: اسير اررررقد اعوض السهررر.

هدى: ياسر ابسرت لك بنيه ماشاءالله صدق قوا تيه المره لاتكسفني.

ياسر: اللي تشوفيه وتشتيه.

هدى: الله يفرحك مثل مافرحتني.

ياسر: امين يمه
.
.

امريكا..
سلا: بابا ، ماما يعرفوا بعض اشياء وبعضها نسيووا وطبعهم تغير.

يحيى: ولاتقلقين عتتباخر باذن الله.. اديت ممرضه تنتبه لها في البيت وانتين معاكن اسبوع تذاكرين .

.
.

بعد اسبوعين …
ايناس اتصلت تتطمن على سلوى.

سلا وصلت هي وسما من الاختبار وبيسمعين التلفون بيرن.

سما حملت تجاوب: الو ..وعليكم السلام

ايناس: كيف انتين وامش كيف هي.

سما: الحمدلله وامي على الله ساعه يحاكونا عادي وساعه يربشووا الله يحفظهم.

ايناس: خليها تحاكيني فاااقده لصوتها.

سما : حاضر لحظه،رفعت السماعه اللاسلكيه من الجهاز ودخلت لسلوى.

سلوى: ممدده والممرضه جنبها بتفعل تمارين ليدها اليمين جهه الورم.

سما للممرضه : ممكن دقيقه.

الممرضه: فلتت يدها،

سما: ماما خاله ايناس يشتوا يحاكوكم.
سلوى لسانها ثقلت بعد العمليه: اناااس، كيف انتي وخواتش كيفهن.

ايناس: يو انا فدالش جعلي خير عليش صدق وبكيت.

محمد وصل من خارج ، بيجرس الباب..

زهور خرجت من المطبخ تفتح له.

سلوى: ليش ماتجي تبسريني ، تاعبه.

ايناس بتبكي: ريت والله ومن هو عندش وماقدرت تتكلم من البكاء.

محمد: شاف امه افتجع ، حمل لاعندها مالكم

ايناس: اشرت له بيدها يصبرر، سلوى ؟

سما: طرحوا السماعه بيتعبووا من المجابره لان اتاثرت الاحبال الصوتيه في العمليه.

ايناس: وانتين كيف بتفعلين ثانويه ومابش حد معاكن

سما: لاتقلقوش ، بابا الله يحفظهم ادوا ممرضه واحنا والكل عند ماما مابنفلتهمش والله يشفيهم يارب

ايناس: جبرني بالعاقلات وهي بتبسر محمد،وين جت سلا احاكيها.

محمد: كان ممدد قبال التلفزيون سمع سلا ولف عيونه على جنب.

سلا: الو خاله ، كيف انتوا

ايناس: الحمدلله ياروحي كيف انتين والاختبارات

سلا: الحمدلله ، كيف انتوا ورشا وزهور

ايناس: الحمدلله ، اسمعيني اوبهين لامكن ولو تحاكي ابوش ان انتوا ترجعوا لليمن بعد الاختبارات عسب امش تفتهن شويه ونعانيها ، تعب عليكن وحدكن انا فدالكن…قطع الخط.

محمد: قام، مالكم غلقتوا ؟

ايناس: نجح الكرت.

محمد: ها الان اسير ادي واحد

ايناس: مابش داعي قد حاكيتها وذاحينه يومين واتصل نبسر عمك يحيى لاهم عيرجعوا

محمد:( نسسي نفسه ) يااااارب يوافق.

ايناس بمعراصه: وانت مالك هكذا فاررح .

محمد انحرررج: هاا عسب حالي يرجعوا تعودنا عليهم وخالد.

ايناس: رفعت راسها هاااا خالد ، هيا يا روح امك مامعك غدوه تختبر؟

محمد: اخررررررر مااااااده خلااااااص ماعد بش دحس.

ايناس: عاد سلا وسما ماقد تمينش..
.
.

امريكا…

يحيى دخل، وطرح اكياس المصاريف.

سما جت تشلهن من يده.

يحيى: كيف امش اليوم؟

سما: الحمدلله بس بيعصبووا قوي

يحيى: سهل

سلا: يابابا اتصلوا خاله ايناس بيسالوا ع ماما وقالوا لو نرجع اليمن بعد الاختبارات

يحيى: والله اني بين افكر هكذا بس عتقرح عليكم القرين كارد لو تسافروا

سما: طز في كل شي اهم شي امي.

يحيى: خلاص شاحاكي صلاح اليوم، قربين غداء سريع شتغدى وارجع معي عمل خيرات.

سلا: تمام ، كان معنا اختبار مافعلنا غير رز وشبس

يحيى: اي شي لاتهمين اهم شي ذاكرين.

سلوى: بتصلي وهي ممدده .

سلا: انا مستغربه انهم صلاتهم مانسيوهاش ودارين بوقتها .

يحيى: الله يحفظها وينجيها يارب ويفرح قلبنا بها.

سما: امين يارب.

بعد العصر في المكتب

صلاح: كيف ام خالد ان شاءالله اشكل .

يحيى: الحمدلله، بس والله ي اخي كل يوم اقوم ابسر رجعت طبيعي؟ ويعلم الله ترجع تتذكر او لا، حياتنا اقتلبت فوق وتحت.

صلاح : اذكر الله وتوكل عليه

يحيى: والنعم بالله ، الحمدلله على كل حال.

صلاح: ولا تقلق عترجع ساع اول باذن الله

يحيى: بين افكر لو ترجع اليمن عند اهلها وحارتها يمكن ترجع تتذكر

صلاح: انا معك في تيه بس المشكله من عيتابع حالتها ، قدي على الدكتور حقها.

يحيى: شابسرر لو عيسمح لنا .
.
.

في اليمن – صنعاء
محمد بيذاكر

زهور فتحت باب الغرفه ودخلت

محمد: خير

زهور: افعلك شاهي؟

محمد: مع خاور بن قوا

زهور: بعيني ، ابسر كيف حاسه بك.

محمد: بالمذاكره بس والباقي ماعالم به الا الله.

زهور: انت رجال تستر تفعل كل شي ليش ماتتصل لعمي يحيى سكته بدون محد يدرى

محمد: مااالش ياسكته مااقلهم بغير جنااان ؟؟

زهور: اصه اسمع اول انت حسك عند سلا، انا اقصد تطلبهم يرسلوا لك فيزه تسير تقرا.

محمد: مدري صعب ماشتيش احرجهم.

زهور : انت اخبر يلا اسير افعلك بن.

في الحاره ولاد …
ايناس: بتجابر فاطمه على سلوى

فاطمه: دمعت ، يو جعلي مكسر عليها وعلى الجهال كيف عيوقع بهم، الله يشفيها ولا وجع لهم قلب.

هدى: والله اني بين ادعي ليل نهار يرجعوا امد ماتتباخر.

ايناس: قد حاكيت بنتها شاروح اتصلهم ابسر ماقال اخي يحيى.

هدى: باذن الله يوافق وتتسهل جيتها

ايناس: لاغيبها صدددق والله انها كانت حياه ف الحاره .

فاطمه: خيرة الله، ما اضعف بني ادم.الله يرحمنا برحمته.
.
.

محمد: يا اخي اخيرااا تمينا الله يسترر على النتيجه.

زيد: انت زدت علينا ثالث ثانوي زريت الدراسه.

محمد: يا اخي اشتي اتخارج اسافر منحه.

زيد: مارايك نسجل معهد انجليزي ضخم لو تفوقت يرسلوك امريكا منحه.

محمد: ضرب كتفه قلدك الله !

زيد: صاحبي دخل معهم بمنظمات ورسلوه.

محمد: مارايك غدوه نسير؟

زيد: ان شاءالله .
.
.

هدى: امس بسرت واحده في الولاد عجبتني بس قلت اسالك مافي نفسك.

ياسر: اللي في نفسي معدوم .. بتعجزوا تلقوه فاخطبوا لي واحده على ذوقكم اهم شي محترمه.

هدى: ماهذا اكيد بس مافي نفسك طويله قصيره بيضا سمراء ؟

ياسر: الله يحفظك ، ماشتيش اتعشم وتطلع دحباش اللي تشوفيها مناسبه .
.
.

ايناس: عمار شاخلي محمد يشلني عند اروى

عمار: تمام

ايناس: يعلم الله كيف اختبر .

عمار: على الله ماشي يعيد السنه

ايناس: مع ان شاءالله عينجح.

عمار: يلا خاطرش شاسير عند الخبره.

ايناس: الله معك .
.
.

في الحاره

واقفه جنب الطاقه حق بيت فاطمه من خارج زاقمه (متمسكه) بالحديد الشبك حق الطاقه.

هدى: فااااطمه ، ياااي يا اهل البيت اين جيتوا.

فاطمه : سمعت المداعاه قربت للطاقه بتتشاقر من قفا البرده اختي هدى مالش ماتدخلي؟

هدى: اشتي اسير السوق عتجي معي؟

فاطمه: هيا ادخلي امد ما اركع العصر ونخطى.

هدى: فتحت الباب كان مردود ودخلت .
.
.

في امريكا ..
الليل فوق السياره جنب البيت.

صلاح: انت داري السرطان يشتي له نفسيه حاليه يتشافى بساعته لو نخطب للجهال وتفرح امهن يمكن تتحسن نفسيتها ؟

يحيى: قلت لو نأجل الموضوع لوما تتباخر؟

صلاح: اين المشكله هي خطبه مش عرس واحنا مش مستعجلين على الزواج .

يحيى: والله

صلاح: اخي قل لي لاتنحرج انت موافق او مع ؟؟؟

.

داخل البيت ..
سلوى : ممدده بتتفرج التلفزيون.

سلا: بتذاكر هي وسما ..

خالد: بيحانكهن تميييت قبلكن يامسكينات.
.
.

اليمن صنعاء
محمد : وصل البيت

ايناس: مالك تاخرت اقلقتنا يا ابني.

محمد: تمينا الاختبار وسرنا احنا والخبره نتغدى وضويت ارقد ونخرج نبسر معهد.

ايناس: قوا وصلني بعدا اخرج.

محمد: حب يدها من عيني هيا البسوا

ايناس: الله يحفظك ويرضى عليك يوصلني لوما افرح بك.

محمد: برطم فمه ، امين ، وطى صوته( بسلا يارب)
.
.

اروى اتصلت لايناس بتبكي ماتوا امي حنجا عنسير بيتنا

ايناس: يوو ، الله يرحمهم ،.. دخلت غسلت وشها .

زهور: يو مالكم ؟

ايناس: يوو الله يرحمهم .امي حنجا (الجده الكبرى) ماتوا

زهور: الله يرحمهم .

رشا: الله يرحمهم كانوا ماعدهم دارين بشي .

محمد: خرج من المكان(الغرفه) مالكم من مات.

زهور: امي حنجا

محمد: الله يرحمهم ومالكم غاثين يفتهنوا كان قدهم تاعبين قوي.

زهور: تذكروا لوما كانوا يجوا بيتنا واحنا صغار وسما وسلا هنا..

رشا: يوو كيف كانت تحانكهم وتقلهم هااا ماسمعتشششش مابتقلوووا .

محمد: الله يرحمهم كانوا يدعوها صياد.

ايناس: هيا عنجابر هنا او مه قومين البسين .

محمد: وانا شاجي معاكم اكوي الزنه يارشا .

امريكا ..
يحيى: الوو.. حياك اخي والله اني فكرت وقررت صحه سلوى اهم ولو ترجع الان اخاف اعراض العمليه او تتاثر قد عنجلس هنا .

صلاح: ايوه وهذا شووور وكما قد عنزوجهم عتكون طلعت القرين كارد نسير نزوجهم ونرجع براحتنا..

يحيى: يبقى اتفقنا على بركه الله

صلاح: الله يتمها على خير.

يحيى: سلوى عيخطبوا سلا وسما.

سلوى: بصوت تاااعب وبثقل لسان، من خواتي الحمدلله .. الله يستر عليهن وعلى جهالهن.

يحيى: هز راسه لاحول ولاقوة الا بالله .

قام لاعند غرفه البنات

سلا بتمشط شعرها..

سما: ياشوعه شعرش اطول مني .

سلا: خرجت لسانها تحانكها وهي قبال المرايه.

سما: جالسه تتخيبل بوشها وتتحيوول وضحكين

يحيى: دق وفتح الباب ..ضحكك على منظر سما مابتفعلي؟؟

سما: مابش مذاكره قمنا نجنن.

يحيى: تشتين تفرحين امكن

سلا: ياااريت مانفعل لهم.

يحيى: قد حاكيت صلاح اني موافق ..

سلا: نكعت الفررشه للارض وطت تديها وهي تبسرر سما في المرايه والتفتت.

يحيى: مالكن مبصمات ياسعم موافقات بخزا ؟

سما: كيف نفرحهم وهم مش هم داريين من احنا.

يحيى: عتدرى سمعتين بنفسكن
مرضى السرطان يشتوا اهتمام .

سلا: بس هو ورم حميد وبعدوه وماما مش هم ذاكرين شي ومالناش نفس نفررح.

يحيى: وانا مش ضامن عمري وامكن تاعبه ومعي اخوه جن ، اشتي اركن عليكن بيت ازواجكن.

سما: ياباباا.

يحيى: خلاص غنج مافينيش للبزا تااااعب وشاخطى ارقد تصبحين على خير.

سلا بتتفرج لسمااا سكته.

سما: ابسرتها وامتدت على وشها فوق السرير..

سلا جلست مقعيه(مفهيه) مصدومه .

سما: انتبزت من فوق السرير ، تمام وافقوا لكن قسما بالله لاوريش كيف نفعل ونطايرهم لاتغثي ولا .

سلا: سما وافقي انتي قووا بس وانا مع.

سما: بس انا مشتيش هذا مغرور .

سلا: عاد هي عتتخور

سما: ابسري انتي عد افعل لش اي شي يفركش عتبسري لاتغثي ولا وعنحاكي زهور ورشا يكلمين محمد هي الا خطبه.
.
.

مرة صلاح(ساره): ايوه وافقوا .. عد اخرج ابسر لكم شنط الخطوبه ..

رشاد: تمام .

ساره: عنبسر والكل الذهب.

رشاد: المهم واي حين نطلع ؟

ساره: للمه او عيخطبوكم ماتجي تفعل قد ابوك اتحاكى.

رشاد: معي هنا صاحب خطب وفعلوا حفله ودخل يلبس خطيبته.

ساره: هاا، مااعتقدش يرضين البنات امهن تاعبه وبعد عمليه.

رشاد: نشتي نبسرهن.

ساره: بس ليوكه ،قد ابسرتوهن

عبدالعزيز: هزر التلفون من يد رشاد، ابسرناهن بس توأم اين هي خطيبتي واين خطيبه رشاد.

ساره: ضحكت ، انا اخترت لكم ع طباعكم سما لرشاد وانت سلا هادئه مثلك.

عبدالعزيز: قلدكم الله تبسروا لي الاحسن.

رشاد: هزر التلفون ، حسستوني انه بخت نبخت نشتي نبسرهن .

ساره: شاحاكي ابوك ونبسر ماعيقلوا.
.
.

في اليمن – صنعاء
ايناس: الو .. عمار ماعد شاسير بيت اروى.

عمار عند المخزنين :بصوت واطي خير ؟؟؟مابه ؟؟

ايناس بتبكي…

عمار: قام وخرج من جنب الخبره، مالش بتبكي قلقتيني؟

ايناس: جدتي ماتوا

عمار: يو الله يرحمهم ، عظم الله لنا الاجر ، يلا تمام سيري وانا عد الحق نبسر ايحين يقبروا

ايناس: غلقت السماعه،،

محمد: هيااا لبستووا؟

زهور: ماما عنمسي هانك؟

ايناس: انا ايوه انتين شابسر

رشا: ناهي عنشل لده احتياط لامسينا.
.
.

هدى خرجت هي وفاطمه السوق

فاطمه: مامعش ؟

هدى: قلت نبسر الذهب والاقمشه بكم وكيف

فاطمه: ليش ؟ قد.عتخطبي لابنش

هدى: ايوه ، وخرجتش اسالش ، ابسرتي امس في الولاد تيك اللي كانت تقرب طويله ولابسه فوطه سوداء وبلوزه بيج.

فاطمه: مااذكرش.

هدى: شعرها طويل كانت فاعله ظفيره. عيونها صغار وبيضاء

فاطمه : هاا قصددش اماني بنت اختي امه الرحمن.

هدى: هاا هي بنت امه الرحمن تخايلتها بنت اختي تقوى.

فاطمه: تقوى خالتها .. الصدق البنت حميش وقمر بس مااعرفهاش قوي.

هدى: عنزيد نسير تيه اليومتين الولاد ونبسرها.

فاطمه: الله يستخير لكم مافيه الخير.

هدى: امين .
.
.

في امريكا ..
سلا جالسه مطننه جنب الطاقه وطارحه يدها وسط شعرها ومتكيه على يدها..

سما: لاتراعيش ماعيجيش

سلا: التفتت لها ، ياريت واحنا نسافر..

الباب بيررن

سما: راعي الباب من عيجي؟ ابي في العمل هذا الساع ؟

سلا: مدري

سما: من ؟؟

سلا: يوووف جحفه عمتش.

سما: باستغراب من عمتي؟

سلا: جي افتحي انتي لابسه اسير البس والحقش.

سما: تمام ،، قربت للباب فتحت .

ساره: وين انتوا قلت لو راقدين؟

سما: مع كنا في الغرفه ماسمعناش.

ساره: حيا بخطيبه ابني كيف القمريه

سما بخزا: الحمدلله وابتسمت لها، ادخلوا

ساره: جيت ابسر امش كيف هي؟

سما: الحمدلله ، ادخلوا اتفضلوا..

ساره: بتخطى للمجلس .اين اختش؟

سما: هوذا عتجي، وبتعوج فمها من قفا ساره .

سلا: خرجت على هباله سما من قفا ساره ضحكت

ساره: حياا بالقمريه الثانيه.

سلا: بدون ابتسامه ،سلمت عليها .وجلست بعيد منها.

ساره: اقربي هنا نبسرش،جبرني بالخازيه.

سلا ابتسمت غصب وقربت شووويه.

ساره: اين سلوى ادخل والا قد بتخطى.

سما: ايوه بيخطوا بس يستندوا علينا مابيتوازنوش.
.
.

في اليمن صنعاء..
محمد: لف للحاره حق بيت سيده(جده). هووذا احمد ها في الباب.

ايناس: يله انزل ولوما قدك ضاووي حاكيني لو خواتك عيضوين معك.

محمد: تمام حاضر.

ايناس: فتحت الباب ونزلت..

احمد: ابسرهم ، فتح الباب السياره ونزل ، بيغلق الباب وبيبسر رشا نزلت رجل من السياره.

رشا: نزلت رجلها ومشيت لاقدام وبيدها ردت الباب والخنه حق اللثمه حنبت في السياره وغلقت عليها.

احمد: لمحها ، انتبهي..

رشا: اهتزرت لاورا وافتكت اللثمه ، غطت بسررعه بالطرحه وهزرت اللثمه ودخلت.

محمد: ضحكككك على شكلها.

احمد: بهرر لها واشر لها براسه للباب تدخل ، لفت لمحمد مايجغررك ياضحكه عادو بيضحك؟؟

محمد: يا اخي بين ارحمهن ساع بات مان بيطيرين .

احمد: ضحك..

رشا: شافته وقلبت عيونها زعلت ودخلت.

زهور: قلنااالكم نبرد لنا من السلحبه باللثمه تيه من التبداع قالوا مع .
.
.

في السوق
هدى: مارايش تيه الزنه حاليه اخليه يقطع
ثنتين للجدات .

فاطمه: مادراش يوافقوا او مع قد عتقطعي!

هدى: اجهز الشنطه واطرحها هااانك لايصرف الزلط كما ياسر خادم.

فاطمه: حاليات مالهن شي اول اسالي بكم لايزيد عليش.

هدى: انتي داريه كان نفس ياسر في سما بس وين سما ووينه.

فاطمه: امانه انهن بنات مابش ساااعهن.

هدى:يله الله يستر عليهن ويسخرلهن عيال الحلال ويتمها لهن على خير.
.
.

بيت الموت ..الجيران كلهم دريوا وساروا ..

ايناس: دخلت ابسرت جدتها وبكيت ..

اروى: بتطبطب على امها ..

رشا: يوو حنان جت

زهور: ايوه جبرها ابسري قد كبرت بطنها.

حنان: دخلت وبتسلم وابسرتهن بيبكين بكيت ..

رشا: خلاص الله يرحمهم ماعد تبكيش فوتحوا..

زهور: امين ومسحت وشها .
.
.

احمد: اي حين عنقبرهم ياخال؟

خال احمد: الظهر غدوه احسن ذلحين يغسلوهم وندرس لهم.
.
.

امريكا..
سلا دخلت لبست امها وخرجتها .

ساره: الحمدلله على سلامتش.

سلوى: الحمدلله.. من تيه .

سلا: ماما خاله ساره.

ساره: جبرش صدق قد شاوقع عمتكن ان شاءالله.

سلوى: ان شاء الله.

سما: ما تيه عرفوا يجاوبوها، وقامت المطبخ.

سلا جالسه وضااابحه

ساره: لاتغثين ولا ، سلوى ابسرتي بناتش عينخطبين.

سلوى: هزت راسها.

سما: قربت العصير ..

ساره: اسلمي لاتتعبي نفسش

سما: مابش تعب

ساره: مالسلا ساكته كيف كانت الاختبارات؟

سلا: الحمدلله .

ساره: سلوى، مارأيش نفعل للبنات حفله؟

سما: حفله مه؟ ماقد طلعين النتايج

ساره: مع للخطوبه

سلا: يوو مع وماما تاعبين مش ضروري

ساره: فرحين امكن.

سما: ماعيفرحوش لانهم مش داريين بينسووا

ساره: كان تفرحين انتين

سلا: مابش فرحه الا لوما يتباخروا امي

ساره: شافتهن مصممات سكتت.
.
.

في المكتب
صلاح: بإذن الله الجمعه احنا عندكم .

يحيى: اهلا وسهلا حياكم الله .

صلاح: الله يحفظك ويبارك فيك .
.
.

في صنعاء
هدى: وصلت البيت وطرحت الاكياس ودخلت تصلي مغرب

ياسر وصل ..

هدى: مسرع روحت بدري؟

ياسر: تميت عملي ورجعت.

هدى: هيا راعي اصلي واجي اجابرك

ياسر: وانا شاسير الجامع وارجع.
.
.

امريكا..
ساره: بتجابرهن
ماشاءالله طولكن سوا ..

سما: ايوه توأم .

ساره: انا داريه بس اسكه اوقفين اقايس الطول

سلا: ابسرت لسما واستغربت

سما: ابسرتها ووقفت.

ساره: وقفت في الوسط جنبهن..هاا اطول مني ماشاءالله جبركن .

سلا جلست .

ساره: جلست ، كم مقاسكن ؟

سما: مقاس ماهو؟

ساره: عزكن الله الصنادل .

سلا مستغربه: ساكته.

سما: ضحكت،،

ساره: مالكن مش داريات؟ انا بين البس 38

سما:انا وسلا سوا 39

سلا ابسررت لسما ببهرره.

ساره: جالسه بتتفرج للبيت، من بينظف ويطبخ؟

سما ابسرت لسلا بنص عين

سلا: احنا

سما: سلا ماتعرفش تطبخ ولا شي، بين انظف واكنس انا.

سلا ضحككت بدون ماتحس دريت بقصد سما.

ساره: لفتت لسما! صددق ياسلا؟

سما: بهررت لسلا.

سلا: انا بين اضبح من المطبخ وسما مالها شي ماتستر تفعل الا رز وشبس.

ساره: يو سهل عتتعلمين ، انا مابش معي بنات بس سهل شاعلمكن .

سما ابتسسسمت بدون نفس .

ساره: وقفت ،كان يله خاطركن والله يقل عثرتش ياسلوى

سلوى: امين .

سما: اجلسوا شويه ..

ساره مع شرق عليا شاروح

سلا: هاا الله يعينكم ، الله معاكم.

سما: قحصت فمها (ياسعم عيب).

ساره: لو تحتاجين شي اتصلين تمام ؟

سما: تسلموا ياخاله

ساره: هههه خاله خاله منكن عسل .

سلا: واقفه قفا ساره عوجت فمها ع جنب.
.
.

ثاني يوم …الظهر
بيت سيد ايناس…
اروى: بتفتح بنات الصحن ..

رشا: بتزحوق هي وزهور للشفوت

حنان: جالسه جنب امها تفتح بنات الصحن ..

ايناس: واقفه هي ومرت خالها على الغداء ..

احمد: بيداعي ..

حنان: تشتي تقووم

اروى: اجلسي عتبسرره واحده من بنات خالتش

رشا: غسلت يدها، شاسير اجاوب وفتحت المصر فوق راسها وسبرته وغطت رقبتها ، ونزلت الفوطه كانت محمشه لها.

احمد: ها رشا وين امي

رشا بزعل: بيفتحوا بنات الصحن قالوا ابسر ماتشتي

احمد: مالش غاثيه؟ الله يرحمهم افتهنوا قد قوا لهم لاذاحين استحملوا التعب..

رشا: الله يرحمهم بس زاعله منك لوما ضحكت عليا

احمد: ضحكك اصلا شكلش يضحك وخفت حد يبسرش

رشا: ليش ؟

احمد: بين اغير عليش

رشا: وطت راسها خزيت

احمد: شكلش حالي وانتي غاثيه وخازيه محمره

رشا: هو من المطبخ والتناوير

احمد: حميششش مافعلتي انتي اكل من يدش

رشا: ضحكت الشفووت

احمد: يووو مايخارجش لكن شاكله ههههه

رشا ضحكت

احمد: ابسري محلاش بتضحكي..بس مش لايق لش الاسود

رشا: هيااا عنلغج ساعه .. معي عمل ماتشتي؟

احمد: اساليهم اي حين عيقربوا ؟

رشا: راعي ..دخلت للمطبخ تسالهن..

اروى: قلي لهم الساعه1 وهو جاهز

رشا: حاضر وخرجت للحجره ، قالوا الساعه واحده.

احمد: تمام، وقرب شوويه قال لها لاتزعلي مني والله اني بين احنجش قوووويه.

خال احمد: الله الله

رشا: يلا خاطرك معي عمل..

احمد: عتغسلي لي القات

رشا: ابتسمت، ناهي اديه

احمد: خرجه من جيب الكوت وناولها

رشا: مسكت الكيس .

احمد: فديت الايادي تسلمي لي.

رشا: خزيت وشلته وخطيت للمطبخ

اروى: هذا احمد قدو وقته يدحسسس

رشا: ضحكت يشتي نغسله القات وبيسال اي حين نقرب

اروى: قلت لكن قدني داريه مامعي ..

حنان: تستاااهل حظهاا هي والقات حقه .

ايناس: سهل مافيها اغسلي له القات

رشا: تمام حاضرر ..

بعد الغداء والرفاع غسولين البيت ملاااان .

اروى مسكت رشا عتجي معي نسير البيت ، اصلي وابدل هنا ماسترتش زحمه .

رشا: هيا تمام وانا والكل اشتي اصلي واتحمم .

اروى: البسي البالطو نخطى قبل محد يبسرنا..

رشا: حاضر عد اكلم ماما واجي.

اروى: بساعتش لحد يسمع وحاكي حنان وانا اسير ابسر احمد قبل مايسيروا يجابروا..

فوق السياره ..
اروى: كيف الغداء ي احمد كفى الكل ؟

احمد: ايووه والشفوووت طعيم انتوا سبرتوه او مه؟

اروى: ضحكت مع والله اني رشا ماشاءالله عليها هي وزهور ..

رشا: خزيت ،قدو اكل امي وخاله سوا تعلمنا منهن

احمد: ساااابر ..

نزلو البيت واحمد دخل جلس ، تنهدددد اووف قد انا تاعب

اروى: سير صلي عصر بياذن؟

احمد: الان شاسير الجامع اصلي بساعتي واجي وانتين جاهزات .

اروى: تمام .

احمد: مد التلفون لاعند رشا، ها اشحني لي ذيه قوا.

رشا: تمام اين الشاحن؟

احمد: في غرفتي… تسلمي.

اروى: يله انا شاطلع المكان اصلي والبس ..
وانتي ادخلي مكان حنان صلي والبسي.

رشا: حاضر.

احمد: غمز لها وخرج وغلق الباب ..

رشا: ابتسمت وطلعت غرفته ..بتتبسرر لها لقيت الشاحن فوق التسريحه وشحنته وسارت مكان حنان ..

اروى في الحمام ..

رشا: تمت تتوضى للصلاه ولبست ثياب الصلاه بدات تركع ..

الباب بيددددق ..

اروى: بتداعي رشااا من الحمام ..

رشا: استغفررر الله قطعت الصلاه ، حاضر ياخاله شفتح ..نزززلت بسررعه دقت اصبعها الصغيرره ف الدرج..وفتحت الباب

احمد: دخل هيااا عادكن بتصلين اين امي

رشا: اوووو يارجلي، هوذك هم في الحمام.

احمد: مالرجلش وعليهاااا
او هن كبار بيزاحمينش.

رشا: ضحكت ، سامج بين احمل افتح لك ..

احمد: يووو فيني ولافيششش

رشا: عيسسس لو فيك تبطل تزبج.

احمد: والله تسخي عليا.

رشا: ايوووه ، يلا اطلع اصلي قطعت الصلاه وفتحت لك.

احمد: اللون الابيض لايق عليش قووي كيف عاد عتوقعي يوم العرس منوووره .

رشا: رفعت حواجبها قد انت بتخررف موت مش وقت.

احمد: رشا: فرررصه اقلش والله اني بين احبش قوي ولو عيخطبوا لي اشتيش انتي .

رشا: مسكت وشها مااالك بتجنن اليوم

احمد: مش اليوم مراعي لش بس تتمي القرايه واحلف يمين ماتدي خطوه لاجامعه ولاشي.

رشا: شلوووك مش وقتك ، فلتته وطلعت.

احمد: وادي تلفوني معش لوما تنزلي ..رفع صوته القاااات اليوم عسل مابش فيه تراب ..

رشا: من طالع سهل المره اللي عتجي شاغسله بتراب.

احمد: ضحككك.
.
.

يوم الجمعه ….
يحيى: رفعين البيت وقلين لي ما اشتري عيجي اليوم صلاح وخبره في العمل ونسوانهم..

سما: ليش؟

يحيى: والبسين سوا خطبتكن كيف ليش..

سلا تنهدددت وقامت للغرفه

يحيى: طنش وقام لاعند سلوى ..

سما: لحقت سلا للمكان ..
.
.

بيت صلاح …
ساره: صممتوا وجيتوا لكن ماعتبسروهنش

صلاح: سهل يجوا مايسبرش ..

ساره: هيا راعي ادوا الشنط يارشاد تبسروا حق الخطبه ..

صلاح: تمام مابش شي ناقص؟

ساره: هاا ابسرر فساتين لهن وامهن وصنادل وشنط وعطور ومكياج والذهب وساعه ودبل ومحابس وشكلاته

صلاح: مادراني وانا هذا عليش..

ساره: قد لبجت والله امد توقع شنطه سوا ولقيت هنديه بتبيع اقمشه جريت لهن ولامهن جنب الفساتين..

صلاح: ماشاءالله سااابر .

رشاد: ياسلااام هذا كله مابقيتوا للعرس

عبدالعزيز: مدري الظاهر عنجحف السوق

ساره: مع يكسوا هم احسن ، وبعدا له حلات.
.
.

بيت يحيى
سلا بتمسح التلفزيون والماسات

سما: غسولت وبتفعل كيك.

سلا: شلوش فارحه بهم افعلي لهم سم هاري.

سما: ياريت ههههه شلوش قد ابسرتي ماقلت لها

سلا: ايوه ضحكتيني، يوو ياسمااا لوتبسري داخلي ناااار.

سما: وعتحرقي بها ذاحين لو يجوا يسمعوش ابي قلت لش عنفركشها صبرش بس

سلا: همست بفمها وم ح م د.

سما: اشرت بيدها لفمها اوووص..

سلا: رجمت البخاخ حق المنظف للقاع والله انها حريق دم الله يفركشها من عنده

سما: ماعنلبس؟

سلا: لخطبتي بمحمد ؛ شالبس فستان وردي منفوووش وافعل تسريحه والبس وعيدي لي فل طوله للقاع ويلبسوني خاله ايناس الدبله… ودمعت

يحيى: بناااات يااااي سمااا

سما: هنيت لقلبي بكم كلكم ياخطبتي بجدتي

يحيى: تشتين اشلكن كوافير

سما: ضحكت جبركم مع مش هو عرس ولاحفله..

يحيى: ماناش داري بحقكن المناسبات الضروريه واللي مش ضروريه..

سما: مع هذا مابش حد لو احنا في اليمن انه سرنا

يحيى: خيرررة الله

سما: يله شاسير اتم عملي ماتشتوا شي

يحيى: ماشي لو به شي ناقص تحاكين

سما: ابسرت لامها ودمعت .. وخرجت من الغرفه

سلا : مايشتوا

سما: مسحت دموعها وضحكت يسرحوش لمحمد

سلا: ضحكت ودمعت وتحاضنين وبكيين.

سما: حاسه انه موت مش هي خطبه

سلا: لو احناا في صنعاء

سما: لاعد نوجع قلوبنا ماعتلبسي

سلا: بجامه والله ما البس الا بجامه

سما: سوا وانا معش اقل هي خطبه رجال يوو مادرانا ونتحيول لها تشل جهالها وتخرج

سلا ضحكت: ماعد مسليني في الغربه هذه الا انتي.
.
.

احمد: هياااا عتنزلوووا امااه وين انتوا ياااااي؟

اروى: ناهي جني يشلك انت والصوت ذيه نزلنا.

رشا: من طالع يله هوذا انا نازله

احمد: والتلفووون لاتنسيه.

رشا: نزلت ، ها مانسيتش

اروى: ابتسمت هيا اخطوا ها
.
.

ياسر: جاووووع

هدى: ماتغديت؟

ياسر: لا صلينا وقبرنا وماعد لحقت زحمه.

هدى: هيا جي اقرب لك ووصلني ع طريقك

ياسر: من عيووني، كيف خالتي سلوى.

هدى: الحمدلله باقي الا التوازن والنظر والذاكره ترجع شويه.

ياسر: الله يشفيها لو تجي هنا احسن لها هانك مابش اهتمام ..

هدى: على الله كلمت بناتها ومدري مازد ردوا

ياسر: يارب يوافقوا .

هدى: ان شاءالله. وان شاءالله غدوه شاكلم اهل البنت اللي قلت لك عليها.

ياسر: لاتستعجليش عادي

هدى: تمام ماشستعجلش لوما ابسرر خالتك عترجع او ماشي

ياسر: ايووه هكذا ،حب راسها انااا فدا للي يفهمنا.

هدى: ضحكت هيا اسير اجهز غداك والبس.

ياسر: برااااحتك يا نظر عيوني ..

هدى: الله يسعدك ويسخر لقلبك كل مافي نفسك .

سما لبست بنطلون جنز وبلوزه وردي فاااتح واخراص لول (حلق اذان) وفتحت شعرها وسحبت خصله من الجانب اليمين ومسكتها بورده وردي ، وفعلت مرطب شفايف .

سلا: ممدده وشعرها كله فوق وشها نفتخته وبسرت سما، ياخبلا بتتسبري عسب تعجب بش.

سما: مادخل اللبس وانتي صدقتي ياهبلا قوومي البسي لبسنا ومظهرنا لنا اما هم قد وافقووا

سلا وقفت: سماااا مالش قلبتي انا ماسكت الا راكنه عليش

سما: تمام مش باللبس عد افكرر في اشياء ثانيه انا الصدق ماكنت اشتي المغرور هذا بس سهل انا شاربيه لهم ..

سلا: نسيتي ياسر؟؟

سما: جلست فوق السرير وتنهدت مانسيته بس ياسر كان اعجاب بكلامه ومزحه وخفه دمه وجنانه وزقعه، بس نصيب وداريه مش احنا لبعض وماحبينا بعض كان اعجاب بس ، انتي بعتي قلبش لشكلاته ههههه

سلا ضحكت شلوووش: قلبي بيدق كله حب مش اعجاب ، محمد احبه من صغرنا عشنا سوا ، تخيلي كيف تحبي اخ حين تربيتوا سوا مابالش وهو حب جنب اخوه

سما: سلا قباني فديت مشاعرش الرهيفه ساع الورق قومي البسي امانه ، وكلي امرش لله.

سلا: نفسي احاكي محمد اسمع صوته فااااقده له وضحكته وحواجبه وحركاته .

سما: وانا نفسي احاكي عزرائيل امانه عيفعل فيني خير، قووووومي البسي جحفه كله عليا من الصبح وانتي بتتشيخطي صدقتي روحش الحجه عند المسلسلات.

سلا: اص لش لاصي ، ماعندش احساس امانه انكم تستاهلوا بعض نفس العينه انتي ورشاد.

سما: ناهي لش يازعكمه.
.
.

في اليمن …
احمد فوق السياره ابسر بقاله وقف.

اروى: اين عتسير؟

احمد: اشتري لي ماء.

اروى: اشتري لي لبان حربه )لبان نعنع( 😁

نزل يشتري له ماء.
احمد: وانتوا يا اختي رشا ماتشتوا

رشا: اجعلنا انا وحنان وزهور

احمد: رحمتها قلت خازيه وان البنت تشتي كيس جعاله.

رشا: ايوه لو انت حراف شاسلفك.
ا
روى: انزلي معه اجعلي

احمد: مش ضروري تقل ماتشتي .

رشا: فتحت باب السياره ونزلت.

اروى: ضحكت هيا اقطبوا من المعانده .

احمد: ازقمي اللثمه لاتفتح ساع امس

رشا: ناااهي وانت لاقد علقت تعلق ساع الشريط.

احمد: بيطلعوا فوق الرصيف، اوبهي تدقي رجلش

رشا ضحكت..

احمد: اصصص ماهي تيه الضحكه.

رشا: ماافعلك انت بتضحكني

احمد: ضحكتش فضيحه وهي(خففي)صوتش.

رشا: ضحكككت، تمام اسكت بتضحكني .

احمد ضحكك ودخلوا البقاله.

رشا: بتتفرج البساكيت..

احمد: مسكها من يدها وهزرها

رشا: لفت له وبهررت، مالك

احمد: قحص فمه اص الرجال قفاش جي كذا هنا اوقفي.

رشا: بهررت، تمام حاكيني ليش هزرتني افتجعت

احمد: انا اهزرش افتجعتي وهو لو خطي من جنبش ماعتفتجعي.

رشا: ناهي.

احمد: انتي والعيون هذه عيخرجين من اللثمه

رشا: مسكت فمها بتضحك.

احمد: اصصص خلاص يالغجه انتي ماهو موصله اسلاك الضحك على طول.

رشا: قلبت عيونها ياسعم زعلت..

احمد: دلااا علينا قووا مااستحملش النظرات هذه العيون لوحدهن سهااام.

رشا: بصوت واطي, ومن تيه سهام .؟

احمد: عيون الرشااا .تميتي تجعلي؟

رشا: ايوه .

احمد: اسبقي للسياره واوبهي لارجلش.

رشا: تمام
رشا: بتفتح باب السياره واحمد لحقها..طلعت

احمد: فتح الباب وطلع شغل السياره.

اروى: ساعه والله لو قد بتجحفوا الدكان

احمد: هي بنت اختش بتدور طرزان.

رشا: ضحكت.

اروى: إنه مابتعجبكم في تيه الجعاله .

رشا: لاتصدقوش بفك مش طرزان.

احمد: سهل هم عيال خاله البفك والطرزان.

تمووا مجابرره ورشااا فااارحه بالتطورات … وصلوا…

رشا دخلت لاعند البنات ..

حنان : جالسه وممدده ارجلها وطارحه فوقهن شال، بتهوي وشها بمروحه..

زهور: جالسه جنب حنان بتعس النيني بيتحرك ..

حنان: حيااا جعلتي لنا يامرة اخي.

رشا: بهررت😮 وانتي ساع اخوش جننتي .

حنان: ضحكككت للمه امانه ماقال.

زهور: هزرتها قبالهن ، والله لاتقلي لنا مافعلتوا

رشا: ابتسسمت وخزيت اممم ماعه اخزا

حنان: وطت راسها ورفعت عيونها وبرطمت فمها والله ؟؟؟

رشا: تمام شاقلكن بس بعد ما نجلس وحدنا..

حنان: اتصلت لعلي قلت له شا امسي هنا قوووا امسين.

زهور: امي ماعيرضوش.

حنان: انا شاراشيهم.

رشا: وانااا لو وافقوا شاقلكن .
.
.

امريكاا…
وصلوا صلاح وعياله ومرته والسياره الثانيه قاسم واثنين خبرتهم في العمل سوري وفلسطيني ولبناني.

يحيى واقف هو وخالد: اهلااا وسهلا حياكم الله اتفضلو ..

ساره: دخلت لاعند البنات للمكان.

صلاح: متحمل شنطه الخطوبه، اول يتفضل وسيطنا قاسم.

قاسم: ضحك، وماسك الشنطه الثانيه، اشر لخبرتهم يدخلوا

يحيى: دخلهم صاله خارجيه جنب الباب فاعلها ساع الديوان المنفصل..

ساره: في الصاله الداخليه

سما: اتفضلوا

سلوى: اهلا وسهلا ، من هي تيه .

سلا: خاله ساره مرة عمو صلاح.

ساره: ضحكت جبرر البراءه ، قربت لسلوى انا عمه بناتش جينا نخطب سلا وسما.

سلا ضبحت منها..

في الصاله الخارجيه عند الرجال

سما واقفه من خارج دقت الماسه…

يحيى استأذن وقام يجاوب..

سما رتبت في صحن بقلاوه وكيك وكعك

سلا لحقتها بالثلاجات وفيهن شاهي حليب ونسكافه..

يحيى: كيف عصير وشاهي.

سما: مش احنا داريين مايقربوا اول شي ادوا العصير والشاهي بعدا

يحيى: تمام، يوو ياسلوى الله يحفظش كانت الكل في الكل.

سما: الله يقومهم بالسلامه .

يحيى دخل لهم وضيفهم..

صلاح: الله يبارك فيك تسلم ..

سلا رجعت لاعند ساره قربت لها ..

ساره بتشرب وتتبسر للصحن والقلص.

سما: اغير لكم القلص ؟

ساره انحرجت: مع تسلمي لاتتعبين نفسكن ، جين احاكيكن.

سلا مستغربه من لقانه سما

سما قربت لسلوى عصير..

سلا: امي شربوا العلاج؟

سما: ايوه.

سلوى: شكرا يا اختي.

ساره: الله يشفيها يارب.

سما: امين

ساره: هيا ماقلتين نفعل حفله صغيره مابلا احنا ويلبسوكن ماقلتي ياسلوى

سلوى: افعلوا ماشتيتوا بس ماشتيش ازعاج

سما: هيا ابسرتوا ، مايسبرش مابش نفس نحتفل.

سلا قامت خرجت ، سارت غرفتها.

ساره: مابش داعي تتعبين نفسكن اجلسين بس

سما: مع هي سارت المكان اصلا سلا مايعجبها الاجتماع ولاشي تقمبر الا في غرفتها.

ساره: جبركن بتخزا.

سما: مع بس قووي نكديه ماتشتي شي ولاتحب تخرج ولا تجابر وساكته واصل .

ساره سكتت .

سما: بسرتها اقتلبت.. فررحت.

ساره: هن العزبات هكذا وبعد الزواج يوقعين اجتماعيات ويخرجين ويدخلين.

سما: هي هكذا، سلا من صغرها.
.
.

في اليمن…
محمد رووح ، قدو تاعب بعد التعب ، وصل غرفته وامتد.

عمار وصل ودخل لاعند محمد: واي حين النتايج؟

محمد: بيقلوا هذا الاسبوع الله يستر

عمار: الله يوفقك، مازد فعلت في
المعهد؟

محمد: ولاشي اختبروني تحديد مستوى ودخلت مستوى متوسط مكثف تقريبا ٦ اشهر واخذ التوفل

عمار: حالي ، اهتم بدراستك ومستقبلك.

محمد: على الله.

عمار: عترقد؟

محمد: ماشي شويه افتهن وافتح النت مراعي لخالد نتجابر.

عمار: تمام، وخرج.
.
.

بيت الموت..
ايناس واروى ومن الاهل سامرات بيتقهوين.

حنان: فارحه انكن مسيتين جين المكان الثاني نتجابر براحتنا فاقده لكن

زهور: تمام..
.
.

امريكا..
الجمعه العشي(الليل)..
يحيى ودع الناس للباب وغلق: يابنات ، ياسمااا

سلا: حاااضر ، ماتشتوا؟

يحيى: الف مبروك، وحبها فوق راسها .

سما جت وهو بيبارك لسلا: مالكم ؟

يحيى حضنها: الف مبروك يالقنه ، مالكم؟ انا داري انو حسد

سما: مع والله ماهو حسد، بس مادراني انهم يتسالموا ساع العيد.

يحيى ضحككك: هيا واحده تجي تسحب معي شنطه ندخلهن لاعند امش.

سلا واقفه موطيه راسها بتلعب بخصله من شعرها.

سما دخلت مع ابوها تديهن.
.
.

في اليمن_صنعاء/بيت عمار
محمد فتح اللاب تب، وابسر اوف لاين غلق
وقام فتح الكتب الانجليزي، يذاكر.

بيت الموت/
حنان: قلين لي كيف سلا وسما بيتصلين لكم؟

زهور: ايوه بس لنا خيرات منهن، مسكينات مع تعب خاله سلوى واختباراتهن وزد خطبوهن وهن مايشتين.

حنان: يووو خطبوهن ؟!!

رشا: ايوه قالوا بعد الاختبارات، الظاهر الان عينخطبين.

حنان: ومحمد؟؟!!

زهور: مدري، طبعا محمد اتغير ماعد بيرضى يحاكينا اي شي ساع اول ، بيجنن قلك عيسير لها.

حنان: يسير بعد ماتنخطب مافايده؟

رشا: سما قالت انها خطبه مؤقته وبعدا سلا عتفسخ ماعترضاش تكمل

حنان: هههههه جبر التخطيط ذيه كوله بتلعبوا غداء وعشاء ؟

زهور: مدري ، ذلحين محمد منه صدق بيقرا معهد وبيدور حد غير عمي يحيى يرسل له فيزه .

حنان: منه صدق يشتي يسيرر؟؟! انا شاحاكي حمايا بيشتغل مع منظمات امريكيه وبيدو منح لمشاريع صغيره مثلا سنه ، سنه ونص .

زهور بفرحه مسكتها من اكتافها: صدددق؟؟؟

رشا: يووو والله لايطير من الفرح .

حنان: خلاص شاحاكيه وانبيكن تقلين لمحمد

زهور: ان شاءالله.

حنان ابسرت رشا ومسكتها من يدها: اين جت تيه ، عتقلي لنا ماتجابرتوا؟

رشا ضحكت، وبدات تجابرهن.
.
.

امريكا ..
يحيى فتح الشنط: ماشاءالله هيا جين ابسرين.

سما قربت فتحت البدله.

سلا واقفه بعيد شويه مربعه يدها ومرتزحه عرض الجدر تتبسر معاهم.

يحيى: اقربي ابسري.

سلا: بين ابسر من هنا.

يحيى حسها متضايقه بعكس سما مالها شي..

سما: وين زنة الجدات مادوش ولابه بخور ولا شذاب ااااح ياقلبي خطبه امريكيه.

يحيى ضحك: ولايهمش اعرفي الا اجر لش قماش لجداتش.

سما: بعدا ادولنا ساري هندي، ابسرت لسلوى، ماما هم يدوا هكذا؟

يحيى: كيف الشنطه ياسلوى؟

سلوى: خيرات كفايه.

سما: والله لو هم بخير انهم قد زفوهم.

يحيى: ابردين هن شناتر اشتري لكن الاحسن، اهم شي يطلعو سوا ، ويتمها ع خير.

سلا ساكته.

يحيى فتح الدبل ويشتي يلبس سما

سما: ضحككت مع عيخربين فوق يدنا

يحيى: مايخربهن؟

سما: الغسوله والعمل .

يحيى: ها تمام ، يله قومين لفينهن وقربين عشاء
.
.

ثاني يوم …الصبح
محمد جاء لبيت سيده..

ايناس: هيا سيرين مع محمد افعلين غداء لابوش ورفعتين البيت وجين العصر مع محمد.

رشا: حاضر.

طلعوا السياره

زهور: اول ماطلعت معي لك خبرررر..

رشا: يجنن ، تشتي تسير امريكا..

محمد مستغرب يلفت لزهور جنبه، ولرشا للمرايه ماقد شغل السياره .

زهور: حنان عتدي لك منحه لاهانك .

محمد: رفع صوته (صلااااة على رسول الله) مالكن ياخواتي اليوم مصبحات.

رشا: اخو زوج حنان بيشتغل منظمه امريكيه قالت عيدي لك منحه.

زهور: عادي عتحاكيه قلك عيدي لك ، من المقاطعه حقش بتخرفي.

رشا: انا بدأت اول قبلش.

محمد شغل السيارره: هنيت لكن.

زهور: مالك مافرحت.

محمد: سعم ان امريكا حديقه السبعين، عيدوا لي منحه

رشا: مدري قالت عتحاكي اخو زوجها.

محمد ضحك: يعلم الله ماتعشيتين امس.

زهور: يعني عتخرط علينا او كيف مالك؟

محمد: ابسرتين اي حين اغتربوا عمي يحيى واي حين قدروا يرسلوا لهن الفيزه بعد عمر.

رشا: خيرة الله.

محمد: مارأيكن اعزمكن على سندوتشات.

زهور: اوووهو تطور اخي ، كيف لك.

محمد: عتنكري ؟ قلدش الله !

رشا: الصدق ماكنت تفعل هكذا الا ايام ماكانت سلا هنا لاقد معك منفعه ، تقتلب ملاك.

محمد: هيا بعيني قلنا عد اخوركن سندوتشات كبده، لكن بحق اللقانه تيه والله اني شاشتري لكن خبز طاوه، ولعلمكن مش لسواد عيونكن، عسب نتصل لسلا قلبي.

زهور: هيا ابسرررتي ، انه مصلحي .

رشا: واحنا والله ماتعرف اتصال الا بشوارما وخلي الكبده لك.

محمد ضحك: حالي محانكه النسوان .

زهور: مدكوم ، الله يشفيك.

محمد يمسك بريك ويفحط.

رشا: ماراحت لك لاعند ابي.

محمد: فااااااقد لهاا تقلين عد اقدر احاكيها

زهور: اسبك العشاء واعرف امور.
.
.

امريكا ..
يحيى جالس في مكان سلوى بيجابرها، ويذكرهااا .

سلوى: يحيى؟

يحيى: ها عيوني

سلوى: اين امي؟

يحيى: في اليمن.

سلوى: وين احنا؟؟

يحيى: امريكا.

في الغرفه …
سلا بتبكي..

سما: صلي ع النبي.

سلا: ادي اللابتوب نحاكي زهور ورشا.

سما: تمام ، بس محمد ماعد بش خلاص قدش مخطوبه.

سلا: خطبوا بطونهم مشتيش.

سما: قذا قلت لش وانتي اخبر اللي مايسبرش مايسبرش.

سلا مسحت دموعها، وخرجت تدي اللابتوب.
.
.

في اليمن …
محمد وصلوا. هياا ادين العشاء للمكان ، شاسبق

خلس الكوت والجنبيه ، وجلس وفتح اللابتوب.

عمار: محمد، يااا محمدددد..

محمد: حاااضر ، هوذا شاجي,راعوا

عمار: احمل غلق المشروع ، الخزان بينسح.

محمد: ياجناااه ، حاااااضر يا اباه.

عمار: اقطب مااالك اين انت؟

محمد: جحفه له عمر، دهف اللابتوب وقام.
.
.

بيت ابو ياسر..
هدى: قد سرنا انا واختي فاطمه ، حاكينا ام البنيه.

ابو ياسر: وايش قالوا لك؟

هدى: قالوا نبسر البنت وابوها ونرد لكم نابي.

ابو ياسر: تمام.

ياسر غمز لها: زد اتصلتي لخالتي تسالي عليها ؟؟

هدى: اتصلت وقالين مايقدروا يرجعوا ، الدكتور اللي بيتابعها منع السفر عليها.

ابو ياسر: ليش ؟ مش سوت العمليه؟

هدى: ايوه بس مركبين لها قصبه من بقعة العمليه للنخاع .

ياسر: كيف يعني؟

هدى : والله مااعلم قالت بنتها الدكتور منع عسب الضغط .

ياسر: الله يشفيها يارب .
.
.

امريكا .. بيت صلاح
صلاح: هيا كيف الشنطه عجبتهم.

ساره: البنات وحدهن يرحمين ، ولاهن داريات بشي ويحيى مادخل الشنطه، كان المفروض تخلوه يدخلها لاعندنا.

رشاد: ليش

ساره: عسب يبسرنها والبسهن.

رشاد: ذلحين ما اتفقتوا ؟مارضيوا للحفله؟

ساره: هن مايشتين عسب امهن.

صلاح: سوا من حقهن.

عبدالعزيز: هو هذا لغجه ، جي وانا البسك الدبله ياقلبي.

كلهم ضحكوووا

ساره: هيا يازقع خطيبتك هادئه مايعجبها الناس ولا اجتماعيه.

عبدالعزيز: انا شاغيرها..

رشاد: وخطيبتي كيف هي؟

ساره: زقعه حجاب وياسين وتعرف تميز ودمها خفيف وحميش.

رشاد: ماشتيش زززقع ، شازرزرها.

صلاح: له حلات ..
.
.

بيت يحيى…
سلا شلت اللابتوب ودخلت.

سما: بغير جنان.

سلا: مالش، قدي للنخر، لاتوفيش.

سما سكتت ، وخرجت لاعند ابوها وامها .

في مكان سلوى ويحيى ..
يحيى: كيف عمتكن.

سما: مفقعسه تضبح نظراتها يخ.

يحيى: سهل هن العمات يبسرين طبعش حماشتش .

سما: ههههه .

يحيى: اين سلا؟

سما ارتبشت: سلا.. في المكان تشتي ترقد.

يحيى: مدري مالها ماعجبتنيش اليوم مش مرتاحه.

سما: تشتوا الصدق، سلا للان مش موافقه.

يحيى: سهل هي مفجوعه على دراستها حين هي مهتمه من صغرها، وانا شاضمن لها.

سما: بقلة حيله هزت راسها .

في اليمن …
محمد: تم يغلق المشروع ودخل .

عمار: يلا شاخطى ارقد ، تصبحوا على خير.

رشا: ماتشتوش افعل لكم قهوه والا شي.

عمار: بين اقلش شارقد، ما من قهوه تيه الساع.

رشا: يلا تمام وانتوا من اهله.

محمد: بيتخمر عليها( افعل لكم قهوه) تمسي ياذربه قد ندعت عشاء بالفين.

رشا ضحككت: حسبك الله يامدلوز انا بين ابسرهم عسب تتحاكى براحتك بدون حراسه.

زهور قربت العشاء وبدات تاكل.

محمد دخل ابسرها، مشعها من شعرها بيسافط.

زهور: ااااي يا حمار فلت، والله لا اصيح.

رشا: اصه ياجن، عتقيموا ابي .

محمد: يووو ، حمل للابتوب فتحه .

رشا: والله مانراعي لك اقرب .

محمد: شل اللابتوب وجلس جنبهن.

زهور مدت له بسندوتش

محمد: فتح الانترنت، وبياكل بيد ويد بيطبع الحساب حق السكايب: رشا افتحي لي الببسي.

رشا: فتحت وناولته ومراعيات جنبه ..

محمد: ابسر اوف لاين طرح اللابتوب في القاع وتربع يتعشى.
.
.

امريكا ..في المكان
سلا: جالسه فوق السرير، لافه شعرها كله وبتمسح وشها بفاين ، فاتحه اغاني، وبتفتح النت.. كملت الاغنيه.

سلا دخلت فايل الاغاني وغمضت عينها ( داخل نفسها اللي شافتحها بدون ماابسرها بختي من محمد لي).. ضغطت ع اغنيه…فقدتك يا اعز الناس فقدت الحب والطيبه
وانا من لي في ها الدنيا سواك لو طالت الغيبه

سلا بكيت ، وفتحت حساب السكايب ، بتبسررر الشاااشه ، مسحت وشها ودموعها وفرحت.. اون لاين ..

في اليمن مكان محمد
بيتعشوا سمعوا نغمه دخول سلا للسكايب،

محمد: طرح السندوتش والببسي و ابسر سلا تطبع الان.

رشا: دخلت؟؟

محمد بفرررحه: ايووووون .

زهور: ماكتبت؟

محمد: راعي بتطبع….

سلا: السلام عليكم، ممكن اكلم زهور او رشا؟

محمد: جحفه تيه سماج اكيد.

رشا: مادراك.

محمد: لحظه شاطبع انا ياسعم زهور وكتب (معش زهور من سلا او سما).

سلا: حيا زهور فقدت لش قوووي ولرشااا..

محمد: ومن ؟؟

سلا: رسلت وجوووه بتبكي ..

محمد: اتبسر لخواته مستغرب !! مالها ؟

زهور: قل لها مالش؟

محمد: سلا ، مالش ، كيف خاله سلوى فيهم شي.؟

سلا: انااا اللي فيني مش هم ، والله اني بين اموت من داخل الف مره ومحد عيحس فيني غيركن انتين وسما..

محمد: اتصل لش؟

سلا: محمد جنبكن؟

رشا: ماعتقل لها ؟!

محمد: شاقل لا،وانتين جابرين اذا اتصلت، اشتي ادرى مالها !!!

سلا: يعني اتصل؟

محمد: كتب ، ايوه اتصلي، وفسح بقعه لزهور .

سلا بتبكي ، ماقدرت تتكلم ، فتحت الاغنيه اللي كانت بتسمعها..

زهور ضحكت: ذلحين الاغنيه لمن لي والا لرشاا؟ اذا بتسألي محمد مابحد؟!

سلا وصوتها بعد بكاااء: قدش داريه.

محمد بيشاور رشا تسالها مالصوتها ؟

رشا: سلااا، مالصوتش

سلا بككككيت.

محمد: سلااا صلي على النبي مااالش؟؟

سلا: غلقت وماقدرت تتكلم ، لما سمعت صوته.

محمد اتصل ، بيرررن، يرررن،

سلا مارضيت تجاوب .

محمد معصب: سلا مالش لاتجننيني ماااالش جاوبي؟

سلا: شاقل حاجه، انه غصب عني والله، وشفعل المستحيل افركشها، لان محد في قلبي ولاحد عيدخل غيرك.

محمد: خطبوش ي سلا؟؟!!!

سلا :صوتها مخنوق من البكاء ،، قل قتلوووني خطفووني ..

محمد عصب: والله محد يشلش مني ، وانا بين افعل المستحيل اوصلش، معهد وبين اقرا، وفيز بين اعامل، وباذن الله تبسريني قبالش.

سلا: وانا سكت لهم خطبه بس زواجه والله ما تزوج

محمد: كله نصيب ياسلا لو نفعل مافعلنا ، واقلش كلمه خليها في اذنش لو ماكنتي نصيبي فانتي اختي غصب عن الكل .

سلا بتسمعه سكته ودموعها بتنزل.

محمد: سلااا…بس سلاا بكاء، قوااا حبيبي
هيا من الشخاطه اشتحطي وامسحي وشش ونخرش .

سلا ضحكت: يوو مادراااك.

محمد: عيجبرني بش وضحكتش، قلدش الله ، وراسي ماتخلي هذه العيون تنزل دمعه منها.

سما فتحت الغرفه ودخلت قربت لسلا: والله لوما طايرتهم عتبسرووا

محمد: انا عند الله وعندش ياسمااا، قلي لها انا راكن على الله وعليها.

سما: اركنوا ، اذا ماخليتهم يردونا اليمن مش بس يفسخوا

محمد تنهد…بيسمع سكته

سلا: خلاص انا شاغلق الان، غلقت

محمد: تمام الله معشش،

الاتصال قطع…

محمد بضيق قام لبس الكوت، وخرج جالس فوق الرصيف .

عم حسين: امسيتوو، اين انت يا ضاايع زوجوك ؟

محمد : بصوت واطي، مساء النور عم حسين.

عم حسين: هيا ماللطبيعه مجغوره؟

محمد: طارت عليا ياعم حسين ، ماذلحين خطبوها صدق.

عم حسين: ولو يعقدوا لها ، لو هي من نصيبك عتوقع لك، ولو مش هي نصيبك والله لو قد انتوا خاطبين ماتتم لكم خطوبه

محمد: خيرة الله .

عم حسين: خاطرك.

محمد: الله معاكم، وجالس يلعب بالكري (حجارصغار) ويراجم لاوسط الرصده.
.
.

بيت عمار
زهور خرجت من مكان محمد ترفع العشاء…

التلفون بيرررن

طرحت الصحن وجاوبت.

حنان: ها ياروحي ، وصلت وحمايا مع علي حاكيته

زهور: خير ماقال لش؟

حنان: قال ، حظه الان متعاملين مع مدارس ثانويه ومعهد انه لو درس ومحافظ ع المستوى الاول يرسلوه لامريكا

زهور: صدددق ؟؟شاحاكيه ، لوتبسري ماوقع

حنان: يو ماوقع مالش؟

زهور: سعليش بس اتصلت سلا بتبكي منهاره اليوم خطبوهن

حناان: يووو ، خيرة الله.. يلا متواصلات اسير اصلي عشاء وصلت قلت انبيكن تحاكين محمد يسير لاعند حمايا يقدم اوراقه لاينسى، خليه يتصل بعلي.

زهور: تمام .
.
.

سلا وسما جهزين شنطهن وملفاتهن وسلمين على سلوى..

سلوى: الله يحفظكن ويوفقكن يا خواتي.

سما مسكتها بيدها الثنتين من خدودها: ماما انتوا ماما واحنا بناتكم.

سلوى: ابني خالد.

سلا: واحنا سلا وسما توأم البنات اول فرحتكم.

سلوى بكيت هزت راسها ومسكت يد سما حبتها.

سما حضنتهاا وبكيت: الله يشفيكم.

سلا بكيت وحضنتها: ذكرتونا

سلوى هزت راسها .

سما هزت راسها لااحول ولاقوة الا بالله

سلا: يارب اشفيهم ياااارب.
.
.

اليمن بيت عمار

محمد: ابسر النتيجه ضرب يداته بقوووه صفق: هذا انا ..

زهور: ايوه …

محمد: ماااشي

عمار: نجحت؟ جي كذا نبسرر!!

رشا: ٩٣٪ محمد ثلاثه وتسسسعين

محمد كان يتقفزز: والله اني سمعتها في التلفون تخايلي ثلاثه وستون قلت اتاكد.. سجد في الارض،ياااااارب لك الحمد والشكررر.

ايناس دمعت وهي فارررحه..

محمد حضنها وحبها فوق راسها..

عمار حضنه وحبه فوق راسه.

رشا: ياااحمااار والله انك طحطوح ماعتدرررس .

عمار: طب .

محمد: قوا يابه ماشتيش

عمار: نفسي ابسر اسمك مشهور

محمد: ماعليكم الا يشتهر حتى لو معي دكان ،

عمار: ماعتفعل ؟

محمد: معي زد٣ اشهر واشل التوفل وتحاكيت مع اخو علي زوج حنان، هو في نفس المعهد

عمار: ماقال؟

ايناس: مادخله اخو حنان.

رشا: هوذا اسمعووا يمه .

محمد: قال المعهد فاعل نظام للطلاب الاوائل والمتفوقين في المعهد، لو انطبقت شروط المنظمه عيوافقوا لي ع منحه لامريكا.

ايناس: مع مانشتيششش غربه يكفي سلوى .

عمار: خلي الولد يسير يقررا هذا اذا سبرت عاد ابنش بيحلم.

ايناس: مع الجامعات هنا خيرات مامعي الا هو وين يسير.

محمد: ادعي لي وانا والله اوعدكم ماسير الا اقرا وارجع اهم شي اسير ولو سنه

ايناس رفعت راسها: هااا دريت مالك !!

محمد: افتجع وابسر خواته مالي؟

زهور هزت كتفها بمدري .

رشا اشرت بفمها مدري
.
.

ثاني يوم ..فوق السياره..
محمد: ذلحين ماهو البنان؟

رشا: لوما تولد مرتك ، يجوا الاهل يبننوها البعض يدي كيك والبعض ببسي والبعض تنفاش وبرعي والبعض زفه، فهمت؟

محمد: ما فهمت الا مرتي جبرني بها

ايناس: سلا بتتواصل معاكن؟

محمد انصدم وسسسعل لف لزهور للمرايه مبهرر،

زهور ماسكه فمها مبتسمه بتبسر محمد

رشا: ايوه خطبوهن الجمعه.

ايناس لفت تبسر لمحمد

محمد: بيسوق سكته.

ايناس: وانت اخطب لك ؟

محمد: ايوه لما ارجع من امريكا .

امريكا..
سلا حضنت خالد ،وودعته.

سما حضنت امها .

يحيى: هياا بنااات ، عترجعين نهايه الاسبوع.

سما: يلا مع السلامه.

سلوى بتدعي لهن.
.
.

ف الولاد..بيت حنان
ايناس وصلت دخلت هي ورشا الطاسه للمطبخ.

محمد ماسك الكتلي في الحوش.

زهور: حااامي ما استرت ابزه، راعي.

اروى خرجت للباب تشل الكتلي من زهور ومحمد.

سلايف اروى بيتشاورين ابسرين تيه بنت اختها اللي تشتيها لاحمد.

رشا دخلت للمكان تخلس البالطو وتسبر شعرها .

زهور: احنا عنجلس هنا ،

ايناس: مع ادخلين المطبخ ، ابسرين خالتكن ماتشتي.

سليفة اروى: ماشاءالله ي ايناس ع البنات قمريات.

رشا وزهور خزيين ودخلين المطبخ.

احمد كان في الباب خارج بيتجابر هو ومحمد.

ايناس: يوو اروى اتصلي لاحمد احاكي محمد.

اروى: تمام جي يارشا شضرب لش الرقم حاكيه اسير ابسر ابن حنان بيبكي.

رشا: الوو،، احمد كيف انت محمد جنبك ؟

احمد: ايوه لحظه ،،

محمد: هاا ،

رشا: قالوا لك ماما سير ادي خاله فاطمه وهدى مراعيات لك.

محمد: ليش ماجين معنا؟

رشا: احنا بكرناا ، ماكانين جهزين.

محمد: حاضر.

اروى: لاتغلقيش ادي احمد.

رشا: هاا قالوا ادعي احمد يحاكي خاله..
.

امريكا..
صلاح: تمام عادي،، خذ راحتك لو ماتقدر تجي اليوم سهل.

يحيى: شابسر لو رجعت بدري ، شاداوم ساعه.

صلاح: اوكي تمام لاتقلق.

يحيى: وقف السياره عند محل تلفونات ..

سما: اين عتسيروا؟

يحيى: دقيقه وارجع ..خرج وغلق باب السياره.

سلا: تقلي محمد عيقدر يجي؟؟

سما ضحكككت: سوبر مان صدقتي .

سلا: قال انه بيعامل .

سما: مااعتقدش.

سلا: مادريت بنتيجته نجح والا مع كم ادى معدل.

سما: كيف الغربه فرقتنا، كنا عنراعي ليوم النتيجه مراعاه.

سلا: تذكررري لوما كانوا يفعلوا لنا حفله؟؟ ولما كنا نطلع نتكرم سواا .

سما: انتي ومحمد الاوائل لكن طحستي مابش هنا اوائل.

سلا: حلاا حين نجحت .

سما: حياتنا رجعت نكددد من حين اغتربنا مرض امي وخطبتنا وقرايتنا اي كلام وعاد الناس يحسدونا هنيت لهن امريكا.

سلا: اااح بس .

يحيى طلع السياره في يده اكياس.

سلا: مااشتريتو؟

يحيى: تلفونات ، اكون اتطمن عليكن.

سما فرررحت كانت جالسه ورا ابوها حضنته.

يحيى: ضحك دلا قلعتي راسي يامجنونه.

سلا فاارحه: الله يحفظكم لنا يارب

يحيى: امين ويجبرني براسكن .

سلا: اخيراا قد معنا تلفونات ..

سما قربت قفا كرسي سلا وبقصت كتفها: مبروك ياسلا.

سلا كانت جالسه قدام لفتت لورا وبهررت لها اشرت لها تسكت.

سما: ذلحين كم رقمي؟

يحيى مبتسم بيسوق: مطبوع رقم كل واحده في كرت الشريحه.

سلا: هااا ،لقيته.

سما: ادي تلفوني.

يحيى ناول سلا تلفونه: احفظي رقمش ورقم اختش في التلفون.
.
.

في اليمن.. بيت اخو يحيى(عبدالله)

مرة عبدالله(خيريه): انت دريت ان مرة يحيى مرضت بسرطان؟

عبدالله: من اين شادرى واخي مقاطع لي،

خيريه: لو تبسر قالوا قد معه قصور واراضي في صنعاء ، إئنا هي امريكااا مش باب حوي.

عبدالله: ابردي لش منهم، هجعيني الله يفتح عليهم.

خيريه: ابرد لي، بعد مه نبرد؟ بعدما شلوا البيت عليك.

عبدالله: خيرة الله على دمش هذا الساع، !!!

خيريه: ذاحين اسمع، مارايك نزوج اختي باخوك اتصل له و حاكيه ، امد نركن الورث يرجع لك البيت ولجهالك.؟
.
.

…. بيت الولاد…
النسوان متفرطات في المكان ،

فاطمه: امانه ان السجاف(ديكور للحائط اللي تجلس جنبه الوالده — النفاس) هوكه ي اختي اروى.

اروى: الله يحفظهن بنات ايناس ، سبرنه هن.

حنان لابسه عصبه (لبس تراث متعدد الانواع) وجالسه في المرتبه (اعلى الديوان مكان مرتفع مخصص للوالده)

سليفه حنان: ماشاءالله ياخاله على بنات الله يحفظهن، خورت لو اخوتي كبار شويه اخطبهن لهم.

اروى: مع رشا الكبيره قدي حق احمد.

ايناس ضحكت

اروى: هيا قبالكن كلكن ها اشهدين حجزتها لابني.

ايناس: الله يحفظش ي اختي هي بنتش وانتي اخبر بهم.

اروى: اكيد والله انها ساع حنان .

حنان بتسسمع فااارحه قامت تشتي تنزل من بقعتها.

فاطمه: اين عتسيري .

حنان: اسيرر اتفاقد ابني.

ايناس: البنات عنده لاتقلقيش.

حنان: حاضر، شاخرج انفخ شويه .
.
.

خارج في الشارع ..فوق السياره
احمد: معك حساب في الفيس بوك؟؟

محمد: مع سمعت به ، بس ماقد فعلت حساب.

احمد: افعل وارجع ضيفني .

محمد: ع طول معي سكايب بس.

احمد: بس الفيس اضخم تدرى بكل شي ، السكايب برنامج اتصال ودردشه.
.
.

امريكا…
سلوى: وين سارين خواتي؟

خالد: سارين الجامعه.

سلوى: مع هن شلين شنط كبار؟

خالد: سافرين السكن هانك ، وبابا عيررجعوا ذلحين .

سلوى دمعت هزت راسها تمام.

حنان خرجت ، للمكان حق البنات

رشا: ماخرجش عتولدي ساع الناس

حنان: ما ارحمكن ياعزبات هنا محبوسات

زهور: يو كيف بتستحملي الجلسه عند النسوان خزا

حنان: عتجربين لاتستعجلين يجي دوركن

رشا: عتخطبيني لابنش يجنن جبره

حنان: مع للاسف قدش مخطوبه خلاص

رشا: هههه تعذري اني ماعجبته

حنان: انا ماخرجتش عسب الافطس هذا ، جيت اقلش خبرر

رشا: ماهو؟

حنان: ادي التلفون غلقي الباب بسررعه.

زهور: مالش بتعس راسها حاميه الظاهر

حنان: هيا غلقين الباب وجين فيسع

زهور غلقت الباب.

حنان مسكت التلفون بتتصل..

احمد: الوو ، هيا ماقد معانا من منفعه؟

رشا مستغربه تتبسرها وتتبسر زهور!

حنان: مابش منفعه ، ادي لك خبر

احمد: خيرر؟؟

حنان: امي حاكوا خاله ايناس اليوم ، يخطبوا لك رشا

احمد: ابتسم ولفت لمحمد

محمد بيأشر له مابه؟

رشا خززيت بقصت حناان

احمد انحرج محمد جنبه: تمام عنتجابر لو ما ادخل

حنان: به حد عندك !

احمد: ايووه انا ومحمد

حنان: هاااا،،يلا مع السلامه

رشا: مالش بتخرفي؟

حنان: والله انهم عادهم تحاكوا، والخبر عيوصلش في البيت

رشا خزيت: تمام سيري ارجعي عيقلوا جيتي تتفرطي هنا
.
.

امريكا..
عبدالعزيز: ي اخي اشتي اتواصل مع خطيبتي، امك فجعتني قالوا انها صامته

رشاد: وانا اشتي ادرى بلقانه خطيبتي، بس ابوهن مشدد يمكن مايوافقوش

عبدالعزيز: شاحاكي امي تسالهن

رشاد: تمام، ولو ان النابي مابش تواصل

عبدالعزيز: مافيها ياسعم ؟؟

رشاد: عتدرى بالرد مافيها
.
.

يحيى: وصلهن السكن ونزل للاداره يتطمن ع كل شي

سلا: لاتقلقوش عنتواصل معاكم

يحيى: تمام اوبهين لنفسكن ولاتتدخلين بحد، من الجامعه للبيت

سما: تمام ، هو مابلا للجامعه للبيت

يحيى: مابش اي خرجه الا باذني

سما: حاضرر

سلا: ولايهمكم

يحيى سلم عليهن وودعهن

سما: امانتكم اوبهو لامي وطمنونا عليهم

يحيى: من عيوني، يله مع السلامه
.
.

في اليمن.. العشي
اروى بتتشكر ايناس ودعتهن للباب: سيرين سبقين الطاسه والكتلي للسياره

زهور: تمام حاضر

رشا: خرجت بالكتلي

احمد شله منها: انتي حلا من الله كودش بتتكحولي زد ناولوش كتلي، ثقيل عليكم يا نظر

رشا: يوو اتمسى، مش وقتك امي عيخرجوا بعدي

احمد: موافقه مه؟

رشا: ع مه؟

احمد: ماسمعتيش

محمد قاطعهم دخل: هياا اين جت امي؟

احمد ناوله الكتلي: هوذا عيجوا

رشا ارتبشت خرجت وطلعت فوق السياره

محمد: يلا خاطرك

احمد: مع السلامه

هدى: ايناس اين البنات؟

ايناس: سبقين السياره ، هيا اسبقي انتي واختي فاطمه الان شلحقكن

فاطمه: تمام اقطبي الله يرضى عليش

ايناس: حاضر

اروى مسكت يد ايناس: ابسري ي اختي ، قد احنا نشتي نخطب لاحمد امد يشتحط يدخل جمعيات وع سنه تتم رشا المدرسه نزوجهم، ونفسي فيها واحمد اختارها

ايناس: الله يسهل وانتي اختي ، ماشلقاش احسن منش، احاكي اليوم ابوها، و شارد لش خبر

اروى: ايوه حاكيتش، امد تحاكيه اليوم ، وانا داريه باخي عمار ماعيرفضش

ايناس: الله يستخير لهم مافيه الخير

اروى: امين، الله يفرحنا ويجبرني ويجبرش

ايناس: امين، خاطرش محمد قد بيطرق

اروى: امانه لاتنسي تنبيني ، الله معش ، ولا تتاخري اي حين ماخرج محمد يديش، عنوفي بسرعه

ايناس: تمام، تمسي على خير
.
.

امريكا في سكن الطالبات..
سما وصلت الغرفه ،، بتتبسرها

سلا طرحت الشنط فوق السرير: يوو بين احس نفسي غريب بدون ابي وامي

سما: قلت انش عتنسيهم حن قد معش تلفون

سلا: شلوش، قومي نكنس ونرتب الغرفه

سما: لو تبسري من بين اخور معنا في الغرفه؟

سلا: من؟!

سما: رشا وزهور

سلا: ايوه والله ان فقدت لهن قوووي

سما: ومحمدش؟

سلا: محمد ،، ومشيت للبلكونه.. بين اخور اوقف هنا وابسرره ساع صنعاء لما كنت اراعي له في طاقه غرفتي

سما: والله ، انش مرتاحه ، هيا قومي يا حمودي قد معش عزوز نسيتي الحجه عند الدبله مشي في يدش

سلا: مقلع يقلعهم ركنت عليش ولا فسخوا ولاشي

سما: ما افعل لش شكلي شاطلقش مالحقنا نفسخ خطوبه ههه

سلا: مدلوزه ، والله مااتزوجه
.
.

في اليمن..
رشا ساررحه في كلام حنان ونظرات احمد في الحوي(الحوش) ماقصده موافقه ع كلام حنان!!

محمد وقف عند باب فاطمه

فاطمه: هيا اسلموا، وتمسوا ع خير

محمد راعى لها لومادخلت وخطي بالسياره وصل عند باب بيتهم وقف

هدى: تسلم يامحمد الله يوفقك ي ابني

محمد: امين

ايناس: يووه الله يحفظش ي سلوى ويبشرنا بعافيتش ذكرتها لوما كنا نسير جمعه ونرجع واداش الله لي امد لاحس ببعدها وبناتها

هدى: والله ان حسها وبناتها في البيت الله يردها بالسلامه

محمد تنهد ، وسررح

ايناس: هيا عتدخل السياره مالك وقفت

محمد: هاا ، تمام ايوه ، انزلين افتحين الباب

زهور: ادي الدواير(المفتاح)

محمد دخل السياره في الحوش وجلس فيها ،فاتح اغاني وممدد الكرسي طارح يده ورا راسه ومغمض.

ايناس دلا، بصوت واطي، بتلطم وشهاا تاخرنا: يعلم الله ابوكن اين قد حواجبه وبرطمته.

زهور: هههه الظاهر ماعتبدوا بنان ولا وفاء.

ايناس: يلا سيرين دفين العشاء، وانا ادخل ابسره.

رشا: تمام .

ايناس اخذت نفس ودخلت مبتسمه: مساء الخير

عمار شافها ابتسم: يامسااء الورد ، ياعلي (مصر طالعي)لبس تراث صنعاني .

ايناس: الحمدلله.

عمار: الحمدلله ! كيف كان البنان.

ايناس: ياسلااام الله يحفظك يجنن، مالك اليوم ؟

عمار: مالي؟

ايناس: الطبيعه سابره.

عمار ضحككك: ولاشي بس جريت لمحمد هديه النجاح، اين جاء؟؟

ايناس: مدري قال عينظف ويتفاقد السياره.

عمار: هيا شخرج له سكته.

ايناس: تمام.

زهور: دخلت لاعند امها , ماقالوا؟

ايناس: ولاشي الحمدلله، سيرين دفين العشاء، شرق.

عمار فتح الباب على محمد.

محمد نكزز، وطى صوت المسجله.

عمار: مالك؟!!

محمد: ولاشي.

عمار: كيف ولا شي مالك مادخلت؟

محمد: خورت اجلس هنا.

عمار: معك مشكله او شي تحاكى !!؟

محمد: مع بس خورت الجو حالي خارج.

عمار: وهديه النجاح اين هي؟

محمد ضحك: ع طوول من عيوني.

عمار: ناوله الكيس.

محمد: هذه هديتي؟؟

عمار: ايوه.

محمد: اووو تلفوون، الله يحفظكم .

عمار: تلفون، اشتيك تعامل للمنحه اللي قلت عليها لاتصدق لامك ولا سير ابسر مستقبلك ولو تشتي شي وزلط حق معامله حاكيني.

محمد حضن ابوه: الله يحفظكم ي اباه.

ايناس: رشا ، جي مااقلش قبل ما احاكي ابوش.

رشا حست ماتشتي امها صفرت حمرت يدها ثلجت: هااا مالكم.

ايناس: حاكتني اروى اليوم انهم يشتوش لاحمد بعد ماتتمي الثانويه.

رشا وطت راسها.

ايناس: مارأيش موافقه؟

رشا ابتسمت بخزا: اللي تشتوا انتوا ، سمعت صوت ابوها ومحمد، قامت وخرجت

محمد ابسر رشا بيحانكها بالكيس.

رشا هزرته تبسر مافي الكيس.

عمار دخل لاعند ايناس.

ف الصاله..
رشا: تلفون ياقرمد، ماذلحين سبرت لك.

محمد: سبرت لمن، دكم راسها يااااي خلاص انخطبت بح.

رشا: ولو فسخت ؟

محمد: حرام ، خلاص.

رشا: يعني ماتحبهاش؟

محمد بنظرة استحقار: مالش مش مابين احبهاش بس خلاص انخطبت الله يسعدها ويوفقها.

رشا: مش مصدقه وين سار جنانك عليها؟

محمد فلتها ودخل الغرفه

رشا لحقته ، وفتحت الباب.

محمد خلس الكوت، وفتح الكيس خرج التلفون.

رشا: انت مالك ، مابتقل ياسعم حنقت منها؟؟

محمد مطنشش ، وصل التلفون بالشاحن وبيقرا الكتالوج حق الموبايل.

رشا: انت ماعندك احساس، البنت مادخلها ، قالت لك بالغصب ، وعتفسخها

محمد عصب رجم الكتالوج للارض: واناا مااافعل؟؟؟ ماتشتي افعل اصيح واقل ياغارتاه !! قد بين افعل المستحيل اوصلها

رشا: وللمه قلت لي خلاص انخطبت بح.

محمد: وانتين مجنونات والا بعقلكن؟ لاقالت سما عتفسخ ياسعم اني ولية امرها!! من حبي لها وخوفي عليها بين احاول اتباعد ، ولما ادرى انها فسخت ساعتها حلاااالي اتواصل معهااا اجابرها اخطبها بس الان قلي لي؟؟؟ مش حرام اعذبها وهي مخطوبه لشخص غيري!!

رشا موطيه راسها بتقرش اظافيرها: بس سلا تحبك وانا متاكده عتفسخ.
.
.

في الديوان،،
عمار دخل: اديت لمحمد هديه نجاحه تلفون.

ايناس: الله يحفظك ويوفقه يارب.

عمار: امين، يارب، مسرع كبرووا !

ايناس: اي والله، عادني شاقلك ذلحين موضوع.

عمار: خير؟؟!

ايناس: اليوم سليفه حنان بتمدح في البنات.

عمار: كيف ؟؟

ايناس: ع ادبهن واخلاقهن قالت لو اخوتها كبار لاتخطبهن لهم.

عمار ضحك: ستر الله.

ايناس: راعي اسمع .

عمار: هوذا بين اسمع، صورتش خزنتي اليوم يامره مخدره ، تجابري من التفرطه.

ايناس ضحككت: مع والله بس اسمع .

عمار: هوذا بين اسسمع هاا تمي .

ايناس: بعدا اختي اروى قاطعتها، قالت مع انا اشتي الكبيره رشا لابني احمد.

عمار: ياسعم ماتشتيهاش تخطبهن.

ايناس: انا تخايلي ساعك في البدايه ، بس قالت قبال النسوان انها تشتي تخطب رشا ل احمد.

عمار: اهاا، يعني منها صدق؟

ايناس: ايوه زد اكدت لي ع المرواح.

عمار: والله ما اقل الا كل خير، احمد الصدق رجااال وعادو من الاهل احسن من الغريب، وبنتش مارأيها ؟

ايناس: قالت م اشتيتوا.

عمار: يعني موافقه .

ايناس: ايوه.

عمار: واخوها ماقال؟

ايناس: اخو من؟

عمار: محمد !! او نسيتي ان قد ابنش رجال وله راي.

ايناس ضحكككت: والله اني بين ابسره صغير ماسالته ولا.

عمار: سيري ادعيه، هو يعرف احمد قوي ومقرب منه.

ايناس: تمام.

عمار: وعنزيد نسال خبرته، لان الرجال خارج مش هو ساع البيت.

ايناس: ايوه بس لايدرى احمد لوما تسألوا عيتحسس.

عمار: يتحسس مه ، ماعليش هذا شغلنا، احنا اخبر.

في مكان محمد…
رشا موطيه راسها بتقرش اظافيرها: بس سلا تحبك وانا متاكده عتفسخ.

محمد: وكما فسخت لنا كلااام ، وانا اللي فيني كفايتي ، لاتكونين تحسسني بالذنب، زمان كنا غاويين وجهال وو ، وتواصلت معها حسيتها اخت حبيبه وقريبه مني، بس الان خلاص محسوب علينا كل شي نسويه .

ايناس فتحت الباب كان مردود: ماتشتي من اخوش يارشا؟

رشا افتجعت ، وسكتت

محمد لفت لرشا بضبح رافع حاجب ومبهرر.

ايناس: جي جاوب ابوك اول وبعدا لنا كلام، وخرجت.

محمد: ابسرررتي الشولحه حقش !!

رشا حنقت وخرجت ، سارت لزهور.

زهور: اخيراا، جنه لش ، جي كملي.

رشا: وانتي اهجعي مش وقتش.

زهور: مالش ابي رفضوا؟؟

رشا: امي دريوا بمحمد انه يحب سلا.

زهور: يوو من قلهم؟

رشا: بنتجابر انا ومحمد …. وتمت تحكي لها.

محمد: دخل لاعند ابوه

عمار: جي اجلس .

محمد قددو عيقررح، مفكر امه حاكت ابوه.

عمار: دريت بالخبر ؟

محمد متوتر عقد حواجبه: اي خبر ؟

عمار: احمد خطب اختك.

محمد: من احمد ابن خالتي؟

عمار: ايوه، تقدم لرشا.

محمد ابسر امه: مع محد كلمني.

ايناس: عادني ذلحين حاكيت ابوك، خالتك تشتي رشا لاحمد.

محمد ابتسسم: ماشاءالله ولا قال لي ولاشي.

ايناس: ايوه ، امه حاكتني.

عمار: كيف احمد، انا اعرفه ماشاءالله عليه بس انت مقرب منه اكثر، كيف خبرته ، كيف عمله، كيف مواظب ع صلاته؟؟
.
.

في امريكا…
سما: تمينا كل شي ذلحين خلينا نتصل لابي نتطمن وصلوا، ونطمنهم.

سلا: تلفوني قد اشتحن، وشافعل الشريحه الان.

سما: فاااااقده لامي يعلم الله مابيفعلوا، وذكرونا او مع.

سلا: عنسال خالد.

يحيى وصل البيت ..

خالد بيتفرج التلفزيون.

الممرضه بتاكل سلوى.

سلوى: اين خواتي؟

يحيى: بناتش ، سلا وسما

سلوى: اينهن؟

يحيى جلس جنبها: تذكري لوما قلنا عيدرسين وجامعتهن بعيده؟

سلوى هزت راسها، ايوه..

ررن التلفون..

يحيى شاف التلفون: هيا بيتصلين عمرهن طويل… الو.

سلا: الو ، ها بابا قد وصلتوا؟

يحيى: ايوه ، قبل شويه، مابتفعلين كيف السكن.

سلا: حالي قوووي روعه رتبنا ادواتنا وقلنا نبسركم وماما فاقدات لهم.

يحيى: ها حاكنها ، عاد كانت تسال منكن.

سلوى مسكت السماعه.

سلا: ماما كيف انتوا.

سما هزرت منها التلفون: فقدت لكم خيرات.

سلوى: اي حين عتجين؟

سما بكيت وناولت سلا.

سلا: ها ماما معاكم سلا.

سلوى: امي وروحي.

سلا: ذكرتوني؟

سلوى : ايوه قال ابوكن مش انتين خواتي..

سلا: مسكت طرف جبهتها، عند عيونها، اهم شي اوبهوا لنفسكم عنتصلكم ونجي اخر الاسبوع عندكم.
.
.

في اليمن ،، بيت عمار
محمد: الصدق احمد، قمه الاخلاق، من كله، صلاته، خبرته ، طبعه كل شي ماقد ابسرت منه الا كل خير حتى خبرته كلهم اعرفهم.

عمار: انا داري اعرفه بس سالتك بحكم انكم اغلب الاوقات جمعه، داري بتيه التفاصيل .

محمد: انا الصدق موافق عليه، جني تعرفه ولا انسي ماتعرفه.

عمار: ضحك، مع لاقدو جني مانشتيش نجنن المهم الله يسهل ويستخير لهم مافيه الخير.

ايناس: كان انبي اختي اروى.

عمار: ناهي راعي لاغدوه، ماتسيري ذلحين حمله حمله

ايناس ضحكككت: اصلا قد قالت لي انا اعرف اخي عمار عيوافق.

عمار: على الله، ابسر محمد، سير ادعي اختك.
.
.

امريكا..
صلاح: انا شطرح الموضوع عند يحيى وما شضغط عليه ، لاني اعرفه مايعجبه تيه البعاسس.

ساره: تمام.

يحيى: تم يصلي وبيسلم ..

خالد : بابا بيرن تلفونكم من اول وذلحين غلق الاتصال.

يحيى فتح التلفون، وعقد حواجبه: مايشتي صلاح ذلحين، خير ان شاء الله.

صلاح: هاا ، هوذا بيتصل،، الووو .

يحيى: حياك الله ، كنت بين اصلي .

صلاح: تقبل الله وصلت البنات ؟

يحيى: ايه الحمدلله.

صلاح: لاتقلق ولاشي .

يحيى: في يد الله
ماقلت لي كيف كان الشغل ؟ زد دري مسؤول الحسابات اين العجز؟

صلاح: ايوه، هذا ي اخي الهندي مش مركز بيعصدنا عصيد.

يحيى: سهل عادو تحت التدريب عيفهم العمل سوا.

صلاح: ذلحين ابرد لك من العمل عنتجابر غدوه ، معي لك موضوع، ولك حرية الرأي.

يحيى: خيرر ان شاء الله !!!

صلاح: كل خير،، حبيت اخذ رأيك

يحيى: في مه؟

صلاح: ي اخي قلنا لو يتواصلوا الجهال ويتعرفوا بطباع بعض، وبعدا جامعتهم قريبه من بعض، لاحتاجين شي او شي هم اقرب لهن.

يحيى ساااكت بيسمع سكته، وبيمسح دقنته.

صلاح: مارايك؟

يحيى: والله ي اخي ، لو عاد خطبتهم قصيره وقريبه من العرس وعقدوا، عاد فيها، اما يتواصلوا اربع سنين مامنهاش .

صلاح: صح وانا معك ، بس قلت ابسر رايك المهم ادي للبنات ارقامهم احتياط لو يشتين شي او حصل شي يتواصلين معهم.

يحيى: خير ان شاء الله ، ع الله

في اليمن …
محمد: رشااا،، يااي رشاا

رشا بتسمع وماسكه راسها: يوو يازهوور يعلم الله محمد ماعيفعل.

زهور: ناهي جاوبي اول .

رشا خررجت: هاا ماتشتي.

محمد بتكشيره: جاوبي ابي ياقمر.

رشا بخووف: دريوو ابي؟؟

محمد: ادخلي نتفاهم داخل.

رشا: انا اسفه والله مادراني ان امي عيجوا ويسمعوا

محمد: بعد مه ، اسسفه ، جت تقلي ، يلا ادخلي هااا.

رشا دخلت مفجوعه: هاا ؟

عمار: اجلسي

رشا مستغربه بتبسر امها ومحمد، جلست فوق المدكا.

عمار: كيف احمد، ابن خالتش.

رشا نكعت بطوونها لفتت لاحمد، ومطننه، نسيت موضوع الخطوبه، ومفجوعه لايكون محمد حارش بها وهي بتجابره وماسك الكتلي.

عمار: مالش بتبسري اخوش؟ بين احاكيش اناا .

رشا: ماقلتوا ، نسيت.

عمار ضحككك، ومحمد ضحكك.

ايناس: بتتخيوشي والا خزا، ابوش بيسالوش مارايش فيه؟ موافقه يخطبوش.

رشا انصدمت ابسرت محمد ، وعوجت فمهاا ، وقامت ،ابتسمت بخزاا: قلت لكم انتوا اخبر، وخرجت.

عمار: يعني موافقه بس خزا بنات.

ايناس: هههه ، لوما خطبوني بك مادريت اي حين مابسرت الا بيقلوا لي عرسش ..

عمار: قد تغيروا الناس ، وعاد بعدا ، عيتشرطين ويتخورين.

محمد تنهددد، وخرج.

ايناس: يااي..

محمد رجع من الباب: هاا اماه ..

ايناس: قل لخواتك يقربين العشاء

محمد: حاضر ، كم رقم احمد؟؟

ايناس: ابسره عندك في المفكره جنب التلفون.

عمار: لاقد تحاكيه.

محمد: مع غر اسجل رقمه.
.
.

ف امريكا …
سما: ولاقد معنا رقم الا بيتنا ورقمش ورقم ابي.

سلا: وانا سجلت رقم بيت خاله ايناس.

سما: هههه قصدش خالو محمد رنت نغمه رساله ،
سما فررحت، فتحتها

سلا: من رسلش؟

سما: بابا راعي
سما: يهي يهيييي، ارسلو رقم بكيز وزغلول.

سلا: من بكيز؟؟

سما: اخو مايكل جاكسون.

سلا هزرت التلفون ، قريت اساميهم ضحكت: شلووش.

سما بتغير صوتها بمسخره: قالوا اذا نحتاج شي او معامله نحاكي واحد منهم.

سلا: جحفه اسمع اساميهم واحس بغاثي.

سما: اسمعي اسم عزوزش وغثي ، رشودي مالش دخل به.
.
.

ف اليمن…
محمد سجل اول رقم بيت سلوى وبعدا احمد ورسل له رساله برقمه.

رشا دخلت لاعنده.

محمد: ياجناااه ، ماكفاش اول ، انا اشتي ادرى لو زوجوش احسن من الخطبه.

رشا: والله انك ماتستاهل حد يجي يعتذر لك.

محمد: يلا رحمتش ، جي كذا ، يامعررصه طلعتي بتتيهودي سكته، لا راحت لش يا رشا.

رشا: يوو اناا مافعلت ؟؟

محمد: ساعه واقفه انتي وميدو وانا بين اقل الكتلي ثقيل ، شليته وانه مشو حجه بس دريت ذاحين.

احمد رد الرساله.

محمد: رن تلفونه،، رساله ، خطيبش عمره طويل.

رشا خزيت.

محمد: شاتصل له احسن ،،

احمد: هلا هلاا، مبروووك.

محمد: ع التلفون والا ع اختي،، لا راحت لك يا مدعمم، مساير لك وانت مدعمم، فجيعه او خزا مازد ظهر لي.

احمد: والله انهن كلهن، قل لي ماقالوا عمي ؟

محمد: هذي دقنتي لاشميت خبر، راعي ماذلحين لخبر النسوان.

احمد ضحك: عيديك الله لا يدي اخطب لك اذا ما جعجعتك.

محمد تنهدد: اح ي اخي حتى انت والكل، قد اخوك مجعجع خلقه، لاعد تستقضي.

احمد: عادك صغير ع الخطبه.

محمد: عنقلهم ياشيبه المهم متواصلين يالغجه.

رشا: بتسمع مبتسمه وتتبسر لمحمد سكته.

محمد غلق وابسرها، مقعيه!!: فارحه او مه.

رشا: رزعته بالوساده جحفه لك.

محمد رفع لها حواجبه

رشا: يوو ذكرتني بسلا، كم تعجبها تيه الحركه.

محمد: مالكم اين ماسرت سلا سلا سلا ، تعبت والله.

رشا ابسرته معصب: يلا تصبح على خير.

محمد مسك اللابتوب، فتح حسابها ، اوف لاين .. غلق الحساب والنت، وجلس يبعسس في اللابتوب
.
.

امريكا ..
ساره: بين اقلكم ماوافقش ابوها.

رشاد: اهاا يلا خير

ساره: لاتغثى حبيبي سهل كما عقدتوا

رشاد: ناهي ماحلقتش سهل.

عبدالعزيز: رفضوا؟؟

رشاد: ايوه، ليكن انت لغجه ماتفهم، مش هو بحق ماتنازلنا.

محمد ذكر صاحبه حق المعهد، اضاف رقمه وراسله (ماجد مازد فعلت لي في الاوراق،، معك محمد)

ماجد: اولا مبروك ع الرقم ، ثانيا كنت اشتي اتواصل معك مادريت لاوين، الصبح جي للمعهد وجيب معك اربع صور، وصوره الجواز، والبطاقه الشخصيه، شهاده الميلاد، ونسخه من شهادتك الثانويه).

محمد: تمام ، مشكوور حبيبي.
.
.

ثاني يوم.. الصبح.امريكا..
سلا بتلبس وتتجهز .

سما: ياعلي سلا ياعلي دلع

سلا: من بعض ماعندكم ي اختي سما.

سما: يووو محمد لو يبسرش هكذا لايجنن، كان يجنين عليش وانتي بلثمه ساع الذبابه.

سلا ضحكككت: جحفه لش ياسما ع تشبيهات ساع وشش ذبابه صدق.

سما: تقلي مابيفعل كم مجموعه، ماعيدرس؟

سلا: يوو كم كنا نوعد بعض ندرس جامعه سوا نفس التخصص، الله يلعن ابوها الغربه تيه.

سما: وحسبهم الله اعمامي، هم اللي جعجعونا
.
.

في اليمن… بعد العصر
محمد رجع الساعه٣ .

ايناس: جنه مالك تاخرت، مراعيه لك توصلني عند خالتك.

محمد: سرت المعهد وتاخرت مع ماجد خرجنا نتغدى

ايناس: هيا سير قل لخواتك لاعد يقربين لك غداء ووصلني.

محمد: اركع عصر واشلكم.

ايناس: قوا اقطب عاد احنا عنخطى ندي النشاده لانتاخر .

محمد: الااان ، طرح تلفونه والسويس والساعه ودخل يتوضا

ايناس: يلله ذاكرين ، ولما يرجع ابوكن دفين له العشاء

زهور: حاضر .

ايناس: بتلبس ..

محمد: هيااا عتخطوا شاسبقكم.

ايناس: مذاكره مش تفتحين التلفزيون.

رشا: حاضر.

فوق السياره …
محمد: بيسووق،، رن تلفونه …
النغمه(يامنيتي ياسلا خاطري). بسررعه سمعه صمته وجاوب.

ايناس: اهااا ذكرررت.

محمد لف لها واشر بفمه، اص.

ماجد: اين انت شكلك خارج.

محمد: ايوه نوصل البيت،

ماجد: مارايك تشلهم، ونلتقي نخرج نلوي

محمد: على طوول اطرحهم واتواصل معك.

ايناس: ماقلت لي،،

محمد: ايوه نسيت مااقلكم ذيه ماجد

ايناس: مايشتي؟؟

محمد: نخرج نلوي.

ايناس: تمام ماقصدتش ماجد ماقلت لي ماهي قصه النغمه هذه.

محمد ارتبش: نغمه اغنيه افتحها لكم.

ايناس: مع وو..

محمدقاطعها: قد احنا في السايله ، اين بيت النشاده.

ايناس: لف من هنا يمين واخطى طوالي

محمد متوترر: تمام ..

ايناس: محمدد لاتلف وتدور ،، مابينك انت وسلا !!

محمد: من سلا؟

ايناس: محمد انا داريه بكل شي، من اي حين بتتواصلو؟

محمد:ماتواصلناش.

ايناس: كله كنت داريه به وقلت محمد عرف يختار ومابش سع سلا ولا باخلاقها وفرحت ، لكن بعد مجابرتك انت واختك امس بطلوا جنان البنت خطبوها.

محمد ساااااكت وعصب: ولما كنتوا داريين وبيقلوا لكم عيجوا ناس يخطبوها ليش ماقلتوا لهم ماشي .

ايناس: لانك عاد انت بتقرا ، وين انت وين هي والبنت مش ساع الولد عتجلس تراعي لك.

محمد: هذا بيت النشاده ؟

ايناس: اللي بعده الباب الاحمر، عسب هكذا بين ابسر جنانك لمنحه امريكا بين اقلق ماتشتي تسير تفعل، تتقاتل انت وخلق الله.

محمد: هيا انزلوا ادعوها او انزل؟

ايناس: انا بين احاكيك تجاوب، احمد الله اني مابدعت بك قبال ابوك ، عيب افهم واركز قد انت رجال حاسب ع تصرفاتك

محمد: مااافعلت مافعلت لهذا كله؟؟؟ بتحسسوني مدري مافعلت احبها من صغرررنا وجاء واحد شلها في شهوور مافعل والله ما افلتها له، فتح باب السياره نزل ورزعه.

ايناس: انصدمت من ردة فعله(لاحول ولاقوه الا بالله).

محمد بيرزززع باب البيت.

النشاده: من، كسروا يد اللي بيدق هكذا..

محمد طنش وطلع السياره.

النشاده فتحت الباب: مالكم ي اختي الناس مايدقوش هكذا .

ايناس ابسرت لمحمد وابسرتها: اصلا بيدق محد فتح رجع دق قوي.

محمد شغل السياره وفحطط بسرعه.

ايناس: قلنا دلا من الجنان
.
.

امريكا…
سما: شافعل رساله بالسكايب لزهور ورشاا اكتب لهن ارقامنا.

سلا مطنشه بتصلي .

سما فتحت اللابتوب: جحفه ياسلا مابش حد ، اوف لاين شرسل بالارقام واقلهن ان قد نقلنا وحدنا.

سلا تمت تسلم ، وبسرت سما: انتي مدكومه ، بتبسريني بين اصلي مع من بتهدري ساعه

سما ضحكككت: معش، تتمي تصلي وتجاوبي.

سلا: جاووعه قومي نفعل اكل ..

سما: وانا والكل،، “”طرحت اللابتوب”” وقامت
.
.

بيت عمار..
رشا: ضبح مشتيش اذاكر، اشتي احاكي سلا وسما اني انخطبت

زهور: ههههه انخطبتي ، مزقرعه اعظم من احمد.

رشا ضحككت: بس كانت سما تقل لي والله مايعبرش، اشتي اقلها.

زهور: فقدت لهن صدق جي نفتح السكايب ونبسرهن فرصه مابحد اخوش

.. فوق السياره…
محمد وصل بيت خالته وقف.

ايناس: عتنزل عند احمد؟

محمد: قلت لكم شاسير عند ماجد

ايناس: وسوق ساع الناس من الجنان والتفاحيط

محمد بصوت واطي: اسوق ساع الجن، اسير ملح محد حاسس بي.

ايناس: ماقلت؟؟

محمد: ولاشي شارجع لكم ٨

ايناس: تمام

سلا: خاااوره الشفوت حق خاله ايناس، حقهم ثاني، جي نسبر مثله.

سما: حرمتي شفوت عمتش ايناس، معش عصيد عمتش ساره.

سلا: سما، انا مراعيه لش تفسخي لي.

سما: افسخ انا ههههه شلوش ياسلا ياسعم اني شيخ حسستيني شاطلقش.

سلا: يعني كنتي بتداريني؟؟

سما: مع قلت لش نخطي لابي الموضوع وبعدا نقلب.

سلا تنهدت: انا مستغربه من ابي..
قاطعهن السكايب بيرررن ..

سما: بيتصلين؟

سلا: حملت تفتح.

سما: دهفتها..وجاوبت، بتتكركر.

زهور: جبرركن مابيضحككن.

سلا: حملت اجاوب قبلها، دهفتني

زهور: سمااجه ماقد عقلتيش، قالوا قد خطبوش نفسي ادرى كيف ابسروش.

سما: اسكتي بس ، كيف مثلت ان انا العاقله والحاليه والحميش شليت طباع سلا كلهن.

زهور: وسلا مابقيتي لها؟

سما: قلت لهم معقده، فيها حاله نفسيه مابتجلس الا وحدها ومش هي اجتماعيه.

زهور بتضحككك

رشا: يووو حسبش الله ياسما ، وبعدا فسخوا؟

سلا بتسمع سكته وبتقرح اصابعها..

سما: مع ، والله انهم ملبطين لباطه

زهور: اين سلا

سلا: حيا كيف انتين، هذه بتداهف الخوشا.

رشا: افتحين الكاميرا احنا وحدنا مابش حد

سلا: ليش وين خاله؟

رشا: ايوه ماقلنا لكن حنان ولدت امي ساروا عندها ، محمد شلهم

سما: ماشاءالله ماوقع لها.

زهور: وقع لها حسام.

سلا: كيف محمد، نجح؟ وكم ادا ؟

رشا: يهي اسئلتش يشتي لهن بصيره.

زهور: محمد نجح وادا تسعينات، وبيدرس معهد وقد توسط عند الجن والانس يجي يقرا عندكن منحه.

سلا: صددددق؟

رشا: والله ، بس ماقد تم التوفل.

سما: ناهي سوبر مان عيجي يقرا ، وكيف نفعل بحبيبه قلبه قد زايغت حسي افسخ لها.

رشا: والله ان حالته حاله وبيقاتل يوصل لها ، ليش ماترجعوا ، قد رجع لكم بيتكم حاولوا تضغطوا ع عمي يحيى.

سما: حاووولنا والله مارضيوش.
.
.

في اليمن،،
محمد اتصل لماجد: هوذا بين ابسررك اقطع الرصده.

ماجد: ايوووه

ماجد قطع الرصده ، وفتح الباب وطلع .

محمد بضبح: حياك وسلم عليه.

ماجد: اوو ، مالك معصب خير؟

محمد: ولاشي .

ماجد: اكيد قد تحانبت لك انت وواحد في الشارع.

محمد: مااشي، ي اخي بس الصددق انا لي منعك اشتي اسافر حاول تخارج لي الموضوع.

ماجد: ع طوول بشرررط تزوجني.

محمد: حانب بروحي ، اتزوج وازوجك ببنتي.

ماجد ضحككك: ي اخي مامعك في امريكا ابسر لك دوله اسهل عتطلع منحه اسرع.

محمد: ما اشتي الا امريكا.

ماجد: وانااا مابلا ادرى السبب، ادعمك سوا

محمد: اذن مارايك نسير نلعب بلياردو ونتجابر.

ماجد: بس قبل اشتي رأيك لو معك اخت ماتهدي لها هديه.

محمد: ع حسب المناسبه ،نجاح او عيد ميلاد .

ماجد بابتسامه: عيدميلاد.

محمد: اشتري لها حريوه

ماجد قرررح يضحككك.

محمد: مالك ، كم عمرها؟

ماجد: اشتريها هي للمه عاد اشتري لها حريوه.

محمد: هاااا، ومالك قلت لي اختي ، ضحككك،
الله يفتح عليك.

ماجد: مانفعل ي اخي ، قدي اختي لو مايوقع نصيب.

محمد: كان حالتك ساعي ، مجعجع، بتحب ، عيعين الله.

ماجد: بالمفتوح، لو معك حبيبه ماعتهديها.

محمد: اهديها قلبي وروحي .

ماجد: هيا يالغجه اقطب ، عطر حالي؟

محمد: وساعه، او دب.

ماجد: ساعه اضخم، يلا دقايق وارجع لك وقف هنا
.
.

بيت عمار
زهور: يو فديتكن ، كيف احلويتين.

رشا: رعى الله يا سما ايام زمان الشعفله

سما: هههه ، لاعد تبدعي بنا، قد احنا سابرين

سلا: بتبسرهن وبتلعب بالسلس اللي في رقبتها لافوق دقنتها

رشا: طبعا سلا جبرها صدق ، تيك الهادئه الرقيقه .

سلا: ضحكت اسلمي انا فدالش ، ماقلتي لنا مااخبار احمد،

زهور: يووو اتصلنا نقلكن نسينا.

رشا: احززرين ماوقع.

سما:خطبش؟

رشا: ايوه كلام بس .

سما: حلا، واحده فينا تنخطب للي تشتيه، وياسر م اخباره ، بين اخزى اسال خاله هدى .

زهور: بعد ماخطبتي الان حاكوا واحده ابسروها في الحاره

سما: صدددق؟؟ من هي وبسمها وبنت من؟

زهور: مدري والله ، شسال ماما وارجع اقلش.

سلا: زهور؟ محمد زاعل مني؟

رشا: ايوه تغير الصدق

زهور: دكمتها وتاشر لها

رشا: الصدق شاقلش انتي زهور واحدي، قد محمد مش هو اللي تعرفيه، بين اجابره منش نتصلش وهو يدعمم

سلا: قد حسيت، مابيدخل سكايب ساع اول

رشا: هو بيحبش بس قال وانتي مخطوبه لحد غيره، ماعيحاكيش ابدا.

سلا: دمعت من كلامها وقامت.

زهور: بس لاتغثي محمد طيب وتعرفيه اكثر مننا.

سما: قد حنقت وقامت

زهور: هذي الخبلا رشا ماتهجع مالش بتتخيبلي!

رشا: ماتخيبلتش بتسال وانا قلت لها الصدق.

سما: ولو زعلت محمد كلامه صح.

زهور: بس يا سما والله انه يحبها ولو تبسري كم بيلبح(يتعب نفسه) عميدها (عشانها) عتعرف انه مانسيها.

سما: ابردين منها ،المهم حبيباتي سجلين ارقامنا رسلتهن في الرساله.

بيت الولاد
اروى: حيا اختي ، مالش اليوم صورتش مش هي سوا ، اخي عمار ماوافقش؟

ايناس: مع مابلا حريق دم احنا ومحمد بيتعنتت(بيعصب) بالسياره.

اروى: قدو كلهم ي اختي هكذا ، شباب طايشين الله يهديهم بس.

ايناس: امين، تمت تسبر المصر الطالعي، قبال المرايه، دخلت، حجاب وياسين ماشاء الله قرع كل شيطان، اليوم لبس الوالده جنان، من لبستها العصبه؟

اروى: امي سيده.

حنان: خاله للمه ما اديتوا البنات؟

ايناس: معاهن مذاكره ، ماقد افتهنت من هم محمد السنه اللي سارت وهذلا ذلحين ، الله يعين.

اروى: هيا ادخلي الديوان ، خزا النشاده وحدها.

الديوان كان مجهز للنسوان والتفرطه، الماسات فوقهن غشايات ، وعلب فيهن الهيل والنعنع واللوز وسكر نبات.. وابريق الشعير، والكركدي، والماء المبخر والببسي والماءالبارد…

مزاهر الشذاب علاو المكان فوق الصفيف(رف، مبني من نفس الجدر). المعاشر والمدايع وسط المكان.

مكان النشاده موضع ومميز في الديوان..
.
.

في الشارع..
ماجد: وصل بكيس هدايا كبير مغلف.

محمد: فتح له الباب اللي ورا.

ماجد: طرح الهديه ورا وغلق الباب ، وجلس قدام جنب محمد..

محمد: اين نسير؟

ماجد: خلينا نلوي فوق السياره احسن.

محمد: ماقلت لي، المنحه تحتاج زلط؟

ماجد: لا ، هذه مابش فيها رشاوي ولف ودوران منظمه لو شروطك مقبوله توكل ع الله

وصلوا لكفتيريا ، وقفوا اشتروا عصير ورجعوا يلووا بالسياره.

ماجد: عتقل لي مامصنف لك في امريكا؟

محمد: شرجع اقلك، هي مكلفه؟

ماجد: مجانيه، بس لازم يقع في يدك مبلغ هانك لو احتجت شي او شي.

محمد: اكيدد، يامنعاه اقطبها، انا فدالك.

ماجد: اوراقك جاهزه مراعين بس يجتمعوا ويستدعوك مقابله..

محمد: لوو تسبررر ياماجد لاقلك السبب.

ماجد: منشغل بالتلفون ،، ومبتسم.

محمد: لفت يبسره، مامعك يالحب ؟؟

ماجد: اعوذ بالله هولا عيون او كشافات مادراك ان اسمها الحب؟

محمد ضحككك: انا قلت لك انت الحب ، وانك مسمي لها الحب، فضحت روحك .

ماجد: والله مافضحت شي، ان قد ابن اخي الصغير داري اني بين احب، بس عيهدي الله ابي ويوافق.

محمد: يعني اللي محلبطك هم؟

ماجد: ايوه ، وانت مامحلبطك؟

محمد: والله لو اقل انو انت اللي محلبطني عتصدق.

ماجد ضحككك: انا محلبطك؟ انزل لي هنا ..

محمد: بين اقل لك اقطب لي امريكا ، وانا ادعي لك من فوق الطايره الله يسخر لك قلب ابوك.

ماجد: هااا الحب حقك في امريكا ! صورت قصتك قصه هيا احكي..

محمد حكا له .
.
.

سلا خرجت وجالسه في البلكونه ، وبتبكي.

سما: ي اختي تميتي روحش بكاء مالش صلي ع النبي مش انتي اول ولا اخر واحده تفترق هو نصيب.

سلا: سمعتي ؟ محمد تغيرر !! لو ماوعدته سهل ، قلل من قيمتي هوذا انا حاكيته المره الاولى وقدني مخطوبه وقلت له مراعيه له، خلاص نسي كل شي ، وانا مابين ابكيش عليه خلاص ، ابكي ع حالي اللي جلست مراعيه ومصدقه انه عيجي.

سما: استغفرالله العظيم، جحفه لكم ولليوم اللي ابسرتوا بعض فيه، مش انا ناقصتكم سدووا.

.
.

في بيت الولاد..

حنان: قوا لاتكونوا تبخروا بتثوير(بخور، يعتقد بانه يطردالارواح الشريره)😈

اروى: مع ، يابنتي ضروري وقبل ما تدخلي اقري ع نفسش واخطي د لا من العنوصه.

ايناس: بعدا حالي مايخلي شم البيت ولاد او عرس الا هو هيا ادخلي و(ازقمي المسبحه واجلسي سبحي).

.
.

في الشارع،، (جبل عصر)

ماجد: والله ان صورتك مجنون اعظم مني ، صح اني اجرأ منك و حكيت لابي واهلي لكن انت ، عادك ع ملاحقه.

محمد: المهم اقطبني يامنعاه، ولو المعامله بزلط تحاكى.

ماجد: ما ذلحين اعرف امور، هيا خطينا شرق.

محمد: ذلحين اين عتجي بالهديه تيه ؟

ماجد: خليها عندك فوق السيارات لاغدوه لوما تجي المعهد.

محمد: تمام سابرر.
.
.

في بيت عمار…
رشا قبال المرايه بتقايس فساتين وتتمكيج.

زهور: عتذاكري ؟ اول مجابره سكايب وذلحين مدكامه.

رشا: كيف انا قمرريه !

زهور: معي سنه اصبر عليش اجر ، وبعدا عد افتهن منش.

رشا ضحكت: ومنش ياداحوس(هرمه)
.
.

في الولاد..
ايناس: جالسه ومتكيه بالمدكا جنب اروى.

اروى مسكت يدها: ماحاكيتينيش ي اختي ، ما قال اخي عمار؟

ايناس بتوضع ل اروى المصر: وافق.

اروى: الحمدلله ، الله يجبرني ويجبرش ، حنان عتوفي الخميس ، والجمعه يجتمعوا الرجال .

ايناس: ان شاءالله ، الله يتمها على خير.

اروى: قلي لهن يذاكرين امد تزيدي تديهن معش تيه اليومتين، عتبننها سليفتها بعد غدوه، والخميس وفاء بزفه وبن من زوجها.

ايناس: ان شاءالله، ولو تحتاجي شي اتصلتي.
.
.

بيت عمار ،، وصل البيت..
رشا: يو قوا اخرجي لا عند ابي، امد ما امسح وشي لايبسروني.

زهور: و تفعلي العشاء انتي ، لانش بتتمفرغي من اول .

رشا: ناهي.

بيت الولاد..

النشاده: اشتي اخطى ذلحين شرق عليا.

ايناس: هوذا ابني عيجي ذلحين توكفي(تجهزي).

اروى: قذا جاء في الباب مريع..

ايناس: هيا خاطركم،
مساكم الله بالخير والعافيه.
.
.

أمريكا …
ساره: كيف انتي ياسلوى؟ كيف البنات بيتصلين لش؟

سلوى: الحمدلله، ايوه،

ساره: جي اخرجش ونخرج.

سلوى: مع مابين اتوازنش شادوخ.

ساره: شامسكش وتخرجي بالعربيه مارايش؟

سلوى: تمام.

ساره: شاتصل لش بزوجي يدعي يحيى تحاكيه.

سلوى: تمام.

.
.

محمد مراعي لامه خارج ، ذكرر الموضوع.

ايناس خرجت هي والنشاده.

اروى: سامحيني شغلتش.

ايناس: يو ي اختي الله المستعان مابش شغله ولاشي وبعدا هي قريب مني.

اروى: سياره احمد في الورشه سار العصر يخرجها ماقد رجع.

ايناس: يله خاطرش ي اختي.

محمد مراعي في السياره ، بيقلب المسجله.

ايناس طلعت السياره.

النشاده طلعت وغلقت الباب: ي اختي لو سمحتوا غلقوا الاغاني.

محمد ما انتبهش.

ايناس: بتسمع؟!

محمد: ماهو .

النشاده: ي ابني مايجوز حرام غلق البلا هذا..
وفعلت له محاضره فوق السياره لوما نزلت.

بعدا مادخلت بيتها..

ايناس: عيس برد قلبي فيك.

محمد محمد مطنش بيسوق بضبح.

ايناس: وبعدا تعلم لما يتكلم اكبر منك تكون تجاوب انت والطبيعه هذه.

محمد: بتزفوني ، ما اقوول ؟ لو اجاوب عتقولوا بين ارادد.

ايناس: ذلحين اسمع ، امريكا انساها مامعي الا انت، وسلا انخطبت وماينفعش تفسخ انت خطبه .

محمد: امريكا مستقبلي من دراسه وكل شي.

ايناس: انا مش موافقه سفررك ، وان هو ع سلا اكيد عيرجعوا

محمد: ترجع وقدي مزوجه؟

ايناس: يا ابني خيرة الله على دمك من اين اجي لمخك البنت اختطبت بتفهم.

محمد معصب طنشش،، وبيطرررق للي قباله.

ايناس: ووواصل اذا عتمكنها مدلازه، شاحاكي ابوك.

محمد وصل قدام البيت ومسك بريك بقووه.

ايناس نزلت وصرعت له الباب.

محمد دخل السياره، وغلق الباب , ودخل.

زهور هزرته للغرفه: لو تبسر من اتصل اليوم

رشا: وقد معها تلفون فرصتك.

محمد: انتين مابتفهمين، ماشحاكيهاش ، يلا من هنا.

رشا بسرت زهور: ها وعاد انتي تقلي للمه اقل لسلا مايشتيش يحاكيها.

محمد هزرها من كتفها: ليش تتفيضلي وتقلي لها، من اليوم مابش بيني وبينش كلام ع سلا ولاتدخلي.

رشا دهفته، وخرجت.

زهور: مالك بتجنن ؟؟؟ ماوقع بك مش انت محمد ماعندها حجه تغيرت، وخرجت.
.
.

بيت الولاد ..

اروى: خالتك وافقوا

احمد بفرحه: صدق !!

حنان: ايووه صدق .

اروى: الجمعه، عنسير، غدوه نبكر انا وانت نتم بقيه القلافد.

احمد: ع طول من سبع.

حنان: هنيت لكم قذا عيبكر من سبع ، عاد انت ع سنه ياروحي البنت تتم تقرا..

.
.

يوم الجمعة..

عمار: اختي اماني وصلت امس العشي هي وزوجها والجهال من ماليزيا.

ايناس: شاتصلها تجي تتغدا، وقدي تجلس نبسرها وتحضر الخطبه، ومرة اخوك احمد مابتجاوب.

عمار: انا قد حاكيت احمد ، عيجوا.

ايناس: تمام ، الله يرضى عليكم حاكي محمد يحجز كراتين ماء بارد ويخليهن في الثلاجه ، هنا مابش بقعه.

التلفون رررن .
زهور بتقشع الغشايات حق الوسايد.

ايناس: جاااوبي

زهور رفعت السماعه: الوو

حنان: الوو، يووو لك الحمد حين جاوبتي بين اقل شادعيش ومشتيش حد يشك.

زهور: خير مالش؟

حنان: اسمعي سكته لحد يدرى ، مابلا انا وانتي واحمد، نطرح امي وخاله ونحرجهن، لما تتم الخطبه يدخل احمد سكته ونقطع الترته ونتصور .

زهور بفرررحه: ايوووه.

حنان: اصه لاحد يسمعش قلي انش بتتحيلي لابني.

زهور ضحككت: تمام

حنان: المهم ، جهزي لرشا بدون ماتدرى شال من نفس الفستان تتغطى به.

زهور: ايووه انا شاخرج ادي الفستان امس ابسرته وقال صاحب المحل عيدي الصبح مقاسها

حنان: صممي انش تخرجي انتي،

زهور: عد اخرج ذلحين واتصلش بصوت واطي( كلهم جنبي)

حنان: اتصلي لتلفون احمد، شاخرج معه الان.

زهور: تمام.

بعد العصر…
محمد وصل رشا من الكوافير،

رشا دخلت..حانقه منه.

محمد دخل بعدها حجفها وبارك لها، وتاسف لها.

رشا: مالك هي خطبه، انا زاعله منك.

محمد: لاتزعليش شافهمش بعدا ليش عصبت المهم انبسطي وافرحي.

رشا: عقبالك ياروحي الله يفرح قلبك.

محمد: بسلااا ، ورفع لها حواجبه.

زهور: هيا سير ادي الماء.

محمد: اطرحين الفل في الثلاجه لايصفر.

ايناس: زهور بمه قطعتي الشرابه حقش.

زهور: يوووف جحفه لاظافري .

عمتهن اماني وصلت وبناتها،، هدى وفاطمه..

الرجال في الديوان ..

وصلوا احمد وابوه واعمامه والوسيط
خالهم

احمد دخل وسلم ع عمار ومحمد.

الاب دخل القات

خالهم دخل الشنطه

عيال عم احمد دخلوا الماء

النسوان..
اروى ماسكه ابن حنان.

ايناس دخلت الترته للمطبخ.

زهور شلتها منها.

محمد دخل الببسي والماء والكيك.

زهور بتضحككك: الله يقلعك يامجنون، اخرج لحد يبسرك هنا.

محمد طرحهن وخرج بسررعه

في الديوان …
الوسيط خال احمد: صلاة على رسول الله..

الرجال كلهم ردوا بصووت، اللهم صلِ وسلم على سيدنا محمد وعلى اله…

الوسيط ابسر عمار: احنا جيناكم خاطبين راغبين بنتكم رشا لابننا احمد.

عمار: اهلا وسهلا شرفتونا خير النسب وخير الشباب.

الوسيط: المهر والشرط وتاريخ العرس لاوقته.

عمار: ان شاء الله.

الوسيط: الله يجعل في ذلك الخير بحرمه الفاتحه.

احمد: ولا الضالين امين، ومسح وشه

الجميع قام يبارك له ويسلم عليه.

الوسيط شل الشنطه لاعند عمار.

لانص التخزينه كلهم خرجوا واحمد جلس عند محمد

محمد دخل الشنطه والقات

عند النسوان…

البنات فاتحات اغاني وبنات الجيران بيرقصين.

اروى: صلين ع النبي ، وفتحت الشنطه، ولبست رشا الفل…

زهور بتوزع الكيك والببسي.

حنان بتعاونها.. شلت الذهب ورفعته، غمزت لزهور..

بعد المغرب،،
الكل بدأ يروح بقي الاهل بس..

حنان شاورت زهور..جهزتي السكين والقلصات ..

زهور: ايوه وفعلت لهن شرايط ..

حنان: والكاميرا معي، جهزي الاغنيه ..

زهور: تمام.

حنان: خرجت تدعي محمد، كلمته واحرجته.

محمد: تمام ع طوول، ازيد اجهزه لكن واسبكه.

حنان: ايوه عقبالك الله يسهلك مافي نفسك.

محمد: اممممممين.

النسوان جالسات..
حنان رفعت الببسي والقراطيس من القع،، وسحبت رشا لخارج.

رشا: يو حالي افتهن تعبت التسريحه ضبحتني.

حنان: جي لهنا، صلحت لها المكياج، خففت البتره(الروج).

رشا: مالكن؟

حنان: قال محمد ، عيال عمتش اماني عيدخلوا يسلموا عليش.

رشا: يو ابسرين الفستان كيف؟

زهور: ها البسي ذيه الشال بسرعه.

رشا : لبست ماله قرررمد، مابش داعي, يدخلوا المكياج قوي .

حنان: قد مسحته، هيا البسي..

حنان سارت تدخل احمد

زهور: دخلت كرسي جنب حق رشا.

رشا: دخلت قددي محمرره خزا ،جلست فوق كنبه ابو نفرين (فعلنها حنان وزهور_)عسب لما يدخل احمد

اروى بتبسر لايناس ولرشا مالش لبستي؟؟

حنان دخلت ماسكه احمد وبتحجررر(زغروطه)

اروى لفتت تبسرهم من الباب وبتحجر(للللللي) وهي بتدمع.

ايناس ضحكت: حسسسبكم الله

زهور فتحت الاغنيه.

رشا وووطت راسها خااازيه ، ويدها بتنتفض .

احمد: فارررح ممشخرر(مبتسم بقووه).

وصل بارك لرشا ،،

حنان ناولته الدبل: لبسها.

رشا يدها بترتعش.

احمد: بيتفررج للدبله ويده بترتعش والكل.

قطعوا الكيكه وتصوروا ، والمحاجررر ملان المكان والاغاني.

رشا فااااارحه وخازيه

احمد بيبسرها وهي تخزا قرب شاورها: واخيرا قدش خطيبتي، كم راعيت لليوم هذا.

رشا وطت راسها وابتسمت.

حنان راشت زوجها تمسي بيت خالتها،،

زهور: مازد قال علي؟؟

حنان: اخيراااا وافق عيخصمها من الجمعه.

زهور: هههه سهل.

بعد ماتمت الحفله كلهم روحوا …

عمار ومحمد دخلوا يباركوا لرشا ويتصوروا ..

زهور كنست ورفعت ..

حنان بترقد ابنها ..

رشا جالسه تتفرج للهديه وبتقرا رساله كتبها لها احمد في شنطه الخطوبه..

حنان: هيا اغسلي وشش والتسريحه وجي احاكيش..

رشا: حاضر.

زهور تمت رفعت العشاء بتغسول.

محمد دخل غرفته ، وجالس مطنن بيبعسس في اللابتوب فتح له حساب في الفيس.

.
.

بيت اروى..
وصلوا كلهم تموا تعشوا وتجابرووا

احمد دخل غرفته ، ورسل لحنان رساله.

حنان ردت ،راعي نص ساعه.

رشا: خرجت بتنشف شعرها،،

حنان: عتقسمي لنا شكلاته،

رشا: مع، ماخورتين الا تيه، ماشعسهاش،

زهور: قلة الولف اول مره تنخطب

حنان ضحكككت: جي نتجابر يازهور وانتي امسكي التلفون جاوبي.

رشا خزيت: من اجاوب

حنان: ابسري الرساله(الف مبروك يا احلى وارق رشا والله يتمم لنا على خير ، وعقبال الفرحه الكبرى).

رشا: ما اقل له

حنان: انتي اخبر.

رشا: ردت له الرساله، وجلسوا يتواصلوا رسايل.

.
.

امريكا،، الصبح
سلا: هيا اقطبي، عشر دقايق وبابا هنا،

سما: تمام غلقي الطيقان ، واتفاقدي الغاز.

سلا: تميت ، قد انا فاقده لماما قوي.

سما: وللبيت وخالد وكل شي.

بعد ربع ساعه خرجين ، يحيى وصل .

سلا حضنت ابوها وسلمت عليه.

سما سلمت وطلعت..

يحيى: اليوم معزومين غداء بيت عمكن صلاح اوصلين ارتاحين واتجهزين.

سلا تاففت: ضروري نسير؟

يحيى: ايوه عسبكن عزمونا

سما بتلغاج: كثر خيرهم.

.
.

اليمن،، في المدرسه..
صحباتها بيباركين لرشا،،

رشا خازيه وفي يدها الدبله: عقبالكن.

صاحبتها: وعقبال زهور

زهور: مع انا بعد الجامعه، مابش معي حد يعاجل عليا هههه..

بيت ابو ياسر
فاطمه: هيا وانتي اي حين تخطبي لياسر

هدى: عادهم ردوا نابي الموافقه.

فاطمه: الشنطه جهزتيها؟

هدى: ايوه، وقلت لو نفعل العرس بعد سته اشهر في العطله.

فاطمه: حالي، يعني عتحددوا لهم؟

هدى: ايوه لو عيحجزوا من ذلحين ، لايقلوا عاجلناهم.

.
.

في المعهد
ماجد: اتصل لمحمد، هيا جي ذلحين سريع

محمد: خير؟؟!!

ماجد: جي وادي الهديه

محمد: الله يسامحك فرحتني.

ماجد: ههههه، كل واحد حسه عند قلبه ، جي ي الحب.
.
.

في امريكاا..
سلا بتسابق سما دخلت البيت بسرعه حضنت امها..

سما دخلت بعدها.

خالد: ياهمتااااه لنا كنتوا تخلوا سما، وادوا سلا.

سما حجفته سلمت عليه: مافقدت لي؟

خالد: والله فقدت لكن قووي ضبحت، مابش من يهزور عليا البلاستيشن.

سلا: فديتك مااغلاك صدق، ابسر ماخورت لك

خالد: سيديهات العاب ضخم قووي، ابسري ياسماجه ماادت لي سلا.

سلوى مدمعه : كيف انتين فقدت لكن.

سلا: وانتوا، قووي فقدنالكم

سما: تعرفوا هذه من.

سلوى: ايوه بنتي.

سما: وانا ؟

سلوى: انتي بنتي اللقنه.

سلا وخالد ويحيى ضحكوا،، صرعه لسما.

سما: وانا احبكم قوووي ، وخاوره من يدكم الغداء ، هيا قوموا افعلوا لنا ملوج وسلته ساع اللي كنتوا تفعلوا.

سلوى بكيت.

سلا بقصتها

سما: مالش انا بين اشجعهم يتذكروا ينسوا المرض.

يحيى: لاعد تذكريهم كثر الله خيرش.

سلا ماسكه يد امها: بابا ماقالوا الدكتور

يحيى: ولاشي ، طبعا قد بتخطى من نفسها وتقوم وتتحرك، بقي بس الذاكره .

سما: الحمدلله ،حجفت امها قوي وحبتها.

.
.

في اليمن…
محمد: هيا انزل وصلت .

ماجد: اديها معك وادخل انا في الاداره.

محمد: تمام …. بعد مادخل..

ماجد: مراعي له ف الباب خارج المكتب،

محمد: سلم عليه وناوله،،

ماجد: سلم عليه وبصوت واطي،، اسمع قبل ماتدخل المقابله،،

محمد: الان ؟؟؟

ماجد: ايوه بس اسمعني، قدمت لك اوراقك والشروط المطلوبه وافقوا عليها، بقي معك امتحان اللغه لازم تكون ممتازه ، تحب نختبرك الان، بس لوماجبت الدرجه المطلوبه، عتتاخر للسنه القادمه، او انك بعد شهر تختبر ولو نجحت تسافر ، وهكذا معك فرصه تذاكر وهذا رأيي وشادعمك بملازم ونماذج اختباراتهم ، مارايك؟؟

محمد: اكيد بعد شهر اضخم .

ماجد: يله شادخل قبلك والسكرتيره لما تدعيك ادخل .

محمد: اوكي ، اخذ نفس عميق ، وبيدددعي بينه وبين نفسه .
.
.

امريكا ،، بيت صلاح

صلاح: ماقلتوا لي، كيف كان اسبوعكم؟

رشاد: الحمدلله

عبدالعزيز: مارايكم نخرج نلوي ونتغدى خارج؟

صلاح: امك بتحتشر من الصبح ، يحيى والبيت عيجوا يتغدوا هنا، بناته وصلين اليوم ..

رشاد: اهاا، سااابر.

عبدالعزيز: يعني ندور لنا شاقوص (نافذه صغيررره) نتشاقر منه.

صلاح : ضحكككك ، الله اكبر عليكم معررصين.
.
.

سلا جهزت لامها ثياب.

سلوى تمت تصلي(الشي الوحيد اللي مانسيته)، وسلمت

سما: هيا جي يااسلاوي اختاري لنا مانلبس.

سلوى ضحكت .

سلا: ياسعم ان ماما صحبتش هكذا تحاكيهم؟

سما: ايوه، صح انتوا صحبتي.

سلوى بابتسامه هزت لها راسها وبتسال عن خالد.

سما: هو وبابا في الحوي

سلوى: اين عنسير.

سلا: عند خاله ساره.

سما ضحكككت: عتعميش اليوم ، قد عتطفح مننا حن بنداعيها خاله.

سلا: قوااا، اليوم بدعي بي يفسخوا

سما بتتكلم وهي قاحصه ع اسنانها: مش قد نسيتكم صاحبتكم.

سلا بهررت لها وبتتحلف لها بيدها.

سلوى ابسرت لسما: عيب اللقانه،
.
.

اليمن…
محمد: اخيرااا تميت، المهم لاتنسى قوا ، ادي لي فكره او اشياء تنفعني لاختبار القبول.

ماجد: تمام ولايهمك، احلى مافيك انك مش مخزن ههه ، الفحوصات مهمه ارجع جهز فحوصات كامله.

محمد ضحكك: ع طوول ، الان اسير.

ماجد: لا خلي تاريخ قريب من تاريخ الموافقه المهم معك شهر.

محمد: اصبر ذلحين قل لي، اين عتجي بالهديه؟

ماجد ضحك، وعصر يده: مش هو عليك،

محمد هزر يده: والله لاتقل لي ذاااحين.

ماجد: طالبه عرفتها قد لها سنه ونص في المعهد بتقرا،.

محمد: وللمه ابوك ماوافقوا؟

ماجد: ابي من حق البلاد، مابش عندهم زواجه الا من الاهل.

محمد: خيررة الله، افعلها فيزه للبلاد وسير اخطبها.

ماجد ضحككككك: زباااج، ي اخي افكارك لحالها، الله يوفقك.

محمد: الله معك، اشر له بيده سلام وخطي .

.
.

بيت ياسر
هدى: اي حين مافضيت ي اخي ، عنخليها لما تطلع انت وعمه عادل(عم ياسر)

امين: خلاص ان شاء الله بعد اسبوع بطلع صنعاء معي عمل.

هدى:اهم شي الجمعه تكون موجود

امين: اكيد ولايهمك.

امريكا..
رشاد بيمشط شعره .

عبدالعزيز: خلصت الجل يااخي ، فارح سعم انها عتبسرك.

رشاد: هيا وانت قد قايست ثلاث شمز(قميص)

عبدالعزيز: انا الصدق ماتاملتها قوي .

رشاد: انا من رأيي ان احنا نحنب في الشارع او الحوش.

عبدالعزيز: حنبوك في برميل زباله قل امين.

رشاد ضحك: خلاص ماعد معنا الا الحاصل.

عبدالعزيز: الحاصل لك وحدك، ما انا قدك داري المعجبات حولي ساع الرز

رشاد: يا اخي معك خارجي، بس البلدي احلى ثااااني ، يكفي حكاها ولقانتها جعلي جعلالي.

صلاح دق لهم الباب: حد جاهز ، يروح ينفعني.

رشاد: ايوه انا

صلاح: سير جاوب امك في المطبخ ابسر ماتشتي؟

رشاد: تمام.
.
.

بيت يحيى ..
الكل فوق السياره..

يحيى: لف يريوس.

سلا: يدها فوق الكرسي اللي جنب ابوها

يحيى: اين الدبل ؟؟

سما: يوو نسيناهن.

سلا: عادي عنقلهم كبار.

يحيى وقف السياره: فيسسسع واحده تنزل تديهن، عنلعب غداء وعشاء مايسبرش او مه ياسلوى؟

سلوى: ايوه، مخطوبات يلبسين المحابس.

سلا نزلت تديهن… ورجعت للسياره، لبستهن بضبح

يحيى: ايوه سابر، وخطي لبيت صلاح.

.
.

في اليمن..
محمد وصل بملازم واوراق وكتب.

ايناس: ماهن هولا ، طبعت لخواتك؟

محمد: ماشي حقي الاوراق.

ايناس: الله يعينك

زهور: ماما كم لكم مااتصلتوش لخاله سلوى.

ايناس: ايوه ، ذكرتيني ،تقلي ذلحين هن في الانترنت؟

زهور: مدري والله ، شبسرر.

محمد فلتهن ودخل غرفته.
.
.

امريكا..
يحيى وصل بيت صلاح ، مسك سلوى ونزلوا ناول سلا المفتاح، غلقي السياره والحقين.

سلا بتغلق الابواب وسما واقفه.

سما بتمشي, وتجابر سلا.

رشاد وصلوا الباب سوا، لمحها ورد السلام (السلام عليكم ) بيخطى وهو بيبسرها دق في الباب كتفه.

سما كركررت، ووطت راسها.

سلا بتضحك من ضحك سما، وتدقها: خلاص بس.

رشاد دخل بسرعه ، يشتي يدعي عبدالعزيز سحبه صلاح يسلم ع يحيى.

سما: هيا قلدش الله اوافق ع ذيه المدكوم.

سلا ضحكت: اصه ادخلي سلمي على عمه ساره.

سما قربت لاذن سلا: جااذبه قوي

ساره: حيااا بالخازيات ادخلين حيا بكن نورتين
.
.

اليمن..
اماني(اخت عمار) بتكلم لؤي ابنها: كيف طبع زهور ؟؟

لؤي: تعجبني قوه شخصيتها ، وذكاءها.

اماني: اخطبها لك؟ قدو لابعد سنه ونعرس لهن جمعه.

لؤي: ايوه وقلوا لها تتلثم ، مش عاجبني معاندتها هذا شرطي.
.
.

امريكا …

بعد الغداء ،،
ساره ناولت البنات هدايا من عيالها.

سلا بتبسر لسما سكته.

سما طرحت الكيس جنبها وبتتفرج لسلا

ساره: ذلحين ، ياسلوى ماقلتوا ، لو يتواصلوا الجهال سكته ، والكبار الرجال قد انتين داريات بهم.

سلا: ولو هذولا ابي ، ماتعودناش نخبي شي عليهم

ساره ضحككت باحراج: مع بس مقصدي سهل لو احتجتين شي والا شي، الرجال هم يكبروا الموضوع.

سما موضوع زي هذا مانقدرش نخبي عليهم.

سلوى: ايوه مابش داعي ..

امريكا ..
ع مرواحهم،، الكل خرج يودعهم ..

سلا وسما خزيين ، وسبقين للسياره .

رشاد عينه على سما وعين مع ابوه ويحيى.

عبدالعزيز: ماسك التلفون ..مش منتبه خالص.

.
.

في اليمن..
ايناس قلقت: اسكه يازهور ادي تلفون محمد اتصل لهم للبيت.

زهور: اتصلوا بالارضي ارخص.

ايناس: مابش كرت وهو استقبال مفصول ادي تلفون اخوش اتصل اقلهن يفتحين النت.

زهور: حاضر

محمد ناول زهور،،

زهور: عتخرج عندنا.

محمد: لا ، معي مذاكره تمين واديتيه

ايناس شلته وبتكتب الرقم من المذكره، طلع لها الاسم محفوظ. هزت راسها ، يو والفقعسه يا ابني رقمهم قدو عنده.

زهور مطننه من كلام امها.

ايناس بتتصل، محد رد.

زهور: ادي رقم البنات، هو عندي

ايناس: ادي والله اني بين اقلق مدري كيف همينا مع ولاد بنت خالتش ونسيت اختي سلوى.

.
.

فوق السياره…
سلا كانت بتتفرج من الطاقة، بتفكر بمحمد، تلفونها رن، خرجته : رررقم من اليمن.

يحيى: جاوبي

سلا: الوو..

ايناس: مساءالخير، من معي سلا او سما؟

سلا: خاله ايناس , حيااا كيف انتوا معاكم سلا وحشتونا والله.

ايناس: وانا والله ، اين انتين قلقت ولاعد بتفتحين نت ولاشي.

سلا: كان معنا مذاكره ، همينا، وماما قد انتوا داريين بينسوا كل شي.

ايناس: عتستر تحاكيني؟

سلا: ايوه ، ها ماما جاوبوا .

،،،،،، تمين يتجابرين.

زهور ردت لمحمد التلفون

محمد كان بيذاكر ، شله وطرحه جنبه.

زهور: ماتشتي شي.

محمد: ولاكلمه رجاء

زهور: براحتك.، وخرجت.
.
.

اامريكا،، البنات وصلين ..
يحيى: تاخرنا قوي عندهم.

سلا: انا نووم ، شاسبق ارقد.، ماتشتوا

سلوى: سلامتكن سيرين.

يحيى: ادخلين افتهنين.

خالد: اشتي عصير.

سما: هنيت له بيتخور قوم ارقد.

خالد: قوا ، بقي لكن يوم وترجعين مابش من يدلعني.

سما: بس ريحمه قطعت قلبي جي اناولك

في اليمن…
ماجد رسل لمحمد رسا( صاحي؟)

محمد: فتح قائمه المكالمات يتصل لماجد وهو مطنن في الكتب ، ضغط اخر اتصال..

سلا نوم: ردت بدون ماتشوف الرقم.،، الو

محمد: استغرب، بعد التلفون من اذنه وابسر الرقم ورجع يسمع

سلا: الووو ؟

محمد: الو ،سمع صوت سلا ،،،طنن وسسسكت

سلا غلقت

محمد انحرج، خاف تفهمه غلط انو بيعاكس، عاد الاتصال، ليش غلقتي في وشي؟؟

سلا نووم : سمعت صوته فرحت، الوو ،،

محمد: ماتوقعت تغلقي لاوشي.

سلا: انا غلقت؟؟

محمد: سلا، تغيرتي!! والا بيتخايلي؟

سلا: اولا ، انا كنت نوم وكنت اقول الو الو محد رد غلقت.

محمد ابتسم ودق جبهته: ايووه صح ، اسف.

سلا: ثانيا لانك انت اللي ماتشتي نتواصل،. وين سارت وعودك لي؟

محمد: انا ؟؟ والله غصب عني ياسلا.

سلا: ايش اللي غصب عنك ! انت فعلتها قصه وانا مش بيدي وانت داري ، اطرح نفسك مكاني، والله اني انقهرت منك اول مره احس بهذا الاحس….فصل الخط..

محمد: يووو، مش وووقت خالص، ماسك التلفون مراعي تتصل بيتبسرر للشاشه.

سلا عادت الاتصال: قطع الخط اومه؟

سما دخلت الغرفه، الكهرباء مطفايه: اي خط اقتطع؟

سلا ضوت لاوشها بالتلفون، وقالت اصه.

محمد: به حد عندش ؟

سلا: لا هي سما دخلت وخرجت.

محمد: ماكنا بنقول؟

سلا: ولاشي انت ماتشتيش تتواصل، كيف لك اتصلت؟

محمد: كنت شاتصل لصاحبي، ومن حظي اداش الله صدفه،

سلا: ها قد قلت يعني مافكرت فيني !!

محمد: قوا ياسلا فديت عيونش اللي فاقد لهن عسب ابسر الدنيا بهن افهميني، الغبيه رشا وصلت لش قصدي غلط.. قطع الاتصال… محمد: جحففففه، ماهو هذا الحظ ، ماافعل ذلحين ؟

ماجد: اتصل، يااخي مالك، بين اتصلك مشغووول مشغوول ابسرت رسالتي؟

محمد: قوا انا لي منعك اداك الله حول لي كرت او رصيد او اي شي خيرااات انقذني اشتي اتصل .

ماجد: اهاااا كان هي الحب ،، حااااضر بعيني الان.

محمد: تسلم انا فدالك، قوا لاتتاخر.

سلا: قوا سما معش رصيد؟

سما: انتي ولا بتعقلي ولابتفكرري خبلا، للمه تجاوبيه مايشتيش نسيش.

سلا: مش وقت معش رصيد او مع تحاكي؟

سما: مابش ولو به ماشديش.

سلا: تلفونها ضوى، كان صامت،، طزز فيش مقلع لش ..الوو

سما: يقلعش خبلا دنسس..سكتها رزعه بوساده من سلا.

محمد: سلا اسمعي والله والله، ان كل قصدي كان مااشتيش اتواصل معش وانتي مخطوبه لغيري كما فسختي سهل وانا احبش ومراعي لش عمري كله وباذن الله عيسهل لي الله جيتي لاعندش، اصبري بس هانت .

سلا ابتسسمت: بس مافهمت من رشا هكذا قالت لي انك تغيرت.

محمد: ماتغيرتش وعمري ماشتغير ولاشبسر ولا احب غيرش انتي كل الدنيا وانتي لي ياسلا.

سلا: الله يحفظك ومايحرمني منك

محمد: سلا احبش قوووي والله انتبهي لنفسش امانه ولاتغثيش..

سلا: حاضر، الله لايحرمنا من بعض ويجعلك نصيبي.

محمد غلق ، كاان فاارح انه سمع صوتها، قام خرج صورها وصوره، لصقهن في دفتر، وكتب شعر تحت صورهم وتاريخ اليوم

سلا غلقت وهي مبتسمه جلست تتذكر كلامه، ونظراته لها زمان في مرايه السياره، وكل المواقف بينهم.

سما ولعت الكهرباء، وجلست جنب سلا

سلا مسحت دموعها: طفي لو سمحتي.

سما: ليش تكلميه ، مابش معش كرامه، نسيتي ماقالت رشا ؟!

سلا: رشا فهمت محمد غلط، وهو مش قص..

سما قاطعتها: مش قصده وبيحبش وعيجي لش اي حين؟ ياخبلا صدقيني انكم بتحلموا ، انسيه ياسلا عتجنني روحش.

سلا: انتي مش حاسه بشي اسكتي خلاص لو سمحتي

سما حنقت منها وقامت طفت ورقدت .

سلا مسكت السلس اللي في رقبتها(ادالها محمد) حبت السلس وبتتفرجه، وتتذكر لما اداه لها.

.
.

ثاني يوم الصباح ..بيت عمار
التلفون بيرن ..

رشا سارت تجاوب

ايناس في بيت هدى

اروى: كيف انتي يابنتي ، اين امش؟

رشا: سارت تبدي ع خاله هدى .

ايناس: قلي لها اختي عفاف جت هي وجهالها .

رشا: صددق؟ اي حين جو؟

اروى: وصلوت الفجر، نبي امش عنجتمع العصر كلنا بيتنا.

رشا: حاضر ان شاءالله.
.
.

بيت هدى
هدى: ي اختي مارضيش نحدد العرس، قال خطبه امد وبس.

ايناس: خلاص وانتي ع مه مستعجله ، اخطبي وكما جهز كل شي تزوج .

هدى: ي اختي ضبحت وحدي نفسي ابسر جهاله يملوا البيت.

ايناس: ان شاء الله، بس لاتعاجلي تعب عليش خليه يفعل جمعياات اول .

هدى: على الله ، قد قلت لامها انه بعد سته اشهر.

ايناس: مابش فيها شي قلي لها، عيسافر او اي شي عنرجع نحدد من وقته ساع رشا ماحددناش.

هدى: قدو ذيه

ايناس: يلا خاطرش اسير ابسر البنات ماقد طبخين.
.
.

في المعهد.
محمد: ماكنت تشتي امس ؟

ماجد: عادك ذكرت ههه ، اهم شي سمعتها.

محمد: مع والله انه زاد حرقه قلبي ، لما في نفسك شي ومش قادر توصله ، تموت الف مره.

ماجد: لاتستعجل

في المعهد..
محمد: ماكنت تشتي امس ؟

ماجد: عادك ذكرت ههه ، اهم شي سمعتها.

محمد: مع والله انه زاد حرقه قلبي ، لما في نفسك شي ومش قادر توصله ، تموت الف مره.

ماجد: لاتستعجل ولاتيأس، اذا به نصيب ربي عيسخر لك.

محمد: والنعم بالله ، ماقلت لي ماكنت تشتي؟

ماجد: البشااره اول ؟

محمد: منحتي ؟؟

ماجد: جحفه لك انت وامريكا زايغت بطوني هههه.

محمد: كان مه البشاره مامعي الا هي

ماجد: ابي واخيراااا بعد رفض سنه وشويه وافق يخطبها لي.

محمد: امااانه، الف مبرووووووك، الله يسعدك ويفرح قلبك وقلبي. يلا شارحلي خاطرك.

ماجد:الله معك

محمد طلع السياره ، وقف في الجوله مراعي تفتح الاشاره.

بياعه فل (صغيره): قوووا ياعم اشتري مني بميه وخمسين .

محمد: كم معش؟

البنت: ماباقي الا اربع قوا جرهن اروح اتغدا تعبت تحت الشمس.

محمد: خرج الف من جيبه، هاتي الاربع، والباقي اشتري لش غداء

البنت فرحت، الله يحفظك الله يوفقك

محمد: قلي الله يزوجك بسلا

البنت: الله يزوجك بسلا

محمد: ويسفرني لها وتفسخ الخطبه.

البنت: وتسافر وتفسخ الخطبه.

محمد: امين ، خضرت الاشاره ،وخطي.
.
.

بيت عمار..
ايناس: ابوكن ومحمد ماحلقت لهم يتاخروا الا اليوم، قربين كل شي وخلين المقلى تحمى للسلته.

زهور: حاضر .

رشا: في مكانها بتصبغ اظافرها.

زهور: انتي هنا بتتصبغي وانا بين اقرب من اول.

رشا: قوووا اليوم انتي ، اشتي اسبك يدي، لاسلم عليهن ميدو .

زهور: ضحككت، ناهي شلوش ، اكوي لي حقي البنطلون.

رشا: من عيوني.

عمار: وصل هو ومحمد نفس الوقت

محمد: نزل وفي يده الفل، بيعد ثلاثه لامي ورشا وزهور، وذيه حق سلاتي اخليه هنا

عمار: فتح الباب ع محمد، لاتدخل السياره الحوي، عتخرجهن بعد الغداء

محمد: هي يوميه خارج هذا الساع، من اي حين بيقرين.

عمار: وعاد لوما تجي مرتك وان معك لواي داخل صنعاء.

محمد خزي: سهل كما جت له حلات.
.
.

امريكا..
سلوى: ياسما سماا

سما: ايوه

سلوى: اضربي لي رقم اختي هدى تعرفيه

سما: يووو جبررركم ذكرتوا خاله هدى ؟

سلوى: ايوه كيف هي ليش ماعد سألت عليا؟

سما: الا بتسأل بس انتوا مع التعب بتنسوا

سلوى: اتصلي لي بها.

سما ضربت الرقم وناولت سلوى السماعه.

سلوى: الو..

ياسر: ايوه، من معي؟

سلوى: وين هدى

ياسر: لحظه،، امااه تعالي جاوبي.

هدى: الوو،

سلوى: الو هدى !

هدى: ايوه انا فداللصوت كيف انتي ، ماشاءالله صوتش احسن من اول.

ياسر: مال خاله ماعرفتناش؟

هدى: كلمش ياسر

سلوى: من ياسر

هدى: ابني

سلوى: لا،، ناولت سما السماعه تمي جابري من ياسر

سما شلت السماعه: ها خاله كيف انتوا

هدى: الحمدلله، كيف لها تذكرتني

سما: الاشياء القديمه بتذكرها قوي بعض اشياء بينسوها بس الحمدلله بيتحسنوا

هدى: الحمدلله، كيفكن مرتاحات

سما: الحمدلله

ياسر: سلمي عليها

هدى: ياسرجنبي يسلم عليش

سما: الله يسلمكم ويسلمه

هدى: بنخطب له الخميس الجاي.

سما اختفت الابتسامه منها: هااا الله يوفقه.

.
.

بعد العصر..
اروى وحنان كانت عندها ،سارت بيتهم ، وصلت تسالمت هي واختها حضنتهاا قووي وبكيين .

عفاف: يوو ماشاءالله ياحنان فلتش وعاد انتي صغيره، وقد ابنش في حضنش ، واحمد كان نفرع بينهم هو وسامي قذا خطب

ايناس وصلت ، دخلت هي والبنات ومحمد .

عفاف: يوو حيااا باختي ، شيبوا بكن جهالكن.

ايناس حضنتها وتسالمين.

رشا ردت السلام واقفه بعيد شويه وسلمت ع بنات خالتها.

احمد: قرب منها بصوت واطي( وانا اسافر امد يوقع لي سلام ).

رشا ابتسمت وخازيه.

محمد دق كتف احمد: يااي عاد احنا هنا

رشا سارت تسلم ع خالتها.. جلسوا كلهم مع بعض..

احمد بيتفرج ليد رشا ويرجع يجابر.

رشا خازيه وتلمح احمد وتبعد عينها.

.
.

امريكا ..
عبدالعزيز: انا شارجع السكن.

صلاح: لاغدوه اليوم تم اجازتك

عبدالعزيز: معي ملازم قالوا مابلا ذلحين اسير لهن

.
.

اليمن…
رشا بتشرب القهوه، وجالسه طرف الديوان هي والبنات

اروى: هيا سيروا لكم المكان الثاني وخلونا براحتنا.

احمد: فاقد لخالتي

عفاف: لخالتك والا لخطيبتك يا مفقعس.

احمد انحرج ، قام وع خرجته هزر القلص من يد رشا وبصوت واطي ، جري تلفون حنان.

كلهم لاحظوا ،، وضحكووا

اروى: الله اكبر عليك من ولد احرجتها.

البنات: ماقال لش؟

حنان: قريت رساله من احمد وفهمت دعت رشا وناولتها التلفون، وقيمت البنات يخرجين المكان الثاني، عسب النسوان عيجين.

.
.

امريكا،،
صلاح: يلا سيروا جمعه ، الله يوفقكم.

عبدالعزيز: اقطب نص ساعه معك تجهز.

رشاد: يلا انا مابش معي شي اخطى.

عبدالعزيز : سلم عليهم وخرجوا
.
.

بيت يحيى..
يحيى: شاشل امكن عوده للدكتور

خالد: نجي معاكم ونراعي في السياره.

يحيى: يلله قطبه، فيسسسع.

عبدالعزيز : عتخرج معنا ؟

رشاد: انت ومن واين ؟

عبدالعزيز : خرجه شباب من الجامعه رايحين خرجه صحراويه شويه طلاب عرب.

رشاد: اهم شي نرمين في الخرجه ، بين اقل مالك بتعاجل.

عبدالعزيز : غمز له اكيددد، وانا اقدر مااحضرش.

.
.

فوق السياره
يحيى: الحمدلله، الدكتور قال ، بدأت الاعصاب اللي قطعوهن تترمم بس ببطء ،كان الورم منتشر لاعصاب الذاكره، والشخصيه.

سما وسلا بصوت واحد: الحمدلله،،

سلوى: الحمدلله.

خالد: يعني بعد كم عيرجعوا ساع اول !

يحيى: اي حين ماكان اهم شي امكم في تحسن بفضل الله له الحمد.

.
.

في اليمن

..مكان البنات..
رشا بتتواصل رسايل هي واحمد بتلفون حنان .

في الديوان
احمد يفتح يرد عليها بسررعه ويخبي التلفون.

محمد بيجابر ابن خالته

والرجال بيتجابروا مع بعض

عند النسوان
ايناس: كلكم غدوه معزومين غداء وحفله ،شكمه حنان، ورجعه عفاف بالسلامه.

اروى: قد كنت شاعزمكن ، يلا سهل انا وايناس واحدي.

اروى: يلا نخطى يا ايناس .

ايناس: هيا قد شرقنا

عفاف: شويه

ايناس: افتهنوا ، وانتي قد عتستقري هنا خلاص . عنتباسر واصل وزد غدوه ان شاء الله، يلا امسيتو.
.
.

امريكا …
وصلوا مكان زي صحراء مخيمين فيه طلاب ومولعين نار وشباب بيغنوا وبنات اجنبيات بيرقصين عربي مع البنات بيعلمنهن.

رشاد: ياما تحت السواهي دواهي، بين اقل مالك واصل بالتلفون.

عبدالعزيز: ههه، هن زميلات.

رشاد: اين نرمين اللي قد جننتني عليها.

عبدالعزيز: تيك اللي بفنيليه حمراء، بس ابوك الله يسامحه مايشتي الا يمنيه.

رشاد: هذي بتاشر لك.

عبدالعزيز: خاطرك اسير اسلم ، خزا جعلي العافيه عليها،

نرمين: اهلين عزوز كيفك؟ هيدا خيك ؟

عبدالعزيز: نعم ، شبهي صح ؟

نرمين: ليك !! هيدا محبس عن جد !؟

عبدالعزيز: هديه، لبسته ليش مش حلو؟

نرمين : امبلا بيعئد، بس رعبتني، فكرتو محبس شي !

عبدالعزيز توتر : ها !!لاا، تعالي نتصور معهم.

.
.

ثاني يوم العصر..
ايناس: رشا، البسي وسيري ادعي خالتش فاطمه بين اتصلها مابتجاوب تجي تلبس حنان قبل مايجين النسوان.

رشا: حاضر، لبست وخرجت .

احمد: في الحوي عادو وصل سار ادا قات، الى اين ياقمريه؟

رشا: اسير ادعي مرة جيراننا تلبس حنان العصبه.

احمد: وانتي اي حين عتلبسي لي العصبه؟

رشا: هيا ادخل من الرمسسه لحد يسمع

احمد: عيونش مع الشمس عسليات والرمووش سهام خزقين قلبي خزاق.

رشا ضحكت: هيا خاطرك.

احمد: الضحكه، وحددددها ، القات مراعي لش اقطبي.

رشا ماردت، وبتضحك عليه.

.
.

بعد ايام ،،
ياسر اتصل بيحيى ، سلام ياخال كيفك(زوج خالته)

يحيى: هلاا حياك ياسر، كيف انت

ياسر: الحمدلله، شكل اخر فاكس ماوصلكم، باعيد ارسله وماشتيش حد يشوفه غيرك

يحيى: خير اقلقتني، في شي؟

ياسر: اقروا الموضوع الان عدت ارسال الورقه بتوصل ثواني بس.

يحيى: اوكي بقراه وارجع لك خبر.

خالد: لابس ومتشيك وبيوضع شعره قبال مرايه البيت.

يحيى: عصب ، الى اين؟؟ وما استاذنت !! وبعدا ناسي انك تاسع !

خالد: مع اصحابي عنخرج ،

يحيى: لا مش ضروري تخرج، مااعرفهمش احذر وانتبه تساير اي حد ماتعرفه.

.
.

في سكن البنات ،،
سلا بتذاكر .

سما بتجابر صاحبتها في التلفون

صاحبه سما (جوري): يلا نطلع نشم هوا.

سما: اووكي ، بكلم سلا نجهز الان ،ن ص ساعه واحنا تحت.

سلا: اين ؟

سما: قومي نخرج نغير جو

سلا: يلله.
.
.

في اليمن ..
محمد خرج من الاختبار متوتر..

ماجد: هياا كيف وقع ؟

محمد: على الله مش داري بشي وقلق مايصبرني لغدوه، بس حاسس انه ساابر.

ماجد: ان شاءالله خير ، واول مااعرف النتيجه شتصلك.

محمد همس ع كتفه؛ مشكور حبيبي ، قد دحستك خيرات، اهم شي كيف الخطوبه ؟

ماجد: جناان بنشقى ع الكروت بدل مانجمع حق الزواجه.

محمد ضحككك: الله يعين ويوفقك ،

ماجد: واياك،

محمد: خاطرك..
.
.

بيت عمار
ايناس: هيا من غدوه ابداين النفاض بالمكان ، باقي لرمضان عشر ايام.

رشا: مكان محمد وحده يشتي له عشر ايام وعشر نسوان، ادخلوا ابسروا الووورق والملازم.

ايناس: هنيت لعيني بش ، هذا وقد عتتزوجي .

رشا: ومادخل الزواجه بغرفه محمد.

ايناس: عتكوني تحطمي فوق زوجش .

رشا: ايوه شاحطم لو يرفس هكذا.

ايناس: اشتحطي بغير شخاطه، ابسررتي سلا وسما كانين جهال ومتحملات البيت كله.

رشا: اجلسوا مكنونا فلانه وفلانه.

بيت ياسر
هدى: قوا كلم ابنك انا تعبت معه، كل ماجمع قرشين ، يصرفهن .

ابو ياسر: شكله نسي انو خطب ، كم باتراعي له بنت الناس ؟

ياسر: وصل ع كلامهم، اي بنت ناس.

هدى: خطيبتك، جهز مهرها.

ياسر: تمام ، في وقت.

هدى: ايش من وقت انا قلت لهم بعد سته اشهر.

ياسر: وانا قلت لك لاتقليش بعد سته اشهر ، وحنق لغرفته.

ابو ياسر: الله يهديك يامره، مش قلك انو لاتحددي لهم؟ لما خطبنا قلنا من وقته، ليش تحددي.

هدى: بصوت واطي، اكذب عليه يبطل شبرقه (لعب)بالزلط.
.
.

يحيى وصلت له ورقه الفاكس( هذه بيانات كامله لمشروع صغير نفعله انا وانتوا معرض سيارات تشتروا سيارات من شركات التأمين المصدومات وتوردوهن لليمن ، نتعامل مع ورشه ترجعهن جديد ونبيعهن باسعار تناسبهم وتناسبنا) ما اخفيش عليكم مكتب تحويل الصرافه بدأت شركات صرافه كثير منافسه وممكن العمل حقنا يخسر اي وقت ، فكروا في الموضوع ومنتظر الجواب وتقبلوا خالص تحياتي.

يحيى سرررح وهو بيقرا ، حك راسه ، مطنن ، سمع صوت الباب بيدق عطف الورقه في جيبه.
.
.

في اليمن ..
بيت عمار كلهم لبسوا وخارجين ، معزومين غداء بيت عفاف الجديد.

احمد معصب: هياا اقطبووا ، الساعه٢:٣٠ شررق.

اروى خرجت: هيا هاا مالك بتعاجل ياابني.

احمد: شررق وزحمه ومن الصبح بنلوي.

اروى: هيا صلِ ع النبي واخطى.

احمد بيسوق بنرفزه.

وصلوا بيت عمار ..
حنان قد سبقتهم.

ايناس دخلت تقرب مع اختها.

عفاف: باقي اروى تأخرت.

ايناس: اتصلي لامش ياحنان.

رشا: وصلت لفت شنطتها داخل البالطو كانت مخبيه هديه في شنطتها(عطر وسماطه-شال رجالي يمني).

زهور: كيف عتديها له ؟

رشا: ع خرجته شامكنه.
.
.

فوق السياره..
احمد بيلف من شارع فرعي.

خرجت سياره ، وصدموا بعض.

احمد نزل بيلاعن ومعصب.

الرجال: مالك ماتطرق، داري انو شارع فرعي.

احمد: انت المخالف، والان تسبر السياره.

الرجال: انت اللي دخلت عرض ولا طرقت.

تصايحوا وتهازرووا ، الناس جوا يفرعوا

اروى جاوبت التلفون

حنان: اين قد انتوا

اروى: خليها ع الله اخوش بيعتجن اليوم صدم

حنان: يوو وقع بكم شي؟

اروى: خلي خالش والا حد يخرجوا احنا راس الشارع الرئيسي عند اللفه.

حنان: تماام ، سارت تحاكي ايناس.

عمار ومحمد خرجوا لاعندهم بالسياره، وحكموا بالجنبيه لان احمد هزور الرجال.

الرجال سامحه لانه الغلطان ،ورد لاحمد الجنبيه.

احمد خرج من جيبه مبلغ

الرجال رد المبلغ، وتسامحوا وكل واحد رح له.
.
.

امريكا ،،،
عبدالعزيز بيتجابر مع نرمين في التلفون وكان في الحديقه قريب من سكن البنات

سما: يووو ابسري هو ذيك خطيبش والا بيتخايل لي.

سلا: جحفه تجحفه، ماداه لاهنا ؟

سما: دعممي، ولاتبسريه.

رشاد: كان بيتجابر هو وواحد.

جلسين البنات بعيد

سلا: للان لنا نص ساعه والتلفون مانزل من اذنه.

سما: بتغيروا ياقلبي.

جوري: شو في بنات؟

سما: ولاشي بس شبهنا ،

جوري: بتعرفوهم ؟

سلا: يمنيين ابوهم صاحب ابي.

سما: ضحكت.
.
.

في اليمن ..
احمد وعمار ومحمد وصلوا بيت عفاف..

اروى: انت من الصبح بتدور هدار ، قلي ما بيعجنك.

رشا كانت واقفه جنب اروى ،مسكت يدها، بصوت واطي ،جوا ابسروا ابن حنان بيبكي مادريت ما افعله.

اروى فلتت وسارت.

احمد دخل يسلم ، وبيحكي لهم ان هذك الغلطان.

.
.

امريكا
سما بقصت سلا ، قومي ازقمي التلفون ياسعم بتحاكي حد ونخطى من هانك قبالهم.

سلا: مع اخززا ابردي.

سما: هيا استفززيه عسب يقل مدري من بتحاكي

سلا: طيب خليكن معي

سما: عنكون نقرب منش وانتي ادهفينا.

سلا: بتتفرجه بيتكلم ومبتسم وطوول، بنبره حاده ردت حاضرر.

سما: يلا العبي بالتلفون واكتبي اي شي وبعدا شارن لش محد ينتبه امد يلفتهم صوت النغمه وانتي جابري ولوي.

سلا: يلا، قامت وسبرت حجابها كانت لابسه شميز مخطط طويل وبنطلون، وسما مثلها.

جوري بضحكه: وانا مش فاهمه شي، بس اذا بدكم اساوي شي ماعندي مانع .

سما: انتي افعلي مثلي، نمثل كأن احنا بنضايقها وهي بتتكلم مع حبيب.

جوري: بس بعدها بدي افهم القصه اوكي.

سما: اوكي ، يلا، ولما قربين ، محد منتبه منهم

سلا: بدات تطبع، ومبتسمه
.
.

في اليمن ..
رشا شلت تلفون حنان، كتبت، اولا: الحمدلله ع سلامتك، نكعت بطوني فجيعه، المهم عسبي كون انتبه على نفسك ،ثانيا: كل سنه وانت طيب والسنه اللي عتجي مع بعض ان شاءالله، ادي اغسل لك القات ،

احمد كان ضابح، ابسر الرساله وابتسم ، رد بدون غسال ابردي لش .

رشا: بغير جنان، اديه والا شادخل لاعندكم اشله.

احمد: يهي، جي للحجره ؟

رشا: ماينفعش النسوان قبال الباب بيتغدين ، المهم رسله مع واحد من الجهال، وقبل ماتخرج اشتي منك حاجه، قل لي.

احمد: حاضر.

رشا حملت لاعند حنان، قوا انا فدالش ارسلي اي شي ياسعم مع احمد امد اطرح الهديه في الكيس.

حنان: هههه كله لافوق راسي، يلا شلي مقمطه حسام وافعليها من فوق الهديه.

احمد رسل لها، عنسير احنا والرجال نخزن بيتنا، تشتي شي قبل مااسير.

رشا اخرج اخر واحد امد احاكيك بسرعه..انا في الصاله بين اتشاقركم اجلس بقعتك بس.

احمد خرجوا كلهم قرب للصاله.

رشا بابتسامه: كل سنه وانت طيب، هذه هديتك تحت مقمطه ابن حنان ، لاحد سألك قل اده حق النيني.

احمد: اوو ناااسي انو عيدميلادي.

رشا: الكيكه اللي بكريمه سبرتها لك بس ماكتبت شي خزيت.

احمد: انتي احلا شي ابسرته وسمعته، نساني ضبح اليوم كله، الله يحفظش لي ياروحي ، شاجعلش وارسل الجعاله مع الجهال.

رشا ابتسمت، وهزت راسها حاضر.

.
.

سما داخل شنطتها جهزت رقم سلا وضغطت اتصال.

سلا تلفونها رن ، وانتبهوا للنغمه اغنيه عربيه

رشاد شافهن، لفت لعبدالعزيز.

عبدالعزيز لمحها، عينه عليها وبيجابر مواصل.

سلا ياسعم جوبت

سما قربت بصوت واهي: كأنش بتجابري محمد.

سلا تنهدت، ومثلت انها بتجابره،تشتي تخطى.

سما: لاتبعديش من هنا لووي لواي ببقعتش.

سلا بعدت من جنبها، وبتضحك ، قربت من عند ورد بتمسكهن وياسعم مندمجه وخازيه.

سما بتمثل تقرب تتسمع وتبعد.

رشاد: مركز على سما ، قام من جنب صاحبه، ومشي.

سما مقفيه، بتجابر سلا.

سلا اشرت لها براسها ومسكت يدها: جاا.

سما لفتت بقوه، وهو في وشها.

رشاد: مساء الخير، كيف الحال.

سلا بعدت من جنبهم .

رشاد استغرب ولف لعبدالعزيز.

عبدالعزيز غلق ، شاف سلا بتتكلم ماقام.

سما: مساء النور.

رشاد: انتي سما صح.

سما: لا اختها.

رشاد: ها العفو،

جوري: ضحكككت، حتى انا مثلك بلخبط كنت بس في فرق بينهم بسيط، هذه سما لسانها طويل.

رشاد ضحكك: يله اكلتينا مقلب.

سما: العفو، ما اقدر اجابرك.

رشاد: ليش ايش المانع اولا خطيبتي ثانيا يمنيين وانا مثل اخ اذا بتخزي اني خطيبش.

سما: بتشووفي ، معاكسه عيني عينك قال خطيبته.

جوري: عيب اخي، هيك مابيصير.

رشاد منصدم رفع يده: والله خطيبها ها.

سما: ع غباء وانا ها ورفعت يدها لجوري.

رشاد شاف مابش دبله.

عبدالعزيز قام لاعند سلا يكلمها.

سلا اشرت له انها بتتكلم ، بعدت من عنده.
.
.

في اليمن.
ماجد اتصل بمحمد.

محمد كان جالس معهم سامرين ، ازعااج ومجاابره.

ماجد: اين انت اخرج احاكيك موووضوع مهمممم

محمد قام بسرعه خرج، والكل استغرب: هاا قل لي نجحت ؟

ماجد بفررحه صيح: مااااع.

محمد اكتبد: اسسسسألك بالله!!

ماجد: مش بس نجحت وانقبلت ياااامحمااااد الف مبررررروك.

محمد: اماااانه قلدك الله؟

ماجد: والله، وغدوه من سبع تجي ادي لك تعبي الاستمارات وتتم المعامله.

محمد: ي اخي والله لانلتقي الان واعشيك في الشيباني اقطب انا فدالك.

ماجد: اووو ،الشيباني يلا الاان البس واتواصل معك

محمد دخل استاذن منهم: مستعجل شاسير الان.

عمار: تمام ، لاتتاخر.
.
.

امريكا:
عبدالعزيز مبتسم: ماتستريش تأجلي الاتصال.

سلا: ياسعم سددت سماعه التلفون، نعم ماتشتي ؟؟

عبدالعزيز بزبجه: ضر عليش من اول التلفون قالوا خطر.

سلا: وانت مادخلك فيني؟ ومن سمح لك تجي توقف تكلمني.

عبدالعزيز اصتررع: شكرا هذا من ذوقش.

سلا اشرت له بيدها يروح وواصلت تتكلم .

رشاد عصب ، هزر عبد العزيز واشر لصاحبه وخطيوا ، لانص الطريق استأذنوا من صاحبهم وخطيوا.

عبدالعزيز: نرفززتني، ايش الاسلوب هذا.

رشاد: هنيت لك اللقنه من حظي ، اللي مااستحمل امي لازبجو اعصب ، بتتسيخف قبال البنت، اول شي فكرتها بتخزا، بس كيف تخزا وعندها الجرأه تحاكيني.

عبدالعزيز: هذا ولاشي ،اسمع تيه من بتحاكي ساعه ووقفتها وفجيعتها لما قربت بتكلم واحد.

رشاد: انت من كثر مابتجابر الجن والانس كلهن بيجابرين واحد، يااي اعقل.

عبدالعزيز: قلت لها تغلق ولاغلقت واشرت لي بيدها وقفت وهزأتني بس والله لاربيها سوا.

رشاد: والثانيه لوما قصيت لسانها مااكون رشاد ، وزبط سياره واقفه قباله.
.
.

سما ضربت كف سما وجوري وضحكككين.

سلا: يااااااارب يفسخ.

جوري: يفسخ شو؟ وبعدين معك انتي وياها، مافهمت شي !

في اليمن …
احمد وصل فتح الرساله والعطر والشال، فررح تعطر ، ولف الهديه في الدولاب.

محمد ووصل فارح، دخل لخواته يقلهن

رشا فرحت: واخيراا يارب يتمها لك ويوفقك.

محمد: امين ، ررن تلفونه.

احمد: اهلا ، بعدي بعدي ، ما اشتي منك يا اخي افهم سهلها لنا الله يسهلها لك .

محمد: مافهمت مالك حبيبي مسطول!

احمد : انت بتحب ؟

محمد: ضحكككك، سع الذي .

احمد: ادي ، اقل لخطيبتي تصبح على خير.

محمد: هاااه ، تمام معك دقيقه هي جنبي قلها تصبحي ع خير حرف واحد ، شاسمعه انا لاني شاهزر التلفون.

احمد: تمام يله عد يابطل.

محمد ناول رشا.

رشا: الو

احمد: اهربي بالتلفون لغرفتكن وغلقي الباب.

رشا ضحكت: تمام.

احمد: ياجناه لنا احنا وتيه الكركره.

رشا غمزت لزهور تغالطه وهي سارت للغرفه.

محمد: بيحكي لزهور ع المنحه نسي رشا.
.
.

امريكا …
سلا وسما حكين لجوري قصتهن.

جوري تاثرت وزعلت: لكان القصه هيك.

سلا بزعل وعيونها بتدمع هزت راسها ايوه.

جوري: بس فكره سما بتجنن اذا الكبار مو فاهمين شي، انتوا فهموا هادول انو مابتحبوهم.

سما: اكيددد انا سما والاجر على الله.
.
.

في اليمن
رشا دخلت بابتسامه وحبت محمد.

محمد: اليوم بس، مش يوميه.

رشا: قاضيني ، فوقك لي خيرات.

محمد: مش وقتش ذيه الساااع انا فاررح وياويلكن ياسواد ليلكن حد داخل البيت وخارجه وسلا اي مخلوق مايعرفش فاهمات, والله لو اشم خبر شموم مازد اكلمكن لما اموت .

زهور: يا لطيف الطف، قدو مفجوع ع روحه ننفسه، خاطرك .

رشا: فارحه بك او مه خلاص رقمها عندك وسدوا مادخلنا احنا ماعد نزيد نتراسل بينكم.
.
.

البنات وصلين السكن سلا وسما دخلين غرفتهن.

سلا: فاااارحه، وحاسه ان الان عيتصلوا يقلوا مايشتوناش.

سما شافت لسلا سكته،

سلا: مالش ؟

سما: كم حسسيت بش اليووم، لما جت لش فرصه سع تيه، معش حد مراعي لش، انا حظي نحس ، احلى ايام حياتي عشتها في تعز، كنت احس نظراته واعجابه بي وجنانه اول مايسمعني، ويحاول يتليقن امد ارد عليه.

سلا: هيا مالش ذلحين عاد الا قلبش حس ، اوريش كيف هي صعبه، خلاص خطب وقد عيتزوج.

سما: احنا مش مثلكم اعترفتوا لبعض، احنا نظرات بس تقتل اكثر من الكلام، بس ماكانش في حسي خااالص، الا لما خطب حسيت بوجعه لما انخطبت.

سلا: واحنا مانقوول !

سما: تقلي لو يدرى ياسر اني فسخت عيفسخ ؟

سلا: هههه ،قلبش دق لياسر!

سما: يااارب يفسخووا، بين اتغااثاه من قلبي ثقيل دم.

سلا: نووواصل ، بس يووو ع فجعه فيني يسيروا يقلوا لابي.

سما: بابا هم الاولين عيدافعوا، عيقلوا لهم وانتوا ليش تكلموهن ؟

سلا: واللقانه والتلفون ودبلتش !!!

سما: ننكر ونقل جوا يشتوا يحاكونا غصب ومارضيناش تبلوا علينا.
.
.

في اليمن…
محمد بيقرا الاوراق المطلوبه، (الولايه التي ترغب في اختيارها). فكر ، وسار لاعند زهور .

زهور: نعم ماتشتي؟ عادك طردتنا !

محمد ابتسم ورررفع لها حواجبه: قوووا خدمه، خلاص شاسير لها بنفسي رعى الله من تجمل .

زهور: ماتشتي ؟

محمد: اتصلي لهاا، وياسعم تسأليها ع خالتي، وقلي لها كيف الجو وو بعسسي لوما تسأليها اي ولايه بدون ماتحس.

زهور: حاضر.
.
.

بيت ياسر..الكل سامرين .
ياسر: وصلت رساله لتلفونه من يحيى
( ارسلت لك اوراق كامله ع المشروع من سعر ومواصفات ورسوم جمارك، ابسر ايميلك)

ياسر: اوكي تمام، فتح الايميل، لقي طلب موافقه قبول ايميل بدايته sama ، بيتهجى الاسم ورفع حواجبه باستغراب، قبلها.
.
.

في امريكا ..
عبدالعزيز جالسين مع اصحابهم، وهو معصب

رشاد: مالك ، عتطرح عقلك بعقل غاويات.

عبدالعزيز: والله اني بين افور ،ايش من غاويات ، انت كيف لك غرورك وزنطك خلاك تسكت ع البهذله هذه.

رشاد: الصدق عجبتني لقانتها وكانت تصيح وانا بين اشوف ورا حده عيونها طيبه، وي اخي اللهجه حقها وحدهاا.

عبدالعزيز: لاا عاد الاخت ، بتنشني ساع الذباب ارحلي، مسك التلفون ، رسل لامه (سكته وبدون مايدرى ابي اشتي رقم سلا الان امر مهم.)

ساره اتصلت له، ماالك خير ؟ في شي؟

عبدالعزيز قام من جنبهم، جاوب ، ابي في البيت؟

ساره: لا، مالك مالها سلا ؟

عبدالعزيز: ولاشي بس ، بتساير واحده وقحه قوووي ولازم احاكيها تنتبه منها.

ساره: هاا، تمام ، تحاكيها وبس، ابوها رافض تواااصل .

عبدالعزيز: حاضر.

سما: ليش ماقلتي لزهور بالموقف حق اليوم؟

سلا: اشتي لما افسخ ياسمااا، اتصل اقله كل الكلام اللي بقلبي، وبعدا كانت مستعجله اتصلت تتطمن علينا، ورشا انخطبت

سما: الله يسعدهاا يارب، كيف محمد؟

سلا: محمد ، تنهددت، نفسسي اسمع صوته ، وابسر حركاته وحواجبه وسواقته المجنونه.

سما: بين اقلش كيف هو مش مابتخوري ؟

سلا ضحككت: ناهي ، قالت الحمدلله،
.
.

في اليمن..
محمد: هاا، ماقالت ؟؟

زهور: جلسست اركزز سااعه ع الكلام اين عتقول ، وهن بيدرسين ف ولايه ** وبيتهن* المسافه ٣ ساعات بس.

محمد: حجف زهور: يسترر، ع المثقفه حقنا عتعيريني الاكسنت حقش.

زهور ضحكككت: محمد كيف عتفعل بالزلط ؟

محمد: شابيع السياره وقالوا عتعتمد لي منحه وراتب لو عاملت من هانك لان مجموعي حلو.

زهور: وانا مابش معي سياره ولا ارضيه بس شدي لك الخاتم والسلس واخراصي.

محمد حضنها وحب راسها: الله يحفظكن لي صدق، لو احتجت شاقلش.
.
.

في امريكا..
يحيى اتصل ب سما ، ماابتردد، اتصل ب سلا.

سلا افتجعت وساررت لاعند سما: ابي بيتصلووا.

سما بسرت تلفونها: يوو وانا اتصلوا ، تقلي دريوا

سلا: مدري ، جاوبت وساكته.

يحيى: للمه تقلقين واحد ، اتصلت لسما وانتي بتجاوبي بعد طلاع روح.

سلا: احنا بنذاكر ، والتلفونات ماسمعناهن.

يحيى: كيف انتين وما اخباركن، كيف كان يومكن؟

سلا لفت لسما وقحصت فمها وماسكه خدها.

سما: مبهرره، دريووا؟؟

سلا بتهز راسها لااا .

سما بتاشر ، كان مااهو ؟

سلا: كله بخيرر، مالنا شي لاتقلقووش علينا ، اهم شي كيف امي وخالد ؟

يحيى: الحمدلله ، اهم شي ماتشتين شي.

سلا تنهدت برااحه: واشرت لسما بيدها مابش شي،
سلامتكم وعافيتكم.

يحيى: الله يحفظكن ويوفقكن يارب، تمسين ع خير.

سلا: وانتوا من اهله سلمو ع امي وخالد.

عبدالعزيز، بيتصل يتصل لسلااا مشغووول، اول زهور وبعدا ابوها عصصصصب.

سلا غلقت ، يووو الحمدلله مادريوش

سما ضرربتها: كلللبه، فجعتتيني مالش تبهرري وترجعي تضحكي

سلا حكت لها كيف فهمت ابوها في الاول

سما: هااه وضحكت ، ماسكه اللابتوب بتراسل جوري بالماسنجر.

سلا: من بتجابري؟

سما: جوري، لو تبسري لمن فعلت طلب صداقة

سلا: من ؟

سما: ياسر، لقيت ايميله مع بابا فعلت له طلب.

سلا: قد رد عليش؟
.
.

في اليمن …
ياسر بيقراا رساله يحيى حلوو شروط سهله مافيش اي صعوبه، رد ليحيى ، و تم ، وشاف اسم سما تحت يحيى ، رسل مساء الخير انتي سما؟

سما: وصلها نغمة الماسنجر، بديت تبسر ، يوو ياسر، عمررره طويل ياسلا، الان رد.

سلا: سلمي عليه ، قلي له كيف خاله؟

سما: راعي اول ارد، ابسرت سؤاله: انتي سما ؟
ضحكت وردت له، البس نظاره وتاكد ف الاسم مابتبسر !

ياسر ضحككك: الاااان تأكدت انك سمااا والله.

سما: ههه، كيف خالتي ؟ ومبروك ع الخطوبه.

ياسر: الحمدلله، خالتك فارح بخطيبتي اكثر مني.

سما: يااعقي وانت والكل غصبووك ؟

ياسر رسل لها وجووه ضحك: حلووه ياعقي كه عيديها اشتي الترجمه لو سمحتي.

سما: مابش اعاده، مابلا مباشر، المهم كيف خطيبتك احلى منك ياخادم؟

ياسر: غبني ع خطيبك، بتجننيه صح!

سما: والله لاخليه يكره اليوم اللي فكر يخطب شاعقده دنيا واخره من الزواجه.

ياسر رسل وجوه ضحكك: عادو بيطبع وفصلل..

سما راعت !! اختفى.

ياسر: ليش تكرره خطيبها وباتعقده؟ معقوله تمزح ! بس قالت والله ! غرريب ، يااارب توولع الااان ، مابيطفوا ذا السع !!

سلا: يلله غلقي وجي نرقد معنا محاضرات من الصبح.

سما: انا معي من عشرر شاشبع نووم والحقش ،

سلا: هنيت لعينش

سما: قاامت تدخل لي هندسه، ادخلي اداره اخررج، تخااارجش.

سلا: اشتي مثل حمودي، تصبحي ع خير شاختمد

في سكن الشباب..
متجمعين سامرين وبيغني لهم واحد

عبدالعزيز ضابح فلتهم وخرج، تلفوونه رن

خرجه بسررعه من جيبه، يبسرر من اتصل؟
نرررمين!!!! ، مش وقتش خااالص.

نرمين مابيرد، قلقت ، عادت الاتصاال

عبدالعزيز بدون نفس: ها … ايووه ..لا مش نوم بس ضابح شوويه

نرمين: طيب تعا نطلع شوي.

عبدالعزيز: مابش نفس.

نررمين ضحكت: ماابش، حبييييت عن جد، بليزز عزوز تعا نطلع شووي، رح انتظرك برا.

عبدالعزيز: اوكي

ف اليمن..الصبح
محمد جهزز كل اورااقه ورتبهن في ملف ، وقام يصلي ركعتين لله ، وسار لماجد.

ماجد: حلووو ، كله موجود ، والفحوصات ؟

محمد: الان اسير اديهن باقي فحص اخروه الان اسير اديه واجي المكان قرريب.

ماجد: تماام، لاتستعجل ههه ، عادك ع فيززه شهرر لوما توصلك

محمد: صبرررت شهووور، جت ع شهر الله يسسهل.

ماجد: سير ادي الفحوص ادخل الملف، عشان يحددوا لك موعد مقابله مع السفاره.

محمد: اووف كل مااتم شي يطلع شي.

ماجد: هانت

محمد: كيف انت وخطيبتك

مااجد: الله يسسسهل بس واخيراا الصيف حددنا العرس.

محمد: ان شاءالله يجي وقدني بامريكا

.
.

في الجامعه..
سلا وصلت الصباح، دخلت المحاضره.

سما قامت, تلبس وتصتبح ذكرت ياسر، فتحت الايميل لقيت رساله العفوو والله طفوا الكهرباء
، ردت عليه برساله، قد استغربت اختفيت فجأه الله يعين ، سلم ع خاله قوي وقل لهم يدعوا لنا

جوري دقت لها باب الغرفه: يلاا سما تاخررنا.

سما غلقت اللابتوب وشلت شنطتها والكتب وخرجت.

سلا خررجت من المحاضره ومعها استراحه مراعيه لسما ، بتدورها.

عبدالعزيز: انا ماشاجيش اليوم خذ لي اذن ونزلني هنا

رشاد: ليش هنا ؟؟ عذا كنت امس معها، عتضيع لك دراستك تيه نرمين، وبعدا مش فاضي اسير اخذ لك اذن معي محاضره، حد قلك تسمر وتلوي.

عبدالعزيز: مش نررمين ، والله اليوم ماافلتها لابهذلها قبال الكل ، عسب ابسر من عد عيحبها ف الجامعه.

رشاد: قصدك سلا؟ ومادراك انو من الجامعه!!

عبدالعزيز: كان من اين ؟؟ امس اتصلها وتلفوونها مشغوول تأكدت شكووكي.

رشاد: شكلك ناوي تخربها ؟

عبدالعزيز: اخربها على راسها تحترم نفسها على من بتلعب !!جت عندي، هي دبله.

رشاد: انا مادخلني ، تحمل وحدك.

عبد العزيز نززل ودخل الجامعه..

رشاد: بيرريوس، ولمح سما مشيت وبتضحك مع صاحبتها.

سما ماانتبهت له ، لفت ودخلت للجامعه.

عبدالعزيز: بيدوور بين الطلاب.

سما خطيت من جنبه.

عبدالعزيز لمحهاا، لحقهاا

سما بتضحك جوري ع سلا، حست حد هزر شنطتها، قفت.

عبدالعزيز ابسرها سما: العفوو ، وين اختش.

سما: ياااي ماهذه الحررركه اللي سويتها !! من يقلوا لك تهزر شنطتي بهذه الطريقه ؟

عبدالعزيز: يقلوا لي عزوزز يا محترمه انتي واختش وين هي اوريها كيف تتعلم تحاكيني قلك من يقلوا لي

سما: تصدددق انك حيواان وخليتني انزل لمستوااك واشتمك وماتستاهل اوقف معك، وخطيت

عبدالعزيز: ياااي ، والله…

سما قااطعته: ياي في عينك، وكلمه واحده وتقرب لي والا لاختي قسما بالله لاقدم بلاغ الاااان ، عيب عليك والله ، وياسعم عاد احنا من بلاد واحده !!

عبدالعزيز هدأ انحرج من جوري: وهي خطيبتي وانتي خطيبه اخي , يسبررر مافعلتنه امس ؟!!

سما لفتت لجوري: انتي شاااهده بيتبلى ان احنا خطيباتهم !

جوري ماسكه الضحكه: اخي عيب والله مابيصير.

عبدالعزيز عصب: انتي مالش دخل رجاءً

سما: فعلااا، قليل ذوق.

عبدالعزيز: انتي وبعدا معش زيدتي بها ، بس شادرى من احاكي اللي رباش.

سما: اشهدددي ماقال ، شتم ابي

جوري: استغفررر الله ، تعي من هون ضاق خلقي ،هزرت سماا.

عبدالعزيز عصب ، رسل لرشاد ، خطيبتي قليله ذوق صدق بس خطيبتك بلا تربيه

رشاد قلق ، استاذن وخرج من المحاضره واتصل به.

سلا بتتصل لسما: الو وين انتي وصلتي؟

سما: ايووه،، بدخل المحاضره ونتلاقى بعدا المهم ، السامج عبدالعزيز هنا لاتخرجي، يبسرش خلي يحرق دمه.

سلا: والله لابهذله ماله زيد بها شاكلم ابي ، يزيد يجي لهنا قدوو الخررف.

سما: قد حرقت دمه ، مش وقتش ذاحين معي محاضره باي.

رشاد: ماالك مافعلت ، انت عتخلينا نقرا ساع الجن ، ابي لو يدرى والا يوصل له خبر والله لايشنقعنا باذاننا.

عبدالعزيز شاراعي ابي يدرى: انا اللي شاخلي ابوهن يشنقعهن باذانهن سوا، ماهذه الودافه يا اخي

رشاد: يلله شرجع المحاضره، لاقد تفعل شي لوما ارجع.
.
.

في اليمن …
محمد رجع ، وناول ماجد، فحوصات وتقرير طبي انه بخيرر.

ماجد: سابرر ،الان ادخل ملفك قدو كامل، وانت سير ادي ختمه دريس هههه

محمد: يااارب، هيا اخي يامنعاااه لاتنسى تتصل بي لو به اي خبرر.

ماجد: ولايهمك من العيون

محمد غمز له: ياسين عليك ،عيكحلهن بشوفه حبيبتك.

.
.

في البيت
ياسر: امس كلمتنا سما، وبتسلم عليكم.

هدى: كيف امها ؟

ياسر: مدري ، طفت الكهرباء اول مارسلت لها.

هدى: ارجع قل لها، لوما تسير عند امها تخليها تكلمني، ايوه اليوم وصلني بيت اخت رويدا (خطيبته)

ياسر: ايش معاهم ؟ولازم تروحي؟

هدى: ايوه ولدت اختها، اسير افرح لها.

ياسر: تمام باخرج الان معي عمل ، بتغدا خارج وبرجع لك الساع٤

هدى: تمام لاتتأخر ، الله يرضى عليك

بيت اروى، اتصلت لايناس تعزمها عرس اخت علي زوج حنان.

اروى: قووا لاتتاخرين ، ابسرتي كيف وقع يوم النقش زحمه

ايناس: ايوه ، البنات عيوصلين من المدرسه ونخطى، بس سياره محمد خاربه.

اروى: خلاص قبل مااخرج شاتصلش تجهزي انتي والبنات

ايناس: تمام ع الساع٤

اروى: ايوه ماشاتاخر لان ، ابن حنان معي وامه عتسير الكوافير

ايناس: تمام

البنات وصلين

ايناس: هياا اقطبين ، ادخلين سبرين
شعركن قبل مايطفوا.

زهور: اليوم الحفله ؟

ايناس: ايوه

رشا: تمام .

زهور: ماشاجيش، معي امتحان تجريبي، وانتي يارشا هوا فارحه والاختبار؟

رشا: انا مذاكره، بسيط.

ايناس: هيا يابسيط اقطبي تجهزي ، عنرجع بدري امد تذاكري

رشا: حاضر ،، ما البس؟

زهور: الفستان الفيروزي حقش حالي فوقش

رشا: تمام وشعري؟

ايناس: خليه مندوش(مفتوح )، وياويلش تفعلي نقطه بتره (روج) او كحل .

رشا: للمه قدني مخطوبه !!

ايناس: امد توقعي قبله يوم العرس، ابسرتي بنت خالتش كيف وقعت الكل استغررب عليها

رشا: حاضر، وسارت تتجهز ..

.
.

رشاد: ي اخي مالك بتدور هدار معاهن دعمم ليش تسير تتذربها؟

عبدالعزيز: بعد موقف امس تشتيني اسكت عليه ؟

رشاد: ماكان لازم نحرجهن ونوقفهن .

عبدالعزيز: ماعدناش ف الوقفه، انا في اسلوبهن !! مصدوم مالهن معقدات هكذا.

رشاد: مش تعقيد انا اشوف احرجناهن قبال خبيرتهن.

عبدالعزيز: خبيرتهن لحالها فضوليه، المهم والله لاحرق قلبها بنرمين سهل عتعلمها الادب وكيف تعرف قيمتي.
.
.

اليمن..قبال بيت عمار

احمد نزل يدق لخالته

رشا كانت مراعيه في الحوي ، فتحت وهو قبالها،

احمد: هيا ادعي خالتي.

رشا: حاضر ،

ايناس خرجت بعدها.

رشا: يوو نسسيت العلاقيه حق البالطوهات.

احمد: للمه عتشلي بالطوهات !

رشا: مع اللي نطرح بالطوهاتنا فيهن

احمد: يعني كيس عطل(فارغ) سهل عنشتري واحد.

ايناس: ايوه قوا لك.

رشا: بس ابسر انيق، مش فوقه دعايه حليب والا فاصوليا.

كلهم ضحكوووا

احمد:وقف عند البقاله، تشتوا شي ثاني ؟

ايناس: مع سلامتك

احمد: نزل واشترى للكل شكلاتات ولرشا جعاله داخل الكيس، وصل لطاقتها رجم الكيس لاعندها وهو بيبسرها مبتسم.

رشا خزيت ، وبتوري امها الكيس.

ايناس: امانه فعلت فينا خير، بنسير ندور دلالات وصرف.

.
.

محمد كان فالورشه يتفاقد سيارته، وبيسأل الرجال كم تنباع.

العامل: السياره جديده مابش فيها شي، بس البطاريه فيها مشكله وهي اللي بتطفي سيارتك.

محمد: برأيك لو بعتها كم عتكلف ؟

العامل: والله مش داري بس عتدي ستميه الف

محمد: خير ، تسلم.
.
.

ف امريكا
سلا وسما ، ضاويات(راجعات) السكن.

سما بتحكي لسلا ماوقع …

سلا: ع قله ذووق مالهم ذوليه، نحاكي ابي الصدق.

سما: مع، بغير جنان ،قد فكرت، رشاد عادو ها ماله شي اتصل به واقله ي اخي بالمفتوح وبلا تبداع قبال الناس عيب احنا من بلاد واحده، مانشتيكم

سلا: هياا ذلحين

.
.

ف اليمن..

احمد وقف قبال القاعه

ايناس: رشا، جهزي كروت الدخول

احمد: ياسعم ماعتدخلين الا بكرت

رشا ضحكت: ايوه

احمد: يو والجلاده فيكن، احنا الرجال نكتب ضيوفكم ضيوفنا ، ونعزم اللي في الشارع

رشا بتضحك، وع نزلتها حنب الكعب، هزرت رجلها اكتسرر: يووو جحفه

ايناس: مالش؟

رشا: اقتلع الكعب ، ذاحين ماافعل شاخطى برجل مشنقعه ورجل في الارض.

احمد: سهل لما توصلي وخلستيهن واخطي بدون.

اروى: زنتش(فستانش) طويله؟؟

رشا: ايوه، بس والله ما اتبدع هكذا.

اروى: قوا يا ابني شلها عند اللي بيسبروهن، يدق للقنطره مسمار.

ايناس: قوا ابسروا الطارفي اقرب واحد، لاتتاخروا

رشا استغربت كيف لهن تسير معه وحدها

احمد فاااارح: حاضر الااان .

ايناس: ادي لي كرت ، وخلي حقش معش ، ولما توصلي اسالي اين حنان وهي اتديش لاعندنا.

رشا: حاضر ، طلعت ورا.

اروى وايناس دخلين.

احمد خطي شويه ووقف نص الطريق !!

رشا: مالك وقفت هنا ؟!

احمدبضبح: لف لها ،معقد حواجبه، مكشرر،، يلا انزززلي

رشا: يو صلِ على النبي، اين انززل ؟

احمد: قلت كلمه الااان.

رشا: بس مابش هنا حد بيسبر جزمات مووقف وسط الرصده اين انزل.

احمد: صيح عتنزلي ماشي والله ماترجعي القاعه.

رشا افتجعت ونززلت.

احمد: قفل الابواب ورا، وفتح لها باب اللي جنبه، هيا اطلعي ، سعم اني السوواق طلعتي ورا.

رشا انحررجت: هيا ماااشطلعش، بعد مافجعتني ، وليش تصيح وتبهرر.

احمد: هياا رووحي اطلعي ، قبل ماانززل اتقاتل انا والفرغ اللي بيتبسرروش.
.
.

ف امريكا..

سما: يو مااشتيش اتصل

سلا: مابلا اتصلي، نفهمهم احنا احسن.

سما: حاضر ، مفجووعه دورت رقمه في الاسماء واتصلت.

رشاد: ايوه رشاد ،، عفوا من معي ؟

سما: ماعنتعرفش، المهم شاقلك كلمه ويااريت تفهم اخوك ، انا اليوم ماعجبنيش اللي حصل ، استخدمت اسلوب معه عمري ما استخدمته مع حد وهو استفزني.

رشاد: يعني انتي سما او سلا مادريتش !!

سما: مابش فررق ، المهم قل ..

رشاد قاطعها: الا فرق، سما خطيبتي ، وسلا خطيبته، من انتي.

سما: هو عيقلك اسأله، مع من وقف وقلل من ذوقه، قل له لايفررح روحه ويزنط، غصبونا غصب عليكم والا احنا مانشتيكم ولافارحات بكم.

رشاد: كنت اهدئ اخي واغلطه، بس لاقدي غصب وخطبه وكره، ماابش داعي.

سما: رجاءً لاتخلونا ندخل ابي وعمي صلاح بمشاكلنا نسد وحدنا.

رشاد: خير، وانتين موضووعكن لازم يدخلوا فيه مابش شي بالغصب.

سما: بس لو سمحت ورجاء، فهم اخوك وبس مش وقت الان حد يدرى بشي.

رشاد: تمام، وقفل، اكتبد من كلامها.
.
.

في القاعه
حنان: يو اين البنات ؟

ايناس: زهور بتمتحن، ورشا كسرت الكعب ع نزلتها، عيشلها احمد تسبره وترجع.

حنان: ها ، تمام.

ايناس: ماعتدراش اين عنجلس، لو ماتجي قلنا لها تسأل عليش.

حنان: حاضر تمام.
.
.

فوق السياره..
رشا طلعت قدام: جحفه، ماكرها وقعت لك.

احمد: وبين افكر ماترجعي العرس.

رشا: بغير جنان امانه بطل خباله هيا مه.

احمد:الدبله فوق يدش حاليه.

رشا خبت يدها،

احمد: اين نسير

رشا: الجنه عنسير لوما تقطب ترجعني.

احمد ضحك: حاااالي قووي وانتي جنبي، راعي افتح لش اغنيه

رشا: عذا عيغني ويصدق روحه، احمد بطل خباله اقطب

احمد: اين اسيررر، هوذا بندوور ، ماشي ادي وانا اسبره لش.

رشا: ماعتقدرش.

احمد: اسكه ابسره، كيف اقتلع.

رشا: مابش داعي خلاص امشي

احمد: قلت ادي ابسرره، من المكارحه حقش

رشا خززيت خلسته ناولته: حااشيك

احمد: على حلاش، وضحكك

رشا: زبااج، ماعتفعل به ؟هو عيسبر؟

احمد: يو اكتسر كله، مااعتقدش يسبر.

رشا: ابسر لو يدق له مسمار عيسبر.

احمد: بغيررر جنان، ورجلش تستوجع،

رشا: كان مانفعل.

احمد: اعزمش ع مطعم، وابردي لش من العرس انا شفتح لنا زفه ونتعرس هنا، فتح ززفه.

رشا: هيااا بغير جناااان احمد، عيقلوا وين سرنا.

احمد: كيف اين سرنا انتي خطيبتي وبنت خالتي ياسعم شاكلش.

رشا: رجعني ماااعه ماعد اشتيش

احمد: ماعد بش رجعه ماااكرها وقعت لي، وررفع صوت الزفه للاخير.

رشا: قبالها فاين في الطبلون شلته وضربته.

احمد: ابسررري تيه القاروره الاااان عتغسل لش التسريحه حقش.

رشا ضحككت: مع خلااص بس.

احمد: وقف قبال موول، هيا انزلي وغطي عيونش انتي والرموش تيه عتنبع.

رشا: صلِ ع النبي.

احمد: شابخرش بالكوت لو نفستش هيا انزلي قطبه.

رشا نزلت ودخلوا محل اشترالها صندل بدل اللي اكتسر.
.
.

في الولاد
هدى وصلت ولاد اخت رويدا(خطيبه ياسر)

رويدا ابسرتها ، قفت، فعلت نفسها مابسرتهاش.

هدى دخلت

ام رويدا: حيا حيا اختي هدى ، اهلا وسهلا نورتي ماتشتي ماادي لش.

هدى اجتغصت(اتضايقت)من حركه رويدا: تسسلمي ولاشي ، اين نجلس.

ام رويدا: حياابش ادخلي جي معي.

هدى دخلت جلست

ام رويدا ساارت تدعي بنتها

رويدا: ماشدخلش ، خزا، كما خرجوا شاسلم

ام رويدا هزرتها بالغصب ودخلين

رويدا سلمت بدون نفس.

هدى سلمت ابسرتها بدون نفس ماعد جابرتهاش.

رويدا خرجت.
.
.

محمد بيتصل باحمد

احمد ابسر الاسم: يسترررر عليك،

رشا: يعاووو والفعله قد امي بيتصلوا او مه؟

احمد: مع محمد، راعي ابسر مايشتي

محمد: الو ،، وين انت ؟

احمد: خاارج ، للمه

رشا قدي ميته فجيعه لايكون ابسرهم.

محمد: اشتيك ضروري

احمد مربوش: في مه ؟

محمد: ع السيارة، انت فاضي ذلحين ؟

احمد: نص ساعه اين انت ؟

محمد: في التحرير

احمد: نص ساعه واتواصل معك.

رشا: مايشتي دري؟

احمد: مع مادريش، شاوصلش ياهرمه.

في امريكا..
عبدالعزيز: ايش نفعل معاهن.

رشاد ضااابح، مطنن في كلام سما ، لفت لعبدالعزيز: ولاشي انت طارح عقلك بعقل بنات وعادهن غاويات، واحرجناهن لما وقفناهن.

عبدالعزيز: انا ماعد اشتيهاش ، يعلم الله من معها واصل مشغول.

رشاد ذكر كلام سما: انهن غصب ، قال له انا حاسس ان ابي احرجهم ووافقوا الرجال، وهن مش موافقات

عبدالعزيز: مقلع، ولا انا اشتيها

رشاد طنشه، وخرج.
.
.

سما: تقلي عيفسخوا حن قلت لهم مانشتيكم.

سلا: اكيددد بتبسرري ع زززنط وعلى مه قطععع استغفرالله.

سما: يوو ،، لويقل لابي ، ماعيفعلووا

سلا: ابي والله لايجلسونا في البيت، الصدق قد زيدوا بها، واحنا ماعد ندي لهم وش.

سما: عنرجع نهايه الاسبوع الجاي عيكون ، يانفس ماتشتي ونرمض معاهم اول يوم ونرجع.

سلا: الله يعين، نفسي نرمض معاهم مش غربه فوق غربه، كيف عيوقع رمضان هذا وامي تاعبين.

.
.

في اليمن،،،
احمد طرح رشا في القاعه ، راعى لوما دخلت واشرت له مع السلامه وخطي، لاعند محمد.

محمد: اخيرا وصلت، شليتهم العرس؟

احمد: ايوه، وانت ماللسياره

محمد: مابلا البطاريه فيها، ودعيتك نتجابر تبسرلي بيعه لها حاليه

احمد: دق كتفه مالك ، ليش محتاج زلط ، خيرر او به شي؟

محمد: مع الحمدلله، بس ما اخبيش عليك شاحكي لك القصه

احمد: هيا اطلع نلوي ، نتجابر ونصلي وبعدا نرجع لهم

محمد: هيا،،

خطيو وحكى له بموضوع امريكا.
.
.

في الولاد..
هدى روحت، تجابر ياسر: خطيبتك اليوم ، قالبه ولا سلمت ساع الناس ، وماجت تسلم الا بعد مراشاه

ياسر: ليش كذا ؟

هدى: مدري مالها، لو نقل خزا سهل ، بس من اول كانت تجابر وتسلم بعد الخطوبه.

ياسر: انتوا النسوان ، وسدوا، انتي اخترتيها لي .

هدى: خيرة الله، اتصل باختي ابسرها كيف هي.
.
.

امريكا ..
عبدالعزيز حجز ترته واشترى هديه ، مفاجأه لنرمين(عيدميلادها)

جوري اتصلت لنرمين: كتير طفشانه تعي نطلع نشم هواء.

نرمين: اوكي ، انتي ومين طالعه.

جوري: كل البنات

نرمين: اوكي حلو كتير بننبسط، نص ساعه بتكونوا برا.

جوري: اوكي.

سما: بتلبس في الغرفه

سلا: هاا ، هذا حالي فوقي؟

سما: ايوه ، بس قصير شويه

سلا: يوو الباقي يشتي لهن كواي.

خرجين كلهن ، وخورين يتعشين بمطعم عربي وكانين مجهزات صاحبات نرمين كيكه وهدايا، عارفات بعيد ميلادها،

مراعيات لبعد العشاء ، ويفعلين المفاجأه.

نرمين سلمت ع سلا وسما وتعرفت عليهن، وجلست رن تلفونها(عزوز)، ردت: هلا بيبي.

البنات بيضحكين ويتجابرين

نرمين فلتتهن وخرجت تجاوب،

عبدالعزيز: اين انتي ؟

نرمين: طلعت مع صحباتي نشم هوا كتير طفشانه

عبدالعزيز: اشتي اكلمش بموووضوع مهم قوووي

نرمين: خير فيك شي؟

عبدالعزيز: ايوه

نرمين: طيب تعا، انا بمطعم …

عبدالعزيز: حلو قريب ، وصحباتش ؟

نرمين: شو بدك فيهن، بنئعد انا وياك لحالنا.

عبدالعزيز: تسسسلمي لي يا احلى نرمينو

نرمين: يلا ، باي بحكي معك بس توصل.

نرمين: وصلت لطاوله البنات، شو صبايا وصل الطلب والا لسا.

جوري: لسا مطولين شووي.

سلا شاورت سما: عيتأخرين ؟

سما: مدري ، وانتي سهل قد احنا كلنا.

سلا: بس لو عيسمرين ويتأخرين نطلب تكس بعد العشاء ونروح

سما: ايووه

جوري: يلا الطلب وصل، وين نرمين !

البنات تلفتين ،

سلا: كانت هنا.

جوري: يمكن راحت تغسل يلا كل واحد يختار شو طلب اكل.

نرمين رسلت لعبدالعزيز، رقم الطاوله ، تحت، والبنات فوق انتبه تطلع.

عبدالعزيز: وصل ، ناول الجرسون الكيك وقال له يسوي الشمع ويدخله طاوله ٤٨، لما يدخل.

نرمين ابتسسمت ومسكت وجههاا بتفاجؤ

عبدالعزيز دخل بكيس هديه

تعشو البنات وتأخرت نرمين ، اتصلين ماردت ، نزلين

عبدالعزيز جالس وبيضحكوووا، انها فلتتهن

الجرسون: مسك الكيك وبيمشي لاعندهم

البنات نزلين شافين الجرسون، كمان في عيدميلاد هون، وبيضحكين راحت ع نرمين الكيك يلا بنرووح السكن نقطعها معها بس توصل.

سما شافت الطاوله: يووو هذا عبدالعزيز

سلا: ايووه ونرمين

جوري: ياسلاام لكن معها جو تاني

نرمين شافتهن وانحرجت، اشرت له البنات.

عبدالعزيز لفت لهن، شاف سلا وسما وهن ماشيات، ارتبششش

جوري شاورت سما: ليكي مو هاد عبدالعزيز ؟!

سما: ايووه، خليه يجممممع اسباب الفسسسخ حلووو
.
.

في اليمن..
احمد ومحمد ،، ساروا لهن للعرس

السياره زحمه ، ايناس واروى وحنان ، رشا جلست في طرف الكررسي قفا احمد، وماسكه كرسي أحمد

احمد: رجع راسه لورا، حس يد رشا

رشا بعدت يدها، من الكرسي انحرجت

وصلوا بيت ايناس

محمد: هياا عندنا انزلوا نتعشى

احمد: تسسلمووا، يووم ثاني.

رشا نزلت.

احمد: زيدي اكسرري الكعب الثاني يامنعااه

رشا كررركرت،

ايناس بتتراشى اروى تنزل

اروى: مع يا اختي يوم ثاني، حنان عترقد ابنها وتطرحه عندي وترجع للعرس.

ايناس: كان تمسوا على خير

سما وصلت ، فتحت اللابتوب وصلتها رسااايل من ياسر ع الماسنجر

سلا: ابسررتي طلع معه نرررمين ويعلم الله كم جنبها

سما مشغوله، بترد على ياسر: عيسسس يوووالفهن توقع حقه

سلا: اي حين نتحاكى عليهم لابي؟

سما: لاتستعجليش خلي العطله تجي بس ونرجع بيتنا نعبي ابي منهم

ياسر بيجابر امه وفاتح النت ، وصلت له رساله من سما،

سما رسلت له (يااارب يطفووا عليك)

ياسر: ضحككك الله يردك اليمن وتطفى عليك الكهرباء

سما: ما لو ارجع لو طفوا كم ماطفوا، شانوورلكم انا

ياسر: اول مره تقولي حاجه صح، كيفك كيف سلا،

سما: الحمدلله مرتاح

ياسر ضحكك: قلت باسمعك تتخابري انجليزي وانك تتهابلي ب التعزي.

سما: مله مو نعمل ، ياسر مرضيش يتخابر مثل امو

ياسر: اووو هذا كتابه كيف عاد النطق ، لازم اسمعك احكم.

سلا وصلت تاعبه ، رقدت، وبتصيح فوق سلا ازعجتها.

سما: ناهي لش، طبعت لياسر دقايق وارجع اراسلك ، وخرجت المكتبه تجابر ياسر،

في المكتبه
نرمين وصاحبتها بيتجابرين ع موقف الحفله انها احرجت البنات، ماركزين على سما لما دخلت،

سما ماركزت عليهن، دخلت فاتحه اللابتوب وجلست تجابر ياسر

المكتبه هدوووء

نرمين: والله كل القصه اللي بيننا كانت معرفه عاديه بعدين صداقه بعدين حبينا بعض.

سما استغربت ، كلام عربي شد انتباهها

صديقه نرمين: بس عبدالعزيز كتيرر غامض مابفهمه.

نرمين: وانتي شو خصك تفهميه، عزوز حبيبي وانا بفهم عليه وبحبو وبموت فيه، ووعدني ف الصيف رح يخطبني

صديقه نرمين: الله يهنيكم يارب، انا رح امشي،

نرمين، (خديني معك،قامت وهن بيمشين) هلأ بيكون عزوز خلص من رشاد، موعد اتصاله،

سما سمعت استغربت ساارحه بتسمعهن، نكزتها رناات الماسنجر

ياسر: الووو، ووينك ،، مشغوله!!

سما حسها عند كلامهن،،طبعت بسررعه: لا ياعزوز
ضغطت انتر ، وبتطبع بس زميلاتي ف المكتبه،

ياسرعصب: من عزززوز !! خطيبك اكيد يلله ماشغلكم، الله يهنيكم وغلق

سما كانت بتطبع الان فضيت خرجين، شاافت استغربت شافت انها غلطت دقت جبهتهاا اوو،
طبعت له ( لا مش خطيبي خطيب سلا وانا بين اجابرك سمعت بنات بيتكلموا عليه ) يانفسسسيه بطل توقع جنتل مان مدري سبيدر مان ،
لان مابنتواصل مع الجن هولا،، راعت ،، مابحد خرجت من النت.
.
.

نرمين وصلت الغرفه استغربت، مااتصلش عبدالعزيز ، اتصلت به مشغوول..

عبدالعزيز: بيتجابر مع صاحبه، اول مره اسمع لهجه مغربيه، يا اخي صعبه قووي ، مااشتيهاش خليني ع اللبنانيه اخررج.
.
.

في اليمن ،،، الظهرر
ماجد: واااخيرا ياااحموددي وافقت السفاره بعد المقابله، وحددوا لك موعد الفيزه ، جي استلمها الان

محمد: اماااانه اسألك بالله ، يوو اي حين!!

ماجد: ذلحين اقطب ظهر عيسيروا لهم

محمد بفرحه خرج مسرع ،وصل لاعند ماجد ، فااارح.

ماجد: اجلس ، هذا موعد السفر عيكون تقريبا ثاني يوم العيد ، دورت لك ع افضل سعر طيران وخصم من معاريف ، وارقام الناس اللي عتتواصل معاهم لانك اول فتره عتجلس عند عائله اجنبيه لمده ، الاوراق معك اقراها واي شي تشتيه ، حاكيني ، غلق القلم ودخله جيبه وقام ،انا الان مستعجل معي عمل

محمد ماسك الملف: ي اخي كيف اشكرررك

ماجد مسك دقنه: الله المستعان ، هيا رحلك خليني ابسر عملي.

محمد: الله يفتح عليك، خرررج طااير من الفرررح، اتصل بسلاا.

سلا مااردت

محمد غلق وفكرر يخليها مفاجأه لها.

سلا جت تشوف كم الساعه ، امد تصلي لقيت مكالمه لم يرد عليها، فتحت ، شافت اسمه (M&S)💖: يا سما، محمد اتصل لي!

سما: سمعت تلفونش رن وانتي خارج مادريت اينه وقف الاتصال وانا بين ادور.

سلا: راعي اتصل ابسر مايشتي ،، اتصلت له..

محمد: الوو

سلا قلبها دق وحست باحراااج اول ماسمعت صوته: ايوه محمد، كيف انت؟

محمد: يوو حيا بروحي حيا، حياا ملان الدنيا.

سلا ضحكككت، يوو كم قد اناا فاااقده لك ولحكاك.

محمد: وانا والله، عيوصلني الله لوما ابسرش ولا شاشبع منش انا داري.

سلا: يياي

محمد: ماهو

سلا: كيف لك اتصلت، عادك ذكرت

محمد: هههه مع ماذكرت مابلا غلطت وغلقت فيسع

سلا اكتبدت: هاا كان كذيه

محمد: ايوه

سلا: اغلق !

محمد: ما اشتيتي ياروحي.

سلا: مع السلامه.

محمد: بيباي

سلا تبرررقطت وغلقت

محمد جلسس يضحكككك
.
.

عدى اليوم بدون احداث مهمه …

الجمعه، الصبح..
عمار: محمددد ، ماله ذيه راقد لهذا الساع !

محمد قشع البطانيه من وشه ابسر الساعه يو الله يحفظكم يا اباه الساع سبع

عمار: قوم قامت قيامتك، ماكناش نرقد من بعد الفجر الحجه عند الانترنت سامر للصبح

محمد قام جلس مسح عيونه وبيحك شعره،

عمار: معك عشررر دقايق البس

محمد لبس بسسرعه، ولحق ابوه.

عمار: جي نخورهم قبل رمضان، نشتري صبوح من باب اليمن، قنم ويورت(زحاوق وزبادي)وكدم.

محمد بيتقعم واناا ماتشتوا مني او اترجم لكم

عمار ضحكك: هذا قد بتزبج ياولد

محمد: ابااه، اشتي احاكيكم بموضوع، باركوا لي

عمار: سجلت جامعه؟

محمد: مع، تصدددقو والا ماتصدددقوش !

عمار بعصبيه: بعت سيارتك ؟؟

محمد: مع سعليكم، في الورشه ، بس عد ابيعها

عمار: كان ماهو تحاكى من الخضاعه وللمه عتبيعها ماسبرتش ؟

محمد: مع مع اصبرووا، مابلا طلعت لي فيزه ل امريكا

عمار: حاكيت عمك يحيى؟

محمد: مع ، عبر معهد انقبلت شروطي

عمار: ايش من تخصص ؟

محمد: عاد شاسير ادرس لغه

عمار: ماااع عتضيع وقت والجامعه؟؟

محمد: مافهمتوش، شاوصل امتحن لغه، ويدوا لي التخصص اللي اشتيه اهم شي المعدل وصاحبي عيعامل لي مساعده ماليه من وزاره التعليم العالي اول ما انقبل تخصص

عمار: صدق صدق، والله لو هكذا ضخم يا ابني امانه انك رجال

محمد: معي امي اقنعوهم قوا مااشتيش اسافر وهي مش راضيه

عمار: ماعليك شي ، اسمع نوصل نصتبح ونسير نسلم ع عمتك.
.
.

في البيت…
ايناس: مع يا اختي زهور اصغر من رشا، ماكرها وافقت على رشا هو فرق بينهن ١١ شهر

اماني: ناهي وتنخطب ساع اختها وبعدا تتزوج.

ايناس: انتي عمتها ، هذيك عندش حاكيها، لو وافقت ، لان هي حق قرايه كم جوا لها ورفضت

اماني: انا داريه اخي ماعيرفضش جهالي

ايناس: مش قصه جهالش ، بس البنت بتقتل روحها فوق الكتب امد تطلع مجموع نفسها بطب وانتي داريه مشواره طويل، لو عيراعي لها لؤي سبع سنين ماعنديش مانع

اماني بقلبة صوت: هي بنت اخي وانا شاسد انا واخي

ايناس: خيرة الله.
.
.

امريكا،، البناات وصلين بيتهم قد لهن اسبوعين ماسارينش دخلين يقشعين، سلوى بتعاونهن

يحيى: اجلسي يامره ، ماعليش انتي بناتش نسوان

سلوى: يو جعلي خير عليهن تاعبات بعد قرايه وسفر مع يفتهنين لهن يومين

سلا: والله انبسرتكم بالدنيا وقلبنا بيفحرر عليكم

سما: ولايهمكم نقشط البيت كله امد انا وسلا

خالد: انا ماافعل لكن

يحيى: انت رجاال.

خالد: ابب اكيد، لكن ابز لهن الثقيل .

يحيى: الله يجبرنا بكم.

سلوى بتبعد غشايات السراير والوسايد

سما: جت تبزهن منها وطرحتهن في الغساله
.
.

بيت صلاح
ساره بتشاور عبدالعزيز: هاا مازد فعلت مع خطيبتك؟

عبدالعزيز: قلتوا خزويه، ومش اجتماعيه والبنت معقده ! بتساير من اشتت، نصحتها مارضيت

ساره: يوو كان شاكلم امها انا، اوبه تحاكي ابوك لايسير يحاكي عمك

عبدالعزيز: مع لاتحاكوا احد، قد هددت البنت

ساره: سوا، الله يتمم لكم على خير ويبعد عنكم عيال وبنات الحرام.

عبدالعزيز: امين .
.
.

في اليمن،، قبل صلاه الظهر

عمار: ماشاءالله على غاده، صف كم انتي ياخالو؟

غاده خازيه، بتتبسر لمحمد: اول ثانوي

عمار: ماشاءالله

محمد: بدأتي مرحلة الخطر.

غاده ابتسمت بخزا

اماني: بصوت وااطي، اخي جي اشتيك في موضوع.

عمار: خير!

اماني: جي نسير المكان

لؤي: ايوه يامحمد ماقررت تدخل من كليه؟

محمد: عادو نبسر كيف ،ماقررت

غاده: كيف رشا وزهور.

محمد: الحمدلله ، لفت ل لؤي وانت ماعتفعل؟

لؤي: انا سجلت علوم حاسوب

محمد: ضخم، الله يوفقك
.
.

في المكان..
عمار: ايناس قالت لش هكذا؟

اماني: للمه ما اختها اديتوا لها رشا، وانا حنبت في حلقها قالت لي انا مش موافقه وعمار ماعيوافقش اكيد

عمار: والله مااعلم ماقالت لي بشي

اماني: ذلحين ماعليا من مرتك طول عمرها بتتخيصم لنا ومابتعبر الا اهلها حتى جهالك قلبتهم مننا

عمار: الله يهديش ي اختي ماقد وفيتي شهر من حين جيتي ، اين ابسرتش وكرهتش، وهي مرة احمد اخي شبعتها دنيا والله ماحاكتني بحرف

اماني: بتدافع عليها ومالك علم بشي خيرة الله ، المهم مالي دخل منها هي بنت الناس، انا ذاحين بين احاكيك انت اشتي زهور للؤي ابني

عمار: ما اكره، لؤي ونعم الشاب

اماني: يعني موافق؟

عمار: انا موافق، بس ما اضمنش موافقة زهور، قد تقدموا لها اثنين، رفضتهم ، البنت معانده حق قرايه ، وعاجبني طموحها.

اماني: وانت لك كلمه عليها ابوها، هي, بنت مصيرها تتزوج

عمار: من عيني شاحاكيها واحاول اقنعها

في امريكا..
سلا بتضحي الثيابات، ذكررت حاجه سارت لاجنبها

سما بتغسول

سلا قربت تشاورها: مارايش نحاكي ابي؟

سما رجمت الصحن: بغيرر جنان.

سلا مسكت فمها: اصه يامشوولحه.

سما: احاكي ابي، ماتقلي فارحه ؟ عيجلسوش ولا يزوجونا بالديوك هولا.

سلا ضحكككت: حسبش الله ، لو يحاكووا عمي صلاح ويحاكي ابي؟

سما: ساعتها والله لاشلهم لاوسط الجامعه يسألوا جوري ونرمين.

سلا: فكرره، صح ، الله يسترر بس.
.
.

في اليمن،،
ايناس جالسه بتنقي ذره، وتطحن حوايج.

رشا بتفعل الغداء

ايناس: ابسرتي عمتش بتدور هدار ع اختش تشتيها للؤي ، قلك ساع ما انتي اديناش لخالتش.

رشا: قد رجعوا ، قد عيدوروا مشاكل

ايناس: ايوه ذكرت، بتقل خالتش عيدوا نص المهر امد نشتري الذهب حين في رمضان بيرخص.

رشا: عاد العرس ماقد حدودش! مسرع؟

ايناس: بعد ماتتمين ،عيقع ع العيد الكبير اذا الله راد.

رشا ساكته خازيه ، بتقطع السلطه.

عمار وصل ضاابح.

ايناس فعلت لهم عصير: امانه ان الصبوح طعيم تسلم الله يحفظك.

عمار: الحقي بعدي اشتي احاكيش

ايناس ابسرت لرشا: هيا ابسرتي، لحقت بعمار.

محمد: دخل المطبخ، ادي لي ماء.

رشا: بتبسر مافي يدي ، اشرب هذك في الثلاجه.

محمد: ادي لاقوم اسكب الماء من فوقش

رشا: اتحداااك ، عرر

محمد: عرر هاا، قرب هزر اذنها بسفااط

رشا: ياحمار اي اي فلت هزرت اذني

محمد: تستاهلي تحاكي معي سوا.

رشا: مالابي مايشتوا؟

محمد: والله مااعلم ، عمتي قالت تشتيه وتحاكوا وحدهم

رشا: انا اقلك تشتي زهور للؤي.

محمد: يهي مالقيوا الا زهور، والله لاتقلبهم قلبات.

رشا: الله يستر قد عمتك بتدور هدار.

في المكان..
عمار: ليش ماحاكيتيني بموضوع زهور، ليش بتتهربي ماتشتيهاش حين هو ابن عمتها ؟

ايناس: لاحول ولاقوة الا بالله، اي حين قد جلست امد احاكيك ، اختك اتصلت وانت مابحد ،

عمار: وللمه تقلي لها مش موافقه انتي ؟

ايناس: ماقلت لها شي ، قلت البنت مش موافقه وانتي عمتها سدين.

عمار معصب: وانا موافق ،انا و اختي نسد.

ايناس: وهي بنتك ، سدوا ، هذك عندك لاتدحسني انا، وسارت المطبخ، غاثيه.

عمار مسح وشه: استغفر الله بس .
.
.

بيت هدى ..
ياسر: تم يتغدى، بيشرب شاهي فتح الايميل، وصلت له رساله سما ( عزوز خطيب سلا ) !! وقري بقيه رسالتها لا مش خطيبي خطيب سلا وانا بين اجابرك سمعت بنات بيتكلموا عليه ) يانفسسسيه

ياسر طنن، كيف بيتكلموا عليه ؟ رد لها ، ايش القصه وكيف بنات بيتكلموا عليه ؟

في امريكا، بيت يحيى

بعد ماتمين البنات عملهن وتغدوا ، جالسين في الصاله، فاتحين اغاني يمنيه، سما بتجابر امها وبتقطع لخالد تفاح ، سلا بتتجابر هي وابوها ع الدراسه،

رن التلفوون …

سلا قامت تجاوب

ساره: االوو ، من معي سلا او سما ؟

سلا: ايوه معاكم سلا ، من انتوا ؟

ساره: يوو ياعيبتش والقسى، ماعرفتي صوتي ! من عيحاكيش يمني هنا غير عمتش ساره؟

سلا: اصلا بيحاكونا من اليمن ، مادريتش من اتصل

ساره: هيا البسين وقلين لامكن تلبس وتجهز معاكن

سلا: خير ليش؟

ساره: امد نخرج السوق قبل رمضان.

سلا: يوو للاسف مانسترش ، اليوم عيدميلاد خالد اخي .

ساره: نخرج بساعتنا، ونحتفل العشي.

سلا طننت نحتفل !!: اصلا عنخرج مع بابا، شاحاكيهم واتصلكم.

ساره: حاضر تمام.

سما سارت: من بتجابري ساعه؟

سلا: عمتش ساره جحفه لها تجحفها،، وحكت لها ما قالت لها…

سما. دعممي لاتقليش لابي، لاتسير تقل لامي ، قد ساروا الديوك يشكو ويبكوا لها.
.
.

في اليمن
عمار: قلي لي تقدموا لش ناس ومراعيين لو ما تتمي؟

زهور بخزا: بس انتوا داريين ماكنت اقلكم، اشتي اوقع دكتوره، وانتوا داريين كم تطول القرايه؟

عمار: يعني ماعندش رفض لانه ابن عمتش ؟

زهور: من ابن عمتي؟ مادخلني يكون من ماكان ولو ابن عمتي ، انتوا داريين كيف مبدأي من اول ، لاتسألوش قوا يا بابا، اشتي ادرس واوقع احلى دكتوره تفتخروا بها واسمي بكم مش اسم مرة فلان.

عمار: يوو والخطاره فيش، بتجي لي من تحت عقلي، كان مانشتيش زواجه امد توقعي الدكتوره زهور عمار، الله يوفقش يابنتي ويسخر لش.

زهور فرحت ،حبت ابوها فوق راسه: الله يحفظكم لنا يارب

عمار ابسر ايناس جالسه مع البنات خارج، وواصل تجلس معه لو هو في البيت دري انها غاثيه

ايناس جالسه وبتتفرج التلفزيون بتتقهوى.

عمار قرب لاعندها: قومي البسي ، نخرج نفعل لفه.

ايناس: مابش نفس

عمار: بس زنط قد احنا عجايز ع الغنج

ايناس خزيت: ماشيبه الا انت، وقامت تلبس

محمد: هنيت لكم وانا اي حين شاراضيها

عمار مسك كتف محمد: والله اني اليوم فكرت لك بغادة، مارأيك فيها.. قدو نجبر بخاطر عمتك

محمد: هيا والله ان صورة الخرجة والمراضاه لي

عمار: وانت مامعك بتخزا والا ماهو؟

محمد غمز له: بين احب

عمار: حبك برص، استحي على وشك وعاد انت تقولها قبالي ؟؟!

محمد: احنا خبره وانا بين افضفض لكم، هيا قلدكم الله قلاده ماحبيتوش؟

عمار: والله ان صورتك ، عتطاير امك ذلحين

محمد ضحكككك: هيا ابسررتوا، ماعليكم من غاده خلوا لها حالها عيجي نصيبها.

عمار: مابتلخفج مابتقل !! عنتجابر يوم ثاني

ايناس لبست ، وخرجووا

محمد قام يتفاقد دولابه ، ويخرج ملابسه القديمه، ماقال لحد انه طلعت الفيزه غير عمار
.
.

في امريكا..

سلا: بابا قوموا نخرج ضبح

يحيى لفت لسلوى: تشتي تخرجي؟

سلوى: ايوه نخرج مامعانا

سما وسلا فرحين وقامين يلبسين
.
.

بيت صلاح،،،
عبدالعزيز: اخي، ماعنفعل مع المدلوزات هولا ؟

رشاد: انا بين اقل كبر عقلك ، عادهن فارحات بارواحهن عيعقلين له حلات للعرس

عبدالعزيز: اي عرس والله لاعلقها وبعدا اوريها التربيه سوا، افلت لها

رشاد: بس لك جنان، يكفي الصايعات اللي معك

عبدالعزيز: لاتغلط، انت قد تميت جوك جاي تحاسبني

ساره اتصلت لها مرة صاحب صلاح وجت عندها
.
.

اليمن
اروى بتتجابر مع عفاف: اليوم كانت عتجي ايناس بعدا مالها ؟

عفاف: قالت معها عمل ومدري ماهو

اروى: انا لقيت مره جت تعاوني ، محطنا البيت في يوم

عفاف: واحمد تميتوا مكانه؟

اروى: قد شطبنا باقي الرنج والطيقان

عفاف: عمرتي؟

اروى: ايوه هو غر فعلنا له طالع مكان صغير وغرفة نوم وحمام، والمطبخ قد احنا واحدي

زهور بتتجابر مع محمد.
فجأه بتسمع بكاء ، ورشا بتداااعيها

محمد: هذه رشا، وين هي من اول؟

زهور قامت بسررعه لاعندها

رشا جالسه فوق السرير بتبكي معطوفه وماسكه بطنها

محمد: مااالش رشاا، مابيوجعش

زهور مفجووعه بتتبسرها

رشا ببكاء: بطني, بتوووجعني قوووي

زهور: قوم البس وانا شالبسها نسعفها

محمد: سيارتي خاربه ، شاتصل لابي،
سار اتصل محد بيردد

عمار نسي تلفونه في البيت

محمد: تقدري تراعي؟

رشا: مع مااقدرش اراعي سير ادي تكس

محمد: لبس وخرج، تلفونه بيرن، جااوب

احمد: وينك ، انا شاجي لك الان مشتري لسيارتك بمليون ، البس فيسع واخرج قبل ماتطير عليك.

محمد: اسسسمع اقطب جي فيسع اختي تاااعبه اشتي نسعفها

احمد: اوو سلامات ، دقااايق وانا عندك

محمد رجع البيت، بيدور زلط في جيوبه والادراج

زهور ساعدت رشا تلبسها البالطو ، وهي لبست

احمد نزل بيدقدق الباب

محمد فتح الباب: ادخل امد ماادعيها

احمد: واقف في الحوي

محمد: دخل، انتي اين عتجي اجلسي في البيت ، امد تقلي لهم لايقلقوا

زهور: مع عنكتب لهم رساله

محمد: خيرررة الله عليش من العناد ، ريحي لش مني هذا السع، ومسك رشا وخرجها

رشا بتبكي وبتخطى دلاااا

احمد: ابسرر وانصدم: رشااا مالش خيرر؟

رشا ماردتش بتبكي

محمد طلعوا السياره: مدري مالها ، حلقين كلهن ابي مابحد السياره خاربه ونسيوا تلفونهم ، الله يستر

احمد: الحمدلله اني اتصلت ، مالك ماتتصل من نفسك؟

محمد: اصلا ارتبشت لما ابسرتها، ماعد فكرت بشي غير التكس اسرع

احمد بيبسرها في المرايه: اكلتي شي من خارج !؟؟

رشا: مااشي

محمد: هذا مستشفى، وقف

احمد: هيا انتوا انزلوا امد اجنب السياره والحق.

نزلوا دخلها محمد عند الدكتور..

الدكتور: هذه اعراض الدوده الزايده لازم عمليه الان

محمد: تمام تسلم يادكتور، وخرجها

احمد: مالكم رجعتوا مابش دكتور !

رشا: ماااعه والله ماافعل عمليه، اين ابي وامي

احمد: عمليه! للمه؟

محمد: الزايده
.
.

ف البيت
زهور بتقلق ، وبتتصل لمحمد

محمد بيكنسل

دق الباب، سمعت سياره ابوها

زهور حملت فتحت الباب: رشا تعبت وشلها محمد المستشفى اسكه اتصلوا لاحمد هو شلهم

ايناس: يوو جعلي مكسرر عليها، مافي بنتي؟؟

عمار: صلِ ع النبي مابش شي ، واتصل لاحمد

احمد: ها ياعم لاتقلقوش هي غر الدوده الزايده جوا ذلحين لمستشفى ال….، قد شليناها مستشفى ال.. وقالوا عمليه، قلنا نشلها تيه المستشفى احسن

عمار: عيسس، يلا الان اليكم خمس دقايق
خرج هو ومرته وزهور
.
.

امريكا
سما رسلت لياسر: اشتي استشيرك بموضوع انت فاضي؟

سلا: من بتجابري؟

سما: احاكي ياسر ع موضوعنا

سلا: بمه تحااكيه اي موضوع؟

سما: ع عبدالعزيز ورشاد

سلا انصدمت: يوو مالش ؟؟ انتي للمه زارة احيان توقعي خبلا، لاتحاكيش، قد رسلتي؟

سما: ايوه بس ماقلت القصه

سلا: اي قصه ماصنف لش يا اختي في ياسر ماحاكيتش محمد انا

سما: مش انتي داريه ماوقع يوم ماسرنا المطعم وابسرنا نرمين مع المتخلف ذيه، انتي رقدتي خرجت المكتبه وسمعت نرمين… الخ (حكت لها ماوقع)

سلا:طز مش اسفه بعبد العزيز ونرمين، وياسر لاتقلي شي وبطلي مدلازه

سما: فارحه به اقله او مه؟ هو عسبش يانظر استشيره

سلا: ابردي لش، خلينا ساكتين لاوقت الصدق وتحاكينا

عمار بعد ما وصل المستشفى ، كلهم مراعيين.

رشا في غرفه العمليات.

ايناس قللقه بتبكي، وبتدعي الله يقومها بالسلامه

عمار لفت لزهور: انتي وامش لاتقلقناش، مالكن هي غر الزايده.

احمد واقف طارح رجل قفاه لاعرض الجدر ومسنب برجل بيتبسر المرضى داخلين خارجين، نكزه تلفونه بيرن.

محمد: من صاحب السياره؟

احمد ضحك: عادك ذكررت؟ تيه خالتك راعي نبسر، الوو، يلا حاضر نص ساعه واجي

اروى: مع اقطب ذلحين ي ابني

احمد: ناهي ، نص ساعه واجي شاقلكم للمه تأخرت بعدا.

محمد: انت سير لا تتأخر عليهم، عد اتصل بك.

احمد: مع ، اتطمن واسير، هم بيت خالتي عفاف سهل يتأخروا مايضرهمش.

بعد ربع ساعه

الدكتور خرج: تفوق من البنج ونخرجها للغرفه، تفضلوا انتظروها في الغرفه رجاءً.

احمد: كان انا شارحلي وارجع انا وامي الصبح

ايناس: حاضر، تسلم الله يحفظك يا ابني

عمار: تسلم ماقصرت.

احمد: امانه لو يلزم شي او شي اتصلوا.

عمار: الله يبارك فيك ي ابني .

محمد خرج معه للباب وقال له يتصل للرجال يقله موافق يسيروا الصبح لاهانك يبيعها له.

احمد: زد اسأل عمي

محمد: ايوه ، شامشع لهم الافات امد يرضوا

احمد: امانتك رسلي اتطمن

محمد كشر ياسعم مهنجم: قلنا حااضر.

احمد: هااانت يابو حميد كم شهر وقدي مرتي.

محمد ضحك، رفع له يده سلااام وخطي
.
.

في امريكا..
بيت يحيى، جالسين في الحديقه

سلوى: امانه ما طعم وجو شعبان ورمضان الا في بلادي.

يحيى تنهد: اااح ، ما اقل انا كم قد لي منها ، نفسي اوصل ارضها ، ادخل المطار ابسر الاوادم اللي عشنا معاهم.

خالد: ماتبسروا في الاوادم الزنه والمعوز والقعشه !!

يحيى: الملامح هذه هي رجال بلادك، اللي لاغيرهم موضه ولا تطور ، اللي لابس زنه هو بسيط مابش معه حق بنطلون جنز ساعك يهوك به، لكن حامد الله وشاكره، بمبلغ جعالتك معيش اسره وصارف عليها
وتبسره مبتسم، وغيره في دوله ثانيه المبلغ هذا بيصرفه ع بعاسس وعتلقاه مكشر ومش راضي ع نفسه.

سما بتحانك خالد: اتعلم قلك مقعشين، عاجب لك الديوك هنا اومه

سلا ابسرت لسما وضحكككت،.

خالد: ماقلت انا للمحاضره هذي كلها !

يحيى ابسر لسلوى واشر لها عليهم بيده: بنوعيهم لاينسوا اصلهم قلبوها زبجه، خيرة الله

سلوى: ماعاشوش اللي عشناه يايحيى

سلا: والله ان احنا راضين الان نرجع هيا قوموا نرجع اليمن ماتفعلوا بالقرين كارد وانتوا مش مفتهنين ؟

يحيى: الفكره في راسي، تعبت غربه، بس والله انه عميدكم.

سما: واحنا مانشتيش

سلوى: ريت والله ومن رجع.

يحيى: تمين اقرين وشافكر في الموضوع

.
.

ثاني يوم الصبح ،،{في المستشفى}
ايناس ماسكه يد رشا تطلع السرير.

رشا ماسكه بيد المغذيه ويد ماسكه امها

رن تلفون الغرفه حق المستشفى،،

ايناس طرحت رشا، وجاوبت.

اروى: الحمدلله ع السلامه ي اختي ، ماادي لش معي انا شاجي ذلحين.

ايناس: ادي لي السجاده

اروى: مع شاجلس عندها وانتي روحي صلي وارقدي شويه.

ايناس: تمام.

احمد: اشترى ورد وعلبة شكلاته منه ، وعصاير من امه.

اروى دقت الغرفه ودخلت، رشا تغطي احمد يشتي يزورش.

ايناس لفت شعر رشا ودفتها بالملايه.

اروى اشرت لاحمد يدخل.

احمد دخل سلم ع ايناس، وقرب من رشا طرح الورد فوق السرير والشكلاته: الحمدلله على سلامتش.

رشا بخزااا: الله يسلمك.

احمد استأذن وخرج: شاخرج مع محمد وارجع لكم.

اروى: كان شل خالتك معك تفتهن وانا شاجلس عند رشا.

ايناس لبست وخرجت معه.
.
.

في بيت عمار بيصتبحوا

محمد: اباه اشتي احاكيكم بموضوع.

عمار: ماهو!

محمد: سيارتي يشتي لها تصليح بربع قيمتها، وجاء لها مشتري بقيمة جديده اخر موديل

عمار: بكم ؟

محمد: مليون

عمار طرح قلص الشاهي ورفع راسه: بحجرالله!!

محمد: والله انه عرض عرطه

عمار: عبر من ؟

محمد: احمد

عمار: بيعها

محمد: عنسير ذلحين لو تجوا معنا؟

عمار: يله ونخطى لاختك نبسرها.
.
.

في امريكا..

البنات تمت اجازتهن وعيرجعين السكن حقهن..

سلوى: حاولين تجين يوم رمضان نفطر سوا؟

سلا: ان شاءالله

سما: سلمت عليها وعلى خالد وخرجين
.
.

في اليمن..
زهور كانت بتفعل الغداء ، دق الباب، سارت تفتح

هدى: اين امش ؟

زهور: عند رشا امس اسعفناها، فعلت عمليه الزايده

هدى: يوو، الحمدلله ع سلامتها ، كيف هي ذلحين؟

ايناس وصلت كان الباب مردود دخلت وان هدى في البيت ، تجابرين.
.
.

احمد اتصل بالرجال، واتفقوا يلتقوا يبسروا السياره

محمد سبر البطاريه، وغسل السياره، وخرج بسيارته

عمار سار بسيارته

بعد مااتفقوا وباعوها

الرجال ادى لمحمد نص المبلغ ونصه وعده بعد اسبوعين

محمد ناول ابوه الزلط

عمار جر الكيس وخباه

ثاني يوم،،
احمد اتصل بحنان يقلها ع رشا.

حنان: الحمدلله ع سلامتها شاسير ابسرها

احمد: قوا اتصلي اتأكدي هي عتجاوب او مع؟
لان خالتي روحت تبدل وتصلي وعترجع رشا وحدها الظاهر

حنان: بغير جنان ،قصدك تسير وحدك ؟؟

احمد: مافيها ازورها اجابرها براحتي خطيبتي وبنت خالتي ، حسب الله وانا دكتور

حنان: دكتور مه ؟؟

احمد: دكتور قلب وحب ههههه

حنان: شاتصل وارد لك نابي، راعي جنب التلفون..

احمد: اقطبي يامنعاه

حنان تمت تحاكي احمد، واتصلت لرشا ..

رشا: الله يسلمش ، من حاكاش؟

حنان: احمد، امي الله يحفظهم نسيوا ، اذا استرت شاطرح ابني عندهم واخلي علي يديني لاعندش.

رشا: عادي ياروحي، مابش بيننا مجامله انتي اختي لو استرتي جي.

احمد اتصل بحنان: هياا ماقالت انا مراعي جنب المستشفى

حنان: هي وحدها خالتي ساروا يصلوا وعيرجعوا

احمد: اسلمي خاطرررش

حنان: انتبه وقطبه لحد يجي وانت عندها مش حالي

احمد: سعليش ، مع السلامه وطلع.

رشا: بدأت تنعس

احمد فتح الباب دلاا ابسرها نوم

رشا كان شعرها مفتوح وراقده ماحست به.

احمد قفا: رشااا غطي شعرش

رشا نكززت ، ابسرته انصدمت، ولفت شعررها بسرعه.

احمد: قوق والاعادو ؟

رشا: ضحككت، وماسكه بطنها: خلاص، كيف دخلت لاهنا

احمد التفت صليها، وقرب الكرسي وجلس جنبها.

رشا خززيت: مجنون احد يجي وانت هنا

احمد: ماافعل فررصه ابسرش.

رشا: كيف دريت اني وحدي

احمد: مراقب لش نازل ساع الحارسي

رشا ضحكت دلا وماسكه بطنها.

احمد: اخيررا، ضحكتش هدأت كنتي فضيحه

الممرضه دقت الباب ودخلت، تشتي تجارح لها.

رشا قالت لها لحظه ، يخرج

احمد: الله المستعان ، جارحي لها هي بتخزا مني

الممرضه: عاادي هذا جوز انتي ؟

رشا: حسبك الله ، اخررج لاندعك بالكرسي

احمد خرج

الممرضه تمت وخرجت

احمد دخل بسرعه

رشا ملامحهاا مستوجعه.

احمد: مالش استوجعتي؟

رشا: يو والجلافه في الهنديات خباث

احمد: اسير افطس النقطه الحمراء حقها.

رشا: ابسرر كيف خزقت يدي.

احمد: مسك يدها وحبها.

رشا خزززيت: والله انك بتخررف ، قوم رحلك ، لادغزها لك.

احمد: تخيلي يجوا ، اين اسير، شاتخبى جنبش

رشا: لاااراحت لش ياحنااان ماتسميني

فجأة سمعوا خطيه ومجابره.

احمد في لمح البصر تخبى قفا البرده

زهور فتحت الباب ودخلت هي واروى

رشا مربوووووشه ومفجووعه.

اروى: تأخرت عليش؟

رشا: مع ، ادعوا لي الممرضه قوا يدي بتوجعني

اروى: سيري يازهور

زهور سارت

رشا: ها ادى دكتور تيه الرشته قال لااازم الان تدوها من نازل الصيدليه وانتوا تأخرتوا

اروى: يو اديها ، شلتها ، ونزلت

رشا: اخرج فيسع

احمد خرج بساعته.

زهور: جت هي والممرضه، ابسرته بيخرج من الباب انصدمت، دخلت لاعند رشا

رشا: يو الحمدلله امانه ان بطوني في القاع

زهور: يامداليز يامجانين

رشا: اص امانه، ستر الله لاتتحاكيش

.
.

سلا وصلت غرفتها فتحت الطاقه

سما: افتحي البرده يدخل ضوء ،قد غرفتنا حالتها حاله يشتي لها محطه(تنظيف)

سلا مطنشه سسسارحه من الطاقه

سما خفعتها بوساده: صنجااا مالش بتدعممي؟

سلا: تصدقي ياسما كل ماافتح الطاقه تيه تذكرني لوما كنت اوقف اراعي لمحمد يخرج امد المحه في الحوش.

سما: مش وقت قرمدش، قومي نقطب غرفتنا ، قوا معي مذاكره، وبتلفلف الملازم من فوق الماسه وترتبهن في السله

سلا قربت ترفع معها الكتب وبتجابرها: ماقلت لش اخر مره كيف تكلم معي، انا مستغربه محمد كل يوم بطبع، يوم يحبني ويقل فاقدلي وماعيفلتنيش ويوم يتصل ويقل بالغلط

سما: ذلحين بنات الحاره خيرات وقدش داريه محمد اوسم واشيك واحد فيها ، تقلي بدأ يحب

سلا: لااا، محمد مايفعلهاش، ياخجفا بين اقلش ماله تغير عليا ، يمكن البعد خلاه يتغيررر؟

سما معقده حواجبها بتمسح الطيقان: وياسر احس بعض اوقات انه بيغير عليا وبعض اوقات عادي ، ليش مابين اجنن نفسي ساعش لان عاد ياسر اعظم غامض ماافهمهش زارة حين

.
.

في اليمن ..وقت الظهر

محمد وعمار تموا باعوا السياره وراحوا يبدوا على رشا

عمار: تقل امك اين هي؟

محمد: والله ما اعلم

عمار دق باب الغرفه ودخل

ايناس: حيا الله من جاء

محمد: هيا بس شخااطه اعجبها الغنج والسرير، امد تهربي من العمل

زهور عوجت فمها وابسرت رشا وامد الزوارر

محمد مبتسم لرشا غطى فمه بيده ع جنب وهمس واحمد ورفع لها حواجبه

رشا افتجعت لايكون قال له احمد

عمار: طبختين غداء في البيت؟

زهور: قووا يابابا، خلونا نتضيف اليوم هنا غدونا من مطعم

عمار: خزا ندي غداء لاهنا

زهور: والله مافيها شي سندوتشات والا بروست.

محمد: مارأيكم اسير؟

عمار: سير صورتنا اليوم عنخزن بالسلطه حق الكنتاكي

ضحكووا كلهم

عمار قام وسار يجلس جنب ايناس وشه قبالها، بيجابرها بصوت واطي ع سفر محمد

جوري دقت الباب ودخلت: بنات شو عم تعملوا، امتى جيتوا؟

سلا: قبل ساعتين تقريبا.

جوري: كتير اشتئتلكون حبيباتي

سما: وانتي والكل ، جي ابسري ماما مارسلوا لش معنا.

جوري: شو ؟؟ كيفها هلئ ان شاالله صارت احسن.

سما ناولتها ذمول: اطعميهن مع شاهي ضخمات.

سلا: الحمدلله بس مشكلتهم يتذكروا شوويه وينسوا ، وبيذكروا اشياء قديمه شوويه او جددديده قووي ، الله يشفيهم يارب.

جوري: اممم كتير طيبين يسلمو دايتكون

سما: رااعي ياحجه افور لش شاهي.

جوري: ضحكككككككت، انتي عنجد مابفهم عليكي بس بتضحكني حكياتك.

سلا ضحككت: ماعليش شي شويه شويه عتفهميها وتضحكي اكثر.

جوري بتاكل ذمول ردت اللقمه من فمها: صاااحت بناااات.

سما نكززت نكعت علبه السكر من يدها

سلا نكزززت وفزت: هااا ايش في؟

جوري: ماخبرتوووني شو صار مع اهلكون عرفوا شي؟؟

سما: جعلش خير بس، هدمتيني امد تقلي هذا

سلا: لا ، مالش صرفوا طريق ، فجعتيني.
ضحكككككين، وترجمين لها كلامهن مافهمته

جوري: يلا خلصوا شغل ، وانا بروح اشوف شو بدي ادرس.

سلا بترتب السيديهات شافت سيدي ادت لها رشا يوم السفر من محمد.

سما: جحفه لش ياسلا والسلحبه اقطبي.

سلا: يووو ، بتتقفز فارحه ،، لقيته اخيراا، كم لي بين ادوره

سما: ماهو !!

سلا: سيدي ادت لي رشا من محمد ، سمعت منه اربع اغاني ماتميتش.

سما: افتحي لنا امد نقطب الغرفه،

سلا فتحته(ع اغنيه ابن الجيران)

سما: واااو ضخمه ع قصتكم بالضبط.

سلا وهي بتنظف بتسمع الاغنيه ، تذكرررت كل شي بينهم وهو مراعي لها في الشارع، وهو بيتفرجها في مرايه السياره، مجابرته معها،،
غمضت عينهااا قووي ، ودعت ياااارب افسخ الخطبه واجعله من نصيبي

سما: سلا هوا، باقي لش تغسلي الملاياات

سلا: سماااجه والله اني فاااقده له، عندي فكرره،

سما: خير ماقد معش

سلا: مسكت التلفون، اسمعي سكته

سما: بتتفرج سلا وهي بتهمس التلفون ورفعت السماعه في اذنها.

محمد: الو، حياا وقواا

سلا: يوو محمد ؟

محمد: قلب وروح محمد كيف لش ذكرتيني؟

سلا: يوو الظاهر غلطت بالرقم اشتي اتصل لصاحبتي واتصلت لك

محمد استغرب: وانا ماجيت في حسش او مه؟

سلا: لااا

محمد: طيب، يلا خاطرش

سلا: مع السلامه، وغلقت جلسين يتكركرين
.
.

محمد ابتسم: بتجنني يوم بعد يوم لكن سهل هااانت.

احمد رسل لمحمد ، كيف رشا قد عتخرج؟؟

محمد: رد، ايوه ، اليوم العصر ان شاءالله.

احمد: يله شاقل للبيت يجوا، بيسألوني.

محمد دخل البيت يكلم زهور انهم عيجوا بيت خالته

زهور: قامت ترتب البيت وتبخر.

يوسف اتصل لاحمد ..

احمد: حياااك الله، الحمدلله على السلامه

يوسف: الله يسلمك ويبارك فيك

احمد: اي حين وصلت ؟

يوسف: قبل يومين وانشغلنا عزايم قدك داري

احمد: هيا واي حين نبسرك مش ساع ذك المره، مالحقنا نجتمع خيرات

يوسف: ماذلحين قد رجعت الحمدلله ، خلصت واخيرا

احمد: الف مبرووك، عقبال العياده وانا اول زبون

يوسف: الله يبارك فيك حبيبي، جي شاقلعهن لك كلهن واركب لك طقم.

احمد ضحك: يلا شاتواصل معك بعد العصر.

يوسف: منتظر لك.
.
.

امريكا..

سلا: فاارحه اني استقضيت وبيحز في نفسي اني صرعته.

سما: ناهي لش انتي وياه من قال لي اوقع اختش دحستيني في روحي.

سلا: اختمدي ارقدي لش مرقده ، لقنه.

سما ضحكككت: مالش الا عزوز بيبرد قلبي فيش

.
.

امريكا ليلة رمضان ،،

يحيى خرج يتصرف للبيت ، واتصل للبنات.
يحيى: هيا كيف غدوه تسترين تجين نفطر جمعه؟

سلا: ماعنقدرش معنا محاضرات ، سهل نهاية الاسبوع، لاتقلقوا عنفعل فطور وكل شي ، وذلحين عنخرج احنا والبنات نتصرف.

يحيى: اوكي ، انتبهين ع نفسكن.

سلا: عاد عنتصلكم ونحاكيكم لوما نرجع

يحيى: تمام قدو اتطمن عليكن.
.
.

في اليمن ،،

صنعاء الشوارع حيااه والاسواااق زحمه والبقالااات زحمه

في الحاره ،،
تجمعين هدى وفاطمه وايناس بينقين ، ويفعلين سمن.

هدى: ريت والله و ع مسافر يشل لاختي قاروره سمن وقلافد رمضان

ايناس: عادني اتصلت لسلوى قبل امس اسألها لو به حد عيجي، قالت مابلا بعد العيد

فاطمه رفعت يدها تدعي: الله يشفيها ويجمعنا ع خير .

ردين آمين

هدى: خليه يابنتي الكيس جور عليش.

ايناس: مالش يابنتي عادش بعد عمليه رزي الكيس عنغرف غراف اسهل.

رشا: تمام.

فاطمة: قد عتكسيها ؟

ايناس: قلنا نشل الذهب ذلحين وبعد العيد تتم تمتحن ونفصل لها الزنين والكسوه عاد به وقت للعيد الكبير مالنا شي.

هدى: الله يتمم لها ع خير

عمار خرج هو ومحمد يتصرفوا للبيت.

محمد: اباه زد حاكيتوا امي ع السفر ؟

عمار: ايوه ، مش هي ساخيه عليك تفلت لها ، لكن مارفضتش.

محمد: الحمدلله ، حجزت تذكره ثاني العيد .

عمار: ليش ماحاكيتني؟

محمد: حاكيتكم بس ماركزتوش.

عمار: ومن اين دفعتها ؟

محمد: حجز مبدأي ماقد دفعت

عمار: كم الساعه ذلحين؟

محمد: ٩

عمار: ماعنلحقش لاغدوه وبكرنا حجزنا، وشادي لك مبلغ تشتري لك اداه السفر تجهز نفسك

محمد فرررح: الله يحفظكم لنا يارب ، والله مانا مصدق اني شاسير.

عمار: ماوافقت الا وداري بتربيتك وشأمن عليك لان عمك يحيى هانك.

محمد داخل نفسه مش انتوا داريين ان السيره امد بنت عمي يحيى.
.
.

امريكا.. البنات في البقاله

سلا: سما ابسري مالقيت شوفان كويكر ساع الجشوش لافعلنا شربه.

سما: ايوه شليه، وانا شليت لنا جيلي وحليب بودر.

سلا: نفسي بمحلبيه.

سما: جي نسال جوري اين البقاله العربيه بيبيعوا فيها كل شي.

سلا: تمام اول نتم هنا وبعدا لو به وقت سرنا ماشي لاغدوه.

سما: سلاا

سلا: لفت لها مالش

سما اشرت لها بيدها لاقفاها ابسري !!

سلا: استغفررر الله ، جي نسير البقاله العربيه اخرج كل شي هانك اكيد

سما: هياا ، جحفه لهم ، ساع الرازم.

سلا: ايوووه هو جاء امد نرمين،

سما: عندي خطه اين جت جوري ؟

سلا: راعي شادعيها سارت قسم المنظفات.

سما: يمكن مش داري ان نرمين هنا، عنتأكد من جوري ونخليها تقلها ونبسرهم مع بعض، خلينا نوالفهن له ونفضحه امد يوقع فسخ لاطريق

سلا: هذه جوري، هزرتها وشاورنها..

جوري راحت لنرمين ،الحب هون ع فكره!

نرمين عقدت حواجبهت ولفت يدها: مين ؟

جوري: اشرت بيدها عزوز

نرمين: اووو صدفه بتجنن، وراحت.

جوري: غمزت لسلا ومشين الثلاث.

نرمين: راحت من ورا عبدالعزيز غمضت عيونه.

عبدالعزيز ضحكك ولف وهو ماسك يدها.

سلا ابتسمت وفعلت له👍.

عبدالعزيز شافها وارتبك، فلت يد نرمين

نرمين لفتت لوراها شافت البنات، ولفت له: خير بيبي شو بيك ؟

عبدالعزيز: بس هذولا يمنيات، وانحرجت من الموقف

نرمين ضحكككت: لاتنحرج، بنوتات كتير طيوبات مافيها شي.

رشاد كان واقف عند قسم رجالي.

سلا: شفتين ، طلعت القصه حب الآن يفسخ والا والله لابدع به لاعند عمي صلاح.

رشاد كان بينهم ممر، وسمعهن، سار لاعند عبدالعزيز

عبدالعزيز: ماسكته نرمين وبيلووا

رشاد: عزيزز، ممكن دقيقه.

نرمين: ياالله شو هالغلاسه، احكوا بالبيت

رشاد: طيب ، ومشي مسررع، لحق بعد البنات.

سما: خليهم والله لايتربوا بنات الناس مش لعبه

رشاد: شكلش ماتعلمتي المفرد والجمع شفتي اثنين او وواحد لما بتتفلسفي هكذا

سما تفرجت للبنات وشافت له، بعصبيه: انتوا زيدتوا بها والله ملاحقه من بقعه لبقعه

سلا: قل لاخوك بالاحترااام يشل دبلته ويفسخ هو، احسن مااطلب الفسخ انا ويدروا عمي ليش عتوقع فضيحه.

رشاد شافها بنظررره ضبح قاحص ع اسنانه، وشاف لجوري: رجاء مره ثانيه مواضيعنا بيننا

سما ضحكككت: بيننا ! ليش ماقد فعلنا مسكت لي صاحب وتزاقمنا قبال الكل ، اذا تقصد جوري فطلعت احسن من غيرها

رشاد شاف لجوري: رجاء مايوصل شي لنرمين

سلا: شوووف قلة الذوووق ، خايف ع مشاعر حبيبة اخوه ومش محترم طلب الي قباله، قل لاخوك يفسخ بالذوق احسن من البهذله.

سما: عادكن واقفات تحاكينه، مشيت اخططين بعدي

سلا لحقت بعد سما

جوري: علت صوتها، مادام هيك ، يلا صبايا نروح مع الشباب

رشاد: سمع ، ولحقهن اين اين ؛!!؟

سما: قسما بالله خطوه واحده لابلغ الحراس اللي هنا مقلع ، من اين جيتوا لنا .

رشاد: كل مااحترمش وابدأ احبش انصدم فيش

سما ضحكككككت: حبتك العافيه سير افعل لك دش ابعد الصدمه، قد باين شعرك مقعزز.

رشاد مسك نفسه وقفى وضحك وهو بيخطى بينه وبين نفسه مش عارف من اين بتدي المجبر هذا، حبيت لقاااانتها والله.

رشاد رجع لاعندهن بسررعه: عفوا ع التدخل بس لاتخطين من هنا هذا الساع، مش امن في سكارى.

سلا خاافت: خلاص يابنات نجي بكره.

جوري: طيب ناخذ تكس

رشاد: فين تشتين تروحين؟

جوري شافت لسما وسلا وشافته: مابعرف،.

سما واقفه وماسكه خصرها: اين ماسرنا.

رشاد: المهم، انا قلت اللي عندي براحتكن ، سلااام.

سلا: بس جنان ، نروح وخلاص

سما: هو خراط ، ولا به شي جين نخطى وبس.

سلا: انكسرت نفسي نروح نتصل لابي ولليمن نهنيهم برمضان وخلاص.

جوري: طب تعوا نشتري ساندويشات في مطعم كتير حلو قريب من هون.

سلا: يله.
.
.

في اليمن..بيت عمار،،

سامرين كلهم ،، البنات فعلين تنفاش(بوب كورن)

محمد بيتفرج من النت المكان والعنوان اللي ارسلوا له.

عمار وايناس بيتجابروا ،، طفت الكهرباااء

محمد: هيا جني لهم لكن يزغفهم،

رشا: امانه ضخم نتجابر ونلعب بطه.

عمار: قوم ولع يامحمد

محمد: قام يولع ، بيضوي بتلفونه يبسر طريق..

زهور لحقته سكته والدنيا طافيه،

محمد: بيدي الولاعه من المطبخ

زهور جت وشبحته من ارجله.

محمد صااااح وابسر وانها زهور ، قام مسكها من راسها ودخلها تحت الحنفيه وفتح.

زهور كانت تصيح: ياكلب بااااارد بس توبه اخر مره.

محمد: اغلق عليش هنا.

عمار: مااابه ياجهال بتتحانبوا

ايناس: صلوا ع النبي.

محمد سرج شمعه وخرج

زهور: يحححح ابسروا مافعل!!

عمار: قلدك الله هذا المخ ماهو تفعل باختك هكذا !!

محمد: جت تفجعني

عمار:وبتفتجع !! وذيه الشنب ماهوو !!

محمد: مااابين تفتجعش بس تبطل سفاط

رشا: عادو يشتي يساافر

محمد: اصه انتي .

عمار: بتلعبوا بالماء واحنا بندوره دوار

زهور دخلت تنشف شعرها ب المنشفه وتبدل.

محمد: قومي ادي البطه بتززعق ، ماعد بش زايده عيقرحين
بطونش بعدا

ايناس: يا ابني مالك عتصلوا ع النبي ؟؟

كلهم،، عليه الصلاة والسلاام.

رشا: ادي البطه هذك في المغفره(دولاب من نفس الجدر ع شكل نافذه)
.
.

عند ياسر
هدى: اليوم ام خطيبتك اتصلت.

ياسر: ليش

هدى: تبارك لي برمضان وتكلمني ع عرسكم

ياسر: عرسكم !! من هم ؟

هدى: انت ورويدا، تشتي تفعل عرس بناتها سوا عشان الخساره واحده في العيد الكبير

ياسر: واذا مش جاهز

هدى: يا ابني ليش وافقت وخليتني ادخل بين الناس اذا ماتشتيها ؟؟

ياسر: مااعرفش، خلاص قلي لهم تمام موافقين
.
.

البنات بيتمشين ، لقيين محل تراث عربي فوانيس وزينه رمضان دخلين واشترين

وصلين السكن..
سلا فعلت ماسه فوقها القرآن وعلبه تمر، والفانوس

سما علقت في الباب من خارج تعليقه مكتوب فيها رمضان مبارك بالانجليزي والعربي.

سلا تمت ومسكت التلفون اتصلت لامها وابوها وخالد، وسما تمت تكلمهم، واتصلين بهدى وايناس
وجابرين زهور ورشا
.
.

في اليمن اول يوم رمضان ،،(قبل الفطور)
محمد شل تمر وسمبوسه وخرج هو وعمار يفطروا

ياسر: خرج من الباب بصحن سفري مغطى بقصدير وقاروره عصير.

محمد تنهدد، وذكرر سلا لما كانت تجي وتدي لهم لحوح وسمبوسه وحلويات.

ياسر: يلا قد بدأ الدريس، نلحق قبل مايأذن.
.
.

في امريكا ..

ساره اتصلت لسلوى تبارك لها، واتصلت لسلا

سلا كانت في المحاضره ماردت

سما: تمت المحاضره وخرجت ،
الجو كان مغيم ومطرر

سما وحدها بتمشي.
فجأه نزززل المطرررر وزاااد

سما فوتت موعد الباص راعت مابحد، مشيت مشي والمطر فووقها.

رشاد كان فوق سياره، شاف واحده محجبه بتخطى ومغطيه راسها بالملف حقها، مانتبه انها سما.
بيطررق لها تطلع

سما التفتت شافته وطنشت وبتمشي

رشاد قرب منها بالسياره، ابسرها سما، فتح الطاقه: تحبي اوصلش معي

سما: لا شكرا

رشاد دور المظله ، لقيها تحت الكرسي اللي جنبه، وقف السياره ونزل فتح الباب اخذ المظله وطلع السياره شغلها ومشي

سما كانت بتمشي بسرعه، لفت ع صوته: شكرا وصلت قدو قريب.

رشاد: براحتش ،وبس برد عليش شوفي كيف تبللتي

سما مطنشه بتمشي.

رشاد جلس يمشي بعدها لما وصلت.

سما وصلت ودخلت البيت، تغسلت وتدفت ورقدت.

سلا تمت محاضراتها وقد الساعه خمس، راحت هي والبنات يشترين مصاريف للعشاء.

جوري: بنات مسؤول الطلاب الخارجيين نظموا حفله عشاء بمناسبه اول يوم برمضان وطلبوا كل واحد يسوي طبق ونجتمع قبل الفطور.

سلا: وااو قوي حالي ، بتفعلوا كل سنه هكذا؟

جوري: ايه

سلا: اوكي، يله نلحق نرتاح ونسوي اي شي.

جوري: انا رح اعمل كبه وانتي ؟

سلا: والله مش عارفه بروح افكر واسأل سما.
.
.

عبدالعزيز كان نوم، نكززه رنه تلفونه صاحبه بيكلمه بموعد العشاء.

رشاد وصل ، علق الكوت، وجلس فوق الكنبه

عبدالعزيز: خرج لاعنده: اليوم فاتتني المحاضرات

رشاد: اخي والله انك عتضيع مستقبلك سمره ورقده.

عبدالعزيز: اووف، يله شاسير اتم الرقده قيمني قبل الفطور
.
.
سلا وصلت تقيم سما

سما بردااانه وبتعطسس

سلا: مالش ؟

سما: خرجت بين المطرر

سلا: قومي صلي عصر ، واذا انتي مش تاعبه عاونيني اليوم عنتعشى كلنا مع مسؤولي الطلاب الخارجيين كلهم.

سما: تمام شاقوم ، ماعتفعلي ؟

سلا: فكرت رواني

سما: ضخممم، وزيدي سمبوسه مانسترش اول يوم ماناكلهاش

سلا: قومي عاونيني

سلا تمت تفعل الرواني وطرحتها تبرد: سما يسبر افعل السمبوسه بهذه الرقائق خفاف ساع حق خبز السمبوسه!

سما بتقطع السلطه: ايوه قصقصيهن مستطيلات.

سلا: فعلت نوعين بدقه وبطاط، مش الكل بياكل لحم.

سما: اوكي افعلي جبن بين البطاط..
ايووه اليوم لوتبسري لقيت رشاد و…حكت لها ماوقع.

سلا: صدق!!! مدري كيف وقعوا اخوه

سما: عادو اشكل من اخوه، ندمت اني هزأته هكذا بس قتلني فضولهم

سلا: ابردي لش، مانلبس عسب عنصلي هانك ؟

سما: نلبس البالطو اليمني حقنا.

سلا: احسن صح، هيا اطرحي السلطه لابعدا وجي نلف السمبوسه

سما: ونفعل زحاوق

سلا: ههههههه بغير جنان مانقلهم زحاوق

سما: نقلهم صوص طماط مثل الكتشب بس مخصوص باليمنيين.

سلا: تمااام.
.
.

في اليمن،، الساعه ١ ليل
محمد في الفيس بيدور اسم سلا ، مالقيه !

زهور بتذاكر

رشا سامره بتتفرج التلفزيون هي وامها وابوها
.
.

بيت ياسر..
كلهم سامرين امين اخو هدى عندهم

ياسر وصلت له رساله من يحيى ، يشيك ع ايميله
فتح اللابتوب والايميل ظهرت له رسايل الماسنجر حق سما القديمه.

ياسر: استغررب ليش كلامها هكذا، داخل نفسه هي سما لقنه اكيد مابش شي، وفتح ايميل يحيى انه تم واتفق وجهز اول شحنه سيارات وموعد وصولها.

فرررح، ورد برساله ليحيى ورسل لسما رمضان مبارك.
.
.

في امريكا،،
الطلاب كلهم مجموعين بيقروا قران..

البنات طرحين الصحون في البوفيه وجلسين مع البنات ،، كان منظمين صفوف الشباب في الصفوف الاولى والبنات وراهم.

اذن مغرب،، منظمين الحفل بدأوا يوزعوا التمر والماء.

القااعه هدوووء الكل بيفطرر..

سما بصوووت عالي: اتشوووو

سلا ضحكت: يرحمش الله، اصه وطي صوتش

جوري: صحه وعافيه

رشاد التفت لورا وشافها وابتسم ورجع لف قدامه

سما احرجتها لفة رشاد ، وعطست مره ثانيه بس مسكت وشها.

صلووا جماعه كلهم وقاموا للبوفيه يتعشووا..

رشاد تم تعشى سريع وخرج،،

عبدالعزيز انسحب من نرمين ووقف مع الشباب يتجابروا وياكلوا حلا.

البنات كلهن بيتجابرين مع بعض

سما جالسه ، بتعطسس، وعيونها محمرات ووشها خافس.

سلا: صورتش تاعبه، عستها حاميه،

جوري: سلااامتك حبيبتي ، خلاص يلا بنات نرجع، ترتاح سما

سلا: يله وانا تعبت من الصبح وقدني نوم امد اذاكر وقت الفجر

ع خرجتهن

رشاد وصل في يده كيس، شاف سما ناولها الكيس.

سما: ماهو هذا ؟؟؟

رشاد: ادويه للزكام ومظله، ومره ثانيه بطلي معانده ع صحتش.

سلا بتتفرج لسما وجوري مبتسمات.

سما: مابش داعي شكرا

رشاد: شكرا شاقلش عفوا، اما مابش داعي اين اجي بالعلاجات اشربهن!!

سما انحرجت: ليش تتعب نفسك مافي داعي قد معي في البيت.

رشاد: خلاص ارجميهن، هذه جزاتي فلت العشاء والحالي عسب بدعتي بنفسش عطاس

سما: ضحكت وشلت الكيس منه

بيمشين دلا وبصوووت وااااطي

جوري: يااالبي عليكون شو مزوئ فرق عن اخوه عن جد

سلا: الصدق ياسما بدأت اغير نظرتي فيه

سما: اعجبش شليه ، بتوزع آراء

جوري: مافي فايده بخير او تعبانه لسانك طويل.

رشاد: واقف مراعي لهن يخطين، بصوووت عالي ع فكره الزحاوق والسلطه كانين احلى صحون

سما لفتت له

رشاد شافها واشر لها 👍

سما ابتسمت ولفتت لسلا وجوري.

نرجع للطلاب،،
عبدالعزيز شافهن خرجين رجع يجابر نرمين.

نرمين: عزووز حبيت الصوص اليمني بيجنن كتيررر.

عبدالعزيز: هذا اسمه زحاوق.

نرمين: زحاويئ

عبدالعزيزز ضحككككك بصوت: خليش ع صوص اخرج

على دخله رشاد للقاعه شافهم دعمم، وسار يجابر الشباب
.
.

في اليمن،، الفجر
قامت ايناس تفعل السحوور

محمد كان في الغرفه ، خرج كيس كبير ملان ملابس.

زهور: ماهو هذا ؟

محمد: ملابسي صغرين.

زهور: اين عتجي بهن.

محمد: اشلهن للجامع اديهن لاي محتاج

زهور: به نسوان؟

محمد: ايوه بس ماابسرش الفجر اعتقد الظهر

زهور: شارجع اجمع لك اداتي انا ورشا تشلهن معك اي يوم.

محمد: تمام ، او عتسافرين؟؟

زهور: اخص عليك مادرينا بخبر سفرك الا من امي ، ولاعاد بتحاكينا بشي

محمد: انتي داريه من الخرط.

زهور: بس ماعد انت مثل اول

محمد: لاني ماعد انا ساع اول سعما قلتي ولاعد بين اتواصل معها ولاشي.

ايناس،، قربت ودعتهم يتعشوا
.
.

امريكا ،، بيت يحيى
يحيى سامر وبيتواصل مع اصحاب المشروع حقه هو وياسر.

سلوى: اشتي اتصل بالبنات ابسرهن
مافعلين ماتعشين.

يحيى ضرب لها الرقم وناولها السماعه.

جابرتهن وتطمنت عليهن.

سما فتحت الكيس داخله علاجات وعصاير، ابتسمت وشربت حبه

سلا: معنا في البيت بتتعززوا يا اختي سما، قد صورتش عتنسي ياسر .

سما: ذكرتيني كم لي ماعد ابسرت الايميل

سلا: اختي خلاص ، لاعد تتعلقي به وتودفي ساعي ارضي بالحاصل ورشاد ماله شي، وانا لو فسخت مش عميد محمد يمكن ماننخطب لانه
تغير قووي وللآن مافعل شي، ولإن الصايع هذا مايناسبني.

سما كانت بتتفاقد الايميل بسرت رمضان مبارك بسسس، ابسرت لسلا، صححح كلامش شافكر في الموضوع والايام قبالنا ابسر تصرفاته اكثر واقرر..
.
.

بعد اسبوع ،، يوم الجمعه ..
اروى اتصلت لايناس وعفاف واتفقين يفعلين عشاء ويسيرين يجتمعين بيتهم.

ايناس كلمت عمار

عمار: اليوم،، عاد اختي اماني اتصلت تعزمنا.

ايناس: اعتذر لها يوم الثاني ، خواتي كلهن عيسيرين.

عمار: سيري انتي والبنات بيتكم، وانا شاسير عندها انا ومحمد

ايناس بضبح: حاضر.

محمد: شاتعشى عندكم واسير بعدا لاعند بيت سيدي، اتفقنا احنا واحمد نسير للرجال نستلم بقيه الزلط

عمار: تمام واووبه ينتفوها عليك.

محمد ضحككك: ياسعم اني جاهل الله يحفظكم.

عمار: عيال الحرام لايعرفوا جاهل ولا كبير.

رشا: اماه ماعتفعلوا ندخل نبدأ احنا؟

ايناس: افعلي امد الحالي يبرد.

زهور: انا عليا البيت مالي دخل في المطبخ .

رشا: انت ولا لش في شي، غير كتبش وغرفتش.
.
.

هدى،،
اتصلت باهل رويدا تنبيهم ع العرس انهم موافقين تتعرس مع اختها.

ياسر: افتهنتي كلمتيهم ؟

هدى: ايووه ماذلحين اعرف منك نص الراتب ادخلك جمعيات لابعد ثلاث اشهر .

ياسر: طيب اتفقين ع المهر والكسوه عشان احدد واجهز نفسي.

هدى: تمام.
.
.

امريكا: البنات خلصين المحاضرات ، وراحين بيتهم.

يحيى: ليش ماكلمتني اجي لكن.

سلا: ليش نتعبكم بنحجز قطارات اسهل.

يحيى: والله البيت بدونكن شوعه، الظاهر ماعد ازوجكن عنخلي خطابكن يراعوا سنين.

سلا: احسن والله ، ردوا لهم الشنط.

سما قفا ابوها بتهزز اكتافها ماعه.

سلا ضحكت

يحيى: قد اللقنه قفايا يعلم الله مابتفعل.

سلوى بتضحك: كيف بتفعلين هانك مابتاكلين ؟

سما حجفت امها: اول مره امرض وانتوا بعيد عني ، الله يحفظكم لنا ويجبرنا بعافيتكم.

سلوى: جعلي خير عليكن صدق، تعب لكن مانفعل دراستكن مهمه والكل وقد انتين نسوان.

يحيى: ايوه عيمسكين بيوت واغلب الوقت عيقمبرين وحدهن.

سما: له حلااااات ، ماعتفعلوا لنا يااماما اليوم

سلوى: مافي نفسكن بعيني افعلكن.

سلا: خاوره سووسي

سما: وانا خاووره شربه بيضاء

يحيى: وانا خاور اغنج ساعكن.

خالد: وانا ريت والله ومعي اخ توأم لاقد بناتكم قبالكم تنسونااا ولاكأن معكم ولد

يحيى: بتحسدد ، ايوه ذكرت لازم نعزم بيت صلاح نرد لهم عزومتهم.

سلوى: بعيني غدوه مش اليوم

سلا ضبببببحت

سما عاادي مابش ردة فعل.
.
.

وقت الفطور البيت الكبير
اروى: حنان اول افعلين العصير فيسسسع.

ايناس: هاا خرجي التمر عسب يشلوا لهم للجامع.

احمد: الله الله، ياااي طررريق ، اين جاء التمر نسير نفطر قد عيأذن

اروى: هااا ابسري اخوش ع تبداع خاله وابوه ماسمعنا لهم نخس.

كلهن ضحكين ،،

حنان: غبني عليش يابنت خالتي

رشا خزززيت وضحكت.

حنان: خررجت له بصحن تمر ،، يامشولح تشتي تجابر خطيبتك عبي لي كرت ابو الف ماشي والله ماتشم رساله

احمد: والله اني ذلحين حراف، لكن لما ارجع البيت شاستلف من البقاله

حنان: يوو صدق ، خلاص راعي ادي لك، علي ادالي حق جعاله اشتري بها كرت، والجعاله ع حسابك.

احمد: ماشي والله مااشل فلس، مش وقت وخطي.

رشا كانت بتسمعهم، اتصلت لمحمد تطلبه كرت.

محمد: لمن؟ مالش انا عند عمتي

رشا: حنان تشتي واحمد حراف، لاتقل له انك اللي اديته، ارسله برساله لرقم حنان.

محمد: تمام شاسير اصلي واديه.
.
.

امريكا
البنات دخلين يعاونين امهن.

يحيى بيقرا قران ويعلم خالد التلاوه والتفسير.

سلا: يوو جبركم حسينا بجو رمضان ، يارب لك الحمد حين قد امي بخيرين.

سما: الله يجبرنا بعافيتكم.

سلا: بتجابر امها من لقانه سما بالصنعاني وكيف بتضحك صاحبتهن جوري ،، وبيتجابرين.
.
.

بيت صلاح،،
رشاد: ماجاش ، قال معه مذاكره.

صلاح: اخوك صدق بيذاكر والا بيمكنها لعبه.

رشاد: الا ماله شي.

صلاح: انا تعبت اوظف خلق الله ، اشتي جهالي يعاونوني.

رشاد: ولايهمكم.

ساره: بتبسروا بنات يحيى؟

رشاد: اول يوم فعلوا لنا عشاء اتحاد الطلبه وابسرناهن

ساره: كيفهن؟؟

رشاد: مادراني وانا ياسعم ان احنا خبره.

ساره: ماشي بس كيف خبايرهن وهن

رشاد: مالكم !! مالهن شي وانا مادراني بهن.

ساره: هزت راسها بينها وبين نفسها يوو ياعزيز والملعنه كان انت تشتي تجابرها صميل.
.
.

اليمن،، بعد الفطور
احمد: هيا ماتشتوا جعاله.

حنان: ولاشي بين اضحك عليك.

رشا: اشتي سنكرس

احمد اكتبد: من عيني بس شاتاخر شاخرج مع محمد وارجع.

اروى: يله الله معاكم.

ايناس جالسات بياكلين حالي

اروى: اي حين نخرج نشتري الذهب ؟

ايناس: اي حين مااشتيتي

اروى: الجمعه اللي عتجي مارأيش؟

ايناس: تمام

رشا بصوت واطي لحنان: يوو نسيت ادي لاحمد الحلا ، فعلته بالعاني حين بيعجبه

حنان: سهل لومايرجع خبي قسمه.

رشا قامت تبعد لصحنها قطعتين.

احمد ومحمد ساروا للي اشترى السياره ووعدهم بعد اسبوع، ورجعوا لابيت سيدهم، احمد سار لفلف لهن جعاله ومالقيش سنكرس شل زلط من صاحب البقاله واشترى من محل ثاني وااحد وخباه في جييه.
.
.

امريكا،،
سما بتسال ابوها؛ ماتشتوا نفعل في العشا غدوه

يحيى: منه كله ، عشااء حالي واكتبين لي ماتشتين اشتريه الصبح.

سما كتبت له
دقه
لحم
زبادي
خضار……الخ ملان ورقه.

يحيى: ماهو هذا يابنتي شاجلس البج

سما: شاجي معاكم انتوا اوقفوا وانا شاجمعهن كلهن
.
.

اليمن،، البيت الكبير
وصل احمد ومحمد دخلوا وكلهن مجموعين في الديوان والبنات كانين بيلعبين بطه.

احمد: من يشتي جعاله يجي لاعندي بالطابور.

رشا ضحكت وسكتت

الجهال قاموا، بقيين حنان وزهور ورشا

احمد واقف جنبهن بيوزع الجعاله..

فجأة طفوووا

محمد: صورتنا نورنا ياولد.

الكل ضحكككك

احمد قرب لاجنب رشا ، ورجم السنكرس.

رشا مسكت الشكلاته.

جت الشغاله بالاتريك ..

احمد: بهرر لرشا، حنان الشكلاته تيه مابلا واحده لش والباقي اديت لهم عصير وبسكوت.

حنان: ماهي تيه الشكلاته، قلنا عتجعل لنا جعاله سوا.

محمد رد: كنا عنخوركن عشاء مش الا جعاله, بس معوضين وعد الاسبوع اللي عنجتمع فيه شاعشيكن

حنان: اشهدين محمد قال عشاء

اروى: ياجهالي مابيعجبكم في المهد ذيه قوموا المطبخ ملان اغرفين لكم حالي وفعلتين تنفاش، قلك بفك وطرزان

محمد واحمد خرجوا عندالرجال.

حنان قامت هي والبنات ،تفعل لابنها سيرلاك.

رشا: اشتي ادي له الحلا اللي بعدت له كيف افعل.

حنان: شادخل لاعندهم ادي لهم ماء بارد وشعير، وشادعي احمد

رشا: مع خزززا قوا لحد يبسرنا

حنان: وانتي ادي له بس لاتتجابروش.

رشا: هو بيجابر

حنان: حاكيه كلمتين وفحطي، امد يعرف بس انتي اللي خبيتي قسمه.

بعد مادخلت حنان تدعيه
قبالهم يجاوب علي زوجها في التلفون.

احمد استغرب مايشتي علي وقام بعدها

حنان سبقته وخرجت للمطبخ واشرت لرشا تخرج.

احمد خرج ، ورشا بتخطى صليه ناولته الصحن، وهي خازيه: تسلم ع الشكلاته.

احمد بصووت واااطي: اسسسلمي( ياروحي)

رشا: هيا ادخل لحد يبدي.

احمد: ذلحين ارجع انا بصحن لي وحدي ماعيقلوا،

رشا: قل لمحمد يخرج لصحنه وانا شاسير ادي له، والبقيه مخزنين؟

احمد: ايوه، سيري اجابرش من تلفون حنان.

رشا: تمام وخطيت.

احمد: دخل للديوان، محمد اخرج جر قسمك.

محمد: تمام
.
.

ثاني يوم الساغة ٢
محمد بيقرا قرآن رن تلفونه،، بيررن بيررن.. كمل الآية ورد

احمد: نوووم لهذا الساع عتصوم ساع الناس

محمد: اللهم اني صائم، ضحك مالك بين اقرا قرآن

احمد: يلا اقطب ٥ دقايق وانا عندك، اتصل صاحبنا نسير للزلط، وقد احنا عنصلي عصر في الجامع

محمد: يله الآان.. غلق السماعة،، تم يقرا الصفحة وغلق المصحف وقام يلبس

ايناس في الحجرة فارشة السجادة ولابسة ثياب الصلاة بتسبح

محمد: تشتوا ادي لكم معي شي؟

ايناس: ادي معك اللي كتبتهن لك في الورقة.

محمد: مابش في نفسكم شي والا شي

ايناس: سلامتك، عيرضى عليك دنيا وآخرة وييسر لك كل ماتعسر عليك

محمد: آمين، الله يحفظش
.
.

في المدرسه
رشا: يوو استاذ النحوو ! جحفه لها ماده اخر حصه ونوووم وجووع وعطش.

زهور: اصه يافالحه ، بدعتي بي انش اختي انا اربعينات وانتي نجاح بالزبط وزد في فصل واحد.

رشا: شافعل لي نعسه فوق الماسه، وانتي قلي للاستاذ فيني نوم

زهور: ماتدخليني بش ماااعه
.
.

عند محمد واحمد.
محمد: تسلم يا اخي.

الرجال: العفو ع التاخير

محمد: مابش مشكله، ماقصرت

احمد: بيعد الرزم.

محمد: بيعد معه….سوااا، تسلم

احمد: خاطرك ياعم

الرجال: موفقين.

محمد: اسمع قبل الجامع نطرحهن في البيت اول ونرجع نصلي عاد باقي نص ساعه للاذان.

احمد: سواا، لاينسرقين.

محمد: كم سعايتك.

احمد بصوووت عاالي ومسك دقنه: عيب عليك الله المستعان.

محمد: لازم ، خلاص ادي اعبي لك دبه بترول

احمد: دبه!!! بين اقل سعايتي ارض ، شقه ، قال دبه .؟؟!

محمد بيبسر مدرسه خواته: لو البنات خرجين منها..

احمد: عيب عليك عتصوم؟!!

محمد: يا الف سبحان الله، مش محمد يلاحق بعد بنت.

احمد: ابسر الحيوانات هذولك بيلحقوا بعد بنات من اول بين ابسرهم.

محمد: قذا قلتها بفمك حيوانات، والا مامعه من بنات الناس هنا !؟

احمد: شاوقف لك تنزل تبسر خواتك نشلهن معنا

محمد: حاضر

احمد: شاجنب قدام ، وخطي.. وقف ونزل بيلتفت من جنب السياره، والبنات قدامه !!! زهوور ورشااا وبنت !!؟ قفاهن ٢شباب بيلاحقوا

احمد بعصبييييه صيح: اطلعين السياره

زهور ورشا: خطيين وبيراشين صاحبتهن تطلع معهن.

احمد هزر واحد من الشميز من رقبته: مش عيب عليكم يا كلاب تلحقوا بنات وسط الشارع ولا تستحووا رمضان ؟

الصايع: مالحقناش حد ، هذا طريقنا ورحلك من التذراب هذا الساع.

احمد: من اللي يرحله من التذراب وهزره بشميزه ودهفه لافوق صاحبه بقوه.

محمد وووصل ع مضرابه وناس محووشين، دخل يفررع: احمددد !!! مااالك ماوقع ؟

الصيع واحد منهم، خرج الجنبيه، وعيضرب احمد.

احمد: سحب من الكوت المسدس ورفعه لافوقهم وعشق

محمد: احمددد بغير جنان مالك

الرجااال افتجعوا هربووا كلهم واللي بيفرعوا

احمد ضحكككك وضرب بالمسدس كان فاضي.

محمد قدو بيعرررق ارتزززح لاعرض سيارره كانت واقفه: الله يسامحك، وقفت قلبي

احمد ضحكككك: تتخايلني مجنون احرم ع نفسي دنيا واخره امد لحظه ضبح، بس اخوك كسل مافيني من ضارب ، قلنا نفجعهم.

محمد بضبح: وللمه بتخرجه معك، يسرقوه يوقع شي مثل هذا تعصب وتضرب.

احمد دخل المسدس جيبه، ومسك كتف محمد وبيخطوا للسياره: يا اخي عصبوني الكلاب هولا

رشا مفجوووعه هي وزهور ابسرنهم جوا يوو الحمدلله مابش فيهم شي

احمد فتح الباب وطلع: اين جت خبيرتكن؟

رشا: راحت لها

محمد: ومالكن ماتشحطين ارجلكن وتخطين او توقفين وترجعين للمدرسه وتتصلين؟

زهور: اصه، وانت في موقفنا ماتدراش ماتفعل من الربشه والخوف.

محمد: عادهي اصه ، ذلحين تحملنا ذمه الادمي بسببكن

صاحين مافعلتوا ؟؟؟

احمد لفت لمحمد وغمز خرج من جييه المسدس وراهن

رشا: بغيررر جنان قتلته ؟؟؟!

محمد: واحمد قرحووووا يضحكوووا ، قتلته !! سعم ان هو دجاجه !! صدق نفسي اقتله، بس حرام اتحمل لاذمتي الله يخلق وانا اقتل من يقلوا لي؟

زهور: الله يهديكم ويبعد عنكم عيال الحرام، امانه ان انتوا هدمتوني

رشا: سماااجه وياسعم خفة دم ، بتبسري كيف ينكعوا بطون واحد !!
.
.

في امريكا
رشاد اتصل لعبدالعزيز: عتجي؟؟ اليوم عزمونا بيت عمك

عبدالعزيز: خلي لك بيت عمك ، وخليني عند بنت عمي، مزقرع لك وفارح بنسبهم ، سير انت بدلي ، انا مااشتيش المعقده تيك، كسرت نفسي والله.

رشاد: ي اخي عيب عليك استحي ع نفسك، والله لا احاكي ابي يبسر لك حل عتفضحنا.

عبدالعزيز: جرررب ، نسيت ان ملفك الوردي عندي ، وغلللق.

رشاد خرج من غرفته لاعند ابوه وامه: اتصلت له ومابيجاوب

صلاح: ومن كنت بتحاكي صوتك لا هنا ؟

رشاد: صاحبي
.
.

في بيت يحيى…
سلا بتورق الخضره

سما عجنت اللحوح .

سلا: قد ماما عجنوا مالش؟

سما بزززعل وطت صوتها: عجنوه ونسيوا الخميره والملح قدلي ثلاث ساعات مراعيه يخمر

سلا وطت راسها بغثى: لك الحمد والشكر يارب

سما: والله انو صدقش الحمدلله احسن من اول ، حين قد بيذكروا نص الاشياء

يحيى: زيدين العشاء، زد عزمت خبره في الشركه

سما بسرت لسلااا ومسكت شعرها

سلا: قررري ، مش وقت الهباله ، بتبسري بين اورق الخضره سيري لفي شعرش

سما: تقلي مانفعل ،اسير ابسر ماما مابيفعلوا

سلا: اهم شي حسش عند الشفوت حق رشودي.

سما ضحكت وهزت لها حواجبها: اجلسي ع الاطلال حقش
.
.

محمد: يله انزلين ، شاسير اصلي وارجع.

رشا بتتفرج لاحمد: حاضر

احمد ناولها كيس الزلط: هذا نص مهرش.

رشا خززززيت وتفرجت لمحمد ولاحمد.

محمد هزره من رقبته بيده بقوووه.

رشا ضحككت: مالكم جحفه لكم وزبجكم ماهو هذا

محمد بقص صوابر احمد: زلط السياره يامهري.

رشا ضحححكت ودخلت
.
.

امريكا وقت الفطور ،،
سما لبست الدبلة وناولت سلا دبلتها

تمت رتبت السفره وزينت بمزهريات ورد بنفسجي وابيض، والمناديل عطفتهن بلون السفره

سلا بخرت البيت بعد القلي والطبخ

رتبين كل شي ومراعين

رن الجررس وصلت سياره صلاح ومعاهم قاسم.
وشويه وصلت سياره شباب عرب موظفين مع صلاح ويحيى…

ساره جت معها جارتها عراقيه.

اول مادخلت بتتفرج للبيت، واناقه البنات لابس ومرتبات ماكانهن فاعلات عزومه

العراقيه باسمه: شاورتها (نيالش فيهن مبين عليهن مرتبات وستات بيت ولساتهن صغار )

ساره بحسد: احنا عندنا كلنا، في صنعاء البنات مش مدلعات.

سلوى دخلت سلمت عليهن ، والبنات بعدها.

ورجعين للمطبخ يقربين وسلوى معاهن.

ساره: عادي، لو تشتي تبسري البنات وتقربي وانا مع باسمه بجلس.

سلوى: خلاص كل شي جاهز عليهن يقربين.

سما كانت لابسه فستان طويل مشجر قطن عااادي رقيق فوقها هي وسلا، وشعرهن ملفوف من الجوانب ومفتوح الباقي.

خالد: كان يقرب وبعدا دخل ماخرج.

سما مراعيه لخالد ماسكه صحن فيه السمبوسه وطعميه وفطاير يدخلهن..

سلا: بتبسري كيف توقع عزومه ويحرررق الدم نجلس نداعي قبال الناس

سما: اسسسهل والله لاوريه ماراحت له.

افتتح الباب خرج واحد وغلق الباب

سما حملت بسررعه شافت ظل واحد غير خالد، رجعت لاورا مادريت اين تتخبى ، هزرت البرده حق الطاقه في الصاله وتغطت من فوق وبقيت من نصها..

رشاد لمحها لما كانت واقفه ونزل عينه، قلبه دددق دخل الحمام يغسل يده ، ورجع للديوان

قال لخالد يجاوب.

خالد خرج ومابش حد، دخل للمطبخ، بهذلين به خوواااته وبالذات سما.

خالد: ناهي لما بدعت بش والله لاقله هي الشغاله مالك ماشليت منها.

سما: شغلوا بطونك ي اخجف انت والبلاده هذه اتحداك تقله شاقل لابي.

سلوى سارت لاعندهن: هياا وين حق النسوان.

سلا كانت بتجهز لهن: ها هوذا شادخله، وسارت.

ساره مسكتها ، وتسألها من خبايرها وكيف طباعهن وايش بيلبسين.

سلا مسسستغربه !!: ليش ياخاله تعرفوا حد منهن؟؟

ساره: ماشي بس انتبهي في بنات مش سوا من اول سمعنا عنهن.

سلا افجتعت: والله مابنخطى الا مع جوري بس وهي قوي محترمه وملتزمه.

ساره: قوا لكن سوا.
.
.

باسمه: ماشاءالله الاكل كان رهيب، حبيت اللي مثل الفطير بعسل.

ساره بغيره ضحككت: هذه بنت الصحن، قد اديت لش منها.

باسمه: عفيه عليج بنت الصحن، بس اللي سوونها طعمها مختلف، يسلمو حبيباتي

سلا وسما مستحيات، جلسين شويه وخرجين.
وحدهن وتعذرين بالمذاكره.

ساره: ايووه جعلي مكسر عزيز يرحم رمضان وحده لاستر يجي ولا قال معه مذاكره.

سلا بسرت لسما

سما ماقدرت تمسك نفسها ضحكككككت وخرجت.

سلوى انحرجت: كما هذه سما تنطبز من الهوا.
.
.

عند الرجال..
يحيى: ليش ماجاء عبدالعزيز؟

رشاد: معه دراسه مكثفه نباني اعتذر منكم.

يحيى: خيرر ان شاءالله، الله يوفقكم، واشر لخالد يسكب القهوه.
.
.

بعد اسسبوع ،،، خرجين يتكسين

محمد قدام جنب احمد وورا اروى وايناس وعفاف وحنان ..
في الخانه ، رشا وزهور وبنات عفاف صغار واخوهن.

وصلوا السوق..

احمد: نزل يفتح لهن الخانه

زهور: نزلت وهي مخييه وشها حين هي فاتشه لحد يبسرها.

رشا نززلت وخاااازيه من احمد.

احمد: بعاااع مااااء يلا من هنا يلا انزلووا ياغنم.

رشا رجعت للخانه، جرت العلبه الفاين ورزعته.

النسوان نزلين..

محمد: عنسير انا واحمد القصر نشل لنا اده ، وانتين شارع جمال لوما تتمين واطلعين السياره احنا نتم ونلحقكن.

احمد: لوما تجرين الذهب ، اتصلي لنا ياحنان نرجع لاتلوين به وحدكن.

حنان: حااضر.

زهور: هيا اخطي ياحريووتنا..

رشا ضربتها: اصص ، يامدكومه.

كانين ملااان وساعه يوقفين عند محل وساعه يدخلين يسألين ويدورين جهال عفااف، واخيرااا دخلين محل حالي وشلين الذهب.

اروى: اتصلي لاخوش يقرب السياره لاعند محل ال ،،،)

حنان: حاضر، شاسير بساعتي اجر لحسام الشرابات ماباقيات الاهن.

زهور: وانا ورشا عندخل هنا المحل اللي قبالكم.

ايناس: هيا فيسسع، قدو شرق واي حين عنوصل كل واحده لبيتها واي حين نتسحر.

اروى: سهل نزيد نبسر يوم.
وخرجنا ، باقي الحزام، عيدي لنا نفس نقشه البدله.

ايناس: ع الله.

احمد ومحمد وصلوا ، وطلعين السياره، محمد اشترى سندوتشات للكل.

حنان: مبوون يا ابن خالتي ؟؟ مامعك ؟؟

محمد: عتدروا قريب مفاجأة

حنان: دارريه بها.

محمد: خلاص لاتقليش يامنعاه، خالتش عيفتحوا لنا ذلحين دمووع وموووال يوجع القلب.

وصلوا بيت عمار لابيتهم وع طريقهم عيطرحوا عفاف

فوق السياره..
عفاف: عتكسيها صح؟

اروى: مع عتتكسى هي بس قلت الذهب نشتريه جمعه

عفاف: مع مقصدي للعيد ، لازم يشل لها كسوه وجعاله لوما يسير يسلم عليها.

اروى: ايووه ، ضرروري نرجع نخرج نشتريهن اخطى لش عتجي معي لاخرجت؟

عفاف: اكيد تمام

احمد: للمه، انا خطيبها اختار لها انا

ضحككين

حنان: والله انك معرررص بوشك

احمد: بوشي والانخري خطيبتي الكسوه هي في وشي انا شادي لها لازم اختار انا.

ضحكين وواصلوا الطريق
.
.

رن التلفووون
سلوى: اتصلت لهدى ، بتسأل عليها وع زوجها وياسر

هدى: ياسر خطبت له لو تذكري بنت خديجه

سلوى: ماشي ماذكرتش من خديجه؟؟

هدى: الا تعرفيها قوي لوما ترجعي عتذكريها
.
.

ف امريكاا
البنات رجعين السكن وبيذاكرين للامتحانات..

سلا: فررحت حين ابي قالوا عيشتروا لنا سياره بعد هذه السنه بس سوقي انتي انا افتجع

سما: طبعااا، الفضل لي مرضتي وقعت لاطريق

سلا: مش مرضتش بس ياهانم، امد البرد عيدخل.

سما: محمد ماعد بيتواصل معش؟؟

سلا: محمد، طارررحني بين نار حبه ونار الدعممه مدري ماله اخر فتره تغير قوووي

سما: وانا مستغربه بين اقل انو عيتواصل معش وبالذات معاكم تلفونات، صدقتي انو حب طفوله ونسيش

سلا: مانسيش بس متأكده ان فيه شي يمكن مشاكل يمكن قرايته والله العالم.

سما: اجلسي برري له تصبحي على خيرر

سلا: وانا شفسخ كيف نفعل ، ماشاراعيش اربع سنين وهو بيحب ويخرج مع صاحبته وانا ساكته ماعنديش كرامه ، خليني احاكي ابي

سما: لوما نسير ان شاء الله نبسر تيه الفتره لو مواصل حاكيناهم.

سلا: واصل والا ماواصلش انا خبلا حين سكت من البدايه
.
.

في اليمن..
محمد وصل فتح الشنطه من قراطيسها وعطف الملابس حقه الجداد والجاكت وغلقها وخباها تحت السرير،، وجالس يكتب مابقي له..
.
.

بيت اروى…
احمد وصل البيت
وصلت له رساله من يوسف،، عزمه ع العشاء ثاني يوم هو ومحمد وطلبه رقم محمد يرسل له.

احمد رد له: مابش داعي تتعب نفسك.

يوسف: تعمدت ارسل لك ، عشان لااتتعذر لو اتصلت اتصال، لاتقرح رصيدي مراشاه وهات رقم محمد.

احمد رد له: ههههه حاضر ياجلده، رساله هاا سابر ان شاءالله عندك وزيد العصيد والمرق الحامض
.
.

قبل العيد باسبوع

بيوت صنعاء اغلبها اللي معلق المفارش اوالبطانيات المصبنه..

الناس ملان الاسوااق..والشواررع زحمه..

وبيت عمار..
ايناس: اقطبين البيت اليوم ماعد باقي الا الديوان

رشا: ناهي سهل باقي للعيد عشر ايام

ايناس: داريات اخوكن عيسافر في العيد ونشتي نعزم خالاتش وعماتش ، وخبره محمد حق الحاره.

زهور: والامتحانات !! بعد العيد؟؟

رشا: جحفه لش تبرقطي واحد، لاقد تخليني اهم

زهور: ضحكتيني من اي حين بتهمي، انا ما لي دخل بعزايمكم معي اختبار ثالث ثانوي مراعيه له سنين.

ايناس: مش وقت محانبتكن الثنتين.

محمد: محد يستر يجلس ولايتصل من جنبكن.
دخل غرفته وخرج الاوراق، اتصل بماجد.

ماجد: حياك الله وين غيبت ؟

محمد: والله موجود ، بس تميت المعهد ، وكسلت الجيه

ماجد: قصدك تميت الفيزه !!

محمد ضحككك: وانت كيف عتحس والحب عندك قبالك واصل بس سهل ، عتحس بي في العطله

ماجد ضحك: جهزت نفسك اين قد انت؟

محمد: قدني في البحر شويه واوصل ، قلك اين قد انت ؟ ذلحين ارسلوا لك العنوان من عيستقبلني ؟

ماجد ضحكك: عتستقبلك الام الروحيه ، ناسي ان تبنتك اسره؟

محمد: مع مش ناسي بس مادراني اين بيتنا حق امريكا؟

ماجد ضحكك: قفا الجسر ثاني حاره ع يدك اليمين اول زغط ع يدك اليسار

محمد: عتقرح الرصيد يالغجه قل لي راسلوك؟

ماجد: لاتقلق كله جاهز، المهم قبل سفرك عنبلغهم ، وعيجهزوا نفسهم ويستقبلوك للمطار بنفسهم ويوروك كل بقعه.

محمد: حالي عيحفظهم لي هههه

ماجد: المهم انت جهز نفسك اوراقك جوازك شهايدك ترجمهن عمدهن من الوزاره وتوكل ع الله ، بس لاتنسى نبسرك

محمد: الحمدلله بردت قلبي، اوراقي في الوزاره شاسير اتصايح معهم ينجزوهن، ونتواصل قبل مااسافر امد ابسرك.

زهور دخلت لاعند محمد

محمد اشرلها بيده اص: يلا ماجد متواصلين في امان الله

زهور: تميت؟؟

محمد: ايوه ، ماتشتي؟

زهور: سير اشتري خبز سمبوسه، وكلوركس

محمد: انا قلت الف مرررررره اكتبوا ماتشتوا في ورقه.

زهور: ناهي نسينا

محمد: ارجعوا ابسروا ابي كيف عيستضيكن مالكن الا هو.

زهور: ماعد شبقى الا انا انت عتسافر واختك تتزوج، ريت والله وامي زادوا لنا اخ.

محمد: وانتي ماعتتزوجيش؟؟ سيري ابسري مازد تشتوا ؟ لاني شاخرج واتاخررر.

زهور: لاماشتزوجش، اسمع ذكرت ، شاتصل لسلا وسما ابسر لو يشتين شي ، اقلهن؟

محمد: انا قلت والله مازد اكلمكن.

زهور: لو ماتحاكيناش احنا ابي وامي عيتحاكوا مالك انت؟

محمد: هن في ولايه ثانيه جامعتهن ماعيدرينش

زهور: ولو دريين؟

محمد: قلين لهن به مسافر عيجي مش ضروري انتي تدريهن.

زهور: حاضر، سير انفع يله.
.
.

امريكا،،
سلا جالسه بتذاكر

سما بتفعل بحث في النت

رن تلفون سلا،، كان صاامت…

سما حست بالتلفون بيهززز دوررته وردت ع اخر رنه.

زهور: سلام سما مشغوله؟

سما: حيااا زهور كيفش ياروحي مع فاضيه.

زهور اتصلت لسلا ماردت وانتي قلت الظاهر في الجامعه.

سما: مع قد الساعه ٦

زهور: يوو يلا افطرين لاشغلكن.

سما ضحككت: عاد احنا لوما نفطر اربع ساعات، مش ساعكم.

زهور: الله يعينكن، العشي افتحين النت نتجابر.

سما: حاضر الان فاتحه.

زهور: امي عيقلعوا رقبتي عمل ونفاض او قد نسيتي.

سما: يوو هنيت لكن والحشره والله اني نسيت، لاطول عليش تمام شاخليه مفتوح.

زهور: تمام مع السلامه.

سلا: جبرها صدق، كيف بيتصلين ولاتغيرين ، واحنا ولازد سألنا.

سما: ايوه والله وصلت لها رساله من رشاد.. فتحتها (انا شاخرج اشتري لحم، والمحل اللي بيبيع حلال بعيد عليكن تشتين اشتري لكن على الطريق)؟
ضحككككت

سلا: مالش بتضحكي؟

سما بدلع: بتغنج بفمها، ختيبي عيهاديني لحمه.

سلا ضحكككت: مافهمت ماقال لش؟

سما: لو نشتي لحم حلال.

سلا: مع ابردي لش

سما: اكيد عنفتح لنا بعدا مجبر ، رسلتله شكرا معنا.

رشاد: العفو، لو تحتاجين شي رسلي.

سما: تسلم

رشاد: الله يسلمش .

عند عبدالعزيز ورشاد.
رشاد: قوم هيا نسير نشتري لحمه.

عبدالعزيز: اليوم اانا شاتعشى من يد نرمينو، سير اشتري لنفسك.

رشاد: كان بطلت ماعد اشتيش، شاخرج اتعشى في مطعم.

عبدالعزيز: عتجلس هكذا وقف اربع سنين، ي اخي دور لك من يعانيك يحبك يسأل عليك.

رشاد: والله لو يوصل لابي خبر لايسأل عليك سوا

عبدالعزيز: انا راااكن.
.
.

في اليمن..

هدى رجعت من عند ايناس

ياسر بمزح حب راس امه: في عشاء والا شكلنا اليوم بنتعشى من السوق.

هدى: طبخت قبل مااخرج، يالقن سرت لاعند مرة عمار اسألها، نكسي خطيبتك للعيد او لا؟

ياسر: يهي، البنت لانخطبت قدهم يتبنوها اهل الزوج ، كسوه عرس، كسوه خطوبه ذهب دلع وانا تكسيني والا ماشي؟

هدى: ضحكت، مامعنا منكم الا هي العرس وهي

ابو ياسر: وهي ، هااا سمعت امك ، اشهد عليها.

هدى ضحكت: ماشي مقصدي توقع الحفشله هذه الايام وبعدا خلاص قد احنا من جيزكم.

ياسر: نكرتك يا اباه شاااهد ، لاعد تغالطيش.

هدى: ناهي لكم ، اسير لي المطبخ اخرج

ابو ياسر: اتصلت اختك تشتي تجي.

ياسر: اروح اجيبها !

ابو ياسر: مافيش معك عمل روح.

ياسر: عاادي لاقدها بتجي ، بستأذن يوم مايضرش.

هدى: كيف لها ذكرت.

ابو ياسر: انا مخليها ع راحتها.

هدى: وانا اشتي راحتها والله بين اخور بنت خوره وبين اعتبرها مثل بنتي.

ابو ياسر: انا داري الله يحفظك ويخليك لنا.

ياسر: ماقلتيش ذلحين كم اجيب حق الكسوه.

هدى: قالت ايناس مايكسوش الخطيبه في صنعاء الا لو قدلك خاطب لها سنه.

ياسر: احسن، وفرت.
.
.

بيت اروى
احمد: هيا اتجهزي، الان شاجي لش قووا شرق اي حين عتلحقي تطبخي.

حنان: لاتقلق ، زد امي عزموا خالاتي ، عيجين البنات يعاونني.

احمد: ياسلاااام ، سبرت يله كان اقطبي.
.
.

بيت عمار
ايناس: شاسير انا ومحمد وابوش ، وانتي اجلسي مع اختش في البيت

زهور: ليشش مانجيش مالكم؟

ايناس: مايسبرش اختش تسير بيت خطيبها قبل العرس.

زهور: ابن خالتها مافيها مش هو مخرجي

ايناس: انا داريه سهل، بس قبل العرس مايسبرش عندنا تسير البنت بيت خطيبها.

زهور: اين المشكله عااادي؟

ايناس: هكذا متعودين من اللقانه حقش والتحقيق

زهور: طيب وانا مادخلني بها هي مخطوبه.

ايناس: اجلسي معها افطرين سوا ، وارجعي ذاكري.
.
.

امريكا.. بيت يحيى
التلفووون بيرررن

سلوى: كانت بتقرا قران، قامت تجاوب..

عبدالله: السلام عليكم كيف انتي يا اختي؟

سلوى: وعليكم السلام،، من بيتحاكى؟

عبدالله: عبدالله ، عم الجهال، كيفكم

سلوى: من عم الجهال؟ ماعرفتكش.

عبدالله مستغرب وبيتفرج لمرته: اخو يحيى زوجش عبدالله!!

سلوى: لما يجي يحيى شاخليه يتصلك.. وغلقت

عبدالله بصدمه!!: غلقت، قد بين اقلها اخو زوجش.

مرته: قد بتتملعن ، ماعد يعرفوناش الحجه عند الزلط اللي خلتها بخيره، لو شي ان هي ماتت

عبدالله: لاتتشفيش هو مرض.

مرته: وانت بتبسر قلدك الله ، ولاعد عبرونا.

عبدالله: انا ظلمت اخي واشتي اتسامح منه.

مرته ضحكككت: ظلمته والا تقاعدت؟؟ قد بتدور لك عمل.

عبدالله فلت لها المكان وخرج.
.
.

امريكا…
سلوى دعت خالد

خالد: ها ماتشتوا؟

سلوى: مع ابوك اخ اسمه عبدالله؟

خالد: ايوووه نسيتوه هذا اللي خرجنا من بيتنا واستأجرنا في صنعاء.

سلوى: استأجرنا !! ورجعت تتنهد ، وتستغفر بالمسبحه، اسكه اتصل لي بخواتك ابسر مابيفعلين.

خالد: حاضر.
.
.

حنان: خااله اين البنااات!!

ايناس: ماتمينش عملهن قلنا يقمبرين ينفضين ويذاكرين معاهن اختبارات بعد العيد.

حنان: يو الله يحفظكم ياخاله يتعشين ويذاكرين هنا

ايناس: مابتشبعين ولابتقنعين من بعض مجابرره.

حنان: قد بين اجنن علي جنان امد اكون اجي ونجتمع غثيتوني.

اروى: يلا سهل يابنتي ماعندها حجه، هن ثانويه عامه.

ايناس: سهل عد معاكن الاواخر تيه عزايم، والعيد بعدا عطله لاراسكن

حنان بززعل: حاضر.

اروى: اخلي احمد يشل لهن عشاء

ايناس: والله ان قد طبخين من كله

احمد بيداعي واقف خارج المطبخ.

اروى: ادخل مابلا خالتك.

احمد دخل بيتفرج مستغرب اينهن: جي ابسري ابنش جنني بيبكي، ولايحترم خال ولا جد.

حنان: يوو جبرني، هيا هوذا شاجي.

احمد: اقطبي بيبكي.

المطبخ كان صووت النيني بيبككككي.

حنان خرجت هي واحمد.

احمد: قرب لحنان وينهن؟؟

حنان: معاهن عمل ما جين.

احمد: بنراعي لهذه المناسبات مراعاه، مالها ماتقطب عملها.

حنان: نفاض ماتقطب، البيت منعوث سعم انها فارحه بك.

اول يوم العيد.. في البيت الكبيرر
كلهم اجتمعوا بعد السلام وساروا يتغدوا ويجلسوا عسب يودعوا محمد.

بيت هدى..
سافروا كلهم تعز يعيدوا مع الاهل..

ياسر رجع ثاني يوم عشان العمل ويودع محمد
.
.

في امريكا..
ساره جت تعيد ع سلوى والبنات وادت لهن اكياس

سلوى: ليش تتعبي نفسش

ساره: مابش تعب ولا هذا كسوة القمارى حقنا.

سلا مبتسمه بدون نفس.

سما مبتسمه لها، ولفت لسلا تحانكها بلسانها.

ساره: حالي حين صادف العيد يوم عطلتكن، غدوه نتغدا سوا

سلوى: لاتتعبي نفسش يااختي ولا ، زد البنات عيرجعين الصبح معاهن مذاكره.

ساره: سهل يتغدين ويسيرين

سلا: ماعنقدرش, نوصل نفتهن ونذاكر، سهل مره ثانيه.

ساره بدون نفس: ماشتيتين تتخيصم لسما، وتحب سلا.
.
.

ثالث العيد 😍😍
بيت عمار..
الرجال ملان الديوان الخارجي مخزنين.

وعماته وخالاته ومن الاهل ملان المكان حق النسوان الداخلي ،، الجهال بيلعبوا ويقرحوا في الحوش

عند الرجال.. الديوان ملااان ،،
ماجد ويوسف واحمد وياسر وخبره محمد حق الحاره وخاله وازواج خالاته وعيالهن وعيال عمه وعمته

عمار: قوم افعل لك يا ابني ساعه نعسه عادك ع سفر طوويل

محمد: الله يحفظكم يا اباه، خلونا نشبع منكم، ماعيجيش نوم.

ماجد غمز لمحمد: اكيدد ولاعيغمض غمضه ماذلحين

احمد: والله وسبرت لك يا ابو حميد.

محمد: الشكر لله واخي ماجد لاحق عليها هو.

احمد: الساعه كم عنتحرك المطار؟

عمار: الساعه ١٠ نخرج لان طايرته الساعه ١٢:٤٥ دقيقه.

خال محمد: سواا امد الشحن ونتسالم.

محمد استأذنهم وخرج.
بيخطى لغرفته وبيداعي يااي طريق الله الله الله الله.

زهور خرجت وحجفته وبكيت

محمد: خوليهن لابعدا باقي ساعتين اشتي ابسر الشنط ابسري طريق.

زهور: اخطى مابش حد كلهن في المكان

محمد دخل بسرعه موطي راسه.

رشا ودمووعها ع خدها: بتغلق الشنط بالاقفال.

محمد بزعل دخل حجفهن الثنتين وهن قررحين يبكين

ايناس بتداعيهن مابحد، سارت تدورهن اين هن ؟؟ ابسرتهن في الغرفه حق محمد بديت ومحمد جالس وحاجف واحده في جهه وواحده في جهه بيبكين ومحمد ملان عينه دمووع وبيهدئهن.

محمد لفت لها وهي واقفه في الباب بعد البنات وقام

ايناس ابسرتهم متحاضنين وبكككككيت بصووت

محمد حجفهااا بكل قوووته وبكي في حضنها

ايناس بتببببككي، والبنات بيبكين.

محمد بيحبب يدها وراسها ويحضنها، ويهدأها: خلاص قوا قد لكم بتبكوا اسبوع ، قوا خلوني اسير وانا متطمن مش مكبود

عند النسوان..
حنان بتحاكي امها: مدري اين سارين ،قوموا نبسر معاهم الشنط لو يشتوا شي او شي

اروى قامت، وصلين جنب المكان، محمد هانك

حنان: يو خالتي كيف بيبكوا غطت شعرها ، تشتي تدخل.

اروى مسكتها: خليهم ، واتصلي لاحمد قلي له يخلي عمار يجي ماعد عيلحقوش بعدا يتوادعوا لو ساروا المطار.

حنان: حاضر

وبعد بكاء والقلوووب ووجيعه من الفراق والسفر.

عمار: انتبه لنفسك ومراعي لك ترجع ارفع راسي انا وامك، علينا ادعي لك وادي لك روحي، وانت تهتم بقرايتك ومستقبلك.

محمد عيووونه دموووع موطي راسه، ومش قادر يتكلم.

عمار: هيااا، بس لكن بكبكه، قد به نت نتواصل وكأنه عندنا

زهور ببكاء: مش انتوا داريين كيف عنفعل بغرفته كيف نبدي نشتي نشغله ومش هو داخلها

عمار ابسر زهور وقام مسك يدها وخرجوا قال لها تبسر طريق يدخل غرفه النوم

ايناس: اشتيك توبه لنفسك ، اي شي تحتاجه قل لنا، وانا داريه ماسبب سيرتك ، لكن شاحلفك بالله لاخربت عليها خطبتها، شادعي لك ولها، لو خطيبها مابش خير فيه الله يجعلك من نصيبها

محمد جلس ع ركبه قبال امه: وانا مش سايري افسخ خطبه ولا افرق بين حد ولاشي هو نصيب ، ساير اقرا ولو به نصيب خطبنا، وحاااسس ان هي نصيبي ادعووا لي يمه، وحب يدها.

عمار دخل هو وزهور في يده شنطه حول الخصر قيم محمد بيده وفتحها له

محمد ابسر ختمه صغيره، واذكار حصن المسلم، وزلط، لفت لابوه،

عمار: زلط سيارتك صرفت لك دولارات ٢٥٠٠$ والباقي شاحولها لك مع ياسر لو ما توصل.

محمد بزعل حضن ابوووه قوي ، وحب عيونه وراسه.

ايناس: شاسير اجهز عشاء

عمار: قربين للي داخل كلهم نعشيهم.

ايناس: حاضر من عيني.

دخلين المطبخ كلهن وفعلين عشاء

محمد: دخل حلق دقنته وتغسل وبدل، قدو جاهزز، بيتفرج للغرفه، صلى ركعتين لله حمد وشكر.

تعشووا كلهم ،، والبنات لبسين وامه وخالته يسيرين المطار

محمد ع خرجته صور بيتهم وبيت يحيى(طاقه سلا) والحاره

وخرجوا بست سيارات خبرته والاهل.

محمد قد عيخرجوا من الحاره ، قال لابوه وقفوا دقيقه

عمار: اين عتسير نسيت شي؟؟شررق ؟؟

محمد: ثوااااني بس، نزل ودق البااااب…

عم حسين فتح: مامعك هذا الساااع بترزوع الباب.

محمد: شاسافر ياعم حسين جيت اودعكم، امااانتكم ادعوا لي.

عم حسين: مد يده يسلم.

محمد حضنه: وامانتكم لاتنسووني من الدعاء

عم حسين جلسسس يددددعي له وواقف.

محمد: يلا خاطركم، طلع السياره ، واشر له سلام.

وصلوووا المطار.
محمد متوووتر: حاسس اني نسيت شي.

رشا: ولانسيت شي اكياس سلا والوداعه حق عمي يحي تيه الشنطه، قد عالمتها لك بقلب احمر.

محمد مسكها من رقبتها حضنها: الله يسعدش ويوفقش ويفرحنا بكم انتي واحمد.

رشا بكيت

عمار شحن شنطه ، ودخل معه لاداخل.

محمد تم يشحن وتسالم مع الكل وطلع ع النداء الاخير للطايره..

طلع وبيتفرج الارقام اين الكرسي حقه، لقيه جنب طاقه خلس الجاكيت وعطفه، وجلس

بدأت المضيفه تلف ع المسافرين ، يربطوا الاحزمه.

محمد ربط الحزام وبدأ يدعي دعاء السفرر..

رنت اشاررة النداء
السلام عليكم سيداتي سادتي اسعد الله اوقاتكم اما بعد بالنيابه عن طاقم هذه الطائره وملاحيها والخطوط—-يرحب بكم كابتن هذه الطائره الكابتن….في هذه الرحله رقم…والمتجهه الى مطار—سوف تستغرق الرحله ما يقارب ال…-وسنحلق خلالها على ارتفاع … قدم الرجاء من الركاب الكرام البقاء في مقاعدهم اثناء عمليه الاقلاع والهبوط وربط احزمه الامان ….الخ

عمار رجعوا البيت كلهم

اروى رجعت مع ايناس هي وحنان يمسيين عندهم

احمد رسل لرشا: اخرجي مكان لوحدش، اتصلش

رشا: لاتتصل الا لما افعل لك رنه، بنرفع الديوان.

احمد: تمام

عمار دخل الديوان يرقد

البنات في مكانهن

اروى ادت لايناس حبه راس ، وجالسه عندها في مكانها

حنان بترقد ابنها وبتجابر زهور

رشا طفت الكهرباء ووضعت لها بقعه في طرف المكان امد حنان ترقد فوق سريرها،، ورنت لاحمد

احمد اتصل وبيتجابروا،، وبعد ساعه فصل الخط ، عاد الاتصال ، مشغووول.

رشا ردت بسرعه: مالك غلقت لاوشي.

علي انصدددم !!: وين حنان

رشا: نبعت من بقعتها ناولت حنان وهي بتلطم وشها زوجش.

حنان ضحكككككت: الوو

علي: من جاوبني؟

حنان: بنت خالتي

علي: اهاا تطوروا هي واحمد ساعه بين اتصل مشغول.

حنان: بتحسدد حن ماتجابرناش واحنا خاطبين.

علي: مع ولا بين احسد ولا ، هيا نتجابر ذلحين

حساااام بككككي

حنان: يلا جابررر

علي ضحكك: بس اتصلت اقلش تصبحي ع خير .

حنان: وانت من اهله ياروحي
.
.

ثاني يوم الصبح

في امريكا،، بيت يحيى
البنات بيلبسين ..ويتجهزين يرجعين السكن.

يحيى: فيسسع باقي ربع ساعه لموعد القطار والطريق زحمه.

ررررن التلفووون ،، ررن ، الكل مستعجل

سلوى تمت تسلم عليهن وسارت تجاوب.

ايناس: الوو، كيف انتي

سلوى: اينااس !!

ايناس: ايوه ، ماشاءالله قدش احسن

سلوى: الحمدلله

ايناس: امااانتكم ابني في ذمتكم.

سلوى: خيررر ماله محمد

سلا قدي خارجيه، سمعت محمد ولفت لسما

يحيى بيطررررق

سلا خرجت هي وسما ، بيتساءلين ماله

طلعين السياره

في البيت،،،
سلوى: صدددق ، يوو حياااا به في عيني وقلبي، انتي داريه محمد ابني.

ايناس: والله اني داريه ، بس مارقدت بين اهمه، عادني بين ابسره هذك محمد الصغيرر.

سلوى: ولاتقلقي ولا بس اين عيوصل؟

ايناس: عمارعيتصل لزوجش يحاكيه، ورسلت لش معه جعاله العيد وكعك وبعاسس ، سامحيني لو نقصت شي

سلوى: يو الله يحفظش ومايحرمني منش يا اختي

قطع الاتصال

في الطايره

محمد بيحاكي اللي كان جنبه في الطايره: الحمدلله، اني تعرفت عليك ، بس للاسف مش نفس الولايه اللي شاكون فيها

طه: الله يحفظك، سهل في الاجازات بنجتمع احنا ويمنيين وبنتفسح، عنلتقي

محمد: وماهو تخصصك وكيف النظام واي جامعه؟

طه: سنه رابعه،هندسه تقنيه….الخ

قاطعهم نداء ربط الاحزمه للهبوط،،
وقفوا ترانزيت في المانيا اربع ساعات ،،

محمد قام لبس الجاكت وغلق ع الشنطه اللي في خصره ، ونزل هو وطه
.
.

سلا في الطريق ، في القطار سارحه من الطاقه

سما: مالش مطننه؟

سلا: قلقه ع محمد، قووي كان نفسسي ادرى ماله

سما: اول مانوصل اتصلي له

سلا: شاتصل ذلحين ولو انو لاعد بيسأل ولابيجاوب سوا، بس قلقت عليه

سما: اتطمني بس

سلا ضربت رقمه ،، ان الرقم المطلوب خارج نطاق التغطيه او ان الجهاز مقفل الرجاء المحاوله لاحقا.
تااااففت وعااادت وعااادت مغلللق

سما: خلاص ، اهدأي مابش شي ، يمكن مابش شحن

سلا: ماااشي والله ان به حاجه، ماعيخلي خاله يتصلوا، سمعتي ماما ع طول قالوا ماله ماقالوا كيف الحال ووو!!

سما ساااكته

سلا: مااالش؟

سما: ولاشي مانفعل، راعي نوصل باقي ساعه ونتواصل مع البنات

سلا قفت للطاقه وبتاكل اظافيرها ، رجلها بتهززز من العصبيه

في التلفون
يحيى: الله يسامحك يا اخي مالك ماقلت لي ، احجز واسير له استقبله انا.

عمار: الله يبارك فيك ويحفظك اخي، والله معه من يستقبله ، المنظمه اللي قبلته.

يحيى: اول مايتواصل معك ويدي لك رقمه رسل لي.

عمار: ان شاءالله ، ..الخ تموا المجابره.
.
.

عند رشاد وعبدالعزيز
رشاد: معك اسبوع ي اخي للاختبارات ، رحلك من المفراغه حقك.

عبدالعزيز: اكيدد شاذاكر

رشاد: اشتي اكلمك بموضوع ، انت الآن ونرمين ع الى اين عتوصلوا؟

عبدالعزيز: لو ما القى زوجه ع مزاجي.

رشاد: وسلا ، !! ليش ماتفسخ.

عبدالعزيز: ومن قالك شابح لها، بس مافيني لاهلك سين وجيم ويدروا بنرمين وتحلق عليااا من كل بقعه نتم نقرا وبعدا ابسرا لي واحده اهه سواا.

رشاد: تم اختبر وبعدا نتفاهم انا وانت يا سوااا السوا مش انا مفجوع منك ولا ساكت لك ، بس مافيني للمشاكل.

عبدالعزيز طنشه، خرج وصرع له الباب .
.
.

في المطار
تم الترانزيت ،، وطلعت رقم الرحله

محمد مع طه واقف في الصف ، في صاله المغادره رقم ٢١٢ للتوجه الى امريكا،،

طلعوا الطايره الثانيه
.
.

امريكا…
سلا وصلت ، صلت وفتحت النت.. مابش حد في السكايب

سما: اتصلي لها تدخل

سلا: تمام،، اتصلت محمد تلفونه مقفل

سما: اتصلي للبيت

سلا: يااارب يجاوبين البنات.. اتصلت

عمار: الوو

سلا غلقت: جاووبوا عمي

سما: خلاص نراعي للعشي ونتصل لهن

سلا: ياالله مايصبرني لليل، اتصل لامي تقلي

سما: ياسلااام تقلي لهم مالمحمد

سلا: هم بينسوا

سما: ولو ابي جنبهم بغير جنان راعي
.
.

في اليمن..
اتصلوا له، وصلت السيارات

ياسر غلق التلفون: امااه، الان بسافر الحديده معي عمل لاززم ، معي ملابس نظيفة؟

هدى: ايوه صبنت اليوم ، دخلهن من الحوي

ياسر: طيب سررريع ، الله يحفظك

هدى: ايش من عمل؟

ياسر: باكلمك بعدين ، خرج يدي الملابس من الحوي

هدى بتكوي: اي حين عتقل لي ، اتفاهم انت وابوك مافيني للدحس

ياسر: تمااام ، دخل توضا وصلى

هدى جهزت له الملابس، وقربت غداء

ياسر تجهز وتغدى وخرج
.
.

فوق الطايره
محمد نوووم من التعب

طه: وضع راسك، عتوجعك رقبتك

محمد نكز: كم بااقي ونوصل؟

طه: باقي تقريبا ساعتين

محمد: ياالله، بين احس الساعتين يوووم

طه: تعب الطريق طوويله

محمد: والله مش التعب من الطريق من الانتظار

طه ابتسم له مجامله مافهم قصده: هاانت

محمد سررح من الطاقه ، بيفكررر كيف يشوفها ووين يسير مش داري ببقعه

طه: طيب خذ الام بي ثري اسمع لك اغاني شويه

محمد: هاات، وجلس يقلب ، فتحت له اغنيه منااااسبه له
.
.

امريكا،، الساعه ٧ مغرب

سلا قامت من النوم

سما بتذاكر

جوري دقت لهن الغرفه، ودخلت: كتيرر وحشتوني بنااات كيفكون؟

سلا: الحمدلله ، وين انتي ، وصلنا نسأل عنش قالوا مش في السكن

جوري: طلعت مع البنات نتمشى

سما: كيف كان العيد

جوري: اي عيد والله ملل، مافي اي جو عيد، نيالكون اهلكن هون
.
.

في اليمن…
ايناس: ياالله سهل له طريقه ووصله بالسلامه

عمار: مراعي يوصل اتطمن عليه

ايناس: اي حين عيوصل

عمار: باقي له ساعتين ومدري لو تأخروا في الترانزيت ، قد احنا مراعيين وع الله

بعد ساعتين✈✈ هبطت الطايره في امريكا

محمد داخل نفسه، الحمدلله الحمدلله، نززل..
وصل صاله الاستقبال بيدور

عجوز وعجوزه: ماسكين لوحه باسم محمد وعلم اليمن

محمد فررررح، وراح لاعندهم وهو محرررج، سلم ووراهم الاوراق

الكلام كان بالانجليزي طبعا،، عنواصل بلهجتنا
الرجال ومرته: اهلا وسهلا بك، ان شاءالله كانت الرحله جيدة

محمد: الحمدلله، وتشرفت بمعرفتكم

الرجال ومرته: انا ابوك وهذه امك

محمد: اشكركم كثيرر ع حسن استقبالكم

الرجال ومرته: اكيد تعبان من السفر لنذهب لترتاح

محمد استلم شنطه، وخرجووا

في الطريق
محمد: ممكن استخدم جوال لاتصل باهلي

الرجال(جاك): اكيد تفضل

محمد اتصل للبيت

زهور جاوبت.. فرررحت

محمد: قلي لهم وصلت بقطع شريحه واتواصل معاكم باي

كاترين مبتسمه له: نأمل ان ترتاح معنا

محمد: اكيد طبعا هذا لطف منكم

كاترين: اي شي تريده اخبرنا ، انت في مسؤوليتنا ولك حريتك الشخصيه

محمد باحراج: هل لي بطلب؟

جاك وكاترين: طبعااا تفضل ماذا تريد؟

محمد خرج لهم الورقه في جيبه، اريد اذهب لهذا العنوان حالا، هل تستطيعون؟

جاك اخذ الورقه منه، وشاف العنوان: نعم بالطبع، هل لديك احد هناك

محمد تذكر كلام ماجد ان هم عااادي عندهم الحب: نعم لدي صديقه الطفوله

جاك: اووو ، كم من الوقت لم تراها؟

محمد: تقريبا ٤ سنوات

كاترين: اوو كثير جدا

جاك: حسنا، كدنا نصل، هل لديك رقمها؟

محمد: نعم، فتح تلفونه وبيبحث رقم سلا، انا عاملها مفاجأه هل تستطيع ان تتحدث اليها ان تخرج لتستلم طرد

جاك: اووو ، بالطبع فكره جيده ، وقف قدام السكن

محمد نززل، وفتح الشنطه المعلم عليها وخرج ٢اكياس هدايا كبار.

كاترين مسكت الورد: ومسكت يد محمد، لابأس ان تعطيها هذه ايضا ستفرح كثيرا.

محمد ممشخر ابتسااامه من طرف اذنه لطرف الاذن، شكرا لكما كثيراااا

جاك وكاترين: ضحكوا لاباااس

جاك: اشش، الو سلا انا جاك.. لديك طرد انا في حديقه السكن تفضلي لتستلميه.

سلا رفعت حواجبها: اوكي، لبست حجاب وجاكت للركبه وبنطلون جنز وخرجت ، واقفه.

جاك قرب يكلمها

سلا ظهرها للسياره

محمد مشي باطراف اصابعه ، وقلبه بيدق ويده ثلج، وقف وراها وقال (مساءالحب)

سلا لفتت بقووووه، وشاااافته مسكت فمهاااا وبهررت

محمد: وحششششششتيني

سلا مبلووووده دمععععععت، ماقدرت تنطق اسمه.

محمد: محمد ، محمد، ايوووه، احبششش، وجيت ارجعش لمحمد، انتي لي وحدددي وبس ناولها الورد.

سلا حضنت الورد بيد ومسكت وشهاا بيد بككككيت

محمد: والله لو عليااا لامسح دموووعش بيدي واحضنش ، وحشتيني ياسلا تغيرتي احلويتي

جاك وكاترين: تأثروو من دموع سلا ودمعووا ،ورجعوا السياره.

محمد: سلا،، ابعدي يدش من وشش، ادي اللثمه؟.

سلا ودموعها ملان وشها، ضحككككت.

محمد: فديت الضحكه هذه جعلني فداش في كل دمعه نزلت بسس ليش بتبكي بسس بكاء ابسريني

سلا: مجنوووون انت مجنووون.

محمد: والله اني مجنووون بش ماعد بقيتي لي حس ، من حين سرتي مانسيتش ثانيه..

سلا: انا مش مستوعبه انك قدامي عشان اقلك كيف جيت.

محمد: يهيييي قصه طويله عتعرفيها بعدا.

سلا خاززززيه مبصممه، بتتفرج له.

محمد فاررح جالس بيتأمل في نظراتها وابتسامتها تغيرررررتي احلوووويتي ..

سلا خازيه موطيه راسها بتتفرج للورد.
.
.

فوق السيارة
كاترين: لماذا لم يحضنها بعد؟؟

جاك: لا اعلم ، ولكن تعبير فرحتهم كانت اشد من الحضن.

كاترين: ما اجمل الحب واللقاء بعد الفراق .
.
.

محمد: يااااارب لك الحمد والشكررر ، احلى وارق بنت حبها قلبي قبال عيني وياااارب تكوني نصيبي ياسلا.

سلا: انا نصيبك ومراعيه توصل احكي لك كل شي وافسخ و..

محمد: وايششش؟ اخطبش اخطفش واهرب بش ماازيد اخلي حد يشلش مني مره ثانيه.

سلا: محمد صووووتك شكلك كلك.. تغيررر وحشتني قوووي.

محمد: انا مصدوووم مش مصدددق وين كنت امس واليوم انا وووين !!! قبال سلا خاطري

داخل في الغرفه
سما: قلللقت عليها ، لبست وخرجت، بديت من الباب وشافتهم جالسين فوق كرسي، بتدددقق وانصدمت محمد.!!! مسكت وشها يووو والله انو محمد ضحكككت مجاااااانين والله ، تشتي تخرج رجعت الغرفه وجلست تتفرجهم من الطاقه ودمعت

سلا بتتفرج لمحمد نظرات صمت بينهم.

محمد بيتامل كل رمشه عين وكلامها ويدها
نسيوووا جاك وكاترين وعايشين جو اللقاء

بعد ثلاث ساعات
كاترين طرحت راسها فوق كتف جاك ونعسوووا

سما بتتفرج للساعه ، وتتفرجهم من الطاقه .. قررت تخرج لهم.

محمد كان يكلم سلا ، وعيونه تتغمض من نفسها.

سلا: محمد، سير ارتاح شكلك مرهق

محمد: لااا خليني ، ينفع ارقد في الحوش حقكم؟

سلا ضحكككت

سما بتحاول تمسك الضحكه وتهنجم خرجت لهم، وحواجبها مرفوعه: قلدكم الله ثلاث ساعات وربع

محمد ابسرررها ضحككك: جاااالسه تيك نغمتش ع نفس الطرحه من قبل اربع سنين.

سما: الحمدلله ع سلامتك ، ومنك صدق جيت حمله حمله

سلا بتضحك عليهم

سما:من هولا اللي في السياره ؟

محمد ابسر لسلا: يووو نسيتهم ، عيتبروا مني من هذه اللحظه.

ضحككككوا كلهم

سلا: ممكن طلب وتقول حااضر ؟

محمد: حاااضر

سلا: سير ارقد وافتهن

محمد: حاضر ، ولو اني مااشتي ادي خطوه.

سما: من هم هولا ؟

محمد: شاقلكن غدوه، شاف لسلا عد اشتري شريحه و اتواصل معش

سلا ماتشتي توودعه وقفت ومبتسمه في وشه، هزت راسها تمام

محمد سحب رجله غصصصب وخطي لاقفاه ومايشتيش يخطى ، دق عرض بوابه السكن، ضحكك وخرج.

سلا ضحكت هي وسما، وواقفات.

سما بتتفرج لسلا ولمحمد ، هزرت الاكياس ودخلت

سلا واقفه بالورد بتتفرج له

محمد انحرررررج شااافهم رقدوا، اعتذر لهم ساااااعه.

جاك نكزز ، وابتسم له

طلع السياره وبيعتذر

كاترين بابتسامه: لابأس عزيزي، فرحنا جدا ، ولكن لماذا لم تحضنها ، اكتفيت فقط بالحديث معها؟

محمد ضحككك: اوو ماي قد، لااا عندنا التزااام نعم اتمنى ذلك، ولكن لايحق لي بان المس يدها، لانه في دينناا وعرفنا وتقاليدنا ، لايجوز الا عندما تصبح زوجتي

جاك: اوووو ، ولكنه صعب جدا.

محمد: الامر صعب فعلا، ولكن اعتدنا ذلك احتراما لها، فانا لا اعلم سنكون لبعض ام لا؟

كاترين: ولماذا لااا تكونا لبعض؟ مايمنع ذلك!!

محمد تنهددد واخذ نفسس ، وحكى لهم قصته من بدايتها لما وصل .

سلا بعد مامشي محمد ، دخلت وهي فاررررحه ابتسامتها مابعدت من وشها

سما بتفتح الاكياس

سلا: فلتي يالغجه يخ والفضول حقش

سما: اهجعي مش حقش وحدش

سلا هزرت الكيس ، ومكتوب في اكياس من زهور ورشا ، واسماء سلا وسما ، ومن محمد كيس كبير لسلا مكتوب اسمها واسمه M&S

سما: يوو جبرهن ، ابسري ماادين لي حجابات وفنايل

سلا: وانا مثلش

سما: وااو طقم فضه روووعه اسكه وريني حقش؟

سلا مسكت كيس محمد ، وفتحته شكلاتتها، وفستان رقيق ، وجاكت لونه نفس اللي كان فوقه، وعطر وعلبه صغيره(خاتم ذهب صافي بفص داخله اساميهم وتاريخ اليوم )

سما: وااااو ، ساع المحبس ، اسكه ابسره.

سلا: تاريخ اليوم !! يعني كان عامل حسابه.
.
.

بعد ماحكى لهم محمد قصته

جاك وكاترين زعلوا ،،
كاترين: لاتحزن سنساعدك

محمد فرح بطيبتهم وكلامهم

جاك: وصل البيت (بيت امريكي متواضع مع حديقته)

محمد بيتفررج سكته

كاترين: تفضل هذا بيتك ، واتمنى ان ينال اعجابك.

محمد شكرهاا ونزل يتحمل الشنط.

جاك: تحمل معه الشنط.

كاترين: فتحت الباب وورته البيت كله ، ووصلوا لغرفته فعلوا له زينه مكتوب فيها مرحبا بك

محمد انذهل غرفته مرتبه وروعه ، ماسه مذاكره ، وسرير ودولاب وكنب وحمامها داخل الغرفه

كاترين: هل احببتها ؟

محمد: طبعاا، هذا لطف منكما اشكركما من كل قلبي ع حسن الضيافه والتعامل.

كاترين: هل تناولت عشاءك؟

محمد: نعم ، شكرا لكما

كاترين وجاك: حسنا ، ارتاح ، وليله سعيده.

محمد: ليله سعيده، ودخل انتذق فوق السريررر مبسووووط ونعسسس.
.
.

في سكن البنات
سلا كانت زي اللي عايشه بحلم مش مصدقه محمد ، وبتتفرج للورد قطعت وردتين وباوراقهن كتبت في الجدر حروفهم وتاريخ اليوم.

سما: الصددددق ، محمد طلع ،، مش عارفه اوصف لش ، ذلحين عتحاكيه بعبدوه.

سلا: ليش تجغري بطووني به ذلحين وقته ؟؟

سما: يااعقي او عنحذفه من الدنيا لاقد جاء محمد ماعتفعلي عتحاكيه

سلا: اصص ولا اسمع لش حرف مش وقت شي الان.

سما: صورتنا عنقرررح امتحان بكره في ذمتكم.

سلا: طزز في كل شي محمد جاء وهذا اهم شي.
.
.

يحيى: اتصل لعمار يتطمن اذا وصل او لا ؟

عمار: ايوه ، وصل حاكى اخته ، قال عيرجع يتصلنا برقمه شارسلك، لا اوصيك ي اخي

يحيى: الله المستعان، محمد مثل خالد وانت داري.

عمار: الله يحفظك اخي ويبارك فيك.
.
.

بعد ثلاث ساعات..
سلا بدون نووم قامت لبست ، وتذكرت كيف ابسرها امس محمد مبدعه ، ضحكت

سما: صرفوا ، مابيضحكش؟؟

سلا: امس خرجت بالوان الطيف لمحمد ووشي مرهق وحالتي حاله.

سما: لو كنتي ام الصبيان لايبسرش بعد الغياب هذا اميره.

سلا سارحه للورد وبتجابر سما: محمد ملامحه نفسها ، بس تويسم طوول وكبر ، تخايلت شبسر هذك محمد اللي كنا نلعب جمعه.

سما: ذلحين بطلوا مدكامه وماعد بش مجابره خيرات ووقفه مع بعض لوما تفسخي.

سلا: اكيد ، ماشالعنش السامج هذا واوقع مثله ، لو اشتي اني تواصلت مع محمد من زمان

سما: قد دقيتوها ثلاث ساعات وربع مجباره ، رقدتوا العجايز بين البرد وقامت تندع لي مبادئ واخلاق.

سلا قااامت لاعندها وضربتها بالوساده وحضنتهااااااا بقوووه.

سما: كسرررررتي عظامش شلوووش

سلا: احببببببه احببببه والله اني احب المجنون هذا ، اشتي اجابره من ذلحين لابعد اربع سنين يحكي لي يوم بيوم مافعل في بعدي عنه.
.
.

الساع ٧:٣٠ خرجين يختبرين…

سلا: حاسه بتعب وارهاق فيني نوم.

سما: اصلا امس كنتي مريضه محمومه وبتحلمي ان محمد جاء

سلاضحكككت ولطمتها في كتفها: سامجه ،ولمحت عبدالعزيز، بصمت وقلبت ومسكت سما ومشين

سما: مالش؟

سلا: اخطي مش انا ناقصه ابسره.

سما: دعممي ، لاتبيني له انش مفحوره، خليش عاديه وقلبي عيونش وطز فيه.

سلا: مااقدرش غصب عني بين اتغاثاه والله ، وزد لما يبسرني يفتلع مشي.

سما: ياسين عليش خلاص جي نتقهوى بن امريكي وندخل نختبر.

سلا ضحكت: امريكي في عينش اصل البن يمني من عندنا ماعرفوه الا مننا.

سما: ناهي يا جاكي شان اعصابش

جوري: بنااات ، شووفوا هاد حاسه انو بيفوت في الاختبار.

سما: خيرة الله عليش مش وقت الفوال حقش هذا الساع جي تقهوي معانا

جوري: هاي البنت والله ختياره.

ضحككين ودخلين .
.
.

في اليمن ..
رشا وزهور بينسين ويراعين لمحمد ويقربين له قلص للشاهي فوق الاكل ويحسبين له ملعقه معهم.

ايناس ذكرته: بيعجبه الفول وبكيت

زهور: هنيت له ، ليش بتبكووا نفسي ادرى، خلوه يدرس يرجع بشهاده سوا.

ايناس: الله يسعده ويوفقه ويرجعه بالسلامه.

رن التلفون ..
هدى: رعى الله غايبكم.

ايناس حست غصه في حلقها: ودعناه الله .

هدى: الله يرجعه سالم غانم.

ايناس: آمين يارب.

هدى: اطلبش طلب؟

ايناس: اامري عيوني لش.

هدى: اشتيش توقفي معي امد مانكسي ياسر قدش داريه جلست في تعز خيرات واشتي ادرى ما اكسيها وكيف قد اعراسكم!

ايناس: يوو بعيني انا فدالش ، قد بنخرج انا ورشا نبسر لها وصل (قطع اقمشه مطرزه) شاكون احاكيش تجي معانا.

هدى: تمام ، والله انهم حنبونا قالوا نكسي احنا ، كنت نشتي نتخارج قاطع مقطوع شرط ومهر.

ايناس: قد حددتوا العرس؟

هدى: رابع العيد الكبير

ايناس: حالي عنتم عرس ابنش ويبدأ الحمام حق رشا من سابع العيد.. تمين المجااابره
.
.

في امريكا …الساعه ١ظهر
محمد قام من النوم ، بيتمطط ، فتح عينه وبيبسر للسقف استغرب قام جلس ابسر يمين وشمال والثياب اللي فووقه ، فحس عينه وذكررر انه في امريكا

قام فتح الشنطه وبيدور ملابس ومنشفه ، دخل تغسل وبدل.. وخرج لاعندهم بيداعي
هلووو ،، في حد هنا .. من موجود ؟

كاترين ابتسسمت: اوو ،، مساء الخير

محمد ابتسم: اسف تاخرت بالنوم

كاترين: لاباس ، ساعذرك لانك متعب ، ولكن فيما بعد يجب ان تستيقظ الصباح لنتناول الفطور معا.

محمد انحرج ورفع لها حواجبه: حسنا..

كاترين ابتسمت: انت لطيف جدا، تعال الى المطبخ لتتناول شيئا ما.

محمد تم ياكل ويشتي يخرج بس منحرج منها.

كاترين: مارأيك ان نذهب في نزهه.

محمد: سأكون ممنون لكي، ساذهب لاخذ شيئا

كاترين: حسنا، لبست قبعتها الشمسيه والنظاره واخذت المفاتيح وخرجت.

محمد نززل بسررعه وخرج.
.
.

البنات.. خرجين من الاختبار
سلا مررررهقه: يلا نروح بنات شااارقد في الشارع والله.

سما: دقايق بس، معي مسائل عند المسؤول

سلا جلست فوق الكرسي ورجعت راسها وارتزحت وطرحت كتاب فوق وشها ، وبدأت تنعس ، وتفلت يدها وتنكززز.

سما: يلا ، خلصنا نروح.

روحين صلين ورقدين..

فوق السياره،،
بيتجابروا عن الولايات والقوانين وو
فجأه سكتوا..

كاترين: ماذا يلزمك لنأخذه ؟؟

محمد: رقم لجوالي.

كاترين: حسنا

محمد: اختار رقم

وفي الطريق..
كاترين وقفت عند سنتر كبير

محمد نزل واخذ سله وبدأ يجمع اشياء للبيت.

كاترين استغربت وسكتت.

وصلوا للمحاسب،، محمد خرج فلوس..
وكاترين مارضيتش..

(ومن حق اليمنيين الكرم والقبيله والحلف والمعانده )

كاترين: سأسمح لك اليوم فقط ، ولكن فيما بعد انت ابننا وستساهم بمبلغ بسسسسيط جدا اما مبلغك الخاص بك يجب عليك ادخاره لدراستك فقط، وهذا كان شرط من شروط قدومك الى هنا.

محمد: اعلم ذلك، ولكن اعتدنا نحن اليمنيين لافرق بين صغير وكبير كلنا نتساعد معا

كاترين: نعم وهنا كذلك ، ولكن مازلت طالب لذلك ستساهم بمبلغ بسيط جدا كأبني لو كان لدي طفل.

محمد ابتسم، وتحمل الاكياس للسياره

كاترين انبسطت بطباعه وحبته

محمد نفسسه يسير لسلا ،، بس خايف تكون في المحاضرات، اتصل لها مابترد، رسل لها هذا رقمي ياسلا خاطري.

سلا كانت نوم ماشااافت الرساله .
.
.

في اليمن..
ياسر رجع صنعاء ، واشترى لامه فل كبيررر ومشبك.

هدى: مسررع رجعت

ياسر: مافقدتي لي ، قلت بارجع وقدك شاتجنني عليا جونان.

هدى ضحكككت: تعودت عليك طلعه نزله تعز صنعاء.

ياسر: بدخل انام ساعه وارجع للشغل.

هدى: تمام، الله يعينك يا ابني.
.
.

بيت عمار.. رررن التلفوون..
ايناس ردت: الوو

محمد: الوو..اماه

ايناس: امي وقلبي ، حياا انا فدا للصوت ذيه ، كيف انت ياروحي

محمد: الحمدلله ، الله يحفظكم.

ايناس: اي حين وصلت ؟

محمد: تقريبا الساعه١

ايناس: كيف الناس اللي معك.

محمد ضحككك: بيعانووني اكثر منكم .

ايناس بتددددعي له

وصل عمار كان مخزن خارج،، وجابرره والبنات جابرينه.. وغلق وهو مرتااح طمنهم.
.
.

فوق السياره…
كاترين: ماذا تحب ان تتناول سأضع لك لائحه وانت تختار ماتحب.

محمد: حسنا ،، اللحوم يجب..

كاترين: لاتقلق اعلم انك مسلم ، وتتناول لحم مذبوح بطريقه اسلاميه، كل شي ذكر في شروط قبول التبني.

محمد افتهن: حسنا لا مشكله لدي اتناول اي شي

كاترين: هل اتصلت بصديقتك؟

محمد: نعم ، لم ترد، اظنها مشغوله

كاترين: من الممكن، ابتسمت هل ترغب برؤيتها؟

محمد: لابأس ، سافكر في ذلك لاحقا عندما ترد ع رسالتي.

كاترين: حسنا ستكون معك خمسه ايام كافيه لاطلعك ع نظام السير وكل شي ، ومن ثم سأذهب معك لمركز اللغات.

محمد: شكرا لكي، ايضا تعرفت ع شخص يدرس هنا وسوف اتصل به لاحقا لاخذ معلومات كافيه.

كاترين: جيد.

محمد وصل له رساله من سلا.. مبروك ع رقمك الجديد ، ذلحين متاكد انك هنا ؟ رد لكاترين عذرا سأجري مكالمه صديقتي اجابت علي.

كاترين: بالطبع تفضل.

محمد اتصل لسلاا

سلا عادها قامت: احم احممم ، وجاوبت الوو.

محمد: انتي راقده وانا بين ادورش ضعت

سلا نكززت: امااانه !! وين انت

محمد: حررركات اين انت، قدي داريه بكل بقعه عتزنط عليا

سلا ضحكت…

سما بتخمار وتقلد سلا: لاا انا مابقلد عزوز ووو.

سلا فلتتها وقامت للحمام تكلمه

محمد: الوو ،، وينش؟

سلا: ايوه ، معك بس اللقنه تيه ماخلتني اسمعك

كاترين: اسألها اذا لم يكن لديها شي نصطحبها لنتناول طعام الغداء سويا.

محمد: امي كاترين ، بيقلوا لش البسي فيسسع عنجي نشلش تتغدي معانا ، ولاعتراعي لش دقيقه قد احنا قريب، وغلق تلفونه امد تنحرج وماترفضش

سلا ضحكككت ع كلام محمد خررجت من الحمام: قوومي البسي وجي معي.

سما: الجنااان اوله تعلام.

سلا: عزمتنا العجوزه اللي جت معه.

سما: ياسسلاااام ، العجوزه !
.
.

عمار رسل ليحيى رقم محمد.

يحيى اتصل لمحمد.

محمد جاوب

يحيى: الحمدلله على السلامه ، كيف محمد؟

محمد: الله يسلمكم من معي؟

يحيى: عمك يحيى او نسيتني

محمد: مع الله المستعان بس ماعرفت صوتكم.

يحيى: قل لي اين انت ؟

محمد: …

يحيى: حلوو ، سلا وسما بنفس المنطقه اللي انت فيها

محمد انحررج: ها

يحيى: متى عتبدأ؟

محمد: بعد اسبوع شبدأ اللغه ثلاثه اشهر وامتحن قبول.

يحيى: خلاص انا في تيه اليومتين عد اجي اخذك.

محمد: حاضر.

يحيى: شاتصل للبنات لو تشتي شي كلمني.

محمد: حاضر حاليا انا مع اسره و… شرح له

يحيى: اهاا،، طيب شاحاكي البنات الآن واتواصل معك.

يحيى اتصل بسما ، كلمها ان محمد جا ووو….
بعد الكلام

سلا كانت بتدور ثياب رجعت غلقت الدولاب وسررحت

سما: ابي اتصلوا يقلوا ان محمد هنا ولو يشتي اي شي نكلمه.

سلا: وانا مش مقتنعه بالعزومه حق العجوزه

سما: ليش؟

سلا: لو وحدها سهل، بس مع محمد ماشي، الصدق بابا ادوا لنا ثقه، ولازم نكون في محلها

سما: جبرني بش، الله يتمش بعقلش يابنتي.

سلا: نفسسسي والله بس ماينفعششش، ومسكت التلفون ردت لمحمد ، بغير جنان ، قلها لاتجيش معنا مذاكره.

محمد وصلت له رساله ، برطم ، قال لكاترين، لم تقبل الدعوه.

كاتررين انصدمت !!: لمااذا ؟

محمد بزززعل: مجتمعنا ، محااافظ جدا .

كاترين زعلت عليه: لاباس عزيزي ، لاتحزن ، سنذهب انا وانت لنحضر غداء لذيذ.

محمد ابتسم ونفسه مكسوره: اوكي، وماعد رد لها.
.
.

سلا حست به: رسلت له ، آسسفه ولو تعرف ايش في نفسي اني ابسرررك يوم كااامل ، بس قدك داري ماينفعش !

محمد فرح بكلامها: داري ياروحي، ويكفي ان احنا تحت سماء واحده بتشرق الشمس علينا وتغرب نفس الوقت ونتنفس هوواء واحد.

سلا: وعندي طلب بدون زعل .

محمد: الله يستر ، ماهو قولي ؟؟

سلا: يرجع تواصلنا رسمي ، بين احس بتأنيب ضمير كما فسخت وبعدا من وقتها.

محمد: اكيدد ، وهذا كان سبب رفضي للتواصل معش في اليمن ، مش محمد تغير.

سلا بضبح عصبت الله ينتقمك ياعزيز ويخلصني منك ، حين حرمتني حب حياتي.

سما: صرررفوا مالش ؟

سلا قالت لها مجابرتها مع محمد.
.
.

بعد يومين كانت نهايه عطله الاسبوع.

يحيى: انا وصلت، رسل لي بالعنوان

محمد رسل له العنوان.

يحيى كان وحده بيسوق: اوو ، نسيت البنات، اتصل بهن: وين انتين ؟

سلا: احنا مراعيات للقطار

يحيى: لاتطلعين ، راعين خمس دقايق قدني قريب منكن.

سلا استغربت شافت لسما: حااضر عنراعي وغلقت.

سما: ليش نراعي؟

سلا: مدري كيف لهم ابي ، قالوا خمس دقايق وهم هنا

سما: يمككن عسب محمد تقلي عيجي معنا.

سلا فرحت ومسكتها من كتفها: اكيدد صح.

محمد كلم جاك وكاترين وطلع، رتب غرفته ، وجهز له في شنطه الظهر الشاحن واللابتوب وكيس الوداعه حق يحيى.

يحي وصل للبنات وقف واتصل لهن.

سلا وسما خررجين ، بيبسرين

يحيى نزل من فوق السياره…
تسالمووا ، وواقفات بيتضاربين عند الباب اللي قدام جنب ابوهن.

يحيى: ولا واحده عتطلع، طلع وفتح ابواب ورا.

سلا: والله انو دوري، اخر مره سما

سما: مااهو ياقلبي مايحتسب دور ، قد لنا شهرين من اخر مره، بنطلع قطارات.

يحيى: هياا اطلعين، محمد عيجي معنا، والله ان عادكن غاويات ع بقعه بتتحانبين !!!

سسسكتين وفتحين الباب ورا سلا دهفت سما تطلع الاولى عشان تجلس ورا الكرسي

سما مارضيت بتحانب.

سلا طلعت وعتقرح من سما

يحيى وصل للعنوان واتصل لمحمد

محمد قام واستأذن جاك وكاترين

كاترين وجاك قاموا معه للباب يودعوه

محمد: سأعرفكما على جارنا والد سما وسلا

يحيى شافهم فتح الباب ونزل

كاترين سلمت عليه ابتسمت وقربت للسيارة

محمد ويحيى بيتسالموا

البنات نزلين يسلمين على كاترين وجاك

كاترين: وااو ، انهما تؤامتان ،جميلتا جداااا

سلا وسما خزيين

جاك غمز لمحمد.

محمد ينحرررج ، ويأشر له ع يحيى.

يحيى كان بيجابر كاترين ع البنات وكم قد لهم بامريكا.

تموا يتجابروا ،قد عيطلعوا السياره

محمد بيسلم عليهم.

جاك مسك اكتاف محمد بيده الثنتين وسلم عليه.

كاترين حجفت محمد وسلمت عليه: اعتني بنفسك ، اعتدنا عليك في البيت .

محمد انحرررج: لابأس سأعود غدا ، مع السلامه.

ودعوهم وطلعوا السياره.

سلا افتحرت وبتشاور سما: ابسري العجوز هذه.

سما: هي ساع امه مالش.

سلا: ولوو ، مااعه.

سما: خلاص اصه دحس، مادريوش وانتوا بتحبوا عيدروا وانتوا بتغيروا يا اختي سلا.

سلا بهررت لها اصص.

يحيى مستغررب: مااااشاءالله يااا محمد ، ماتوووقعت ابسرك هكذا ، فلتكم وعاد انتوا جهال.

البنات ساااكتات وفارحات سلا جالسه ورا ابوها ، يلتفت محمد يجابر يحيى وهي مززززقرعه فاااارحه.

يحيى: مالكن بتتوشوشين ، مكانكن بتتحانبين ،

محمد مبتسم سكته.

يحيى: كم كنت افرع بينك انت وسما ، لاقد دعوني للحاره ادرى ان قد ضربت نص الحاره.

محمد ضحكك واشر على خدش فيه: وهذا يشهد.

يحيى: هز راسه وضحك ، كيف اليمن تغيرت ؟؟ كم قد لي منها عمر؟

محمد بيجابره ع الحاره وو..الخ

يحيى: ماقلت لي كيف لوما جيت ؟وليش جالس عند اجانب ؟

محمد: حكى له قصه المعهد والتبني وانه لمده اللغه بس ويرجع لسكن طلاب لو انقبل.

يحيى: حااالي انك معاهن ، ذلحين اتطمن ان البنات معاهن اخ لو احتاجين شي.

محمد انحرج: اكيدد.

يحيى: قد اتعرفت ع شباب يمنيين؟

محمد: مع واحد فوق الطايره نزل معي ، بس ساكن في ولايه ثانيه.

يحيى: به خطاب البنات عيال صاحبي في العمل ، بنفس منطقتكم بس جامعه ثانيه.

محمد اجتغرر هز راسه اها: مش مشكله انا قد سألت ورحت امس وقبل امس ابسر مركز اللغه.

يحيى: زد تعرف عليهم وابسر قد معاهم خلفيه عتستفيد اكثر، شاعزمهم ، بنااات لو اتصل بعمكن صلاح عتقطبين الغداء عنوصل تقريبا ظهر؟

سلا اجتغصت، ساااكته.

سما دكمتها تجاوب

يحيى: لاتنحرجين محمد ساع اخوكن وهو من البيت عتلحقين؟

سلا: ماشي ، مابش وقت.

يحيى: خلاص غدوه ان شاءالله.

محمد سساااكت

يحيى: رجع يجابره ويسأل البنات ويجاوبين ع نظام الدراسه.
.
.

في البيت سلوى ،، رفعت ورتبت البيت..
خالد عاونها وخرج ينفعها ، وعلى رجعته
وصلوا بالسياره،، نزلووا

خالد قررب لاعند محمد وتسااالموا.

محمد: ماااشاءالله قدك بطولي

خالد: واخيرا ادا لي الله صاحب

يحيى: قصدكم اخوه، هيا ادخلوا يامحمد جي نتصل لابوك.

محمد مراعي يدخلين البنات.

دخلين وسلمين ع سلوى .

محمد دخل: السلام عليكم.

سلوى: يووو حيااا بمحمد، صلاه ع النبي سع من قد انت.

محمد خزي مد يده يسلم

سلوى سلمت عليه

محمد: كيف قد انتوا ياخاله؟

سلوى: نحمد لله ونشكره ، احسن.

محمد: له الحمد

يحيى: حياا الله من جاء

محمد: الله يحييكم، هذه الوداعه.

سلوى: اكيد اختي ايناس الله يحفظها

يحيى: هيا ارتاح خذ راحتك ، اعتبره بيتكم وانت بين اخوتك وامك وابوك.

محمد: الله يحفظكم ويبارك فيكم.

سلا وسما دخلين غرفتهن وجالسات.

سلا مبرررقطه: جحفه ، من يصددددق محمد بيتنا وانا هنااا.

سما: اصصه ، لو يسمعوش لايجحفوش انتي وياه.

خارج في الصاله
يحيى ابسر البنات ماعد خرجين، قام لاعندهن.

سما: وعنجلس محبوسات ومن عيفعل الغداء ؟

يحيى دق لهن ودخل

كانين جالسات ولابسات ثياب عادي، وبشعرهن.

يحيى: للمه ماقد لبستين؟

سلا: مانلبس؟

يحيى: البسين سوا واخرجين افعلين غداء خلين الامور طبيعيه

البنات ساااكتااات

يحيى: عيكون يجي معاكن كل عطله نهايه الاسبوع ، لذلك خلين الامر عادي.

سما: تمام

سلا سااكته وبتسمع

يحيى: يله قومين افعلين عصير قربين اي شي امد مايجهز الغداء ، وخرج.

سلا قامت فااارحه تدور ماتلبس

سلا: مانلبس؟

سما:مابش معنا جلابيات، نلبس روب طويل وفنيليه

سلا: ياااسلااام قصدش بجامه !! بغير جنان ماااعه.

سما: كان اجلسي هنا، لبست روب طويل وحجاب وفنيليه

سلا بتحانكها: يامبدعه ، لقيت ساع الفستان قطن طويل ابيض ووردي فاتح، بس بدون اكمام لبست معه فنيليه وطقمت حجاب وردي وسبكته فوقها وخرجين للمطبخ ع طول.

سلوى قامت مع البنات المطبخ وبتجابرهن

في الصاله
يحيى: جي نتصل لابوك نجابره انك هنا.

محمد خلس الجاكت وطرحه فوق الكنب.

يحيى: اديت لك ملابس تاخذ راحتك؟

محمد: ماشي

يحيى: سهل ، راعي شادي لك معوز ترتاح.

محمد: تمام

يحيى قام لاعندهن: ادين معوز لمحمد.

سلا خرجت بسرررعه ، وسارت تدي، تمت نص عطر ابوها في المعوز.
وبتداعي خالد
بابا، اين جاء خالد، وبتاشر لابوها بالمعوز

يحيى: اديه

سلا بتخطى وخاززيه من محمد، ناولت ابوها وهي بعيده شويه

محمد وطى راسه بيلعب بالتلفون.

يحيى شله منها وناول محمد.

سلا خطيت

محمد: تسلموا ياعم ، (كان شمه بينفح عطرر.)

يحيى جي معي المكان حق خالد، واشر له اين ورجع للصاله

محمد: دخل طرح شنطته وعلق الجاكت ولبس وخرج، بيداعي الله الله.

يحيى: ياسلام ، هيا لو توقع تخزينه ذكرتني باليمن.

محمد ضحك: عم ، كم باقي لصلاة الظهر ؟

يحيى ابسر الساعه: بااقي عشر دقايق ، اشر له على الحمام من هنا ، لو تشتي تتوضى

محمد: ايوه

سلا: بتشتغل في المطبخ وهو للصاله ومفتوح الواجهه حقه بتبسرهم.
.
.

قبل الغداء
محمد تم يصلي واتصلوا لعمار وجابروه

يحيى خلاه يتحاكى براحته ودخل المطبخ يقل لهن يتغدوا جمعه يقربوا للكل.

فوق الغداء
هدوء صوووت الملاااعق بس والصحون.

خالد: فتح الببسي ونفح الغاز حق الببسي تطعفر.

سلا سسحبت فاااين وناولت خالد.

يحيى: محمد، مد يدك وكل لاتخزااش ، معك نهايه الاسبوع تاكل غداء يمني ، والباقي عتمكن ابوها فاست فود.

محمد ضحكك: ايوه واالله ، اني اخور لقمه اسكع ، مابش كل اكلهم نواشف.

يحيى: هيا ادين السلته.

محمد خاززي وساكت

سلوى: كل يا ابني هاا ، وغرفت قباله لحم فوق الرز.

محمد بياكل، وموطي راسه
صح مابيتباسرووش بس احساسهم مشترك انهم جنب بعض واياديهم بتجتمع ع صحن واحد.
.
.

بيت عمار ..
ايناس رجعت هي ورشا من السوق

زهور: انتي ماعتذاكريش ، ياحريوه.

رشا: مااشي طبعا حريوه كيف اذاكر.

ايناس: خلاص قد شلينا اليوم الوصل للمخيطه ، امد ماتمتحنين ونتم التكساي.

زهور: قد قلت بتلوي الاخت ولابتفتح كتاب.

رشا: ياقهر قلبش لوما يجي الفارق بيننا درجتين.

زهور: عتضحكي سوا ياقلبي ، الظاهر انش ناسيه بعد اسبوع اول ماده.

رشا: يووو والله انو صددق ماقد حفظت السوره
.
.

ياسر تواصل مع صاحب معرض سيارات، تعرف عليه لوما كان يتعامل مع مكتبهم ، ووعده يبيع له السيارات بمعرفته.

هدى: ايش من سيارات وحق من؟

ياسر: تذكري الموضوع اللي كلمتك عليه قبل فترره ، رحت الحديده استلمتهن.

هدى: هاا ، ولو اني خايفه عليك ، الربح والخساره في هذه الاشياءء مغامره.

ياسر: على الله، ان شاءالله مافيش خساره
.
.

بيت اروى:
احمد حالته حاله مجعوث واقف مع العمال ، بيرنجوا الطرحه حقه هو ورشا

اروى دقت له الباب ينزل يجاوب امد لاتداعيه ويسمعوا صوتها

احمد نزل يبسر ماتشتي

اروى: سير اشتري روتي نعشي العمال قدو جاهز العشاء ، مااسترتش اخبز

احمد: حاضر
.
.

بيت عبدالله
عبدالله: هيا ماقالت اختش يامره موافقه نزوجها بيحيى ؟

مرة عبدالله: ماقد حاكيتهاش، اول حاكيه ، مااشتيش لو ماوافقش اكسر نفسها.

عبدالله: بنتصل مابيجاوب ولا ، اخر محاوله ، ماشي طز فيه.

مرة عبدالله : مابلا طز فينا احنا.

عبدالله: تمام شاسير ادي كرت واتصل.
.
.

عند يحيى
قاموا الرجال يغسلوا وهن بيرفعين..

سلا جهزت شاهي ، والفاكهه ،والحلا

سلوى فتحت الوداعه وداخلها حق كل مره وزياده جعاله وكعك العيد، فتحت علب الكعك وبدأت ترص لصحن جعاله وكعك.

سما: يوو والشم كعك خاله ايناس يجنن.

سلوى: ايوه حقها البيتفور حالي قوي.

سما: بس هذا مش بيتفور ، مالح.

سلوى: مدري ، ناسيه ،سارت تقرب

سلا بتعاون امها سارت تناول خالد وهو بيقرب قبال محمد.

رن التلفون جاوبت سما
ياسر: الو..

سما: الو .. وبتدقق في الصوت.

ياسر: السلام عليكم.. من سلا او سما؟

سما: عرفت نبرة صوت فيها بحه شويه ، سما

ياسر: كيفك ، كيف خالتي وكلكم

سما: الحمدلله وخاله كيف هي ؟

ياسر: ذاهي جنبي تسلم عليك.

سما: الله يسلمك ويسلمها.

ياسر: شكلك يابنت عقلتي مافيش الزقعه حق اول

سما: ماتشتي احجر لك

ياسرضحكك: والله انك مكانك قارحات فيوزك هاتي عمي بكلمو.

سما: ماشنديش، شاقرح عليك كرت

ياسر ضحكك: ماتعرفيش تقلدينا وبعدين ايش جاب تلفونه لك؟

سما: والله انك مدوخ ، اتصلت للبيت

ياسر: هاا، خلاص بتصله للجوال افضل.

سما: تمام

ياسر: سلمي ع الجميع ، مع السلامه.

يحيى قام المكان الثاني يجاوب التلفون.

سلوى سارت تصلي

بقيوا محمد وسلا وسما وخالد.

مبتسسم ، بيرفع لسلا حواجبه

سلا ضحكت وبتاشر له ياكل.

محمد هز لها اكتافه مااعه

سلا حست بصوت مشيت

خالد: محمد جي نلعب بلاي ستيشن

سما نسيت نفسها وتليقنت: هذا من ماجاء عنده يحنبه عرض البلاي ستيشن

سلوى بهررت لها وسارت تجابر محمد، ع خواته والخطبه ووو

محمد مستتغررب، بتنسى، كانت تعرف خالته اروى وابنها لوما كانين يجتمعين ومستغرب ليش ناسيه

عند يحيى في المكان..
بيتكلم مع ياسر فصل الخط ووصلت له مكالمه رد وانه…

عبدالله: الو السلام عليكم

يحيى غمضضض عيوونه بضبح: وعليكم السلام.

عبدالله: عاد الناس معاهم اخوه عتسأل عتنبينا ان مرتك مرضت بناتك انخطبين.

يحيى: بصفتك من ؟؟؟ ماسألت عليا وانا جنب اذنك وخرجت جهالي يستأجروا والبيت جلس فاضي امد تعاند وتاخذ حقك صميل ومش هو حقك عادك عتوقف جنبي واهلي وانا آخر الدنيا.

عبدالله: يا اخي ابليس الله يلعنه لعب بمخي لكن اتغيرت صدقني اني ندمت.

يحيى ضحككككك باستهزاء: لاتندم خلاص قد شيبنا يا اخي ضاع عمري وشحططتني وشحططت جهالي في الغربه امد طمع وورث.

عبدالله: اللي فات مات والباري كريم وعنتسامح ومابش شي

يحيى: والله مامات شي ، اني في ذمتك كل لحظه بعدتها ع اهلي وناسي في اليمن.

عبدالله: انا داري كيف اخليك تسامحني ابسر بس ان اخوك قلبه عليك، ابسرت لك مره قممممه.

يحيى: ههههه اي مره واي جنان ولو تزوجت مجنون اتزوج ع يدك.

عبدالله: اسمع.

يحيى قاطعه: اسمع انت.. رحلك مني يا اخي
مش كل الناس ساعك بايع عشرة عمر، تشتي تزوجني فوق مرتي ، اللي وقفت معي في عز مشاكلي ووقعت الاب والاخ والاهل سير دور لك مره انت ، بدل اللي عبوا مخك وغيروك ع اهلك امد طمع وورث وغلق، وخررج من الديوان.

ودخل لاعندهم، هيا محمد قوم البس انت وخالد نخرج نفعل لويه

البنات بيتباسررين سكته.

يحيى: سلوى، عتخرجي.

سلوى: ماشي والله مابش نفس.

سلا بقصصت سماااا .

سما بصووت: ماااالش يا سااامجه مادخلني وانا

سلا بقصتها: اصه يامفضوحه اصه.

محمد سمعهن وفهم ع ايش

يحيى: هيا نتحرك.

محمد وخالد قاموا يلبسوا

بعد ما خرجوا صادفوا صلاح وجهاله تسالموا

عبدالعزيز بزنط سلم عادي ولا كأن يحيى عمه وصله اتصال من نرمين انسحب وجلس يتكلم ساعه.

محمد كان متضااايق.

يحيى: كلكم غدوه ان شاءالله عنتغدى جمعه.

صلاح: ما رأيك نخرج نبكر من غدوه بقعه روعه ونتغدى احنا والعائله خارج.

يحيى: تمام ، اهم شي نجتمع ويتعرفوا ببعض الجهال وبيعرفهم ع محمد، شاف عبدالعزيز بيتكلم قال شكله مشغول من اول في التلفون.

رشاد بيجابر محمد

محمد بيرد من نخره مش داري من فيهم خطيب سلا.

صلاح: شاقل للبيت يتواصلوا مع بيتكم ويسدين

يحيى: سااابر ، وتسالموا وخطيوا

محمد فوق السياره سااكت .

يحيى: هذا اللي بين اشتغل معه فء العمل وجهاله خطبوا البنات قبل فتره.

محمد داخله بيحررق جاوب: وكيف هم ؟

يحيى: ع ماسألنا مالهم شي وع الله ، قدو نصيبهن الله يجعل فيهم الخير.

محمد بقهررر ومقفي وشه للطاقه: الله يكتب لهن مافيه الخير.
.
.

ثاني يوم …في اليمن
ايناس خرجت هي ورشا لاعند الخياطه ، يدين لها بقيه القلافد بطانه وتل وو ..الخ

ع خرجتهن نززززل مطر ، بيت المخيطه في شارع فرعي مابش تكاسي

ايناس طلبتهن تتصل بالتلفون، اتصلت لعمار مابيرد.

رشا: اتصلوا ل احمد.

ايناس: والله انو صدقش كم عنجلس عندهم صورة المطر ماعيوقفش.

احمد: تمام حااضر الآن ولايهمكم، اين انتوا الان ؟؟

ايناس وصفت له البيت والحاره.

احمد كان مع العمال ، غير ثيابه لبس ونزل لاعند امه. غلقوا الباب شاسير مشوار وارجع الان ، خرج.

بعد ماوصل لاعندهن..
احمد ماسك السكان ويده مربوطه بشاش.

رشا بتبسر يده سلامات مالك ؟

اروى لفتت: ماله؟

احمد ابتسم لرشا في المرايه: مابلا يدي وجعتها بالمطرقه.

اروى: الله يهديك ، ومالك ماتستضي.

احمد: هذا وانا مستضي بقوتي

رشا ضحككككت

اروى ضحكت.

احمد: رفع الزجاج اللي جنب رشا

رشا: خلي الطاقه نبسر المطر.

اروى: عتستبردي وانتي ع امتحانات.

احمد: مش انا في البرد انا في ضحكتها المفضوحه ، تلفتوا خلق الله لاداخل.

اروى: يوو رعاك الله يامحمد ، والله انو كان يتحانب هو وياها واصل

احمد: كيف هو مااخباره، انشغلت مع العمال ، ادوا لي رقمه

اروى: في البيت شرجع اديه لك لوما نوصل.
.
.

في امريكا ،، سلوى كانت راقده

سلا دخلت ابسرت شنطه محمد ، جلست حاجفه لها، فعلت داخلها رساله وجعاله ، وشافت عطره ، شلته وسارت الغرفه عطرت دولابها به.

فجأه رن جرس البيت…

سما حملت تفتح ..

سلا: رااعي…

وقد سما فتحت وكان خالد واقف ومحمد ويحيى.

سلا رجعت يدها لورا انحرجت بالمووقف ، لان عطر محمد معاها ورجعت غرفتها شلت ملايات ودخلت غرفه خالد.

نسيت سلا العطر فوق الشنطه ووضعت لمحمد بقعه في غرفه خالد.

ع خرجتها كلهم في الصاله

يحيى: عنتغدى خارج، تجهزوا غدوه،

سلوى: قد حاكتني ساره.

قبل النوم …
سلا رسلت رساله: آسفه شليت العطر حقك وفتحت شنطتك، طرحت لك ورقه كتبتها زمان

محمد كان متضااايق قووي…

قبل النوم..
سلا رسلت رساله: آسفه شليت العطر حقك وفتحت شنطتك، طرحت لك ورقه كتبتها زمان

محمد كان متضااايق قووي فقد الامل لما شاف علاقة صلاح وجهاله بيحيى، رد برساله( ماكان في داعي لها، قلنا نكون اخوه لانش الان مرتبطه بغيري )

سلا اقتهررت ودريت انه زعل ويمكن شاف تصرف منهم حين تلاقوا
.
.

في اليمن.. بعد الفجر
البنات في غرفه محمد بيذاكرين فوق الكتب

زهور بتدور في كتب محمد ملازم ، وتذكرته وشافت في ملازمه كل صفحه حرفه هو وسلا ودمعت.

رشا: ياااااارب يكونوا من نصيب بعض

زهور: امين
.
.

ثاني يوم امريكا …

كلهم خرجوا مع بيت صلاح ..

عبدالعزيز جالس وبيلعب بتلفونه .

ورشاد مع محمد ويحيى وصلاح.

النسوان لحالهن.

محمد رسل لسلا: من فيهم الحيوان ؟

سلا: اي حيوان !!

محمد: اين هو خطيب سما ؟

سلا فهمت وضحكت .. رسلت له اللي معاكم.

محمد: والمحترم هذك اللي مجنب ساع الباص.

سلا ضحككت: وانت تجاهي ماعد بين ابسر غيرك مخلوق.

ومحمد وهو بيطبع لها رجع لاورا شويه: هااا وخرت من تجاهششش، بتبسري

سلا: لااا ، كيف شابسر وعيني بعينك.

محمد لفت لها.

سلا: بنظاره شمسيه.

جت سلوى تقلهن يبعدين من الشمس.

رشاد: وقف بيجابر محمد ويسأله ايش عيدرس وفين عيسكن ؟

محمد رجع اهه مع رشاد: بيجاوبه ويتجابروا

يحيى مقبووص من اسلوب عبدالعزيز ومش عاجب له انه مش محترم له نهائيا.

صلاح بيجابر يحيى ع العمل وما عمل

رشاد احرج محمد وسحبه لاعند عبدالعزيز يتجابروا

عبدالعزيز بيجابر ببورده وبيهمس بتلفونه ومبتسم.

محمد فلت وقام لاعند خالد ويحيى وبيتجابر معاهم

لحقه رشاد

صلاح: ماشاءالله عليك يا ابني ، مثقف.

يحيى: ماشاءالله عليه ، للآن ساعك منصدم به فلتهم وهم جهال.

محمد ضحك

يحيى: اخوك هكذا منعزل واصل لاعزومه بيجي ولا اتصال بيتصل !!!؟

رشاد ابسر لابوه وانحررج.

محمد فرررح شوويه فيه.

النسوان ..
ساره بقزازه بتتفرج لسما وسلا وهن بيذاكرين: رعى الله ايام زمان خطبونا وتزوجنا لاتشرطنا ولاكان به قرايه

سلوى: قد احنا زمن غير زمن، وبنات هذه الايام غاويات.

ساره: والله ان احنا اللي كنا غاويات، ان قد فيهن معراصه.

سما بتتفرج لسلا

سلا جالسه تقرا وحسها مع محمد تراقبه

سما بتجابر سلا ع المذاكره وهي تقصد ساره: سلااا قلبي ، قواا فهميني قدني للنخر بتفهمي تيه المسأله او مع.
.
.

فوق الغداء…

النسوان بياكلين ..

سلا بتلقط لقاط نفسها مسدوده.

سما بتاكل عادي ..

سلوى بتغرف قبال سلا

ساره: الظاهر سما شلت شهية اختها.

سما استغربت طرحت الملعقه من يدها، و قامت.

ساره: يوو ، احرجتش ! بين اضحك معش.

سما: لا ما انحرجت ، بس ماعجبني الاكل.

سلا مسكت الضحكه، لان ساره طبخت.

ساره: ياعيبتش ع عمتش هو يسبرر !

سما: يووو اسفه ، انتوا سبرتووا ؟ فكرته من مطعم يمني ، بابا واصل يشتروا لنا منه.

ساره دعممت منها

رشاد جالس وسط خالد و محمد جالس مقابل عبدالعزيز…

عبدالعزيز جنب صلاح ويحيى.. عبدالعزيز بيمد يده للخبز ماوصلش اشر لمحمد ممكن الخبز.

محمد بالعاني مدعمم ياسعم مابيسمع وبياكل.

عبدالعزيز اصتررع: اخي ممكن الخبز ؟

محمد مطنشه ساع ماطنشه اول.

رشاد: يعلم الله اين حسه ، ومد لاخوه الخبز.

يحيى: محمد اين انت ف اليمن الظاهر ؟

محمد ضحكك: لاا معاكم ، بس تخايلته بيدعي اخوه.

عبدالعزيز تبررقط وبياكل سكته ، وصل له رساله طنشها، وصلت الثانيه ،،، الثالثه..

رشاد: صمت تلفونك.

يحيى: الظاهرر انك معك خبرره خيرات.

رشاد: ايوه هو اجتماعي.

يحيى: مابسرته ابدا اجتماعي ، كل مانعزم مابيجيش

عبدالعزيز مدعمم فتح التلفون ، ابسر رسايل نرمين، رجع وصل اتصال ، قام يجاوب

صلاح انحررج منه قووي ، وفتح موضوع ثاني مع محمد ع اليمن.
.
.

في اليمن…
بعد ايام..اول يوم اختبار..

رشا متووووترررره ، وتاااعبه مارقدت وبتهمم الاختبار.

زهور كانت هادئه وواثقه من نفسها.

رشا لاقبل الاختبار، مارضيت تسير تمتحن.

زهور: لاتخافي جي واكتبي كم ماقدرتي.

ايناس بتحاول تهدئها من القلق..

عمار بعددد محاولات شلهن يختبرين.

رجعت وهي بتبكي وحاسه انها ماحلت شي..

زهور: الا اغلب اسئلتش صح تطمني.

رشا: على الله

اروى اتصلت تسأل عليهن.

ايناس: والله انها فعلت لنا حاله ماكرها سارت

اروى: قلي لها بغير خباله لاتحرق دمها ولا ، لاتخليش القلق يضيع تعبها ومذاكرتها.

احمد بيسمع سكته ويأشر لامه من ؟؟

اروى حركت فمها رشا .

احمد بصوت: للمه مالها ؟

اروى: اشرت له بيدها لحظه.

ايناس: الله يعين ويتمين هم الله يخارجهن.
.
.

بعد اسبوع ..في التلفون
يحيى: الا والله انك عتجي، انا قلت العطله عندي.

محمد: تسلموا ياعم سهل شاجي الاسبوع اللي عيجي.

يحيى: خلاص انا حلفت ، شاتصل للبنات يقطعين لك معهن تذكره قطار ، ماشسترش اجي، وعيحددين لي الموعد اتصل انبيك.

محمد فرررح: خلاص تمام ، والا يقلين لي كيف وانا اقطع للكل.

يحيى: اليوم يقطعنها ، وترجع تسألهن من وين وكيف.

محمد: حاضر..
.
.

في اليمن …
رشا: جنه لقلبي باقي لنا ذيه الاسبوع ونتم.

زهور: الحقي تحجبي ردي روحش، جلستي سنه تلعبي وذلحين سمره للصبح فوق الكتب ، ابسري كيف قد تحت عيونش غارق وسواد من السهر.

رشا: اين حجبه ماقد اكتسيت.

زهور: سهل عتتميهن في شهر وتفرغي لروحش.
.
.

بيت ياسر.. هدى: اي حين نخرج نشتري غرفه النوم؟

ياسر: مش وقت باقي شهرين.

هدى: ولو معنا سبعين بعسسه ، الفى الزلط قوا لك.

ياسر: الجمعيه عتجي سهل

هدى: اي جمعيه ، ناسي نديها لهم بقيه المهر.

ياسر: لاحول ولاقوه ، تمام نخرج.

هدى: تشتي تستأجر وحدك ؟

ياسر: ليش استأجر قيمه الايجار بنجمعه حق عمي يحيى لما يرجع مابقدرش ع بيتين

هدى: انا اشتي راحتك مامعي الا انت.

ياسر: ولانو مافيش معك الا انا ، مابسيبكش واخرج لحالي.

هدى دمعت: الله يوفقك ويسعدك .
.
.

امريكا ..
رشاد: السياره خاربه ، حجزت لنا تذكرتين.

عبدالعزيز: يا اخي والله ملل، ماكرها توقع لنا اجازه اخرج اهيص

رشاد: سابر، من بعد اليوم قد حجزت.

عبدالعزيز: خلاص شارجع الليل ، اشتي اخرج انا ونرمين.

رشاد: والله انك عتطير البنيه من يدك.

عبدالعزيز: هي طايره من يومها مانزلت لي من حلق.

رشاد: تمام اللي ياكل بالثنتين يشترغ تجهز نخطى الان.
.
.

عند القطار..
محمد اتصل بسلا: وينكن.

سلا: ايش لابس انت ؟

محمد: عتسير تدوري اللي بنطلون جنز وتيشرت احمر.

سلا: ولابس شنطه ظهر وكوفيه جنز.

محمد بيتلفت يمين يسار.

سلا: متخبيه قفا واحده قبالها، هههه ابسر ماارحمك بتتلفت.

محمد: حاااضر بعيني لاراحت لش

سلا: ماعتفعل ياسعم.

محمد: خليني ابسرش بس .

سلا: اتحداااك

محمد: يلا اغنجي براحتش ، قبالي واحده قمرر لابسه بلوزه بيضاء ، وبنطلون جنز

سلا: والله ياحمااااار ، من بتبسرر؟

محمد: بس يشتي لها مشششع من اذانها ، لانهاا قمر ومااشتيش حد يبسرها كذيه.

سلا زعلت وقفت بتجابر وبتخطى: والله بتحانكني هكذا وبتجرح مشاعري.

محمد جاء من قفاها وطرح الكوفيه فوقها.

سما كانت جالسه في الكرسي بتضحك عليهم.

سلا شافته: اعوذ بالله، مسررع جيت كنت هانك واقف.

محمد: القمرر اللي زعلتي وغرتي منها، انا بين اغير عليها اعظم، ثبابش قصير ياااهانم.

سلا هزرته لاتحت شويه: هااا طولته.

محمد خفعها بالكوفيه: اين سما.

رشاد وعبدالعزيز وصلوا

سلا: فرررصتك ماكرها توقع لك العرطات تيه اومه؟
محمد ضحك ورفع لها حواجبه: طبعااا ، سعم جيت من الحاره الثانيه !! جيت لش من آخر الدنيا

سما: مسعد ومسعده اطلعوا من اللغاجه

طلعوا وبيدوروا اماكنهم بالارقام

جلسوا الثلاثه والرابع اجنبي في مكان

رشاد وعبدالعزيز بيدوروا اماكنهم،، انصدمووو ان محمد معاهن، قالوا سلام

رشاد حس بغيررره سلم ع محمد

عبدالعزيز ماعجبه ليش سلا جنب محمد: ايش الظاهر انهم مشددين كل واحد برقم المكان عندما جلستي بعيد عن اختش!

محمد تبررقط وقده منه للنخر: لاا، محد تحاكا بس مافرقت قبالي والا جنبي، سير دور مكانك سررريع عيتحرك القطار الآن.

عبدالعزيز بنخفرره تفررررج لسلا بضببببح وخطي.

سلا مبتسمه بتتفرج سما

رشاد: هيا تفضل معنا حبيبي ، فرصه نتجابر.

محمد: لاا عندكم يوميه، مافيني للتخباط والسيره والجيه كل واحد عيجلس برقمه.

رشاد استغرب ولفت لسما: ايوه صح يلا حظك حالي بقعه روعه ، صورتنا آخر القطار.

محمد غمزز له: تفضل حبيبي ماتغلى عليك اطاير لك اللي قبالي الاجنبي واجلس بقعته

رشاد ضحكك وبررد قلبه : يااااريت، يلا خاطرك، وخرج

محمد: قسما بالله اني ابسررره ونفسي امغه من رقبته

سلا: متخلللف ،الله يشله.

محمد: كنتي بتقلي عتفسخي كيف ومتى؟! مااقدرش ابسررره هكذا عينه ع حاجه حقي والله لافعل فعله.

سلا: اهدأ بغير جنان، دلا دلا ونفكر ونخطط

محمد ابسر لسما: كيف لش مكنتينا عتفعلي واركنووا ومدري مه !

سما: انتووا راضين افسخ لها الاسبوع اللي عيجي.

محمد: ارررع اررع ، دلا قوا عيطير الباااص.

سلا بتضحكككك قووي.

سما: هيا والله انو سعرك المسعور ذيك يغدغدك.

ضحكككوا محمد وسلا.

محمد: تحاكي لكن بغير ماتشووقينا ، حسستيني انش ساحره افسخ لكم

سما: اتسيمج انت وهي ، شافعل فيكم اجرر ، مش عسبك ، عسب تؤامي متى ماغثيت اغثى لها ومتى مافرحت افرح لها

محمد غمض عينه وبيهز راسه يمين ويسارر: ياااعيني ، وللمه عاد الاسبوع اللي عيجي

سلا: انا شافهمك الموضوع ، تذكر لما حاكيتك..

سما قاطعتها: الاسبوع اللي عيجي امد نفكر لها سواا

محمد: وانا ماافعل!

سلا: اسمع..

محمد طنن لاوشها: مش وقت شي ذلحين خليني ابسرش بأمر وتصريح من عمي هيا ماعد تشتي!

سلا ضحككت: طيب، فررصه احاكيك اصبر.

محمد مبتسم عينه بعينها سااارح: اشششش ولانخس، عنتحاكى ف التلفون ، ابسرريني

سما: جحفه

محمد قاطع سما: قال للعجوز الاجنبي ، ممكن تجابر هذه البنت بتخرب رومانسيتي انا وحبيبتي

العجوز ضحككك: وبيجابر سما ليششش هكذا!

محمد مبتسم وبيتفرج لسلا

سلا خززيت قفت وشها للطاقه

محمد: ذككككرتيني ، بهذه الحركه لما كنت ابسرش في الحوش وتلفي من طاقتكم

سلا: فقددت لبيتنا قووووي ، تذكر الطاقه هذك كنت اول مايطلع الصبح اراعي لك

محمد: ذكررررتيني، فتح تلفوونه والصورر، ابسرري صووورت لش ع خرجتي للمطار

سلا مسكت التلفون ، بتتفرج الصور ودمعتت

محمد اول ماشلت التلفون منه، لمح خاتمه في يدها

محمد هززر التلفون منها: لو دريت ان الصوره عتنزل دموعش ماوريتش، وبعدين ايش لابسه دبله الاهبل هذا

سلا ضحكت وانحرجت: بطل نزاغه، هذا حقك الخاتم

محمد عقد حواجبه: حقي هاا !! يلا اديه ابسر

سلا مستغربة خلست الخاتم وناولته وهي مستغربه

محمد شل الخاتم وحبه: فديت الايادي اللي لابستها

سلا انحررجت: ماقد ابسرتش ناس يدوا هديه ويرجعوا يشلوها

سما: جحفه تجحفكم وتجحف اللغجه اللي جنبي والله اني لو سرت عند خطيبي اخرج

سلا: حركاات خطيبي !!! من اي حين كيف لش!

محمد: ليش!

سلا: ماكانت مقتنعه به

محمد: ناهي سلا وداريين للمه، بس انتي من بتحبي مابقيتي لش مخلوق

سلا وسما تفرجين لبعض

سلا: مش شرط بتحب، بس ماارتاحت له

محمد بهرر لسما: مااابش سيره، انا اخووش

سما عوجت فمها: خاوتك العافيه

محمد ضحك: كم اتبرقط لما عمي يقلوا خواتك، نفسي اقلهم الا سلا اختي وحبيبة قلبي

سلابدلع قلبت عينها

محمد: اووو ذكرررتيني بايام المرايه والسياره وتجلسي شابحه اللثمه وارحم لنخرش من كثر المسكه

سلا ضحكككت

سما: ريت والله وهو يجي لكم

محمد: اشر للعجوز يجابرها

سما بتتحلف لهم

سلا: كنت تلبس النظاره امد لادرى انك بتتبسر

محمد متأمل لعيونها: تعرفي البحر وقت الغروب

سلا: ايوه للمه؟

محمد: نفس لون عيونش ، ماتغيرتي بس ابتسامتش زادت حلا

سلا خازيه مسكت وشها غطته: بس بتحرجني

محمد: سلا هذه ثاني مرررره ابسرش لاوشش، خليني اشبع منش ، خليني ارسمش في عقلي امد لوما افقدش تجلس صورتش في بالي

سلا: هااا، ارسم حجابي وقفت ادت له ظهرها

عبدالعزيز قلبه بيفحر حين سلا جنبه جااا لاعند محمد ودخل

سما: نعمممم

محمد: لفت لسما وابسره واقف

عبدالعزيز: ماحد تحاكى معش ، ابسر لمحمد معك شاحن؟

محمد مصدوم من رده لسما: لا ، بس الموقف اللي ابسرته الان انتوا بتمزحوا مع بعض !! والا بتتحاكوا طبيعي؟

سما: ليش من هو امد امزح معه، مابش معه اسلوب همجي

عبدالعزيز: ماشاء الله عليكن اللسااان لسااان

محمد: ياااي انت على من بتتحاااكى؟

عبدالعزيز: انت اللي من بتحاكي ! ومن سمح لك اصلا تدخل نفسك الحجه مش عندك ، عند اللي مخليهن هكذا وماقصر لسانهن

سلا: صورتك انت اللي ماتربيت مش بس لسان ، لا اخلاق ولا ل..

محمد قاطعها: اصص، كلامه معي انا ، انتين مالكن دخل في مسؤوليتي عمي اتصل بي انا

عبدالعزيز يشتي يخرج

محمد معصب: يااي لحظه، ووووطى صوته بيتحاكى من اطراف اسنانه، صورتك مساير بنات خيرات لوما نسيت كيف يتحاكوا الرجال

عبدالعزيز باستهزاء: انا نفسي ادرى انت ماادخلك وماحشرك !

محمد: هو لو مااحناش وسط قطار ، ويمنيين وفي الخارج ومش احنا حق تبداع ، وعيال ناس، كان انت عتدرى مادخلني ، وانت جيت برجلك لاهنا، الآن تسحبها وترجع مكان ماجيت

عبدالعزيز ابسر لسلا: سبحان من سكتش ولسانش شبر وخرج

محمد: قسما بالله لاقصها له لسانه هذه واوريه الفقعسه تيه

سلا: الله يشله حيوان، قوا لاتفعل مشاكل عادك جيت

محمد: اسكت له؟

سلا: ماااشي يا اهبل احرق دمه، واااصل وعاد حق اليوم والله مانسسكت لاضوي اقل لابي

سما: اوول مره مادرااش كيف اردد !! عجمني بقلة ذووقه

محمد ضحكك: هذا غززل والا غررقه

سما: عادكم بتخططوا جت منه الكلب هذا

محمد: عتفسخي لنا

سما: اتليغج ، شاقل لابي انو انت زيدت بهاااا وشتمته

سلا: مارأيكم الان كيف نحاكي ابي

محمد: حاكينهم انتين اول عاادي، كل اللي حصل عااادي عيسألوني وانا اجاوبهم

في بيت يحيى..
يحيى: مالكم ، شكلكم تعبتوا

سما: ماشي ، جوا اشتي نحاكيكم.

يحيى قلق : خيرر مالكن.

دخلوا الغرفه …

سما: اسمعوا الصدق هذا قد زيد بها قووي ع مه بيبسر نفسه

يحيى: ابسر لسما وسلا خيرر من هو ؟محمد؟

سما: ماااشي، ابن صاحبكم ، عبدالعزيز الزفت بلا تربيه شاتمنا وشاتمكم.

يحيى: ماهووو؟؟! ماحصل

حكين له كل شي

يحيى خرج لاعند محمد: ماوقع يامحمد

محمد دلا دلا فهمه

يحيى: قليل الذوق بلا تربيه ، اين جاء ابوه يربيه؟ ماهو هذا الركن اللي عد اركن على بنتي معه

صلاح: لاتزعل ي اخي ولاشي ، انا محكم ، باللي تطلبه

يحيى: كيف محكم ! هذا يسبر يقل لسان وتربيه وعااادو خاطب لهن مالو توقع زواجه ماعيوقع ! بناتي وانا حر فيهن ، وواثق فيهن، وانا اللي قلت لهن يقطعين له تذكره

صلاح_: يا اخي والله اني خااازي منك ، امسحها في وشي، الله يحفظك واللي يرضيك انا محكم

يحيى: مابش شي عيرضيني، غير اللي مايحترمني انا وبناتي الله معه

صلاح: وانا شاريك وفي وشي واعرف الا مايرضيك انا شاجي معه الآن

سلا وسما بيحكين لامهن ماوقع

سلا: مارأيش نحاكي ابي وقدي هي

سما: لو تشتي تسبكي الطبخه وهي النار تحتها

سلا: كيف يعني

سما: نجمعهن له لوما نخلي ابي يبغروا منه

سلا: ساعتها يفسخو سوا بدون مراشاه

سما: ايووون.

في الصاله.
يحيى معصب: انا هذا الولد قد لاحظت غروره ، وقليل ذوق لايعرف يسلم ولايتحاكا مع اكبر منه
محمد رد: والله ياعم لوما قال هكذا كان نفسي اقوم افعل له ملطام ينقص لسانه، بس قلت ماعنتبدع قبال الناس عيب واحنا من نفس البلاد، واكون انا سبب المشكله

يحيى: سهل عنربيه هو واللي ماربوه مش انت سبب المشكله مادخلك!! هو اليوم طول لسانه عليك انت وانا غطوه

محمد ساكت ومحرج انو بسببه

في المكان..
سلوى: يلا قومين عيسدوا هم ، قومين المطبخ نقرب غداء

سلا بكككيت: قوووا ياماما، انتوا كنتوا تاعبين الفتره اللي سارت وخفت ع مشاكل بابا ، قوااا حاكووه يفسخ قووا مااشتيش مش مرتاحه له مااحبهش وبين ابسره ابليس

سلوى: بغير غنج واشتحطي ماعليش منه قومي غسلي وشش والحقين بعدي المطبخ، خرجت

سما صفقت لها: والله انش ممثللله

سلا: شلللوش مش ممثله ، بس حررام والله مايجوز مااحبهش ع مه انظلم بذيه !!

رن الباب ..
صلاح نزل هو وعبدالعزيز

عبد العزيز واقف

صلاح: اعتذررر لعمك وحب راسه فهمه

عبدالعزيز يشتي يعتذر

يحيى: مااابش داعي ، بناتي ولسانهن طوويل وانا شاربيهن من جديد وكما تربين ، ساعتها يخطبوهن اللي يحترموهن

عبدالعزيز: آسف ياعم ، بس سما دايما تستفزني!

يحيى: وليش تكلمت مع سلا هكذك ؟ وانا منعت التواصل !! كيف بتستفزك؟

عبدالعزيز سكت وحب راسه واعتذر

صلاح كان لابس شال صوف حول رقبته ، طرحه قبال يحيى: يامنعاه بهذا الجاه وحق القبيل امسحها في وشي، وحسابه عندي.

داخل البيت..
خالد بيتجابر مع محمد

محمد مش مركز معه خالص بيدعي انهم يفسخوا

يحيى دخل

خالد: مافعلتوا

يحيى: احرجني الاب هو اخلاق وحكم ومدري ماهوو(مسك رقبته)
بس انا مش نازل لي الولد من هنا.

محمد ساااكت

يحيى: شاااركن عليك يامحمد عتكون قريب منه وعتبسره اكثر طبعه هكذا مع الكل؟

محمدانحرج مايشتيش ينطرح هو في الموقف: ولايهمكم

يحيى: وهن خواتك ، وواثق فيكم انت وياهن، اللي تبسره صح افعله ماعليك منهم ولاتنحرج بعد موقف اليوم.

محمد هز راسه حاضر

سلوى قربت الغداء..
وهن بيتغدين

يحيى: بنات ، انا لما وافقت ع خطبه، امد مش ضامن عمري وخايف عليكن، بس خلنها في اذنكن ، الاااا كرامتكن ماعاش ولاكان من يخدشها خدش

سلا خنقتها اللقمه نفسسسها تشكي وتبكي لهم ومش قادره تقلهم ان سعادتها وكرامتها هي عند اللي دافع عليها اليوم
.
.

بعد شهرين..
محمد خلص اللغه ، وقدم امتحان الجامعه وانقبل فيه نفس تخصص سلا(هندسه معماريه)

سلا كانت نفسيتها ززفت محمد عندها ومش قادره تشوفه وحاسه انها مرتبطه بانسان زفت، رسبت وفرحت امد تعيدها مع محمد، وينفذوا وعد زمان يدرسوا الجامعه سوا
.
.

في اليمن

..قبل عرس ياسر..
هدى بتتواصل مع ام العروسه

ام العروسه: مااشي ، مايدخلش القاعه، مابش عندنا هكذا

هدى: يتصوروا ذكريات وبعدا سهل.

ام الحريوه: يا اختي حاكيناهم مارضيوش، واشتي اقلش الفستان مش هو حالي قد البنت حالتها حاااله مريضه ،اختها معها فستان ياسلام، وهي مبدعه جنب اختها حلفت ماتدخل لنا قاعه

هدى: حالي توفر لكم خسارة القاعه، خاطرش يا اختي زوجي بيداعي مع السلامه

ياسر: ماوافقوش؟ احسسن مالك زعلان؟

هدى: استغفرالله بس ولاشي ،، اين جت ستارتي،
خرجت لاعند ايناس..

رشا: مدهونه بخلطات ولابسه فنايل ومحجبه شعرها مدهون بزيت، وشرابات

زهور فتحت الباب

هدى: الف مبرووك نجاحكن

ايناس: ادخلي ي اختي امانه نتيجتهن بعدت هم العرس

هدى: لاتشكي لي ابكي لش، اول كم جابين البنات.

رشا: انا حريوه لاحد يحاسبني

ايناس: رشا٨٠ ادبي وزهور٩٢علمي

هدى: مااااشاءالله ، الله يوفقهم ويسعد قلبش بهن وباخوهن.

ايناس: آمين ، انا فدالها اختي سلوى واخي يحيى، كل اسبوع عندهم، الله يبرد قلبهم سع ماقلبي بارد وآمن عليه.

هدى: امانه قلبي عيفتقش اسمعي يااختي زنين وخيطت لهم ٥ وفساتين طلبين خمس جاهزه والواحد ب٣٠٠٠٠ وادينا٨٠٠مهر وفستان الزفاف والله انو ب١٥٠ الف، وماعجبهم.

ايناس: هنيت لعينش ، وانتي بتمكنيهم حاضر مرحبا

هدى: مااافعل قلي لي وابني يشتي طبززه يفركشها

ايناس: قلي مابش ماعجبكمش بيعوه.
.
.

محمد رسل لسلا يبشرها بقبوله ونجاح خواته

سلا قالت لسما وردت ع محمد

سما اتصلت تبارك لهن..

جاوبت ايناس.. بعد السلام وكيف الحال ..الخ

سما: الف مبروك ياخاله للبنات.

ايناس: الله يبارك فيكن ويوفقكم كلكم

هدى: من ؟

ايناس: سما، ها حاكيها.

هدى: يووو لاغيبكن يابناتي ، عرس ابني الوحيد ولابه من يحجر ولا به من يمسي ويعاون.

سما انصدددددمت: اي حين !!

هدى: بعد اربع ايام الخميس ان شاءالله.

سما بتسسمع سكته غلقت التلفون ، وحست بضيق.

سلا: فصل الخط عليش ؟؟

سما طنشت ، وقامت لبست جاكت وخرجت الحديقه، بكككيت ماقدرت تستحمل…وانقطططع املها بياسررر، كانت امنيتها تتزوج تعزي وتروح تعز

سلا اسستغربت مالها قامت لحقتها

سما كانت جالسه في الارض فوق الحشيش ومغطيه وشها بيدها وطارحه راسها فوق ركبتها

سلا: مالش ، من كنتي بتحاكي؟

سما سساكته

سلا: مااالش!؟

سما بضبببح: مدرري، خليني وحدي

سلا جلست شويه ، وفلتتها وخطيت

سما حق نص ساعه مطننه، ودخلت

سلا: عتحاكيني مالش؟

سما: عرس ياسر الخميس

سلا استغربت: وماذكرش به ذاحين؟؟!!

سما: ماااعرفش ، حاجات ملخبطه فيني، اول مره احس اني كنت اتمنى شي ، وسار من يدي ، اكذب عليش لو اقلش مقتنعه برشاد، بس نفس الوقت يئست وماعلقت نفسي بياسر، برغم اني من زمان احس بيننا اعجاب

سلا: بس خباله ياسما، انتي داريه انو خطب بعد ماانخطبتي، وداريه انو عيتزوج هذه الفتره !

سما: داريه وانا قلت شي ! بس من صدق في قلبي حب لياسر.

سلا: خلاص نصيب ، الله يوفقه وانتي رشاد الحمدلله احسن من عبدالعزيز

سما بتسمع

جورري دقت الغرفه

سلا فتحت لها

جورري: بنااات !! معي خبرر

سما مسحت عيونها: هاا خير !

جوري: بدي تتأكدوا من شي ، نرمين هلا بتوظب اغراضها وكأنها طالعه سفره هي وتنتين صبايا

سلا: ماقصدش من ايش نتأكد ؟

جوري: عندي احساس رح يطلعوا رحله مع شباب
واكيد عبدالعزيز معهم.

سلا: ياسلاااام ، مراعيه له لحاجات كبيره سع هذي

جوري: بالله اتأكدي شو في مافي

سلا: اوكي خلي بس تروح ونشوف الخبر

جوري: يلا بستأذنكن عندي درس

سلا: الله معش

سما: يجروا رشاد معاهم

سلا: خلاص خباله

سما: ناهي ، شارقد وانتي؟

سلا: احاكي محمد !

سما: راعي لاتستعجلي.
.
.

في اليمن..

بيت ياسر وصلو اهل ياسر من تعز عماته ونسوان عمه وخاله امين ومرته

ابو ياسر اتصل لبنته: مابتجيش عرس اخوك ؟الناس كلهم هنا، وانتي اخته ماجيتيش !!

احلام: الا قد تجهزتو، بس كنتو بتصل مالقيتوش حد يجيبني

ابو ياسر: تجهزي ، عاد عمتك نوريه بتجي بكره ، تعالي معها.

احلام: خلاص تمام
.
.

بيت عمار…
ايناس: زهور اقطبي عتجي واحده تعاونش غدوه، وانا شاسير انا واختش ندي الزنين

زهور: حاضر وخاله عفاف اتصلت عتجي هي والبنات

رشا: ايوه ذكرت قالين انش تقلي لهن ماعتلبسي، امد يشترين ساعش

زهور: والله مااقول مااشتيش حد يلبس ساعي، انا اخت الحريوه

ايناس: مافيها، فارحات بنات خالتش حرام اول مره يحضرين عرس اهل

زهور: بغير جنان البس انا وياهن سوا ، عمرهن ١٠ ونطقم جمعه

رشا: الصدق ماعندها حجه ، ابردي لش بس
.
.

محمد اتصل لابوه

عمار: اداك الله، قل لي اذكر انك حاكيتني ع اللي طبعت لصاحبك عنده دعوات بسعر حالي.

محمد: ايووه ، قد عتطبعوا الدعوات؟

عمار: قد طبعنا بس نقصين، اشتي اوفي وحين هن قليل طلبوا مبلغ خيرات.

محمد: ولاتقلقوا ، الآن شاتصل بصاحب عيجي لاعندكم ويفعل كل شي

غلقو المكالمه…

.
.

بيت ياسر ..
هدى بتفعل غداء ، والبيت ملان اهل زوجها

مرة اخوها: خليك انتي روحي شوفي الناس اني باعمل العصيد.

هدى: مابش شي تميت بس نشتي نقطب اليوم معنا النقش حق مرة ياسر

مرة اخوها: ايوه نسيتو اقلك، وافقوا يدخل الصاله؟

هدى: لا، حين هن ثنتين خوات

مرة اخوها: يلا لاتزعليش ، بانعمل لهم حفله ونصورهم ويلبس البدله لما ترجع

هدى: لا يلبس الزنه والشال احسن امد يزفوه ، والبدله في البيت.. يلا ابسري العصيد اتصل لايناس

ايناس: ها يا اختي عادني وصلت ، والله ان هي ودافه عرسنا للاثنين ، لو شي اني شقش ، بس قدش داريه

هدى: ماشي والله قدني داريه، بس بين اهم هم ، قبال اهل ياسر يتبدعوا بيت الحريوه

ايناس: ماعليش شي شافتح فمي

هدى: والا فاطمه ، الله يهديها لسان حين هي تعرفهم نبي عليها انتي

ايناس: تمام
.
.

امريكا،،
جوري فتحت الغرفه: بنااات راحووا

سلا: ماتاكدتي مع من ؟

جوري: لا

سلا: خلاص لاغدوه

جوري: اوكي،، سمااا شو بكي ماعم تحكي تعبانه شي؟

سما: لا ، بس ملل

جوري: والله اني رح طق تعو نطلع ، شايفين العالم وينها ، ونحن هون محبوسين

سما: ماعليش منهن مابش معهن اهل

سلا تشتي تغير جو لسما: ومافيها نتصل لابي نستأذن

جوري: يلا بعرف عمو ، ماراح يحكي رح اجهز.

سلا: اوكي، واتصلت لابوها.

بعد ساعه خرجين يتمشين ، ودخلين مول

رشاد كان واقف في محل ، بيتفرج ساعات.

سلا دكمت سما

سما: ماافعل له

سلا: اصص ، يلا اخطي

طلعين محل فيه فساتين سهره

سلا: ايوووه، فستان يجنن ع رشا بالضبط.، جي نشل لها فستانين مني ومنش

سما: ضخممم ، صددقش بس مابش من يسير.

سلا: نرسلهن ولو غالي ب ال دي اتش ال.

سما: اوكي ، وبيبايعين فيه.

تمين يتسوقين ..
سما ذكرت ياسر وغثيييت: خرجت ، واقفه خارج، بتفكر كيف مرته ؟ بيحبها ! وهل كان يحبني ام بيتخايلي؟

سلا تمت وخرجت: مالش سبقتينا

سما: انتين تضبحين بواحد، قد غيرتيه ثلاث مرات.

رشاد: بيخطى وشافهن من بعيد، قرب يسلم.

سما كانت غير كل مره وشها ذابل: وعليكم السلام.

سلا وجوري ردين السلام وخطيين.

رشاد: كيف الحال، ابسرتش واقفه قلت اسلم عليش، تحتاجي شي.

سما موطيه راسها: شكرا ، مع السلامه، خطيت

رشاد من اسلوبها ضبح وخطي
.
.

في اليمن..يوم الربوع (السمره-ليله الحنا)

بيت ياسر..الفرقه بتغني وزززقع البيت كله.

البيت كان ملااان وزحمه ، النسوان فوق وجهالهن..

الرجال اصحابه واهله بس في الديوان اللي نازل سامرين ..

احلام جالسه مع بنات عمتها بيحجرين ويرقصين.
ونسووان الحاره

ايناس سارت هي وزهور يبسرين الحريوه

احلام: اذكر باقي معك اخت صح.

زهور: ايوه.

احلام : فينها ماجتش معك ؟

زهور: حريوه محجبه ، ماتخرجش

احلام: اها ليش متى عرسها

زهور: قدو الاسبوع اللي عيجي.

الرجال في الديوان زقع وضحك والبعض مخزنين

ياسر مارضيش يتحنا ، تحنوا عيال عمته
.
.

ثاني يوم الخميس..الليل جت الحريوه
وصلت غرفتها بتتفرج للغرفه..

كلهن سلمين عليها ورحبين بها.

احلام : خاله ، ياسر قد كملوا الزفه، نتصل به ؟

هدى: ايوه ، اول تتسبر الحريوه وتخرج لاعند النسوان امد يبسرنها.

احلام : تمام انا بصورهم

رويدا بتتفرج لهن سكته.

ياسر: وصل من الحاره وطلع

النسواان بيحجرين كلهن واقفات في الدرج

هدى فااارحه ودمعت حضنته و سلمت عليه

ياسر حبها في عيونها وفوق راسها

هدى ماسكه المبخره بخرته وحصنته: هيا ادخل، وامسك راسها اقرا الفاتحه وافتش لها الطرحه

ياسر: ضروري هذه الفقره مايحذوفنيش؟

هدى ضحككت: ادخل من المعراصه عيقلد لي

ياسر دخل موطي راسه

النسوان بيحجرررين وفتحوا الزفه

ياسر : مسك راسها ، وقري الفاتحه

النسواان كلهن بيتفرجين

زهور بتتفرج ذكرت سماا ومجابرتهن زمان ودمعت

استأذنت امها ورجعت للبيت

رشا: مسررع

زهور: ذكرت سما وقلت اجي اتصلها

رشا: لاعد تذكريها

زهور: قدي مخطوبه ، ماعتزعلش، واتصلت

سما: والله ان عمرش طويل بين اقل شاتصلش، قلي لي سرتي العرس؟

زهور: الان رجعت

سما: كيف مافهمتش؟ اقصد الحفله يوم الثلوث حق مرة ياسر

زهور: ايووه، بس مقصدي اليوم قد وصلت عنده

سما تنهددت: عند من!

زهور: مااالش ربشتيني؟ ياسر عنده ! مالش؟

سما: وياسر فين؟

زهور: صلِ ع النبي مالش

سما: مش انا مجنووونه !! وياسر فين في بيتنا؟

زهور: ايووه ، كان وين في القاعه مابتفهميش؟

سما دددمعت: بيتنااا، حريوته في بيتنا !! وغلقت مسكت عيونها بيدها وبككيت

سلا: من اللي في بيتنا

سما: تخيلي حريوة ياسر!!

سلا: كان وين تسير من الخبالة عيب بتعايري

سما: لااا ما بين اعايرش! بس تأكدت انه لا بيحب ولا جدتي، كنت بنت خالته وبس وخراط لوما كان يقل انا اشتي صنعانية، تعجبني لقانتش، اشتي مرة ساعش!!

سلا: خلاص الله يوفقه ويوفقش

سما: طبعا، ماعتحسي بي حبيب القلب عندش

سلا زعلت: انا ياا سما!! اختش وتوأمش تقلي هكذا!

سما بعصبية: يوووف، شلت لابتوبها وخرجت
.
.

ثاني يوم الظهر
ياسر سار يصلي

رويدا غلقت ع نفسها واتصلت لاختها: كم ادالش حق الفتاشه زوجش؟

اخت رويدا: ادالي ١٠٠ الف

رويدا: يهييي، قدو باين اهل زوجش ثااانين من كله، تخيلي طرح لي خمسين.

اختها: سهل سابر

رويدا: ومازد ، غرررفه عاديه، وانتي

اختها: ي اختي مش هم اخوه تقارني اهم شي هو سوا؟

رويدا: شكله حظ زفت من اولها، عادش عتسيري ماليزيا.

اختها: ايوه الفجر ان شاءالله.

رويدا: الله يهنيكم.

اختها: وانتي؟

رويدا: صورته عيشلني السايله

باب غرفتها بيدددق
رويدا: شاتصلش بعدا ، سارت تفتح.

هدى: ها يابنتي ، اديت لش مكوفره ، عتجي الساعة ٢

رويدا: للمه مامعاكم؟

هدى باستغراب من اسلوبها: معنا عرس، واشتي تتسبري به نسوان ملان البيت ولزوجش.

رويدا: مش لازم ، مايعجبني اي حد يسبرني متعوده ع كوافيره معينه.

هدى: خلاص سبري نفسش، وخرجت مقهوره.

ياسر وصل وطلع غرفته

رويدا بتبكي

ياسر: خيرر ، ايش فيبك؟

رويدا: اختي سايره ماليزيا شهر عسل كان نفسي نسير

ياسر: كنت من نفسي بحجز بس هذه الفتره معي عمل مهم، بعد اسبوع ولاتزعلي

رويدا: يانسير اليوم يامابش من مره ماعدوش شهر عسل بعد اسبوع.

ياسر مصدوووم: تمام مش ضروري.
.
.

في امريكا..
عبد العزيز سافرو هو واصحاب وبنات ولايه ثانيه فيها بحر ، جالسين يسبحوا ويجننوا

في السكن
جوري لقيت سلا بتجابرها: عندي فكره رح اتصل لنرمين نشوف وين راحوا وشو بيعملوا

سلا: يااااريت قوووا

جوري: طيب ، بس وينها سما مو مبينه ، كانو فيها شي هاليومين !

سلا: تعرفي ابن خالتي اللي حكينا لك عنه ، تزوج امس.

جوري ضحكككت: بس ماكانوا بيحبوا بعض سما عاشت الدور ، لما شافتكم انتي ومحمد

سلا: ابردي لش منها عتنسى، اتصلي يلااا لنرمين.

جوري: لحظه بس دقيقه ،، طلعت تلفونها وبتدور رقم نرمين

نرمين: الوو ، ايه حبيبتي

جوري: يااسلام شو هاد الضحك والغناا ، مبين مبسووطين ع الاخر

نرمين: كتيرر كتيرر، هلق خلصنا نتغدا وعم نشرب كوفي

جوري: اممم، لكن فيها كتير كتير يعني عزوز معك؟

نرمين: اي معي

جوري: اوكي، ماحشغلكن خدي بالك ع حالك

نرمين: لاتعتلي هم عزوز ، بياخد بالو مني ، عم بيدلعني متل اولاد صغار

جوري سمعت سلا ع اخر جمله (عم بيدلعني متل اولاد صغار).

جوري: اوكي حبيبتي تتهني ، يلا باي.

سلا: حااالي قووي ، خلاص ماعد شسكتش.

جوري: ايه احكي بيكفي لشو صابره؟

سلا: خليش الآن مني ، وتعالي نخرج سما هذي اليومتين ضايقه

جوري: اوكي

سما دخلت سلمت ع جوري.

سلا حضنتها: ارسل نرمين لياسر

سما: زباااجه

سلا: طيب ماافعل قلي لي ، انا لما قلت لش هكذك لان مابش بيدش شي ، اقنعي منه خلاص ، ولو ماتحبي رشاد حاكي ابي.

سما: لااا ، رشاااد خلاص ، شاعرف قيمته سوا الان

سلا: صددق والا بتقلي هكذا من قهر ؟

سما: والله ماهو من قهر بس كنت خبلا من تحت راسش انتي وحقش روميو ، كنت اتخايل عم حسين بيحبني من حبكم.

ضحككككين

سلا حضنتها: والله اني حاسه بش يا سامجه.

سما ضحكت.

سلا: يلا نسير نرسل هديه رشا.

سما: يوو هيا ، امد تلحق توصل باقي للعرس اسبوع.

جوري: شوو انتوا مابتخلص اعراسكم؟

سما: ماااشي والله انش تبسري صنعاء يوم الخميس الشوارع كلها لمبات واعراس

محمد اتصل بسلا ..
سلا باستغراب: محمد!!
الوو

محمد: حيا وقواا.

سلا: لك حياه الدنيا..

محمد: انتين في السكن؟

سلا استغربت ولفتت لسما وجوري: ايوه ليش؟

محمد: طلبت لي غداء من مطعم حالي ، وخورت لكن معي يا اختي سلا.

سلا ضحكت: حاضر ياخواوه.

محمد: يلا طلبت دليفري لاتراعي لي.

سلا: الا قوا ، قدني باب الباب

محمد: باي يابقره

سلا: مع السلامه ياشوعه

سما: مالكم بتتناقروا ؟

سلا: حكت لها

سما: عتقل يله بحق نرمين ؟

سلا: ايوه بس مش الآن

بعد ماتغدين .. لبسين وخرجين
راحين المكتب وحولين الهديه ،،

جوري: بنات هاد رشاد شو بيعمل هون؟

سلا: يمكن جاء يرسل حاجه.

سما خطيت من عنده: السلام عليكم.

رشاد: يااهلا وعليككم السلام

سما: بس شفتك جيت اسلم عليك.

رشاد مبلووود: تسسسلمي.

سما بقهرر من موقف ياسر مش حب: الله يسلمك، يلا باي.

سلا وجوري كانين بيتكلمين عرفين قصد سما ليش سارت تكلمه…!!
.
.

اجازة نهاية الاسبوع…

يحيى اتصل لمحمد

محمد اعتذر انه معزوم مع كاترين وجاك ، يودعوه اليومين هذه عينتقل للسكن حق الجامعه

يحيى: خلاص براحتك، اتصل للبنات

سما: الوو..

يحيى: انا في الطريق خرجت مع امش وخالد، دوره وعنجي لكن اجهزين ربع ساعه وانا عندكن.

سما: اوكي ، يلا جاهزات

سلا لبست وسارت لاعند جوري، تجمع لها اخبار وتتصل بها

سما تمت رتبت الغرفه غلقت الطيقان والابواب وخرجت لاعند البنات

خارج جنب السكن..
عبدالعزيز وصل بسيارته ، ونزل لنرمين شنطتها.
جالسين يتجابروا عند الباب

نرمين شعرها وقع لافوق وشها مع الرياح

عبدالعزيز بعد شعرها من وشها وبيصلحه لها.

يحيى وصل بسيارته

سلوى: ابسرر ع مناظرر ، استغفرالله ع قد شباب مااداهم لاهنا

يحيى: سهل تلاقيه اجنبي والا عرب، واتصل للبنات يخرجين

عند البوابه السكن.،،
عبدالعزيز: اهم شي انبسطتي

نرمين حضنته: كتيرر مشكوور حبيب البي.

خرجين سلا وسما وشافينهم

عبدالعزيز انحرج من حضنة نرمين ولفت لسلا وهي خارجه

يحيى: ابسرين البنات المفراغه هذه

سلا قربت لباب يحيى وفتحت الباب: انزززلووا

يحيى: اين !!!

سلا: ابسروووا خطيب الغفله

يحيى: خطيب من ؟

سلا هزرت يد ابوها ونزل

يحيى: هذا عبد العزيز ؟

سلا: ايووه

يحيى: طيب اطلعي السياره

سلا: ممممع ، جوا اخرج كل شي.

عبدالعزيز شاف يحيى انصددددم حاول يغالط نفسه ويخطى ، طلع السياره.

يحيى دق له السياره: انزززل.

عبدالعزيز: هلاا عم يحيى

يحيى: عم من؟

سلا: الاخ كان في رحله هو وحبيبته

يحيى انصددم: حبيبه من بيتفرج له

عبدالعزيز: هذه زميلتي لبنانيه وعادي اصدقاء

يحيى: اصدقاااء وشاف لسلا !

سلا: مش اول مره ، مطاعم وهدايا وتلفونات وبتقل لللبنات كلهم حب، انا قباله اقلكم مااشتيش قد سكتت عليه خيرات

في البيت بعدماوصلوا،،
يحيى: ورشاد!!!

سلا: ماسمعنا عنه شي ولا بسرنا شي

يحيى: جهزي الشنطه حقش اللي ادوها

اتصل لصلاح: انت في البيت ؟

صلاح : ايوه

يحيى شل الشنطه ع ماهي ، وسار

بعد ساعه في بيت صلاح
يحيى بعد السلام والمجابره ، نزل الشنطه من السياره: هذه شنطتكم وسلا طلبت الفسخ من عبدالعزيز

صلاح بصددددمه: خيررر ماوقع ؟

يحيى: ابسررت بعيني ماتبلتش عليه واسأله خاطرك ي اخي.

صلاح: جي نتفاهم مالك؟

يحيى: تسلم نتجابر في المكتب مستعجل خلي ابنك يفهمك.

يحيى: اشتي تتحاكين بكل شي

سما جلست تتكلم

سلا بككيت قاطعتها: اولا قليل ذوووق، ومغرور وفعل لنا كم من مشكله ويبسرنا ويجي يجابر مااعرفش من اين شل رقمي ويجلس يتصل

يحيى عصصصصب: وللمه سااااكتات !!

سلا بقهرر: قلت لكم مااشتيش مش مرتاحه مارضيتوش قلتوا انتوا ادرى بمصلحتنا.

يحيى: تخايلت انه دلع بنات ، بس ليش سااااكتات ع فعايله ؟

سما: قلنا عتقولوا سهل هي زميلته ومابش شي

يحيى: كيف مابش شي ، وماعد فعل احترام لحد بكل قلة حياء واقف قبال السكن يتمفرغ ويصاحب خلق الله انا قدني منه للنخررر وليش ماتقلي كان يتصل؟! ورشاد شسأل عليه.

سما ساااكته

يحيى حضن بنته: ولاتزعلي يا اباه ولا، انتين اغلى من عيني والله مازيد اغصبكن ع شي ، قلت ازوجكن اركن عليكن ، وانه مش من جاء زلجنا معه

سلا: عيجبرنا الله بعافيتكم ولانشتي احد ولاعيجي حد يوقع احسن منكم ومكانكم

يحيى: المهم مااشتيش تغثي ولا يدخل نفسش، طز فيه، والله مايستاهل ظفرش.

سلا: واااااالله مانا غاثيه، اني كنت مكبوده وافتهنت

يحبى: يلا ذلحين اهتمي بالسنه اللي عتجي ولاعليش من شي

سلوى غاثيه ومكبوده ع سلا

سما بتداريها
.
.

في اليمن ..بيت اروى ..
اروى: يا ابني قوم الله يرضى عليك قدو ظهر سير ابسر لنا الماء

احمد: اين ماء، عنرررقد! انا حريو امد تقع صورتي ها منوره.

اروى ضحككت: هيا قوم يامنور ، الله يرضى عليك ، شررق النسوان عيجين.

احمد باستغراب: اي نسوان ؟

اروى: الذبال حقك.

احمد بززبج: وانا ادخل بينكن!!

اروى حنقت وفلتت له المكان وخرجت

احمد لحق بعدها: مايحنقوش من حريو ، بس امانتكم فهموني كيف حقي الذبال ؟

اروى: يجين النسوان هنا

احمد: اووهو يعني عتجي رشا ؟

اروى: مع يجين امها واختها واهلها وهي ماتجيش تقمبر في البيت.

احمد: خلاص شاسير عندها اوبه لها ، وانتوا تعرسوا

اروى ضحكككت: خيررررة الله ع دمك هذا السع اخرج من قبال وشي.
.
.

امريكا ،، بيت صلاح.
صلاح معصصصب: سووودت وشي الله يسوووود وشك يا كلب.

رشااد بصددددمه :مافعلت ؟؟؟!

صلاح: اين الحيواااان خليه يحاكيني الااااان قل له يجي ، ابسره قبالي ماشي والله ان حسابه معي.

رشاد: انا كنت راقد وتلفونه هنا، الظاهر خرج لوما يجي عد اخليه يتصل بكم ، مافعل ؟

صلاح رزع السماعه لاوشه.

ساره: دلا ع الولد اول افهم.

صلاح: انتي اخررسي ولا اسمع لش نخس، تيه تربيتش ياهانم، ابسررتي الغنوجه ، لجهالش اخرررتها نتبدع قبال خلق الله، يعلم الله ماقد فعل انا داري به.

ساره: ماعيفعل ياسعم، وبعدا ابسر ع قلة ذوق حد يرد الشنطه هكذا ؟ للمه مايحاكي الوسيط؟

صلاح: الاان تخررجي من قبال وشي، واتصلي اشغلي جهالش ادرى ماوقع ، لايوقع يوم جن فوقش وفوقهم.

بعد العصر …التفرطه (الذباال)
النسوان ملان البيت حق اروى

بيت ايناس (بنات الجيران وبنات عمتها )فاتحات الاغاني وبيرقصين.. النسوان كلهن لابسات مراعيات لباص يشلهن الذبال…

زهور بتوضع لامها المصر الطالعي: يوو انا فدالكم والحلاا فيكم

ايناس ضحكت: عيجبرني بكن ويوصلني لوما نخرج نتفرط انا وانتين بالمصرات
.
.

بيت ياسر..
هدى: عتلبسي وتجي معي نتفرط؟

رويدا: ياسر في البيت عيخزن ، شجلس معه.

هدى: ما اشتيتي، وسارت لابيت ايناس.
.
.

بيت عمار..
بنت عم رشا: رشاا جاووبي محمد بيتصل فيسسع.

رشا: حياااا حيااا بقلبي وروحي..

….: انا فدالش ياقلبي وروحي لش حياة الدنيا

رشا انصددددمت: صرفوووا !! تخايلي محمد

احمد: صرفوووا ! مابتصرفي ؟ او قبالش جني

رشا ضحكككت: قالت لي محمد

احمد: هو انا قلت لها

رشا: مابش حراوي عندنا يجابرين قبل العرس

احمد: هااا ، وقبل الخطوبه سهل

رشا: سامج ماتشتي؟

احمد: اجي عندكم ، ابسري كيف عتجي عندنا؟

رشا ضحكككت: شلوك صدق اين جوا خبرتك يزغفروك معاهم

احمد: كم باقي وابسرش قبالي؟

رشا بخززا: يووو والفرغه اللي فيك، خاطرك البيت ملان

احمد: ياقلبي وعقلي لمحمد هاا! بعيني
.
.

في امريكااا..
صلاح: شرررفوا جهالش افتحي

عبدالعزيز بقلبه وش دخل وسلم

صلاح دهفه: ممكن اعرف ماحصل؟

عبدالعزيز: هوذا قد دريتوا ماازيد اقل زميلتي بس قفاله مانقلهم

صلاح: قفلووا بطونك يقفلوك ، عادو عيتليقن ويقل ذووقه ! ماااوقع ؟

عبدالعزيز: بين اقلكم زميلتي وهم حلقوها

صلاح اتصل ليحيى وبيسمعه كلام عزيز

يحيى دعا سلا وخلاها تحاكيه

صلاح: سووا ماعندش حجه ، كلب خليه بعد الزباله حقه.. وبعد ماغلق افتهنت ، ذلحين لاحقهن براحتك

عبدالعزيز: البهذله هذك كلها امد فسخوا، مقلع انا ماكنت اشتيها قليلة ذوق، وعاد هذا جايه الدور خليه يلحق البهذله

رشاد كان ضابح ع اخوه: انت اهجع والحق روحك من اللقانه

ساره: لو جيت للصدق، انا مش مرتاحه لهن من البدايه لاذوق ولا اخلاق ولاشي هذا كله وتيه المسكينه عاد اللقنه حقهم ماعتفعل برشاد؟

رشاد بيسمع امه سكته ومعصصصب
.
.

بيت يحيى ..جالسين بيتجابروا ..

سلا بدون محد يحس اتصلت لمحمد ، وفتحت الخط وخبت التلفون في جيبها..

سما: ابسروا ع زقرعه، ذيه وش واحده فسسسخت ؟

يحيى: والله ان صورتي غصبتها وانا السبب في رسوبها، الآن اللي تبسره مناسب ماشاوافق الا برضاها

سلا: الله يحفظكم يابابا ، انا عيد عندي اليوم فسخت من الكلب هذا

محمد مقعي ومبهرر: بيسسسمع، بعد ماشحب يقل الو الو سمع سما(ذيه وش واحده فسخت) !!!!

محمد بيسسسمع ، مش مصددق !!

سلا قامت للغرفه
سما: الى اين؟

سلا: الحمام

دخلت الحمام غلقت وفعلت له رساله اخيرااااا من اليوم انا حبيبتك وبسسسس،
اصابعي منتظرره تتزين بدبلتك اللي اسمك انت فيها ربي كان عارف الحب في قلبي لك ، ماعيخليش حد غيرك نصيبي عشان لاينظلم

محمد فتح الرساله قرريها كان عيووونه عتخررج من الفرحه وعينه دمعت

كاترين: ما الامر ؟؟

جاك مستغرب ، بحركات فمه قالها مدري.

محمد: انا اليووم اسسسعد انسااان في الدنيا، زي الطير لما يكون في قفص محبوس ويفتح له بعد مده

كاترين: لماذا؟ اخبرنا

محمد: سلا ستصبح لي اخيراا.، استاذنهم وخرج.
اتصل اتصل ..

سلا بتكنسل رسلت له مااقدرش احاكيك

محمد كان في الشارررع فااارح، دخل تم يودع كاترين وجاك وشل شنطه وثيابه وراح السكن، اشترى ورد بااااقه كبيره، وكان يوزعها لكل اثنين مع بعض في الشارع.
.
.

بيت صلاح..
صلاح: اخرج ، يلا سير دور من يصرف عليك وع صاحباتك.

عبدالعزيزز بضببح حنق وخرج

رشاد زعل ع اخوه ، لحقه

صلاح: ارررجع

رشاد: اسير ابسره

صلاح: تعال كلمني ايش غير البلاوي هذه ؟

سااره بتبكي: حسبكن الله ، ابني في ذمتهن

صلاح: لو هي بنتش انش جننتي

ساره: ماعد اشتيهن لاهي ولا اختها شاخطب لجهالي احسن مليون مره

صلاح: الرجال ذواق ، وفسخ ع اللي ابسره برغم لو انا مكانه لاشك فيهم الاثنين.
.
.

الليل…
سلا اتصلت لمحمد

محمد: الآن ، اكلمش واناا مفتهن، هذه اشاره من الله ان احنا لبعض

سلا: انا اليوم حاسه اني اسسسعد واحده في الدنيا

محمد: مرااااعي اي حين تفسخي اخطبش واااالله لوعلياا لاتصلهم الاان

سلا: مع راااعي شوويه

محمد: ايووه، تطيري من يدي ساع اول لااا

سلا: خلاص انت سمعت بابا

محمد: ماعد شسمع ولا شارااعي دقيقه، بين اسمع قلبي ، اللي كان مذبوح كل ثانيه كنتي فيه لغيري

سلا: عمري ماكنت ولاشاكون لحد غيرك

سما: سبرررت لكم يامفقعسين

محمد: قلي لها وين عضلاتها شافسخ لكم ومدري مه

سلا: انت مش عارررف ان سما كانت تتذربه زمان وو… كلمته بكل شي

محمد: سلا اللي اعرفه الان ان انتي لي وبسسس

سلا اتصلت لمحمد ، كلمته ع الوداعه ورقمها

محمد: ليش ماحاكيتيني وخسرتي نفسش

سلا: مش انا وحدي انا وسما، وهي اختي انت مادخلك.

محمد: مادخلني ايوه، بس اختش ريحي لش انتي وعمي من تيه الكلمه كم كنت اتبرقط

سلا ضحككت: ذلحين من احاكي يستلمها لرشا؟

محمد: شاتصل بصاحب.. احمد الآن اكيد مشغول

سلا: تمام

محمد غلق ، واتصل لماجد

ماجد: من عيوني ولاتقلق بس من امكن؟

محمد: البيت ملاااان اي حد عيفتح لك، وشاتصلهم يجهزوا دعوه الخطيبة واهلك

ماجد: احلى شي ، امد يتعارفوا
.
.

بيت عمار…

الززفه مفتوحه للاخيرر(يوم للنقش)

ايناس: اقطبي يابنتي البسي ابوش مراعي يشلش عند الكوافير

هدى: اجي معش القاعة؟

ايناس: مع الله يرضى عليش، انتي اوقفي ع البناات في المطبخ يتمين الغداء للي في البيت

اماني بدون نفس: تشتي اجي معش؟

ايناس: جي ، لو فيش طافه نتفاقد القاعه ونشرف ع المسبرات ماعد بش وقت قدي الساعه١٢

اماني: بس شارجع اسير الكوافير ١

ايناس بعجله: تمام ، زهور ادي حقي العلاقيه حق اللداه، والذهب ادي مع خالتش عفاف لوما تجي

زهور: تمام

محمد اتصل للبيت

جاوبت زهور

محمد: جهزوا دعوات ، عيجي صاحب يدي وداعه هديه من سلا وسما وادين له ٢ دعوات

زهور: تمام

محمد: فااضيه احاكيش موضوع مهم

زهور: ماااشي والله ، بعدا ، اليوم النقش حق رشا

محمد: تمام شاتصل الليل
.
.

في امريكا..
سلا كلمت سلوى ، ان اليوم عرس رشا

سلوى: ادي نتصل لهن، اليوم ماهو؟

سلا: النقش

سلوى: يووو ريت والله ومن هو متعرس اليوم.

سلا: والله انو قهر ، الغربه جحفه لها.

سلوى: الله لالحقهم خير اللي هم سبب غربتنا.
.
.

في المكتب..
صلاح: يا اخي انا آسف والله ، اني مرتفع لي الضغط من امس ، سود وشي ، الله لاوفقه.

يحيى: انت غالي وقدرك ع راسي بس الصدق لاعند بناتي ووبسسس

صلاح: اكيد هو اللي خسرها المغفل هذا.
المهم مايدخلوش رشاد وسما بمشكلتهم ولاعلاقتي بك.

يحيى: هذا اكيد مانربط المواضيع ببعض.

في البيت
سلا اتصلت لمحمد: لو جيت اليوم طبخت لك انا.

محمد: الصدق ماجيت لاني خفت يجي التافه هذا بيحرق دمي وبالذات بعد اخر مشكله.

سلا: من الاسبوع الجاي بدون عزومه

محمد: اكيدد ، خلاص انتي اختي احجز لش القطار واوبه لش

سلا ضحكككت: الله يحفظك لي ومايحرمني منك.

.
.

يوم الربوع الليل..

بيت عمار..
ايناس وعفاف واماني والبنات..بيرتبين الشنط حق رشا ويبخرين.

زهور بتجهز لرشا فستانها والاكسسوار وو

رشا متووتره ومعصبه: ابسرري ماعجبني التاج، قد قلت للزفت اللي استأجرت منه مايناسبش الفستان لون وذيه لوون.

زهور: يوو الله يحفظش بس لاتقلقي ولاتهمي، شاقل لابي ذلحين نخرج

رشا: ماهو هذا الكيس اللي فوقه ظرف؟

زهور: يووو نسيت ماارويش سلا وسما، رسلين لش الهديه.

رشا هدأت ابتسمت وفتحت الكيس فساتين سهره!!

زهور: يوو مااااشااااءالله يجننين ، روووعه

رشا: يوو جبرهن الله يحفظهن، ويوصلني لعرس سلا ومحمد.

رشا شلت الفساتين يعطفوهن في الشنطه.

ايناس: من اين زد خرجين هولا قد غلقنا الشنط.

رشا: سلا وسما رسلين هديه العرس بالبريد.

ايناس: يو عيجبرني بهن وبامهن صدق، لو شي ان هي وسطنا.

اماني: وانتي مالش كركبتينا بالعرس حلفه وحفله نفس اليوم، كنتي عتفعلي ساع خلق الله، الثلوث حفله والربوع نجهز براحتنا وبنتش تنتقش والخميس تسير لها عند زوجها.

ايناس: مانشتيش نغربق اخوش ديون ياروحي نستاجر الفستان يومين وتتمكيج يومين

اماني عوجت فمها: سهل حلقت ع عرس.

عفاف: مابش كركبه ولا صلِ ع النبي واهدئي بس، عنرجع للبيت الساعه ١٠ كفايه من عصر وتتعشى الحريوه ، ويجوا المخرجين وشلوها مابش شي.

اماني: انتين اخبر.
.
.

في الصاله
زهور اتصلت لابوها

عمار: خليها تلبس وتسير معش، شارسلكن ابن عمتش.

زهور: ذلحين ! تنقشت مغرب لايسير ينود (يتحسس) عليها النقش.

عمار: ادي امش احاكيها…
وبعدماتجابروا…

ايناس: يابنتي والله مافيه شي انو حالي

(وووبعد رأي الكل اقتنعت لانه حالي بس بعسسه كل حريوه قبل العرس.)
.
.

ثاني يوم الخميس الصبح..
رشا بعد مابدلت واصتبحت بالغصصصب ، لبست البالطو واللثمه وجهزت شنطه صغيره فيها فستانها والطرحه

حنان اتصلت لها: قد انتي جاهزه ؟ انا ذلحين في الطريق اجي لش نسير الكوافير

رشا: جاهزه ومراعيه

ايناس طرحت لها ختمه صغننه داخل ثيابها، اقري ع نفسش وتحصني لاتخليش الكوافيره تجغصش مكياج، افعلي خفيف ورقيق يوقع احسن.
.
.

بيت احمد.
اروى رتبت غرفتهم وبخرتها ، وفرشت السرير طراحات عرايسيه رقيقه ، جهزت الجعاله والكيك والعصير للمخرجين
.

احمد خرج مع خبرته وعيال عمه دوره (يفعلوا لفه للعريس وزفه ببرع ).

الطباخين في الديمه الخارجيه (مطبخ ف الحوش)بيفعلوا الغداء

بنات عم احمد بيكوفرين شعرهن..

اروى: اقطبين نغديهم فيسع، ونسير العرس شويه ورجعنا امد النسوان حق الحاره اللي عيجين يبسرنها.

عمات احمد وبناتهن وعيال عمه ونسوانهن ملان البيت بيعاونين اروى.

هدى سبقت هي وفاطمه القاعه ، يجهزين الماء والببسي في الاكياس.

ايناس تمت الكوافير ولحقتهن..

بعد العصر النسوان بيمتلين في القاعه..

اروى: قووا يا اختي لو قدي جاهزه تدخل ، شرق الساعه٥:٣٠ عيأذن وان هي عتتاخر الزفه

ايناس: هوذا قدحاكت زهور الفرقه يبدو الزفه.

اروى: انا فدالش لو تبسري البيت ملان.

ايناس: انا داريه ماقطبتها الا عميدش.

اروى حضنتها وحبتها: الله يجبرنا بهم ولا وجع لنا قلب ويجعلها زواجه الدنيا والاخره.

ايناس دمعتت: امين

زهور جمعت البنات كلهن فوق الكوشه يتجهزين يزفين العروسه

بدأت الفرقه،، والآن مع زفه احلى عروووسه معنا اين المحاجر يابنات.

البناات بيحجرين وامها وخالاتها

رشا بخووووف بديت مع الزفه ،، كانت متووتره وتبسرر النسوااان ملااان..

الفرقه بدأت الزفه والبنات بيحجرين ويصفقين..

رشا بخووف: تبتسم نص ابتسامه لكل اللي موجودات

اروى: مااااشاءالله صلاه ع النبي قمرررريه

ايناس ابسرتها ودمعتتت مع الزفه.

النسوان بيتفرجين لها شعرها تسريحتها

فاطمه: نقشها جننااان يعلم الله من نقشها.

مرة جارهم: هذا نقش المنقشه… مميز نقشها جنان

هدى بتكلم رويدا: مكيااجها يجنن رقيق ومناسبها.

رويدا: هذا مكياج موت، ماحريوه الا بتلمع.

هدى: كان مالي قد امتليت لماااع تتحاكي وهو بيتطاير من وشش، بيضيع ملامحش.

زهور بتأشر للنسوان يتغطين بتصور رشا فيديو.

البنات الصغار ماسكات الشمع قبال رشا..

عند الرجال..

في صالة الرجال
يوسف طلع يسلم على احمد: عقباالي.

احمد: عقبالك بس بدون دغاز ( عاده عند الشباب يطبزوا العريس ب ابره ودبابيس معتقدين انه يلحقهم دور الزواجه ) يامنعاه.

يوسف: عتخزن ، شكلك ترحم يوم عرسك بدون قات.

احمد: مانفعل، تشتي الطبيعه تجتغر ننكد عليها من اول يوم.

يوسف بضحكه: كان اسير اجعل لك.

محمد اتصل لاحمد بارك له ، ووصاه ع اخته.
واتصل لزهور.

زهور: ماعتقدرش تحاكيك ازعاج لوما ترجع البيت عنتصلك.

محمد مقهوور عرس اخته بابن خالته وهو مابحد: كان اشتي احاكي الفرقه سريع بدون ليش

زهور استغربت: حاضر الان ، تغطت بالستاره ودعت صاحب الفرقه ناولته يجاوب.

محمد كلمه …

صاحب الفرقه ضحك: ع طوول.

فجأه وقفت الاغنيه داخل القاعه والبنات كانين بيرقصين.

رشا سمعت صوت محمد شعر لها ب اسمه دمممعت.

ايناس بكككيت: لااغيبك الله يحفظك.

محمد تم الشعر وطلب لها اغنيه اهداء.

صاحب الفرقه رجع لزهور تلفونها.

وحنان بتهدئ رشا وتمسح لها دموعها.

محمد عطف الورقه حق الكلمات وهو غاثي انه بعيد عنهم،،

كان كاتب
ياريت القلم يكتب احساسي ولو بيت.
كان اختلط حبره بدموع عيني الحزينه
دمعه فرح وانا اشوفش احلى عروس.
ودمعه حزن وانا اتخيل كل مكان عتتركيه.
الله وحده يعلم ايش مكانش بقلبي ..اقلش يارشا ب احمد الف مبروك كم في صلاتي دعيت ان رب الكون يدوم الفرح والسعاده علينا.

واتصل لسلا.
سلا: قوا لاتغثاش، خلاص شافعل لك عشاء حالي جي شله ما انت خاور؟

محمد: اخطبش الااااان.

سلا: خلاص قدني خطيبتك.

محمد: لا ، نفسي اجابرش اكلمش اخرج معش، براااحتي، مااخاف عليش من حد يتحاكا عليش او احطش بموقف مايليق بش اشتيش حلالي ياسلا.

سلا دمعت من كلام محمد، سسسكتت.

محمد: شاتصل لابي الليل اقله يكلم عمي.

سلا: بغير جنان كان راعي لوما يتموا العرس.
.
.

في العرس..رجعين البيت من القاعه.

وفعلوا لها زفه في الطريق

رشا غمضضت عينها: وتذكرت احمد لما كان يوصلهم في العرس ويزفو سوا ، وابتسسسمت.

عند الرجال زفه العريسس قبال بيتهم
محوشين بيزفوا والشباب ،يرقصوا صنعاني

احمد فااارح بيفكر في رشاا، كيف عتكون وشكلها ؟

صاحبه: هيا مالك مطنن.

احمد: ماررضيش يخطى الوقت ، وشاف الساعه.
.
.

بيت عمار ..نزلين النسوان..

النسوان بيسبرين الشاهي حليب للمخرجين..

ياسر اتصل لعمار انهم في الطريق..

عمار اتصل لزهور يجهزنها.

رشا مارضيت تتعشا

رويدا: خليني ازيد لش المكياج وشش ساع المريض.

ايناس: مع هكذا حااالي ، لاتعسيه ، وخرجت تبسر النسوان.

زهور بتبكككي في غرفتها.

رشا دخلت لغرفتهن ابسرتها ، وبكين: شلووش حسستيني شسافر انا عندش كل جمعه تطبخي لي وتغسولي غصبا عنش ضيفتكم.

زهور حضنتها بقووه: خليتوا البيت فاضي ياكلاب، انتي ومحمد .

رشا مسكت الطرحه: دلاا مااشتيش حضن هههه، واللي يسمعش يقل انش قبالي واصل انتي عند كتبش.

زهور: طبعاا، قدش سايره عند حبيب القلب، ومحمدش لحق حبيبته. وانا اجلس اتذكرر كل بقعه كانت هنا واحنا بنتقاتل ونتسافط ونتغاوث وناكل جعاله.

رشا مااسكه نفسسها ونززلين دموعها: جحفه لش خربتي انتي واخوش مكياجي ، اين التلفون اتصل لاحمد يجي ينقذني من افلامكم الهنديه

زهور ضحكت.

بنات عفاف بيجهزين شنطها ويفعلين شذاب وورد.

عمار دخل يتصور مع رشا، ولبسها فل كبيررر وحضنها وحبها فوق راسها

وصلوا المخررجين

اخوالها واعمامها طلعوا يسلموا عليها…

ايناس فاارحه لها وبتبكي حين عتفلت البيت

عفاف وبناتها لبسين وشلين الشنط حقهن امد عيمسين بيت اروى..

زهور لبست تسير مع اختها

ايناس جت بالمبخره تبخرها وتعطرها

رشا مشاعرها ممزوجه فررحه، وزعل انها تفلت بيتهم.
.
.

عند الرجال…

تموا الزفه وطلعوا البيت

يوسف قرب لاحمد يبارك له ، مره ثانيه ويودعه، طرح في جيب احمد ظرف.

احمد: الله يبارك فيك حبيبي وعقبالك.

طلعوا البيت..

اروى بخرت الشقه حقهم وعطرتها

احمد طلع ، مع عيال عمه.

اروى غطت وشها ودخلت: عتجي اقرب لك عشاء

احمد: مع ، شابع الآن

اروى فهمت قصده ، يشتي يتعشى مع مرته.

ادت المبخره وبخرته بعووده وعطرته.

البيت حقهم ملان نسوان الحاره، بيسألين اي حين عتجي..

رشا خرجت من بيتهم وحارتهم ، وحاسه انها عتسافر مش تتزوج

النسوان بيحجرين من الطيقان

هدى جلست مع ايناس تواسيها بعد ماسارت بنتها.

رويدا فلتت وروحت البيت.

ياسر: دخل يدي له فنيليه ويخرج يزف.

رويدا: اجي معك؟

ياسر: عيطلعوا معي شباب الحاره.

رويدا قلبت وشها وحنقت.

في الطريق ..بيززفووا

بداية الحاره كان منتظرينهم رجال من الاهل( اللي يستقبلو اهل العروسه)

وصلوا دخلت السياره الحوش..

نزلت رشا وماسكه ابوها وعمها.. اول مادخلت من باب البيت.

اروى مسكت بيضه لفتها حول راسها وبتقرا المعوذات وكسرتها في الحوش (عادات وتقاليد ، يعتقد بها من العين )

استقبلينها بمغنيه.. زفتها لاطالع عند النسوان.

احمد مبررقط في الديوان عند الرجال

ابوه لاحظ عليه جاء يسأل!: مالك؟؟

احمد: بتسمعوا ؟ ماشبعينش زفزفه قد لها اسبوع بتتحروى ، من يوم الحمام وكل يوم معاهن خبر.

ابوه ضحككك: الله يهديك يا ابني قلت مدري ماتشتي

احمد سكت ورجع يتجابر مع اللي قباله.

رشا طلعت شقتها ، طرح الشنط ابوها.

سلموا عليها وخطيوا

ابو احمد مسكهم ويراشيهم عشاء

عمار مارضيش اعتذر عشان المخرجين

خرجوا..المخرجين.

حنان اتصلت لاحمد يجي للدرج.

احمد طلع ودخل وهي في المكان عند النسوان

رشا مووطيه راسها ولارفعت عينها

احمد قرب وحنان واروى جنبه بيحجرين يفتش لها الطرحه..

رشا كان نفسها تلمحه تبسره.

احمد: ماااشااءالله ، حاليه قوي في بيتنا

رشا ضحكت: ورفعت عينها شافته.

احمد: هيا وين الكركره اليوم والا حين هن نسوان.

رشا ضحككت وخزيت.

حنان قربت تحاكيه: ادي الكيكه تقط..

احمد بصوت واطي قاطعها: للمه قبالهن او هي مجزره ، خلي لنا حالنا نقطعها وحدنا.

رشا بتضحكك وماسكه نفسها خازيه من النسوان.

النسوان حجرين لهم ودخلوا الشقة..

حنان دخلت الترته والعصير واروى والبنات واقفات..

رشا جالسه هي واحمد فوق الكنبه..

قطعوا الكيك..

حنان قطعت قطعه وبتعلم احمد ياكلها تصورهم.

احمد قسم قطعه وعياكلها، اكلها ..

رشا ضحكت ، تشتي تاكله فلت لافوقه الكيك.

احمد: اسكه اسكتين بغير محاجر بين ابسر يدها بتهتز مع المحجره.

…تموا تصوروا..

احمد: اين العشاء، اديتوا لنا كيك من اولها.

جهزين لهم العشاء..

احمد علق الجوخ حقه والسيف، فلت الظرف اللي ناوله يوسف.

رشا بتأشر له الظرف في الارض نكع عليك.

احمد: سهل ، نتعشى ونعدهن سوا.

رشا بخزا ضحككت.

احمد فتح الظرف: هذا من يوسف تذكري.. حمله حمله لاوسط البحر تتبدعين.

رشا: ايوه اذكر.

احمد فتح الظرف، دق جبهته: اووو الله يفتح عليك.

رشا تتفرج له سكته

احمد: ابسري ما ادى لي هديه.

رشا ابسرت الظرف داخله تذاكر سفر..

رن تلفونه..
احمد: من اللغجه اللي عيتصل هذا الوقت ؟

رشا مبتسمه

احمد جاء يشل تلفونه يصمته، محمد.

رشا: محمد ، من امس يشتي يحاكيني ولا قدر.

احمد: الوو ماهو يامزاحمه كنت شاغلق

محمد: ايووه ماذلحين عيززنط عليا، اشتي طلب منك ولو مش وقته يامنعاه.

احمد: الله المستعان ، انت تؤمر حبيب قلبي.

محمد: الله يحفظك ، اشتي ابسركم بالسكايب.

احمد: من عيووني ولو مش وقتك ابدا، يله غلق

محمد: مع السلامه.

حنان دقت لهم الباب، ناولتهم العشاء

احمد: ادي لي اللابتوب الله يرضى عليش.

بعد مافتحوه، تجابروا

محمد كان فااارح باخته اول مره يشوفها بهذا الجمال.. بعد ماغلق .. اتصل لامه وابوه.

ايناس: عقبالك يا ابني الله يوصلني لوما افرح بك.

محمد: اي حين ، اخطبي لي.

ايناس: من عيوووني انا اخطب لك احسن بنت.

محمد: البنت معي اشتيها وربي رجعها لي.

ايناس: محمددد !! وبسرت لعمار

عمار: مااا للولد؟

ايناس: مابلا بيدحس.

محمد: مع لابين ادحس ولا ، اين ابي احاكيهم ماعد شاضيعهاش من يدي مره ثانيه.

ايناس: للمه سلا فسخت ؟

محمد: ايوه طلع خطيبها صايع ووو.. حكى لها.

عمار مش فاهم ولاشي بيسمعها سكته.

ايناس: ابوك ذاحين مش فاضي شارجع احاكيه.

محمد: المهم قوووا الله يحفظكم.

ايناس: بعيني ،، شاحاكي ابوك واتصل افهم من امها القصه وبعدا عنبسر.

محمد: تمام ..تم يجابرهم وغلق..
.
.

بيت احمد ..
النسوان في الديمه ، بيقصقصين لغداء الصباح وسامرات..

بعد الظهر..

بعد صلاه الجمعه..
احمد دخل لاعند رشا، ناولها القات: يلا غسليه.

رشا: ياهمتااه لك ماذلحين يوميه.

احمد: قد عتتأففي من اول يوم، رعى الله ايام زمان تحملي حمله تدوري القات تغسليه.

رشا ضحكككت، شلت القات وخرجت تغسله.

احمد: يلا سهل معش اسبوعين اجازه ، تجهزي نسير مصر نعيد ذكريات اول سفره.

رشا بابتسامه: طيب بس مااعيد الدربه حق تيك المره.

احمد: مع هذه المره ماعتخطيش رجل ،شاتحملش للبحر .

رشا بخزاا ابتسمت له وخرجت تغسل القات
.
.

امريكا..
اتصلت لايناس تبارك لها

سلوى: كان نفسي وانا عندش ، كيف وقعت ؟

ايناس: شارجع ارسل لمحمد الصور ويرويش.

سلوى: ان شاءالله، عقبال محمد وزهور.

ايناس ذكرت سلا: يا اختي صدق فسختوا لسلا ؟

سلوى: ايوه مابش نصيب.

ايناس: ذاحين سما ، عادهي مخطوبه باخوه ؟

سلوى: ايوه ، الاب محترم والولد الثاني ماسمعنا عليه شي ماله شي، بس ذيك مدري كيف هو.

ايناس: الله يسخر لهن ويوفقهن، الحمدلله دريتوا ذلحين ولا بعدا.

سلوى: له الحمد…..وتمين مجابرتهن.
.
.

في سكن البنات..
سلا فعلت محشي ورز وزحاوق (غداء يمني)
اتصلت تستأذن سلوى تغرف لمحمد وتدي له ؟

سلوى غلقت بعد ايناس، وجاوبت سلا: عمرش طويل عاد ايناس بتسلم عليكن ، وسألت منش

سلا طننت لو قد محمد تكلم: هاا ، ليش ماقالوا؟

سلوى: الظاهر البنات قالين لها انش فسختي خطوبتش المهم كيف انتي واختش؟ مابتفعلين؟

سلا: الحمدلله، تميت افعل غداء، وسما بتغسل اداتنا..ماما كنت اشتي اقلكم فعلت غداء خيرات وقلت لو نغرف لمحمد ؟

سلوى: ايووه ، ماتقلي لي سهل هو اخوش ، وكوني لاطبختين زيدي وادي له يطرحه في الثلاجه.

سلا فررحت: تمام ،شاتصله يجي للسكن يشله.

سلوى: يله ، معي اليوم موعد للرنين، اقوم البس عيجي ابوش بعد شويه.

سلا: الله يحفظكم ويحميكم ويبشرنا بعافيتكم،

بعد ماجابرت امها وغلقت، مبتسمه بتتصل له.

محمد تلفونه بيرن خرجه من جيبه
يبسر وانه(سلا خاطري ) يتصل بك

سلا: الو ،، هيا وين انت لاذلحين الغداء برد.

محمد مستغررب: انا !!

سلا: ايوه قلت عتجي بدري اليوم من العمل؟

محمد عقد حواجبه: سلامات.

سلا: يوو الصبح قبل ماتسير العمل قلت لي افعل لك اليوم محشي!!

محمد ابتسسسم بقووه: هاا ايوه ذكرت ، يلا ياروحي اجعل لش انتي والجهال ، دفي الغدا امد.

سلا ضحكككت: ياشوعه، جي للغداء، فعلت لك من صدق.

محمد: صددق اريووس ، عادني داخلي ع طابور طويل عريض امد سندوتش.

سلا: تذكرر المدرسه، حين كنت تزاحم تدخل من بين ارجل الطلاب تشتري لنا السندوتشات.

محمد ضحكك: اوو ع ايااام ، وانتين تمكنيني افلاس عشرات وخمساات يتناكعين اجلس القطهن من القع.

سلا: وحشششتني.

محمد: مش اكثر مني والله، هانت باقي اسبوع ونبدأ الجامعه، وبعداا ماعد افلتش الا المغرب

سلا بخزا: ذلحين جي للغداء عيبرد

محمد: يلله الاان، تشتي شي؟

سلا: ايوه ادي معك خبز من البقاله العربيه.

محمد: من عيوني ياعيووني.

سلا : في نفسك شي ثاني ؟ اسوي لك

محمد: تكفيني بسرتش تسوى عندي الدنيا كها، ياريت وانا الحارسي حقكم.

سلا ضحكت: صورتك عتتشعى عشاء ، هيا اقطب.

غلقت مكالمتها من محمد دخلت التلفون جيبها، وقامت تجهز له، رن تلفونها مابسرتش من بيتصل، ضغطت السماعه وجاوبت

سلا: هااا ماقلنا.

ساره: عاد الناس يقلو الو يسلموا ، مش من اولها مقلاعه

سلا: العفو منكم ياخاله، والله مابسرت الرقم ، في جيبي وجاوبت..

ساره قاطعتها: اسمعي انا داريه انش غثيتي من موقف ابني ، بس صدقيني هو غاوي عيعقل، والبنت زادت عليه، الله يهديكن لو وافقتين تتواصلوا ماجابر..

سلا قاطعتها: رجاء ياخاله، انا من اولها قلبي كان مقبوض وانغصبت عليه ، الله يوفقه

ساره سكتت: يلا ، الله معش.

عند الشباب..
عبدالعزيز: ذاحين ابوك منه صدق ، للآن ماعد رسل لي فلس.

رشاد: كم تشتي شادي لك.

عبدالعزيز: ماتدي لي، ع سبب تافه يفعلوا هكذا !

رشاد ضحك بمسخره: سبب تافه، والله لو انا بك لا اخزا ع وشي ، قدني خازي حين انا اخوك واحرجتنا كلنا حاسس مابش معي كرامه.

عبدالعزيز: تشتي الصدق ، مش انا مستعجل ع الزواجه مفتهن ، ومعي حب لاراسي وخرجات ودخلات ، ماتشتي هم فوق راسك ومسؤوليه.

رشاد: الله يعينك.
.
.

بيت ياسر
ياسر وصل من خارج، هدى في المطبخ، دخل الغرفه.

رويدا بتصبغ اظافرها.

ياسر: سلام.

رويدا ردت ومالفتت له ، بتنفخ اظافرها..

ياسر ابسرها ، وخرج لاعند امه: ليش رويدا مابتساعدك ؟

هدى: عادها عروسه يا ابني لوما تتشكم.

ياسر: طيب ع الاقل مساعده انتي وحدك !

هدى: سهل ابرد لك لوما تتم شهرها

ياسر: ماقلنا لا بس حتى الرفاع ، مابين اشوفها ترفع شي.

هدى ساكته.

ياسر بضبح خرج من المطبخ ودخل لرويدا: اين ثيابي؟

رويدا: هانك ف ال..

ياسر بعصبيه: سألتك ، تقوومي تجيبيهن، اعرف اين الدولاب

رويدا قلبت عيونها قامت تديهن ، طرحتهن فوق السرير.

ياسر: ايش طبختي غداء ؟

رويدا: ولاشي طبعا، عادني حريوه مابش عندنا بنات يدخلين قبل الشكمه.

ياسر: وانا مابش عندي قله ذوق، لاتطبخي ولاتنظفي البيت بس ع الاقل اخلاقيا منك تقلي لامي تشتي مساعده.

رويدا: هااا ، قل هكذا من اول ، قد بداوا يعبوا راسك، قد قلت مالك دخلت وانت مقلوب

ياسر: لا لاا عادك ماشفتيش حاجه ، باوري لك القلبه سوا ، لما ادخل اسلم ، وانتي تردي من نخرك!

رويدا ضبحت وخرجت لاعند هدى: الله يحفظكم ياعمه للمه ماتقلوا لي اجي اعاونكم.
بدل ماتشكي له ، هيا ابسري ع زفه زفني.

هدى: الله يهديك يا ابني ، مش قلت لك لوما تتشكم

رويدا عوجت فمها : اهئ، لوما تتشكم ! وليش دخل يصيح فوقي اذا قلتي هكذا ؟

ياسر: وانا قلت تعاونيها، لما تتم شكمتش والبيت والمطبخ عليش، امي ماتعس شي.

هدى: سيروا سدوا غرفتكم، والعمل انا شافعله مااشتيش شي.
.
.

بيت عمار.. الساعه ١٠ الليل.

عاد البيت فيه بنات عفاف واماني ماسيات يواسين زهور.

في الديوان
عمار بيتعشى.

ايناس محتاره كيف تحاكيه: لوتبسر محمد بعد عرس اخته، قد بدأ يدحس ، يشتي يخطب.

عمار ضحككك: قدني داري انو عيفتح لي موضوع، ابسري يامره مسرع كبروا قد بنزلجهم واحد بعد الثاني.

ايناس: الله يصلح احوالهم ويسعدهم.

عمار: والمعرص ذيه سار لي اخر الدنيا ويشتي يخطب مارأيش بنت اماني ؟

ايناس: سد انت وابنك، لانه مايشتيها الا هي ؟

عمار بصدمه : من هي ؟ لايكون خرف الولد يشتي امريكيه.

ايناس ضحككت: مع ماخرف ولاشي ، والله انه بعقله الله يحميه، لوتبسر من يشتي ؟

عمار: من؟ الصدق مامعي الاهو والله ما اغثيه من في نفسه شاخطبها له.
.
.

في الغرفه..
رويدا: انت ليش بتفعل بيني وبين امك مشاكل.

ياسر: انا مابين اعمل شي ، بس عصبت ، اكون داخل اسلم عليك ، وتردي بدون نفس وتتاففي لافوق يدك.؟

رويدا ضحككت: يعني عصبت عشان تاففت لافوق يدي! كنت انشف الصباغ مش اسمه تافف

ياسر: المهم ماحبيت الاسلوب لما ادخل تردي السلام ، تدلعيني تخلسيني الكوت.

رويدا: يهي يهي، هذا قدو بتتأمر عليا عيني عينك.

ياسر: لاحول ولاقوة من اين اجي لمخك ؟ اقلك دلع .مابتفهمينا ،خلاص بس.

رويدا: براحتك

ياسر: شوفي يابنت الناس انا قادر ادي شغاله ثنتين وثلاث ويفعلين كل شي ، بس اشتي منش تعامل حلو اسلوب حلو قدامي ، مش كل يوم امي ترفع من جنبك، حتى الخبز مابتمسكيه ماحبيت اسلوبك صراحه تضايقت ، عروسه من حقك تمام، عمرك كله بدلعك واجيب لك شغالات، بس اشتي احترام لامي.

رويدا تنهددت ومسكت نفسها : حاااضر ، وياريت ع ماقلت تدي شغالات ، اختي مع بيت زوجها ٢.

ياسر ضبح ، غير ملابسه ، وخرج من الغرفه.
.
.

بيت عمار..
عمار: ومن يشتي ابنش قد حاكاش تدوري له مواصفات معينه وتشراط من حق هولا الايام الشباب؟

ايناس: تشتي الصدق ياروحي ، ابنك يشتي سلا بنت يحيى.

عمار: والله ان هذا الولد معرررص ، كان فعل القصه تيه كلها امد سلا.

ايناس: اي قصه ؟

عمار: انا من زمان قد لاحظت نظراتهم مجابرتهم مع بعض، قلنا جهال، بس لما صمم وفحر بعد امريكا والله مااعلم انو عميدها !!

ايناس قلقه من ردة فعله: بس والله ان هي قمه التربيه والاخلاق والجمال

عمار: مش احنا في هولا كلهن ، هن بناتي ساع رشا وزهور اعرفها، انا في ابنش مافعل ، هي مخطوبه ؟ كيف لوما يشتيها ؟

ايناس: اتصلت لي سلوى تبارك لي ع رشا وان هي بتحكي لي ، فسخوا الولد مش سوا.

عمار: اذا هكذا توكلنا ع الله ، الصدق ونعم البنت واهلها .

ايناس فررحت: اي والله ان سلا حلمه

عمار : هيا اخليني اتصل ابهذله ماله مايحاكيني من اول كنت شاطرح كلمه عند ابوها ، لو شي ماانخطبت وطارت من يده، وقام يتلاحقها لي حول العالم.

ايناس ضحكككت: الله يهديك ، امانه اتصل فرح قلبه.

عمار مسك السماعه يتصل..

عند محمد وقت صلاة الفجررر..كان نوم..ررن رررن التلفون واخيرا رد
محمد: الوو..

عمار: رااقد !!

محمد نكزز افتجع: هاا اباه مالكم خيرر في شي ؟

عمار: مابش شي تطمن،انت نوم ؟!!

محمد: ايوه بس حالي اتصلتوا وقت الصلاة

عمار: كان قوم اركع وشاتصلك احاكيك.

محمد تم يصلي واتصل لعمار.. وهو بيفعل له نسكافه.

عمار: قلدك الله تفعل هذا الجنان كله ، امد تسير لبنت مخطوبه

محمد ابتلددد وهو بيسمع بيسكب الفاير للقلص لماتطعفر: انااا ماجيت امد..

عمار قاطعه: والظاهر لو وافق عمك ان ربي كاتبها نصيبك، مادام كل شي بيتسهل.

محمد بفرحه ، رجم الملعقه: يعني موااافقين ؟؟

عمار: اكيددد، ويا مدلوز لو تحاكيت من اول اني طرحت كلام لعمك يحيى ، بس هكذا اللي مايحاكي ابوه بكل شي

محمد مشش مستوعب الكلام فارح: يووو الله يحفظكم ويخليكم لنا.

عمار: اهم شي مابش زواجه الا بعد شهاده ترفع الراس.

محمد: اعرفوووا امور شهايد مش الا شهاده.

عمار: شاتصل لعمك غدوه الصبح.

محمد: ان شاءالله ياارب، عيوافقوا اكيد.

عمار: الظاهر قد انت وياها مجهزين لكل شي.

محمد انحررج سكت: مااشي بس

عمار: الله يوفقك.. تموا يتجابروا وغلق..

محمد غلق ومرررراعي يطلع الصبح يتصل لسلا.
.
.

الصباح..بيت اروى..
احمد قام الساعه ٩ شل جعاله ( زبيب ولوز وشكلاته ) وطرح مبلغ في ظرف (السلام)لعمته.

رشا: عنشل الشنط معانا ؟

احمد: ايوه ، عننزل نسلم ونودعهم، ونسير المطار، باقي لنا ٣ ساعات للطايره، ماكودنا نلحق.

رشا: حاضر

اروى سلمت عليهم وودعتهم، ووصتهم يوبهوا لبعض.
.
.

بيت عمار
مسك التلفون..يشتي يتصل ليحيى

الباب بيدددق..

عمار طرح السماعه، وقام يفتح الباب.

ايناس جهزت المبخره والعوده..

رشا دخلت هي واحمد.

ايناس وزهور حجرررين ..

احمد دخل ، وجلسوا شربوا عصير وبيتجابروا

رشا: فاااقده لغرررفتي شاسير ابسرها..

عمار: مش وقت غرفتش، جي نبسركم اول.

رشا بساااعتي دخلت هي وزهور المكان: يووو كم فقدت لبقعتي وسريري.

زهور: يوومحلاش وانتي حريوه ، لو شي انش بالبجامه والشعفله حق شعرش.

رشا: شلووش ، لو تبسري من ادالنا التذاكر؟!

زهور: من ؟؟!

رشا: يووسف!!

زهور رد عاادي: هاا ، حالي اتهنوا وانبسطوا..
.
.

عند سكن البنات..التلفون بيرن

سلا كانت بترتب دولابها..قامت شلت تلفونها من فوق التسريحه: جاوبت الوو..

محمد غير صووته بززعل: الوو

سلا: مالصوتك ؟

محمد: انتي داريه امي حاكت ابي اني اشتيش !

سلا انصدمت وبهررت متحمسسة: ايووه !!

محمد تنهددد نفس عميق وسكت.

سلا: مااالك ، ماقالوا ؟

محمد: قالوا انهم قد حاكوا عمتي يشتوا يخطبوا بنتها.

سلا عقدت حواجبها: بغير جناااااان.

محمد عصصب: الاااا بالجناااان

سلا سكتتتت

محمد صاااح: سلااااااا خاطرري واااااافقوووا

سلا فرررحت: ياشوووعه يخ والسماجه ليش بتتخيبل نكعت بطوني.

محمد ضحكككك: باقي عمي يحيى ذلحين دورررش.

سلا ضحكككت: تطمن مليون في الميه عيوافقوا
ووووو تموا يتجابرووا…
.
.

عمار سار مع رشا واحمد المطار يودعهم، وعلى رجعته طول الطريق بيفكر بمحمد، وكيف كان متباعد منه ، وماتقرب له وجابره ،يفهم انه بيحب طول المده هذك.

نكزه اتصال اخوه، تجابروا وغلق السماعه، نزل اشترى كرت ، ووصل عباه وغلق طيقان السياره امد يتكلم بهدوء.
.
.

في المكتب
يحيى: الوو..

عمار: مانقل صباح الخير او مساءالخير..

يحيى: حيااااك حياك ، عاش من سمع صوتك

عمار: تعيششش ، كيف انت ، وكيف امورك.

يحيى: له الحمد ، كل شي تمام.

عمار: اشتيك في موضوع انت فاضي؟

يحيى خرج من المكتب: ايووه تفضل اكيدد، فاضي خيرر ؟!

عمار: والله يا اخي ، ماشلقاش احسن منك ولا من بنتك، الموضوع اني اتصلت لك راغب طالب يد بنتك المصون سلا لابني محمد، قد احنا اهل من قبل نزيد نقوي العلاقه.

يحيى سكت ثواني ورد: وانت والنعم بك ، وماعنديش اي كلام ع محمد وانت داري ، بس تعرف ان البنت عادها فسخت ، شبسر ، رأيها وارد لك خبررر.

عمار ضحك: خذ راااحتك كم ما كان يفكروا براحتهم ماعليهم عادهم ع قرايه بس قلت اطرح لك خبر.

يحيى: البنات بناتك وانت داري ، ومحمد مثل ابني اعزه ومابش مثله ، الله يسهل مافيه الخير.

عمار : يارب.. تموا مجابره..

في الطايره..
رشا بتتجابر هي واحمد ويتكركروا

كانت جنب احمد مره كبيره في السن مسافره تتعالج: اصه صلوا ع النبي كركره، وانتوا معلقين في يد الله

رشا كركررت ومسكت فمها استغربت من المره.

احمد: هيا اماه اشهدوا عليها ، تيه الكركره خلتني اتزوجها..

العجوزه ضحكت ، وجلست تجابرهم..
.
.

عمار: اتصل ب محمد وقال له انه طلب له سلا

محمد: وعمي يحيى !! ردوا

عماار: قال يشاور بنته.

محمد فرررح ورركن ، لانه داري سلا موافقه..
.
.

امريكا..
يحيى وصل البيت

سلوى قربت له غداء

يحيى: اليوم النتيجه حق الرنين ، تجهزي نخطى لها.

سلوى: حاضر ، مالك مطنن؟

يحيى: والله بين اهم ردة فعل سلا ، اتصل عمار يشتيها لابنه ، وانا مااشتيش ارفضه ولا اضغط عليها.

سلوى انصدمت : لحظظظظه !!! يشتي سلاااا لمحمد ؟؟

يحيى: مااالش خير؟ ايووه ماله محمد ولد و…

سلوى: كيف محمد لسلاا ؟؟! ايناس داريه ان عمار اتصل بك!!!

يحيى: صلاة ع النبي مالش ؟ وانا مادراني للمه مابتفكري؟

سلوى: صورررتها ناااسيه انهم اخوه من الرضااعه او كيف !!!

يحيى: اخوووه ؟!!
.
.

محمد اتصل لسلا ، فاارح: ابي اتصلوا بعمي يحيى ، اتصلي انتي ابسري ماعيقلوا ؟

سلا: شاخلي سما..

سما اتصلت للبيت ،،

يحيى بيقل لسلوى تتصل لايناس..

سلوى رفعت السماعه جاوبت سما..
سلوى: راعي شاتصلش بعدا تشتي شي ضروري ؟؟

سما: لا مالكم معاجلين؟

سلوى: شاتصل لخالتش ايناس ، تذكرين في يوم انني قلت لكن انكم اخووه ؟

سما: اخوووه من ؟ احنا ومحمد ماااشي ماقلتوش خالص.

سلوى: خلاص غلقي شاحاكيكن بعدا، وغلقت..

سما ماسكه وشها بصدمه.

سلا: من هم الاخوه ؟

سما: تذكري يووم امي قالوا لنا ان احنا اخوه ؟؟

سلا: ماااشي ، يمكن امي مع المرض بينسوا؟

سما: مدررري وجايزز يكوون صدق

سلا معصبببه متوووتره ،، قلبها بيددددق ، اتصلت لمحمد تساله ؟؟

في نفس اللحظه..

سلوى بتفكر، وبتتصل بايناس

يحيى: مااعتقدش ، انتي ماستاذنتي مني ولايوم.

سلوى: الا انا الصددق اذكر،

يحيى: حاكي الان ايناس..

سلوى: حاضر ،
اتصلت لايناس

ايناس: لااا ، يا اختي مارضعوش سوا ، انا متاااكده،

سلوى: اذكرر

ايناس: ماشي انتي رضعتي مع خالد بنت حسين ال..، ومره واحده رضعت بس،

سلوى: الله يعين ، ساعاات احس نفسي اتحسن ويحصل موقف ساع هولا انسى ارجع اكتبدد.

ايناس: مع ع ضمانتي وافقي بس لو شي ماتغطوا من بعض , تذكري لما بطلوا يجي يسلم ع البنات وبداتي تغطي شعرش منه ؟

سلوى بدات تتذكر: ايووه ، صح

ايناس: لوكان اخوه ماخليت محمد يفكر فيها ويحبها كزوجه ، لانه من زمااان ، يشتي سلا.

سلوى فررحت: الله يتمها لهم ع خير نبسر البنت ونرد خبر.

ايناس: نقل مبروك اهاا.. سلا عتوافق وعتبسري.

سلوى ضحكت: والله انه ماالقى ساعش ولا ساع محمد.

يحيى: الحمدلله ، خير نبسر البنت نهايه الاسبوع لما تجي ونرد لهم خبر.

سلوى: ع الله، الله يسهل لهم مافيه الخير محمد ، بين احنجه مثل خالد واعظم

يحيى: بعدا رجال ومثقف محترم ، حق اسره ومسؤوليه من صغره.
.
.

نهايه الاسبوع..فوق الغداء

يحيى: سلاا ، لش الاختيار وانا ماشضغطش عليش ولا شاغصبش ولاتنحرجي مني.

سلا ماقدرت تصبرر ابتسسمت من الفرحه ووطت راسها.

يحيى استغرب: قدش داريه ؟!

سلا خاازيه هزت راسها ايوه.

يحيى باستغراب: والابتسامه افهم انش موافقه !!

سلا ضحكت وسااكته

يحيى بمززح: اهاااا ، يعني اقول مبروك.

سلا ضحكت انحرجت: باباا مالكم ، اللي تبسروه.

يحيى اتصل لمحمد وفتح السبيكر: قلدك الله قد انا وانت خبره، وامنتك عليهن وخليتهن خواتك.

محمد مصدوووم مرااعي يتم يهزئه

يحيى: وانت تقل لابوك انك تشتيها ، مالك ماتقل لي انا او بتخزا ؟

محمد انحرج ماقدر يرد: مااشي بسس..

يحيى: الف مبروووووك الله يتمم لكم ع خير موافقين كلنا، وغدوه جي اتغدى عندنا واخطب لك انا ، انا ابوك وعمك.

محمد يبسسسسس من الفرحه ونفسسه يصيح

يحيى: لاتتاخر ، احجز قطار وجي نتجابر في الموضوع.

محمد: حاضرر ولايهمكم تسلموا ياعم.

يحيى: الله يسلمك ،، في امان الله.

محمد فاااارح ، اتصل لامه ، وكلم زهور وو
اتصل لاحمد تلفونه مقفل ، اتصل لخالته قالت له مسافرين.
.
.

في مصر على الشاطئ
احمد: تعرفي ليش حبيتش ؟

رشا: لا

احمد: عشان هبلا

رشا ضحكككت: وانت الاهبل عشان حبيت هبلا.

احمد قام، يمثل يعرج برجله ويقلدها وهي بتبكي: شخاااطه وغنج خليتيني ارحمش

رشا بتضحككك بصوووت.

احمد: وهذه راسس الهباله حقش ضحكتش

رشا: جحفه لك ، انا مااحبكش ولا من قال بس رحمت لحالك ، قلت ابن خالتي عسب خالتي وافقت.

احمد عقد حواجبه: خااالتش هاا !!

رشا: ايووه وبتحانكه بوشها.

احمد بهنجمه: قومي نرجع يلاا

رشا: امززح مالك !!

احمد: قوومي ، وخططي

رشا مستغرربه قامت ومسكت شنطتها.

احمد مسك شنطتها ورجمها ، وتحملها وحمله حمله للبحر ودخلها.

رشا بتضحكك ماسكته لاتفلت: مجنووون مالك ؟

احمد جلس يناززفها

رشا: بس مدلاززه الناس بيبسرونا.

احمد بيغني لها: ماااعلينا ياحبيبي ماعلينا
يبسرووا انتي مرررررررتي

(خلوهم يسبحوا ونرجع لمحمد وسلا

سلوى خرجت هي ويحيى وخالد للدكتور.

سلا قلقه ع امها ، وفااارحه تكلم محمد

محمد: اخيراااا ياحلم حياتي، تعبتيني ملاحقه من زغاطيط صنعاء القديمه ، لزغاطيط امريكااا.. اي حين عتوقعي لي.

سلا خاززيه ضحككت: هيا ياطماع خلاص الحمدلله هاانت ، ذلحين لو حبيتك ، وجابرتك ودرسنا سوا اكووون مطمنه.

محمد: عمرش كله ، عتكوني مطمنه ، شاكون لش ياسلا كل شي ماشقلش بس عتبسري بعينش..

سلا: بدون ماتقل ، عارفه ، اعرفك اكثر من نفسك.

سما: ذلحين ، بطلوا تحلموووا زياده ،
مش انتوا داريين انكم اخووه .

سلا دهفتها من جنب التلفون ،،

سما: ماالش ، اوو نسيتي كم جلسنا نشرب جمعه حليب نيدو

سلا: هي هي هي ، بااايخه، يلاا من هناا.

سما: خلاص قدني شوعه ذلحين ، تميت اخطط لكم !

محمد: قلي لها ، اصه شارسل رقمها لرشاد يهجعنا منها.

سلا نقلت لها الكلام.

سما اكتسفت ، ومشيت ، داخل نفسها مش رشاد اللي نفسها فيه، وسارت تتفرج التلفزيون.
.
.

بيت ياسر..
رويدا: بكره شكمتي انا واختي ، اشتي اسير لكوافير

ياسر: حاضر

رويدا: راعي اتصل لاختي اسألها ، وين عتسير

ياسر: اتصلي

رويدا: قالت كوافير… اللي في شارع…

ياسر: تمام، متى اخذك؟

رويدا: شاسير من الصبح بيتنا ويشلني اخي،

باب غرفتهم دق

هدى: مساءالخير

ياسر ردد

رويدا ساكته

هدى: ذلحين تشتي استأجر لش عند ال….تسبرش

رويدا: يخخخخخ، ماشتيهاش تصليحها شوعه، شاسير مع اختي من الصبح عند كوافيره، قد كلمت ياسر.

هدى: طيب ماعتلبسي! عصبه او قناع ؟

رويدا: امي عيلبسونا.

هدى: يلا لو تشتي شي حاكيني

رويدا بتافف: حاضر
.
.

بيت عمار.
زهور: بابا ، اشتي تجوا معي اسجل معهد.

عمار: حاضر، ذلحين مصممه طب اسنان؟

زهور: ايوه.

عمار: خلاص راعي لنهاية الشهر يجي الراتب ، واسجلش

زهور: تمام

ايناس: ذلحين نشتي ، تبسر مسافر اي حد نرسل الشنطه حق سلا

عمار: لومايرجعوا سهل

ايناس: ليش مادراك عيرجعوا؟

عمار: بين اقل، كان ماهو عيتزوج هانك!

ايناس: والله انو صدق شرجع اسأل سلوى.
.
.

امريكا.. عند الدكتور
يحيى: كيف هي يادكتور؟؟

الدكتور: الحمدلله الورم مارجعش ، كان عندي تخوف يرجع، بالنسبه لكل شي كويس جدا، فقط يحتاج لها ، حد يساعدها تتذكر الاشياء اللي بتنساها.

سلوى مابتفهم كلامهم بالانجليزي بس ملاحظه تعابير وش يحيى ،فارح.
.
.

في البيت..
سلا راحت لسما: مالش؟

سما: خورت وانا صدقتش ، وحبيت وبطلت الزنط واللقانه ع ياسر.

سلا: ماذكرش به ذااحين ؟

سما: شفتكم وتمنيت افرح ساعش انتي ورشا

سلا: مادراش ، ورشاد والله انه محترم.

سما: بس في شي داخلي مقبوض.

سلا بزعل: الله يسخرلش مافيه الخير.

يحيى وصل وسلوى..تطمنين ع امهن وفررحين انها بتتحسن.

رن التلفون..
سلا: الو ..

ساره: اين امش؟

سلا استغربت من الرد ناولت امها،السماعه ع طول

سلوى بسرت سلا بتسأل ،من ؟؟ردت.. الوو

ساره: ايوه، كيف انتي ؟ اتصلت اسأل عليش.

سلوى: سألت عليش العافيه تسلمي

ساره: اشتي اسألش، مكانها بنتش معانده، قلت لو تفهميها و

سلوى: خلاص يا اختي مابش نصيب بينهم، والبنت انخطبت.

ساره عوجت فمها : مسرع في اسبوع! من اين خطبتوا لها؟

سلوى: عادو كلام طرحوا وع الله متى ماسهل الله.

ساره اقتهررت: من اين اديتوه ؟

سلوى: ماهو !

ساره: الخطيب.

سلوى: مابش عندنا سوق للخطاب امد نديهم.

ساره اكتسفت: ههه انا غر بنضحك معش بس مقصدي مسرع يلا صورته مابش نصيب الا لرشاد وسما

سلوى: ع الله،، يلا خاطرش

ساره: مع السلامه.

ساره غلقت وهي مفحوووره

صلاح: قلنا لش بس يامره ، ماعد يشتوش الولد لاترفسيش مالش؟

ساره: انا ماعدناش في البنت ورفضها ، الف وحده تتمنى ابني، انا في تيه الطيبه وفعلت هكذا ، خلف سما لسانها شبر ونص

صلاح: لاحول ولاقوة الا بالله ، بدل ماتحطمي عليهن، اتصلي احطمي فوق جهالش ابسرري مابيفعلوا، ابنش ياهانم لاذلحين لاجاء يعتذر ولاشي عاد الحنق له ،، خرج وصررررع الباب بقوووه.

ساره غمضت عينها بقووه نكززت من صرعه الباب:
والله انني ودفت بهن، مادخلت بيننا المشاكل الا من تحت راسهن، اين جاء الزفت ذيه.
مسكت التلفون..

رشاد: ايووه، حياا بكم.

ساره: لاتتصلوا ولا مابلا احنا نلاحق بعدكم

رشاد: قد انتوا داريين بنلتهي

ساره: اسسمعني ماشقلك انت راضي للي وقع لاخوك ؟

رشاد: ماوقع الطرد قصدكم ؟

ساره: ماشي الفسخ والمشاكل من تحت راسهم.
.
.

بيت ياسر..
رويدا قامت ، لبست وجهزت لها اداتها ، ومراعيه لياسر يصتبح يشلها.

هدى: هيا بنتي صبوح.

رويدا: مابش نفس

هدى: ماتشتي افعلش؟

رويدا: ولاشي ، شاخلي ياسر يشتري لي سندوتش من الطريق.

هدى انكسفت وسكتت ، قامت تجاوب التلفون

ياسر شاف لها: قلتي مابش نفس !! كيف تشتي من خارج ؟!

رويدا ببرود بترد: قصدي لو جوعت.

ياسر اقتلببب: شبعت ، رفعي الصبوح

رويدا شهقت: يو بتبسرني قدني بالبالطو ؟

ياسر بعصبيه: ارفعي الصحن

رويدا انصدمت قامت حنقت للغرفه.
.
.

سكن الشباب..ع خرجته وقف في الحوش يجاوب التلفون ورشاد كان وراه يشتي يكمل يتكلم يسلم عليه.

محمد ماحس برشاد: الو..

عمار: ها يا ابني عتسير اليوم عند عمك ؟

محمد: ايوه امس اتصل وعزمني ، بس خازي لامعي شنطه خطبه ولاشي.

عمار: ماعليك شي شاجهز شنطه منه كله ، وارسلها مع اقرب واحد وانت شل لهم الدبله والمحبس واي شي في يدك.

محمد: حاضر يلا ف امان الله وغلق التلفون ، التفت وفي وشه

رشاد ماسمع كل شي: هذا نويت ياولد تخطب سمعت دبله ومحبس و.

محمد: ايوه كان ماهو جيزي من جيزكم.

رشاد حك راسه بعد اتصال امه ، حاول يغير الموضوع، ودخلو بموضوع الدراسه.
.
.

بيت يحيى.. في المطبخ..
سلا بتطبخ

سما: انا شافعل الفحسه.

سلا: انتي قطعي لي وغسولي عسب محمد لو حلفني اقل انا اللي طبخت.

سما: احسن، ريحتيني، قلي لي كيف ذلحين عتتغدوا سوا قبالنا احراااج عتكونوا ساع التلفزيون قبالنا.

سلا ضحككت: اسكتي بس على هم بين اهم قووي
خزا قبال بابا ، احس انهم عيدروا ان احنا بنحب بعض.
.
.

محمد قبل مايسير بيت يحيى ،راح لكاترين وجاك وكلمهم ، وسألها عن محلات مجوهرات.

رشاد مطنن بيفكر كلام امه لما اتصلت له جالس فوق السياره من خارج ، بيحرك ارجله ، ويتفرج للارض.

عبدالعزيز خرج لابس معطر ، بيصلح شعره بيده، شاف رشاد: هلاا اصبحتو

رشاد لف بعينه بسر له، ورجع يبسر الارض.

عبدالعزيز: ماالك؟!

رشاد: مالي ! قام وقف قبال عبدالعزيز، ياعزيزي كنا عنتزوج نفتح بيت، نستقر مع بنات ناس، لكن بسببك يامحتررم ، خربت علينا كل شي.

عبدالعزيز: وانت مادخلك مني ، سدوا

رشاد: امك تشتي افسسخ ، عسب خاطرعيونك انت وياها ، انهم كسفونا نكسفهم بسما، والبنت مالها دخل حرام

عبدالعزيز بيضحك، وبيراسل التلفون: مش وقتك امانه اشتي اخطى.

رشاد عصب مسكه من الفنيليه: انت اي حين عيوقع عندك ذرة احساس ، ساع البهيمه عايش تاكل تشرب وتصيع ، انا مالي دخل بافعالك

عبدالعزيز عصصب بيطبطب ع خده: اوووهوو صورتك تبت من صدق، رعى الله ايام زمان ، عتقنعني ان بعد طلاقك لها مارجعتوش اصدقاء ولا بتتواصلوا !! يا اخي بطل اللوك انا ع الاقل واضح قبال الكل اما انت تفعل فعايلك سكته ولاحد دري الا انا ، ولاقد كلمت ابي بحرف ، خلاص اهجع لك سكته ورحلك مني،

رشاد: هي كانت زواجه مصلحه، طلبتني اتزوجها امد تحصل ع الجنسيه وبعد فتره طلقتها.

عبدالعزيز : والولد ؟؟! للآن مش راضي تحاكي ابي. جالس تسكتهم بهدايا

رشاد بضبببح عصب: اووف ، طلع السياره وخطي،
.
.

بعد ساعات ، محمد وصل في يده ورد وشكلاته هديه والدبله والمحبس..

اخذذذ نفسسس وجلس يهدئ نفسه قبال الباب ، خايف يحيى يسأله ليش اخترتها ومسرع خطبت… قطع تفكيرره..

خالد فتح البااب ، وخرج وهو بيصيح هو وسما.

سما رزعته بالميداليه

خالد انحررج ، وابسر محمد بيسلم.

سلا كانت في الصاله بترتب وسايد الكنب، سمعت
صوت محمد، تشتي تهرب بسرعه من قبال الباب.

خالد فتح الباب ويعزم محمد يدخل.

سلا لمحها محمد، بس هربت بسرعه.

سما دخلت لاعند يحيى: ابسروا هذا المعاند كيف بيفعل مابيسمعش واحد ، لارضي ينفع ولابيسمع ايش بنحاكيه ودق الباب ويفتح بغير مايقل لنا طريق، مابلا اشحطوه.

خالد دخل: شحطوا عينش ، تحاكي سوا، تبسري فتحت الباب تنقلعي المكان مابيلوي بش قبال الباب.

يحيى: قلدكم الله ، بتتحانبوا والولد مراعي، سير اخرج عنده، خرجت نفسك.

في غرفتهن ،،

سلا بتدور ماتلبس.

يحيى رجع لاعند سما: قربين لنا الرجال وحدنا.

سما دخلت بتغني لسلا وتحانكها.

سلا: مالش ياهبلا ؟

سما: عااادهي عتدور ثياب وطرحه نفس اللون ويجلسوا يتباسروا ويتشروغوا فوق الاكل.

سلا: بس خباله ،يلا من هنا

سما مسكت خصرها ، وبغنج وسحبه كلام: بابا قالوا نقرب لهم وحدهم

سما: وليش سيري انتي ، مسكت خصرها ، وبغنج وسحبه كلام: بابا قالووا نقرب للرجااال وحدهم ، سمعتوا ياخواوه.

سلا: كذابه، وقامت رزعت سما، بالفاين.
.
.

ياسر:فوق السياره، اليوم اخر يوم لحفلتك وحركه الرفاع حق الصبوح عديتهااا ، لعلمك، كنتي تقدرري تسافري شهر عسل ولو اختك راحت ماليزيا كنت باخذك امريكا ، والشغالات بجيب عشرر مش وحده بس استمرري في اسلوب الذوق حقك والله مابتشوفي شي

رويدا: هااا ، ع نكد ، بتحانك ياسعم ؟

ياسر: مش حناك وعناد ، بس والله لو بتتعاملي بذوق شويه بتكسبينا.

رويدا تافففت بضبببح ولفتت للطاقه.

ياسر ضاابح وصل وقف قدام البيت، وخرج من جيبه مبلغ وناولها.

رويدا: حق ايش هذا ؟

ياسر: حق الكوافير طبعا.

رويدا: مااشتيش منك شي ، بخلي اهلي يدوا لي.

ياسر: وانتي من الآن مرة يااااسر، كان زمان بنت اهلك، امسكي الفلوس والا اطلعي السيارة

رويدا شلتها، وبدون نفس: شكرا.

ياسر: ع ايش؟ هذا من حقك، وياريت زي ماعينك ع الناس تخلي اليوم عينك ع طباعهم وتروحي لي بطبع زي الناس ، لنا شهر تقريبا وللآن ماتكلمنا يوم سوا.

رويدا: ان شاءالله، غلقت باب السياره، وبترن الجرس
دخلت وغلقت الباب.

ياسر مشي وعادو بدايه الشارع ، اتصلت له يرجع لها.

رويدا طلعت فوق السيارة: تاخرت وسارت اختي عليا شلني انت.

ياسر بضبح: طيب ، واعملي حسابك الاسبوع الواجي بانروح تعز.

رويدا سكتت شويه: ان شاءالله.
.
.

في مصر..
احمد ورشا، خرجوا يشتروا هدايا لاهلهم قبل مايرجعوا

رشا: هذه البدله حاليه لابن حنان مارأيك؟

احمد للبائع: هات ثنتين

رشا: طيب اغير الموديل؟

احمد: مع نفسهن

رشا: ليش ؟

احمد: لابننا.

رشا ضحكت: شلوك ياخرفه مالك اين ابننا.

احمد قحص اسنانه: اصصصصه قلنا ضحكه دلااا،

رشا: والله مااقدرش انت بتضحكني ماافعل

احمد: ابننا لوما يجي، تقع له بدله من هنا ذكريات.

رشا جالسه تضحك عليه: يعني والدراسه مصمم ؟

احمد: تكلمنا من اول ، بس الآن غيرت رأيي عتدرسي وتدي لي ولد.
.
.

في امريكا..
محمد دخل وطرح الهدايا.

يحيى: هيا ماكلفت ع نفسك انت جاي تقرا، خلي القلافد لابعدا.

محمد: مابش شي ، الشنطه عتوصل ان شاءالله ، وهذا الدبل والمحبس.

يحيى بيتأمل وش محمد وتعابيره فارح، طيب اهم شي قد اتفقنا وبعدا كله من وقته.

محمد مبتسسسم ممشخر: ان شاءالله، ربي يقدم مافيه الخير.

يحيى بمزحه كان جالس جنب محمد ضرب ع رجله: سبحااان الله النصيب ،نفس الولايه ، ونفس التخصص ونفس الجامعه

محمد احررج وخاف انه شك فيهم، بتوتر رد: ايوه نصيب.

يحيى ضحك: كان الله يوفقكم ويتمها لكم على خير.
.
.

في الشكمه..
رويدا وصلت الكوافير..سلمت ع اختها..

اختها حضنتها: كيف انتي فقدت لش ، كيف انتي مرتاحه.

رويدا بكيت: ماشي والله انهم بيعصدوني عصيد وانتي كيف انتي مرتاحه؟

اختها: الحمدلله ، يجنن، لوتبسري ، رحنا ماليزيا ، ورجعنا تركيا فعلنا اسبوع.

رويدا: وانا قلك عيشلني تعز.

اختها: سهل اهم شي هو سوا.

رويدا: وهو ماقد بسرت منه الا معانده وحنوقه ويتأمر هو وامه

اختها: يو مسرع، خليه يدي لش شغاله ، انا من اولها عودته اطبخ بس لو خورت.

رويدا جلست تسمع وتتعبى اكثر واكثرر.
.
.

اول مارجعين البنات للسكن.

سلا دخلت حمله حمله هي وسما لاعند جوري. صاحين: مفاااجأه.

جوري نكززت: شوبكن بنات ؟ شو في !!

سلا: غمضي عينش اووول.

جوري: خيررر شو صاير.

سما: اول غمضي.

جوري: هاا ، يلا وقفتوا قلبي.

سلا طرحت يدها قبال وش جوري: يلا فتحي

جوري: فتحت عينها، بهررت شوو هاد !!

سلا: امس خطبني حمووودي.

جوري فررحت: كزااابه، جد عم تحكي؟؟!!

سلا خلست الدبله توريها اسمه والتاريخ.

جوري حضنتها بقووه: فرحتلك من قلبي وحياه الله.

سلا: عقبالش ياارب، اخيرا مش مصدددقه.

سما: اخيرا صددق، تعبتينا طول عمري بين اخطط لكم اي حين تتزوجوا افتهن.

ضحكين كلهن…

سلا: خاطررركن ، وااااخيرا اجابرره براحتي.

ضحكين

جوري: لاتنسي تسلميلنا عليه.

سما: ماشي انا لاتسلمي قلي له ولاعد ابسر صورته.

سلا ضحكت ومشيت للغرفه حقهن.

جوري: قلي لي شو عملتوا حفله فرجيني ع الصور شو عملت لما لبسها ؟

سما: تصددقي غااثيه عليهم، مافعلوش حفله ولاخطبه ساع حق اليمن مش هو بحق المرااعاه

جوري: ولايهمك ، رح نعملهون احلى حفله ، خلي علي الموضوع ، بحكي مع البنات ونحدد يوم وانتي قلي لها معنا عرس من شان تضبط حالها.

سما: بس كيف ؟ هو خطيب مابش عندنا بشعرها.

جوري: لا مو شرط هيك، بتلبس فستان حلو.
والا عندي فكره قلي لها بنات بس، انتي اعملي لها ميك اب خفيف وحركات وبعدين رح نلبسها حجاب، قبل مايفوت.

سما: لاا ، خلي عادي مفاجأه ونعمله في الجامعه وخلاص.

جوري: اوكي، بس حرام بدنا يتصوروا

سما: عادي ونصورهم ويقطعوا الكيك ويلبسوا بعض

جوري: اوكي رح اتفق مع البنات.

جوري راحت لاعند البنات، تكلمهن وتعرض عليهن الفكره ويفعلين مفاجأه، وافقين وفرقين مبلغ ، للترت والهدايا والتجهيزات..

واحده من البنات: بس عندي فكره احلى ، نقول في اجتماع للطلاب الخارجيين بصاله الحفل في الصاله تبع مطعم… اللي بنحتفل فيها كل مره.

جوري: اوكي ، رح اسأل عن التكاليف، واتواصل معكن

نرمين: اوكي ، بسيطه كلنا بنتساعد.

جوري راحت تكلم سما.

سما: قالت الصاله وكل شي عليها، ولايهمين شي

جوري: خلاص اوكي رح اخبر البنات.

بعد تجهيزات وحجز ثلاث ايام…
جوري قالت لسلا ، خطوبه صاحبتهن عراقيه وانهن بنات بس ، تلبس وتضبط حالها.

واتصلت لمحمد: تقل له ان في حفل زواج لطالب سوري وقالها تعزم الكل

عند البنات
سما: قلي لمحمد يلبس بدله، من التبداع لايسير بجنز.

سلا: ايوه ، قد قال لي مايلبس من كرفته نطقم سوا.

سما فرحت: شلوش انتي وياه ، ياسعم عتتلاقوا

سلا: بالقلب بنتلاقى ولو بعاد عن بعض.

سما: فديت الخجمه، هيا البسي، الفستان يجنن.

سلا: بس ماشفتح شعري ولو احنا بنات اخاف يصورين

سما: وانا والكل.

وقت الحفله ..
سلا لبست فستان تفاحي يجنن طويل وانيق وجاكت قصير مكمم بنفس اللون ، وحجاب ذهبي بتفاحي.
وقعت قمررر وكأنها عروسه محجبه.

محمد لبس بدله ، وكرفته بنفس لون فستان سلا، ورتب شعره ولبس الساعه والدبله وتعطر وخرج.

سما واقفه هي وسلا خارج الصاله..

جوري: دخلتهن ومنتظرات خارج الصاله الداخليه.
وخرجت لمحمد دخلته من بوابه الخروج الخلفيه.. اتصلين ببعض.. وسما مشيت مع سلا للبوابه..

وجوري مشيت مع محمد للبوابه تلاقوا واتصلت للبنات يشغلين اغنيه

محمد وسلا تلاقوا عند الباب وفتحته جوري
انصدموووا بيشوفو التجهيزات وبالونات وورد والبنات حجرين لهم..

محمد بيتفرج لسلا محرررج وفااارح.

سلا محمررره وتتفرج له وللبنات

دخلوا وجلسوا في كوشه بسيطه اثنين كراسي وقبالهم ماسه وورد ..

سما ادت بدلتها حق الخطوبه وطرحتها واثنين قلصات مكتوب فوقهن بشرايط S&M.

البنات صااحين وصفقين اول مادخلوا،،

محمد محرررج ويشتي يخررج.

سما بصوت واطي: بس خباله

محمد: سلا كنتي معاهن بالمفاجاه

سلا كانت خااازيه: لاا والله

بعد مالبسوا بعض الدبل وقطعوا الكيك وتصوروا..

نرمين اتصلت بعزوز..ماتعرف انه بنات بس مش مختلط.

محمد بعد ما تم يتصور واستأذن ويشتي يخرج..

عزوز وصل عند الباب.. واتصل لنرمين انه خارج ،، شاف محمد ، قلب وشه بعد اخر مشكله بينهم ويشتي يدخل.

محمد مسكه من يده: الى اين ؟؟ هناا حفله بنات بس.

عزوز بنخفره دهف يده: مالك دخل انت.

محمد مسكه من رقبته بالشميزز: قدي منك للنخر ، بين اقلك بنات ، ماجابك هنا من السرسره

عبدالعزيز هزر يده ودهفها: لثاني مره اقلك مالك دخل ، ودخل

محمد هزره بقووه ودهفه لاخارج

عبدالعزيز انصددم قام وبدأ يتضارب مع محمد.

محمد اداله كف وزززبطططه

نرمين: شباااب، شووو في ؟؟ اهدأوا

عبدالعزيز يشتي يستقضي.

نرمين وقفت قباله ، ومسكته: خلاااص شباب والله عيب انتوا اخوان وببلاد غربه.

محمد: ولانه من نفس البلاد، لازم يتربى لايفضحنا.

عبدالعزيز قدو من محمد للنخر بيصيح ويلاعن

نرمين: ممكن افهم شو صار شو بكن؟

محمد: الاخ عامل نفسه ، بنوته وجاي يحضر حفل بنات

نرمين: اناا اتصلت فيه عزمته لانو خطوبه يمنيين ، كان بدي يحضر

محمد: قلت لك انك مكلف تجي بعزايم مكالف.

عبد العزيز: احترم نفسك ، يا مكلف والا حلال عليك انت تدخل واحنا لا

محمد: برغم انها خطوبتي ياحبيب البي ، بس خرجت من عند المكالف وانت مامعك؟

عبدالعزيز لفت لنرمين: عازماني خطوبه الحيوان هذا

محمد تهجم عليه: والله ماحيوان الا انت وتضاااربوا

خرج البودي قارد فرع بينهم وهددهم بيتصل للشرطه

محمد: قلهم يمنعوا دخوله، وقف نفض بدلته وصلح الكرفته.
ومراعي في الباب

عبدالعزيز: جايه خطوبه الغبي هذا ، وعادش تعزميني

نرمين: هي خطوبه صحبتي يمنيه سلا انت بتعرفها ياللي تلاقينا بحفل الطلاب ، وهو خطبها.

عبدالعزيز انصدم وشاف محمد باستحقار: خطبتها؟!

محمد ضحك بمسخره: ايوووه هي حقي خطيبتي وحبيبتي من قبل ماتعرفك وغصبا عنك رجمتك مثل الكلب

نرمين مسكت راسها: ياااعمي ، شو عم ب
يصيررر انتا ويااه؟!

عبد العزيز خاف تعرف: هزرها ومشيوا بعيد من الصاله

محمد جلس مراعي لسلا في البوابه ساعه ومادراهاش لاتخرب فرحتها.

نرمين: ماقدرت افهم حكيكون؟ انت بتعرفها شي !

عبدالعزيز: خلااص غلقي الموضوع بليززز ، بفهمك كل شي بعدين.

نرمين فلتته ومشيت طلعت تكس.

عبدالعزيز روح لاعند رشااد معصصصصب

بعد الحفله ،،
محمد اتصل لسلا: يله شاروحكن انا.

سلا: عنروح مع البنات.

محمد: لا ، اخرجي يلاه الان شاحاكيش.

سلا خرجت هي وسما والبنات..

محمد كان واقف ، مراعي لهن

سلا: انت واقف من اول هنا ؟

محمد: ايوه هيا نمشي.

سلا: مالك ، ضابح ؟!.

محمد ابتسم: ولاشي ياروحي يله اشلكن السكن وارجع احاكيش.

سلا راحت لاعند البنات ،مسكت سما واستاذنتهن.
ومشين.

سما: ليش نخطى مع البنات مالش؟

سلا: مدري قال نخطى وبعدا عيفهمني ، يمكن الشارع مش امن.

سما: يلا مشين معه.

جوري: اوكي، سلا ومحمد ماقلنا شي بس انتي شو خصك فيهم

سما غمزت لها: محرم، وبيدها اشرت لها باي

البنات: الحفله كانت حلوه بس ما قطعوا الكيك ، مع بعض، ولا مسك ايدها ، لبسها المحبس من الهوا.

جوري: احنا في عنا هيك كمان ، وهم مجتمع محافظ.

فوق السياره
محمد قدام جنب سواق التكس: بصراحه ، كان اليوووم روعه ماتوقعت هذه المفاجأة

سلاجنب سما ورا: وانا مثلك هذي حبيبه قلبي سما وجوري.

محمد: اول مره تفعلي حاجه ساع الناس.

سما: ذلحين اشتي ادرى ، ليش روحتنا معك ؟!.

محمد: الزفت هذا عزمته واحده من البنات وكان عيدخل وتهازرنا شويه.

سلا شافت لسما باستغرااب: من ؟؟؟

محمد: المكلف اللي جاء بعزومه صاحبته عبدالعزيز.

سما بصدمه: قلدددك الله ؟ جااء ويشتي يدخل.

محمد: والله لوما المشاكل ومااشتيش من اولها ، اني رفست ابوه ، هزورته وفعلت له رفسس ، بس والله مايفلت ان عاد قلبي ملان ، شاتذربه تذراب.

سلا: محمددد، تضاربتوا؟

محمد: مابلا سفااط، ماقد ابسر الضرب ، وع فكره مفجووع من حبيبته الظاهر كان مخفي عليها انه خاطب.

سما ضحككت: كان انت تذربه من صليك وانا شادعمك من صليا.

سلا ساكته كانت خايفه و زاعله ع محمد.

محمد: سلااا مالش ساكته؟؟
قد قابلتيه من قبل ؟

سلا بصدمه: انااا ؟! هو قال ؟

محمد: لااا ، بس نرمين بتعرفه بش انش صاحبتها اللي تقابلتوا مدري اين.

سلا: هاا يوم ماقلت لك في المول..
.
.

عبدالعزيز دخل زبط الباب وصرعه.

رشاد: مااالك ؟؟!

عبدالعزيز: الحيوان هذا ، ماكرها وقعت له فسخت ماقد تميت شهر وقد خطبها !! لاا وعادو قلك حقه وحبيبته ووو.

رشاد: من هو ومن هي !! مالك اهدأ تحاكا سواا

عبدالعزيز: قد قلت جلستهم وكركره فوق القطار الا وبينهم شي !!. وانا مغفلل بس والله ماذلحين لاوووريه.

رشاد: اي قطار مالك بتحطم ساع امي حنجا تحاكا سواا .

عبدالعزيز: المحترمه اخت خطيبتك المحترمه، طلع البطل حقها محمد واحنا راقدين

رشاد: خطب سلا ؟!!!!

عبدالعزيز: بضحكه استهتارر، ايوه مش اناا اسف بهم بس لو دريت اني حرقت دمهم من اول ومافلتها له بسهوله.

رشاد: هي خطبه دبله ورجمتها لك ساع مافعلت.

عبدالعزيز عصصصب وخرررج
.
.

بعد مارجعت من الشكمه..

رويدا: ابسرت امك ، ولاجت الشكمه ولاحد من اهلك بدي، الكل بيسألوا عليهم ، وانا اتعذر تاعبين.

ياسر: لما سألتها ، قالت ماعزمتيهاش وكان مفروض امش تتصلها.

رويدا: هي امك، مش طايقاني ، لو تبسر عمه اختي كيف بتعامل..

ياسر قاطعها: بعصبيه اولا اسمها عمتك، ثانيا اقلش الف مره مالي دخل باختك ، هولك ناس واحنا ناس لاتجلسي تقارني بحد.

رويدا: بضبح الا اقارررن ليش ناقصه لي يد والا رجل

ياسر: اللهم طوووولك ياااروح، غلقي الهدرره احسن لك، مااشتيش ازعلك

رويدا: هيا ابسرر هاا ، مش طايق تسمعني ، انا الصددق اشتي بيت لحالي

ياسر: هااا كان هذه الحركات كلها ، عشان تخرجي بيت ؟؟

رويدا: هذا احسن شي من المشاكل ومن حقي ساع النسوان كلهن.

ياسر: واناا وحيد امي وابي ماتزوجتوش عشان اخرج لحالي ، وخليها في اذنك اهلي تحترميهم مثل اهلك ، وامي تعامليها مثل ماتعاملي امك، ولو اعرف ان امي مش تمام معك انا كنت بخرجك لحالك ، بس اللي بيقهرني انها بتداريك مداراه.

رويدا: يوووووف استغفرالله بس

ياسرر تنهد بضيق وداخل نفسه الله يهديك يمه بس انتي السبب
.
.

في المطار..
احمد ورشا وصلوا مفاجأه ماقالوش لحد انهم جايين، كان عارفين قبل بيوم انهم بيجتمعوا بيت سيدهم.. اول مادخلوا،، الكل استغرب ، وفرحوا ..
حجرين النسوان لهم .. وجلسوا يتجابروا وو

رشا جالسه جنب البنات وامها

احمد ياشر لها تجي جنبه

رشا بتتدلع عليه، وتهز اكتافها ماعه

حنان: رعى الله ايام ما تلفوني كان يتعبى رصيددد

احمد ورشا ضحكووا

رشا بقصتها: اصه

حنان: للمه اصه، اقلهم والاعتعبي كرت

ايناس واروى بيضحكين فهمين قصدها

اول ماوصل ياسر البيت..
ياسر: اسمعي ، قبل ماتنزلي بقلك كلمه تطرحيها في راسك والله لو اشوف تصرف مايعجبني او قله ذوق ، لاقلب الوش الثااني !!

رويدا: بدون تهديد ، ماقد شفنا الا الوش الثاني ، نشتي نبسر الاول مابلا

ياسر: حاااضر نزل وصررع باب السياره ودخل.

رويدا لحقته ، وفيها بكاء ماسكه نفسها.

ياسر دخل: مساء الخير، وحب راسها.

هدى: حيا مساءالنور ، اين مرتك؟

ياسر: شافها دخلت، هذه ها ،

رويدا: مساء الخير.

هدى: مساءالنور، ماااشاءالله وقعتي قمريه.

رويدا بتتفرج لياسر، تسلمي: ليش ماجيتي ياعمه والله ان امي زعلت

رويدا: محد كلمني ولا اتصلي ، وانتي خرجتي الصبح ولا حتى نبيتي عليا اني لا اتاخر.

رويدا: انا ركنت قد انتي عارفه عتجي من نفسش.

هدى: مع ، اتصلي اسألي امش قلي لها هم يتصلوا يعزموا وانتي تعزمي مايسبرش من نفسي اجي هكذك ع خبر ان بيتكم مشكمينش.

ياسر فلتهن يسدين ودخل غرفته يغير ثيابه.

رويدا: يلله شاقوم ابسر ياسر وارجع.

هدى: تمام ، وقامت تجهز العشاء

ياسر على خرجته ، وهي دخلت.

رويدا دخلت الغرفه ، وحانقه من ياسر ، غيرت ملابسها وخرجت.

هدى: ليش يابنتي ، كنتي تتصوري مع زوجش وانتي بالعصبه.

رويدا: تعبت ، ثقيله وجعت راسي .
.
.

في السكن.
رشاد ضااابح ومتوتر ، وخايف سما تعرف.
وزاعل على اخوه ومشاكله مع ابوه ، اتصل له.

عبدالعزيز كان ضابح وخرج يلوي ، اتصل لنرمين.

نرمين خرجت ولقيت جوري في الحوش، جابرتها وراحت.
.
.

في الغرفه..
سلا وصلت اتصلت لسلوى: ماما اشتي اقلكم شي بس امانه فهموا بابا.

سلوى: خيررر مابه ؟!

سلا: ولاشي ، بس اللي شاقلكم والله مش انا داريه والا كنت شاستأذن منكم.

سلوى: ناهي اتحاكي اول ادرى!

سلا: خبيراتي اللي هنا فعلين لي مفاجأة وانتوا داريين هن مش يمنيات مايعرفينش ان عندنا عيب.

سلوى: ماهي المفاجأه.

سلا بتبهر لسما وتلطم وشها دلا: فعلين لنا حفله وادين ترته واتصلين لمحمد وجاء وهو مش داري ، لان لو كان داري ماعيرضاش.

سلوى: ياسلااام ، هذا الركن اللي ركنا عليكن وسايره تحتفلي هانك.؟

سلا بهررت لسما وفتحت السبيكر تسمع.

سلوى: وابوش لوو يدرى ماعيفعل

سلا: ولاعيفعل شي حاكوه انتوا احسن قوا، والله انو دخل شويه وخرج امد ماتصورنا.

سما قرربت: هيا ماما وانتوا مالكم ياسعم عياكلها هو الا لبسها الدبله وقطعوا الكيك

سلوى فارررحه لها بس مهنجمه: ولو مايسبرش الصددق مالي دخل سدين معه.

سما: هيا تمام شاسد معه ، كلفتونا كلفته لابسرنا خطبه ساع الناس ولا خطبه غربه ساع المداكيم بنفرح ارواحنا.

سلوى كرررركررت ماقدرت تواصل الهنجمه.

دخل يحيى…
يحيى ابتسم: خير من بتحاكي.

سلوى: من غيرها سما، يلا غلقين شاحاكي ابوش.

سما: يلا تمام.

سلوى غلقت.

محمد رسل لسلا: فاضيه ؟ اتصل لش؟

سلا: راعي بس ابسر رد فعل بابا وارجع انبيك

محمد اتصل لها: يااي رد فعل من؟ على ماهو ؟

سلا: على الحفله

محمد: الله يهديكن بس ، كانت حاليه، بس ماحبيت الموقف، احراج اخاف عمي يتضايقوا

سلا بتحانك سما: ع الله، اذا صيحوا نرد اللوم ع سما تتحمل هي

سما: واذا ماصيحوش ، صورتي شاردش لعزوز مالكم الا هو
.
.

بيت يحيى..
يحيى مبتسم: خيرر ليش ضحكتي ؟

سلوى: لانها حرقت دمي المسكينه تيك بتفتجع وتداري واحد ، وهذه بلقانتها ولسانها بتخلينا نجوز لها

يحيى: مالها من مه بتفتجع؟

سلوى: اتصلت سلا تحاكينا انه اليوم صاحباتها احرجنها بمفاجأه فعلين….كملت الكلام.

يحيى: و محمد حضر ؟!!

سلوى: اسمع القصه، طلع ان البنات حجزين كل شي وفعلين لهم مفاجأه يعني لادريين ولاشي حتى محمد قالين له انو حفل.

يحيى رجع لراسه لورا: هااا وهز راسه تمام ، قد قلت ، ماعيفعلين من راسهن هكذا ، طيب وليش كنتي بتضحكي بدل ماتهنجمي لهن ؟

سلوى: قلبت وهنجمت ، بس اللسان قالت …..الخ

يحيى: والله انو صدق ، ماحسيت اني خطبت لهن مش ساع اليمن ، طيب ولما دخل ليش؟

سلوى: قالت ماغير تصوروا وو..

يحيى: شاتصلها.

سلا: يووو سمااا جي جاوبي ابي قوااا

سما: ماااعه ، تفلسفي سوا انتي وقرمدش.

سلا حملت لاجنب سما وفتحت الخط.

سما بتهز اكتافها ماعه

يحيى: الوو ،، الو سمع سلا بتقل لسما قوا.،، الوو

سما: الوو ها بابا

يحيى ضحك ومش مبين: ادي سلا.

سما قحصت ع فمها وبسرت لسلا: ها جاوبي.

سلا قد عتبكي وخايفه: ها بابا..

يحيى: ساعه تجاوووبين ؟

سلا: الصدق ، ابسروا لاتصيحوش انا والله مافعلت شي، وبعدا ماكنت داريه ولاكنت شاستأذن.

يحيى: طبعاا ، لو كان برضايا مش موافق، بس انحطيتوا بموقف محرج ، عديتها لاني واثق فيش وفي محمد، بس مش معناه اني متساهل ووو خليها في اذنش انتي الان مسؤوله على كل تصرف.

سلا تنهدت برااحه: اكيد يابابا الله يحفظكم لنا

عبدالعزيز جالس ضااابح ، وبيشكي لنرمين.

نرمين: يعني شو؟ بيك هيك بدوا اهم شي تتجوز حيا الله بنت اهم شي تكون يمنيه ولو مابتعرفها؟

عبدالعزيز: هذا اللي حصل اتمنى تفهميني مش كلكم عليا يكفي اخي اللي بعد ماغلط ومواصل في الغلط وتزوج وخلف والان بيلومني ع طلعاتي معش.

نرمين: وخيك شو قصته؟

عبدالعزيز حكى لها: اتمنى تسامحيني اني خبيت عليش موضوع خطوبه بس تعرفي من حبي لش ماهميتها لما كانت تشوفنا مع بعض.

نرمين: اوكي لكن حط ببالك انا كمان معي لك حكي ، برجع شي نهار بحكيك فيه ، وهلأ بدي روح تاخرت كتير، باي

عبدالعزيز: اوكي ، باي.

نرمين رجعت واول ماوصلت لقيت جوري صاحيه دخلت تشكي لها على عزوز..

جوري: بس هو غلطان كدب عليكي وعليها شو بك نرمين كتير غلطان مو شوي

نرمين: بس هو ياحرام عن جد الكل واقف بوشو خيو عامل…..حكت لها..

جوري انصدددددددمت واقتهرت ع سماااا

نرمين: شو بكي ؟

جوري: ولاشي كملي بس، بتعرفي انو سما كمان مخطوبه لخي عزوز.

نرمين: ياالله شو هاد بتعرف شي انو عندو ولد ومتزوج؟

جوري مصدووومه ، مش عارفه تحكي لسما او لا.

سما خرجت لاعند جوري تدور سكر

تلاقين في الممر.

سما: معش سكر اشتي شوويه لابكره وبشتري.

جوري: بتتفرج لها وحسها عند كلام نرمين.

سما: يو والجلاااده.

جوري ابتسمت: عقدت حواجبها، شو مافهمت.؟

سما: يعني بخيله جدا، بتفكري ساعه تدي لي او لا.

جوري: لا ، بس بالي مشغول شوي.

سما: خير ياروحي، مالش ايش في؟

جوري : والله…..
.
.

في الغرفه
سلا: ماصيحوش تصددق؟

محمد: انا عارف ماعيصيحوش بس مااشتيش يبدأوا يتخوفوا من وجودنا مع بعض في نفس المكان

سلا: انت ماتعرفش بابا، واثقين فينا، حتى موافقتهم بهذي السرعه قد يكونوا شكوا ان به شي بيننا.

محمد: وعشان ثقتهم هذه ، لازم نقدرهم.

سلا ضحكت: ناهي من الدحس خلاص ماعد عيفعلوا لنا حفله خطوبه، عتوقع حفله عقد

محمد: لااا ، انا عندي شرط نتم نقرا ونرجع صنعاء ، مااشتيش نغترب

سلا: ياااااريت ، والله ان احنا حانبين عسب بابا محد يشتي يجلس.

محمد: مافقدتيش لمكانش وتجي تنافعي لبيتنا، ذكرررت ماقلت لش جلست انقل مع ياسر ابن خالتش وشفت الجبس حقش ضحكت لوماشبعت.

سلا: يووووو ، صدددق ، انت عارف ياشوعه اني خبيته امد ترجع تبسره

محمد: اي حين ابسره ؟

سلا ارتبشت: امم قصدي لما نكبر.

محمد: قصدش لما نتزووج صح الله يوصلنا يارب.

سلا: يو كيف انت، تفهم غيرر، خاطرك اسير ارقد ناسي ان بكره معنا محاضره؟
.
.

سكن الشباب
رشاد جالس يفكرر ويفكرر..قام راح لغرفه محمد كانت في مبنى ثاني لكن بنفس الحوش حق السكن

محمد كان ماسك التلفون بيجابر فتح وهو بيضحك، شاف رشاد بصم وقال( يلا نتحاكى بعدا )

رشاد: العفو ازعجتك ،تم مكالمتك

محمد: لاا ، تفضل حياك

رشاد: دخل وجالس بيتفرج غرفه محمد، كان معلق حرفه هو وسلا وصورتهم وهم صغار، رجع شاف لمحمد

محمد: ماانتبه لوما دخله غرفته انه عيبسر

سلا خاايفه استغربت ليش غلق! لايكون عبدالعزيز سار له
.
.

في اليمن..
رويدا: لازم يعني نسير تعز؟

ياسر: تفرج لها بنص عين ، ايش رأيك ؟ هذولا اهلي

رويدا: بس انا مااعرفش حد

ياسر: وبنزلك عشان تعرفيهم ، وبقلك من الان بلا ما نتبهذل هناك تغيري اسلوبك وكلامك وشوفي هذه المره اهلي بدل اختك وزوجها

رويدا زعلت بتفهم كلامه انه محانكه وبيستقلها

ياسر: سمعتي كلامي ؟ ماشفت رديتي

رويدا بأففه: ايش شاقول اكيد حاضرر

ياسر ضبببح من اسلوبهااا وقام يرقد

رويدا قامت مسكت التلفون وراسلت اختها
.
.

في الغرفه..
جوري: اليوم نرمين حكت لي عن الموقف ياللي حصل مع محمد وعزيز

سما: قليل ذووق ايش قال لها ؟ تعرفي ان محمد حكى لنا وتضاربوا وهو تطاول واسلوبه قليل ذوق

جوري: خلاص شباب وبينسوا واللي حصل بيحصل كتير ماتاكلي هم ، المهم .. نرمين بتحبو لعزوز

سما: حبته صياد

جوري ضحكت: عنجد انا بدي قاموس بس تحكي ، صرت افهم كتير يمني بس كل مره بعجز افهمك

سما: المهم ، معش سكر ، ابردي لش من هولا

جوري: طيب بعطيكي سكر، كمان بدي احكيكي شي بس..

سما: هيا مالش اليوم راديو تحاكي!

جوري: كمان في شي مابعرف كيف بدي احكيكي

سما: جحفه لش صدق تحاكي

جوري: خلاص مافي شي
.
.

ثاني يوم..في الجامعه

محمد صلى , ولبس وتجهز وراح الجامعه

سلا وصلت وفااارحه اول يووم يحضرو سوا ويتذكروا ايام المدرسه

محمد وصل كانت مقفيه وقف وراها: صباح الحب

سلا قفت ابتسمت: صباح الذكريااات من اول بين اتذكرر

محمد: مابش داعي عنعيد الذكريات كلها وهذه اولها، ناولها شكلاته

سلا ضحكت هزرت الكيس من يده

نرمين مشيت من جنبهم وقالت: صباح الخير

سلا ردت

محمد طنش ، مسكها من خيط الشنطه: يلا ندخل.

في الطريق..
ياسر نزل اشترى لها صبوح ، وفاتح ابوبكرسالم ومرووق.

رويدا تذكرت كلام صاحبتها (اغنجي واتدلعي وقلي ماشتيش عسب يراشيش ويدلعش )

ياسر: ليش مااصتبحتي؟

رويدا: مااشتيش مابش نفس.

ياسر: طيب اجيب لك عصير ؟

رويدا: مااشي ولاشي

ياسر رجع دعمم وذكر لما كان يتليقن هو وسما وتخااف وتصيح من اللفات حق الجبال وطريق السفر..ابتسسسم.

رويدا منعسه.

ياسر بيسافطها فتش لها اللثمه.

رويدا: يووو مالك بتجنن ؟

ياسر: مافيها مابش حد؟؟ الطريق فاضيه وهي جبال

رويدا: ولوو ماشي.

ياسر بمزح: انا حرر اشتي تفتشي، انتي مرتي.

رويدا: لاا مش انت حر مش كل شي على ماتشتي ولو مرتك.
.
.

سما وصلت بعد سلا بساعه..

رشاد كان مراعي لها شافها نززل ولحق يكلمها.

سما عادي وقفت وردت عليه.

رشاد: كيف الحال؟ جيت اقلش كلمتين لا حق مجابره ولاشي

سما عقدت حواجبها: خير؟

رشاد: ممكن نخلي اخي واختش على جنب واحنا مالنا دخل باللي بيحصل ؟؟

سما: طيب وهذا اللي حصل ماحد قال كلمه عليا وعليك!

رشاد: سما ممكن اكلمش بشي ! اتمنى تفكري بالمووضوع لازم اكلمش بشي

سما: تكلم ؟ خير ؟

رشاد: لا ماينفعش ، فكري وقلي لي ممكن يوم اتصل لش ؟

سما: استأذن وارد لك خبر.

رشاد: لااا رجااء ، اشتي بالذات هذه المكالمه محد يعرف عنها

سما مستعجله: طيب ان شاءالله خير ومشيت.

رشاد كل مره عن مره بيتعلق بها حب اسلوبها.

جوري مشيت ، وردت السلام

رشاد: عفوا ، ممكن بس كلمه !

جوري: لا اسفه.

رشاد: مش جاي اتعرف، اشتيش في كلام مهم.

جوري: خير ان شاالله ، شو بدك ؟

رشاد: اشتيش في موضوع مهم ، انتي الان فاضيه ؟

جوري: لا عندي محاضره

رشاد: خلاص ، ان شاءالله بنتظرش لما تخرجي.

جوري: شو بتقصد؟ نتقابل ، لا لا ، اذا بدك تحكي بعطيك رقمي غيرو لا.

رشاد: اوكي اطلبي سما تعطيش الرقم ، هو معها.

جوري: اوكي ، باي … مشيت.

رشاد مشي للجامعه حقه.
.
.

في السياره _ نقيل سماره

رويدا مغطيه وشها

ياسر: ايش رأيك ننزل نتغدا باقرب مطعم ونخزن في الطريق شويه.

رويدا: حاضر ، لاني تعبت قوي

ياسر: خلاص ننزل شويه الجو روعه .

رويدا بدأت تنبسط، لانه مروق.

ياسر لقي مطعم نزل طلب عقده ورز ودجاج مندي وزحاوق وببسي.

رويدا كانت فوق السياره،، رن تلفونها

صاحبتها: هيا كيف الخطه نفعت؟؟

رويدا: قوووي ، مايخطى الا بالعين الحمراء

صاحبتها: يله المهم توصلي ازنطي وهنجمي ، ولاتحسسيهم انش فارحه بهم ، عسب يحترموش اكثر، لوماتحترميهم يرجعوا يتنيروا ويقلبوا عليش

رويدا: والله انو صدق، خاطرش هوذا قد جاء

ياسر طلع: اماانه غداء وقاات ياسلام ، الله يتمها ع خير.

رويدا: للمه ؟ ماقصدك ؟

ياسر: اقصد الله يوصلنا بالسلامه ، هيا قطفي القات ياقمر.

رويدا: يوووف خصمي القات.

ياسر: لااا ، اليوم بخزن لك

رويدا: مااعرفش.

ياسر: باعلمك هو زي الشونجم

رويدا: تمام.
.
.

في امريكا ..
سلا: باقي محاضره الان معنا بريك.

محمد: راعي لي هنا اسير ادي لنا عصير او نسكافه وارجع.

سلا: حاضر.

سما طول المحاضره مستغربه جية رشاد ومايشتي.
.
.

بيت اروى..
رشا قامت رفعت المكان ، وخرجت لاعند خالتها .

اروى: ماتشتي ؟

رشا: نفعل غداء

اروى: مع سيري عند زوجش معاكم هذا الشهر وبعدا عتضبحي عمل.

رشا بدات تورق السلطه وتغسلها.

اروى بتدعي لها، وفاررحه بها.
.
.

امريكا ..
عبدالعزيز دخل جامعه محمد وبيلوي لمح سلا قرب خطي لاعندها

محمد كان بيخطي وبيبسر القلصات في يده لايتطعفر النسكافه ويحرق ، رفع راسه يشوف سلا..
.
.

على الجبل ركنوا بقعه حاليه مظلله بشجر وتحتهم منظر.

رويدا بتقطف له القات

ياسر بدأ يخزن، وناولها عودي

رويدا: مااعرفش كيف اخزن.

ياسر ضحك: زي اللبان

رويدا: شلت العودي اكلته ومغطته ، رجعت شلت الثاني ، وبعدا الثالث.

ياسر: يااي اشوفك تاكلي كراث (بيعه) شوفي خليهن تحت ضرسك.

رويدا: طعمه حامض يع.

ياسر بيضحككك عليها: اوله حامض وبعدين يروح اشربي ببسي.

رويدا طرحتهن ورق وخزنت بهن.

ياسر فاتح اغاني ويقطف لها

بعد ساعتين
رويدا: هيا نروح ضبحت.

ياسر: يلا ، الجو برد، طلعوا السياره ومشي،
فجأه يسمع تنهاد وبكاء
.
.

امريكا ..
عبدالعزيز دخل جامعه محمد وبيلوي لمح سلا قرب خطي من عندها

محمد كان بيخطي: وبيبسر القلصات في يده لايتطعفر النسكافه ويحرق ، رفع راسه يشوف سلا.

عبدالعزيز لمح سلا شافها وخطي من جنبها.

محمد كان يمشي بسرعه والنسكافه تتطعفر لافوق يده.

سلا مابسرت عبدالعزيز ولا محمد ، بتقرا كتاب.

محمد قرب طرح النسكافه ، وخرج فاين من جيبه.

سلا: يوو حرقت ؟!

محمد: ايوه ، ماادا المكلف لاهنا

سلا بهررت: من ؟؟!

محمد: ابسرت الحيوان فار دمي ، خطي من جنبش مااداه؟؛ ماعد معه ، بيتذربني والله لاسير امسح به البلاط.

سلا: مابسرتهش، محمد اهدأ من الجنان، طنشه لاتفعل مشاكل قوا ، عتتحاسب في ملفك الدراسي على السلوك، هو قدو فاشل.

محمد: وانا بيفور دمي ، ماجابه لعندش؟

سلا: والله مابسرته، وبعدا انا مادخلني!

محمد معصب: بيتفرج له من بعيد خاور يقوم يندع له قتله.
.
.

في اليمن..بيت عمار
زهور: بتذاكر

ايناس: معش اليوم معهد؟

زهور: ايوه ، ليش؟

ايناس: استلمت الجمعيه قبل ماتقرح اسير اشتري شنطه الخطبه حق سلا.

زهور: هاا ، حاكوا رشا احسن انا مافيني الصدق.

ايناس: خزا ، عاد اختش حريوه ، ابردي شبسر هدى البس واسير لاعندها ابدي عليها

زهور: تمام.
.
.

جوري وصلت لاعند سما

سما: فلتيني وحدي ، كان نفسي وانتي معي وقفني رشاد ماقدرت اكلمه.

جوري: وانا كمان قال بدو يحكي معي.

سما: غرررريبه ايش يشتي؟ تقلي ع موقف اخوه حق خطبه سلا؟!

جوري: مابعرف ، المهم قال بدو يحكي معي واني اخذ رقمو منك

سما: اسكه امانه ابسري مايشتي، قلبي بيفحر.

جوري: اثقلي شووي ، خليه يستوي ل تحكي معو.

سما: الموضوع مش ثقل ودلع، في شي لانه قال مااحاكي احد انه عيكلمني ولا استأذن.

جوري: ولو ، طنشيه شوي ، وانا بعرف لك شو بدو قبل مايحكي معك..

سما: اوكي.

جوري سرررررحت وذكرررت كلام نرمين، داخل نفسها معقوول !!! طيب اعطيني رقم رشاد ، بس اخلص محاضرات رح احكي معو.

سما خرجت تلفونها وناولتها الرقم.

جوري سجلته وجالسه تفكر
.
.

محمد بعد مااقتلبت طبيعته جالس مطنن.

سلا كانت بتفهمه مسأله: هاا فهمت كيف

محمد: ماشي، مش وقت شاراجعها في البيت.

سلا كتبت له في دفتره تحت المسأله طز فيك ياروحي.

محمد غلق الدفاتر والكتب: قومي نلوي قبل موعد المحاضره، وجالس يسألها ويجابرها.
.
.

في اليمن” فوق السياره
ياسر التفت لها

رويدا:بتبككككي

ياسر مااقدرش يوقف السياره خط واحد وفي نقيل سماره.

رويدا: رجعني بيتنا ، اشتي امي.

ياسرمفجووع مالها: ايش حصل لك ؟!

رويدا: اشتي, امي ، ماعد اشتيش اسافر.

ياسر: انتي بتجنني او منك صدق؟

رويدا بتبككي وبقهرر وصوتها بيتقطع ماقدرت تتكلم من البكاء

ياسر: هنيت لي يمه دعيتي لي بيوم ابيض.

رويدا: انا قد قلت لك مااشتيش اسافر وانت ولااا

ياسر: خلاص اهدأي ذلحين باقي شويه ونوصل.

رويدا: مااشتيش مابلا تريوس ،الان يلااا

ياسر اخذ نفسس ومسك اعصابه: قرحتي ام التركيزز تشتي ذلحين اقفز من هنا وارتاح ؟

رويدا سكتت ولاعد نخسسس.

ياسر: استغفرالله العلي العظيم بس.
.
.

في الجامعه
عبدالعزيز راعى لنرمين تخرج..

نرمين كانت جالسه بتتجابر مع زميلها وبيضحكوا

عبدالعزيز شافها عصب وسار لاعندها

نرمين بززعل ردت عليه من نخرها: نعم !!

عبدالعزيز: طبعا جالس ادوورش ومراعي وعاد انتي تتكلمي والزعل لش!

زميلها: استأذن يشتي يمشي.

نرمين: خدني معك، شافت لعزيز،، مافي شي نحكيه مع بعض وانتا كذاب، ومشيت

ع جية محمد وسلا ،
محمد بابتسامه محانكه خطي من جنبه ، ورفع صوته: من دق باب الناس دقوه بيته، والا اقلك قدو ركض ماعدوش دقدقه.

عبدالعزيز عصب وخطي ودهف محمد بكتفه

محمد كركر بصوت: ياحانقه لابد من رجوعش مداهفه مكالف، وخطي بعد سلا
.
.

هدى: والله يا اختي انني مستغربه لها ، لابين اضايقها في عمل ولا ع شي.

ايناس: الصدق انا ماعجبتنيش من ساعتها متكلفه قوي وبتتخايل نفسها.

هدى: يله قدو النصيب.
.
.

فوق السياره..
ياسر: ذلحين مالك؟

رويدا: ضاايقه واشتي اسير بيتنا؟

ياسر: مله اقلك من ايش؟؟! تغدينا خزننا زعلتك بحاجه ؟

رويدا بككككيت.

ياسر: جلس يدندن ويغني وواصل الطريق، وقف عند بقاله نزل اشترى لها حليب وبسكوت

رويدا ضاايقه وضااابحه ولابترررد عليه بنخس

ياسر فتح لها الحليب والبسكوت.

رويدا: مااشتيش

ياسر: اني فدا راسك ، قد بنوصل انتي عروسه كيف بتدخلي لهم هكذا ؟

رويدا: وانا بين اقلك اشتي بيتنا وقررحت تبكي.

ياسر بيضحكككك عليها وبيلطم وشه: قواا عشان خاطري هذا الحليب بس اشربي.

رويدا مبهرره: مااشتيش بين اقلك بتفهم.

ياسر: ماشي والله ماافهم حرف الا لما تشربي وهنجم فوقها، يلااا اشربي من الدلع.

رويدا شربت كله بالغصب ياسر بيشربها.
.
.

امريكا في الجامعه..
سلا تشتي تغير الموضوع ل محمد: محمد

محمد: عيون محمد.

سلا ابتسمت له: تسلم عيونك، كنت اشتي احاكي رشا ابسر..

محمد قاطعها: يو ذكرتيني البنت تزوجت ونسيناها ونسيتنا.

سلا: انا مااعرفش رقم بيت زوجها ، ولو اتصل لزهور اخزا خاله يجاوبوا

محمد: راعي شاتصل لاحمد.

احمد: الو ،حيااا الله بالحساد ، قام يخطب بعدنا.

محمد ضحككك: ايوه الله ماكرها وقعت لي.

رشا: هذا محمد؟ اديه اديه هيااا بسرعه قبل مايغلق الخط.

احمد: ها جاوب اختك قرشت جلدي.

محمد: حياا بالغايبه ولاتبارك لاخوها

رشا: انت في حسي والله بس.

محمد ناول سلا التلفون

سلا: الوو

رشا استغربت ونسيت نفسها: انتوا مع بعض ؟؟

محمد: تزوجنا ماقالوا لش

رشا: بس خباله امانه صدق

محمد: هيا ها ناول سلا السماعه.

سلا: لا تصدقي له مجنون، احنا مع بعض..

محمد هزر السماعه: ابسرتي

رشا مبرقطه: جننتوني لكم جني هيا.. ؟
.
.

جوري تمت محاضراتها ، وروحت البيت.
جالسه بتفكرر تتصل او لا ؟!

رن التلفوون

سما: روحتي؟! هياا اتصلي قواا بين افحرر.

جوري: حاضر كنت عم فكر والله بس هلأ اوكي رح اتصل ماتاكلي هم.
.
.

في سكن الشباب..
رشاد وصل ، وبيدور اخوه.

عبدالعزيز وصل بعده .
ضابح ، لاسلم ولاشي.

رشاد شاف له بنص عين: سرت تقرا ؟

عبدالعزيز مالك دخل، سرح شويه قال: البنات كلهن سوا.

رشاد: اكيد عتبسرهن سوا ، لانك بتدور عينتك.

عبدالعزيز: تخيل اليوم نرمين ولاعبرتني واقفه بتجابر واحد وجيت احاكيها ردت بقلة ذوق.

رشاد: تستااهل لانك بتلعب ع الكل خطبت تيك وانت ماتشتيهاش ، وصاحبت تيه وانت ماعتتزوجهاش.

عبد العزيز: خلاص اصص لاتكسر راسي

رن تلفون رشاد..رقم غريب
رشاد: الو

جوري: معك جوري

رشاد ارتبش قبال اخوه شل الدواير وخرج يجابرها..

جوري: خير شو كان بدك مني؟

رشاد: باكلمك شي ، بس اتمنى الكلام مايخرج لحد غير سما رجاااء ولاحد يعرف فيه.

جوري بدأت تشك: خير شو في احكي؟

رشاد: شوفي يابنت الناس ، فرق في اللي يغلط وفرق في اللي ماشي في السليم، اليي يغلط ويواصل في الغلط هذا انسان مايستاهلش الرحمه ولاحتى ربي بيسامحه، بس اللي يغلط ويرجع يتوب هذك غير صح او لا ؟

جوري بتدعي الغباء: وشوو خص هالكلام هلأ مافهمت.

رشاد: طيب مابالك بانسان حتى ماكانت نيته يغلط ، لانه تزوج زواج ع سنه الله ورسوله ، ونفس الوقت يساعد البنت عشان الاقامه

جوري: بدك تقلي انك مجوز ؟

رشاد: كنت مزوج ولفتره بسيطه.

جوري: طيب وين المشكله ؟ سما اكيد بتعرف صح ؟

رشاد: لو كانت تعرف ليش بتصل اقلش باللي حصل.

جوري: المطلوب مني؟!

رشاد: واضحه زي الشمس تساعديني وتقنعيها لانش صاحبتها المقربه.

جوري: والله مابعرف شو بدي اقلك ، بفكر وارد لك جواب.
.
.

بعد ماغلقت رشا ..

احمد: محمد كان بيحب بنت جيرانكم صح؟

رشا: مادراك ؟

احمد: تذكري لوما سافرنا و استوجعت رجلش وسمعتش بالغلط، وانتي بتحاكي محمد،
حنان فهمتني الموضوع.

رشا خفعته بالمدكا: ذكرررت، انا حلفت بيني وبين نفسي لاضربك اول ماكون معك ابرد قلبي كيف تفكر هكذا.

احمد ضحك: مش وقتش،الصدق محمد سمخ قوي سبحان الله ، وكأنه كتب نصيبهم من صغرهم.

رشا: اي والله لو تبسر ي احمد…بتجابره عليهم.
.
.

في الجامعه
محمد: من يوم ماانخطبنا لبعض، خطفتيني من الدنيا كلها والناس وكان ماعد معي الا سلا وبس.

سلا: هيا قوم من الرمسسه، تم البريك.

محمد: ناهي يابريك، بتخزي تترمسسي قلنا ناهي بس بتجغري ام الرمسسه حقي ليش؟

سلا بتحانكه بعيونها.

محمد رفع لها حواجبه: ياشوعه بين احبش قوي قووي.

سلا دخلت الكلاس
.
.

في السياره

ياسر: يلا حبيبي، ابتسمي لو معك كحل والا شي سوي لعيونك ، شوفي كيف مورمات بكاء.

رويدا خرجت المرايه وتكحلت وبتمسح وشها بالفاين.

ياسر: يلله وصلنا ، باتحبيهم كثير اهلي المهم انو مانتراددش قدامهم ، تمام.

رويدا: واي حين قد راددتك امانه.

ياسر: ولايوم بس انا قلت ، عشان يقولوا مااحلى مرة ياسر وو مدح نسوان تعرفيه.

رويدا ابتسمت: حاضر..

وصلوا ،، عماته استقبلوهم بمحجره وزفوهم للديوان.

رويدا بتتفرج سكته، بتبتسم بالغصب.

عمه ياسر قربت تشاوره: مالمرتك يا ابني عيونها وارمات ؟!

ياسر ضحككك وشاورها: خليها ع ربك، خزنتو له ، بهذلتنا طول الطريق.

عمه ياسر: اوو الله يهديك وا ياسر ، لمو اكه ؟!

ياسر بهرر لها تسكت: ياعمه انا افديك، لحد سألك قلي لهم تعبانه من السفر.

عمه ياسر: يلا بيستأذنوكم ينزلوا يرتاحوا بعد السفر

ياسر نزل هو ورويدا،

رويدا دخلت شقه كبيره مأثثه فاضيه، شافت صورته وصوره ابوه في الصاله.

ياسر: تعالي بوري لك غرفه العزوبيه حقي.

رويدا: ليش كنت عايش بيت عمتك ؟

ياسر ضحككك: هذا بيتنا بيت جدي قسم البيت شقق ، وبكره باطلعك جبل صبر البيت القديم هناك.

رويدا: ان شاءالله.

ياسر: يلا بطلع استاذن اعمامي والعيال وانزل.

رويدا: تمام

امريكا..
جوري رجعت اتصلت لرشاد: اخي قررت انو احكي معها ، بس كيف ابدأ الموضوع.

رشاد: قلي لها لاني متمسك بها ، ماحبيت تنصدم بعدين ، زي ماانصدمت اختها باخي، هذك فرق لانه بيلعب وهو خاطب، وانا فرق هذا جزء من ماضيي وانتهى،

جوري: اوكي.

رشاد: اقلش ، خلاص انسي الموضووع، يفضل اكلمها موضوع يخصنا ولازم يكون بيننا.

جوري: خلاص بقنعها انكم لازم تتكلموا ولو خمس دقايق.

رشاد: اوكي تسلمي ، واول ماتوافق اعطيني خبر.

جوري: طيب، غلقت وراحت تقنع سما تكلمه في الجامعه،

سما: مااايشتي !! اقلقني ؟

جوري: امم مابعرف، بس عن جد الموضوع مبين كبير لانو مابدو يحكي مع حد غيرك.

سما: خلاص قلي له بكره باكلمه.
.
.

بيت عمار
ايناس اتصلت تعزم الجيران والاهل شكمه.

عمار: ماقد تميتي اتصالات اليوم ساع السكرتاريه.

ايناس: ماافعل قد انت داري كم هم.

عمار بيضحك: ماسكه المذكره والتلفون ونفسس الجمله.

ايناس: تميت ها ، ماتشتي وانت ب التلفون معك موبايل

عمار: ابنش خطب واسبوع مازد اتصل.

ايناس ضحكت: والله انو صدقك ، اتصل ابسره ، وعادو يحتاج زلط؟

زهور: سارت ، لاعندهم

عمار: حياا بحقي الدكتوره حياا جي نبسرش.

زهور جلست جنبه ، وخايفه.

عمار: كيف المعهد معش؟

زهور: ماله شي، جيت اكلكم من لؤي ابن عمه اماني

عمار: ماله ؟

زهور: بيجي للمعهد ويلاحق من بقعه لابقعه ويراقبني

عمار: لؤي؟؟

زهور: ايوه ، وعادو يشتي يجابر ومارضيت اوقف رجع يقلب ويصيح تلثمي.

عمار: سهل ، ليش ماتوقفي معه؟

زهور: مابش داعي نتجابر في المعهد ، ماعيقلوا الناس عليا بتوقف تجابر عيال مادراهم انو يقرب لي يجابر في البيت.

عمار سكت: خليه حسابه معي، جي نتصل لاخوش.
.
.

تعز..
ياسر نزل هو وعمته بالعشاء
بيداعيها: رويدا ! رويدا ….؟؟!

رويدا مابتردش…

ياسر دخل للغرفه ، لقيها نووم بالبالطو ضحكك.
خرج لاعند عمته

عمه ياسر: ها مالها ؟

ياسر: نامت، اول مره تخزن ، قد فعلت لي يووم بالطريق

عمته ضحكككت: الله يهديك يا ابني , يله خليها تنام وبكره لنا يوم.

ياسر: تصبحي على خير ياعمه.
.
.

يوم ثاني بامريكا.. الصباح

رشاد تجهز ولبس..وراح الجامعه مراعي لها.

سما بتفكرر مايشتي وصلت وهي محررجه توقف تكلمه.

رشاد: مابش معش شي ذلحين.

سما: بعد ساعه محاضره.

رشاد مربوش كيف يكلمهااا.

سما: ماالك؟

رشاد: والله ياسما مااخبيش عليش موضوع كبير ، واتمنى انش تفهميني وتقدري موقفي ولش حرية الاختيار.

سما قلبها بيددددق: خيررر ايش في ؟؟!

رشاد: طيب صلٍ ع النبي واسمعي بدون مقاطعه.

سما: اللهم صلِ على سيدنا محمد واله، تحاكى؟؟!

رشاد: شاتكلم بعد موقف اخي ، بس الفرق ان هذك فعل هكذا بعد ماخطب، بس انا جزء من ماضيي وراح خلاص.

سما عقدت حواجبها: ماهو كنت تحب ؟

رشاد: سما لاني متمسك بش والله حبيتش ولقيتش الانسانه المناسبه لي مااشتيش تضيعي من يدي.
الموضوع انا ….
.
.

يحيى اتصل بياسر..

ياسر نووم: الوو

يحيى: هيا مه ياحريو ، زوجناك تشتحط ، شكل الزواجه عتخرب حماسك في العمل.

ياسر: قصدك ياخال الفحس والدحيس كسلتنا في العمل

رويدا سمعت نكززت

ياسر ابتسسم لها: ها كيفك ياخال كيف خالتي والف مبروك لسلا الله يتمم لهم على خير.

يحيى: الله يبارك فيك ، المهم مابزعجك ، في شحنه بتوصل ، بعد اربع ايام.

ياسر: حلوو ، وانا بتعز باروح من هنا قريب اخلص العمل في يوم وارجع صنعاء.

يحيى: ان شاءالله ، بلغ سلامي للجميع.

ياسر: يوصل ، وغلق

رويدا: من بتحاكي ولمن تبارك من هي سلا ؟

ياسر: بنت خالتي صباح الخداره.
.
.

في الجامعه..
رشاد: وهذا كل ماعندي، لش حرية الاختيار بس اتمنى تفكررري سوا والكلام بيننا ، انا ماكنت حق لعب ووو كنت اقدرر ، بس زي ماقلت لش ، فعلت فيها خير عشان الاقامه ، وفي موضوع بتاكد منه وارجع اقلش.

سما مصدووومه فلتته ومشيت

رشاد لحقها: سما، رجاء لاتزعلي ولاتتضايقي، الف من يتمناش وانا شاريش ومستعد افعل اللي تشتيه بس فكرري سوا.

سما هزت راسها تمام ، ومشيت..

رشاد: سمااا، ليش عترجعي البيت ؟ لاتخليني اندم اني كلمتش !؟

سما مطنشه ومواصله بتخطى خارج الجامعه

رشاد ضبح واتصل لجوري تشوفها.

سما خرجت معصبه

رشاد شغل السياره ، ومشي بعدها.

سما ماشافته ولافي حسها منه
وصلت السكن.

سلا: مسررع رجعتي؟ مابش محاضرات ؟

سما بكككيت.

سلا افتجعت: سماا مااالش ؟

سما مابترد.

رن تلفون سلا

محمد: وين انتي باقي للمحاضره خمس دقايق .

سلا: ها محمد ، ماشقدرش اجي اليوم.

محمد: خير ، ايش في؟

سلا: سما ، تاعبه شويه ، ماشخليهاش وحدها.

محمد: سلامات ، اجي نسعفها ؟

سلا: لاا ، مابش داعي ، المهم انت ادخل المحاضره الان وبعدا نتواصل.

محمد: طيب

دقت باب غرفتهن

جوري دخلت لاعندهن…

صنعاء ..
احمد رجع من الدوام بعد اجازه العرس

رشا: تأخرت عليا ، شلني الكوافير

احمد: يلا ، سريع ،

رشا: لحظه اسير لاعند امي(ام الزوج تدعى الام)

اروى: ها يابنتي مانسيتي ؟

رشا: لو تجوا معي، تسشوروا شعركم وترجعوا مع احمد ؟

اروى: الله يرضى عليش ، عتجي حنان وتسبر لي شعري، سيري انتي شرق.

احمد بيطررررق ..

رشا: يلله اخرج له قبل مايقلب ، خاطركم.
.
.

بيت عمار..
زهور: ماما ، نبوا(اعطوه خبر) بابا لاينسى الترته، حالي توقع لرشا مفاجأه حين عيدميلادها يوم الشكمه.

ايناس: سيري اتصلي له.

زهور: تمام

دق الباب ..

ايناس فتحت: حياا ادخلي.

عفاف: يوو يا اختي بيتش شوعه لاغيب محمد ورشا

ايناس: ااح والله ان بيتي وحارتي قفره ، من بعد ماسافرت سلوى
.
.

تعز..
رويدا بتلبس وتتمكيج.

ياسر: عادك مخدرر ؟؟!

رويدا: مالك !

ياسر: ايش صنف لك في البويا هذه من الصبح ؟

رويدا: مش قلت توقع مرتك احلى مره؟

ياسر: مش بالمكياج ياقمر، بالطباع بالاحترام

رويدا: انا مش محتررمه؟

ياسر: يااااقلبي ياكتكوووت ، ربي يعينني بس.
المهم ، امسحي وجهك وخليك عادي، لان اعمامي بالبيت وعيالهم.

رويدا: ومادخلني بهم ؟ انا شادخل عند النسوان.

ياسر: افهمي يابنت الناس انا افدي قلبك ، احنا هنا عادي ناكل مع بعض وبيباركوا لك وردي عليهم ، تمام

رويدا: يوو بغير جناان ، ماشي ، مااعرفش ازواج اخواتي، اخزا مااقدرش.

ياسر: تعودي بيطلعوا صنعاء كثير
.
.

امريكا.. سكن البنات
سلا حضنتها: قوا سما مالش ياقلبي؟

سما قرررحت تبككي: حظي زززفت ماهو هذا ؟

سلا: ماالش؟

سما بتتكلم وهي تبكككي: ولاشي، بس لا حبيت ولا انحبيت وحتى لوما انخطب يطلع خطيبي اخسس والعن

سلا: ماافعل ؟ ماله !! تحاكي.

سما: خلاص ماعد اشتيش خطوبه ولاشي ، كرهت كل شي.

سلا: صلِ ع النبي ، وكلميني دلا.

سما بتبكككي

سلا ادت لها ماء، بتشربها غصب

سما بعد ماهدأت.

سلا: كلمش ؟

سما ودموعها بينزلين: ياريت ماكلمني ولاعرفت شي ، كسر قلبي والله.

سلا: ليش ، الموضوع له دخل بمشكلتنا؟

سما: كان مزوج

سلا انصددمت سكتت شويه !!: كيف مزوج؟

سما: فعل لي مسلسل هندي وقلك تزووج عسب.. وكملت لها.
.
.

في صنعاء
احمد وصل لرشا، شلها من الكوافير.

رشا خرجت مغطايه بكلها.

احمد: صرفووا، من انتي.

رشا: مالك يادب بتتهيبل مغطيه عيوني.

احمد: ومادراني انش مرتي؟

رشا ضحككت: زباج

احمد: الااان عرفتش ياضحكه.

رشا: هيا اقطب

احمد فتش لها شويه من الجنب

رشا: مالك بتجنن

احمد: اشتي ابسر كيف رنجوش

رشا: شلوووك صدق ، هيا اخطى شررق

احمد: وانتين فارحات بارواحكن كل شويه زفزفه وحفلات ولا تخلصين.

رشا: صلِ ع النبي تمرعني ذلحين

احمد مد يده للكرسي الي ورا، شل كيس فيه علبه مغلفه.

رشا بتهوي وشها بالطرحه.

احمد مسك يدها: كل سنه وانتي احلى حبيبه وزوجه وبنت خاله ف الدنيا وعقبال العمر كله واحنا مع بعض، طرح الكيس فوقها

رشا فررحت: وانت طيب ياروحي الله يخليك لي
فتحت الكيس خرجت العلبه(خاتم ذهب) يوو يجنن لبسته ع يدها.

احمد: عجبش؟

رشا: قووووي.
.
.

امريكا..
رشاد اتصل لجوري..

جوري: ايوه رجعت ع السكن ، كنت عندها قبل شوي

رشاد: ايش قالت ؟

جوري: ماحكيت معها، بس اعرف شي منها رح احكي معك.

رشاد: اوكي، وغلق
.
.

بعد العصر، بيت عمار
كانين حنان ورشا وزهور بيتجابرين..

حنان: صدق محمد خطب سلا ؟

رشا: ابسررتي وواخيرااا،

حنان: ماشاءالله ، الله يتمها لهم على خير.

زهور: امين يارب.

اماني جت لاعندهن: زهور جي مااقلش.

زهور ابسرت رشا وقامت.

اماني مسكتها وخرجين الصاله

زهور: ها ياعمه ؟

اماني: الصدق، غاثيه منش قوي

زهور: خير مافعلت؟

اماني: هكذا تكسفي لؤي وتطنشيه في المعهد

زهور: ماقلكمش ، اللقانه قبال البنات والهباله حقه.

اماني: بس ولو ابن عمتش مافيها لاوقف يحاكيش.

زهور: في البيت نتحاكا وبعدا قلوا له ماله دخل اتلثم والا ماتلثمش انا حره.

اماني: ناهي مايسبرش ، هو محرج من خبرته معاكم في المعهد.

زهور: يغير المعهد، كم يامعاهد، ضحككت بمسخره، اتلثم عسب خبرته ؟

ايناس جت: مالش يا اختي تحتاجي شي؟

اماني: ماشي، مابلا كلام بيني وبين بنت اخي

ايناس فلتتها ورجعت.

زهور: المهم قذا قلت لكم لايتدخل ولاشاجابره

اماني: كثر الله خيرش ها ، وخطيت حانقه.
.
.

امريكا..
سلا بكيت ع سما: وعتحاكي ابي؟

سما: اكيددد..

رن تلفون سلا
سلا: الوو..

محمد: الو، مالصوتش ؟؟!

سلا: ولا شي

محمد: الاا صوتش متغير بتبكي؟

سلا: بيتخايلك.

محمد: سلااا، اعرفشش ،خير ؟ سما كيف هي الان؟

سلا: الصدق مش هي تاعبه ، شاقلك الموضوع وانت انصحنا مانفعل ؟

سما بهررت لها ، ليش تحاااكيه ؟

سلا هزت لها راسها اصبري.

محمد: مااالكن تحاكي؟

سلا: اليوم رشاد وقف سما وكلمها وقال لها لاتحاكيش حد به.

محمد: ماايشتي؟ عادو جاء لاعندي قبل يومين للغرفه، حسيته يشتي يحاكيني بشي وبطل.

سما: انتي محد يحاكيش بشي

سلا: مسكت السماعه، وشاورتها خليه يدي لنا حل احسن.

سما: الموضوع يخصني انا محمد ماعيقرر بدلي؟

سلا فلتتها وقامت خرجت تحاكيه..
.
.

تعز.. بعد العصر
رويدا جالسه مع النسوان.

بنت عم ياسر: ذكرتني لهجتك ببنات خاله ياسر تعرفيهن؟

رويدا: ماشي ، مسافرات

بنت عم ياسر: يتكلمين مثلك صنعاني حلو ، بالذات سما حبوبه كانت تجنن ياسر.

رويدا قلبت بدات تفحر داخل نفسها.

عمه ياسر: كيف عمتك، ليش ماجبتوها معاكم؟

رويدا: جالسه مع عمي، معه شغل.

عمه ياسر: بتعرفها ع اللي موجودات.

رويدا مبتسمه كل شويه وتشوف الساعه.

بنت عم ياسر بتشاور اختها: قوي مغروره لارضت ترقص ولا بتكلمنا، يلله ترد ع اسئلتنا.

اختها: يمكن خازيه، عادها ماتعرفناش.

جده ياسر عجوززه: ماتستضيش سوا، دخلت عندهن وسلمت ع رويدا.

رويدا قامت تسلم.

جدة ياسر: انتي سما صح؟

عمه ياسر ضحككت: لاا هذه مره ياسر.

جدته: ايوه هو كان يشتي يخطبها.

رويدا تبرررقطت

عمته انحرجت شاورت رويدا: هي قدي كبيره بتنسى وكانت زمان وهم صغار تقلهم بازوجكم.

رويدا ابتسمت بدون نفسسسس، وقدي ضاابحه.
.
.

بيت عمار..
زهور دعت حنان وقامت هي وياها ، ادين الترته

رشا فرررحت وحضنتهن.

اماني: هنيت لكن والبعسسه ،قدي مره ، هولا الخبالات للجهال.

رشا: والله ياعمه انها احلى خباله

اماني قلبت وشها: قومي يابنتي معاهن

زهور صورتها وقطعين الكيك.

اروى: حنان، ها شلي حسام صوريه معاكن.

رشا قامت وشلت ابن حنان.

هدى بتجابر فاطمه: مالها اماني عتقرح؟

فاطمه: هي كانت تشتي زهور لابنها ماوافقتش

هدى: هاا قد بين ابسرها ماتطيقهنش.

فاطمه: مابلا محانكه حين خطبوا رشا لابن خالتها.

هدى: الله يعينها اختي ايناس.

فاطمه: وانتي كيف مرة ابنش؟

هدى: مالها شي الله يهديها، عاد هي غاويه مش هي داريه بشي.

فاطمه: غاوويه مه ؟ والله ان هي مالها شي مش هي صغيره

هدى: ع الله، الله يهدي سرهم.
.
.

محمد طنن، وسكت.

سلا: درريت ، ذلحين مانفعل؟

محمد: والله الموضوع يشتي تفكير، الله يهديهم عمي، يعرفوا ابوهم بس العيال مالهم مايتحروا بعدهم ؟

سلا: مدري والله هوذا كله سكته محد داري بشي مادريوا اهلهم الا بعدا.

محمد: وهي مابتقلش؟

سلا: بتقل ماتشتيه.

محمد: خليها فتره تهدأ وانا ازيد اسأل عليه هنا وبعدا نبسر كيف نحاكي عمي بعد ما اسأل.

سلا: تمام.

محمد: يلله اجلسي معها خيرات واخرجين ، خليها تنسى.

سلا: لو تبسر كيف حالتها، ماتقلش تيك سما المجنونه.

محمد: الله يختار لها مافيه الخير وانا شاسأل بعده سكته بدون مايدرى.

سلا: تمام.
.
.

في تعز..
ياسر وصل من عند الشباب، بيداعي.

عمته: ادخل اسمر معنا شويه، ماعد في الا الاهل، لحظه بكلمهن يتغطين.

ياسر: تمام

عمته: ادخل يا ابني.

ياسر دخل: مساءالخير

كلهن ردين عليه.

ياسر وصل سلم على جدته وحب راسها ، وع عماته

رويدا كانت جالسه وضابحه

ياسر: هاا ، لاتكونوا خزنتوا لها.

بنات عمه ضحكين ، وبيجابرين ويمزحين

رويدا بتغيرر جلست شويه واستأذنتهن تسير تصلي.

ياسر قام معها.

رويدا وصلت شقتهم

ياسر:خير، مالك ؟

رويدا مطنششه وبتلبس ثياب الصلاة

ياسر: من اكلم انا ؟

رويدا: نعم !

ياسر: مله كل يوم بتقلبيها نكد، ايش فيبك ؟

رويدا: ولا شي ، سمعت كل خير عليك فرحت لك من قلبي.

ياسر ضحكك: ع ايش ؟ ايش سمعتي؟
.
.

في امريكا.. راح لاعند ابوه
عبدالعزيز دخل البيت.

صلاح شافه، وقفى وشه.

ساره: حيا ياقلبي، ادخل

صلاح: هو هذا دلعش للولد اجلسي غنجيه ع راسش.

عبدالعزيز: يا اباه الله يحفظكم ، مافعلت لهذا كله ، هي زميلتي ، وبالعاني فعلوا القصه هذه امد تنخطب لابن جيرانهم بعد ماجاء

ساره: هيا ابسرت ، ان كلامي صدق.

صلاح بدأ يصدق سكت ، وبيفكر في الموضوع

ساره: ولاتغثى ولا شاخطب لك احسن منها.

عبدالعزيز: مش وقت ، اكمل القرايه وله حلات.

صلاح: اين اخوك ؟

عبدالعزيز عيجي في اجازه الاسبوع، انا مابش معي محاضرات.
.
.

في سكن البناات.

سلا وجوري: هيا سما الله يخليش.

سما: مااشتيش اخرجين انتين

سلا: ليش؟ تعالي معنا وازعلي خارج عادي.

سما بتخمار: هههه زباجه.

جوري: يلا حبيبتي انتي سما.

سما تنهدت: جحفه لكن ناهي ،وقامت معهن.
سرج تلفونها وصلت رساله….!

سما فتحت التلفون..رشاد
رساله منه، اقدر اتصل؟

سما طفت التلفون وقامت للحوش
.
.

تعز
رويدا: جدتك تقل لي انتي سما ؟
وبنات عمك يقلين كنت تتحانب انت وسما

ياسر سكت منها ، ومشي يغير ملابسه

رويدا: ليش بتتهرب جااوب.. يلله قل لي ماكان بينك وبينها؟

رن تلفونه..
ياسر رد..

يحيى: ارسلت لك الاوراق بالايميل اسحبهن بكره اختمهن ورسلهن لي

ياسر: على طول.. وغلق التلفون

رويدا: جااوب

ياسر: ايش اقول؟ بنت خالتي ، كنا نتحانب عادي، ولما كبرت سافرت ، ارتحتي؟

رويدا: وليش جدتك بتقل لو انا سما كنت عتتزوجها؟

ياسر: ايوه..
.
.

في امريكا..
رشاد خرج يتمشى وضابح ، مر من جنب حديقه السكن حق البنات

البنات لحقين سما ، وخرجين يلوين في الحديقه اللي جنب السكن

سما بتمشي وتتفرج الارض

جوري لمحت رشاد من بعيد ودكمت سلا

سلا بهررت لها تسكت

سما: جلست في الارض وبتلعب بالحشيش

جوري: سما اقدر احكي معك بالموضوع؟

سما: ايش عتقولي؟ قوولي طعنه ماتضر مقتول

جوري: شو اللي قتلك ؟ ما انتي مابتحبيه؟

سما: مش قصه حب، بس قصه انانيه ! ايش اللي خلاه يحكي الان ليش ماتكلم من قبل او وقت مشكلة اخوه

جوري: لانو بيحبك مابدو يخسرك ، والا كان رح يقولها بسهوله لو قاصد يلعب

رشاد بيلف وبينهم شجره..

سما: بيحب من ؟ اللي يحب مايجررح ، ليش يتكلم الان ليش ماصارح اهله يقلوا لنا لو كان مابيلعب؟

رشاد سمع دخل: لان اهلي مش متفهمين ، ابي صارم ، مايتفاهمش ابدا ، ابسط عقوباته يحرمش دراسه ومصروف

سلا وجوري تفرجين لبعض وسما

جوري قامت ومسكت يد سلا ومشين

رشاد: سماا ، انا اقدررر كنت اخبي الموضوع عليش لان محد يعرفه والبنت طلقتها وخلاص، بس ماحبيت اخدعش ، حبيت اقلش من الان ، مافرقت بدايه او نهايه هي عادها دبله، ادي لي فرصه ، لو ما حبيتش، ماكنت فتحت الموضوع

سما: وليش الانانيه ليش ماقلت لي من اول؟

رشاد: ايش تفرق معش ، لو تشتي تقدري، تفسخي

سما: شفت ، واخذ كل شي ببساطه ، ماعملت حساب انك تجرح اللي قدامك بكلامك، تفكر مشاعري لعبه؟

رشاد: ايش من مشاعر اذا انتي ماحبيتيني ومغصوبه عليا!

سما: لو كنت مغصوبه اني فسخت، مش خايفه منك، بس انت جيت لي بوقت غلط، لويت يدي بعد فسخ خطوبه اختي ماعيقلوا الناس؟ فلتته ومشيت

رشاد: سما لو سمحتي طلب ، زيدي فكري في الموضوع ولو تشتي رقمها تسأليها بدون مااقلها او تعرف

سما طنشت ومشيت

رشاد مشي

سما وصلت لاعند البنات ، وجالسه بتفكر في كلام رشاد، جلست

جوري: خير احككي ؟ شو صار معك انتي وياه

سلا: لايجلس ينط لش كل شويه، معه كلام يسير يحاكي ابي

سما سااكته ، ماردت

جوري غيرت الموضوع هي وسلا بيتجابرين

سما جالسه تفكر بصمت..
.
.

في تعز
رويدا: ايش اللي ايوه؟

ياسر: وهي صغيره كان يعجبني كلامها وعشان هكذا طلبت اتزوج صنعانيه

رويدا: عسب سما !!

ياسر: قلت لك كانت صغيره، وبعدين ساافرت ، وجدتي كانت تحبها تقل لي بزوجك بها

رويدا: وانت ماحبيتهاش؟

ياسر: مالك انتي بتدوري لنا هدره ، البنت انخطبت الله يفتح عليها

رويدا ارتاااحت: طيب اي حين عنرجع؟

ياسر ضبح وبيفكر بسما طنشها وفتح رساله يحيى والايميل

رويدا: للمه الدعممه؟

ياسر: معي عمل بتشوفيني مشغول؟

رويدا: يااسلام!

ياسر: بكره باروح الحديده ، وبرجع بنفس اليوم

رويدا: اجي معك؟

ياسر: لا ، خليكي هنا ، برجع بكره ونسافر بعد بكره
.
.

نهايه الاسبوع..

بيت يحيى
يحيى: محمد طبعا اعتذر انه يجي

سلوى: اكيد عيعتذر بيخزا ذلحين

سلا: ماما ، جوا ابسروا الفرن ماررضي يشتغل

سلوى قامت مع سلا

سما متوووتره جالسه تفكر..
.
.

اليمن.. صنعاء( بيت عمار)
فاطمه: هيا يا اختي ، قدني داريه ببنتش عترفض بس قلت انبيش

ايناس: هي ذكيه ، وتشتي تتم قرايتها وعاد هي صغيره الصدق ، رشا وافقت عليها داريه كيف اختي وابنها، وعتتم دراستها، بس زهور مدري

فاطمه: ذلحين مااقلها؟

ايناس: شاحاكي ابوها ، وارجع انبيش

فاطمه: تمام..خاطرش
.
.

رن التلفون..
محمد: الو

ايناس: حيا بامي ورووحي ، محمد كيف انت

محمد مشتاااق لهم: الحمدلله ، كيف انتووا ، فاااقد لكم والله

ايناس: وانت يا ابني الله يوفقك ويرجعك بالسلامه، كيف القرايه معك؟

محمد: كل شي لله الحمد سابر ، كيف ابي وخواتي؟
.
.

امريكا بيت يحيى
سلوى: سيري ادعي سماا تجي نتجابر فاقده لكن

سلا: حاضر ،، سارت الغرفه

سما تمت تصلي

سلا: مابتصلي هذا الساع؟

سما: استخاره

سلا: استخاره مه ؟ يوو ماما بيداعوني جي جاوبيهم

سما: تمام اسبقيني

سلا خرجت

سما تمت تصلي واخذت نفسس ورفعت يدها وبتدعي، تمت خرجت

يحيى جالس في الصاله

سما قربت جلست جنبه

يحيى: مالش اليوم اين الزقعه؟

سما بصوت واااطي: بابا جوا نخرج الحوي اشتي احاكيكم بموضوع ….!!!

يحيى عقد حواجبه: تحاكي مالش؟

سما مسكت يده

يحيى قام معها

خرجوا جلست هي وياه في الحوش

يحيى مستغررب: مالش، معش مشاكل في الجامعه !

سما: انا داريه عتزعلوا وعتغلطوني في اشياء بس عتعذروني لما تدروا

يحيى طارح يد ع خده: ادخلي في الموضوع.

سما: اصبروا ابدأ لكم

يحيى بنبره حاده: قلنا ماهو الموضوع بعدا تحاكي.

سما: انا لما اخترت اصارحكم ، لانكم متفهمين معنا، لانكم تعرفوا مصلحتي اكثر من اي حد.

يحيى غمض عينه بقلة صبر بيهز راسه: ايووه وبعدا

سما بتووتر بتلعب باصابعها: رشاد وقفني في الجامعه وحاكاني بموضوع.

يحيى عقد حواجبه: مايشتي!

سما: قال ……

يحيى بصدمه: بعد يده من خده، وبصووت مززوج ؟

سما: لحظه اكمل ..
.
.

في المطبخ
سلوى: سلا

سلا: ها، ماما

سلوى: ليش محمد جاء امريكا يدرس؟

سلا كانت بترتب الملاعق فلتين: وانا ماادراني.

سلوى: ليش بتفعلي اكثر من عمل في وقت واحد ابسري الكسل.

سلا لفت الملاعق، وغالطت بكلام على جوري

سلوى: اول ردي، مارديتيش

سلا: مدررري

سلوى: يوو كيف مدري؟ بتقروا جمعه !!

سلا: يمكن لانه درس بمعهد.

سلوى: ايش من معهد ، ومادراه بهذا المكان ؟

سلا بخووف: ليش بتسألوني هكذا ماقصدكم؟

سلوى: قصدي اني امش احس بش وادرى بكل شي كنت الاحظش من وعاد احنا في صنعاء واقل جهال

سلا بفررحه: ماما بتذكرووا !!

سلوى: مااشتيش مرضي يابناتي يبعدني عنكن ، انا حاسه بكل شي ولو مش انا معاكن انا اكثر واحده عد اتمنى لش الخير ومحمد مابش احسن منه.

سلا فرررحت بخزا: ايوه.

سلوى: ماعلينا من اللي سار احنا الان في ذلحين.

سلا: ماهو ذلحين قد خطبنا مابيكذبش

سلوى: مش كذب، ماناش داريه مابتفعلين هانك بتتجابروا بتوقفوا تتحاكوا؟

سلا: الصدق ايوه.

سلوى: انا وابوش ادينا لكن ثقه، لاتستغليها انتي واختش.

سلا: والله ياماما ان..

سلوى: كلمه في اذنش ابوش ادالكن ثقه للضرورره ، ولو مخطوبين ، خلي لش احترام قباله.

سلا حضنت امها: اول مره احس ان معي احلى صاحبه في الدنيا ومش اني داري انكم طيبين.
.
.

في الحوش
يحيى: اهاا ، كان القصه هكذا ! طيب انتي مارأيش؟

سما: ايش من رأي انا حاكيتكم لان ابوه لو يدرى

يحيى: ماعليش من ابوه، انا شاحاكيه شخصيا، بس اشتي رأيش

سما: مااشتيش اظلمه ولا انظلم اتأكدوا من الخبر اول
.
.

سلوى: المهم ، بين احاكيكن وحدنا لان ابوش لو يشكوا بشي ، عيخلوكن ترجعين وقدش داريه ذيك عبدالعزيز معاكن يسير يبسركن يفعل مشكله.

سلا: خلاص حاضر

سلوى: يلا سيري ادعيهم غداء

سلا بتداعي.

خالد: بابا وسما خارج

سلا: اين خارج؟

خالد: مادررراني.

سلا: جحفه تجحفك، مافايدتك.

يحيىودخل و يده حول كتف سما، ودخلوا للصاله.

سلا حملت لاحضنه وبتداهف سما

سما: يااي كان دورش الشهر الاول ، ذلحين دوري.

سلا مافهمت قصدها

يحيى: ضحك وشعفل بيده شعر سما: الله يسعدكن ويختارلكن مافيه الخير.
.
.

تعز..
ياسر سافر الحديده.

عمة ياسر: رويدا ، تعالي نفعل خبز طاوه تعرفي؟

رويدا هزت راسها لا

عمة ياسر: طيب تعرفي تعصدي؟

رويدا: لا

عمة ياسر: هيا تعالي بوري لك كيف نسويها، عشان تعملي لياسر.

رويدا بابتسامه متصنعه: تمام.

عمة ياسر دخلين المطبخ

رويدا غسلت يدها

عمة ياسر: افردي هذه.

رويدا بشخااطه بتفرد العجين ، محوزات اظافرها.

عمة ياسر ضبحت من برودها: ضمي يدك.

رويدا اصترعت: فلتت العجين مااعرفش ياعمه

عمة ياسر: تعلمي ، قدني اعلم لك.

رويدا: داخل نفسها بتتحلف لياسر.
.
.

في امريكا..
محمد ضاف ايميل صاحبه اللي تلاقوا في الطايره.
وفعل له رساله.

باب الغرفه دق
محمد قام يفتح

شاب: السلام عليكم انت محمد عمار؟

محمد: ايوه ، الاخ يمني؟

الشاب: ايوه سألت وقالوا في هنا ثلاثه شباب، مد يده ، معك بشير.

محمد مد يده: اهلا وسهلا اخي تفضل بس دقيقه بعد اذنك، دخل حمله قلع صوره هو وسلا وهم صغار، ولفهن تحت الماسه.

بشير واقف

محمد: تفضل حياك ، متى وصلت ؟

بشير: انا هنا مع الاهل من زمان، بس غيرت التخصص وجيت هذه الجامعه.

محمد: المهم حياك الله.
.
.

بيت صلاح..
رشاد بيتغدى سكته ، ومابيكلم اخوه.

عبدالعزيز قام شبع.

ساره: الى اين ؟ ما اكلت سوا ؟

عبدالعزيز: شبعت.

صلاح: انت بتتصل لعمك يحيى؟

رشاد: مااشي ، محرج منه بعد المشكله.

صلاح: خلي الامور عاديه.

ساره: اي عاديه ، يفسخ يفعل لأخوه كرامه.

رشاد شافها بضبح

صلاح: قلت لش لاتكني تتدخلي بيننا.

ساره: انا امه كيف ماادخلش؟

رشاد: قوا يا اماه خلاص ، مابنبسركم الا يومين وتجلسوا تتقالعوا بسببنا.

ررن تلفون رشاد.
رشاد استغررب ابسر لابوه وامه: عمي يحيى !!

رشاد خرج ، يجاوب من الصاله

يحيى بنبره حاده: سلام، اشتيك تجي لاعندي الان

رشاد انصددم وشكك ان سما تكلمت: خيرر ، الان ان شاءالله مسافة الطريق

يحيى: منتظر لك لاتتاخر

رشاد متووتر: اوكي
.
.

في اليمن،، صنعاء

ايناس: اليوم فاطمه ، جت لاعندي ، قالت بيت … تقدموا لزهور

عمار: قدش داريه برأي البنت تشتي تقرا

ايناس: ايووه ، بس قلت ولو احاكيك

عمار: تمام ، بس انا داري برأي البنت ماعتوافقش ، خليها تتم تدرس

ايناس: شاقلها غدوه ترد عليهم

عمار: تمام ، محمد اليوم اتصل بي

ايناس: واتصل بي وبخواته

عمار: خزا مالقيناش مسافر يشل الشنطه

ايناس: سهل اهم شي جاهزه، وقد ادينا كلمه
.
.

امريكا..
يحيى جالس في الحوش بيفكرر ويلوي.

رشاد وصل

يحيى فتح له الباب ودخلوا

رشاد متوووتر بيعرق: خير ياعم؟

يحيى: تتوقع الموضوع خير؟

رشاد: وطى راسه ، انا خليت الموضوع بيني وبينها عسب ابسر ردة فعلها متقبله الموضوع ؟ امد افكر لو هي عتوافق بشخص..

يحيى: كان لازم تحاكي ابوك ، موضوع زي هذا كبير!

رشاد: ياعم انتوا تعرفوا ابي في العمل بس كواقع في البيت ماتعرفوه

يحيى: ولوو الموضوع مش بسيط ! وليش ماتحاكيت من اول ، حتى معي شخصيا لو خايف من ابوك !؟

رشاد: مااعرفش والله ، هي غلطه مني، بس قلت ماله داعي هو ماضي

يحيى: ولو افرض مش قابلين بماضيك؟ كان ممكن يكون طلاق؟

رشاد وطى راسه سسسكككت

يحيى: احكي لي القصه منك ، وياريت بدون ماتخفي اي شي

رشاد بدأ يحكي له

خالد جاء ودخل يسلم

يحيى بهرر لخالد: سير ادي شاهي

خالد خرج

يحيى: طيب يا ابني ليش ماتحاكي ابوك ، عيتفهمك وانا معك، قوم نسير له الان وعلى ضمانتي

رشاد بالغصب: حاضر

يحيى قام هو وياه

صلاح: اهاا، الان شخرج لك حياك الله اخي.

ساره: من اتصلك؟

صلاح: يحيى

ساره: فررصه حاااكيه نفسخ

صلاح طنشها وخرج

يحيى واقف هو ورشاد

صلاح استغرب..

في البيت
سارره: عبدالعزيز ، قوم اخرج ابسر مايشتي وابسر ابوك ماعيقول رد كرامتك

عبدالعزيز: مااشتيش ابسره

ساره: يوو يارب ، ادي لي صبر من عندك
.
.

في بيت يحيى
سما كلمت سلا بكل شي

سلا: يوو يعلم الله ماعيفعلوا بابا خرج هو وياه

سما: اكيد عيسيروا لابوه
.
.

صلاح: حياك اخي تفضل

يحيى مسكه من يده: اشتي احاكيك في موضوع البس وجي

صلاح: اين؟ ادخل نتجابر البيت

يحيى: تسسلم، افضل خارج

صلاح: يله البس وارجع، دخل البيت

يحيى: رشاد اشتي اسألك؟ وتجاوب بصراحه عبدالعزيز صدق بينه علاقه هو ونرمين والا ساع ماقال لي ابوك ، هي احرجته البنت!

رشاد: للامانه هو بينهم حب ودخلات وخرجات بس ماعيتزوجهاش

صلاح خرج

طلعوا السياره وساروا مكان قريب

صلاح مستغرب: مامعاكم ، خيرر!

يحيى مسك كتف صلاح: صلِ ع النبي يا اخي

صلاح: عليه افضل الصلاه والسلام

يحيى: الموضوع انه ….

صلاح انصدددم بيتفرج لرشاد

رشاد بانحرااج من ابوه بيلعب بورق الشجر برجله

يحيى: الحل مش تعاقب وتصيح وتطرد وو، الحل انك تفهم ابنك، تتقرب منه ولو رجال هو بحاجتك اكثر من خبررته، بالذات يا اخي احنا في غربه وبلاد انفتاح وحريه

صلاح: والله مافعلت شي يعاقبني الله بهم، بس امهم السبب اللي بتبرر لهم كل شي من صغرهم لوما تمادوا

يحيى: ادعي لهم بالهدايه هم شباب، ولاتكن تستخدم هذا الاسلوب هوو اللي نفرهم منك

صلاح: عاد الاول مصاحبه ، وانت تتزوووج لاوووشك تلفلف المكالف نشغلك في الوزاره اخرج.

رشااد معصب عيقرح، بس حاسس هم وانزاح
.
.

في بيت يحيى،، رن تلفون البيت
محمد: كيف خاالد ؟ مالك ماتجي عندي نتعيزب جمعه

خالد: والله اني كنت منتظرك ليش ماجيت؟

محمد: سهل الجاي اكثر واعظم

خالد ضحكك: قدك راكن

محمد: عمي موجود؟

خالد: ماشي خرج

محمد: خير مع السلامه

سما: من بتحاكي؟

خالد بيقلد محمد وحركات حواجبه

سلا ضحكككت

سما: بيتسيمج وانتي بتمشخري له

خالد: اصه ماانتي خطيبش معه قرون بسببش

سما بتتخمر عليه: هي هي هي سااامج

سلا حضنته: ياعيبتش عليه ، وبتجابره من المدرسه

رن التلفون
سما جاوبت

ساره بنخفره: اين امشش؟

سما سكتت، وبتدااعي: ماامااا

ساره: كان قلي حاضر والا كيف انتوا

سما: ماسمعتكمش قلتوا السلام، هاا وعليكم السلام ، كيف انتوا؟

ساره ساكته

سلوى جت تجاوب ، بتاشر لسما بيدها من؟

سما: ام رشاد

سلوى قحصت فمها عيب واشرت بفمها اص: الو.. السلام عليكم

ساره: لا سلام ولاكلام من ذاحين بيننا ، فسختوا لابني وكسرتوا قلبه ، وماعيتفرج لاخوه وهو مناسب للي قهروه
.
.

عند الرجال..
يحيى: باقي مووضوع ، قلت ابنك ظلمناه وفسخنا وو هذا عندك اخوه عايش معه واصل يقلك

صلاح شاف لرشاد

رشاد: كل مااقل شاحاكيكم ويهددني بهذا الموضوع

صلاح الشر بيتطاير من عيونه: لفت ليحيى، والله يااخي مادريت ماقلك سودوا وشي

يحيى سحب صلاح ، وخطيوا بعيد من رشاد وطى صوته: المهم يا اخي هولا جهالك انت في غربه ، اكسبهم وصادقهم رفقة السوء خيرات وانت اخبر بهم شباب وسن طيش

صلاح: مازد افعل قد استعجلت اخطب لهم وازوجهم امد لايفكروا في الجنان ذيه.

يحيى: خير

صلاح: والبنت ماموقفها؟

يحيى: والله القرار قرارها ولها حق الرفض او ماشي؟

صلاح بقهر : خيرة الله
.
.

بعد المغرب..
يحيى رجع البيت

سلوى حكت له بموقف ساره.

يحيى: دعمميها ، مدكامتها تيه ضيعت جهالها، اين جت سما ادعيها.

سلوى: حاضر.
.
.

صلاح وصل مقهووور ولا ادا نخس وصل رقد
.
.

في اليمن ..تعز
ياسر وصل اخر الليل.

رويدا نكزت، وقامت تفتح له

ياسر: مساءالخير

رويدا: مساء النور ، الان ترررجعني عمتك زايغت حسي

ياسر مسكها من يدها ، دخلها الغرفه جلسها فوق السرير ورجم البطانيه لاوشها: ارجعي نااامي اامانه لو دريت بوصل ع هرمك كان نمت ف الباب

رويدا: وذلحين ينفع اخرج ارقد

ياسر: شل وساده وبطانيه ، وخرج وصرع لها الباب

رويدا افتحررت: ماااله قدو بيتعصب؟
.
.

{بعد اسابيع….}
زهور مراعيه لنتيجه اختبار قبول الكليه.

رشا اتصلت لها: هياا بشري ؟

زهور: ماقد نزلووش الاعلان

احمد: قلي لها اين هي ؟عنمر صليها.

رشا: زهور انا واحمد قريب من الكليه حقش، عنمر صليش اين انتي؟

زهور: انا جنب بوابه الكليه اللي داخل .

بعدما وصلوا..

زهور: جحفه تجحفهم، يخ والمواعيد حقهم

احمد: عادش مابسرتي شي ، الساعه ٢ ماعد بش نتايج

زهور: يله نخطى بس

رشا ماسكه يدها بيتجابرين

احمد سبقهن يقرب السياره

زهور: وانتي سجلتي ؟

رشا: ايوه تمينا وجينا صليش

احمد قرب السياره وطلعين

وصلوا بيت عمار ..
عمار حلف عليهم يتغدوا هو ورشا.
.
.

بيت ياسر..
رويدا: ياعمه، امي اتصلت تعزمنا جلسه لاختي.

هدى: بمناسبه ؟

رويدا: خوره لاختي حين هي واحمه

هدى: اللي تزوجتين جمعه ؟

رويدا: ايوه

هدى: وانتوا اي حين الله عيفرحني بجاهل

رويدا: سكتت وتذكرت كلام صاحبتها ( لاتخلفيش الا بعد ما يدي لش بيت لحالش)
.
.

في امريكا..سكن البنات
جوري: سما شو صار معكن ؟ عرفتوا شي عن رشاد؟

سما: لا.

جوري: شو السبب اللي خلاكي تقتنعي فيه ، معقوله تكوني حبيتيه؟

سما: مش قصه حب ،حتى لو كنت اموت فيه وهو غلطان مابسامحه، القصه انه ماضي وزواج مصلحه ومساعده للبنت يمكن سر سكوتي هذا هي صلاه الاستخاره…

جوري: طيب ع اي اساس لساتك مخطوبه؟

سما: لما نتأكد من كلامه صدق او بيكذب…
.
.

بعد الغداء ،،

كانوا بيتقهووا

ابو ياسر: ارجع شوف لنا ارضيه ، حلوه بسعر تمام.

ياسر: معي واحد زبون صاحب عقارات ، بس ليش؟

ابو ياسر: اخوتي جابوا لي قطعه الارض اللي بالوادي من ضمن الورث، قلتو بابيعيه ونشتري هنا ، لامتى بنجلس بيت الناس.

ياسر سارح بينه وبين نفسه ( الشغل حق السسيارات والارباح ، اشترى ارض ومراعي تطلع له الجمعيه يأسسها).

ابو ياسر: المهم ورد لي خبر

ياسر: خليها تبتاع وبعدين لنا كلام.

رويدا دخلت لاعندهم مستعجله: هياا عادك بتتقهوى ، وصلني؟

ياسر: ايش اسعاف هو والا بيطير بيتكم داخله لا سلام ولا كلام !

رويدا: ياعم ابسروا كيف بيحانك؟

ياسر: طيب نشوف المحانكه سوا ، دوري من يوصلك.

ابو ياسر: صلوا ع النبي ، ايش في؟

رويدا سكتت.

ياسر: ولافي شي يا اباه بستأذنك افعل نعسه ، واجزع للعمل.

ابو ياسر: الله معك

رويدا: الساعه اربع ! اي حين عتشلني؟

ياسر: متى ماصحيت.
.
.

بيت احمد..
رشا: احمد،، احمدددد

احمد منسجم مع المباره: هاااه

رشا وقفت قباله: هياا قووم ركب الدبه حق الغاز،

احمد بعد راسه وبيتفرج للتلفزيون ومتحمسس

رشا: حبيبي قلبي وروحي هياا فيسسسع

احمد عصب: اووو كان عيهدف ابن الذين، لفت لها بنرفززه مااالش بتدحسي مااهو؟

رشا اصترعت سارت للمطبخ حانقه منه بكيت
( اول مره يعاملها هكذا )، شلت الدبه كانت ثقققققيله ، وحاولت تركبها ماقدرت تفتحها.

احمد : مركزز مع المباره، نسي ماكانت تشتي منه.

دق البااب

رشا مسحت دموعها وقفت قبال المرايه سبرت القصه لافوق عينها وشعرها خلته ع جنب ومسحت وشها، اخذت نفس وفتحت الباب

حنان: يووف اسكه شلي الهرم من يدي اسير ادي بقية قلافده من السياره.

رشا تحملت حسام وبتلاعبه.

حنان دخلت ، وطرحت اكياس.

رشا: يووو شم بطاااط يجنن.

حنان: صرفوا كل شيطان ، مادراش ؟
.
.

امريكا..
سلا: فاااقده لمحمد ، نفسي اتصله.

سما: حاله نفسيه مالش؟ تفتحي التلفون وتطفي

سلا: فااقده له ونفس الوقت مااشتيش اتصل

سما: خلوا حب لبعدا عتتموه لغاجه.

سلا: بس تصدقي نظراتنا لبعض في الجامعه بدون كلام تكككفي ، بنتجابر بنظرات عيوننا.

سما: مش انتي ملاحظه رشاد مختفي لابيجي جامعه ولا حاره ولا مكان.

سلا: ايوه ، يمكن بعد ماحاكيتي بابا مفجوع؟

سما: ويمكن محرج مني بعد المشكله.

سلا: اسكه بين ابسر البنات معاهن برنامج جديد صفحه فيس بوك عن يوميات ووو، افعلي لش حساب نبسر لو معه صفحه؟

سما: تمام ، شسأل جوري
.
.

هدى اعتذرت من رويدا وسارت تعزي فاطمه اخوها مات.

رويدا مبررقطه، ابسرت الساعه قدي ٥:٣٠، دخلت: ياااااسرر ، يااااسر !!

ياسر نكزز بيتمطط ، فتح عين وابسرها: قل اعوذ برب الفلق.

رويدا بيدها الثنتين لاوشه: من شر ماااخلق ، قوم شلني ، جحفه قدو مغرب.

ياسر: مغرب !! اسألك بالله ، انتبززز بساعته غسسل وشه ولبس سريع ، معي عمل تعالي معي بوصلك ع الطريق.
.
.

بيت احمد..
حنان: امي ساروا يعزوا؟

رشا: ايوه ، قلت غدوه اسير بيتنا وابدي ع خاله فاطمه

حنان: هيا ناكل البطاط عادو دافي خورته من فوق عربيه شكلها مش ولابد بس قلنا قدو مفور.

رشا: الشم وووحده ، نقل بسم الله وماعيوقع شي.

حنان: يو لو بعده شاهي؟

رشا: قد راااشيت احمد يركب دبه الغاز وهو ولااا عند المباراه.

حنان: اسكه شاسير احاول افتحها،،

رشا: ماعتقدريش قد فحررت بكل قوتي.

حناان: يووو ، حازقه ، مابحد عنده ؟ ادخل احاكيه !

رشا: مابش

حنان: جي ناكل وبعدا نفعل شاهي .

رشا بدأت تاكل هي وحنان..

وصلت اروى وعفاف..

حنان: وخالتي ايناس؟

اروى: قالت قدي جنب البيت تسير تصلي وزهور وحدها بيطفوا وتفتجع.

رشا: يو جبرهم صدق.
.
.

فوق السياره..
رويدا: اين عتسيررر!!؟ هذا مش طريق بيتنا.

ياسر: بخطفك

رويدا: زباااج ، مالك اليوم بتحااانك؟

ياسر: اقلك معي عمممل يابنت الناس افهمينا يازباجه، اطرح الاوراق واشلك بيتكم.

رويدا: ماعد اشتيش اسير بططططلت.

ياسر: بططلي ، عادو احسن نروح مطعم .

رويدا بتفووور: يخ والله مازيد اخرج معك حريق دم.
.
.

حنان قربت لهن بطاط لعفاف واروى.

اروى: يوو فح قووي يابنات، هيا جهزين لنا المداعه

رشا: يمه الغاز خلص، ماقدرت افتح الدبه

حنان: اتم اكل حسام وادخل احاكيه عينحرج مني.

اروى قامت ، دخلت لاعنده.

احمد مررركزز.

اروى: ابني الدبه..

احمد: قد قلنا حاااضر ، راااعوا

اروى: لاي حين نراعي؟!

احمد: تم الشوط الاول، هااا قمت ، واحد يكون يخرج يفتهن خارج

اروى: استغفرالله بس

احمد خررج سلم ع اخته وخالته ودخل المطبخ.

حنان: سيري ابسري زوجش لو يشتي مفك او شي

رشا: حسام في حضني ، مايشتي شي كله عنده.

حنان بصوت واطي: بينكم شي ! بين احسش من اول مادخلت متضايقه، وهو ذلحين مقلوب؟؟

رشا: مابش شي ، غير المباراه حقه.

احمد خرج

اروى: سبرت؟

احمد: ايوه ، ولفت لرشا بلفته ضببببح.

رشا مستغربه منه: دخلت المطبخ ، فورت شاهي وفعلت لعمتها المداعه.

حنان: كيف محمد وسلا؟

رشا: والله ماله شي اتصل ، كنت بين اقل قدهم في امريكا عيجننوا وزد وحدهم ويتجابروا ويخرجوا، وانهم جبرهم صدق عاقلين

حنان: الله يتمم لهم ع خير.

رشا: يوو ، ليش حافيه ؟ البسي الحذاء وانا شاسير ادي حذا بررد.

حنان: مع شاسير.

رشاخلست الحذاء: هيا قد خلست.

حنان لبستها.

رشا: ابسرت الشاهي بيفور ، حملت تطفي تحته وجلست حافيه
.
.

في امريكا..في البيت
يحيى: هيا سلوى نسير لاعند البنات نفعل لفه؟

سلوى: هيا ضبحت في البيت.

خالد: عتخلوني اسوق؟

يحيى: ياابني افهم قلنا ماينفع تحت السن القانوني

خالد: محمد في اليمن كان يسوق.

يحيى: قد قلت بفمك في اليمن
.
.

في سكن البنات..
سلا: سمااا ، بس نوم عتسيري؟

سما: مااشتيش اسير حفلات استقبال الطلاب الجدد حق سنه اولى، سعم لاوشي

سلا: لو لقينا رشاد؟

سما: جحفه تجحفش اشششتي اررقد قلت لش.

سلا فتحت دولابها وبتدور ثياب، وبعدا دخلت الحمام ، اصتررع الباب

سما: جحفه تجحفش لكن، نكزتيني يامدلوزه

سلا من الحمام: عيسسسس ، جي معي قومي البسي

سما بتتقعم: وتحك شعرها ، نووم
.
.

في اليمن .. فوق السياره

ياسر: كملت عملي، اخذك بيتكم والا نرجع البيت؟

رويدا مطنشه ساااكته

ياسر: مشششي بسسسرررعه ومعصب

رويدا: ليش بتسوق هكذا؟

ياسر مطنشش وزااااد السرعة

رويدا: خفف السرعه، مالك بتجنن!!

ياسر ولابيعبرها

رويدا: شششلني بيتنا

ياسر: انا تعبت ، وانتي زيدتي بها دلع ، ماتعرفيش كيف تتكلمي وتتعاملي مع زوج

رويدا: انت اللي بتدور مشاكل وهدار من بعد ماسرنا تعز

ياسر مطنش

رويدا: وانا اشتي بيتنا برضاك والا غصب

ياسر: مافيشش حاجه اسمها غصب والا برضى ومافيش روحه

رويدا: وانا شاسير حانقه

ياسر معصب: واللي يرجع يهووودي ، ولف لاطريق بيتهم

رويدا استغرربت ماكرها وقعت له، ولاراضاها ولاعزمها ساع ماقال، طنشته

ياسر مسسك بررريك بقوه قبال بيتهم

رويدا نزلت وصرعت الباب

ياسر نزل بعدها ومسكها، ودق الباب

اخوها فتح: اهلا وسهلا

ياسر سلم عليه: هذه اختك اسمع ايش تشتي بلسانها

اخوها: ايش خير؟

رويدا: مارضيش يديني وبيتلكك وبيعاقب من الصبح انا ضبحت ولاقدرت افهمه ، اخرتها قلت يديني حانقه.

اخوها: الله يهديش ادخلي ، خلينا نتحاكى انا وياه.

ياسر: انا مشغول خليها تاخذ راحتها لما تهدأ ، مع السلامه ومشي.
.
.

في الحفل …
محمد بيتفرج لسلا نظرات ويتجابر مع اللي جنبه

سلا تجاوب البنات وعيونها ع محمد.

سما جالسه تعلق وتقلد سلا وتتحيول

جوري بتضحكككك: بالله عيدي الحركه.

سما: هي وحقها الاحول هكذا (تحيولت)

رشاد كان بيمشي ويدور، لمحها وهي بتتحيول ، وجوري بتضحك .

سما تمت ، شافت قبالها واحد، مسسسكت نفسسسها وقررررحت تضحكككك.

رشاد كان مصدوم ع جنانها ، شافها ضحكت ،رجع يضحككككك
.
.

اليمن ..بيت احمد

رشا دخلت لاعند احمد: تشتي شي والا شي؟

احمد شاف لها بنظره: بعد اللي سويتيه ؟

رشا عقدددت حواااجبها قووي: مافعلت ؟؟

احمد: ومالش عتضاربي؟؟

رشا ماسكه بطنها: اول مافعلت؟؟

احمد: محانبه وجنان ودحس وانتي داريه لما يلعبوا برشا والريال ما اجاوب امي.

رشا: تمام اسفه ، ومشيت

احمد: حماره ، جي كذا.

رشا: شاسير ابسر امي وخالتي وارجع.

احمد: مالش مقززه عاد انتي ياسلام بتسألي ماتشتي؟

رشا:مابلا حنان ادت بطاط ، يعلم الله كيف هو فيني غثيان ومغص

احمد: خلاص افتهني.

رشا: شسأل امي ماافعل، وخرجت من عنده.
.
.

بيت اهل رويدا..
اخوها دخل يدعيها.

رويدا: عيون وروح رويدا ، هوذا جيت ها

اخوها: ماحصل؟

رويدا: … الخ

اخوها: ولوو مايسبرش.

رويدا: امانه مش وقتك خليني اسير ابسر اختي وارجع لك ، هوذا شامسي.

اخوها: مابش مسيه ، شاردش العشي.

رويدا طنشت وخرجت.

اختها: حياا جي قلي لي كيف انتي مرتاحه !

رويدا: ماشي ، اكذب عليش لو اقل مرتاحه، محانبه ومطابزه انا وياه واصل.

اختها: هم هكذا ، بس لما دري اني واحمه لو تبسري كيف بيبزيني بزاا.

رويدا بتسسمع سكته
.
.

بيت احمد..
رشا: حنااان مابتحسيش بمغص؟!

حنان: مااشي ؟ والله حتى اكلت حسام معاناوالكل

اروى: ابسرتش بتدسعي حافيه الظاهر بردتي.

رشا: شاسير البس شرابات وفنيليه.

حنان: وانا شافعلش قهوه تدفي.

احمد سمع صوت باب الشقه

رشا مسكت بطنها بقووه وبتبككي.

احمد: خيرر !!

رشا: شلني المستشفى.

احمد: يله الااان حاضر ، سار يلبس.

رشا قامت تلبس

احمد: ما اكلتين وجغبصتين ؟

رشا بتببكككي: بطااط.

نزلوا

حنان استغربت: يوو ، مالش بتبكي؟ اين عتسيروا !!

احمد: قالت تاعبه قوووي.
.
.

في امريكا..
يحيى وصل للولايه حقهن واتصل لتلفون سما.

سما: الوو

يحيى: وينكن؟

سما: في الجامعه

يحيى: يلا خلاص تمي المحاضره ، انا وامش مراعين لكم

سما: صددق انتووا هنا!

يحيى: ايوه ، ارجعي بس.

سما: راعوا احنا مش في المحاضره ، معنا حفل ، جوا للجامعه

يحيى: تمام..وغلق

سما خرجت هي وسلا مراعيات خارج

محمد استغرب وينهن !! قام يلوي بيدور.

يحيى وصل واتصل بهن.

محمد شافهن واقفات خارج، استغرب خرج.

يحيى بيسلم عليهن شاف محمد

محمد انحرررج سار يسلم.

يحيى بيتجابر هو ومحمد

البنات طلعين السياره بعد ماسلمين ع امهن وفارحات.

يحيى هزر محمد من يده: اليوم نتغدى جمعه.

محمد: لاا ياعم ، خذوا راحتكم ، مره ثانيه.

يحيى: مع والله حلفت هيا.

سلوى رجعت ورا جنب البنات، ومحمد جلس قدام.
.
.

بيت اهل رويدا..

اخوها: هذا اللي حصل؟

رويدا: ايوه

اخوها: انتي داريه لو مرتي تفعل هكذا لاوريها سواد الليل !! حد يتليقن هكذا؟

رويدا ساكته

اخوها: قوومي البسي، مابش سبب للحنقه عيب عادش حريوه وابعدي هذه الكلمه من راسش المره ماتحنق الا بيت زوجها لو هن بعاسس، ماتحنق الا للكبار.

رويدا بتسمع سكته.
.
.

امريكا.. وصلوا مكان حالي للجلسه

البنات مع امهن.

يحيى: اشتي اسالك بتبسر رشاد؟

محمد حس مايشتي يحيى: ايوه.

يحيى مايشتي يقله بقصه رشاد: اشتيك تسأل عليه تبسر من خبرته اين بيسير ويجي؟ قدك داري اخوه ، كيف ودفنا

محمد: حاضر ولايهمكم
.
.

بيت اهل رويدا
اخوها: قومي اتجهزي، وانا شاتصله.

ياسر: الو

اخوها: ها اخي ، عتجي لمرتك او اديها؟

ياسر انحرج منه: انا خارج الآن ، عشردقايق واجي لها.
.
.

في المستشفى
احمد بيقللللق ليش تأخرت؟

خرجت ممرضه

احمد: لو سمحتي المريضه اللي دخلت فيها تسمم اسمها رشا ليش تأخرت؟

الممرضه: هي مريضتكم؟ مش هو تسمم عندها اشتباه حاله سقط

احمد انصددم بنبره حاااده: سقط !!! ليش كانت حااامل !

الممرضه: الان مراعيين للفحوص.

احمد دق راسه: ياجناااه ، خرج تلفونه واتصل للبيت محد بيرد
اتصل لحنان

حنان: ها احمد خير

احمد: رشا كانت حامل ،سقطت

حنان: يو ياالله !

اروى: ماهوو مالها ؟

حنان: سقطت

اروى مسكت راسها: يو ياساتتررر ، الله يلطف.

حنان: سعليك انا الآن شاجي صليك ، علي قدو في الطريق.

احمد مربوش: تمام.
.
.

اروى دخلت لاعند زوجها في الديوان، قوم شلنا المستشفى احمد اسعف رشا.

ابو احمد بيتفرج الاخبار وماسك المسبحه: خير مالها ماوقع بها

اروى: هيا نسير عندرى هانك.

حنان: يمه انتو اجلسو مع حسام وانا شاسير

اروى: مع شاسير وانتي روحي مع زوجش.

حنان: انا قلت له شمسي
.
.

بيت عمار..
زهور: كيف خاله فاطمه غاثيين على اخوهم؟

ايناس: ايوه والله ان هي ترحم الله يرحمه، ذكرتيني احاكي اختش تجي الصبح تبدي.

زهور: ايوه اتصلوا لها فقدت لها وحسي عندها اليوم قوي.

ايناس اتصلت
.
.

بيت احمد..
حنان جاوبت سمعت صوت ايناس غلقت السماعه بيدها، لفتت لامها، خالتي ايناس عتقلوا لها؟

ايناس: الووو

اروى: يوو والفعله عتفتجع بس لاسألتش اين هي قلي لها اكلنا بطاط وفيها مغص.

حنان: هاا خاله

ايناس: ماللسماعه الظاهر خاربه.

حنان: ها هم امي كانوا بيحاكوني كيف انتوا….بعد مجابره..

ايناس: ورشا مابتفعل ؟

حنان: خرجت هي واحمد.

ايناس: يلله شاتصلها لتلفونها.

حنان خاافت يقلها احمد: اصلا اكلنا بطاط من حق الشارع وان بطنها بتمغص سارت للمستشفى.

ايناس: يوو الظاهر تسمم.
.
.

بيت اهل رويدا..

رويدا: بتسائل اختها

اختها: الصدق برغم معاهم شغالات بس بين اطبخ، بيعجبني ادلعه من يدي وهو يفرح قوي.

رويدا: بس عيرجع يعودش عزايم واصل.

اختها: سسهل مافيها ، البركه في الشغالات لاتعبنا طبخ ساعدنا في الغسوله.

رويدا طننت بتفكر ف كلامها.، رن تلفونها.

ياسر: انا في الباب ، وغلق.

رويدا مفجوعه: اول مره يكلمها بهنجمه قوي

اخوها خرج لاعنده وتجابروا

ياسر: مابش شي ، بس تليقنت شويه وترفع صوتها عاقبتها واخرتها ، زيدت بها قلت لها مابش سيره وشاعزمش قالت بالغصب والا رضاك والا شلني حنقه.

اخوها: انت داري عادهي فارحه بروحها بتتدلع عليك.

ياسر ماحب يشكي له من كل شي هز راسه: مرتي وعنسد

ايناس غلقت واتصلت لاحمد.

احمد: الحمدلله مالها شي الآن قالوا تجلس الليله تحت الملاحظه وتخرج الصبح.

ايناس: الحمدلله يلا تمام، وغلقت

عمار وصل البيت ، سلم.

ايناس: لاتجلسش، قوا اسير ابسر بنتي تاعبه في المستشفى…(تمت تحكي له وساروا)
.
.

في الغرفه..
رشا بتبكي.

احمد غاااثي ونادم حبها فوق راسها وجلس جنبها: انا اسسسف والله ماكان حسي عندش، وبعدا مجنونه انا مارضيتش اقوم فلتيهاا

رشا: بعد لاتحاكينيش انت السبب

احمد بينكت: ويراضيها ،وماسك يدها

رشا بتعب ضحكت

دق باب الغرفه ودخلوا امه واخته وابوه.

.
.

رويدا طلعت السيارة: مساء الخير

ياسر: مساء النور، سااكت

رويدا مستغربه: ليش ساكت!؟

ياسر: توصلي تكوي لي ثوب ، معي سمره.

رويدا: تمام ،داخل نفسها
( ليش عاد جاء كنت امسي بس والله بيدور هدار وانا شارويه )
.
.

في المستشفى..
احمد شافهم دخلوا، قام من جنب رشا ووقف.

اروى: مافعلتي ماتحملتي جور !!

رشا: الظاهر حين نزلت الدبه الغاز من طالع.

اروى: من المخززن !! انتي مجنونه والا بعقلش

رشا: ماكنتش داريه انني واحمه.
.
.

عمار اتصل لاحمد يسأله.

احمد خرج لهم للباب.

ايناس: مالها ليش سقطت !

……حكوا لهم القصه .. الخ
.
.

بعد شهر،،
يوسف خرج من مكتبه ولمحها (شبهها بزهور)

زهور مبتسمه وبتتجابر مع صحاباتها

يوسف دخل قاعه المحاضره

البنات: يلله دخل الدكتور.

زهور ماشافته ، دخلت وهي ملتفته لصاحبتها بيتجابرين ، جلسين في الصف الاول.

صاحبتها خلود: حالي اول ايام داومنا نلقف الصف الاول.

يوسف تم يرتب الاوراق ورفع راسه يشوف الطلاب، زهور ! دق الماسه بيده

زهور تمت تجابرها، ولفتت له.

يوسف ابتسم وبيرحب بهم وبيشرح..

زهور ذكرت موقف الغرق وابتسمت بقووه ومسكت فمها.

يوسف ابتسم برغم كان مهنجم، وطلب منهم يعرفوه باسماءهم.
.
.

في امريكا..
سما: الناس يرسبوا مرض وبلاده وانتو رسبتوا حب ي اختي سلا

سلا: طز اهم شي مع محمدي..

سما بتحانكها: انا ازيد منش بسنه.

سلا: كلبه لاتقهريني ، يكفي عتوقع لي فضيحه في الشهاده بس طز كله عشان حمودي.

في اليمن..
عبدالله اخو يحيى: مررره اين جيتي ، يحيى قد معه معرض سيارات.

مرته: صدددق؟!! ابسرت قلنا لك بيغرفوا الزلط غراف.

عبدالله: قالوا لي انه اشترى بيت

مرته: قلنا لك سبر علاقتك وانت ولا.
عبدالله جالس بيتبررقط.
.
.

في بيت ياسر..
هدى بتتجابر هي ومرة امين في التلفون.

رويدا بتفعل الغداء

ياسر وصل من خارج.

هدى غلقت.

ياسر معي لكم خبررر بمليون.

هدى: خيرر ؟!

ياسر: خيرر الحمدلله.

هدى: طيب تحاكا ماهو

ياسر: لااا ، مابقلش الا لما يجي ابي.

رويدا تمت تفعل الغداء ، خرجت لاعندهم

ابو ياسر وصل

ياسر شاف لرويدا: قربي الغداء وبكلمكم بعد الغداء في الموضوع
.
.

بعد الغداء…
ياسر: كنت اشتي منكم طلب

ابوه: ايش من طلب؟

ياسر: تذكروا الفلوس حق خالي يحيى اللي بتبعدوها من الراتب كل شهر ، اشتيها وخلال سنه برجعها

ابوه: ليش؟

هدى: قد معك ديون ؟ انا داريه بك اعرفك.

ياسر: صاحبي يشتي يبيع عماره ثلاث ادوار ، بسعر ماتصدقوا،….الخ

ابوه: حلوو طيب موافق
.
.

في الجامعه..
زهور خرجت من المحاضره الاولى، وبانتظار الثانيه

ولد من نفس الدفعه مشي من قبالها وبيتفرجها

زهور طنشت وغيرت مكانها

الولد لحقها: لو تسمحي ممكن اكلمش !

زهور: لااا ، فلتت ومشيت

الولد اكتسف: صاحبه ضحك عليه
.
.

امريكا…
يحيى: انا مش داري الطمع اللي في اخي عينه على خلق الله

سلوى: ماله ؟

يحيى: قال مديون يشتي اسلفه مبلغ ماتصدقي ، وانا داري انه خراط.

رن تلفونه…

يحيى: الو

محمد: سلام ياعم، كيف الحال ؟

يحيى: الحمدلله

محمد: تعرفت قبل فتره ع طالب يمني كان في ولايه ثانيه

يحيى: ايوه

محمد: المهم الولد يعرف رشاد ويعرف البنت ، وقال فعلا انه كان زواج للجنسيه
….الخ المكالمه
.
.

في سكن البنات

سلا بتفعل عشاء ذكرت محمد، رسلت له رساله (اشتري روتي قامزز او كدم، وجي شل عشاك )

محمد رد: قد تموا الكدم ، مافعلتي لنا ياحجه عشاء ؟

سلا قريتها وابتسمت: جي وادي الصحون اللي عندك.

محمد: انا جايي بس الصحون خليهن قد ركنت عليهن بين اأثث لش ، ع اخر صحن عندش اهزرش معه

سلا مبتسمه: هيا عيحرق العشاء اقطب.

محمد تم يراسل: مكالمه من ماجد..
تجابروا …الخ
.
.

في اليمن غرفتهم
رويدا: واخيراا عيقع لي بيت لحالي.

ياسر استغرب: ليش؟ جالسه في الشارع !

رويدا: انا اشتي

ياسر قاطعها بضبببح: غلقي الموضوع هذا..
.
.

في الجامعه
شباب بيتجابروا ، عاد سنه اولى مثل الجهال لوما يدخلوا حضانه.

واحد منهم: ولا حاكيتها قد عتبكي وتلاعن وتشاتم.

زهور و٢صحباتها ملثمات بيخطين.

الشباب هذه شكلها لبنانيه ، بس صورتها مغروره.

الشاب اللي وقف زهور وقال يشتي يحاكيها: هذه البنت وقفتني اليوم وجابرتني وبكره رقمها عندي.
.
.

في امريكا ..
عبدالعزيز: المهم افعلي اللي قلت لش هي لفتره ، وهديتش كبيره..

البنت (ميرا ): اوكي دن.

عبدالعزيز: ضرب كفها بكفه.

نرمين مرت شافتهم ردت السلام وتكلمت عادي.

عبدالعزيز: والله لاوريكم ماخليكم تتهنوا ببعض

ميرا: قلت شي؟

عبدالعزيز: لاا ، بس افكر بيني وبين نفسي

نرمين بتغير قربت لاعنده هو وميرا

عبدالعزيز بيعرفهن ع بعض: هذه ميرا ، صديقتي نرمين

نرمين بمسخره: ابتسمت صديقتك ! باقي لك كم صديقه من كم دوله وتكون وحدت الوطن العربي

عبدالعزيز بثقه: غيررانه اني انحب !

نرمين كركرررت باستهزاء ومشيت من عنده
.
.

رشاد وصلته رساله من DHL يجي يستلم طرد
كان متحمسسس ، استأذن بعد المحاضره وخرج بسرررعه

صاحبه: لاوين؟

رشاد: راااجع ، ولو الامر زي ما في راسي اعرف احلى غداء ع حسابي
.
.

في اليمن كليه طب الاسنان..(محاضره /تشريح الراس والفك)

زهور: يوو ، شكلي شاغير التخصص

خلود: ايووه، ابسرري العيال ع قوة قلب فيهم بيزبجوا

زهور: تصدقي لوما يذبحوا في العيد ماابسرش افتجع

خلود: اليوم عنحلم جماجم

واحد من الدفعه حسين: عينه ولانزلت من زهور

خلود: ابسري ، هذك بيتفرج لش من اول

زهور: مااشتيش ابسر ، خباله امانه ولاكأنهم يعرفوا بنات
.
.

بيت احمد..
احمد: رشاا ، جهزي لي الديوان الخبره عيجوا

رشا قامت قشعت البردات ، وقربت الماسات ورصت الطفايات والمتافل وثلاجات الماء

احمد: لاتبخريشش ، الله يحفظش هيا افتحي الطيقان

رشا: شويه بس

احمد: قلنا ماشي (قحص يدهااا)

رشا: والله هياا بعيني، وبتقرب المبخره لاوشه

احمد فلت يدها

رشا دمعت: ياااخبيث والله ان اسنانك غرست

احمد: افعل لش ساعه تذكري لوما كنا صغار؟

رشا ضحكت: هاا ابسرر كيف اسنانك طابعه

احمد: اوخيته ، ذلحين اطعم القات سوا ، حليت بيدش

رشا بخزا ضحكت: يلا سامحتك

ابو احمد دخل ، وفارح بسرهم بيضحكوا: الله يسعدكم ويرزقني بحفيد قبل مااموت

رشا واحمد بصوت واحد: من غير شر عليكم

بعد مداحسات رويدا فوق الغداء تشتي تخرج

ياسر جلس يخزن وضابح منها

رويدا: مافيها لو خرجت يوميا؟

ياسر: قلت لش لوما انا في البيت نجلس سوا

رويدا بحنق: هاا جلسنا.

ياسر بيفكرر قام يتصل لصاحبه (من كذب)

رويدا بتسمع سكته

ياسر: يا اخي هنيت لك مفتهن ماعندك حجه ماتداوم

امانتك شوف لي واحده بمواصفات ترضى تعيش مع اهلي لاني وحيد ابي وامي ، واحده تحبني تحترمني تسمع كلامي تبطل زنط، تبطل مقارنه بصحباتها واهلها وترضى بي وانا اعيشها ملكه

رويدا انصدمت: يااي منك صددق؟

ياسر غلق التلفون بيدندن ( اشتي حريوه حاليه من بنات اليمن)

رويدا بعصبيه: ماالك من الجنان؟

ياسر: مالي !! اشتي الحلا والدلع والطبيعه السابره مش طماش ومرادده ع كل كلمه

رويدا عصبت قامت الغرفه تتصل لصحبتها ( ياختي مافعل قد زيد بها يشتي يتزوج )

صاحبتها : هو غر كلام ، اهم شي بتحسيه قدو يحبش متمسك بش؟

رويدا بضبح: بين اقلش عيتزووج

صاحبتها: عيقل مفتجعه ويجلس يحانكش

رويدا: صح، ابين له مش همي؟

صاحبتها: ايوه.

ياسر ضبح ، قام شل نفسه وخرج عند اصحابه.
.
.

امريكا.. بيتجابرو في المكتب
يحيى: ايوه في ارباح واشوفها ربي مبارك لنا فيها مارأيك ي اخي لو نفعل بها مشروع؟

صلاح: لااا عنتشتت ويضيع نجاح العملين.

يحيى: مش لازم عمل هذا مشروع لاخرتنا ولجهالنا نزكي عن انفسنا وعنهم.

صلاح: قصدك نتصدق به.

يحيى: تقريبا،، في عندي مشروعين واحد منهن انا وانت { ارباح العمل حق اخر السنه بيكون فصل الشتاء نحول الزلط لليمن وهم يشتروا بطانيات ملابس ثقيله للجهال ، به بيوت سقفهن زنك تخيل ع برد}

صلاح: لاحووول ولاقوة الا بالله ، كيف الهتنا الدنيا بنفسنا وجهالنا وغربتنا ، والله انها فكرة موااافق

يحيى: الفكره الثانيه به شباب خريجين مابش معهم عمل نفتح لهم مكتب بسيط عيكلفنا راتبهم وايجار المكتب فقط وعيطلبوا من اصحاب المطاعم مايبقى من العشاء والغداء يتم تغليفه والاتصال بهم ، وهم يوزعوه ع البيوت المحتاجه

صلاح: ي اخي هذا يشتي له حد تركن عليه ويشتي لك التزام

يحيى: موجود من اركن ، والمبلغ لو نفرق احنا اليمنيين الخمسه شهريا من ٢٠٠$ عتكفي راتب وايجار المكتب وفاعلين الخير خيراات بس لازم نتساعد

صلاح: صدقت والله فاتح علينا واجب اقل شي لبلادنا وناسها.
.
.

امريكا في الجامعه..
سما سارحه بتشخبط في دفترها ، وبترسم وتكتب كلماات وو

جوري: ايش يعني هالكلمه ياسما….

سما: مدررري

جوري: ركزززي
.
.

عند محمد وسلا،، تمت المحاضره
سلا سبقت خرجت مع صاحباتها وبتتفرج لمحمد.

محمد راح ياخذ اوراق من صاحبه..

عبدالعزيز بيراقب من بعيد كان واقف هو وميرا ، اشر لها عليه ووصفه

ميرا: اووكي ، ولايهمك بس انت لاتركز الصوره ع وشي.
.
.

فوق السيارة..
رشاد استلم الظرف، طلع السيارة فتحه وخرج الاورااق بيقرا..

دق السكاااان بقوووه الحمددددددلله يااااارب لك الحمد قدك اخبر بنيتي.
اتصل لعبدالعزيز : اين انت ؟

عبدالعزيز: مش فاضي لك باااي.

رشاد غلق ورسل رساله لسما: وينش؟؟

سما سمعت الرنه انحرجت.

جوري: حطيه سايلنت.

سما مسكته تصمت رسالة من رشاد،، وينش؟؟
استغربت ولفتت لجوري.

جوري: شو في؟

سما: رشاد رسل وين انا؟

جوري: ردي بلكي بدو شي ، لانو مابيحكي معك الا لو صار شي.

سما ردت برساله: في المحاضرة

رشاد قريها ورااح للجامعه..
.
.

ميرا راحت لاعند محمد ، وقربت جنبه تتكلم معه عن وقت المحاضرة

محمد ردلها: ايوه، الان خلصت

عبدالعزيز متجهز يصور: هياا ..

ميرا بيدها: مسحت خده، فيك غبرة

محمد انحررج دهف يدها.

ميرا: لاتنحرج بمسحها ، ورجعت تمسح

سلا: بتدورره، شااافت

محمد مسك يدها ودهفها ومشي

عبدالعزيز: لقط اكثررر من صوورة

سلا رااحت لاعنده: ماالك ؟!!

محمد: مالي؟

سلا بنرفزززه: من اللي كانت واقفه معك !!

محمد: مااعرفش والله ، جت فجأه تسأل و…حكى لها

سلا: مكسرر يكسروا يدها الله يجعلها تتفكك اصابعها ، وخفعته بالكتب وانت واااقف فارح بروحك.

محمد: لو عرفت انش عتجي تكلميني كل يوم شوقف مع وحده.

عبدالعزيز: واااصل التصوير لسلا ومحمد

سلا بنرفزه: باايخ.

محمد: احبش يابايخه وانتي بتغيري

سلا: يله لاتفرح بالمجابرة ولاتجلس تجاوب حد.

محمد شاف عبد العزيز: يلا ، البيت ماعد بش محاضرات.

سلا: شوويه بس.

محمد: طيب سيري بعيد من قبال الاهبل ذيه.

سلا: لفتت وانه واقف، مشيت من قباله.
.
.

في جهه ثانيه ..
سما وجوري خرجين..

رشاد وصل ، اتصل لها.

سما كنسلت.

رشاد اتصل

سما كنسلت وجت من ورا: ها ماتشتي.

رشاد: هاا امسكي هذه اوراق كنت مرااعي اتأكد من النصابه
قالت ان معي ولد وكنت احول له مصروفي شهرياا

سما انصدمت: لفتت له ولجوري

جوري مشيت

رشاد: عادي ياجوري ، خليش انتي كنتي طرف في الموضوع افهميه.

جوري: لا ، هاد شي بيخصكم

رشاد: وهذه اوراق من المحكمه معمدة بنتيجه فحص الDNA.

سما ارتبشت: ماقلت لي ان معك ابن.

رشاد: كان الموضوع عيتعقد، ولاني متأكد انه مابش معي ابن ماقلت وطلبت الفحص.

سما: طيب.

رشاد: مش عارف ليش كلمتش ، بس اشتيش تصدقيني اكثرر.
.
.

نرمين بتمشي ، شافت عبد العزيز جت من ورا تشتي تفجعه.

ميرا: انت طلبت صوره الشاب ، ليش صورتهم مع بعض ، هي خطيبته ؟

نرمين اسستغربت.

عيدالعزيز: هكذا، انتي لاتكلمي حد بشي عشان لاتدخلي بالمشكله.

نرمين حست بتأنيب ضمير فهمت الموضوع، ومشيت…بتفكر في سلا ومحمد بعد ماعرفت قصتهم وحبهم لبعض

رشاد: شاف نرمين ، رد السلام.

نرمين فكرت تقله: رشاد..

رشاد: نعم

نرمين متردده ابتسمت: ولاشي

رشاد: اوكي ،، ومشي.

نرمين: ذكرت رد عبدالعزيز لها واستخفافه،، قامت لحقته رشاااد..

رشاد: خيرر ؟
.
.

سما: اتصلت بسلا وروحين البيت.

سلا: كيف محاضرتش؟

سما: رشاد جاء الجامعة

سلا: ايش يشتي !

سما: وراني اوراق وو قلك مابش معه ولد مافهمت قصده وليش قال لي لو معه ولد!

سلا: ليش هو قال معه ولد!!

سما: لا ، بس قال كلام ماكنت مركزه مافهمته ، للآن لما اطرح عيني بعينه احس بجررح.

سلا: بيتهيأ لش فرررق ياسما بين شخص يصارح وشخص يخبي او مايهتم.

سما: وانتي كيف يومش؟

سلا: اليوم واحدة …حكت لها اللي حصل.
.
.

محمد: وصله اتصال من جاك وكاترين وراح لهم.
.
.

في اليمن…بعد ماعرف بتخطيط يحيى
ياسر: جمع شباب في الحاره بدون عمل وشهايدهم..
وبدأ ينسق الخطه معاهم ويشرح وضع العمل.

واحد من الشباب: لو كل حاره تفعل هكذا ، ان محد بيرقد جاوع وبردان ، وبدون قيمة علاج.

ياسر: اي ولله، ماعليه بينتشر مشروعنا والناس بتقلد وخليه ننشر الخير.
.
.

في الغرفه الثانيه..
هدى بتدددعي لابنها.

رويدا: خيركم خيركم لاهله.

هدى: قومي من اللقانه البسي سوا واتمكيجي واستبكي لزوجش ، عيتزوج عليش ياخبلا.

رويدا: قال لكم ؟

هدى: انا بين اقلش

رويدا: مش شرط وبعض رجال ، والله ان لو تفرشي لهم الارض ورد لايتزوجوا

هدى: خيرة الله، اجلسي بقبقي ع كلمه ساع الدجاجه.

رويدا اصتررعت، قامت غرفتها تلبس
.
.

امريكا

نرمين: رح احكي لك شي بس ياريت ماتذكر اسمي بالموضوع ، اخوك بيحب المشاكل وخايفه يعملي شي.

رشاد عقد حواجبه: ايششش حصل!

نرمين: بالصدفه مرئت من حدو ، كان واقف مع ميرا بتعرفها شي؟

رشاد: تقريبا.. شفتها مره بس ، ليش؟

نرمين: خيك، بدو يعمل مشاكل وانا بخاف عليه، سمعتو بيحكي عن صور سلا ومحمد وهيك شي.

رشاد: يعني صورهم ؟

نرمين: هيدا اللي فهمتو من حكيو ، بدياك بس توصل ع البيت تتأكد.

رشاد: اووكي بحاول.
.
.

عبدالعزيز روح، وصل طرح ادواته، ودخل ياخذ دش..

رشاد كان متخبي في الغرفه: سمعه دخل الحمام، شل التلفون فتحه ودور الصور ، كلهن نقلهن لتلفونه ومسحهن من تلفون عبدالعزيز وخرج.
.
.

في السكن..
سما: تقلي احاكي بابا.

سلا: راعي يمكن يحاكيهم هو.

سما: بعدش
.
.

في سكن الشباب…
محمد جالس يفكر ويهمم، كيف عيجمع المهر حقها وكيف عيفعل بحق العرس ومابش وظيفه للآن.

ررن تلفونه.

رشاد: سلام، معك رشاد.

محمد: هلا حياك

رشاد: كنت اشتيك بموضوع

محمد: خير؟

رشاد: خيرر ،قد تغديت ؟

محمد: ايه.

رشاد: خلاص شامر لك نخرج.

محمد: يلا تمام.
.
.

في اليمن…
زهور واقفه: رجع اللغجه جحفه

خلود: من؟

زهور: ابسري هذك السامج جاء يشتي يجابر اليوم الاول وطنشته.

خلود: خليه يقرب والله لامسح به البلاط قلة ذوق لو واحد يجابر اخته كيف عيقتلب مجنون.

زهور: من معانا الآن؟

خلود: الدكتور يوسف

زهور ابتسمت: اهااه
.
.

امريكا..مسك التلفون بيجابر
يحيى: ها ياسر ماقلت لي اخبار المشروع؟

ياسر: والله ياخال رووووعة لو تشوف كم دعااء بيدعووا

يحيى: لك الحمد والشكر يارب

ياسر: اول بشرى للخير وصلت السيارات اللي وصلت قبل فتره ابتاعت كلها بربح مضاعف

يحيى: مش معقووول!!

ياسر: والله ماتوقعت مشوا بسررعه وفي طلب

يحيى: انا بقطب الامور كلها، ومتواصلين

ياسر: تمام ، في امان الله
.
.

في السيارة
رشاد: حياك الله..

محمد: الله يحييك، ومستغرب سر العزومه؟

رشاد: اقلك يااخي انا ارتحت لك واخلاقك، واخي الله يهديه ماله دخل بيني وبينك

محمد: هذا شي اكيد، اصابع يدك مش هن سوا.

رشاد ضحك: ويكفي ان احنا عدايل.

محمد: ان شاءالله.

رشاد: اشتي اقلك بموضوعين الاول، هذه اوراق تثبت زواجي في المحكمه انها لمصلحه وجنسية وماعندي اي طفل وكان زمن قياسي.

محمد فعل نفسه مش داري: اي زواج !

رشاد: محد قال لك!

محمد: لااا

رشاد فرح ان يحيى ماكلم حد: طيب الموضوع الثاني مااشتيش اخي يفعل مشاكل جيت لك لانك عاقل وعارف ردة فعلك عتضبح وتعصب من حقك ، بس انا شاوقفه عند حده بطريقتي ، المهم جيت اوريك تنتبه من جنانه.

محمد: ايشش في؟

رشاد فتح تلفونه: هولا الصور صورك في الجامعه اليوم.

محمد هزر التلفوون بيقلب وجنننننن: ابن ال..

رشاد: رجااء يامحمد ، كلمتك مااشتيش مشاكل

محمد: كيف لوما ؟

رشاد: حكاله من بداااايه الخطه ونرمين، وكيف سرقهن وهذك في الحمام.

محمد معصصصب وبيتحلف له

رشاد: المهم يامنعاه ، لاتذكر له الموضوع شليتهن من تلفونه سكته وحذفتهن من عنده ، وانتبه انت وخطيبتك وهو حسابه مع ابي بعد مااوريه فعايله يأدبوه شويه هذا مستقبل اخي وخايف عليه يضيع مع الصيع والخبره.

محمد بالغصب: تمام عسب الحركه اللي فعلتها لي عد اسكت والا والله اني منه للنخر.

رشاد: ابرد لك منه ، المهم نبدأ صفحة انا وانت وخلي مشاكل اخي على جنب.

محمد ارتاح له: ان شاءالله .
.
.

في اليمن.. ثاني يوم
ايناس سارت لهدى ،تدخلها جمعيه.

هدى: ابسري جمعيتنا طويله ، يمكن تستلمي اخر واحده يعني سنه.

ايناس: انا موافقه، بس من كم بتستلمين ؟

هدى: احنا خيرات قوي ، بنستلم مليون.

ايناس: حالي ، اشتي اجمع لابني ماكودنا.

رويدا دخلت بقلص عصير لايناس، طرحته وعلى خرجتها

ايناس: جي نبسرش ، مالش مابتخرجي تتفرطي مع عمتش في الحاره؟

رويدا: مابيعجبنيش بين اضبح كلهن كبار

ايناس: معنا عرس من الاهل ارجعي جي مع عمتش واجلسي مع البنات.

رويدا: ان شاءالله..
.
.

امريكا..
محمد روح يتصل بسلا، يقلها تنتبه ويحكي لها مافعل عبدالعزيز.

سلا: من قلك؟

محمد: رشاد كنت معه.

سلا: رشاااد ! يوو ع نذل هذا والله مانسسكت له

سما كانت بتذاكر افتجعت، لفتت لسلا، ماله؟

محمد: ايوه بس لاتحاكين حد وو…الخ

سلا بعد ماغلقت

سما: ايش ماله ماقد فعل !

سلا حكت لها..

سما: رشاااد صووركم ؟

سلا: اخوه ..

سما: وكيف له كلم محمد؟

سلا: الصدق طلع عكس اخووه.

سما سكتت، وبتفكر في اللي فعله.
.
.

عبدالعزيز بيقلب الصوررر ، مابش ، اتصل لميرا بيتصايح معها

رشاد وصل ..

عبدالعزيز: وين كنت ؟

رشاد: خارج متى روحت؟

عبدالعزيز بضببببح: روحت اول..

رشاد: مالك ؟

عبدالعزيز: ولاشي ، وجالس يطفي التلفون ويولعه.

رشاد فلته ودخل الغرفه وهو مبتسم، غلق تلفونه بكلمة سر.
.
.

نهاية الاسبوع..
رشاد: راح عند ابوه، وحكى له ووراه كل شي، قال له لابيداوم وبيمكنها نوم وخرجات..

صلاح معصب: وانا اقل ماله مابيجي ، هذا الولد عيمرضني عيجلطني، مالك ماتتحاكى من اول

رشاد بزعل: بعد الشر عليكم.

صلاح اتصل لعزيز: الااان تجي ، معك مسافه الطريق.

عبدالعزيز: ليشش ! ماوقع

صلاح: جي ابسر ماوووقع.

عبدالعزيز مافهم: قلق لايكون حصل شي ،،، حاااضر الان جااي .
.
.

في اليمن..
ياسر: هو وابوه بيتفرجوا العماره.

ابوه: ماشاءالله رووعه ، وسعرها فظيع، بس يا ابني عيب كيف نرد فلوس عمك.
.
.

بعد شهور..

في كلية طب الاسنان
شباب بيتجابروا ع بنات الدفعه..وذكروا زهور.

حسين: كلم حامد قل لصاحبك يحترم نفسه ، ويغلق فمه قد خطبت البنت

حامد: راح لاعند وائل، يقله ، قل لصاحبك يحترم نفسه، طرحت كلمه لاهل البنت.

وائل: قل له يفرح روحه ؟ هذه حبيبتي وبنتواصل انا وهي.

حسين بعد ماعرف ، راح لزهور.

زهور: رجاء انا قلت مااتكلم مع حد.

حسين: معي كلمتين اقولهن وامشي، انا معجب بش من اول مادخلتي.. وناوي اتقدم لش ، ولما سمعت شباب بيتكلموا عليش ، قلت لهم اني بخطبش ، قال وائل انش حبيبته وبتتواصلوا صدق هذا الكلام!!

زهور: هكذا قال والله لاورريه
.
.

في امريكا..
صلاح: لا ، ولا يوم اجازه

عبدالعزيز: يابه تعبت، عمل واصل ، ماهكذا مايخارجش الصدق.

صلاح: مش هو على ماتشتي ، ارجعك البلاد عند اعمامك تفتحس وتبسر المرجله ، او قدك هنا أحمد الله.

عبدالعزيز: ودراستي !

صلاح: انت داري كم عمرك ! ماقد تميت بين احاسب زلط للشاررع.

عبدالعزيز: نفسي ادرى ماصنف لكم فيني ورشاد!.

صلاح: رشاد حق قرايه وعيشه ، وخاطب وقدها يفتح بيت

عبدالعزيز: قدو باين لو شي ماراجم ابنه عند مرته..

صلاح ضحك: والله انه اصغر منك وارجل منك ، واااصل عملك ، مابش اجازه.

في اليمن ..
ياسر ماسك قلم وورقه وبيحسب،، ثلاث ادوار ،كل دور شقتين ،،ست شقق لو الواحده ااجرها ب…

رويدا قاطعته: ياسرر.

ياسر بيأشر لها بيده لحظه ..

رويدا: يوووف ، وخرجت من عنده.

ياسر بيحسب ويضرب كيف يسدد مبلغ يحيى، فررح انه عيتسدد المبلغ ويزيد يربح.

رويدا تمت لبست البالطو وخرجت: اختها مرت لها.

اختها: وين عمتش ؟

رويدا: بتفعل الغداء ، سرت استأذن ياسر تخيلي ولا بيرد ، رجعت خرجت يتعاقب.

اختها : يو يامجنونه ! بس خباله اتصلي.

رويدا: ماشتصلش خليه يدورني، داري ان معي عرس وطلبته من الليل اخرج.
.
.

امريكا بيت يحيى..
يحيى: هذا من بعد ماخطبت ركنت ماعد بتجيش ، ركنت ها !

محمد انحررج: مع ياعم بس ، بننشغل مع القرايه وو

يحيى: انا داري انك منحرج، بس خليك عادي ومابش بيننا البعسسه..

محمد: وحابب اقلكم ان رشاد والله مابش مثله لي فترة متقرب منه و..

يحيى:زد هو و ابوه كلمني وارتحت اكثر حسيته صريح عكس اخوه.
.
.

امريكا بيت صلاح…
صلاح: نشتي نعزم بيت يحيى ، قدلش من اخر مشكله شهوررر مازد عزمتيهم.

ساره: ولا اشتي ابسرهم ، وابنك ماشتى يفعل اللي براسه، و انا مش موافقه على بنتهم

صلاح: مش هو على ماتشتي بعسسه نسوان.

ساره: خلي الولد يرجع يقرا ، حرام عليك لانصيب ولادراسه عتحرمه كل شي.

صلاح: ضيعتيه انتي بدلعش، والان شاخليه يوقع رجال سوا ويتحمل المسؤوليه.

ساره: حسبي الله في اللي بيعبي راسك على ابني.

.
.

في اليمن..

الكليه..
زهور طلعت لمكتب شؤون الطلبه تشتكي بطالب..

الشؤون: روحي للمشرفه.

المشرفه: مش موجوده.

زهور: ضببببحت (انتهى وقت الدوام ) وروحت البيت.

ايناس: ماالش ؟

زهور: ولاشي تعب..

ايناس: البسي واجهزي معنا عرس

زهور: مابش نفس

ايناس: اختش وحنان عيسيرين

زهور: امري لله ، حاضر
.
.

بيت ياسر..
ياسر: روويداا..روويداا..

هدى: مش هي عندك؟

ياسر: لا..انا قلت معك،،

هدى: يو ابسرها في الحمام..

تلفونه رن
ياسرسمعها خارج: بصيااح ووينك !

رويدا افتجعت: خرجت مع اختي.

ياسر: اختي اهااا تمام استأذنتي من اختك !

رويدا سكتت: الان شاروح.

ياسر غلق لاوشها ومعصب.

هدى: مالك !

ياسر: استأذنت منك ؟

هدى: والله ماعلم انها خرجت.

اختها: صيح؟

رويدا: هذا اللي فيه ، صدقت ابتسام الرجال تسعريه يرجع لش.

اختها: شوفي هذه ابتسام عتوديش في ستين داهيه تنصح روحها اول، كودها مشاكل.

رويدا: والله اني بين اوصل لكلامها.

اختها: الله يعينش ، تشتي احاكيه لش.

رويدا: لا ماشحاكيش حد.
.
.

بيت ياسر.. وصلت له مكالمه
ياسر: اماه انا مستعجل الان ، بخرج ويمكن اتاخر، المهم شوفي لي متى بترجع !

هدى: حاضر..
.
.

في العرس..
رويدا فاعله الرسسمه من طرف عينها للطرف واربع الوان ظل، وبتره فااقعه..شعرها منفوش. ولابسه فستان عادي ساده ولابسه اكسسوار.

هدى: يابنتي خففي المكياج شووعه

رويدا: مع ، عاد انا حريوه، ماتشتي اوقع سامجه ساع العزبات.

هدى طنشتها وابتسمت لايناس وبناتها

ايناس: وصلت هي ورشا وزهور سلمين عليهن.

هدى: ماقد جت اروى ؟

ايناس: مع عتجي حنان وهي توبه لابنها.

هدى: صلاة ع النبي يارشاا ، كأن انتي عادش حريوه.

رشا ابتسمت وخزيت.

رويدا افتحرررت غيره.

ياسر رسل لها رساله: عادك مع اختك

رويدا: خرجت مع امي العرس.

ياسر: وروحي مع امك تمام.

رويدا: امك انت.،، عمتي.

ياسر: ايش اسم الصاله ؟

رويدا باستغراب: صاله ال…

ياسر: البسي الآن جاي لك ..
.
.

هدى: اين سرتي؟

رويدا: اجاوب ياسر

هدى: مايشتي؟

رويدا بضبح: مدرري، قال اجهز.

هدى: يو مسرع جاء لنا ؟

رويدا: قال اجهز انا بس.

هدى: يله اجهزي ، وانا شاروح مع اختي ايناس.

بيتوشوشين على جنب
زهور: ها امانه ماعد بين استضيها، بعدا ظل بنفسجي كأنها مدكومه.

رشا بتكركر: حرام ياخضعى، بس يمكن تمكيجت ومابش كهرباء ساع هنا.

زهور: وانتي زنط وهي مبدعه ابسرتي كيف بتسلم من شق نخرها

رشا: مالش اليوم على خلق الله وشكلش ضابحه.

زهور: ايوه وقع في الجامعة

رشا: سيري حاكي المسؤول والا يجو ابي معش.

زهور: اول شاسير انا اتأكد يمكن هذك بيخرط.

.
.

في امريكا…في المكتب
صلاح: تشتي الصدق يا اخي والله ان ماشاءالله على محمد، ركن اتمنى جهالي وتربوا هانك.

يحيى: والله ان خالد تربيته غير لو كان في اليمن، بدأت اخاف من الحريه الزايده اللي بيعلموهم وهم في سن مراهقه.

صلاح: بس الدراسه هنا قويه.
.
.

عند باب الصاله..
ياسر مراعي

رويدا خرجت وقربت تفتح الباب

ياسر غلق الباب اللي جنبه ، ورجعها ورا.

رويدا: مالك حد عيجي ؟

ياسر مطنشش.

رويدا: مالك ؟

ياسر: ولانخس ومعصب بيسوق بجنان.

رويدا خايفه.

وصلوا البيت

ياسربصياح: انقلعي داخل يلا.

رويدا: ولا ردت بحرف نزلت سكته.

ياسر: دخل وصرع الابواب بعده.

رويدا فتشت اللثمه ومراعيه له.

ياسر: شووفي والله لو عليا اني ادبتك ، بس انا ضد مدة اليد.

رويدا رفعت حواجبها بصدمه: يااي

ياسر: اص ولانخسسس ، ولابسمع لك كلمه، ومن اليوم بتشوفي رجال البيت سوا،، خرجه من باب الباب مافيش فاهمه ؟

رويدا: انا جيت استأذنك.

ياسر: مااشتيش ولا كلمه، انا اليوم عديتها لش عشان تتعلمي ،، مره ثانيه بارسلك ورقتك ،، قلنا تغيري قلنا تأدبي قلنا استأذني ،،، ولاعامله لي حساب.

رويدا فلتت وحنقت الغرفه تبكي.
.
.

ثاني يوم ف امريكا..رجعو ولايتهم وبرررد وثلوج

سلا بالفنيليه والجاكت والحجاب والكوفيه والكفوف…

محمد بيضحكككك: كيف شكلش ساع البطريق.

سلا ضحكت نخرها محمررره وخدودهاا.

محمد: وزد مهررج يو كيف شكلش.

سلا: اضحككك، عادك فارح بروحك شعرك مبلل بين البرد هذا

محمد: جو رووعه، اول مره ابسر ثلوج.

سلا: ذكرتني اول مره جيت كنت اتخايلك..قبالي ونلعب ونتراجم سبحان الله اللي قدك هنا.

محمد: وخطييييبتي زد لك الحمد يارب ، وطى جحف ثلج بيده ورجمها..

سلا: مجنوون والله انك مدكووم، وبدأت تراجمه

محمد بمززح: بس خباله، يلا الكلاس بدأ

.
.

ياسر دخل يعلق الكوت

رويدا بتتفرج له وبتدعي عليه داخل نفسها

ياسر: قومي افعلي شاهي.

رويدا قامت..

ياسر: مانفع معش الا هذا الاسلوب ، ماشفت مره تتمنى النكد لنفسها زيك.

رويدا: اتمنى؟ قدو نكد فرص

ياسر: عااادك ياقمرر ، لما اقلب اوقع خادم دلعتك كفايه وزودتي بيه.
.
.

حاره ..صنعاءالقديمه..
عم حسين ابسر عمار: كيف ابنك ياباه.

عمار:الحمدلله يسلم عليكم.

عم حسين: عقي والديه ولايتصلي ويسأل عليا.

عمار: تشتوا تحاكوه ؟

عم حسين: اي والله اني فقدته

عمار: من عيني.. اتصل بمحمد..

في امريكا خرج من المحاضره بريك ، اشترى لهم نسكافه يدفوا ، رن تلفونه (نغمته حق سلا خاطري)

سلا خزيت وابتسمت.

محمد بسر التلفون: ابي ! الو

عمار: هلا كيف انت.

محمد: الحمدلله وانتوا كلكم ؟

عمار: بخير، حاكي عمك حسين

محمد: حياا عم حسين.

عم حسين: عادك تذكرني او مع الحجه مش هي عندك، قدك عندها.

عمار استغرب.

محمد: يو ياعم ماقلتلكمش خطبت.

عم حسين: كان سيرتك لاطررريق، ألف مبروك قد بين اقل مالي هجعت هدارك.

محمد: قوا ابي جنبكم لا تلخفجوش.
قطع الخط.

عمار: طلع نزغه هاا بيجابركم سكته.

عم حسين: ماقد ابسرت اطيب من قلب ابنك الله يصلحه لك.

عمار: آمين ، وخطي بيضحك.
.
.

في بيت احمد..
احمد بيتفرج مباره

رشا بالعاني…بغنج ودلع: حموددي نجحت الدبه يااقلبي عتغيروها ، والا اسيرر

احمد بسررها وبتعابير وشه ياسعم بيبكي: شااغيرها.

رشا: هيااا

احمد قام ،، وعينه على التلفزيون.

رشا: اسيررر

احمد حضنها. قرري هنااا راعي ابسر عيهدددف عيهددف ، اوووت.

ابو احمد: اوتو عينك ، عاد شي حيا.

رشا كرررررركرت.

احمد انحررج: فااارحه مالش حاجفاني عد اطيرر او مه ؟

رشا خزيت: ياعم والله انوو هو عسب قلت له الدبه نجحت.

ابو احمد بيضحك عليهم.
.
.

في امريكا الجامعة..
بعد ماتمت المحاضرة خرجوا كان ريااااح وثلج بينزل

سلا بترررتجف وفاتهم المترو..

محمد: بررد عليش شاوصلش

سلا: ماشسي، مااستأذنتش من بابا وتلفوني طافي.

محمد: ماعنترمسسش ذلحين بتبسري كيف الجو ، اخطي اين سما ؟

سلا مش قادره توقف برد: مدري ، خلاص شاخطى قريب.

محمد:كان لابس كوت طويل للركبه، خلسه وناولها.

سلا ضحكت: حسستني بالمسلسلات

محمد: البسي ياروحي واخطي البيت.

سلا: بررد عليك.

محمد: صددقتي المسلسل لاتخليني افعل دمعتين، هيا طريق البيت، ابوش وصاني عليش اوبه لش من الهوا.

سلا ابتسمت: يلا انتبه لنفسك وسير ادفى.

محمد: طمنيني عليش لما توصلي، باي
.
.

سلا وصلت اتصلت لمحمد تطمنه

محمد: يله ادفي واشربي دافي

سلا: حاضر وانت والكل.

محمد كان مبلل: بيعطسسس

سلا: يرحمك الله

محمد: يرحمنا ويرحمكم الله

سلا: جعلي مكسر ، مرضت بسببي

محمد: ماقلنا من هذا الكلام ! ياسين عليش ياروحي ، يله خاطرش.
.
.

ثاني يوم غرفه ياسر..
رويدا بترفع صوتها بالعاني: ماشي ما شقدرش اجي

ياسر مدعمم وجالس بيتفرج التلفزيون

رويدا غلقت: وبصوت واطي ياااسر

ياسر مدعمم ومبتسم للتلفزيون برنامج كوميدي

رويدا قامت قباله: ياسر اختي

ياسر قاطعها: بعدي من قدام التلفزيون

رويدا: طيب بين استاذنك اختي عزمت….

ياسر بعصبيه وقلبه وش: قلنا اختي جدتي مااافيش خرجه

رويدا: هوذا استأذنتك.

ياسر بعصبيه: يعني انا فين ارووووح كرهتيني نفسي دحسس وهررم اووف، وخرج من الغرفه..

رويدا جلست تبككككي.

امريكا..في غرفتهن
سما: هنيت لش صدق امانه جو يشتي له حد يتطمن عليش يحبشش

سلا: والله انه بيحبش ، وابي قد بدأو يتقبلوه.

سما: ايوه ابردي لش مني، حسيت والكل لوما كنا عندهم ، كان اسئلتهم لش ساع اللي بيشكوا بتتواصلي مع محمد

سلا: ايوه وانا والكل نزلين بطوني

سما: ااح ياقلبي المسكين ، ماقد ابسرت لك يوم حالي في الحب

سلا: رشاد يحبش بس بيفتجع من قلباتش

سما: اي حب امانه ، هجعيني

سلا: عيحبش بعد العرس ان شاءالله

سما: لو تبسري ماخاوره على هذا البرد؟

سلا: ايش؟

سما: مطيط

سلا: ضحكككت ، ذكرتيني بالحساء حق سالي

سما: قووومي نفعل

سلا: ونشل لحمودي مريض

سما: اقطبي ياحمودي الساعه ٧
.
.

بيت ياسر..
ياسر خررج ضابح ورزع باب الغرفة

هدى: مالك!

ياسر: ولاشي ، وخرج من البيت

هدى: استغفرالله بس ، سارت تدق لرويدا

رويدا مابترد

هدى فتحت الباب

رويدا بتبكي

هدى: مالش ، مالكم يا جهالي عتصلوا ع النبي وتعيشوا سوا

رويدا: انا مش داريه ماافعل له تعبت مااعرفش كيف افهمه

هدى: والله ما اطيب من قلبه مرح وزقع وحنون ، بس انتي بتستفزيه

رويدا: خصصمه لاقد تدلعت عليه يجنن جنان

هدى: جلست تعقلها وتجابرها

خارج
ياسر بيجابر صاحبه، انه مشاكل وو

صاحب ياسر: كم عمرها؟

ياسر: ١٨

صاحب ياسر: ياخي اجلسوا تزوجوا صغار وبعدا ربوهن انتوا

ياسر: ماتفرق معي والله العمر ولاتشرطت، بس امي خطبتها لي مااعرفهاش

صاحب ياسر: جرب غير اسلوبك معها ، سافروا، دلعها وارجع فهمها ايش اللي ماتحبه فيها بس باسلوب ولطافه

ياسر: حاضر وامري لله
.
.

سلا بتمسح الكوت حق محمد بعد مانشفته

سما: ليش ماغسلتيه

سلا: حلفني مااغسله ، اخليه على مالبسته

سما: جحفه لكم ، اين جاء عقي والديه نحب

سلا ضحككت: هياا قد فعلت له مطيط جهزته، جي نخرج الجو فظيع

سما: ذلحين قدو فظيع، بعد مامرضتي الولد

سلا ضحكت، ولبست هي وسما.. لقين جوري في الطريق راحين مع بعض

محمد تااعب كان نوم، ررن تلفونه رررن جاوب

سلا: محمددد

محمد مشحب: ايووه ياروحي معش

سلا: يوو صوتك مشحب قووي ، انا عند الحارس

محمد: اي حارس؟

سلا: حق السكن حقكم

محمد بتعببب مش قادر يرفع جسمه: قام وجلس ، ليش جيتي ؟ في شي!!

سلا: فعلت لك عشاء، اخرج شله وطرحت لك الكوت عاسب برد

محمد: يلا شااخرج الان

سلا: محمددد

محمد: ها روح محمد وقلبه وعلاجه

سلا خززيت: جحفه، نسيت مااقلك

محمد: صلِ على النبي

سلا: اللهم صلِ على سيدنا محمد وآله: ايوه ذكررررت البس بطانيه فووقك قواا

محمد: حاضر، لبس وخرج بسررعه
.
.

في اليمن.. بيت احمد
رشا بتجهز اداتها للجامعه

احمد: فارحه

رشا: طبعا

احمد: ناهي ياووويلش تمكني ابوها كركررره وتنسي روحش

رشا ضحكككت

احمد: مابيضحكش يادوعا

رشا بضحكك: لاتكنش تقل كركرره بتضحكنني

احمد بيمثل الهنجمه: يلا يابنتي رقدده معش غدوه قررايه

رشا: كم عتدي لي حق جعاله

احمد مسك راسه: كنتي عتقري بيتكم، عنتقاسم الراتب نصين

رشا بدلع: تووز فيك ، مااشتيش
.
.

امريكا..سكن الشباب
محمد خررج: سلاا

سلا كان قد خطيت، سمعته لفتت له: هاا

محمد: فديت يدش تسلمي ياعلاجي انتي

سلا: يوو كيف انت شكلك تاعب

محمد بيتمسكن لها: عسيني فيني حمى، مابش معي ام هنا توبه لي

سلا ضحكت: يوو والملعنه

محمد: بيغمض لها عينه يتمسكن

سلا: شاتصل استأذن بابا

محمد: يو مع تبااخرت، روحي قبل ماتظلم يلله، جيتي وحدش؟

سلا: لاا البنات مراعيات
.
.

في اليمن..
ياسر اشترى عشاء و٢فل وروح

رويدا كانت فاعله مكياج تغطي عيونها (قلدت مكياج رشا بعد مدح عمتها في العرس) ولبست فستان رقيق. سامره مع هدى وعمها

ياسر بابتسامة: دخل، مسااء الخير

كلهم ردوا مساء النور

ياسر لبس امه الفل وحبها فوق راسها

ابو ياسر: وانا!

ياسر: قد الحجه بتلبسه لك.

ضحكككوا

رويدا ضحككت وهي بتشوفه

ياسر بابتسامه لفت لها: وانتي تعالي بلبسك

رويدا قامت

هدى بتبهرر له: جي انت لبسها

ياسر: لاا، هذا عشاكم ترمسسوا لحالكم واحنا بنتعشى وحدنا

رويدا ابتسسمت

هدى: هاا ، قل لنا هكذا

ياسر لف يده حول رويدا

رويدا فرحت وخازيه من عمها وعمتها، اول مره يمسكها قدامهم

ياسر: يله قمري، واشر لهم تصبحوا على خير

ابو ياسر: الله يسعدك ويرضى عليك
.
.

في امريكا..
محمد دخل غسل وشه، وقرب له صحن وملعقه وخبز ،، سكب مطيط غمض عينه من الريحه مشهيه وبدأ يااكل بيتلذذ

دق باب غررفته

محمد استغرب قام فتح

رشاد: مساءالخيرر، كيفك

محمد بشحبه: الحمدلله، مسكه من كتفه ادخل حياك

رشاد (حاشيكم)خلس جزمته وعلق الجاكت، اووو والشم مطيطط

محمد: عمتي ، تحبك

رشاد: مااعتقدشش ههههه، حركاتك ياولد تعرف تفعل مطيط

محمد اشترغ ذكرر لايفتضح: ايووه وزحاوق لو تشتي

رشاد قام غسل يده، وقرب معه يتعشى.

محمد بعد ماتعشوا: معك حبوب زكام.

رشاد: ايوه، شاسير ادي لك
.
.

في اليمن..
ياسر: ياسلام ايش الحلا هذا؟

رويدا خززيت ووطت راسها: تسلم عيونك الاحلى

ياسر: انا فدالك وفدا عيونك شوفي محلاكي وانتي كذه هادئه شكلك قمر تجنني.

رويد خززززيت وموطيه راسها

ياسر مسك دقنتها ورفع راسها: شوفيني، اليوم بنجلس ونتصارح ، ونغير حياتنا كذا ماتنفعش اللي راح راح واليوم اقلك ايش احب واكره وانتي تقلي لي.

رويدا: تماام.

ياسر: يله لاتستحي كلي والا اوكلك بيدي.

رويدا هزت راسها ايوه.

ياسر: يلا هممم همم

رويدا ضحككت

ياسر: يلله

رويدا فتحت فمها.

ياسر اكل عليها.

ضحكككووا
.
.

ثاني يووم كلية طب الاسنان

زهور وصلت بتسلم على البنات

خلود: شووفي هذا التافه بينشرر انش حبيبته، وبتتصلي به وتشغليه.

زهوور بعصبيه: من ؟؟!

خلود: هذك السامج حق المرة الاولى.

زهور فلتتهن وبعصبيى سرررعت للمكتب حق العميد بتبكي.

السكرتيره: مش انتي اول ولا اخر واحده كثير مثلك بيشتكوا طنشي.

زهور: لامابطنش ، والله لوماتأدبوه، لاكلم ابي وبعدا يوقع كلام ثاني.

يوسف كان وراها، ماعرف من اللي بتصيح ،، تكلم: هااا ايش في!

زهور معصبه لفتت ،شافته (يوسف)

يوسف: خير ايش فيبك؟ليش تبكي؟

زهور: ……بدأت تحكي له اللي حصل.

يوسف: تعالي المكتب،، وسبقها.

زهور لحقته وسحبت خلود معها.

خلود: ماااعه ، ادخلي انتي.

يوسف سمعهن: المشكلة تخص من ؟

خلود اشرت لزهور: هي

يوسف شاف زهور: ادخلي وغلقي الباب.

يوسف ناولها فاين: ذلحين اهدأي وكلميني بالتفصيل ايش حصل.

زهور شلت الفاين ومسحت وشها واخذت نفس …….حكت له كل شي.

يووسف: الحيوان هذا من هو؟؟

زهور: ما اعرفش اسمه بس شكله.

يوسف: قام وقف يلا امشي قدامي وريني من هو

زهور خايفة: مااشتيش

يوسف: كييف ماتشتي هذا لازم يتبهذل ويوقع عبره للكل ويعرفوا اللي وصلهم كلام عنك انك محترمه

زهور تشجعت وقامت مشيت

يوسف: لاتبكي، انا معك.
.
.

في بيت ياسر..
رويدا قامت تقرب الصبوح

هدى مبسوطه منها و بتدعي لها..

رويدا: هيا اقربي

هدى: وين زوجش؟

رويدا: قد اصتبح وسار العمل.

هدى: بتدعي لياسر.

رويدا: ما افعل غداء؟

هدى: اللي نفسش فيه ، افعلي مااشتيتي ابسري لو به شي ناقص اخرج اديهن لش.

رويدا: حاضر
.
.

امريكا..
محمد لبس وتجهز للجامعه ، لبس الجاكت واخذ نفس عميق فددديتش ياسلااا
.
.

في سكن البنات..
سلا قامت لبست وتجهزت وفعلت سندوتشات لها هي ومحمد.

سما: يوو صرفوا كل شيطان ، ماهو هذا كله لمن ؟

سلا: صلِ على النبي ،، لي ولش ولمحمد ولجوري.

سما: حسستيني محمدش ذيه مجاعه ، بتعلفيه واصل.

سلا ضحككت: قلت لش صلِ على النبي ، الولد عادو تاعب.

سما: خيرة الله، اقطبي معي محاضره.

سلا باستعجال: وانا والكل، يلله هاا تمممميت.
.
.

في المكتب ..
عبدالعزيز دخل لاعند يحيى يطلبه اوراق.

يحيى ضبح مالفت له: ادخل السستم كل شي فيه

عبدالعزيز خرج ضابح لاعند ابوه.

صلاح: مالك؟

عبدالعزيز: هذا يحيى بيتحاكى من شق نخره.

صلاح: استحي ع نفسك قل عمي لايسمعك.

عبدالعزيز: مش هو عمي ، قد تمينا

صلاح: امانه انك مطووول عندي لوما تفتحس وتتعلم المرجله.
.
.

بيت يحيى..
سلوى: خاالد البس سوا

خالد: قدني لابس ها.

سلوى: مالابس يا ابني بررد ، مش وقت الاناقه عتخرج لي بتيشرت وشعرك مبلول.

خالد: يمه مابلا انتوا بتفتجعوا
جوا ابسرو العيال كيف بيلبسووا

سلوى: مادخلني بحد ، وماعليك منهم مش كل شي تقلده ، قد ابوك ضابح من اللي بتفعله

خالد: هياا ناااهي ماقد فعلت لهذا كله.
.
.

في اليمن..
يوسف مسك الطالب قبال الكل: اشر لزهور هذه حبيبتك واللي بتتجابر معها ؟؟

الولد محرررج وووطى رااسه

يوسف بعصبيه: جاوووب ، معك خوات؟

الولد: رجاااء مالهن دخل خواتي تذكرهن يادكتور.

يوسف: هااا ابسروا كيف قلب وانا سالت سؤال معك خوات ، مابالك حد يجي من زملائهن يطلع سمعه عليهن.

الولد: ماقلت شي.

زهور: كذاااب ، وعتبسر الان ابي كيف يجي يعلمك ماتذكرر اسم بنته ع لسانك.

يوسف: قبال الكل تقل لي الآن هذه جابرتك؟

الولد: مااشي

يوسف: معك رقمها؟

الولد هز راسه لا.

يوسف: من هان نفسه هانوه الناس.

الولد يشتي يمشي

يوسف: اين !! او قلبتوا الجامعه حديقه تغلطوا على بنات الناس وتتكلمو على سمعتهن ، ادخل معي المكتب تتوقف ، وتكون عبره للكل فاااهمين ،، عشان تررررتقوا

الولد مشي معه للمكتب.

يوسف شاف زهور: انتظري عند السكرتيره.

دخل هو والولد وخلاه يكتب تعهد ، وحوله للمجلس التأديبي يفصلوه.

الولد خرج وابسر زهور بنظررره حقققققد

يوسف خرج لاعندها: وهذا الولد افتصل عشان سمعة بنات الناس مش لعبه عنده.

زهور تشكرت الدكتور ومشيت.

خارج الشباب بيضحكوا..

الولد خرج شافهم ومشي بسرعه.

حسين فاارح فيه: لفت لصاحبه والله انها بنت ناس وكبرت في نظري قوي من صدق اشتي ادرى بنت من هي؟

صاحبه: مسرررع! عاد احنا اول ترم

حسين: اخاف تطير من يدي.

زهور كانت معصبه: استاذنت وروحت البيت.
.
.

فوق السياره..
احمد اتصل برشا: ها تميتي؟

رشا: ايوه الان خرجت.

احمد: يله انا قريب منش.

رشا: تمام ، جعلت له معها

احمد وصل

رشا طلعت: حيا ياروحي، ابسرر ماجعلت لك.

احمد: ياسلام بفك امهد يدي وانا بين اسوق.

رشا شلت واحده واكلته.

احمد: ياااي مش قبال الناس ، تزوجت جاهله انا؟

رشا: مافيها ياسعم مايوقع لو ابسروك.

احمد: تبسرني معجبه والا شي حرام اقهر قلبها.

رشا بقصته: عجبو عيونك.

احمد ضحكككك: اطرحي البفك ياخوشا وجي نتغدى في مطعم.

رشا: صدددق!! ياسلااام خاووره بروست.

احمد: وانا خاور ملوجه ومقلى سلته.

رشا ضحكككت: خورتك في البيت يوميه.
.
.

بيت عمار..فوق الغداء

زهور وصلت كلمت ابوها بكل شي.

عمار: من هو هذا والله لاربي ابوه

زهور: اسمعوا ، بعدا … بتتكلم

عمار بصيااح: يستاااهل وللمه ماحاكيتيني زد اربيه انا مالش ماتتصلي.

زهور: المهم قد فصلوه ، قالت السكرتيره اسكت مارضيتش وفعلت مشاكل و..

عمار: المهم لو رجعوه تكلميني والله لا اسير له.

زهور: تمام.
.
.

في امريكا..
سما خارجه من بوابه الجامعه بتزقع هي وجوري وسلا بيتراجمين.

رشاد كان خاطي قريب من الجامعه ، وقف ونزل يبسرها

سلا: تشتي ترجمها بالثلج.

سما بتهررب منها طحسسست.

البنات حملين لاعندها.

رشاد نززل بسرعه من السيارة: سلامااات

سما لفتت له ، وقامت بسرعه بتضحك ع نفسهااا وعيونها دموع من وجع يدها.

رشاد بصدمة بتضحك وتبكي !؟

سما تشتي تقوم ماقدرت

سلا وجوري ساعدنها تقوم

سما بتكابر تخطى بس ماقدرت من ظهرها

رشاد: تشتوا نشلها المستشفى.

سلا ساكته.

جوري: شو سما بدك تروحي.

سما: مععع مااشتيش.

رشاد: ماشاكلش

سما: مش منك ياتاكلني انا مااشتيش المستشفى، بتحرك يدها صااحت، يوف جحفه.

سلا: مش هو على ماتشتي هيا نسير، لو سمحت وقف لنا تكس.

رشاد: مستغرب من جنانها ولقانتها وقدي تاعبه، سار وقف تكس

البنات طلعين، وقالين له للمستشفى.

رشاد رجع البيت.
.
.

صنعاء.. بيت ياسر
ياسر وصل واشترى فاكهه.

هدى بتجابر التلفون الارضي.

رويدا بتلفونها السيار.

ياسر ضحكك على منظرهن: انا في المواصلات او البيت.

رويدا ابتسمت وبتجابر

هدى: كنت اكلم خالتك بتسلم عليك.

ياسر: الله يسلمك ويسلمها ، كيف صحتها الان؟

هدى: الحمدلله احسسن من اول بمية مره.

رويدا تمت تجابر التلفون غلقت

ياسر بيكلم امه: الحمدلله قدر لها المرض ولطف.

رويدا سمعتهم: خير من هي؟

ياسر: خالتي اللي قلت لك عليها…

رويدا: هاا الله يشفيها،، اتصلت صاحبتي تعزمني جلسه

ياسر: تمام اتجهزي بمشي بعد الغداء سرريع.

رويدا: يوو اسير بدري عند البنت لا.

ياسر: مش بدري ع ٣:٣٠

رويدا: ها تمام سهل.

هدى: سيري اتجهزي امد مااقرب.

رويدا: حاضر.
.
.

امريكا.. سكن البنات
سلا: شكلش ويدش معلقه ساع المطلبه

سما: برستيجي طارر مش هو بحق مابين اهنجم فوقه

سلا: امانه كنتي مضحكه

سما: كلللبه انقلعي من قبالي

سلا امتدت

سما: طبعااا مش انا حبيب القلب تفعلي مطيط وسندوتشات

سلا: يو مااغلاش ماافعلش؟

سما: ولاشي بس بين اغير ياخواوتي
.
.

صنعاء..في المطعم
احمد: مااحلاش قبالي، كم كنت اخور نخرج واحنا خاطبين

رشا: زكااك عقلك ، ماانت في الجنان وحدك

احمد: مافعلت والله مابسرتي جنان

رشا: يكفي حق المستشفى لوما دخلت والله اني كنت على اعصابي

احمد: تتحديني اقلهم

رشا ضحككت: عتتبدع انت والا انا مادخلني كنت مريضه

احمد: هيا كلي شرق

رشا: ياهمتاه معك مباراة؟

احمد: ايوه

رشا: خلاص اطرحني بيتنا

احمد: احسسسن والله اهجع هرررمش
.
.

في بيت عمار..
رشا وصلت وهم بيتغدوا

عمار قام يفتح الباب ، وبيراشي احمد يدخل

ايناس: هذا صوت اختش

زهور بفرررحه قامت: ايووه، والله اني كنت فاقده لها

رشا دخلت وبتسلم

ايناس: عتجي معي نسير نتفرط

زهور: هيا لكن قووا ، ماكرهاً جت نتجابر سيروا مع خاله هدى وفاطمه

رشا: ماعملتش حسابي لتفرطه، جيت من خارج..

زهور: قامت ترفع ودخلت المطبخ تحكي لها

رشا: صددددق!

زهور: ايوه

رشا: ليش ماقلتي لي اكلم احمد

زهور: فارحه باحمد، ايش دخل احمد؟ قد من نفسه عسبي فصله

رشا: المهم انتبهي من الصاحبات والكل

امريكا..
محمد اتصل بامه

عمار: ادي احاكيه

ايناس دخلت لهن للمطبخ: فيسسسسع ،، اخوكن في الخط
.
.

في المكتب.. هدووووء بس صوت القلم بيطق في الماسه

يحيى بيلعب بالقلم فوق الماسه، وبينه وبين نفسه بيفكر (صنعاء وعمار الحارره ، الخبره … بعد مارجع البيت

سلوى: اقرب لك غداء؟

يحيى: مش وقت الغداء، تعالي نتجابر.

سلوى: خير

يحيى: كل خير،، مارأيش اين افضل هنا او اليمن.

سلوى: ليش بتسأل؟

يحيى: بسس ادرى.

سلوى: اكيددد بلادي احسن، وهنا فرحت امد عملك وقراية الجهال.

يحيى: الحمدلله عملي تمام ، وقد معي شغل مستقل بصنعاء والبيت رجع ، واعتقد بعد قرايه الجهال نرجع، نخلي امريكا زيارات

سلوى: بتتكلم صدق؟

يحيى: ايوه ، وشاكلم صلاح العرس يتأجل ونفعله في صنعاء بعد ماتتم سلا.

سلوى: يو ريت والله يوافقوا

يحيى: مش على مايشتوا قد تنازلنا خيرات.
.
.

صنعاء،، بيت ياسر
رويدا بتفكر في كلام صاحبتها.

ياسر دخل يصلي.

رويدا بتتفرج له وتفكر.

ياسر تم يسلم وشافها: مالك؟

رويدا: اشتي ادرس جامعة

ياسر: ياسلام ايش الهمه ذي، تعجبينا ايش بتدرسي؟

رويدا: امم، مدري اهم شي جامعة

ياسر: طيب بسجلك مع الحارس حق الجامعة

رويدا: ضحككت

ياسر: فكري التخصص اللي تحبيه وبسجلك
.
.

في الكلية…
زهور وصلت متأخرة

يوسف عنده قانون ممنوع التأخير

زهور جلست عند الباب مادخلت ، وبتراجع كتبها.
.
.

في القاعة
يوسف وهو بيشرح: يشوف مكانها فاضي ، ويلتفت للساعه.

بعد ساعه عمل للطلاب استراحة

يوسف على خرجته زهور قدامه عند الباب

زهور انحررجت: العفو دكتور تأخرت.

يوسف: مافيش مرة ثانيه العفو

زهور: طيب ، وانا مادخلت المحاضره لاني عارفه نظامك.

يوسف ابتسم: بس كنتي بتسمعي المحاضره ، مشي

زهور عوجت فمها ساامج بيتحيلا لروحه
.
.

بعد سنوااات.. في بيت يحيى…
سما: تستااهلووا،، اختار ولايتش امد الجامعه، والان تميتوا الجامعه ماعيفعل؟

سلا: مراعي لابي يقرروا نرجع اليمن او لا.

سما:يعني لومارجعنا عتفعلوا عرسكم هنا؟

سلا: يووف مدددري ، والله اني مشتته وهو ضابح يشتي يرجع قدو فااااقد لهم.

سما: ماما وبابا بين اسمعهم قبل يومين بيتفقوا على البيع والاثاث ووو

سلا: ايوه بس مابش خبر اكيد كله تخوار.
.
.

في المكتب
يحيى: الصدق يا اخي تعبت غربه ، مشتاق لجو صنعاء وهواها واهلها حواريها ، كل شي فيها

صلاح: يعني مصمم ترجع؟

يحيى: ايوه ، خلي البنات يتزوجين ونرجع بيتنا بين اهلنا وناسنا، مهما كنا هنا مرتاحين بلادك غيرر.

صلاح: والله مانا داري مااقلك،، الله يسهلك امورك.
.
.

نرجع بيت يحيى

سلوى: بناااات ، مش وقت المجابره؟

سلا: هاا ، ماما ماتشتوا

سلوى: صلااة

سما: هي حسها عند قرمدها..

سلا بضبح: لاتصدقوها ،لفتت لسما بقزازه، مالش ياسامجه

سما: مافيهاا

سلوى: محمد قال لابوش عيقدم ماجستير.

سلا: يعني عنجلس هنا.

رررن جرس البااب

يحيى ضااابح: دخل.. جلس

سلوى: ماالك؟

يحيى مطنن

سلوى سكتت

سلا وسما بيتفرجين لبعض.

يحيى تنهددد: لما اغتربت كنت امد احميكم وتكونوا معي من البهذله ومشاكل اخي، وبعد مافتح الله عليا قلت امد دراسه البنات، والان تمين واركنا الناس زواجه بعد مايتمين

سلا تفررجت لسما ومخبيه ملامح الفرحه.

سما بتبهرر لها

يحيى: والآن اتخذت قراار مابش رجعه فيه بعد موافقتكم طبعا

بسرلسلوى: وبالذات انتي الكل في الكل اللي تحملتي معي هذا التعب كله

سلوى دمعتتتتت: ماقررت؟

يحيى: نرجع اليمن.💖

البنات صاااحين من الفرررحة وحملين يحضنين ابوهن.

سلوى بككيت من الفررحه.

يحيى ملانه دموع حضنها

البناات تأثرين بكيين.

خالد رجع من خارج شافهم: مااالكم خيرر ؟؟

سما ضحكككت.

خالد مفجوووع: مالكم !

يحيى: مالنا شي ، جهز اداتك.

خالد: ليش؟

سلوى: عنرجع اليمن.

خالد: يهههههي هذا كله زعل والا فرحه !

يحيى: كلهن ، انت عتجي معنا زياره تحضر عرس خواتك وتتم قرايتك وترجع.

خالد: اهاا، قلت او هميتوا قراية البنات وانا الاصل.

سلوى: ادخلوا صلوا من اللقانه امد مايجهز الغداء

في غرفتهن..
سلا من الفرحه حضنت سما قووي.

سما: مشششش مصدددددقه.

سلا: ولا انا ، قد نسيت بيتنا والشارع وكل شي نسيت شكل الناس كلهم..
.
.

بيت صلاح…فوق الغداء
صلاح بيقلب بالملعقه..

ساره: مالك مابتاكلش؟

صلاح: ولاشي

ساره قربت قباله الصحن

صلاح: سيري اليوم عند مرة يحيى واتفقين على العرس مايشتوا ماعلينا وماعليهم.

ساره: سدوا انتو الرجال انا مالي دخل.

رشاد: عاد انتوا لاذلحين حانقين ع الفسخ امد ابنكم، وانا ؟؟! مش ابنكم او ماهو؟

صلاح: هيا وانتي بطلي بعسسه، الولد قلش مايشتيهاش

عبدالعزيز: خلاص يمه هو نصيب

ساره: ومن عيسير لهم صنعاء لو بيخرفوا يزوجوها هنا ويريحوا لهم.

صلاح: نسير نبسر الاهل ونعرس له ساع الناس تخطبي لعزيز ونرجع
.
.

في التلفون …بيستفسر منه على التخصصات

خالد: اها، سابرر.

محمد: مامعك هذه الايام؟

خالد: ولاشي فاضي.

محمد: خلاص جي، تستفسر ع كل شي وتقرر.

خالد: ساابر وهذا شور.

يحيى: من بتحاكي؟

خالد: محمد.

يحيى بضحكه: قل له عيسبق يجهز للعرس ماعد معه هنا.

محمد انحررج: ادي عمي احاكيه.

يحيى: عتسير تبسر روحك.

محمد ضحكك: انتوا بس ادوا موافقه وانا جاهز اي حين مااشتيتوا

يحيى: والله يا ابني قررنا نرجع.

محمد فررررح: الحمدلله الله يوصلنا بالسلامة..
واي حين قررتوا؟

يحيى: والله الآن اتم الاوراق ونتجهز ، عترجع معنا؟

محمد: عد ارجع بعد مااتأكد مش بعدا اودف

يحيى ضحككك: قد بين اقل مالك لاسي هنا وقد تميت

محمد: مع ياااعم ، كنت ناوي لو عتجلسوا هنا وماحبيت اسأل او استعجلكم.

يحيى: المهم ابدأ جهز امورك.
.
.

في اليمن… بيت عمار الدور الثاني

ايناس: يابناتي هنا توقع الغرفه احسن واسعه.

زهور: مش انتوا داريين محمد تعجبه هذه البقعه.

ايناس: كااانت تعجبه امد طاقتها قبال سلا ، ذلحين قد عتعيش عنده سلا

زهور ضحكككت: قد اسمكم فعلتوا له الشقه تيه مفاجأه تموا جميلكم.

ايناس: تمام ماتفرقش ، بس قلنا هذا يوقع ديوان احسن.

زهور: مع مع.
.
.

بيت احمد..
اروى: خلاص يابنتي بس لش عمل
سيري ذاكري ، يااارب تتمي الامتحانات قبل ماتولدي.

رشا: ياارب ، بين اهم هم ، حرام اتأخر.

احمد: سهل لاتأخرتي عيديها بعدا.

رشا: مع ، لاتفاولوش قوااا.

احمد: خلاص عنمدد له اسبوع.

رشا ضحكككت.

احمد: اضحككككي ع عافيتش

رشا: كيف لك؟

احمد: عشان بنتي تطلع ساع امها، على فكرره لقيت لها اسم ضخم.

رشا: ايش قد اتفقنا

احمد: غيرررت رأيي شاسميها ضحكه.

اروى: خلي البنت تذاكر وسيرر ابسر لك عمل.
.
.

هدى: سااام ، بعينننني ياحمار ، اذوه ساع ابوك.

ياسر بيضحك: جننتينا تشتي نتزوج تشوفي احفادك، يلا لاحقي لك ياحجه والثاني بالطريق.

هدى: عيجبرني بعاافيتهم وعافيتك.

رويدا بتغيررر: واحنا ياعمه؟

هدى: وانتي والكل.

ياسر: متى ننقل؟ عشان نبدأ نصلح البيت ونرنجه لخالي يحيى.

رويدا: عادك بتصلحه ، قدو بيهتر عيشتروا لهم ثاني هم جايين من امريكا.

ياسر: ياسلام وعقلك ، نقلهم معكم بيس روحووا اشتروا

هدى: عينش الله اكبر

رويدا: سعليكم ماامرعش ، بس من صدق مابش داعي يخسر فيه وماعيجلسوش

هدى: انا اعرف سلوى ، لو معها قصر ماعترجع الا امد البيت والحاره.

رويدا شافت لياسر: الله يعينك.
.
.

بيت اروى..الباب بيدددق
احمد سار يفتح

حنان بشنطتها ، وجهالها.

احمد: انتي اللي عتولدي او رشا؟

حنان: وخرر من قبااالي هذا السع، حانقه.

احمد بمزح: هنيت لقلبي جهالش عيدوا لرشا الولاد البنت بتمتحن.

حنان: اين اجي بهم؟

احمد: انتي حنقتي وهم مادخلهم يحنقوا معش.

حنان: اسكه امانه شل الهرم ذيه.

احمد: حيا حبيب خالو ،، من هو حبيبي..

رشا: لاتفجع الولد انت والشنب هذا يطبز.

احمد: بتحسسدي.
.
.

في امريكا..
صلاح: غيري طبعش والناس مابش احسن منهم ولو معش بنت لاتفعلي ساعهم واعظظظم

ساره: خلاص تمام.

صلاح: ايش مايشتوا لاقد ترديش اعرفش يعجبش تحبكي الدنيا

ساره: قلنا مانسرش اخرج ، قلت الا.

صلاح: هيا بس ليقنه، وانزلي ابسري،، مااشتوا ماقالوا، قلي شاكلمهم.

ساره فتحت باب السياره ونزلت.
.
.

بيت يحيى…بيتجابرين
سلوى: صدق كانت تفعل هكذا؟

سلا: والله كانت تتليقن ، ماتذكروش؟

سلوى: ماشي نسيت فترة مرضي كل شي.

سما: اهم شي، انكم رجعتوا تتذكروا وقد انتوا بخير.

سلوى: وماله قد فمش بيلمع؟؟

سما: هاا، مابلا فعلت له دهان.

سلا: دهان والا مرطب؟

سلوى: بس خباله قلنا مابش ولا كحل ولا شي.

سما: كنتوا ناسين احسن كنا نتمكيج حموره حمرا ولاتتحاكوا

سلوى ضحككت: انقلعي قلعوا خبالتش .

رررن الباب..
سما: قوا افتحي قووا مااشتيش افتح انا لاتقل فارحه بهم.

سلا: والصدق هو انتي فارحه ابسري لوما افتح واني بتكركري لاوشها.

سما بتضحكك: راعي ياخبلا ادخل للغرفه

سلا فتحت الباب وساره قبال سما

ساره بابتسامه مصتنعه: سلام

سلا قربت تسلم: وعليكم السلام، تفضلوا

ساره بدون نفس بتحبها في الهوا

سما قربت تسلم.

ساره بمحانكه: حيااا بخطيبة ابني ، حيا فقدت لش.

سما خازيه بتسلم

سلوى: اهلا اختي تفضلي.

ساره جلست طرف الكنبه

سلوى: اجلسي توضعي خذي راحتش.

ساره: ذلحين مالنا ماعلينا ، اين عتعرسي وكيف نفعل؟

سلوى: في صنعاء

ساره: مارأيش نزوجهم هنا

سلوى: مارضيتش قدي مع اختها.

ساره: طيب الكسوه على من ؟

سلوى: علينا احسن، قدش داريه ذوق البنات غيرنا.

ساره: سعم ماعيكتسين هن الا اده ساع مابنلبس.

سلوى: قصدش، وبعدا تيه البعاسس خليها عليهم يسدوا من وقته.
.
.

في المكتب..

صلاح: خليهن يسدين ع البعاسس واحنا نتحاكى من مهر وشرط.

يحيى: ومالك مستعجل؟

صلاح: معاملة العقد عتطول لازم نبدأ بها ، وقد احنا نتفق الان كلام.

يحيى: مابش على مه نختلف عسب نتفق، البنت بنتكم

صلاح ضحككك: هكذا احراجات

يحيى: لا احراجات ولاشي ، المهر والشرط هو الا رمز ، والا مابنتي تسوى كنوز الدنيا مش هي بيعه والسلام.

صلاح: الله المستعااان اكيدد ،، والنعم فيك وفيها.
.
.

في اليمن..ف الممر لمحها وقفها يكلمها
يوسف: زهوررر

زهور: ها دكتور.

يوسف: السنه الجايه معش تدريب في عياده قد اخترتي العياده اللي بتطبقي فيها؟

زهور: ايوه بين افكر في عياده ال ..مارأيك فيها؟

يوسف ابتسم: لا، عيادتي احسن.

زهور ارتبشت ماعرفت ترد: عاادي؟

يوسف: ايووه عاادي، ايش شكلك ناويه تدخلي ع تحدي

زهور بثقه: من هذه الناحيه ايوه

يوسف: المهم مااايتدخل بالدرجات مادتي شي والتطبيق شي ثاني.

زهور حنقت: ليش انا طلبتك درجات؟ خلاص انا بطبق بعياده ثانيه ومشيت.

يوسف انصددم معقوله تحسست؟بصووت: زهووور.

الكل التفت..

يوسف شاف الكل انتبه مشي لها وهو مادد يده بالاوراق تفضلي نسيتي اوراقك

زهور مدت تشوفهن.

يوسف: لاتتحسسي من كلامي امزح معك

زهور سكتت.

يوسف: خلاص لاتزعلي ، تشتي ارسبك برسبك.

زهور فهمت انه مزح: ابتسمت

يوسف: يلا روحي البيت وخلي ابتسامتك الحلوه كذا على طول.

زهور انحررجت.

يوسف رجع للمكتب.

زهور بتمشي سارحه بافكارها، نظراته لي اهتمامه شخصيته القويه مع الطلاب بتتغير معي؟ بيتهيأ لي او معجب؟

كانت بتمشي من الجهه الثانيه عشان تخرج.

يوسف رجع من الجهه الثانيه التقوا قبال بعض ابتسموووا

زهور شافته ابتسمت وخرجت

يوسف: طلع سيارته شغلها ومشي من جنبها.
.
.

في السوق..
فاطمه: هولا المقامط احلى

ايناس: قد جننتني تشتي وردي

فاطمه: مابش وردي قلي لها ترقد، لفيناهم وسط شاش ابيض

ايناس ضحككت: والله انو صدق ، خليها تتخور اول بكر يوقع الفرحه فيه اكثر.
.
.

امريكا..
محمد ضاابح بيقلب الرسايل والاتصالات..

رشاد دق له الباب ودخل

محمد: حياك ادخل.

رشاد: اشتي منك طلب.

محمد: افضل اؤمرني

رشاد: مايؤمر عليك،، يا اخي قبل السفر اشتي اصلح بينك انت وعزيز

محمد تغيرت ملامحه، وطى راسه.

رشاد: قد عقل وعدت سنين والان عنكون اهل وهذك كان غوا ومراهقه وخباله.

محمد: شافكر لوما اقتنع.

رشاد: المهم اخبارك.

محمد: مشتاااق

رشاد: ومن سمعك.

محمد ضحكك: ايش قصدك انا مقصدي اهلي فضحتك بتتواصلوا؟

رشاد: ماااشي ، وهذا اللي مجنني حبيتها نظرات ولقاانه وكانت نظره منها كأنها كلمات حب، الان لانظره ولا شي.

محمد: ياحب نظرات، ماجربت الحب الصدق .
.
.

الليل الساعه ١:٤٦ دقيقه.. بيت احمد

رشا بتذاكرر ، في الديوان.

احمد كان نوم،، بيوضع الوساده ، شاف بقعتها فاضيه..قام يبسر مابحد افتجع..

رشا نكززت مسكت قلبها: يو بسم الله عليا فجعتني.

احمد: انتي اللي فجعتيني.

رشا: مافجعتك ؟ مابسرتك الا قبالللي مالك ؟

احمد: بيحك شعرره وعيونه نص مغمضات، قلقت قلت لو تعبتي

رشا: اسسسكت قوا لاتفاول بين اكابر مكابره ، اخر يوم.

احمد: ليش بتحسي شي!

رشا: مااع ولافيني شي يارووحي سير ارقد ، لو تعبت شاكلمك.
.
.

امريكا..بيت صلاح
ساره: هذه ولاتشتي تتحاكى في شي سرت على الفاضي

صلاح: ليش ماوقع ؟؟

ساره: تشراط وتكسي هي والباقي انتوا تتفاهموا امد ماتحانك.

صلاح: الله يعينش ، قد سدينا انا ويحيى ماعد تتحانبين، قد باين عليكن عمات صدق من ذاحين.
.
.

ثاني يوم الصبح..
رشا بتلوي وهي بتحفظ

احمد: بسش مذاكره، وترتيني.

رشا: هيا خلاص شلني وراعي لي.

احمد: هيا البسي ها

رشا لبست البالطو ووقفت شوويه.. رجعت اخذت نفس ولبست الطرحه..

احمد: مالش؟

رشا: قلقه

احمد: قد تميتي ، هيا اخطي ها

رشا تلثمت في الباب وخرجت.

احمد: مالش بتزحفي زحف ساع السلحفاه.

رشا غمضت عينها: واحمه ياسلحف…، سكتت شويه احمدددد هيا تاخرت.

احمد استغرب: مااالش بتصيحي ، بين اخطى هاا

رشا: اووووف

احمد: ماتشتيش تختبري لاتسيريش على الطبيعه هذه

رشا بكككيت.

احمد: الله يدحنا المصايب وشغل السيارة

رشا: طلعت..
.
.

امريكا في السووق..
سلوى: ابسرين يابناتي هااا على فساتين زفاف لو نشل لكن من هنا.

سما: حاليات بس سامجات اشتي فستان رقيق ونفس الوقت مطرز

سلا: ايوه صدق، ما قماش فرص ، شالبس الستاير.

سلوى: لو لقينا حاليات سهل التطريز عنرجع نعدلهن.

سما: اهم شي فساتين سهره هنا حاليات.

سلوى: اول نشتري الهدايا وبعدا انتين.

سلا: حاضر.
.
.

بيت اروى..في التلفون
اروى: اسكه ابسري لي يا اختي الله يرضى عليش واحده تجي تعاونني

عفاف: ارسلش ام صالح.

اروى: ايوه عملها حالي الصدق..

عفاف: وبعدا لو تشتيها ترجع تجي في الولاد عتجي.

اروى: تمام، اشتي اركن اقطب البيت قبل ماتولد.

عفاف: ان شاءالله، مازد فعلت حنان؟

اروى: ولاشي مابش مشكله بينهم الا بعسسه قد رجعت.

عفاف: الحمدلله، ما للمره الا بيت زوجها (مثل شعبي)
.
.

في الجامعه..
رشا نززلت ، تراعي لي هنا

احمد: اراعي لش ثلاث ساعات ؟ شاسير اوقع وارجع.

رشا: المهم قوا خليك قريب ، اتم واروح.

احمد: حاضر، ها شلي ذيه العصير لو تعبتي.

رشا: تسلم

احمد: مابش تسلم ياروحي.

رشا بضبببح: مش وقت ، مع السلامه.

احمد: مع السلامه، وخطي..
.
.

في بيت ياسر..
رويدا: ابسري كيف القلصات مطبعات هااا

الشغاله: مافي طبع ، انتي بس ماتحبي, شقل.

رويدا: عادش عتتليقني ؟ راعي ،، اماااه(بتداعي)

في الصاله..
هدى: مدري ماقد بيتحانبين اقوم ابسر.

ياسر: ناقص الشغاله انا

هدى: دخلت المطبخ ، مالكن ؟

رويدا: ابسروا القلص مطبع او ماشي؟

هدى: الظاهر مسكته ويدها صابون سهل اطرحي تغسله وشلي ثاني

رويدا: انتوا مابتبسروش عملها، قد بتزيد الغنج.

هدى ضبحت وخرجت.

الشغاله : ماتحب شغلي انا بروح.

رويدا: الله معش، خرجت لاعند ياسر.

ياسر: ايش في ! انتي تشتي زي اختك شغاله؟ ولا اشتي اسمع نخس دوري غيرها.

رويدا سكتت
.
.

قاعه الامتحان…
رشا: ماسكه ورقه الامتحان ، حلت اول سؤالين..
طرحت القلم

المراقبه: عينش ع ورقتش

رشا مبصمممه ولانخسس ولا لفتت لها.

المراقبه: بين اقلش عينش على ورقتش.

رشا صيحت: اصصصصصص.

الكل التفت استغربوا..!!

المراقبه قربت منها لاحظت انها حامل: من اصص؟

رشا سساكته

المراقبه سحبت الدفتر: مابش اختبار.

المراقب للمراقبه: بصووت مشااوره ،، البنت حامل ومتوتره ، دعممي

المراقبه: كنت شادعمم لكن كيف تقل اص.

المراقب: سحب الدفتر وناول رشا.

رشا: كانت هداات شويه ، داخل نفسها ( بحق المذاكره طول العشي والله مااحنق)تمت السؤال الثالث وبقت منه وانتقلت للرابع ..

المراقبه مشدده عليها.

رشا غمضت عينها قوي ورجعت تطنن وماسكه القلم.

المراقبه ضايقت منها خرجت تدعي المشرف.
.
.

في بيت ياسر..وحدهن
رويدا سارت لاعند الشغاله وادت لها فستان جديد كان معها.

الشغاله: شكرا

رويدا: لاتزعلي مني بس افعلي عمل ساع اول ، كنتي حاليه قووي.

ياسر: بيسسمع وبيتفرج لرويدا

رويدا استغربت: مالك؟!

ياسر مشي

رويدا لحقته: مالك.

ياسر: اشتي ارد عليك بس مش قدامها، وانتي كمان تغيرتي ارجعي مثل اول.

رويدا ضحكت: شلووك، قلت مدري ماقد به.
.
.

بيت عمار..
ايناس: حسسي عند بنتي.

عمار: ياجناه لنا ذلحين عيشتغلين عندش الاوهام واحاسيس الامومه.

ايناس: قدو شهرها وبعدا معها اختبارات

عمار: اي حين عيررجع محمد؟

ايناس: قد بيعامل اوراقه ومدري.

عمار: خيرة الله بنتش قد رجعت؟

ايناس: ماشي ، ماتشتي منها.

عمار: تبسر لي اللثه ملتهبه

ايناس: قد قالت لك بطل القات.

عمار: كان خاطرش ها ، ركبي البردات حق شقه محمد كشف لاخارج

ايناس: محد بيطلع.

عمار: ولوو، احتياط

ايناس: حاضر…واتصلت لاروى.
.
.

كلية طب الاسنان.
زهور: دكتور كان معي سؤال في تركيبه تقويم الاسنان مثلا ….الخ.

يوسف: لازم عملي ، ارجعي جي للعياده بعد العصر

زهور خزززيت: حاضر

يوسف: على فكرره اسنانك تحتاج تقويم كيف ماانتبهتي.

زهور: الا منتبهه بس متكيسله خوف من القلاع.

يوسف ضحك: يااسلام ، خايفه ، يلا تمام منتظرك.
.
.

ف القاعه..
المشرف: ايش الموضوع؟

رشا مطنشششه

المشرف: رردي

رشا: يعني واحد تاعب ساهر بيمتحن جايه لها في شهري الاخير، عد اجي اغش ماشقراش احسن.

المشرف: ادي دفترش وجي

رشا قامت ، ومشيت من جنب المراقبه بنظراات.

المشرف: ادخلي المكتب يابنتي اجلسي وحلي براحتش.

رشا فررحت ، كنبه مريحه ، جلست وبدات تحل لانص السؤال …..وخرجت التلفون تتصل لاحمد.

المشرف: ممنوع التلفون.

رشا ناولته الدفتر: ماعد اقدرشش احل.

المشرف طلب لها شاهي: ارتاحي شوويه.

رشا بتبكككي: احمد جييييي ذلللحين.

احمد ررفع حواجبه: بتووولدي؟

رشا: مش وقتك ،بسرررعه.

المشرف خلا السكرتاريه تدخل لاعندها وتدي لها شاهي.

رشا: مااشتيشش.

السكرتيره: اشربي شويه.

رشا بتشرب

احمد دخل للقسم اتصل لرشا: اين انتي..

رشا ماسكه الشاهي بتوصف..

احمد شافها: بتتقهووي؟ قلتي تاعبه !

رشا: شويه مغص وافتهن الظاهر برد.

احمد مسك يدها يقيمها، وشل الاقلام وبطاقتها للشنطه وخرجوا

بيت عمار..
زهور وصلت دخلت تصلي.

ايناس: ابوش مراعي لش قال لثته بتوجعه.

زهور دخلت لاعند عمار

عمار: ماهو هذا حقش العلاج ورم اللثه اعظم.

زهور: بطلوا القات ، ولازم تصفيه للثه، اليوم جوا معي

عمار: اين؟

زهور: معي تطبيق في عيادة الدكتور حقنا.

عمار: تمام
.
.

قبال بيت احمد..
احمد: ادخلي اتدفي ، وانا شاسير مشوار واجي

رشا: اين عتسير خليك هنا؟

احمد: شاسير لاعند صاحب قلت له يديني.

رشا: ليش قلت لك تكفي اللي معك.

احمد: مش وقت ادخلي الله يحفظش ياروحي.

رشا: دخلت البيت

اروى: هيا كيف الاختبار ؟

رشا: والله مانا داريه ماكتبت ، الظاهر استبردت.

اروى: للمه بتحسي وجع!

رشا: مابلا مغص…مسكت بطنها.

اروى: مش هو برد يابنتي هذا ولاد.
.
.

في امريكا.. في المكتب
صلاح: اخي بكره حددوا موعد في المحكمه نعقد.

يحيى: ان شاءالله ، الساعه كم؟

صلاح: الساعه ١٠ ان شاءالله.

يحيى: الله يتمم ع خير.
.
.

عند محمد…
محمد: خرج يشتري هدايا لامه وابوه وخواته وعلى رجعته السكن

رشاد: الحريو بيكتسي.

محمد: الله يجعله صدق..سرنا نلفلف قلافد للاهل.

رشاد: الله يعينك حبيبي.
.
.

بعد العصر ..في العيادة
زهور: بابا جوا ادخلوا

يوسف شافهم وقف ومد يده يسلم.

عمار: سلم عليه

يوسف: ايش نقول سلامات والا نورت العياده.

عمار ضحكك: كأني ابسرتك من قبل

يوسف: ايوه في عرس احمد..

عمار: تعرفه …

زهور: مسكت كتاب تقرا وهم بيتجابروا

يوسف: طبعا زهور من افضل الطالباات
من علم واخلاق وذكاء.

عمار بفخر ابتسم ولفت لها: ماشاءالله من صغرها مجتهده.

يوسف: الله يوفقها.

عمار: بس انت كيف دكتور جامعه عاد انت صغير؟

يوسف ابتسم: الحمدلله هذا تووفيق من الله،

عمار: يادكتور لثتي… تموا المعاينه وكانت نظرات اعجاب وخجل بين زهور ويوسف.
.
.

بيت احمد..
رشا نووم

احمد دخل الغرفه دلا ، وقفى يغلق الباب لاتنكز.

رشا نكزت بصياااح.

احمد بنكزززه فززز: مالششش تميتيني هدايم مادرينا صدق او كذب

بعد ساعتين في المستشفى..!!!

اتصل بعمار
عمار في كرسي الفحص الطبي: بينظف اللثه.
ررن تلفونه

يوسف وقف: رد لو تحب

عمار ناول زهور التلفون: جاوبي لو حد معروف او صمتيه.

يوسف رجع يعاين عمار.

زهور بصوت هااادىء: الوو.

احمد: رشاا ولدت؟

زهور بفررحه: امانه ، اي حين ؟ الحمدلله ع السلامه.

عمار رفع حووواجبه ، وفمه مفتوح ماقدر يتكلم!

يوسف: تمينا ، جاوبوا

عمار: محمد وصل؟

زهور مبتسمه بفرحه: رشاا ولدت

عمار بهرر لها.

يوسف بيكتب رشته لعمار وعينه على الورقه وعين على زهور من تحت النظاره.

زهور: دكتور استأذنك ! اروح مع ابي ينفع ارجع بكره؟

يوسف: عادي زي ماتحبي، بس الوالد يرجع عوده مثل اليوم اشوف

عمار تشكرره وو… وخرج هو وزهور
.
.

في المستشفى..
احمد دخل لاعند رشا

رشا نووم..

احمد تحمل بنته

النونو بككككيت بصياح.

احمد: ساااع امش فجعه ،، او صورت كركرتش عتوقع ساعها.

رشا فتحت عينها بتسمع البكاء.

اروى: ازقمها سوا.

احمد: ابسروا كيف هي مش مشحوطه.

اروى بتضحكك: ادي اقمطها تستر تتحملها.

احمد جلس جنب رشا: الحمدلله على سلامتش.

رشا: الله يسلمك.

احمد: مانسميها فجعه او ضحكه؟

رشا ابتسسمت: اتصلوا لامي.

اروى: قد حاكيتها مراعيه لابوش.

احمد: ماتشتي اشتري لش؟

رشا: ولاشي.

عمار: في طريقه للمستشفى

ايناس اتصلت له.

عمارر: يو نسيناش ، هيا شارجع لش.

احمد: اتصل بحنان وابوه يطمنهم.

الممرضه جت: يلا روح بيت.

رشا: ايوووه احسن شي.

احمد: اتصل لحنان يقلها تسبق للبيت.

على خرجتهم..
عمار وصل و امها واختها
وخطيوا كلهم لبيت رشا

زهور فاارحه ماسكه البنت في حضنها.

عمار: ماعتسموها يابابا.

رشا: ريم.

عمار: حالي رقيق.

زهور: سميها باسمي

رشا: يوو من غير شر على بنتي.
.
.

بيت ياسر:
رويدا: حبيبي ، في نفسي اي شي حالي.

ياسر: وانا فين رحت.

رويدا: انت حالي قووي
اشتي حالي اخف

ياسر: انا فدالو اللي بيجاوب بدبلوماسيه، يلا نخرج ونشتري لك اللي بنفسك.

رويدا: هيا ، ادي سام البسه.
.
.

بيت احمد.
اروى قامت تفعل فتوته وقهوه لرشا.

رشا: مااشتيش

ايناس: كلي من الغنج.

احمد: مافي نفسش ياروحي

رشا: ولاشي ارقدد.

احمد: ذلحين كلي وارقدي ماخرج اشتري لش؟

رشا: شوارما

ايناس: شوارما هذا السع كلي دافي.

احمد: خلوها على راحتها ، شاخرج بسرعه وارجع.

.
.

ثاني يوم الصباح..

بيت يحيى
سما فتحت الدولاب بتتفرج ،، تدووور

سلا: ها روحي ماتشتي ادور لش؟

سما: طررحته هنا .. يوو ، وبتاكل اظافرها.

سلا: لاااا ،، عتخربي الصبااغ ، مالش صلِ ع النبي لاتستعجليش.

سما: مدري مااالي بين اقلققق قووي.

سلا: خيرر ، افعلي لش ركعتين وانا الان اجهز لش كل شي..

سما: تمام.

بيت صلاح..
رشاد فاارح بيتفرج للبدله ..فتح الدولاب خرج علبه فيها محبس اشتراه لسما، طرحه في الكوت.

ساره بتددق البااب.

رشاد فتح

ساره: قد قمت؟

رشاد: ماقد رقدت.

ساره ضحكت: الله يسعدك ويتمها ع خير.

عبدالعزيز: صباااحك ياحريوو..قد دلعت لك السياره.

رشاد: عقباالك حبيبي، هيا لو قريت لك من الرفله حق الوطن العربي ان احنا جمعه.

عبدالعزيز: نصصيب، كانت مش لي قدك داري

رشاد دق كتفه: عقبااالك يارب باللي تتمناها.
.
.

في اليمن..بيت احمد..
اروى بكرت الصبح تفعل الكبده والمعصوبه الدافيه.

حنان: قد ادى احمد الشذاب او مع؟

اروى: ايوه ، هوذكهن مبلولات ، جري افعليهن في المزاهر.

حنان: حاضر.

احمد: مازد تشتوا تحاكووا، قد مزارع الدجاج هنا ، شقران بيض دجاج ، ماتشتوش ديوك ؟

رشا ضحكككت.

احمد: فدديت الضحكه تيه، امس كنتي شرررسه سكتت لش بس حين رحمتش

رشا: مااافعلت؟

احمد: احمدددددد ياغارتاه

رشا ضحككت: يوو جحفه لك قوم انقلع من قبال وشي، خراط لاقلت ياغارتاه.

احمد: امانه اني لاشرب معش قطر حديد.
.
.

بيت عمار..فوق الصبوح
زهور لابسه للجامعه: شاسير العياده بعد العصر ، واروح صليكم عند رشا.

ايناس: تمام

عمار: اتشكرري للدكتور ، محترم قوي.

زهور: بيصيح فوقي اني افعل تقويم.

عمار: ليش ماتفعلي؟

زهور: فرحت امس انكم معي واتصال رشا، نسيت.

عمار: للمه معش؟

زهور: بين افتجع

عمار: هيا بغير شخاطه قد انتي دكتوره.

زهور تخايلت نظرات يوسف انحرجت وقامت: شبعت
.
.

امريكا…في المحكمه

وصلوا بيت يحيى ،، محمد كان عندهم وجاء يشهد..

رشاد بالبدله والكرفته والساعه ، كان جالس بيتجابر مع ابوه.. شافهم وصلوا عينه ع سما..

سما لابسه فستان انيق محتشم طوويل رقيق مع حجاب ومحفظه انيقه مع جزمه كعب.

وصلوا تسالموا

سما يدها ثللللج ماسكه يد سلا بقوووه.

محمد ضاااابح ، قباله عبدالعزيز، وسلا معاهم.

عبدالعزيز: سلم عادي وجلس ظهره لسلا لايبسرها.

محمد افتهن وقرب من يحيى: يااعم.

يحيى مرووق: ها ابني.

محمد بضحكه: مارأيكم تمشعوهم من فووقكم وتعقدوا لنا كلنا.

يحيى: مع واحده نفعل لها عقد امريكي وواحده يمني ، ع مه مستعجل ؟ او بتتهرب من الزبيب واللوز؟

محمد ضحكك: مع والله ، بسسس ..

يحيى: بس ماهو ؟

محمد: قلنا لو عقدنا نتواصل..

يحيى ضحكك: والله انك معررص ، ماكفتكمش القرايه مع بعض.

صلاح جاء لاعندهم: هيا يحيى ندخل.

قاموا دخلوا كلهم.. الشيخ كان مراعي ، وكاتب العقد.

سماا خاايفه جلست جنب ابوها..

رشاد متوتر ومبتسم لهم.

الشيخ بدأ العقد…وبعد ماتم.

الكل بااارك وتسالمووا

سما حضنت سلا ودمعت.

سلا: ماالش!

سما: مدررري انفخي عيني تنشف دموعي لايضحكوا عليا.

سلا: ضحككت ومسحت لها طرف عينها بالفاين.

رشاد: ذلحين ياعم مارأيكم تتموا تتجابروا واناا..سكت.

يحيى مستغرب: وانت ماهو ؟

رشاد: مابش مانع لو نخرج نتغدى ونتعرف على بعض.

يحيى: ماتتعرف قد تمينا.

رشاد انحررج سسسسسكت

يحيى: ماعنديش مانع ، سير كلمها لو وافقت.

رشاد ززززقرع من الفرحه: تماام ، وخططي لاعندها ماصدق يحيى وافق.

محمد بغيرره: قلنا لكم نعقد قلتوا زبيب ولوز ، خيرة الله.

يحيى ضحككك: احسسن كل خيره ، هيا اخطى مااقلك.

رشاد قرب من سما..

سلا بعدت من سما وسارت لاعند ابوها وخالد

يحيى: وانتي ماتشتي تخرجي مع محمد.

سلا انصدددمت: مااااع من قال ؟

يحيى: قلت والا.

سلا استغربت وابسرت لابوها ومحمد، وسارت لاعند امها وساره.

رشاد: الف مبرووووك لي بش

سما مبتسمه بخززا: الله يبارك.

رشاد: عازمش على مطعم.

سما لفتت لعيونه كانت موطيه راسها: هاا !

رشاد: اللي سمعتيه ، استأذنت من عمي قال احاكيش.

سما: على مايقولوا ابي

رشاد: كان هيا اخطي قالوا ايوه

سما لفتت لابوها

يحيى قرب منهم: سيروا تغدوا

محمد بيتفرج لسلا ويبتسم لها ويعاكسها بحواجبه ساع كل مره

سلا مبتسمه له وتبهرر
.
.

في اليمن…بعد العصر في العياده

زهور مراعيه للمريض يخرج من عند يوسف

السكرتيره: خرج المريض ادخلي

زهور دخلت بخطوات بطيئه: السلام عليكم

يوسف ابتسسم: هلا وعليكم السلام نووورتي

زهور ابتسمت

يوسف: اجلسي

زهور جلست

يوسف: اليوم باخذ مقاسات اسنانك للتقويم ، وتشوفي كيف بعمل، وفي الزيارات القادمه نطبق على مريض ايش قلتي؟

زهور: تمام

يوسف: اتفضلي اجلسي هناك

زهور قلبهااا بيدددق طرحت شنطتها وراحت تجلس

يوسف لبس الكفوف ، وبدأ ياخذ لها مقاسات

زهور كانت تشوفه

يوسف جت عينه بعينها: شكلي بغير دكتور عيون

زهور انحررجت مادريت ماتفعل،، غمضضضضت

يوسف فهمها خزيت،وابتسم: خلاص اخذت ، شفتي الآن كيف سويت تبداي بالفك…تم يشرح لها

زهور غسلت فمها من المعجون

امريكا…فوق السياره
رشاد فتح لها اغنيه اهداء..

سما محررجه..

رشاد: سبحان الله العقد يعقل كم من واحده.

سما: ليش ياسعم انني مجنونه ..

رشاد ضحكك: انتي داريه ماخلاني اتمسك بش جنااانش على لقانتش على قوة شخصيتش وانتي مع هذا كله في قمه انوثتش وماشفت واحده برقتش.

سما لفتت للطاقه مبتسسمه بخزا.

رشاد مسك يدها..

سما نكزت سحبتها: يااي بغير جنان عيب.

رشاد ضحككك: ايش من جنان قدش مرتي.

سما: ولووو.. مابش مسكه

رشاد: لاتخليني ابوسها.

سما: والله انك مدلوز
.
.

عند الاهل..
يحيى مسك محمد من طرف وسلا من طرف وبيتجابروا على تخصصهم.

سلوى وخالد بيتجابروا

يحيى: مارأيكم نخرج نتغدا في مطعم واحنا.

خالد: كل واحد معه خطيبته ومرته وانا اسير ادي صاحبتي واجي.

سلوى: من بتصاحب بغيرر جنان لاقلع اذانك.

يحيى ضحككك: وصاحبتي اديها او عتقلعي اذاني؟

محمد ضحككك وشاف لسلا.

يحيى بعد من جنبهم: تجابرو ها ، لاعد تبكيش حين ماعقدناش.

سلا ضحككت ولفتت لمحمد تحانكه.
.
.

في اليمن صنعاء ..في العياده..
زهور: يلله دكتور بستأذنك.

يوسف بيتفرج لعيونها.

زهور انحرجت: دكتور.

يوسف: هاا ، تذكري اول ماشفتك بمصر؟

زهور: ضحكت.

يوسف: من هذك اليوم ويوم مالقيتك باب بيت خالتك وكل يوم من اربع سنين نظرة عيونك بتسحررني، بشوف فيها راحه طمأنينه ، براءة

زهور وطت راسها: اشتي اروح.

يوسف تنهدد: اسألك سؤال ؟

زهور: خير
.
.

امريكا..
ثاني يوم..حفله بسيطه بمناسبه العقد.

سما لبست وفعلت تسريحه رقيقه ومكياج خفييييف.

رشاد اول ماشافهاا انبهر قرب سلم عليها.

سما خااازيه وبتكركر من الخزا.

رشاد: مابيضحكش؟ وبيتفرج للكرفته.

سما: ولا شي ، حاسه نفسي غريبه هكذا.

رشاد: قمررر.

ساره ناولته البدله يلبسها

سلا بتصوررهم.

ساره بتتفرج لسلا بقهرر.

رشاد تم يلبسها الخاتم وحب يدها.

سما خززززيت.

ساره بتغيررر عوجت فمها
.
.

زهور: تفضل دكتور اسأل

يوسف: لاتقليش دكتور قولي يوسف.

زهور: مااقدرش احراج.

يوسف: تشتي تروحي! قولي يوسف، ليش تكبرينا

زهور مستعجلله: ابتسمت،طيب يوسف ها قلت.

يوسف: اوكي قولي يوسف اسأل.

زهور: اسأل يايوسف.

يوسف متوووتر هزر فاين مسح جبهته: احم احم ، السؤال لو شخص معجب بأنسانه وبيشووفها امااامه من اربع سنين غير اللقاء الاول الصدفه اللي جمعتهم اكثر من مره ، وتقدم لها تفتكري بتوافق ؟؟!

زهور حمرررت وحست اذانها بتدخن من الاحرااج،،

يوسف: عارف محرجه خازيه مش متوقعه كل حاجه، فكررري وبنتظر منك جواب؟

زهوربصدمه سسسسكته ، شلت شنطتها وملفها ومشيت..
.
.

في اليمن..
احمد: ماهذه البنيه ، رااااقده واصل واصل مالهاا ؟

اروى: صلِ على النبي،، خلي للبنت حالها.

احمد: مااالكم شمرعها او ماهو بنتي، بين اسأل لو بتضرها علاجات امها.

رشا: والله انو صدق بترقد واصل بين افتجع لو فيها شي.

ايناس بتضحكك: بدأوا البعسسه وعادش وعاد الله يعينش يا اختي بس.

دق الباب..
اروى: يو من عيجي ماقلت لحد ، لوما تفتهن شويه وندخل مكان الولاد.

ايناس: يمكن زهور.

احمد قام يفتح الباب.

زهور دخلت وهي مطننه سلمت عليهم وجلست جنب رشا حضنت ريم ، وجالسه سارحه بتلعب بشعر النيني

اروى: الله يعينش ويوفقش يابنتي كم باقي لش؟

زهور سسارحه..

ايناس: ياااي مالش مطننه جاوبي خالتش

اروى: سهل مع التعب ماركزت.
.
.

بيت ياسر:
هدى: نشتي نسير نفرح لرشا مارأيش نبكر غدوه الصبح.

رويدا: لا ، العصر خليها عسب ياسر يوبه لسام.

هدى: تمام ، نسير العصر

رويدا: ياسر قال قد البيت جاهز ، غدوه يفرشه موكيت وننقل.

هدى: الله يعين ، قدو حلا من مره انتوا تستقروا لكم شقه واحنا شقه.

رويدا: ليش التعب والخساره ماراس مالنا انتوا الا مع عمي الله يحفظكم.

هدى: الله يحفظش ويبارك فيش.
.
.

امريكا.. في المطعم
رشاد طلب اكل من كل شي.

سما: جالسه بتتفرج المنيو

رشاد خرج العلبه ، وطرحها قبالها.

سما رفعت راسها: ماهو هذا.

رشاد: هدية العقد ، ولا قد اديت لش هديه هو انتي خليتيني اعبررش والا اخطف منش كلمتين ، حتى رسايلش مصايحه.

سما ضحكككت

رشاد: ضحككتش لحالها، اتجهزي من اليوم عتفعلي لي كورسات لقانه

سما: قدك من غير.

رشاد: امانه طيبببب، بعيني ، قطع اللحم وغمسه في صووص سبايسي وقرب يلقمها.

سما: لاا..

رشاد: قرب الشوكه من فمهاا

سما: انحررجت قبال الكل ، اكلت.

رشاد: يلا اكليني.

سما: مابلا اشربك وماتكسفنيش!!!

رشاد: اكسسفش بالعكس.

سما: مش تكسفني اقصد لاتحرجنيش، بين اخزا قووي.

رشاد: لاعد تخزيش اكليني بس.

سما: ناهي لاتبسرنيش غمض اشربك عصير

رشاد: يهههي نغمض وتخزززي وهو عصيرر، يلا هاا غمضت

سما: سحبت المصاصه من العصير ، طرحتها في الصوص (بسبااااس فرص).

رشاد: حس بالمصاصه بيشرب وهو مغمض، حس بحموضه وفحفحه، فتح عيونه.

سما مبتسسسسمه.

رشاد بيهوي فمه شرب عصير شرب ماء جلس ياكل من كل شي.

سما: حظك خطبت مجنونه

رشاد ابتسم: رمسستش كلها عتوقع مقالب.
.
.

بعد اسبوع..بيت احمد(مكان الولاد)

(تنتقل من غرفه عاديه لديوان استقبال الضيوف يكون مكانها اعلى الديوان ، مرتبه وهي عباره عن مكان النفاس الذي تستقبل فرحات ومباركه ضيوفها ، خلفها سجاف “” اقمشه تزين الحائط منها انواع كثيره وطرق مختلفه ، وختم قرانيه داخل شنطها الخاصه فيها…

اروى:حنان وضعي بقعه النشاده في الديوان.

حنان: اين اوضع لها؟

اروى: هنا ، هي ماتشتيش الطيقان.

حنان: حاضر.

ف مكان رشا العادي
احمد جالس جنب رشا وحاضن ريم: اهم شي قالوا شازفش وابننش

رشا ضحككت: ايوه ، قد ضحكوني امي عليك قمت تقالعهم لما حاكوك، يا اخضع منك صدق عتدخل تزفني

احمد: وانتين تحاكين سوا ادى النشاده زوجها ، مش عيزفها زوجها.
.
.

بيت عمار..
زهور: بابا اليوم موعد دكتور الاسنان حقكم.

عمار: بس قد تباخرت مابش شي.

زهور: ضروري ترجعوا

ايناس: اليوم مكان الولاد حق اختش، مش وقت.

زهور: حاضر.
.
.

بيت هدى ..بينقلوا
ياسر: يلا اسبقين البيت مع ابي، اتم اكلم العمال واروح.

هدى: يووو حسيت بسلوى كم قد جعجع بهم اخو زوجها ، حسبه الله.

ياسر: طيب ، يمه انا فدالك سريع العمال بيدخلوا

هدى: جي نسير نسلم ايناس.

رويدا: قد سلمتي ع الحاره كلها يمه.

هدى: انبي ايناس قد عنخرج
.
.

في امريكا..
محمد في التلفون: قلت لابي اول مانوصل المطار يدي القاضي اللي عيعقد لنا معه.

سلا بتضحك.

محمد: قلنا مسكينه ، وقعت احسن مننا كلنا

سلا: الله يهنيهم ، قد انت حساد ياشوعه.

محمد: ايوه واصل توأم وللعقد خلفتوا

سلا: عسب تنسى شكلي.

محمد: قد بين ابسر الناس كلهم سلا قلك انساها، اييييي حين تتكلمي قبالي صوت وصوره ومحد يحاسبني عليش.

سلا: يهههي عادك مطوول ، لاقد تحلم.

محمد: وصلتش صورة بنت رشا.

سلا: ايووووه تجننننن مش مصدقه ان قد معها بنت.

محمد: عقبالنا يا احلى واحن ام عتكوني.
.
.

في امريكا..
صلاح مع رشاد: هذا المهر والشرط ، واي شي تحتاجه بنتنا ابني جاهز.

يحيى: الله يتمم ع خير.

صلاح: اهم شي تميت كل امورك

يحيى: الحمدلله تقريبا خلصت بقي اشياء اتمها على نهايه الشهر بحيث اسدد فواتير وكل شي.

صلاح: وخالد عيكون في البيت صح.

يحيى: ايوه ، وقدو عسب اجي من فتره للثانيه عسب الاقامه.

رشاد: المهم ياعم اي شي تحتاجوه اتصلوا

يحيى: الله يبارك فيك.
.
.

في السوق …
سلوى: مارأيكن اجر ذيه لمرة ياسر.

سما بقرحه: ليش ، مابش داعي لاتعرفوها ولاتصرفوها.

سلوى: مايسبرش ادي لزوجها وعمتها ، مالش يابنتي.

سما: ومادراكم كيف هي مدري يجي عليها او مع.

سلا: من رأيي جروا لها شنطه انيقه.

سما بغمزه لسلا: مابلا حذا أناقه.

سلا ضحكككت.

دخلين محل اطفال

سلا: يوو هذا حالي لبنت رشا.

سلوى: عنوصل وقد كبرت، الجاهل يكبر بسرعه.

سما: هذا احسن.

المهم بعد يوووم طويل في السوق لفلفين كسوه لهن وهدايا، ورجعين البيت.
.
.

الليل بيت يحيى.
يحيى: قد حجزت تذاكر نهاية الشهر تاريخ خمسه من الشهر الثاني.

سلوى: يو والله انو نقططب السوق يابنات، ماقد فعلنا شي.

يحيى: اتقين الله ، هولا كلهن الاكياس وماتميتين ؟ صورتكن عتتمين امريكا.

سما: معاكم ثنتين حراوي لكل واحده ٨ شنط.

يحيى ضحكك: ثمان شنط مه؟ عيغلقوا الاسواق او مه ؟

سلوى: هيا اقطبين افعلين عشاء

سلا: لو احنا في اليمن ان احنا محجبات ذاحين.

سلوى: هيا اخطين من اللقانه ، مابه عليكن قمارى ولاتحتاجين حجبه.
.
.

في اليمن..بيت ياسر الجديد.
ياسر: يووو كيف البيت مشقلب ، اشتي اعرف كيف خرجتين تتفرطين وملابسكن في الشنط انتين النسوان ماااشاءالله للتفرطه لما قلت اعملوا عشاء قامت القيامه.

هدى ضحككت: قدو الواجب يا ابني مانفعل.

ياسر: يلا تمام ، انا تاااعب مع العمال من عصر اشتي اكل اي شي، رويدااا يااارويداا اين هي؟

هدى: اص بترقد ابنك ، انا شاقوم .
.
.

بيت عمار..
زهور ماسكه الكتاب ، وبتفكرر في كلام يوسف مبتسمه.
وصل لها اتصال.

رشا: اليوم ماقدرت اجابرش مع النسوان ، قلي لي ماكنتي تشتي تقلي لي.

زهور: روحت وقلبي بيفحرني ماحاكيتش

رشا: تحاكي

زهور: اين احمد جنبش؟

رشا: ايوه ، بس شاسمعش سكته

زهور: لو تبسري ماوقع اليوم قبل مااجي عندش..

رشا: هاا تحاكي.

زهوربصوت واااطي: يوسف………الخ.

رشا: ياااوو والحلا.

زهور: اص

ايناس: فتحت على زهور الباب ، من بتحاكي ؟!

زهور: رشا

ايناس: ماشبعتين مجابره عادش كنتي عندها.

زهور: ابتسمت لايناس.

رشا: ماعتفعلي عتجاوبي؟

زهور: امي بيسلموا عليش بتسمعيهم بيحطموا
.
.

في الجامعه.. بعد المحاضره
يوسف: شاف زهور واشر لها.

زهور مفجووووعه لايسأاالها الموضوع.

يوسف: ليش اليوم مش مركزه في المحاضره في شي؟

زهور: مابش شي.

يوسف: امس كان موعد الوالد، ليش ماجيتوش.

زهور: انشغلنا شويه ، ان شاء الله اليوم.

يوسف: ان شاءالله.

زهور: تشتي شي ؟

يوسف مطنن لتعابير وشها بابتسامه: مثل ايش!

زهور احرجت: اقصد خلصت كلامك؟

يوسف: انا كثير هدره، مايخلصش الكلام قدام العيون هذه.

زهور خزيت: طيب انا بمشي

يوسف: زهوور انتظرري

زهور وشها احمر: رجعت ، ها خير

يوسف: فكرتي بكلام امس، هل البنت بتوافق؟

زهور طننت شويه: اذا كلم اهلها ساعتها عتقرر.
.
.

امريكا..
محمد اتصل لسلا: للاسف ماعد شقدر اطول اكثر اقامتي عتنتهي بعد اسبوع ، شابسر اول حجز وارجع.

سلا: يووو ليشش ، حالي كنا نرجع سوا، ذلحين ارجع للهم والفرقه.

محمد: ماعد بش هم ياروح حمودي، قدش خطيبتي وعد اوصل ونعقد ، واخطفش ماعد نشتيش عرس.

سلا ضحكت: بتساليني بهولا الكلمتين والله ان انا غاثيه ، كنت فارحه نرجع سوا ما احس بطول المسافه.

محمد: بين اضحك معش ، والله ماتدي خطوه ، اوصل رجلي على رجلش.

سلا: حمااار وشوعه ماااحبكش.

محمد: وانا اموت فيش وانتي محانكه.

فوق السرير الثاني
سما بتتجابر مع رشاد وبتضحكك.

رشاد: تذكري لوما كنتي تقلبي فوقي قلبات ابو اسد اول مره تحلفت لش بعد مرات اعجبت بش ، اما ذلحين شاجنن علييش

سلوى فتحت باب غرفتهن: هنيت لي بكن قد كل واحده الا ماسكه تلفون، قلنا مره في الاسبوع مش عشر مرات في اليوم.
.
.

بعد العصر..بيت عمار.
الديوان محفوش (متجهززز) ، والمدايع فوق المعشره وسط المكان .

احمد: ماهو هذا اللبس شكلش حالي.

رشا: قوم اخرج دور لك اين تخزن.

احمد: شاجلس في المكان

رشا: ماشي بيطلعين يصلين.
.
.

في العيادة..
عمار دخل وسلم على يوسف واعتذر له من امس.

يوسف: عادي مابش شي ، العياده عيادتكم اي وقت يناسبكم.

عمار متججمل: الله يبارك فيك ويوفقك.

يوسف: اليوم بختبرك في الوالد ، تعالي معي

زهور تحمست: بدأوا العمل والاثنين لمسوا بعض بالغلط

بعد ماخلص المعاينه…
قدهم مروحين.

يوسف ماسك يد عمار بيتسالموا: نشتي نرجع نزوركم في البيت

عمار: اهلا وسهلا حياك الله اي وقت البيت بيتك.

زهور مووطيه: وفهمت قصد يوسف..
.
.

بيت الولاد
اروى: مدري مالها اختي تاخرت اليوم.

رشا: الظاهر ماعيجو ، ساروا يعاونوا خاله هدى بيجهزوا البيت ويفرشين.

اروى: ها صدق حاكتني امس نسيت

رشا: امانه ان قد روحي عتخرج على محمد وعليهن.

اروى: الله يديهم بالسلامه.
رشا: امين.
.
.

في امريكا..
محمد بيرتب الهدايا في كل كيس حق رشا واحمد وبنتهم ، وحق بيتهم ، وحق ماجد، حق عم حسين..

رشاد دق له الغرفه ودخل

محمد: حياك ادخل ابسر ع نعثه انا فيها

رشاد: يا اخي جيت تفعل لي دروس في صنعاء كيف العرس وكيف الزفه ، قد لي منها ١٥ سنه.

محمد: اووو ، ماعليك شي انت الا جي وعنحجز انا وانت جمعه اللبس والنشاد وكل شي.

رشاد: قد ابسرت هنا اعراس يمنيه ، بس حفلات بسسيطه
.
.

اليمن ..بيت يحيى.
هدى ورويدا، وايناس والشغاله حق هدى بيفرشين الغرف.

هدى: يووو بين احسب الايام اي حين تجي اختي

ايناس: انا قد شاخرف للكل ابني وخطيبته واختي وصاحبتي وسما اللي بين احسيها وسط قلبي من لقانتها.

رويدا بتركب البردات ، وهي متنرفزه: واااصل كلكم تتحاكوا ع سما قد نفسي ابسرها.

هدى: ماتشبعي من الجلسه معها.
.
.

امريكا..
يحيى: ماشقدرش اوصلكن معي عمل، اين خالد ؟

سلوى: مابحد.

يحيى: سهل لوما ارجع.

رشاد كان معاهم في المكتب: ماهو ياعم انا شاوصلهم.

يحيى: هوذا رشاد عيجي لكن ، اتجهزين.

سلوى: حاضر.

سما كانت بتفعل فطاير

سلا بتراسل محمد.

سلوى: اتجهزين الآن رشاد عيجي يخرجنا.

سما: صددق، عاد الفطاير في الفرن

سلوى: خليهن وسيري البسي.
.
.

في اليمن…بيت عمار
ايناس وصلت تاعبه بعد الشقى

زهور: يماه محمد اتصل قال مالقيش حجز مع عمي يحيى، حجز بعدهم باسبوع.

ايناس: هو عمل التشواق، خيرة الله.
كيف اسنانك اليوم؟

عمار: الصدق دكتورها قمة الاخلاق ، ماشاءالله عليه.

ايناس: الحمدلله.

زهور: بتغالط نفسها بتقلب التلفزيون
.
.

فوق السياره رشاد وصل بيت يحيى ، نزل يجرس الباب.

سما نسيت طرحت الحجاب فوق راسها وفتحت.

رشاد: السلام عليكم

سما مدت يدها تسلم.

رشاد: هزرها وسلم عليها سوا..

سما انحرجت.

رشاد هزر حجابها: قدش مرتي للمه التغطاي.

سما: مش باب الباب يووو

رساد: قلي لنفسش اعزميني شربيني عصير.

سما محررجه: هوذا امي ها عيجوا

رشاد: مالحبيبي خاازي

سلوى: حيا ابني ادخل ها امد مااركع.

رشاد: ابسري الناس ها كيف يعزموا، المهم شاراعي في السيارة

سما بتضحك: راعي.

رشاد سبر الحجاب فوق راسها هزرها لخارج.

سما: يوو مالك ؟

رشاد: نتجابر امد.

سما: طيب اصلحه قبال المرايه.

رشاد: انا مرايتش ها ، لبس النظاره الشمسيه، يلا سبريه

سما بتضحك ، وبتتمرى في نظارته ولفت الشال حولها.

رشاد بيتحيلى لها متأمل لها من ورا النظاره ، رجع ربط طرفه بالطرف الثاني.

سما: وااو طلعت خطير ، وقع حالي

رشاد: انتي الاحلى

خرجت سلوى وسلا، وجلسين ورا.

رشاد: عمه جوا جنبي ، ابسروا سما خرجت بالعاني قبلكم تجلس جنبي ، احرررجتني.

سما: ياخراااط والله انو انت

سلوى بتضحكك.
.
.

في المكتب..
يحيى: هذه الاوراق ، والملفات شاحتاجهن

صلاح: الان اخليهم يجهزوا لك كل شي ، المهم مااوصيكش ، اذا شفت العمل مشي افتح فروع في كل مكان.

يحيى: ولايهمك، ان شاءالله.

صلاح: تصدق يا اخي من حماسك للرجعه ، قد انا اشتي ارجع.

يحيى: ليش ماعتجيش؟

صلاح: الا للعرس ضرووري، بس مستعجل مثلك الآن

يحيى: هيا احجز وجي معنا.

صلاح: مامنهاش اتم عملي وان شاء الله خير.
.
.

في سكن الشباب
محمد بيرتب الكتب ، ويخرج الاشياء اللي مش ضروريه ،،

وصل له اتصال من عمار

محمد: الوو،

عمار بضببح: قالوا عتتأخر ليش؟ مش كنت جاهز !

محمد: شويه ربشه حصلت ، ان شاءالله بعدهم باسبوع.

عمار: يلا خير ، بنعد الايام عد انا وامك وخواتك.

محمد: وانا والله ، لكن الحمدلله ، هانت مابقي شي

عمار: في حفظ الله

محمد: امانه ماتشتوا شي من هنا ؟

عمار : ارجع بس ولا اشتي شي الا سلامتك وافرح بك

محمد: والله وانا فاقد لكم ، وخاور صنعاء زغط زغط.
.
.

في اليمن .. كليه طب الاسنان.
زهور خرجت من الاختبار

يوسف: كان مراعي لها ،بيلوي ويسير ويجي، شافها خرجت.

زهور: انحرجت مش عارفه لاين عيجي، جلست تراجع الورق وبتغالط نظراته

يوسف: بشري؟

زهور: الحمدلله.

يوسف: انا عارف ايش معي

زهور ابتسمت
.
.

بيت ياسر ..
هدى: ياسر الشقه اللي قبالنا فاضيه؟
ياسر: ايوه
هدى: خلاص امد مايكون حد قبالنا وازعاج ودخله وخرجه ، عنجلس فيها انا وابوك.

ياسر: وحدكم لا لا

رويدا ساكته.

هدى: ابسر يا ابني هن خطوتين مافرقت ، وانت ومرتك خذوا راحتكم وابنك الله يحفظه والثاني في الطريق توسعوا

ياسر: انتوا متضايقين معنا.

هدى: مع ، بس احنا عيشتنا غير بنرقد بدري، وانتوا اسمروا اعزمو اصحابك صاحباتها ، تفتهنوا وقد احنا جنب بعض عنجتمع ونتغدا هن خطوتين.

ياسر: اللي تشتيه انا مملوك لك ، وحبها فوق راسها.

رويدا فررحت: بس عتبسرينا ياعمه عندش واصل.
.
.

في السياره ،،،
رشاد نظره للسكان ونظره لجنبه بيجابر سما بصوت واطي.

سما مبتسمه ، داخل نفسها هذا واحد ثاااني ياتغير او انا ماعرفته سوا.

سلوى: ايووه هذا المحل يابنات.

رشاد: اوكي، وقف لهن

سلوى وسلا: نزلين.

سما تشتي تنزل .

رشاد: لحظه بنوقف السياره فالباركينق ونرجع لهم.

سلوى: يلا تمام، وغلقت السيارة

سلا بتغمز لسما.

رشاد اشر لهن ومشي.

سما: ياسعم هي خمس دقايق باركينق، مافرقت؟

رشاد: انتي داريه ان الثانيه معش مثل دقيقه ، ماعليش مني.
.
.

في اليمن .. بيت عمار..
ايناس بتتصل لنسوان الحاره ، تحلف عليهن( تعزمهن) البن حق اهل الوالده

فاطمه: بمه عتبننيها ؟

ايناس: زفه من ابوها ،، واخوها عيبننها كيك وببسي.

فاطمه: يو جبرك يامحمدي صدق.

ايناس: يوو يافاطمه، اي حين احضن ابني واشبع منه قد روحي عتخرج.

فاطمه: هيا عان الله قذا شهر وهو عندش.

ايناس: ياااارب، هيا قوا لاتتأخرين امد المغنيه معي

زهور وصلت

ايناس غلقت التلفون: هيا جي سشوري لي شعري

زهور: يوو يماه ، لفوه بمصر طالعي وسبروا النبعه.

ايناس: مع، هيا مايقع بش خمس دقايق.

زهور: ناهي وشرقد لاني مارقدت من امس.

ايناس:كيف الاختبار اهم شي.

زهور: مدري ، بس حليت.

بيت احمد..
اروى: ماعتلبسي اليوم من زنه ، نبسر لش عصبه.

رشا: الزنه الذهبيه ماقد لبستهاش

اروى: يعني ابسر لش طاسه ذهب.

احمد: ارررع ارررع ، قد معاكن طيسان ذهب !

رشا: مش طاسه ، ساع الكوفيه وسلاسل.

احمد: هااا، تيك الخوذه

رشا كررركرت.

اروى: قوووم رحلك من البيت ، مابيجلسك بيت ولاد..

رشا: مالكم يمه عليه ، مش هو داري.

احمد: ولا شااادرى بششي، معاكن سبعين بعسسه.

اروى: يلله شاسير اتصل لامي امه الغفور.

رشا: حاضر
.
.

امريكا ..المول
رشاد بعد ماوقف السياره.

سما: نزلت وبتتمرى في الطاقه حق السياره.

رشاد مسكها من يدها

سما: خزيت وماسكته باطراف اصابعها.

رشاد مسكها وربط يده بيدها ومشي.

سما: بغير جنان، بين اخزا.

رشاد: ماتخززي ، زوووجش.

سما: بين اخزا من نفسي.

رشاد قرب يشاورها: زوجششش.

سما: عاد انت خطيب ، وعقدنا بس.

رشاد: مررررتي ، حلالي

سما سكتت ، وذكرت انه اتزوج من قبل، كان نفسها تسأله ، كنت فارح هكذا؟

رشاد: مالش تنحتي .

سما: ولاشي ، راعي اتصل لسلا اسألهن اين هن.

رشاد: يلا اتصلي واحنا نتمشى لوما نبسرهم.

رشاد: مارأيش ندخل هذا المحل؟

سما: رجالي؟

رشاد: ايوه اختاري لي بدله ع ذوقش.

سما: امم فكره ، هيا ادخل.

رشاد: بيجرب الاكوات والكرفتات.

سما: ولا واحد حالي.

رشاد: بعدش ، لو لقينا محل ثاني ندخل.

سما: تمام

سلوى دعت سما تبسر فستان رقيق سهره.

سما سارت.

رشاد: مارأيش اختار لش على ذوقي؟

سما: يلا ابسر ، عسب ادرى تحتاج دروس او لا ؟

رشاد: درووس ها ! هيا جي اعلمش.

سلا: بتتفرج المحلات ، وحسها عند محمد، مالهاش نفس تختار شي.

سلوى: وانتي ابسري لش.

سلا: تمام.

سلوى: خالد سار لاعند محمد اليوم؟

سلا: ايوه ، اداله كتب وروح.

سلوى: اسكه ادي تلفونش اتصل لاعنده.

سلا ناولتها التلفون.
.
.

في اليمن…بعد العصر.
بدأت زفه الوالده،، لما وصلت المرتبه ، بدأت تزف السجاف والاهل ع واحد واحد

زهور كانت بتسجل لمحمد

ايناس طلبتها تزف سلوى وبناتها.

هدى فررحت.

رويدا: مادخلهن وهن؟

هدى: كيف مادخلهن؟ تربين مع زهور ورشا ساع الخوات.

رويدا: سلا خطيبه محمد صح

هدى: ايوه

رويدا: والثانيه بمن انخطبت؟

هدى: ياااعقي مالش نسيتي!

رويدا بتفكرفيها: ايوه صح بذيك اللي في امريكا عتجلس هانك.؟

هدى: مدري

زهور قربت تسلم على رويدا

رويدا: هيا اجلسي جنبي ضبح.

زهور: مع بين اخزا، جي نخرج من عند النسوان.

حنان: اين عتسيرين؟

زهور تبهرر لها انها خازيه.

خارج مكان زفه الوالده ، بدأت الاسئله..
رويدا: اي حين عيجي اخوش واهل خطيبته؟

زهور: اقل من شهر

رويدا: واختها عيعرسوا لها اين؟

زهور: في اليمن.

رويدا: وزوجها عيجي والا عتتعرس وتسير لها.

زهور: مدري

رويدا: يعني ماعتعيش في اليمن.

زهور بدأت تشك لو دريت بقصه سما وياسر: مالش ماتسأليني على حريوتنا اجاوبش.

رويدا احرجت: قد انا داريه بسلا، لكن اختها مع.

زهور: شاستاذنش دقايق وقامات ترسل لمحمد الزفه باسمه.
.
.

امريكا في السوق

سلا تلفونها رن رساله وسائط

سلوى: من اتصل؟

سلا مستغربه رساله تسجيل صوت: رساله ، راعوا

سلوى بتسمع..

سلا وهت الصوت ، يو مش وقت هنا خزا
وصلت رساله ثانيه ، هذه زفه رشا ، باسمي واسمكن اسمش بعدي.

سلوى: مالش مقعيه مبتسمه

سلا قالت لها.

سلوى:هنيت لي عتكتسين او عنجلس نجابر ، واحده بتلوي والثانيه بالتلفون.

سلا: هيا مالكم يا اختي سلوى او بتغيروا اين جاء تلفونكم نبسر لكم اخي يحيى يغازلوكم.

سلوى ضحككت: بتبسري اختش ولاعد بديت تبسرنا ، اتصلي لها تجي نقطب.

سلا: يو الله يعينكم يامحمد ورشاد بدأت غيرررة العمه
.
.

بعد ايام في كلية طب الاسنان.
زهور بينها وبين نفسها: غرريب هذا قدو ثامن يوم وماحضرش يوسف مدري ماله ؟!

واحده وقفتها: انتي زهور عمار ال…؟

زهور: ايوه ، من اين تعرفيني؟

البنت: انا اخت حسين زميلش ، جيت ابسرش واتعرف عليش.

زهور ابتسمت لها: اهلا وسهلا ، بس كيف لوما فكرتي بيوم تتعرفي عليا.

البنت: والله اخي شغلنا عليش في البيت مابيدي سيرتش الا انتي.

زهور ضبحت: عفوا منش انتي وياه ، قلي له لايدي سيرتي ولا، عيب انا مخطوبه

البنت: يوو صددق! هوذا مابش في يدش دبله؟

زهور: به ناس تكلموا عليا ووافقنا.

البنت: غثيتيني والله ، يلا الله يسعدش، ويعين اخي مدري كيف اصدمه.

زهور خطيت بتضحكك.

خلود: مالش؟

زهور: لو تبسري من كنت احاكي ….تمت تحكي لها

عددددت الايام والاسابيع ويوم سفرهم اليوم اللي انتظرووه بفارغ الصبر ،،

الساعه ٩:٤٥pm

محمد في غرفته ، رتب الشنط ورتب الغرفه، خبى في محفظته صوره جاك وكاترين بعد ماراح يودعهم.

دخل الحمام يحلق ويتجهز ..
رررن تلفونه

محمد المنشفه فوق كتفه، ودقنته ملان معجون.،، جاوب بالاسبيكر

رشاد: هيا مابتفعل تميت؟

محمد: ايوه تقريبا ، شاكون منتظرك ع الساعه ١١.

رشاد: اوك
.
.

بيت صلاح
صلاح: هيا البسي واجهزي عنشلهم الااان

ساره: مش ضروري اجي

صلاح: مايسبرش عسب مرة ابنش.

ساره: تجي هي تودعنا مش احنا.

صلاح: معش دقايق تجهزي نسير ، ماشي عتلحقيهم بشنطتش.

ساره: استغفر الله بس، وقامت تلبس.
.
.

بيت يحيى..
سلوى بتلووي من غرفه لاغرفه

يحيى: اهداي مابش شي ، لو نسينا شي عنتصل لصلاح.

في الغرفه..
سلا: حااااسه نسيت شي: يوف

سما: وهذا لمن عتخليه ياقمر.

سلا هزرته منها: يوو بيذكررني بمحمد.

سما: تقلي كيف قدهن البنات تغيرين؟

سلا: والله مش مصدقه نوصل

سما: يووو احساااس فظيع اي حين توقع الساعه ٢

خالد: كم حجزتوا لي في اليمن ؟

يحيى قبال المرايه بيوضع الكرفته: يعني العطله وترجع.

خالد: ان شاءالله.

يحيى: نرمض وتحضر عرس خواتك ، وترجع.

خالد: سوا.

يحيى: اقطب خواتك تأخرين

خالد..دق الغرفه ودخل

البناات لابساات وبيغلقين الشنط

خالد: ماعتلبسين للرجعه؟

سما: معوز وسماطه

خالد بمسخره: هاها زبااجه، قلت ماعتلبسي؟

سما: مالك دخل ، مش هو عليك هذا السؤال.

سلا: بس محاانبه انتي وياه ، مش وقت اصه.

خالد: سلا

سلا: ها

خالد: ماعتلبسي؟

سلا: مابتبسررر !! لابسات تمينا ، ماعنلبس ؟

خالد: يااااحبيبي ارع ارع ، عتسيري صنعاء بهذا (اشرلها من راسها لرجلها)

سما: مع شازيد ابسر اقصرر ومقطع حمىى يوووف

خالد قرب لاعندها بيسافط: بغير جنان البسي.

سما: اوو هو قد عيفتح فمه

خالد: افتح فمي طبعا مش خواتي حبيباتي ، اغير عليهن.

سما: زوجي عيغير عليا مش انا مراعيه لك.

خالد هزرها من رقبتها بيده لاحضنه: وانا اخوووش اغير عليش اكثر منه.

تموا يضحكوا

يحيى: هيااا ، ارسلناك تقطبهن مش تفعلوا حفله، تاخرنا المطار بعيد.

سلا: جاهزين مريعين لكم.

بعد ماخرجوا وقدهم فوق السياره..

يحيى: رسلي لمحمد اسأليه وين هو.

سلا: حاضر.

خالد: هوذا انا شسأله.

سما: بصوت واطي ابسري هذا بيتليغج تم الثانويه وصدق نفسه.

سلا: سسهل ،دعممي منه.
.
.

في المطار
رشاد ومحمد بيلووا في الدكاكين.

محمد: بيشتري جعاله ،حبتين من كل شي.

رشاد: هنيت لك بتحاانك.

محمد: بيضحكك، وانت لمن بتجعل؟

رشاد: لمرتي ، عسب ماتحسدكم.

محمد: من تحسد عمك وعمتك معنا اتطمن انت وهي.

رشاد: يلا اسرع ها

محمد: عمي بيتصل.. وصلوا المطار ..

عائله صلاح ويحيى ومحمد ورشاد،، وصلوا على اللحظات الاخيره ، شحنوا الشنط سريع وتوداعوا

ساره بدون نفسسس ، سلمت ع سما وسلا.

رشاد بعد منهم واشر لسما

سما فلتتهن مشيت لاعنده.

ساره لمحتهم: يااي اين عتسيري جي نبسرش ها.

سما انحرجت في الوسط

رشاد اشر لها تجي.

سما لفتت لساره: لحظه اجاوب وارجع

رشاد: توصلي بالسلامه ياروحي، عتوحشيني قوووي ، انتبهي لنفسش واستمتعي وانا شالحقكم ان شاءالله لما تجهزوا للعرس

سما: وانت انتبه لنفسك.

رشاد: وهولا لش ،خليهن في الشنطه لو جوعتي او خورتي شي.

سما: يو خيرات، مابش داعي.

رشاد: الا استمعي من المعانده.

يحيى خطيووا، اشرلها هياا

رشاد: يلا سيري، لا اله الا الله

سما حست ناحيته احساس غرريب امتلت عينها دموع شافته وفيها غصه: محمد رسول الله.

رشاد: راعى لوما خرجوا ورجع مع صلاح وساره..
.
.

فوق الطياره..
بيدوروا رقم الكراسي. (طبعا يحيى حجز تذكره لمحمد معهم )

يحيى جلس وسلوى وسما جنب بعض.

وسلا جنب الطاقه ومحمد وخالد.

جلسوا يتباسروا لبعض.

يحيى ابسرهم وضحك: حظظظظ من السمااا.

محمد: ياعم كله بالقانوووون مايسبرررش مخالفه.

يحيى ضحكككك: معاكم ياقانون ذاحين امد المضيفه ماتتفاقد بعدا نرجع للقبيله والعادات والتقاليد.

محمد: الله يسترر ، الظاهر عتوقعوا عم يحيى ثاني في اليمن.

يحيى: اكيد..

المضيفه مرت تتأكد من كل شي.

سلا جالسه خازيه.

محمد يلفت لها وبصوت واطي: يووو عترجعي اللثمه والمشاقره مابش اتبسرش ونتجابر.

سلا ضحكت.

خالد دق رجل محمد: عتجابررنا (بينهم علاقه اخوه وصداقه من زمان برغم فارق السن)

محمد بيده غطى وش خالد: مش وووقتك ، اصبر اودعها
.
.

ثاني يوم الصبح اليمن…بيت يحيى \صنعاءالقديمه

البيت ملاان ، هدى وامين ومرته وجهالهم ..النسوان بيجهزين البيت ويفرشوه..

شقه ياسر.
ياسر: تجهزي بارجع الساعه ٢ اتغدى واشلك بيت خالتي ، ونروح المطار انا وخالي.

رويدا: تمام ، مااجهز لك تلبس.

ياسر: كوي لي بنطلون وشميز.

رويدا: ليش ماتلبس زنه ؟

ياسر: اروح مطار بزنه وكوت ! تتهابلي او منك صدق.

رويدا: ليش عادك تشتي تتأينق سعم عتسافر.

ياسر بضحكه: مش هو عليش بالصنعاني

رويدا: ضحكت ، يلا تمام.
.
.

بيت عمار
اتصلت ايناس تنبي اروى ماعتجيش مراعيه لسلوى والبنات.

زهور: يووو ريت والله محمد جاء معاهم .

ايناس: سسسهل ، امد نبسر سلوى سوا والاسبوع اللي بعده اخوش

زهور: يوو هذا ابنكم مافقدتوا له؟

ايناس: يووو قد شاجنن عليه ، لكن هانت يابنتي وخالتش سلوى اختي ، وصديقة عمري.

زهور: يووو تقلوا كيف سلا احلوت كبرت تغيرت؟

ايناس: قد عنبسر ، العصر عيوصلوا

عمار اتصل لاحمد يعيره السياره.

احمد: من عيوني خير ؟

عمار: اسير استقبل يحيى ، عيجي من السفر.

احمد: يلله شاديها واجي معاكم دوره، مابش اين اخزن.

عمار: عيعينك الله اي حين عتوفي مرتك ؟

احمد:بعد غدوه واخيرا

عمار: عان الله.
.
.

في الطايره..
سلا وسما غيرين اماكنهن جنب سلوى ، وراقدات لافوقها.

محمد ويحيى بيتجابروا ، وخالد نوم

الطايره، ندااء ربط الاحزمه وهبوط ترانزيت في مطار اسطنبول.

بعد ماهبطت الطايره..
نزلوا ، في يد البنات شنطتين.

خالد سحب واحده ومحمد سحب شنطه سلا.

دخلوا المطار
سلا: يوو كبيرر قد احنا تاعبين نخطى.

يحيى: من قلكن تكبرين ، كنتي واصل كسله اتحملش فوق ظهري.

سلا حضنت ابوها وبيخطوا

محمد وخالد بيتجابروا

بعد الترانزيت ومعاااناة الانتظار ممزوج بشووق وتعب وسهررر وكل واحد بيفكرر كيف عيوصل وكيف بلاده تغيرت

مطار صنعاء الدولي ،،الساعه٦ المغرب بعد تأخير الطايره ساعه.

امين وياسر وابوه ، واحمد ، وعمار منتظررين في المطار..

فوق الطايره..فوق الاجواء اليمنيه..
محمد: ماهو هذا الظلمي ياغارتاه، اين عننزل.

يحيى: الظاهر عاد احنا بعيد..

نداء ربط الاحزمه..والاستعداد للهبوط.

سما: سرجوا للطيار الاتاريك حق التلفون يستضي اين ننزل.

الكل بيضحك.

سلوى: جهزتين اللثم؟

سما ضحكككت: اين لثم ! مدري اينهن.

سلوى: كيف عتفعلين ؟

سلا: مافيها سهل.

سلوى: مش هو سهل مدري من عيستقبلنا ، والحاره !

يحيى: سهل يردين الشيلان لاوشهن.

هبطت الطياره مطار صنعاء الدولي…!!

على نزلتهم من الطايره..
خالد: تغطين.

سما: اصبررر ، قد شاهتفج على وشي بتبسرر على سلم ادوا لنا.

سلا ماقدرت تنزل..

يحيى: هيا ماالكن !

سلا: بيرقل السلم

يحيى: ولايوقع شي اقطبين ناس قفانا، هزر واحده بيد والثانيه بيد.

خالد مسك امه ونزل.

محمد نزل وماسك شنط في يده وظهره.

في صاله الاستقبال..

الرجال بيلووا مراعيين.

ياسر: الآن هبطت الطايره ، مسافه الباص ويوصلوا

عمار متشوووق ليحيى: الله يوصلني ، وقد هي طايرة ابني.

بعد دقاايق..

دخلوا المسافرين الواصلين اراضي الوطن.

عمار بيدورر…

محمد كان موطي، قفا يحيى وخالد.
قرررربووا منهم..

امين: حضضضن سلوووى وتسالموووا وبكيوا

عمار اتفااااجئأ: محممممممد،

محمد بكي مااستحمل من الشووق حضضضضن ابوه ، سلم عليه فوق راسه ، ووطى يحب ركبه.

عمار هزره ، وحضنه بكي في حضنه.

الكل تأثر بهم.

احمد رجع السياره لما ابسر النسوان.

عمار سلم على خالد. ومتفاجئ كبروووا.

يحيى: سلمين على عمكن عمار.

سلا: سلمت عليه.

عمار: مااااشاءالله تبارك الله ، الله يحفظهم كبروا يا اخي شيبت

يحيى: الغربه هلكتنا.

عمار حااضن محمد، ويلتفت له يتأمل.

محمد: هذا وبتبسروني بالنت

عمار: اي نت ، زدت عليا قد انت اطول واعرض مني.

ياسر: سلم على سلوى ، وشاف البنات ماميززهن ماعرفهن، رد عليهن السلام.

سما من تحت الخنه بتتفرج

سلا: صلللع.

سما: ماافعل له.

سلا: توقعت ردة فعلش غير.

سما: اي غير، مالش تتخيبلي ، عادي ابن خالتي ، اصه لحد يسمع.

طلعوا السياره.

احمد تفااااجأ بمحمد، نزززل تحاضنووو وسلم عليه

محمد وعمار طلعوا معه وخالد

سياره امين ماكفت.

سياره ياسر.. امين ويحيى وسلوى والبنات.

طريق الروضه..
سما: هذا بخووور اليمن ، حيا بكم في صنعاء.

ياسر بيسوق مبتسم.

امين: خااالو مبرروك لكن، ومتى الزواج؟

سلوى: لوما نجهز.

الحاره ، عيال الجيران مراعيين بالقريح

ايناس سارت هي وزهور بيت يحيى مع هدى ورويدا يستقبلينهم، جالسات في الطيقان

ايناس: زهور ، ردي البرده ، كشف

رويدا مراااعيه تبسرر سما.

وصلين السيارات للحاره، فتحوا الابواب بينزلوا الشنط.

زهور: ماماااا ، جووا يوووو الظاهر هو يشبهه.

ايناس قربت من ؟ بتبسر: محممممد ، يوو محمد فددديتك وفديت روحك ، حملت لانااززززل

هدى: لحقتها بالستاره.

زهور بتلبس البالطوو وحمله لانازل..

ايناس فتحت الباب عتخرج.

محمد: لمح زهور وامه، دهفهن مدخل ودخل للحوي…!!!

محمد حضن امه بقوووووه ودمع.

زهور حاضنه اخوها من جنبه.

ايناس حضنته بقوووه، وبتبكي من الفرحه.

محمد حببها في راسها وعيونها ..

زهور بفررررحه هزرته وتحاااضنوا

هدى ومرت امين بيحجرررين.

سلا وسما وسلوى دخلين

محمد خرج

سلوى حضنت ايناس..

هدى حضنت سلا وسما..

الكل بيتساالم.

خارج..
محمد: قوا يا احمد لاتحاكي رشا اني وصلت ، اي حين عيخرجين النسوان ؟

احمد: مابش لهن وقت، جي ذلحين نبسرك وبعدا نسير.

عمار: حياكم الله اهلا وسهلا،، دخلهم البيت.

والنسوان بيت سلوى.

سلوى: يووو فقدت لكن.

ايناس ودمووعها بيهرين: يو لك الحمد اللي رجعش بالسلامه، انورت دنيتي ، يو فديت القمااارى كبرتين ماهو هذا الحلا.

هدى دموع وفرحه: جبرني بش يا اختي لك الحمد اللي تعافيتي ورجعتي بيننا.

زهور وسلا وسما بيتجابرين فاااارحااات ببعض.

رويدا بتتفرج سكته مبتسمه.

نسوان الحاره ، وصلهن الخبر تجمعين.

هدى بتعرف رويدا بهن.

رويدا: قووي يتشابهين ، يشتي لي فتره افرق.

سما فيها ضحكه مبتسسمه بقوه لها ماسكه نفسها.

هدى: عتفرقي بطبعهن، تيه نسمه وتيه زقعه ولسان

ايناس: جبرني من يصدق ، ينخطبوا ويجوا ، على عرس.
يو هنيت لي بها وبامها.

سلوى قامت تتبسر: يو كم لي من البيت

هدى قامت معها وخطين يلوين.

رويدا: خطيبش جاء معاكم ؟

سلا بابتسامه: قد عقدت ، يعني زوجها.

رويدا: وللمه ماجوا معاكم؟

سما: يتمو عملهم ويجوا لوما نجهز العرس.

فاطمه: صلاة على النبي عليكن ، ماشاءالله حجاب وياسين .

ايناس: يووو ماشبعت ولابسرت محمد..

سلا بتتجابر هي وزهور
.
.

الليل الساعه ١٠..
محمد سار مع احمد هو وامه وزهور بيت رشا.

باب البيت.

احمد: شطلع قبلك اسكت امي لاتخرب المفاجأة

محمد: حاضر او يغالطنها امي وزهور.

احمد طلع: الله الله..

اروى: مالك مابش احد ادخل.

احمد بمشاوره: اين رشا ؟

اروى ب استغراب: طالع مراعيه لك تجي تتصورو،ا للمه ؟

احمد بصوت واطي: اسمعوا خالتي وزهور خارج

اروى: يوو مالهن مايدخلين.

احمد: اصص، اصبروا محمد جاء ويشتي يفاجئ رشا.

اروى بفررحه: يوووو..

احمد: تجابرين سكته عنطلع، خرج يدخل محمد.

رشا بتبدل لبنتها.

احمد: وقف باب الباب، واشر بيده.

محمد: بددي باب الغررفه..

رشا بفرررحه صااااحت: محمدددد ، قامت

محمد حضنها بقوووه.

رشا دددمعت: محمد يوو انا فدالك ، يوو يا اخي الحمدلله على سلامتك.

محمد: مااشاءالله عليش، ماهوو هذا الحلا ، وطى يحضن ريم ويحببها.

طلعين زهور وايناس

اروى قربت سلمت عليه….

محمد: والله تزوجتي وقدش ام ياشووعه.

رشا: يووو احلى مفاجأه طيرت قلبي من الفررحه ، ليش ماقلت لي كنت ريعت لك معاهم.

ايناس: فاجأنا كلنا ماابسرناهش الا قبال البيت.

احمد فعلهم صوره جماعيه ذكرى وهي بلبس العصبه ،، محمد كان حاضن ريم.

محمد: سع من هي ساع الفار.

احمد: كانت تتغذى كتب وقرايه اختك.

محمد مررهق بيفحس عيونه ويتقعم.

ايناس: هيا ابني تسير تفتهن ترقد.

محمد: اين نوم ورقده والله اني مش مصدق نفسي وسطكم.

رشا: احمدد شاسير امسي بيتنا.

احمد استغرب: والولاد؟

رشا ضحكككت: ماللولاد

محمد: يووو فقدت للضحكه هذه.

احمد: لاتفقد ولا عتشبع منها نسختين واشر لريم.

ايناس: هيا جي وارجعي العصر.

محمد: ليش؟

احمد: اختك معها دوااام بيحاسبوها زززلط حين وقع لها بنيه.

ضحكككوا كلهم ورحوا البيت ومعاهم رشا وريم.

.
.

بيت صلاح…
سلا وسما نووم.

سلوى: ششوويه مسسرع ؟

هدى ومرة امين ورويدا: عنرجع وانتوا افتهنوا واخي يحيى قددد له عمر من البيت ياخذ راحته ، وبكره الغداء عندنا.

سلوى: امانه مامعاكن امسين.

هدى: اليوم ارتاحوا وغدوه عنمسي ولايهمش.
.
.

ثاني يوم الصبح..
يحيى قاام فجر على صوت الاذان ، كان تااعب وماشبع نوم،،، توضا للصلاه وقيم خالد وساروا الجامع.

سلوى قامت وسارت تدعي البنات للصلاه.

سلا قامت فتحت عينها ، بتبسسسر اين هي !!!!! الجدر حق بيتهم والصفيف في الزاويه عرايسهن فوق الدولاب.

سما: خلوني اررقد.

سلا: يووو ياماما كان يتخايل لي حلم مشش مصدقه انني في الغرفه.

سلوى ضحككت: الله يسعدكن ويوفقكن قيمي اختش وصلين ، وخرجت.

سلا قامت للطاقه، وقفت فتحت البرده، بيت عمار الباب افتتح،، قربت وووشها لاعرض الزجاج تبسر محمد وعمار

بيت عمار..
محمد: اول ماخرج ، لفت للطاقه مبتسم، كان ظلااام ماستضاش سلا.

بعد صلاه الفجر ..
يحيى: مارأيك يااخي نخرج العائله دوره ساع زمان نسير نصتبح.

عمار بيخطى ، وعلى يمينه يحيى ويساره محمد: مووافق قبل ماتطلع الشمس اقطبوا نخرج.

يحيى: يلله.

عمار: وغداكم اليوم عندنا.

يحيى: تسلم الله يبارك فيك ، والله عزمني اخو المره.

عمار: خلاص غدوه عندي.

يحيى: بإذن الله ، الآن ادخل احاكيهم وخرجنا.

عمار: تمام متفقين.

يحيى مبسوووط: دخل البيت ونباهن.

البنات وسلوى فررررحين.

بيت عمار دخل هو ومحمد ونبوهن يجهزين
رشا: شتصل لاحمد احاكيه ، يووو فاااقده للبنات وسلا..

محمد لفت لها بابتسامه ثقه وحانكها بحواجبه.

محمد: اين طرحنا هديه عمي حسين؟

ايناس: قد المكان كله مشمعات ، هيا راعي ، ابسر خواتك اين جين به.

زهور: مابتدوروا

محمد: امس العشي قلت لكم هذا حق عم حسين.

زهور: هااا، هوذك في المغفره (خزانه -دولاب، بشكل نافذه يتم بنائها بنفس الجدر)

محمد: يوو ذكرتيني بالمغفرره قد فقدت لكل زاويه في بيتنا.

ايناس: ماتشتي منها ؟

محمد: اسير اسلم ع عم حسين وارجع اقطبوا اجهزوا

سار يدور عم حسين مابحد، خبى الهديه في السياره ومراعي فوق السياره

عمار: عتسوق او اسوق انا ؟

محمد: قوووا اناا ، قدني فاقد للسواقه في زغاطيط صنعاء.
.
.

بيت يحيى… الكل بيلبس ويتجهز.

سلا بتلبس وهي جنب الطاقه.

سما نكزتها.

سلا: جحفه، قلت ابي.

سما: عسب توبهي ، ماذلحين قدهم دارين مامعش هنا

سلا ضحككت.

يحيى: هياا.

سما: مابش معنا لثم.

سلوى: ابسرين اللثم القديمه والا شاتصل لايناس.

سما: مش هو ضروري، قد عتبداوا سلف من عند الجيران، رعاش الله يا امريكا ، كنا ناكل تافل لو مابش ملح ، ماذلحين خالتي ايناس

سلوى ضحكت

سلا: انا لقيت حقي القديمه.

سما: وانا موجوده بس بين اتعذر.

يحيى قدو خاارج بيطرق لهن.

رشا دخلت لاعندهن مع بنتها.

في الحوي.
رشا لقيت سلا وسما تحاااضنين بقووة

سما شلت ريم: يووو جبررررني بش ساااع امش نسخه يافطسا..

رشا: احلووويتين ياشووعات قووي.

سلا: وانتي تغيرتي مااشاءالله.

الرجال خارج بيطرررقوووا لهن.
سلا نسيت نفسها وخرجت واللثمه مرفوعه لاقفاها.

محمد كان جالس جنب عمار بهرر لها.

رشا ابسرتها نزلت اللثمه وضحكوا عليها موووقف محرج.

يحيى بيضحك: ابسري قلة الولف خارجه واللثمه قفاها.

خالد ماعجبه الموقف: عاد انتوا بتضحكو لها.

وصلوا باب السباح ، اشتروا زلابيا وساروا شعوب يشتروا قنم وكدم.

فوق السيارة..
سما: بابا قوووا خلونا ننزل نشتري ستاير

يحيى: ستاير مه؟

سلا: تيك اللي كانوا يلبسوها امي في الحارة

سلوى: ماخوركن للستاير وماقد قدرتين للثمه، كل شويه وقشعتنها.

سما: ومغموق ولثمه ملس ، خاووورات كل شي حق صنعاء.

يحيى: انزلين، شاسير اصرف دولارات من راس الشارع.

عمار بيأشر له للمه وقفت؟

يحيى: اشر له لحظه.

كلهم فوق سياره عمار بيضحكوا على منظر البنات بيقايسين الستاير فوقهن.

زهور باستغراب: البنات جين من امريكا يشترين ستاير !!

محمد بيضحك ع سلا.

رشا: محمدي قل لنا كيف لوما خطبت هياا احكي كل شي.

محمد انحرج سسكت شويه: مااقلش ؟!

رشا: قل كل شي من حين وصلت لوماجيت.

محمد ضحكك: يشتي لهن ايام ، شارجع اقطفلكن قطاف.

زهور: مابلا تجلسس معنا ساع اول تحابرنا بكل شي ، او استغنيت ع خدماتنا.

عمار: يعلم الله ماكنتين تخططين للولد.

محمد: ياالله رضاااك عاد احنا وصلنا ، قلين لي انتين مافعلتين ، ادي خالو عندي.

رشا ناولته ريم.

محمد: بيضاااا ساع خالها.

ايناس: صلِ على النبي،، الله يوصلني وابنك في يدي.

محمد لمح لسلا وهي طالعيه السياره.

ايناس: مالك؟

رشا: طنن هههه.

محمد: اول تجي امها.

عمار: مارأيك احاكي عمك نعقد.

محمد: تمام ، ايووه ماقلتوا لي ولا وريتوني الطرحه الجديده اي حين عمرتوا ؟

عمار: قصه شاحكي لك اول ما نوصل، اهم شي قلي كم جمعت مهرك ؟

محمد: لاتقلقوا الحمدلله صرفو لي المساعده الماليه وانا سنه ثانية، بدأت اجمع منها مالي شي.
.
.

في بيت هدى بيحتشرين النسوان ويطبخين.

ياسر: ايش ازيد اشتري؟

رويدا: راعي اكتبهن لك في ورقه

هدى: اقطبي وجهزي الديوان حقكم اكبر.

رويدا: حاضر ، من عيجي غيرنا ؟

هدى: شاعزم حق الحاره، قدي عزومه البيت الجديد.
.
.

قريه بيت بوس…
وقفين السيارات مكان حالي واقتسموا النسوان لحال والرجال لحال وبدأوا يصتبحوا

يحيى باستمتااع: اوووو رجعت سنين لاورااا.

محمد: ايوه والله

عمار ضحكك: يالطيف ، قلتوا كان به عندكم مطاعم يمنيه

يحيى: يااخي الهواا ثاني ، اليوم قمت ع صوت الاذان والعصافير من صباح الصبح ابسر ع حياه وع هوا وع طلبه الله.

عمار: نووورتووا والله ان مانا مصدق انك ترجع يا اخي يحيى.

يحيى: كم جهد واحد معاناه يتخايلك مفتهنين ، والله ان كل شي كان له الحمد سابر ، بسس مابش راحه نفسيه ساع بلدك واهلك وناسك

عمار: ذلحين اليوم تخزن ونتجابر قد نبوني الحاره.

يحيى: على طووول نتغدا ، ونرجع نخزن عندك.

محمد: عم ، كم تشتوا اقطع لكم شرايح ؟

يحيى: خمس
.
.

بعد الظهرر…عزومه بيت ياسر

وصلوا يحيى والبنات..

فتشين وجلسين بحجابات وملابس محتشمه طويله.

رويدا في غرفتها: ليش بنات خالتك فاتشات؟؟

ياسر: اقلهم تغطوا؟

رويدا: ايوه مايسبرش خلاص قد هن مخطوبه وواحده مزوجه

ياسر: احنا متعودين هكذا ، وايش فيها قد قلتي مخطوبه ومزوجه ليش الفحير هذا ذلحين

رويدا بضببح: ولاااشي

ياسر: هيا اخرجي من دوار الهدار مش وقت، وعلى خرجته…

في الصاله
سما: ها روحي عاد الآن اتفعلت الشريحه…

ياسر على خرجته سمعها

رشاد: فقدت لش قووي ، قد بين اقل الحقكم.

سما: هيا ناهي لك مسرررع فقدتني ؟

ياسر بحسرة مشي للديوان عند الرجال.

رشاد: هيا عتبسري مسرع لوما ارجع.

هدى: هياا غداء هاا ، وبتفرش في الصاله.

سما شافت ياسر لما خطي: رشاد، شاحاكيك بعدا احنا بيت خالتي بيقربوا

رشاد: تمام، الله معش.

سلوى: بتتجابر هي وامين كيف مرضت ووو.

رويدا خرجت من غرفتها، وبتتفرج لسما بنظرااات .

سما ضبببحت: خاله تشتوا معاونه.

هدى: مع انتي حريوه.هيا نفرش سفره.

رويدا: والرجال اين عتفرشوا لهم ؟

هدى: عنتغدى جمعه.

رويدا: مع ، ماشقدرش اتغدى معاكم.

سما مستغربه كيف بترادد خالتها.

مرة امين: خلاص هو صدق ، نخليهم ياكلوا وحدهم واحنا على راحتنا بغير مزاوطه(عجله).

سام: انتي حاااليه قوي.

سما ضحككت: وانت حااالي قوي حبته.

رويدا: طالع لامه.

سما: يووو والله انه نسخه من ياسرر وهو صغير.

هدى: يوو، قد قلتي بنفسش يارويدا انه نسخه من ابوه

رويدا: من اين ابوه ، لو شي انه مابيكز بياض.

ياسر خرج يقلهم يقربوا، واقف ورا سما.

سما بتحانكها: ياعيبتش ع ابوه ، قمررري.

رويدا عصبببت شافت ياسر ابتسم: يلا مش وقت سير العب عند ابوك، نشتي نقرب.

ياسر: يله سريع ها منتظر.

سما انحرجت لو سمع ، ورجعت الغرفه عند امها وسلا.
.
.

بيت عمار…
عمار: قبل مايجين عماتك وعمك ، جي اوريك فسحنا طالع.

محمد: يلا قد انا متشوق ابسر كم كنت اخور طيرمانه.

عمار: طلع فتح الباب.

محمد دخل استغرب كله مفروش جديد موكيت مفارش.

عمار فتح له باب الديوان مع حمام

محمد: روووعه، منسقين لون الحمام والديوان.

عمار: ايوه.. جي بقية البيت…دخل لاداخل اربع امكنه ومطبخ وصاله.

محمد: قوي حاليه الشقه كبيره.

عمار: فتح له باب غرفه (غرررفه نوم جديده روووعة مع الستاير) هذا مكان الحريو ابني الوحيد.

محمد: يوووو ياباااه الله يحفظكم،، حبه فوق راسه.

عمار: تستاهل ياابني ،الله يرضى عليك دنيا واخره.

محمد:من اين اديتوا حق هذا كله !.

عمار: الصدق امك الله يبارك فيها جمعت لك جمعيات وباعت من ذهبها.

محمد تااااثر قووي: تنهدد الله يحفظكم لنا تيجان فوق روسنا.

عمار: بقيه الامكنه عليك انت ومرتك افرشوهن بذوقكم ومااشتيتوا
.
.

نازل وصلت اماني وبنتها وعيالها…

ايناس: كيف عتفعلي بالتفرطه اليوم ؟

رشا: شاتغدى فيسع واسير لايجين نسوان وارجع.

محمد نزل وسلم على عمته ..وعيالها.

اماني بدون نفس: مبرووك قالوا خطبت.

عمار: قد عيتزوج

محمد: الله يبارك فيكم ياعمه، ودخل مكانه يدي لهم هداياهم.

اماني بقلبه: ابسرت الكيس من خارج ، بدون ماتفتحه تسلم

اماني: وانتي مالش ماتجلسي تولدي سوا ، الوالده ماتخرج

رشا: جيت عسب محمد.

ايناس: ياعيبتش ع بنت اخوش لها والده شهر وماقد بديتي الا يوم.

اماني: وانتوا قد زيدتوا بها ماعد احد بيفعل اربعين يوم، عتفقروا زوجها.

ايناس: صلِ ع النبي ، مانفعل لخالتها فارحه بها من قلبها

اماني: خاطركن اسير ابسر ابن اخي.

رشا: بتبسرووا حتى مامسكت بنتي تبسرها.

ايناس: دعممي منها.
.
.

بعد الغداء..بيت ياسر..

رويدا: جين يابنات المكان حقي لو تشتين شي والا شي تتسبرين.

سلا: تسلمي مابش داعي هنا به مرايه عنتمرى.

هدى: جبرني براسكن ، قمارى ماتشتين شي.

رويدا: كان جين صلين واوريكن حاجه.

سما مش منتبهة ماسكه التلفون، ومبتسمة

رويدا دعتهن للغرفه.

دخلين بيتفرجين ، صوره لياسر ورويدا مكبره في الجدر وهم عرسان.

رويدا: جين اوريكن صور عرسي..

سما ضوى تلفونها جلست تراسل

رويدا بتشكك هزرته: ابسرر من بتراسلي ؟

سما: عفواا !! وهزرته

رويدا: مالش مفجوعه، نبسر كيف الحب

سما: ليش ماحبيتيش ياسر ؟

رويدا: يووو جنن عليا من وصف امه لي ، تخيلي .

سما: اتخيل مه هوذا انتي قبال عيني.

سلا دكمتها.

رويدا: ابسري صورتي لو تبسري كيف جنن على تسريحتي ، يوم العرس.

سما ضحككككككت ومسكت بطنها: جنن عليش والا بسببش.

رويدا قلبت: مااقصدش !!

سما: ولا قصدي شي.

سلا بتضحك.
.
.

عند الرجال..اجتمعوا كلهم بيت يحيى يجابروه

يحيى اتصل لعبدالله اخوه

عبدالله بعد ماوصل: حياااا باخي نورت صنعاء ، اي حين جيت؟؟

يحيى: امس المغرب.

عبدالله: الله المستعان مالك ماتنبيني استقبلك، تصدددق ، قدحسيت براحه، سبحان الله يمكن لانك وصلت.

عمار بيمسح القات بضبببح ويخفعه في يده.

عبدالله لفت له ، كان جنبه.

عمار بنظره تحددي: عاش من شافك ، متى اخر مره ابسرتك فيها ؟

عبدالله ارتبش: مااذكرش يا اخي اهم شي انا عاتب على اخي لا تواصل معي
ولادريت اي حين جاء

يحيى: ابرد لك من المعاتبه ، لو نعاتب لاتخرج وانت غلط من رجلك لاراسك، اللي فات مات وانت اخي الكبير.
.
.

عند النسوان..بيت عمار
اماني شافت زهور

زهور وهي لابسه بتمشط شعرها.

اماني: لقيت لابني مررره ياحجاب الله حجاب ، فيها حلا سبحان من خلقها ماهو ذيك الشعرر والطول والحلا.

زهور بملعنه: ماشششاءالله من بيت من ياعمه.

اماني بربشه: ماقد سألت بيت منهم، ان قلي لي ذيه الفستان ادالش محمد؟

زهور: لا..

اماني: مادالكن ، اسكه ابسر.

زهور: ذلحين عيجين نسوان مامنهاش،، بعدا عتبسروا

اماني: كيف هي خطيبته ؟ مدري ماعجبه فيها قاعفه ساع العودي لاملاجع ولا وش.

زهور: يووو ابسرتوها قبل سنين مابسرتووش ذلحين سبحان الله صدق ايه في الجمال، يكفي انها حب محمد، لو كانت كيف ماكانت.

اماني: وانتي ياروح عمتش مالش ماقد تميتي تقري ! عنرجع نبسر اي حين عتتزوجي.

زهور اقتهرت: في عرس بنتكم امد يجي لي خاطبي.

ايناس تهدئ الجوء بينهن: سيري اليوم معش تطبيق، يكفي امس ماسرتيش.

زهور: الدكتور مسافر لما يرجع عينبيني…

رشا: زهووور ، جاوبي تلفونش.

زهور سارت تجاوب

يوسف: الوو.

زهور بفررحه: الووو..الحمدلله على السلامه.

يوسف: ولاتتصلي ولاتسألي؟

زهور: حلو اسبق بالمعاتبه بدلي

يوسف ضحكك: جا لي مؤتمر فجأة ولامعي رقمك، رجعت اول ماوصلت اخذته من السكرتيره

زهور: هو انا اللي طرحته لها لو جيت تقل لي

يوسف: اممم يعني وحشتك؟

زهور: ايششش !! عشان اطبق.

يوسف: يلله تعالي ، ماكنت ناوي اروح للعياده اليوم بس عشانك.

زهور: لاا ماشقدرش لان اخي جاء امس من السفر.

يوسف: الحمدلله على السلامه….الخ تموا يتجابروا
.
.

بيت ياسر…
هدى: اي حين يا اختي عتكسوهن وتحددوا العرس؟

سلوى: ان شاءالله قد عد ابدأ اخرج احجز لهن اي حين مالقينا حجزنا، بس اشتي تقلي لي القاعات الجداد الحاليات…

رويدا: افعلوا في قاعتي اللي فعلت فيها

سلوى: كبيره؟

هدى: الصدق ماشي معاريفكم خيرات

رويدا اجتغصت: ليش والله ان احنا ملان الدنيا معاريفنا وكفوا وبقيت بقع.

سلا: نبسرها واذا حاليه حجزنا.

سما بمززح: اذا عجبتني ذوووقي للاسف صعب.

هدى: فقدددت لش ولقانتش ، جي جنبي.

رويدا: لاينكز سااام هو جنبكم.

سما: سهل لانكز رقديه في المكان الثاني.
.
.

عند الرجال..
ياسر وابوه: بدأوا يجمعوا العلاقيات ويلبسو الاكوات. نستأذنكم الآن…

يحيى: بددري ، مالكم مستعجلين.

ياسر: ذلحين الجايات كثير ياخال ، بنشتغل مع بعض.

يحيى: ان شاءالله، ادي لي يومين نفضى شويه

ياسر: ع راااحتك ولاتعاجل بشي..

عبدالله ضبح محد معبره قام روح.

عمار: اتعمدت اتأخر امد نتجابر وحدنا.

يحيى: اؤمرني

عمار: مايؤمر عليك ظالم…مابلا قلت نحدد مهر بنتنا والشرط واي حين نعقد ؟

يحيى هاا: ابسر لعمار ومحمد، قد قلتوا البنت بنتكم ، ومحمد ابني وكلهم غاليين على قلبي ، لاتكلف نفسك ولا عنحدد ونتشرط، ورمزها مش بمهرها هذا كلامي في سما ، وفي سلا ..

عمار: مااختلفناش لكن هذا حقهن، ومن حقها بنتنا تشرط كم مااشتت انا حاضر لها.

يحيى: الله يحفظك، واقلك يا اخي لاتنحرج ولاشي ولاتتدين ولاتكلف على الولد، هم عيرجعوا يقاضوا بعدا بدل مايتهنوا بزلطهم ويسافرول

محمد: وانا شافعلهن كلهن ولايهمكم.

يحيى: خلاص سدوا انت والكاتب اللي عيعقد لهم ، حددوا يوم.

عمار: مارأيك الجمعة؟

يحيى: موافق على بركة الله.

بعد يومين /يوم الخميس كان الوفا حق رشا..
كلهم تجهزوا يحضروا.

هدى ورويدا.
سلوى وبناتها..
ايناس وزهور مع نسوان الحاره..

اماني بتتفرج لسلا وسما من راسهن لرجلهن.

سلا: جحفه ، المفروض مانجيش ولاد لكن انتي لغجه.

سما: امانه لوما سكتي ، قد روحي عتخرج على تفرطه يمنيه، شهرين وقدش بتتفرطي هنا ، لاتدقيش الخزا ذلحينه.

سلا: مش انتي ملاحظه عمه محمد بتتبسرني من اول.

سما: يوو جعلي مكسر عليكم اختي سلا او قصدش لاينفسوش.

سلا قامت من جنبها، ومن قدام اماني خرجت.

اماني بتجابر سلوى والنسوان: تيه بنتش مخطوبه لاعندنا، مايسبرش تحضر ولاد اخت خطيبها !

سلوى: امس كانت ضيفه بيت خطيبها ماسارتش ، الحمدلله مانسيناش عاداتنا وتقاليدنا.

اماني: واليوم هذي هنا.

اروى: يو يا اختي الله يهديش مايسبرش حيا بهن في عيننا.

رويدا ضحكت ، وشاورت سما: فارحه ان زوجش في امريكا ؟

سما: ليش افرح ؟

رويدا: امد ماتهزأتيش.

سما: من اللي يتهزأ!!

رويدا: الصدق كلامها سوا انتين حراوى تحجبين ماتخرجينش تزقعين.

سما: عااااد انتي مابسرتي من الزقعه شي عد اوريش.

رويدا باستغراب ضحكت نص ضحكه سع اللي مافهمتهاش.

سما كانت بتاكل لبان..

رويدا: سبري لي المصر من قفايا امد اروح اتم التفرطه مع ياسر حبيبي ، ها ازقمي الفرتكه (قباضه شعر صغيره)

سما: اديها ياااقلبي انا اسبرش ، فتحت الفرتكه بفمها وطرحت اللبانه ولصقتها ملاااان شعر رويدا ..

رويدا: سبر؟

سما: مااااشاء الله بس لاترتزحيش للطاقه فيها قهوه
.
.

يوم الجمعه العصرر..
الكل مجتمع اخوال واعمام والكاتب العقد ومحمد وعمار ويحيى.

الكاتب: اين جت الحريوه؟
يحيى: تفضل، وقفوا قفا الباب، سلاا جاوبي على السؤال.

سلا متووتره وخااااايفه.

الكاتب: يابنتي هل انتي موافقه ع محمد عمار …زوجاً لكِ؟

سلا قلبها بيدددق سكتت

الكاتب كرر السؤال.

سلا بفررررحه: ايوه.

محمد في المكان الثاني سمع صوتها ابتسم.

الكاتب طرح يد محمد في يد يحيى وغطاهن بالشال

بسر محمد،، قول زوجني بأبنتك الحرة سلا على سنة الله ورسوله وعلى المهر المتعارف عليه مبلغ وقدره مليون ونص، المسلمة معكم.

محمد قلبه بيرررجف وفارح ردد الكلاام.

الكاتب لفت ليحيى: قل له زوجتك أبنتي سلا على سنة الله ورسوله وبالمهر المسلم معي مبلغ وقدره مليون ونص..

يحيى ردد الكلام..

الكاتب لفت لمحمد: قل وانا قبلت

محمد: وانا قبلت.

الفاتحه…. ونعثوووا الزبيب واللوز لاوسط المكان..

النسوان بيحجرين…

كلهم قاموا يجمعوا لجيوبهم.

محمد جحف ملان يده،، شل نصهن وقام ناول خالد يديهن لسلا.

بعد ماتموا وخرجوا..

محمد بيسأل جهال الحاره: عم حسين رجع؟

الجهال: ايوه

محمد رجع البيت شل الهديه وسار لعم حسين.

عم حسين بيتعيمس بعيونه قرب لاوش محمد.

محمد: عرفتوني؟؟!

عم حسين ابتسم: اي حين جيت ياجني.

محمد: قبل اسبوع وصلت ادوركم مابحد.

عم حسين: نزلت البلاد

محمد: تيه هديتكم،، دخل يده جيبه وخرج كل الزبيب واللوز.

عم حسين: اي حين وقع عيد؟

محمد: الااان تمينا نعقد.

عم حسين: تيك اللي زايغت حسك هي نفسها؟

محمد: اخيرا ياعم حسين زايغت حسي وقلبي.

عم حسين: اي حين العرس؟

محمد: تقريبا بعد شهر امد مانحجز.

عم حسين: الله يسعدك ويوفقك ويرضى عليك.
.
.

بيت الحريوه
يحيى دخل يبارك لسلا وناولهم المهر..

سلوى: مابش وقت ماذلحين مابلا نزاوط السوق مزاوطه

يحيى: شهر كفايتكن

سلوى: على حسب الحجوزات، ونبسر لو به خياطات عيقطبين الزنين
.
.

بعد يومين..
سلوى وبناتها سارين لاعند هدى يخرجين السوق

رويدا دخلت تسلم عليهن

سما ماسكه الضحكه بتتفرج لرويدا

هدى بتلبس تخرج هي وسلوى السوق

رويدا ياسعم بزبج: اشتي اقص من شعرش نفستيني

سما: يو ماوقع قد بين ابسرش مقصقصه شعرش

رويدا: بعد ماسبرتي شعري في الولاد لصقت لبانه

سما ضحككت: قد بين اقلش لاترتزحيش، ماقال يسورش حبيبش

رويدا: ماتلوهش

على خرجتهن الشارع..
ياسر:سلم على خالته ، اين رايحين!

هدى: نسير السوق نكسي بنات خالتك، قد تغديت انت؟

رويدا سمعت سيارته وقت ماغلقين الباب حملت عند الطاقه بتتفرج

ياسر: تغديت والحمدلله ، اطلعوا اوصلكم.

سلوى: سهل السوق قريب عنخطى.

هدى: مع ، خلينا نبسر اكثر من بقعه قدو معنا.

ياسر: اطلعين امد ادخل اركع عصر وانزل.

دخل سريع البيت..

رويدا: ليش طلعين السياره عتشلهن ؟

ياسر بعجله: ايوه، ودخل الحمام يتوضأ.

رويدا: جنب باب الحمام شالبس واجي معكم.

ياسر: انتي حامل وبيكون زحمه مافيش مكان بالسياره.

رويدا: ولو ماعليك شي نحتشر.

ياسر فتح الحمام وخرج فرش السجاده.

رويدا بضبح: مالك مطنششش!!!

ياسر: الله اكبرررر.

رويدا: طبعاااا عشان تاخذ راحتك مع فرفوشة العائله ع قولة عمتي.

ياسر بيصلي..

سام: ماما اشتي ماء.

رويدا سارت تدي من المطبخ.

ياسر تم يصلي بصووت عالي: يلااا مع السلامة وغلق الباب.

رويدا حنقت منه.

ياسر طلع السياره امه جنبه وخالته وبناتها ورا.

سلوى: ليش ماجت رويدا معنا؟

ياسر: بتتعب مع الحمل فوق السياره.

سلوى:الله يعينها.
.
.

يحيى: جي معي اقطع لك رخصه.

خالد: بس ماقد دخلت السن القانوني باقي لي شهرين.

يحيى: باقي لك شهرين ! انا سقت وعمري شهرين جي بس.
.
.

بيت اروى..
رشا: قواا يا احمد اسسير امسي

احمد: عاد انتي سرتي.

رشا: والله اني فاقده له قوي ماشبعت منه.

احمد: يلله سيري

رشابفررحه: يو جبرني بك.

احمد: النتايج طلعين..

رشا: قلددك الله!

احمد: كان للمه وافقت تسيري تمسي عسب نفسيتش.

رشا بخووف: مااااهو يا احمد امانه.؟؟!

احمد معقد حواجبه: جنان وواحمه وكنتي بتولدي سهل معوضه.

رشا: معووووضه مه ! رسبت ؟

احمد ضحككك: نجحتي

رشا: يو حسبك الله هدمتني.
.
.

بعد المغرب فوق السيارة..
هدى: جي نوفي قماش للخياطه من هنا.

ياسر: وقف لهن،، تلفونه رن ماانتبهش من نزل ومن جلس.

سما وسلا فوق السياره..

كانت السياره ظلام ، بيتكلم في التلفون..
ياسر: الو..

رويدا: ليش تخرج بدون مااتكلم ؟

ياسر: نسيتي كلامك معي؟ هذه بنت خالتي بطلي مرض الشك والغيره من راسك.

سما لفت لسلاا ببهرره.

سلا مسكتها بقوه واشرت تسكت.

رويدا: آسفه مااقصدش بس..لاتزعل مني غصب عني.

ياسر بضبح: خير ..شويه ومروحين تشتي شي؟

رويدا: سلامتك.

ياسر غلق التلفون،، ورجع راسه للكرسي غمض عينه وتنهددد.

سلوى وهدى رجعين فتحين باب السيارة

ياسر ماانتبه لهن: قام وشغل السياره…

سما معصبه مافهمت شي بس حست.

ياسر: فين تشتوا تروحوا؟

سلوى: يكفي اليوم، نرجع نصلي وغدوه نبكر.

هدى: تمام، ماقلتي اي حين نخلي ياسر ينزلنا تعز قبل العرس حق البنات.

سلوى: نتم الخياطات اهم شي ونسير نغير جو.

سما: انا مااشتيش اسير.

ياسر: ليش؟ عادك خوافه؟

سما: لا مش خوف بس رشاد يمكن يجي

ياسر: وننزل رشاد معنا يشوف مرته والاكشنه حقها.

سما: مااع قد عقلنا، كانت ايام مجهاله.

ياسر: رويدا اطلعها راس صبر وهي ولافي حسها.

سلا: حالي ماتتعبكش.
.
.

بيت عمار..
الكل مجتمعين رشا وزهور بيجابرين اخوهن من قرايتهن.

رشا: اي حين عتحجزوا القاعة؟

محمد: لوما يحددو هم احنا مش متشرطين ساعكن اي قاعه وعرسنا فيها.
.
.

بيت ياسر..
رويدا: ليش زاعل مني؟

ياسر: اقلش كلمه ، عيب عليش تجلسي تفتحي موضوع بنت خالتي مره ثانيه، انا مزوج ومعي جهال والبنت مزوجه وساع اختي..لو اشتيها اني كلمت ابوها ، بس كان بيننا لقانه علقوا الاهل علينا.

رويدا: ما اقصدش بس اغير عليك ، مااشتيش تحاكي حد غيري.

ياسر: خلاص غلقي هذا الموضوع قلنا، مسك اصابعها ، انتي مرتي وام سام واللي ببطنك وماتخليش افكار هبلا تدور في راسك

رويدا ابتسمت بفرحه: الله يخليك لي ووعد ماعد افتح هذا الموضوع.
.
.

بيت يحيى.. وصلت للغرفه هي وسلا..

سما: فهمتي شي من كلام ياسر !

سلا: مدري !! ليش بتغير منش؟

سما: انا مش في الغيرة ، ليش برر لها انه اللي كان بيننا لقانه ! وصلها خبر او شي انا كان يتهيأ لي تهيء

سلا: ليش تفتحي موضوع خلاص.

سما: مش موضوع وخلاص ، انا كنت مستغربه ليش طارحاني في راسها ، وتعمدت اول يوم عزمونا تقفد الشاهي فوقي وابسرت بعيني دهفته بيدها غير كلامها لي بطريقه مستفزه واسلوب تافه

سلا: طز دعممي منها.

سما: ماشادعممش بس شافهم باسلوبي الموضوع.

سلا: اسالش سؤال بصراحه عادش تحبيه !

سما: بغير جنااان، ماانكرش اول ماجيت كنت اتفادى نظراتنا لبعض لتفكيري الاهبل به زمان، بس اكتشفت انه مش حب وانه كان بيتهيأ لي.

سلا: صح كلامش.

سما: سلا، انا كنت فاهمه رشاد غلط، رشاد فيه طيبه وحنيه وخفه دم بس ماجت فرصه اعرفه والله قد انا اشوفه الدنيا كلها.

سلا حضنتها: الله يسعدكم ياقلبي.
.
.

بعد اسبوعين ..الصباح
يحيى وخالد راحوا المطار يستقبلوا عائلة صلاح..

ايناس اتصلت لسلوى: ماعتفعلي غداء ماتشتي معاونه.

سلوى ضحكت: يووو جبرني براسش جالسه هذك انتي ماتغيرتي ، قدو حق كل مره عتخبزي لي؟

ايناس: من عيني، وبناتي حريوات مايعسين شي، شاخبز واجي اعاونش.

سلوى: والله مارضيين يجلسين بيعاونني الله يحفظهن.
.
.

في الكليه..
يوسف مستغرب ليش زهور ماجت يومين.

خلود راحت تاخذ لها اذن.

يوسف: ليش ايش معها ؟

خلود بالعااني: خطوبتها..

يوسف بصدمة: خطوبه من زهور ؟!

خلود: ايوه.

يوسف: ها يلا خير .. ومشي.

خلود: دكتور

يوسف: خير !

خلود: كنت اشتي اطبق عندك ينفع ؟

يوسف: اوكي لو في مجال باكلمك قدمي للسكرتيره وحطي لها رقمك باخليها تتصل.
.
.
بيت عمار..
محمد: ما للدكتوره حقنا !

زهور: تاعبه ضرسي بيوجعني.

محمد: دكتوره وضرسش بيوجعش.. قومي اعاينش..

زهور: مايحتاج معاينه قد فعلت كشافه هو ضرس العقل.

محمد: انتي عاقله من يومش ..بس ماعد بش اشياء مهمه صح ؟

زهور: الا تطبيق العصر ذكرتني اتصل للدكتور ادي لي تلفونك مابش معي رصيد اتصل اخذ اذن.

محمد: ها اتصلي.

زهور بتضرب رقم العيادة..

السكرتيره ردت..

زهور: قولي للدكتور يوسف اني تاعبه شويه ماقدرت اجي.

السكرتيره: اوكي، الف سلامه عليش.

زهور ناولت محمد التلفون.
.
.
بيت يحيى…
سما: تقولي عيسلم عليا ؟

سلا واقفه في الطاقه:اكيد لانه جاي من سفر ومعزوم عندنا.

سما: ماالبس ؟

سلا بتتفررج: مدري ..

سما: مابتبسرري من اول ؟

سلا: محمد مااحلاه بالزنه والجنبيه

سما: هيا يامحمد ننزل نبسر امي عيقولوا بنصلي تراويح.

سلا: ماخلتنيش خاله ايناس عندهم بتعاونهم قالت اطلع.

وصلوا من المطار..
رشاد اول مادخل بيتفرج للحاره والبيوت والناس في الشارع والجهال بيلعبوا

صلاح: والله ماكان في داعي تتعبوا نفسكم.

يحيى: لاتعب ولا،، حياك الله لك عمررر من اليمن.

صلاح: اي والله رجعتنا حريوتنا..

يحيى: وام عبدالعزيز ليش ماجت معكم؟

صلاح: متشوقه لاهلها اخوها استقبلها وشلها معه.
.
.

في الحارة…
محمد خرج للبقاله، لقي عم حسين.

عم حسين: جي ياعاصي والديك ،،

محمد رفع حواجبه لفت لعم حسين !

عم حسين: مراعي لك اربع سنين تدي لي مواطف وجهاز الضغط ، قدك داري عترفع لي الضغط.

محمد ضحككك: ماعجبتكمش الهديه او كيف؟ هذا بدل ماتدوروا الليل حد يقيس لكم الضغط، من نفسه…

عم حسين قاطعه: من قالك ان فيني ضغط، انت رفعته، اديت لي صوره امريكيه ، بدل ماتزوجني تذكر ماقلت لك !

محمد: اين جوا امي شادخل احارش بكم.

عم حسين ضحكك: قد قلت لو شليت لك امريكيه وانا مع جعلها سم لك.

محمد ضحك: هيا خاطركم.

وصلت سياره يحيى..

نزلوا كلهم..

محمد خطي لاعندهم وتسالموا هو ورشاد.

البنات في الطيقان..
سما: من يصددق ! كنا نبسر جهال الحاره من الطاقه بيلعبوا.. واليوم بنبسر ازواجنا بيتسالموا.

سلا ضحكت: مش وقت الدراما، قلي لي وين عمتش تقلي ماجت !

سما زعلت: مدرري

سلا: يافرحتش

سما: للمه؟ بالعكس مااشتيش احس رشاد فرحته ناقصه.

سلوى طلعت تقلهن ينزلين يقربين معاها.
.
.

بعد العصر…لبست وعلى خرجتها

زهور: بين احس نفسي اشكل قلت اسير.

ايناس: سيري شويه وروحي نسير بيت عمش يحيى.

زهور: حاضر..خرجت.

في العيادة
وصل يوسف:رد السلام ع السكرتيرة

السكرتيره: دكتور اتصلت زهور تعتذر مريضه ..

يوسف ضابح: اوكي ..بيفتح باب المكتب

زهور وصلت: السلام عليكم

يوسف: وعليكم السلام ودخل

زهور دخلت: العفو كنت تاعبه شويه اليومين اللي راحت

يوسف: سلامات، والف مبروك

زهور(افتكرت على عقد محمد): الله يبارك بس من قال لك؟

يوسف: ليش او سر!

زهور مبتسمه: لا بالعكس مش سر

بدأوا بالمعاينه عادي وزهور بتحسه متغير
.
.

بيت يحيى..
رشاد: شكلش حالي غريب

سما ضحككت: كيف غريب؟

رشاد: مدري المهم انش متغيره مش مثل ماكنتي في امريكا

سما: المهم اوبه تمكنها من هذا الجل وتفعل شعرك وصل هنا عيبدعوا بك

رشاد: يبدعوا بي او بتغيري عليا

سما بززنط: انا !! تعرفني ولافي حسي

خالد دخل: جاوبي امي قد عيخرجين

رشاد لفت لخالد: علم هيا سير شغل السياره

سما ضحكت وقامت

رشاد: قبل ماتخرجي جي ابسرش باللثمه

سما: حاضر
.
.

بيت عمار..
خرجين ايناس ورشا مع سلوى وبناتها السوق..

رشا بتتصل لزهور: ها خلاص سيري البيت ، رقدت ريم عند محمد بيوبه لها ويشتي يخرج

زهور: حاضر الآن وغلقت

يوسف: تشتي تمشي؟

زهور: اذا عادي

يوسف: خلاص روحي اليوم مافي مرضى كثير مابش نفس

زهور استغربت وماحبت تتفيضل: اوكي يلا مع السلامه، فتحت الباب

يوسف: متى العرس؟

زهور: قريب شرجع ادي الدعوات

يوسف بتنهد هز راسه تمام
.
.

الليل
ليش ياسلا ؟ ليششش بدون سبب بعد هذاا كله تكرررهيني ! ليشش ..بتضحككي…
فززز من النووم والغرفه ظلام تفرج من حوله… حللللم تنهدددد الحمدلله وقلق قام توضا وصلى ركعتين… رااااعى لما اذن فجر واتصل.

سلا نكززت رقم محمد هذا الساع!! ردت: الوو

محمد: سلا

سلا: خير في شي؟

محمد: ولاشي حلمت حلم وقلقت اتصلت ابسرش انتي بخير؟

سلا: الحمدلله ، لاتقلق قوم صلي

محمد: خير، جننتيني لاعد حلم ولا واقع اي حين تكوني لي !! اخبيش في قلبي من كل شي.

سلا خززيت: حمودي قلنا ممنوع اتصالات ياروحي.

محمد: امري لله باقي ٢١ يوم …

بعد ١٢ يوووم….
بدأ جو بيت يحيى عرس وكل الاهل بيتهم بيفرشوا الامكنه ويجهزين ويكعكين.

سلوى: بنات قومين سيرين ابسرين الخياطه مافعلت زنه النقش عندها.

سما: بتبسرووا كيف احنا ملططات من حقكم الخلطات تيه !

سلوى: قومين اتغسلين وسيرين، مابش وقت لو يبدأ العرس ماعد تفضين.

سلا: حاضر ، من عيشلنا بابا عند ياسر؟

سلوى: خالد قد اتصلت له يجي اقطبين.

سما: والدعوات ؟

سلوى: الليل عنكتبهن
.
.

بيت عمار ..
ايناس: مالك يا ابني راقد لاذلحين !!

محمد: تاعب ماقدرت اقوم.

ايناس: ياالله ؟ مالك ؟ طيب كيف عتفعل بالدعوات والطباخين تحجزهم و!!

محمد: اتصلت لاحمد وماجد عيجوا لاعندي ويدوا الدعوات.

ايناس عست جبهته: مش انت حامي!! مالك ! والله انك تاعب

محمد: مدري
.
.

بيت ياسر..
هدى: عتجي معي بعد الغداء نسير نكعك بيت اختي؟

رويدا: من عيني ، اقوم اقطب الغداء ونسير.

هدى: هيا شادخل معش
.
.

بيت اروى..
اروى: اي حين عتسيري تمسي بيتكم ؟

رشا: تيه اليومتين شاسير واروح ولايوم الذبال اسير امسي عسب عرس البنات عيبدأ الحمام وبعده الذبال حق محمد والنقش حقهن والحفله والحلفه.

احمد: قدو عرسش انتي اسبوع ؟

رشا ضحككت: ناهي عتوصلنا ؟

احمد: اجهزين شاسير عند محمد العصر نكتب الدعوات.
.
.

بيت صلاح..
صلاح: اسألي اهلش ماعلينا مانفعل ونشل لهم.

ساره: قد اديت لهم مهر قدهم عيفعلوا كل شي ماباقي اسير اعرس انا !

صلاح: ولاعتتغيررري غبني على مرة ابنش.
.
.

بعد يومين ..جهزين الدعوات
ايناس: ادوا لنا بيت يحيى دعوات ابسرين كم تشتين ؟

زهور: انا شاشل لي خمس دعوات بس لخبايري المقربات

رشا: اشتي ٢ لنسوان اصحاب احمد ، والباقي قد عتدوا انتوا لخالتي.
.
.

في العياده…وقت التطبيق.
يوسف مستغرب بيشوف يد زهور مابش دبله

زهور تمت تعاين المريض، خرج.

يوسف: خلاص لو تشتي تروحي روحي لاتتأخري.

زهور فتحت شنطتها وناولته دعوتين ، قالت له حق الرجال والنسوان

يوسف ماشاف الاسم طرحهن

زهور: ممكن عطله اسبوع ؟

يوسف: اسبوع بس ، خذي كم ماتشتي اقلها شهر.

زهور: لا لا شهر ليش ، اسبوع بس امد مانتم العرس

يوسف: طيب سؤال ومالي دخل ! ليش مالبستي الدبله للآن !!

زهور كانت تغسل يدها وتلبس الشنطه على خرجتها: لما يجي النصيب، مع السلامه يادكتور وخرجت..

يوسف استغرب وفتح الدعوات شاف عرس اخوها ودعوه للنسوان، دعاهااا.

زهور رجعت: هاا؟

يوسف: يعني ماانخطبتي !!

زهور: لاا !
.
.

يوم السبت (يوم الحمام )الصباح الساعه ٨..

هدى جهزت لبنات اختها بقشه العروسه.. (مناشف العرايس ولباس تراث مفصل بقماش مخمل ومطرز بحبات المرجان وخيوط الفضه، واكسسوارات الراس والرقبه من الفضه، لثمه سوداء ملس وستاره ومغمق،،) مستلزمات الحمام
البخاري( الكيس الاسود””ليفه تقشير الجسم””،، وخلطات”” تستخدم للعنايه بالشعر تتمثل فالترابه، والغسل ..الخ)
.
.

بيت يحيى..
كان ملان الاهل والضيوف والجيران يتساعدين في الطبخ ..

مرة امين: سلوى ، فين البنات ؟ ابوهن وخالهن منتظرين.

سلوى وهدى وفاطمه وسط المطبخ فارشات في الارض بيقصقصين للغداء: البنات في غرفتهن بيلبسين.

مرة امين طلعت تدعيهن

سلا وسما لابسات جاهزات بيتواصلين مع صاحباتهن يروحين الحمام.

سما: فيني نوم مارقدت سوا، شاتحمم هنا.

سلا: كنتي عتتزوجي في امريكا احسن ولاتشتي شي ، هيا اشتحطي للخباله.

سما ممدده في سريرها بالبالطو واللثمه: حامي مااسترش اتنفس ، شاجلس خارج

سلا: قد برد من هذك اليوم هيا اخطي شررق.

مرة امين : هيا بنات انزلين تأخرتين.

سلا: مراعيات للبنات يوصلين نسير جمعه.

وصلين الحمام كان محجوز لهن وحدهن…

خالد: اتصلين لي قبل ماتتمين بساعه، عاد شاسير ادي المغنيه واجي.

سلا: حاضر.

على دخلتهن الحمام صاحباتهن دخلوهن بمحاااجر

الحماميه(مسؤوله الحمام ): اين الحريوه؟

زهور: هولا الثنتين.

سما: ليش ؟

الحماميه: لو تشتين نكيسكن بس.

سما: ادي لي سرير بس ولا اشتي شي ارقد لوما يدعوني.

سلا بضحك: هيا عتدخلي تعرقي لوما يطير النوم.

لبسين لبس الحمام.. ودخلين اول شي مكان حامي يبدأين يتليفين.

البنات بيزفين ويغنين…وضحككك من سما بتنكت لهن.

سلا قامت هربت للصاله اللي خارج ،، ابرد مكان في الحمام.

الحماميه صيحت: عتكتبدي ، لاتجلسي تدخلي وتخرجي.

سلا: اخرج اتنفس وارجع، حماا قوي

الحماميه: عيكتبد جسمش وتمرضي

زهور جت تسحبها لاداخل يليفينها.

سلا: راعي شاقتعس بذيه القبقاب دورين، بين اتخيل نفسي فوق باجيرو

زهور بتضحك: والله انو حاالي طهاره ، امد لايوصلش الماء حق قاع الحمام.

بعد مااتمين…

الحماميه وزعت لهن الببسي الاصفر والبسكوت والماء..

سما: يووو ، امانه في الببسي طعم بعد هذا الحما..

رشا: بارد!! اوبهي لاتمرضي اليوم جننتينا انتي واختش جنان

واحده في الحمام تلبس الحريوه بدأت تلبسهن وتعصب لهن الفضه والمشاقر(شذاب وريحان)

لبسين الزنين قطيفه ترراث ، ولثمه ملس والستاره والمغمق

البنات يبخرنهن وبدأين يزززفين لباب الحمام
.
.

بيت يحيى..وقت الظهر

سلوى: خااالد سير للمغنيه ، خواتك تمين مراعيات لكم، فيسع قد الناس مراعيين للغداء

هدى جهزت المبخره ، اين التثوير(بخور للعين والحسد) اما الشذاب قدهن في المزاهر يا اختي؟؟

سلوى: ايوه رضي عليش ، شادي التثوير الان

فاطمه: ياخواتي ، امي حضيه (مرت عم حسين) ماعتسترش تجي اغرفين اشل لها غداء

سلوى: بعيني جي اغرف لهم، وقلين لي ماباقي في الغداء في شي ناقص، مربووشه.

هدى: ماعندش حجه ترتبشي.

سلوى: امريكا نستني هذا الجو.

هدى: لاتقلقي ولا كل شي ياسلام ومنه كله ، اطلعي نجهز اداتهن حق الذبال(جلسه بعد العصر نفس يوم الحمام)

في الحمام
وقت خرجتهن من الحمام بمحاجررر وزززفه..

المغنيه لقفتهن من باب الحمام بزفه وبعد ماوصلين الحاره وقررحوا لهن، هدى خرجت ببيض لفته حولهن ثلاث مرات ورجمتهن قفاهن للارض ،،

المغنيه دخلت للحوي وبدأت تزفهن ..

سلا وسما دخلين واقفات باللبس دخل يحيى وخالد وخالهن امين سلموا عليهن وتصوروا معاهن وخرجوا

البنات قربين جنبهن وبيزفين سلا وسما.

كل اللي في البيت في الدرج مراعيات بيزفين ..

سلوى اول ماوصلين نزلت تبخرهن بتثوير وتزفهن، شافتهن باللبس والززفه ، تأثررت ودمعت وهي مبتسسمه بقووه.

رويدا بتصور بالكاميرا فيديو الزفه..

المحاجر ملااان البيت وزفه البناات والمغنيه.

سما بتشاور سلا: مالش مصنمه اتحركي اخطي تعبت زفزفه..

سلا: بتبسري زحمه البنات قبالنا نداهف ونطلع.

سما ضحكككت: بين احس نفسسي غريب بذيه اللبس.

سلا ضحككت ،بصوت واطي: خايفه محمد بيتشاقرني.

سلوى بهررت وقربت تشاورهن(اركززين من الكركره، الحريوه توقع راكزه.

وجالسه بالمبخره ، تبخر تجاههن .

بنات خالهن ، قبالهن بالمزاهر والشذاب والشمع.

المغنيه بتزف طريق طريق، طلعين الدرجان لافوق الغداء

الحراوي جلسين راس المكان وبدأ الكل يتغدا..

سلا وسما ماقدرين ياكلين سوا وجالسات يتجابرين

بعد الغداء…
المتفرطات بدأين يوصلين ،، ويلقفين بقع عند ديوان الحريوه، واللي هن كبار السن،، معاهن مكان مخصص للمدايع والشيش.

هدى في المطبخ بتووضع النار ملاان المووقد

رويدا دخلت ، تسكب قهوه وشاهي حليب للنسوان.

سلوى: بس لش اليوم عمل سيري افتهني واجلسي

رويدا: سهل ياخاله اعاونكم شويه.

سلوى: ماشي سيري عند البنات اجلسي.

سلا وسما كانين في غرفتهن بيتجهزين لزفة العصر.

لبسين فساتين مطرزه ولثمه ملس ، وقناع من نفس الفستان والفضه.

مرة امين فعلت لهن شذاب ملفوف بفاين وناولتهن في يدهن

سلوى دخلت تتفاقدهن ، وتحصنهن بختمه صغيره ..

اول ماخرجين زفتهن المغنيه والبنات للديوان..
وتم اليوم برقص ومحاجر…
.
.

يوم الاحد كان ذبال العريس (محمد)

يكون خاص بالنسوان بيت العريس يجين نسوان الحاره والاهل واهل العروسه…

ايناس فعلوا خيمه في الجبى وفرشوها للنسوان.

رشا دخلت المشجب والشمع والبيض ينقشنه يجهزنه ليوم زفة محمد..

بدأت المغنيه تزف العريس وتوصف المشجب بزفه…

والنسوان يحجررين.

سلا وسما مايحضرينش طبعا لانه ماينفع يدخلين بيت العريس الا يوم الخميس(الحلفه).

كانين عند الكوافير يصلحين حواجبهن لان النقش يوم الاثنين.

الليل يوم الاحد…
سلوى رجعت من الذبال حق محمد هي وهدى ومرة امين وكل النسوان اللي كانين في البيت.

هدى: نسير القاعه؟

سلوى: مع للصبح نبكر نتفاقدها ، اشتي ذلحين ابسر خالد يشل كراتين الماء والببسي يبردين.

هدى: وانا شسير اشل الكتالي حق الشاهي والقلصات ..

سلا وسما: وصلين من الكوافير دخلين يجهزين ملابس يوم النقش ويرتبين ادواتهن.

بنات خالهن وصاحباتهن ماسيات في البيت وفاتحات الزفه وبيرقصين ويجننين.

صباح يوم الاثنين..
يحيى بكر يشتري صبوح دافي لبناته..

سلوى: يوو ليش والصبوح ملان البيت؟

يحيى: ادعي بناتي اصتبح انا وياهن واكلهن بيدي.

سلوى سارت تدعيهن.

سلا: يا بابا جبرنا براسكم لكم شهر وانتوا تعانونا يوميه خورات وصبوح وغداء وعشاء

سما: لو درينا ان احنا تزوجنا من اول.

يحيى بيضحكك: جالسه ولاعقلتي يالقنه هيا جين تصتبحين مع ابوكن باقي لكن ثلاث ايام ويصبحوكن ازواجكن.

سلا وسما دمعين وحجفين يحيى وسلوى.

هدى: عادو حين على الوداع من ذلحين هيا اصتبحين تسيرين الكوافيرر شرق…

بعد العصر الحراوي جاهزات..

خالد سار للكوافير شلهن للقاعه..

وصلين لبستهن الشارعه القميص مصنوع من جرز يغطي كامل تفاصيل العروسه مايبان منها شي.

دخلين بزفه ومحاجر جلسين وجت الشارعه جنبهن فعلت لهن نقشه وخط في يدهن…والمغنيه بتزززف

سلوى ادت زنه وستاره وطرحتها فوق راس الشارعه وزلط..

الشارعه تمت وسارت لها،

وبعد ماتمين الزفه خرجين غرفه الحريوه يغيرين لبسهن….

النسوان ملان القاعه يلبسين في هذا اليوم اغلبهن.. زنين مطرزه ومصرات طالعيه والذهب، بعضهن متفرطات جنب المداعه وبعضهن قامين يرقصين صنعاني اغنيه(حجاب الله حجاب الله على خلي حجاب الله ، وحدي ياعباد الله ، الله ماجملك الله ، حجاب الله حجاب الله)

سلوى جالسه باب الدخول الصاله تستقبل المعازيم هي وهدى.

سلا وسما لبسين لثمه ذهب وتاج وتسريحه شعر.. والذهب حقهن اللي اشترينه في الكسوه (حزام ذهب – ست شواليه “بليزق” بدله كبيره ، سلس مريه بضم الميم وخواتم ودبلتهن والمحبس وساعه) والفستان المطرز منفوووش وتحته قفاز ،، من نفس قماش الفستان يتم عمل طرحه رقيقه..

قدهن جاهزاات ولابسات..

بنت خالهن اتصلت للفرقه يبدأ الزفه…

هدى رتبت البنات اللي يمسكين الشمع قبالهن والشذاب.

سلوى لابسه شنطه فوقها فيها الدواير حق غرفتهن والزلط حق الفرقه والقاعه والمسبرات (اللي يصلحين الشاهي ويقربين).

مرة امين جهزت مبخره وفعلت النار فيها وشلت من سلوى عوده (خشب العود )

سلا وسما واقفات باب غرفتهن بتصورهن المصوره، ومراعيات للزفه تبدأ يدخلين الصاله…

الفرقه بعد ماتمت تغني: والان نبدأ زفه احلى عرايس معنا سلا وسمااا ونسمع احلى محجره يابناااات…

بدأت اغنية اسماء الله الحسنى كلها ذكر الله وصلوات على النبي قبل ماتبدأ زفة العروسه.

سلا وسما كانين لابسات ويجننين..

بدأت الفرقه تزززف وهن قبال النسواان ..

سلوى اول ماشافتهن دمعت وقامت جنبهن تخطيهن وتزتف معهن..

ساره ابتسمت وعجبها العرس قدلها منه عمرر

النسوان المتفرطات بيتحيلين للحراوي..

ايناس بتوري سلايفها مرة محمد اين وتأشر لهن

اماني بتجابر بنتها: مابش فيهن قبله عاديات مدري على مه جننوا بيت خالش

البنات والصاحبات كلهن بيزززفين… الفرقه بتغني:( حجبي يا امه عليا ،، حجبي يا اختي عليا ،، ياقمر ياطالعه، ياعروس وحجبين عمات وخالات.. واحجرين ياحاضرااات ياعرووس)

وسلوى ماسكتهن الثنتين.. المصوره بتصور..

وصلين جنب الكوشه والبنات حوشين دايره حولهن ورقصين مع سلا وسما…

سلا وسما تمين الرقص طلعين يجلسين في الكوشه..

طلعين صاحباتهن جنبهن ويباركين لهن

قامين بنات من اهلهن..

يوزعين للمعازيم تحف صغار داخلهن نعنع وشونجم وسكر نبات وشكلاته ،، التحف كان عليهن حروف سلا وسما..

مرة خالهن طلعت تلبسهن فل..

ساره كان معها ٢ عقد فل لبست سما وتصورت معها

ايناس ورشا وزهور طلعين بالفل يلبسين سلا…
وتصوروا…

الليل بعد ماخفين النسوان دخلوا يحيى وخالد يتصوروا معاهن.. وروحوا كلهم وصاحباتهن ومسيين عندهن في البيت
.
.

بيت عمار..
بعد مارجعين من تفرطه النقش..

رشا: صلاة على النبي مااحلاها مرتك، تجنن

محمد: انا اللي عد اجنن، مالكم ماتصوروها

زهور: عتبسرها بعدا

محمد مد يده حول رقبتها وهزرها صليه: مااافايده بعدا ها !! وخطي للباب

ايناس: ياابني اين عتسير هكذا البس سوا، عادك افتهنت من المرض مكنها مقطع بين البرد وبعدا تاعب

محمد: اشتي اسير احلق

ايناس: ذلحين !

محمد: ايوه ، مافضيت الا ذلحين، بين الوي في السوق من عصر

رشا بترقد ريم: خلوه يسير، البس وسير بس

ايناس: مالكم عاد السمره حقه الربوع والزفه الخميس؟

زهور بتتفرج لمحمد بابتسامه: عسب يدخل بكره الصاله

ايناس لفتت لمحمد: عتدخل !!

محمد مبتسم بفرحه: ايوه

رشا: عنفعلها مفاجأه لسلا، محمد كلم عمي يحيى ووافق

ايناس فرحت: الله يسعدك ويرضى عليك، بس ماتحاكيتوش بدري نحجز كيك

رشا: قد فعلنا حسابنا كل شي
.
.

بيت يحيى..
وصلين البنات ، تصورين مع ابوهن وخالد،، وغيرين ملابسهن وطلعين يسمرين عند البنات

النسوان في المطبخ بيجهزين العشاء…
خالد: مع ياسر بيسايبوا كراتين ماء وببسي للصاله

بعد العشاء…
النسوان رقدين ، معاهن وقفه من الصبح في الصاله

البنات سامرات ويزفين ويرقصين وضحكك وجنان للفجر..
.
.

بيت صلاح..
رشاد: ها كيف طلعت

ساره: ماشااءالله عليها

صلاح: كلموني عيال عمك ليش ماتفعل سمره؟

رشاد: مااعرفش حد هنا لمن سمره ، يلله رضينا بالزفه عشانكم

صلاح: مصمم؟

رشاد: ايوه، خميس كفايه زفه مع الشباب والعصر في الصاله
.
.

اخر الليل…….ورقدوا كلهم الا محمد من الفرحه جالس مطنن للسقف يتخيل كيف عتكون بالفستااان الابيض وكيف عيشووفها ويمسك يدها وينزفووا…

حفله الزفاف يوم الصاله 👰🏼👰🏽

الصبااح الساعه ٨ اصتبحين مع يحيى بالصميل..
وشلهن الكوافير بنفسه .. كالعاااده تحانبين من تجلس قدام جنب ابوها

يحيى بحسرره: كل مره اجلس سلا لانها اكبر منش بدقايق،، بس اليوم لش ، لان سلا عتسكن جنبي وانتي تسافري

سما تأثرت وبتمزح مع ابوها: يحيى قوااا لكم، لاقد تبدأوا سيره السفر

يحيى ضحككك: هيا اطلعي يا يحيى اطلعي.

سلا مكبوده طلعت وماسسسكه نفسها لاتبككي،،

بنت خالهن امين الكبيره سبقتهن الكوافير ، امد توبه لهن وتشرف على مكياج وتصليح الكوافيره لهن

يحيى: يله انتبهين لنفسكن، ينقص عليكن شي تشتين شي اتصلين

سلا: حاضر

يحيى: اي حين عتتمين؟

سما: يمكن للساعه ٤

يحيى: خلاص ظهر ، شارسل لكن الغداء مع خالد

سلا: مش ضروري عناكل اي شي

يحيى: كيف مش ضروري ، مايسبرش المهم استمعين

سما: حاضر
.
.

العصر ،، بعد ماتصلحين ،، مراعيات لابوهن يشلهن الصاله.. كل واحده بتتحيلا لمكياج الثاانيه

بنت خالهن :بنااات يلا اتصلوا قدهم خارج..

لبسين العبايات وطلعين السياره..

بعد ماوصلين القاعه ، دخلين ع طول غرفه تجهيز العروسه،، لبسين الفساتين والقفاز وبيتحيلين للنفشه حق الفستان

وبعد ما جلسين يرتاحين

سلا سساررحه

سما نكززتها..

سلا حضنتهاااا..

سما عست جبهتها: يوو كيف لش!

سلا بتتفرج لعيونها: حاسه بخنقه

سما: مااالش؟ كل مره انكزش تضاربي واليوم تحضني؟

سلا دمعت: على قدر فرحتي ان الله جمعني بمحمد ، على قدر مانا مش متخيله نفتررق

سما حضنتها بقوووووه ، بكيت في حضنها

سلا حاجفه اختها ،وتتكلم وهي بتبكي: من عيوبه لي ويضحكني ويحس بزعلي ووجعي وضبحي وفرحي غيرش!

سما بتمسح لها دموعها: ومحمد ! انا راكنه عليه اكثر مني!!

سلا: محمد اكيد ، بس انتي توأم روحي قطعه مني

سما: فديت روحش ، عتبسررري اذا ماخليت رشاد يرجع صنعاء، قالت عمتي اليوم انه عجبته صنعاء قووووي

سلا: يااااريت تجلسوا

سما: حتى لوماجلسناش انتي ضروري تكوني تجي وانا شاكون ارجع واصل

سلا: الله يخليش لي يارفيقة عمري واختي وحبيبتي

سما حضنتها وحبتها

سلا ابتسمت وبتصلح الطرحه

سما بخووف: سلاااااا ..يوو والفعله ابسري وشش ، المكياج مع دموعش ساح

سلا ضحكككت: وانتي والكل ابسررري

قامين يتمرين وضحككين على نفسهن،، كل واحده مسحت للثانيه وعدلت لها مكياجها وجلسين يتعنوصين ويتحيلين لروحهن في المرايه،

سلا بتفعل بروفه الخطيه

سما بتتمرى ، وتختار لها ابتسامه تدخل بها..

دقت الباب خالتهن هدى..كان مقفل

سلا فتحت

هدى: بسم الله ماااااشااااءالله صلاة على النبي عليككككن،، هيا بناتي اقرين على نفسكن وحصنين ارواحكن ، قدو وقت تدخلين الفرقه مراعيه تزفكن

سلا: يووو ياااخاله ، خااايفه و خزاا اليوم نسوان خيرااات

هدى: سسهل اقري داخل نفسش ومابش خوف، الله معاكن حارس وحامي

سما: ناهي لاتطولوش الزفه

هدى ضحكت: يلا اوقفين ، قد رسلت لخالد يبدأوا الزفه

وقفين الثنتين

رويدا دخلت لاعندهن وبتوضع لهن الطرحه والذيل حق الفستان

خرجين وتجهزين باب الصاله وهو مغلق

طفيت الصاله وولعوا الضوء قبال الباب

سلوى كانت مراعيه يدخلين ماقد ابسرتهن من حين وصلين من عند الكوافير

بدأت الفرقه موسيقى هادئه..وكان اضواء خفيفه
فتحوا الباب لهن ،، بدين قبال الكل

اول ماوصلين بدايه الممر بدأت الزفه الصنعانيه وضوت القااعه

سلوى انبهررت من جمالهن بكيت من الفرحه،، وزد الززفه اثررت فيها

صف معازيم اهل العريس محمد
ايناس ورشا وزهور وعفاف واروى وحنان،،، كلهن بيصلين على النبي عليهن

صف معازيم اهل رشاد
سااره وخواتها وسلايفها ونسوان اخوتها كلهن بيمدحين في جمال سما وسلا

سلا وسما بخوووف بينززفين بابتسامه خفيفه وخطوات بطيئه

المصوره بتصورهن

سلوى مااستحملت كلمات الزفه، خرجت من قبالهن تبكي خارج

الفرقه بيزفو ( الا يمه كثر خيرش عدد ماقد بزيتيني “”رضعتيني”” بزيتيني وشليتي (حملتي بي) وذلحين عا تزفيني…الا شلي مفاتيحش الا وتفقدي بيتش…الا مادمت انا عندش.)

“كلمات هذه الزفه توصف روعة علاقه البنت بأمها طيله فتره الطفوله الى ان تزف كعروسه… الأم كلمة صغيره من حرفان، لكنّها تحتوي على أكبر معاني الحبّ والعطاء والحنان والتّضحية،”

نرجع للزفه
البنات في الكووشه بيزفين ويحجررين
وبعد ماانزفين سلا وسما وشافنهن كل النسوان في الصاله،، وصلين الكوشه..جلسين شويه وبدأين يتصوورين مع المصوره

بعد ماتصورين وصلين النسوان صلاه العشاء

الساعه ٩:٣٠
دخل يحيى واخوهن خالد وخالهن امين تصوروا معاهن ومع سلوى

يحيى حضن سلوى، سما وسلا وفي الوسط واقف بينهن خالد ارتصوا قفا الاب والام وهم حاضنينهم وتصوروا صوره حلوه

رشا بدأت تتواصل مع محمد يجي الصاله

بعد ماتصوروا معاهن الرجال، خرجوا ومراعيين محمد يدخل..

سلوى اشرت لزهور تجاوبها

زهور (كانت لابسه فستان رررقيق وشعرها مفتوح طوويل واكسوارات رقيقه) راحت تجاوب سلوى.

سلوى واقفات جنبها ثلاث نسوان….اشرت لهن هذه زهور..

زهور مستغربه: ايوه انا زهور.

ام يوسف: انا ام الدكتور يوسف، وسلمت عليها.

زهور خزيت سلمت عليهن وعرفتهن بامها وخالاتها.

خواته: من اول بنسال في القاعه مالقيناش.

زهور: ايوه مااستقريت في مكان معين، العفو الدكتور مانباني انكم جايين تفضلوا اهلا وسهلا..واستأذنتهن تروح تستقبل اخوها..

رشا جت تشاور سما..

سما قالت لسلا شاخرج اتصلح وارجع.

سلا: تمام.

رشا: انتي ياسلاتي لاعد تخرجيش ، شاوضعش هنا.. صلحت لها الطرحه وشعرها ، عطرتها وبخرتها.

سلا: سهل مش ضروري ماعدبش حد.

رشا: ولو حريوه.

محمد وصل عند القاعه لقي يحيى وسلم عليه وع خالد وامين.

خالد كلم الفرقه يقل للنسوان يتغطين.

يحيى وخالد رجعوا للصاله، عشان يزفوا له سلا، مسكها ابوها ومشاها..

سلا استغربت ماكانت عارفه ليش او انه عيدخل محمد، بتتلفت وتسأل ابوها الى اين؟

محمد بيمسح جبهته بفاين متحمسس ونفس الوقت متوووتر واحراااج يدخل بين النسوان

رشا وزهور اسقبلنه ودخلين معه للصاله..

محمد: وقف باب الصاله، وشاف سلا مع ابوها ،ارتبشش.

سلا شافت محمد تفاجأت ابتسامه فرحه وخزا ، وطت راسها.

الفرقه بتزفهم..

محمد خطي لاعند يحيى وسلا وخالد تسالموا هو وابوها واخوها

يحيى متأثر بفرحه مسك محمد من يده هذه بنتي امانه في ذمتك تحافظ عليها وتصونها وتطرحها في عينك.

محمد مبتسم شاف يحيى وبيشووف سلااا: سلا عيوني الثنتين ياعم

يحيى: الله يوفقكم ويسعدكم ويجعلها زواجة الدنيا والاخره وطرح يده بيدها.

سلا مبتسمه قلبها بيدددق بفستانها الكبير وطرحتها الرقيقه.

..شعرها وتسريحتها زي الاميرات والتاج مزينها..مكياجها في قمه الرقه والجمال..

محمد بالبدله وحالق ،، وشه كان منووور والعطر اللي تحبه سلا بيفووح منه

محمد قرب مسك راسها وقري الفاتحه، فتش لها الطرحه..وسلم عليها وحبها فوق راسها

سلا خااازيه كانت يدها ترررجف

محمد حس بيدها بترجف ومسك يدها ، قرب منها يشاورها: تجننننني انتي خيال والا حقيقه.

سلا ابتسمت وطت راسهااا.. الناس كلها كانت منسجمه برومانسيتهم…خواته بيزفينهم.

محمد وسلا وصلوا الكوشه

سلا تشتي تجلس

محمد صلح لها ذيل الفستان وجلس

سلا خاااازيه مربووشه تفاجأت بدخلته الصاله..

محمد لفت لها بيتأمل كل ملامحها: اخيررااا سلا مرة محمد، اخير عيني تمتعت بالحلا هذا كله،، مش مصدق سلا وقعت لي.

ساره اقتهرت ماكلموش ابنها: ياعيبتش ياسلوى مالكم ماتحاكونا.

سلوى: والله ماحاكيناهم ، هم طلبوا وحاكوا يحيى ليش ماحاكيتونا لو تشتوا

ساره: مادراني قلت ماعترضوش مابش داعي للاحراجات.

سلوى: اتصلي له يدخل الآن..

ساره اتصلت لرشاد

رشاد: صدددق!! ع طوول الآن جاي.

رشا مسكت محمد وسلا ونزلتهم يرقصوا…

وقت الرقصه..
محمد مسك يدها.

سلا يدها فوق كتفه ،، بابتسامه خازيه.

محمد: شوفيني..

سلا: رفعت عينها بعينه.

محمد: خليني اتمرى بعيونش.. اول مادخلت وشفتش نسيت هولا الناس كلهم.

سلا ابتسسمت: بسس قوا بتحرجني.

محمد: اموووت في الدغززه هذه، الله يخليش لي ياسلاتي.

قطعوا الكيك واكلهاا واكلته

محمد: زيدي قطعه من يددش مااشتيش بالملعقه.

سلا: انحرجت بتقسم بالملعقه.

محمد طرح الملعقه من يدها.

سلا اكلته.

محمد حب يدها.. لفوا يدهم بيد بعض وشربوا العصير وتصوروا وتجابروا

وصل رشاد..
سما كانت في الغرفه بتتصور مع المصوره..

سلوى كلمت يحيى.

محمد خرج من الصاله،، ورجعت سلا في غرفه العروسه

يحيى ضحكك ورجع دخل واستقبلوا رشاد وناوله سما.. وهم بينزفوا.

رشاد: شكلش فظيعه ، ماكأنش سما.

سما: ليش ياسعم كيف كنت انا حاليه من اول

رشاد ابتسسم: اقصد الطرحه والفستان والتسريحه رازمات عقلش ، بس طلع لسانش متبري من ستايلش.

سما ضحكت: عتتحروى ساع الناس.

رشاد: انتي عارفه ان احنا مناسبين لبعض قوي ، رومانسيتنا تشبه شقاوتنا.

وقت مابيرقصووا رشاد وسما.

رشاد مبتسم بيتأمل عيونها ورمشتهن وابتسامتها.

سما: ارقص سوا بغير تبسار.

رشاد: لاتتحديني اتحملش وادورش ملان الصاله

سما ضحكت: بغير جنان مش انت في امريكا.

رشاد: تتحديني !

سما: لا لا قواا

تمت الرقصه
قطعوا الكيك وشربوا العصير..وتصوروا.. وبعد ماخلصت الحفله

رجعين بيت ابوهن..

ورشاد ومحمد روحوا يتجهزو لزفه الخميس. (الحفله يوم ،، وزفتها لبيت العريس يوم)

يوم الاربعاء….
للعريس يوم السمره ،، يجتمعوا بعد صلاة العشاء الاصحاب والشباب المعازيم، ويسمروا لاقبل الفجر ب فنان….

والعروسه تتنقش واهلها يجهزوا شنطها يبخروا ملابسها ويرتبوا لها ادواتها…

يجين متفرطات من الجيران ورقص وجلسه..والعرايس في غرفتهن يتنقشين..

بعد العصر ..في الحارة
ماجد ولؤي واحمد وياسر بيجهزوا الخيمه حق محمد في الحاره للسمره.

عمار سار يدي الطباخين اللي عيفعلوا غداء يوم الخميس،، وعشاء السمره..

بيت عمار..
النسوان ملان البيت بعضهن اهل وبعضهن متفرطات عشان يسمعين الزفه حق السمره..

رشا وزهور بيجهزين الديمه الخارجيه للطباخين.

حنان بتوبه لجهالها وريم.
.
.

بيت يحيى..
سلوى: بنات قومين اتجهزين عتجي المنقشه الان تنقشكن..

هدى: وانتي يااختي مامعش

سلوى: نجهز شنطهن ونبخر الكسوه ونعطفها.

مرة امين جهزت المشجب والبخور ،، وبدأين يرتبين ويعطفين الكسوه.. المنقشه وصلت وبدأت تنقشهن..

بعد صلاة العشاء..
الخيمه بدات تمتلي معازيم..

احمد ولؤي بيوضعوا السماعات مع الفنان..

محمد كان في البيت بيتجهز ينزل الخيمه..

بعدما تعشوا اللي في الخيمه وخزنوا

الفنان بدأ يغني ..

عمار نزل مع محمد واحمد وماجد ولؤي وياسر جنبه..

الفنان بدأ يززف محمد للخيمه..
.
.

بيت يحيى،، غرفه سلا وسما..
المنقشه بدأت تنقش سما..

سلا سمعت زفه محمد، وحملت للطاقه تشووفه (ماكان مبين الرجال حوله بس كانت تلمحه ومبتسمه)

سما بين اقل مااالش مكنتيها ابدأي لها، انتي مراعيه للزفه.

المنقشه: العرس اللي خارج تبع ازواجكن؟

سما ضحككت: لاا زوج سلا بس ، انا مش في الحاره..

في الشارع ،، اللمبات مضويات والخيمه سدت الشارع حقهم وبدأت تمتلي شباب وخبرة محمد
.
.

بيت صلاح..
كان مجتمعين اعمامه وعيال عمه واخواله ،، سمره عائليه..

رشاد جالس معاهم وبيتجابروا..

كلمات الزفه في الفيديوو
ياحريو اسمر تغنم قد نقشنا لك قمر قد نقشنا بنت بيضاء ماترى للبدر مثيله وابوها البيضاء تغنم …
يعلم الله ماطلب!!!

هو طلب جربه على الباب ،، او طلب بير العزب.. جربه=مزرعه
بير العزب= كان سابقا باب من ابواب صنعاء القديمه مبنيه منذ القدم.
اما حاليا منطقه في صنعاء ..
.
.

صباح الخميس (البرع) الزفه مفتوحه ملان الحاره
تموا صبحوا الحريو واهله واجتمعوا خبرته يبترعوا في الحاره للساعه ١٠ وساروا الوادي (دوره للعريس )

كان محمد وابوه وعمه واحمد فوق السياره المزينه.

سياره ثانيه فيها اللي بيدقوا البرع والبقيه اصحابه وعيال عمته ومن الحاره..

زفووه ببرعه لما وصلوا الوادي نزلوا ابترعوا وتصوروا ورجعوا وقت الغداء..

غداء العرس
سفره كبيره تشمل الاكلات الشعبيه
رز، دبيخ فاصوليا ، طلمه=محشي، الشفوت ، المرق ، السلته، بنت الصحن، اللحم ..الخ

تغدوا كلهم وطلع محمد يلبس ويتجهز يسير الصاله.
.
.

بيت صلاح..بعد غداء الاهل
الكل سار الصاله ورشاد بيلبس لبس الحريو
(جوخ اسود والعمامه والسيف) ومستغرب ع شكله ف المرايه بس عااجبه.
.
.

بيت يحيى..
سلا وسما ،، تمين تغدين وقت الظهر وسارين الكوافير ..
.
.

صاله محمد..
الرجال مخزنين في الصاله والفنان بيغني بعود..

وصل محمد ابوه جنبه وعمه ونسبه احمد، واصحابه

المغني بدأ يززفه..

الشباب بيزفوه.. وصل الكوشه جلس..

المعازيم بدأوا يسلموا عليه ويتصوروا معه.
.
.

في صاله رشاد..
بعد مانزف وجلس في الكوشه.

جلس دقيقتسن وبعدا بدأوا يسلموا عليه المعازيم وهو وااقف …

رشاد بيشاور ابن عمه: حسيت بتعب الرئيس وهو واقف يسلم ع المعازيم يوم العيد.

ابن عمه ضحكك: هذا يومك لازم الكل يسلم عليك ويبارك لك..

رشاد: والله ماقد حفظت واحد كلهم يتشابهوا

ابن عمه: هو عمي زغفركم امريكا، عيس ردوك انسابك صنعاء.
.
.

صاله محمد ..
عم حسين طلع يسلم ع محمد.

محمد حبه فوق راسه وسلم عليه.

عم حسين: له الحمد اللي ابسرت الفرحه هذه في وشك، ذكرتني بايام قرايتك.

محمد: الحمدلله ياعم حسين ، حفظكم الله من كل شر وطول بعمركم

عم حسين: الله يسعدك وعقبال البكارى ،،ونزل.

احمد طلع لبسه الفل..

وصلوا اهل الحريوه..

عمار: استقبلهم وسلم عليهم وطلعهم للكوشه

محمد سلم على عمه واخو مرته،، تصوروا مع بعض..

خزنوا عنده فوق الكوشه ربع ساعه ورجعوا صاله رشاد سلموا عليه وتصوروا معه

ورجعوا الييت عند معازيمهم (المخرجين حق الحراوي)
.
.

وقت اذان المغرب..
الفنان وقف الغناء..
المعازيم راحوا يصلوا ويتجهزوا للزفه..

محمد بعد ماصلى وغير لبس الصاله، لبس ثياب الزفه الجوخ الذهبي والتوزه والعمامه) سار يتصور مع خبرته.. ****

وقت الزفه..
تم محمد يتصور رجعوا الحاره بالسيارات المزينه اللي عتدي الحريوه وصل بطريقاات..

طلع البيت يصلي ويتعشى.

ايناس دمعت وحضنته ..

محمد حبها فوق راسها.

تصورين خواته معه..

ايناس: سيري ادي لاخوش عشاء

محمد: لاااا، شابع.

رشا: عيتعشى مع حبيبة قلبه.

محمد ابتسسسم: طول عمرررش تفهميني.

عمار طلع ينزله ،، كان الشباب والنشادين مراعيين له في الحوي يزفوه..

محمد نزل مع عمار

النسوان طلعين الجبى والطيقان يبسرين الزفه..

ايناس طفين الكهارب وتلثمين ، كشف لحد يبسرنا الشارع كله مسرج.

محمد نزل الحوي وبدأوا يزفوه…

زفوه النشادين عشر دقايق ، وبدات زفه الاورج والفرقه…

الشباب زفوه ورقصوا حواليه..

احمد مسك يد محمد وفعلوا دايره ورقصوا كلهم..

تم يرقص وجلس فوق كرسي وهم بيرقصوا مع الفنان..

وصل يوسف وسلم عليه وبارك له..

بدأوا اصحابه واهله يدوا له الطرح(هديه العرس)

احمد كان يجمعهن لمحمد لعلاقيه..

تموا الزفه ورجعوا القاعه يتموا العرس ويراعوا للحراوي..

البنات وصلين من الكوافير بيت ابوهن..

بيت يحيى..
امهن وخالتهن ومرة خالهن…جهزين لهن الفساتين وصلين غرفتهن..

سلوى: قربي لهن عشاء يااختي ..

مرة امين: الآن.

يحيى اتصل لسلوى تجهز سما عيجوا المخرجين حق رشاد يشلوها.

سما بدأت تلبس وتتجهز وتتبخر..

سلا بتبكي..

هدى خرجت سلا مكان امها امد لايتأثرين ويخرب مكياجهن.

دخلوا ابوها واخوها وخالها وعمها يسلموا عليها ويتصوروا معها قبل ماتلبس وتخرج معهم

سلوى بتدمع وماااسكه نفسها قبالهن.

المخرجين وصلوا الحاره بطريقات..

طلعوا الرجال الديوان استقبلهم يحيى وخالد وامين وعمهن عبدالله.. قربوا لهم الشاهي والكيك
.
.

بيت سيد صلاح(البيت الكبير)

مراعيات يلقفين سما بمغنيه.

ساره بتجهز لرشاد شنطه صغيره (عيسيروا الفندق) بعد ماتوصل سما لاعندهم..

تم رشاد الزفه ورجع للصاله مراعي المخرجين يوصلوا،،امد يخرج من الصاله بزفه لابيتهم..

عيال عمه بيطبزوه بدبوس..

رشاد: مالكم بتنسموني او انا تاير!

ابن عمه: هذه عاده يفعلوها الشباب امد يتزوجوا بعدك.

رشاد: ياسلام لاطبزوني عيتزوجوا.

عيال خاله وعيال عمه ضحكوا..
.
.

في صاله محمد..
محمد كل شوويه ويبسر السااعه..

احمد: اركزز لاحد يبسرك يضحك عليك.

محمد: قد انا رااكز سنين خلاص الدقااايق الاخيررره مااابش صبررر..

زفه الخرجه.. ياحجار الدار حني ياحجار الدار حنين شمعه الدار خارجه،، ياعروووس،، خارجه من بيت ابوها خارجه من بيت ابوها…سايره بيت المليح..ياعروس

خاطرش ياديمه امي خاطرك يابيت ابي…
خاطرك ياعم وياخال..خاطرك يابيت اخي…. الا بسم الله الرحمن الا حان الوداع الان..
الا ماصعب فراق الاهل والاخوان والجيران.. الا شاودع الحجره وضوء البيت والقمره..
الا شاودع الدرجان وفرش الدان والسمره..
الا يمه كثر خيرش ..الا شلي مفاتيحش..
واخرجي خرجه بنيه..ياقمر ياابهيه

وبعد ماوصلوا مخرجين سما،،

سلوى بتكابر عيونها ملان دموع، حضنت سما ، ووصتها في زوجها وام زوجها وابوه.

سلا حضنتهاا ودمعين الثنتين..

خالد ماقدر يمسك نفسه وبكي في حضن سما.

يحيى عيونه ملان دمووع: هيااا مش وقت عاد احنا عنبسرها الناس مراعيين.

يحيى(اتفق هو وعمار تتأخر سلا بعد سما لانهم قريبين منهم).

يحيى نزلها ونزل هو واخوها، سارت خالتها معها (ممنوع الام تسير، الاخت عادي بس سلا لانها عروسه ماسارت طبعا)

محد حجر لها لانه العروسه لما تخرج من بيت ابوها مايحجروش.

كانت في حوشهم سياره اهل صلاح مزينه طلعوا الشنط…

عم رشاد بيسوق

يحيى طلع قدام..

خالد وسما وجنبها خالتها ورا، المخرجين كانوا بيززفوووا ورا سيارتهم…

وصلوا حارة بيت سيد رشاد..
كان المعازيم من اهل العريس مرتصين في الحاره يرحبوا باهل الحريوه..

ودخلوا السياره للحوي..

يحيى نزل ومسك سما بيد واخوها بيد..

عم رشاد دخل الشنط..

اهل العريس ناولوا يحيى الجنبيه يطرحوها في الارض وتنط العروسه من فوقها (عادات وتقاليد امد من العين والحسد)..

والنسوان باب الباب بيحجرررين وكسرين لها بيضة..

طلعوها غرفتها ابوها واخوها..

وساروا عند الرجال في الديوان استقبلوا اهلها ورجعوا البيت..

ساره بعدت لسما العبايه وصلحين لها المكياج بعد مابكيت في زفتها..

سما كانت خايفه وحاسه نفسها غريبه ماتعرف الا ساره بس..

دعوا المغنيه تزفها لاعند النسوان..

رشاد كان في ديوان الرجال مراعي لهن يتموا يزفوها ويشوفنها النسوان..

سما ملان عيونها دمووع وحاسه نفسها غريبه ،

النسوان كلها بتتفرج لها ويتجابرين..

ساره جالسه جنبها وتعرفها بالاهل..

وصلوا المخرجين حق محمد بيت يحيى..
طلعوهم واستقبلوهم بشاهي وكيك..

وجهزوا سلا وخرجت بعد ماسلمت ع امها وابوها واخوها..

سلا كان شعورها ممزوج فرحه بحززن ..
.
.

في القاعه..
اصحاب محمد ومن الاهل والجيران زفووه زفه الخرجه…

محمد قدوو فارررح
.
.

سلا طلعت مع اخوها وابوها وراحت معها خالتها هدى..

ولان بيت يحيى جنب بيت عمار فعلوا لها لفه وزفه في صنعاء ورجعوها للحاره..

نزلوا اهل محمد واصحابه وعيال الحاره..ارتصوا من طرف الحاره…
رحبوا بهم بعباره اهلا وسهلا فوق العين والراس..

محمد كان مراعي في الديوان لاهل سلا.

وصلت بيت عمار ودخلوا السياره المزينه..
ونزلت نفس سما.. نطت من فوق الجنبيه حق عمار..

ايناس ورشا وزهور فى الباب بيحجرين..
كسرين لها بيضه..

وطلعت مع ابوها واخوها لشقتها..

دخلوها غرفتها ..

ورجع ابوها واخوها مع عمار للديوان جلسوا شويه وضيفوهم وبخروهم بعوده وخرجوا اهل سلا..

محمد بيدحس ابوه قلوا لهم ادخل يبسروا طريق.

عمار: راعي عاد المغنيه عتزفها.

محمد: تمام..

بعد مازفينها ودخلت للنسوان كانين كلهن الحاره واهل ايناس..

سلا كانت تجابرهن تعرفهن.

رشا دخلت زينت غرفتهم بورد بحروفهم S&M

محمد في الديوان بيدحس احمد يتصل لرشا يبسروا طريق..

احمد: قالوا شويه عند النسوان.

محمد قام: اين نسوان كلهن يعرفنها قد زيدوا بها وخرج يقل طريق الله الله يطلع

ايناس: ياابني راعي النسوان مش لابسات.

محمد: والله لوما تقطبوا تطلع نتصور لادخل لاعندكن.

خالاته ييضحكين ..

ايناس: ياالله ، امانه عادهم في عيني وهم جهال بالفستان والبدله.. وقلنا عنزوجهم لبعض (ثلث ابن ادم مانطق)
.
.

عند سما..
بعد مادخل رشاد..وبيتصوروا

ساره: هيا ادعسها..

سما انصدمت

رشاد بهرر لامه.

ساره ضحكت: عادات وتقاليد.

رشاد يشتي يدعسها

سما سبقته ودعست..

تموا التصوير وراحوا الفندق..
.
.

بيت عمار..
دخل عمار ورشا وزهور وريم يتصوروا مع محمد وسلا..

عفاف: هيا ادعسها..

محمد: لا لا ولاحد عيدسع حد

سلا كانت خازززيه وموطيه راسها.

بعد ماخرجوا وغلقوا عليهم شقتهم..

سلا خازيه وموطيه راسها

محمد مر شريط طفولتهم وحبهم لبعض رفع راسها وشافها: واخيراا قدش مرتي جننتيني لفيت العالم.

سلا مبتسمه وخازيه

محمد: الله يقدرني واسعدش واخلي ابتسامتش ماتفارقش ابدا..

سلا: امين.

محمد: قومي نصلي لله ركعتين حمد وشكر..
.
.

الجمعه(يوم الصباح)
ايناس طلعت لهم الصبوح

محمد شل منها الصحن

ايناس: البسي ياروحي ولو تشتي واحده تمكيجش وتسشورلش شاحاكي البنات

محمد: للمه ماعاد باقي معاكم؟

ايناس: عيجوا اهلها يسلمو عليها ، اقطبوا اصتبحوا والبسي وشاجي البسش المصر انا.

سلا: حاضر..

ايناس خرجت..

محمد: هيا جي اصتبحي.

سلا: شابعه..

محمد مثل انو زعل: والله !!

سلا جلست ..

محمد: لف لها لقمه مع الكبده ولقمها..

بعد الصبوح..

قامت تتجهز وتلبس..

رشا طلعت مكيجتها ولبسنها المصر الطالعي والذهب حقها
.
.

بيت صلاح..
ساره اتصلت لرشاد.

رشاد نووم: الوو

ساره: ماقد قمت؟ هيا اقطبوا روحوا

رشاد: خيرر للمه ؟

ساره: عيجو اهلها يسلموا عليها.

رشاد باستغراب: اهل من !!

ساره: مررتك؟ مالك نووم صحصح اقطب

رشاد: يسلموا عليها للمه ! عادهم ادوها قبل سبع ساعات !!

ساره ضحككت: هيا اقطبوا ضروري.

رشاد: حاضر، غلق ولفت لسما..

سما مارقدتش ..

رشاد: هيا قومي البسي ، اهلش فقدوا لش عيجوا يسلموا عليش

سما فرحت ، قامت تلبس..

رشاد: سما، للمه امس قالوا ادسع رجلش وانتي سبقتيني ! مادخلها في العادات والتقاليد.

سما: يقلوا لما يدعسها تسمع كلامه ، ولو دعسته هي ، عيسمع كلامها ويكون بعدها هو.

رشاد ضحككك: وانا اقول امس مالش حمشتي ودعستي ، شعفل شعرها ، هيااا قومي شاكون ذلحين بعدش.

سما ضحكت وقامت تلبس..
.
.

بيت يحيى..
سلوى عيونها موررمات وراسها مربط قامت تجهز الكوت والزنه لزوجها وابنها..

يحيى بسر راسها مربط افتجع: خيرر مالش سلامات!

سلوى بكككيت: البيت مظلم بدونهن مارقدت من امس

يحيى: الله يستر عليهن ويوفقهن واحده جنبش والثانيه عنكون نسير نتفاقدها.. هيا صلِ ع النبي وقومي جهزي لي صبوح امد مااتصل لخالهن وعمهن نسير نسلم عليهن..

سلوى: حاضر.

يحيى: تصددقي،، ماااحسيت بفرررق بينهن الا
امس، كان طول عمري نكسيهن جمعه ، يقرين جمعه نشل من الواحد اثنين، وامس نسير عند معازيم ذيك وبعدا الثاني ، ونخرج سما وبعدا سلا، وذلحين نسير نسلم ع سلا وبعدا سما.

سلوى ضحكت: الله يحفظك ويجبرنا بعافيتك، هيا لاتتااخر شاسير اجهز صبوحك.

يحيى اتصلهم ..
واتجمعوا هو وامين وعبدالله وخالد وساروا لسلا..

كانوا في الديوان..

سلا دخلت بمحاجر من النسوان للديوان لابسه زنه مطرزه وبالمصر الطالعي وممكيجه سلمت عليهم.

ومحمد كان جالس معهم..

يحيى ناولهم كيس جعاله العرس (زبيب ولوز وشكلاته ) وطرح لها بدله ذهب..

عمها عبدالله طرح لها ظرف فيه فلوس

خالها امين: طرح لها خاتم ذهب.

خالد طرح لها سلس ذهب اسمها واسم محمد.

ونفس الشي حصل مع سما..
.
.

العصر.. بيت عمار
رشا: لو تتصلوا لعمة سما تبسروا لو عيفعلوا ثالث نفعل جمعه احنا وياهم يعزموا ضيوفهم واحنا نعزم ضيوفنا ويلبسين سوا

ايناس: تقولي اتصلها.

رشا: ابسروا ماعيقولوا لكم.

ايناس: اطلعي ادي الرقم من عند سلا.

رشا: ماعد شطلعش اتصلوا لخاله سلوى.

بعد ماشلت الرقم واتصلت لساره بعد السلام والكلام..

ايناس: كنت اشتي اسألش ، عتفعلوا ثالث؟

ساره: قلنا عنفعل في البيت.

ايناس: مارأيش قد حجزت قاعه ومغنيه بعود، اعزمي ضيوفكم مع ضيوفنا ولبسناهن جمعه.

ساره: خلاص قد شابسر وانبيش.

ايناس: تمام

ساره كلمت صلاح

صلاح: تمام ابسري كم عيكلفهم القاعه والفنانه وفرقنا التكاليف بالنص.
.
.

يوم السبت..
ساروا الصبح رشاد وسما يسلموا ع عمته..

العريس يطرح لام العروسه طرح مبلغ وبعضهم ذهب.. وجعاله زبيب ولوز وشكلاتات..الخ

سلوى ورشاد وعمار بيتجابروا

سما خرجت المطبخ تاكل.

خالد: خرج يدورها لقيها في المطبخ،، ابسرها ضحك

سما: اصه ميته جوووع

خالد: كم لش ماكلتي؟

سما اشترغت: صلِ ع النبي يادب

خالد بيضحككك: كان دلاا دلاا..وخرج لاعندهم دعى رشاد

رشاد قام معه

خالد: سكته ابسررها

رشاد: تمام

وصلوا وهي بتاااكل

رشاد ضحكك: شااابعه هااا قلي لي انش تشتي اكل بيتكم

خالد ضحكك

سما خزززيت، وبتاشر لخالد بعينها.

خرجوا للديوان..تجابروا شويه.. وصلت سلا ومحمد..

محمد دخل وتسالمووا وباركوا لبعض واتفقوا يجتمعوا يوم الثالث هو ورشاد.

سما: وسلا تحاضنين وتسالمين وتجابرين في غرفتهن..

رشاد وسما روحوا

سلا ومحمد سلموا ع سلوى وناولها الطرح والجعاله..وروحوا
.
.

يوم الثالث(الاحد)في الصاله..
سلا وسما لبسين تاج يمني
وزفتهن المغنيه لابعد المغرب كل واحده زوجها جا لها يروحوا يتصوروا..

والنسوان تمين التفرطه ورجعين بعدهم..

رشاد اتصل لمحمد يقله يروحوا شهر العسل
مع بعض..

محمد: تمام شابسر وانبيك..

رشاد: نبيني الليل اخلي صاحبي يحجز لنا

محمد: ع طول..وغلق
لما روح ،، شاف كم باقي له فلوس وكلم عمار انه عيسافروا..

محمد نبى رشاد انه موافق..

رشاد: خلاص تجهزوا الثلوث ..

سلا كانت فااارحه تسير هي وسما
.
.

بعد ماسافروا العرسان

بيت عمار..بعد العصر..

بعد ماتموا يرفعوا بعد العرس

زهور رابطه شعرها بمصر ومحمشه البجامه بتنظف الحوي (اخر شي بقي لها)

باب بيتهم دق..

زهور قربت للباب: بصوت واطي من ،!!!

نسوان: ايوه..

زهور فتحت

مره: هذا بيت عمار؟

زهور: ايوه تفضلوا ادخلوا

النسوان دخلين..

ايناس بتأشر لها من؟

زهور بفمها مددري

ايناس: هياا اقطبي الحووش ، الظاهر عيجين نسوان يتفرطين بيت بعد عرس

زهور خرجت الحوي تكمل بسرعه

ايناس رجعت الديوان..ابسرتهن..كأني شفتكن..

ام يوسف: انا ام الدكتور حق زهور وجيت عرسكم

ايناس: اهلا وسهلا العفو منكن مادريتش ..نورتين

ام يوسف: بنورك

ايناس: اسير اقل لزهور ماعرفتكنش تجي تسلم.

ام يوسف ابتسمت لها

ايناس خرجت

ام يوسف بتكلم بنتها: الله يسامحه اخوكي مااعرف اتكلم

بنتها: انا بكلمهم

خارج في الحوي..
زهور تمت تسوقه (تغسله)وعلى دخلتها

ايناس: هيا اقطبي البسي وادخلي سلمي ام الدكتور حقش داخل

زهور اسسسستغرربت !!: ليش جوا ؟

ايناس: سارت تفعل شاهي وتدي كعك وقربت لهن

اخت يوسف: تسلمي اتعبناكي ام زهور، والله المعذره جينا بدون مانتصل

ايناس: لاعادي اهلا وسهلا بكن

ام يوسف عرفتها بنفسها معها ثلاث بنات واثنين عيال

اخت يوسف: والله ياام زهور اليوم جيتنا لسبب، اخي يشتي يخطب زهور ورسلنا نتفق معاكم وتدوا لابوها خبر لو في نصيب يجوا الرجال يتقدموا رسميا

ايناس ارتبشت شويه: نكلم ابوها وناخذ رايها واذا به نصيب الله يجعل في ذلك خير

ام يوسف: ان شاءالله خير

زهور دخلت مش داريه ماسمعتهن ..سلمت وجلست (كانت لابسه بنطلون جنز وبلوزه ورافعه شعرها ذيل حصان)

ام يوسف: مااشاءالله عليكي الله يحميك

زهور مستغربه ومطننه لامها

اخت يوسف: يله احنا نستأذنكم

ايناس: شويه ماجلستين!

اخت يوسف: اصلا يوسف مراعي فوق السياره مره ثانيه ان شاء الله

زهور مستغربه: للمه جين بسرعه هكذا؟
.
.

فوق الطايره قبل مايوصلوا ماليزيا بساعتين

سما راقده لافوق كتف رشاد

رشاد منعس

الكرسي اللي وراهم
سلا بتتجابر وهي بتنعس

محمد ماسك يدها بيضحكك: قد انتي بتهذي من النووم ارقدي بس

بيت عمار..
زهور: مايشتين جين بسرعه وسارين وكيف عرفين بيتنا !!

ايناس: يشتين يخطبينش ليوسف….
.
.

عمار: اهااا الدكتور يوووسف قلتي لي..

ايناس: ليش ماله

عمار: ولااشي بس تصدقي ، تعامله معي وجيته عرس محمد وبين ابسرر لباقته وراها شي.

ايناس ارتاحت: قد بين اقل لو فيه شي.

عمار: بالعكس شخصيا مابسرت منه الا كل خير عد اسأل احمد عليه ونزيد نسأل عليهم.

ايناس: انا فرحت انه عيكون دكتور مثلها ويتفهم شغلها مايشرط عليها تجلس في البيت

عمار: ماتعبت بنتي هذه السنين كلها تجلس في البيت من اعجبه هكذا حيا به.

ايناس: الله يستخير لها مافيه الخير.
.
.

في ماليزيا.. ثاني يوم ماوصلوا
في الفندق بيصتبحوا..كل واحد ومرته في طاوله.

رشاد بيضحكك: مالعينشش موورمه

سما: مدري مالقصني جحفه قووي حمى.

رشاد بيهويها بالمنيو.

سما:بتاكل بالشوكه (زيتون )ههه

ررشاد شهق ومسك عينه

سما بضحكه: اسسفه وبتضحككك عليه كيف نكز

رشاد: قلدش الله حد ياكل زيتون بشووكه ،(شل ثلاث واكلها بيده)

سما بتضحك هو كسل: جربت حظي طارت لاعينك ماافعل لك، هي زيتونه اشتحط.

رشاد: فال الدعس اشتغل مفعوله.

طاوله محمد وسلا..
محمد بيتذكر وفجأه ضحككككك.

سلا ابتسسمت: مالك؟ مابيضحكك !

محمد: موقفش حق امس وانتي بتهربي من اللزقه وضحككك.

سلا خفعته بيدها: بس خواشه امانه كنت مفجوعه ملان وشي صابون وافتح عيني ابسرها فوق المرايه ماتشتي افعل..

محمد: ولاشي كنتي تتخبطي ساع الملتمسه من الغرفه للمطبخ..

سلا ضحككت..

طاوله رشاد وسما.
رشاد: اعملي حسابش اول مانرجع اليمن تتشكمي ونسافر ع طول

سما: ان شاءالله.

رشاد: برغم اني حبيت صنعاء ماشتي افلتها بس امد العمل ونستقر.

سما: بس شاكون اسير واجي كل شهر.

رشاد: ناهي ياكل شهر، اقطبي الصبوح

محمد وسلا ..
سلا: محمدي اسألك سؤال

محمد ابتسم: اسألي

سلا: ايش اللي خلاك تحبني؟؟

محمد: هذا السؤال بالذات سألت نفسسسي ايام وايام ، حاولت احدد حجم حبي لش..
للان مالقيت للاسف ولا جوواب ولامقدار ياسلات خاطري

سلا: محمد، هيا صدق سؤالي؟

محمد: وانا والله مااعرف ليش غيرر اني اموت فيش

سلا: ماعتتغيرش عليا يوم من الايام !

محمد: وانا بكامل قوايا العقليه مسسستحيل اتغير عليش..

سلا: الله يخليك لي.

محمد: يله وانتي للمه حبيتيني؟

سلا: لانك انت حبيتني قلت نرد لك الخدمه.

محمد: هكذا هااا…

سلا بتحانكه وتفعل حركة حواجبه..

محمد بيتحيلا لها وسارح في حركاتها.
.
.

بعد اسبوعين..
رجعوا العرسان.. فعلوا لهن شكمه وبعدها بثلاث ايام سما ورشاد سافروا امريكا مع صلاح وساره..

بيت عمار..
عمار: لنا شهر من حين تقدموا لها قدو وقت نرد خبر ادعي اختك اسألها.

محمد: حاضر..

في المكان الثاني سلا وزهور وايناس بيتجابرين ورشا كانت عندهم.

محمد: زهور ،جي جاوبي ابي.

زهور مسكت يد سلا وسحبتها قووي تجي معها

سلا ضحكت: مع سيري جاوبيهم وحدش.

زهور قامت بعد محمد..

عمار: ماشقلش ماقالوا عنه لانش تعرفيه اكثر مننا شسألش انتي موافقة عليه؟

زهور خاازيه بتتفرج لمحمدد

محمد ابتسم غمز لها وبياشر بفمه موافقه

عمار: ماقلتي ، نشتي نرد لهم خبر.

زهور بتضحك ع محمد: انتوا اخبر

عمار يشتي يحرجها: كيف اخبر، مابلا تحاكي

زهور بخزا قامت: اسألوا محمد ..وخرجت.

عمار ضحك..

محمد: هيا اتصلوا له
.
.

امريكا.. في غرفتهم
سما: مارأيك ، نسير بيتنا فاضي.

رشاد: مش بيتكم، كما اشتغلت خرجنا لان الايجارات نار وانتي داريه.

سما تنهدت: وليش مش بيتنا ؟ مافيه

رشاد: اقدر اقل لابي يدي لي حق ايجار بيت ، بس لا اشتي بيتكم ولا بيتنا ، كما معي خرجنا وانتهى الموضوع.

سما بدون نفس: تمام وخرجت الصاله..

عبد العزيز كان بيتفرج تلفزيون ، ابسرها جلست مع ساره وصلاح وقام غرفته.

سما ماركزت.
.
.

صنعاء ،، شقه محمد وسلا..
محمد: ابسري كنت اطلع الجبا اتشاقر غرفتش مسرجه والا مطفايه ادرى اي حين رقدتي.

سلا ضحكت: شارجع اوريك غرفتي اضخم، كنت ابسرك اي حين خرجت ودخلت.

محمد: اليوم كلمت ابي يفتحوا لنا مكتب هندسي، يدعمونا اول فتره سلف ونقضيهم.

سلا فررحت: وماقالووا ؟

محمد: وافقوا طبعا بدون مانقضيهم بس انا شرطت عليهم.

سلا: سووا ، لانه لي ولك المكتب.

محمد: ومابش فرق بيني وبينش يا لي ولك انا وانتي واحد
.
.

بيت يوسف..
يوسف: اشتي خطبه وعقد مع بعض والعرس بعد شهرين.

عمار: ليش مستعجل؟

ابو يوسف: خلاص ايش باقي، انتظر لها تخلص وتطبق.. بعد اذنكم طبعا بس مااشوف اي داعي للتاخير.

عمار: واحنا موافقين وبنتفق ع الشروط.

ابو يوسف: شروطكم على عيننا وراسنا واللي تطلبوه من الف لمليون جاهزين.

عمار: لا لا الله المستعان مااقصدش مهر، شرطنا الوحيد تعب بنتي مايضيعش تشتغل في عيادتها

ابو يوسف: اكيددد وهذا شررط يا ابو محمد ، الله يفتح عليك ، اركن بس ولايهمك.

عمار: حددوا يوم واهلا وسهلا بكم.

ابو يوسف: الجمعه اذا مناسب لكم ؟

عمار: فوق عيننا وراسنا..

ابو يوسف بعد ماغلق: ياابني ارتحتو لعمك كثير مبين عليه محترم الله يوفقك..

يوسف بفررحه: امين.
.
.

يوم الجمعه.. بعد العقد..
دخل يوسف لبسها البدله والمحبس وتصوروا..
.
.

امريكا..
عبدالعزيز: جاووع ، ماعتفعلوش عشاء

ساره: سير ابسر مافي المطبخ وكل.

عبدالعزيز دخل المطبخ..

ساره سارت جنب غرفه سما ورشاد: عنمووووت جوووع ، واحنا مراعين لكم نتعشى عتخرجوا من الغرفه

سما تنهددت

رشاد شافها وقدو غاثي عليها رزوعه
فتح الباب..

ساره: جنه لكم ، قد تميتوا حروويه ، ازيد افعل عشاء انا !

سما: انا شابعه ورشاد عادو اكل، تعشوا يهنى بالعافيه.

ساره بحنق خررجت.

رشاد: البسي نخرج عندهم شويه نسمر.

سما بضبببح قامت لبست وخرجت.

عبدالعزيز شافها وتأفف ودخل غرفته.

ساره بتراززع كلام ع نسوان اخوتها كيفهن.

سما جلست شويه وقامت الغرفه وبتبكي.

رشاد: ليش بتفعلووا هكذا اشتي ادرى!

ساره: مانزلت لي من حلق من اولها.

رشاد ززعل: حااضرر ، دخل غرفه عبد العزيزز.

عبدالعزيز: هلا..

رشاد: ممكن اعرف ايش التعامل هذا مع مرة اخوك.

عبدالعزيز: كل واحد حرر، تشتي تتشمت فيني تقل مابش معي شخصيه، كسرتني قبالهم، ذلحين انا حر.

رشاد: ماهو من الخباااله مادخله موضوع تافه وقديم وتمينا..

عبدالعزيز: وكل ماابسرها بتذكرني باختها..

رشاد ززعل خرج من الغرفه ، ودخل غرفتهم بيفكررر…
.
.

اليمن..
بيت عمار بيتعشوا

ايناس لفتت لعمار وزهور..

عمار: ماعليكم منهم يسدوا

زهور: محمد وسلااا مستحيل مااالهم !! مرعناهم الظاهر..

ايناس: شاطلع ابسر مالهم.

عمار مسك يدها: محد له دخل بينهم يسدوا من من نفسهم
.
.

بيت ياسر..
ياسر: للاسف معي لك خبر مابيعجبك.

رويدا: خير مابه؟

ياسر: بيخلوني امسك فرع تعز وخالي يحيى بيمسك صنعاء.

رويدا: ومافيها ! عمرك كله في تعز ليش ماعجبك !

ياسر: عشانك انتي

رويدا ضحكت: ماعليك شي قد عقلنا،، كان ايام الغوا ، ننزل تعز واي حين ماعطلت طلعني عند اهلي

ياسر ضحككك: حتى كلمه اهلي ترعبنا غيريها

رويدا: بس عتعلق ذلحين..

ياسر ضحكك: تذكرري جونانك يامجنونه

رويدا: محد قالك تتزوج اصغر منك ، ماذلحين عقلت.

ياسر: الان احلى عقل بس فيبك هفاات.
.
.

امريكا..
سما: رشاااد

رشاد نكز من النوم: مالش !

سما: بتشم؟

رشاد: ايش اشم؟؟

سما: شم كبده ورشوش

رشاد: هيا اختمدي ياكبده لاتقوم امي تكبدنا.

سما: قوووا خاااوره ، هياا نسيرر المطعم اليمني.

رشاد: لوما اقوم.

سما: قوووا جاوعه الان.

رشاد: ماصنف لش او حلمتي وانتي نوم؟

سما: والله شمها قووي…

رشاد: يلا قومي البسسي نخرج وامري لله.. فيني نوم

سما قامت لبست وتجهزت وبترفع الغرفه

رشاد تم يتجهز وسبقها الصاله..

سما خرجت بعده: صباح الخير

عمها: صباح النور.

عبدالعزيز ساكت.

رشاد: صباح الخير قلنا.

عبدالعزيز شافه: صباح النور

رشاد: يلا اباه ماتشتوا شي ، شخرج انا وسما.

ساره سمعتهم خرجت من غرفتها: خرجوني معاكم والله اني ضايقه شاطفح.

رشاد: البسي وجي.. مراعيين.

ساره: وانتي مالش ساكته او مابش نفس اجي.

سما: ساكته لان زوجي اتكلم ومراعين لكم تلبسوا

صلاح: قوومي البسي نخرج انا وانتي.

ساره: خلاص بس مابش نفس قد اكتسرت نفسي

رشاد بضبح: عتخرجوا والا ماشي؟

ساره بنخفره: بطلنااا

رشاد سحب سما من يدها وخرجوا

سما ساكته ولا تكلمت بشي

رشاد: ابردي لش من اللي وقع امس قررت ان احنا نخرج اقرب فرصه وقد بين ادور

سما: ع راحتك ، انا ماشكيت لك من شي.

رشاد: مش ضروري تشكي بين ابسر بنفسي

سما: ماعلينا ، ابرد لك اهم شي الكبده جااووعه.

رشاد ضحككك: عيجبرني بجنانش تنسي واحد هم الدنيا.
.
.

في اليمن..
محمد نزل: صباح الفل للحريوه حقنا.

زهور: شكلي عد ابطل

محمد عقد حواجبه: للمه !!

زهور: امس جنانكم لاهنا… اخر ناس اتوقع تتصايحوا انتوا

محمد ضحككك: امس بدأنا محانبه بالريموت ،، وبين اغيظها بالمذيعه وهي تغيرر وتميناها سفااط وضحك

زهور ابتسمت: ظنيت انكم بتتصايحوا كنت عد اطلع ابي ماخلاناش.

محمد بغمزه: ان بعض الظن اثم ، بس توقعي مابش حياه بدون مشاكل لانه امس بدأنا نتحانب صدق..

زهور: الله يسعدكم ويبعد عنكم كل شر.

بعد شهر..امريكا..
سما فتحت عين ومغمضه عين: انااا ماااقلت لك ! عطرك هذا لو واحد ميت ينكزه..افتح الطاقه.

رشاد: انتي قد نخرش مريضات، كنت اتعطر به واصل ، اختمدي بس

سما: اخررررج فيسسسع.

رشاد مستغرب لها.

سما تلثمت.

رشاد بينه وبين نفسه: هو طبعها هكذا عفوي، بس مجنووونه.

سلوى اتصلت لسما..

سما بتجابرها..

سلوى: يوو يابنتي او بتتوحمي ومعيفه

سما نكزت: وحام مه! قلت لكم ضاايقه من البيت هنا وخاووره اجي عندكم.

سلوى: مايسبرش عاد انتي سرتي ، المهم افعلي فحص حمل ونبيني..

سما: حاضر

ساره دقت لسما الباب تقيمها.

سما قامت..

ساره: ماعد باقي ياسما قدو ظهر.

سما: ها ياعمه، الآن خارجه.

ساره: الله يعينني..

سما ضابحه خرجت بالغصب.

عبدالعزيز مدعمم بيتفرج التلفزيون.

سما ما ردت السلام.

ساره: جنه خرجتي من الغرفه عتطفحي فيها

سما ساكته
.
.

في اليمن..

بعد العصر
محمد: يلا البسي فيييسع.

سلا: خيرر !

محمد: البسي البالطو هياا قطبه..

سلا: ناهي اركع عصر ، راعي بس.

محمد ذكر الصلاه: دخل يتوضا ويصلي.
.
.

نازل في بيت عمار
ايناس: البسي خالتش سلوى مراعيه

زهور: حاضر، اين عنسير اليوم.

ايناس: ماباقي الا المكياج والعطور ، اهم شي زنينش عند المخيطه.

زهور: بين اقلكم مااحتاج مطرز ، مايعجبني الا رقيقات

ايناس: ولو لو خرجتي ولبستي وعادش حريوه وتتشكمي مش هو ع ماتشتي.

في الدرج ..بسررعه بينزلوا وبيضحكوا

ايناس: دلا دلا ماالكم من الجنان

سلا: بيهزرني هوو كنت شاهتفج.

محمد اشر لسلا: هاا عادهم بيفتجعوا عليا !! مش ساع بعض الناس.

ايناس: والله ماهو فجيعه الا ع مرتك

سلا مدت لسانها تحانك.

محمد ضحكك: سابرر ، فجيعه ع مرتي والا عليا واحدي.

ايناس: عتخرجوا

محمد: ايوه ، ماتشتوا شي؟

ايناس: عتطرحنا معك في السوق؟

محمد: حاااضر يلااا اقطبوا ها ..

ايناس: الله يرضى عليش حين انتي لابسه دقي لامش الباب عاجليها.

سلا: حااضر ، وخرجت لبيتهم
.
.

بيت يحيى
سلوى على خرجتها في الحوي..

سلا دقت الباب

سلوى فتحت لها

سلا سلمت ع امها وبعد مجابره..

سلوى: اتصلت لي سما ، الظاهر معيفه

سلا: صدددق!! جبررهااا شااوقع خاله.

سلوى: لاقد تتحاكيش لوما تتأكد.

سلا: حاضر هيا امي مراعين لكم

سلوى سبقتها..

سلا: غلقت باب بيتهم وتشتي تدخل اصترع الباب بالريح.

محمد كان فوق السياره في الحوي بيتفاقد البطاريه.

سلا بتدددق الباب..

محمد: من؟

سلا بتقلد صوت مره ثانيه: محمد الحق مرتك..

محمد فتح الباب بقوووه.

سلا ضحكككككت..

محمد: هبلا ماخررجش،، سعم مااعرف صوتش هيا ادخلي.

سلا: تذكر لوما كنت تفتح لي لو جيت انفعهم وتجنب في الباب ساعه.

محمد: انااا !!

سلا: ايووه ويوقع لي تهزيء بسببك.

محمد: اصلا كنت اقلش اكرهش
وانتي ولاتفكرري.

سلا ضحككت: ناااهي ياخراط عنقلهم..

خرجين النسوان وطلعين السياره وصلهن السووق.. ونزلوا عماره في شارع راقي..قبل مايطلعوا الدور الثاني

محمد: عنطلع بيت صاحبي ومرته

سلا: للمه ماحاكيتني البس سوا.

محمد: اصه مش وقت خمس دقايق بسس اطلعي..

سلا: حاضرر

محمد: فتح باب الشقه لوحه كبيرررره معلقه بصوره مباني ومكتوب عليها..

M&S للتخطيط والاستشارات الهندسيه

سلا انبهرررت صاااحت: مفااااجأه فظيييييعه يااااشووعه

محمد: جي ابسري هذا مكتبش للتصاميم بسسس، التخطيط والنزول عليا انا.

سلا دمعت من الفرحه: حااضر ..

محمد مسكها من كتفها: الله يووفقنا ياااروحي..

بعدها ساروا يحجزوا كيكه واشتروا عصاير ..

اتصل محمد ليحيى يعزموه عشاء مع سلوى..
واتصلت سلا لعمار وزهور مع ايناس ورشا..

سلوى وزهور وايناس رجعين من السوق مراعيين ومستغربين ليش العزومه ؟!

رشا وصلت بعد المغرب هي وبنتها واحمد رجع لانه مخزن.

وبعد ماتجمعوا ع الساعه ٨ الليل
شلوهم المكتب يفاجئوهم وبعدها يتعشوا ويحتفلوا

عمار فررح: اي حين لحقت في شهرين تفعل هذا كله.

محمد: خططت لصاحبي تصميم وبقيمته اشتريت اثاث المكتب بالتقسيط وايجاره اخر السنه اديه مره واحده.

يحيى كل مره يكبر محمد بنظره فررح وبارك لهم.
.
.

في امريكا..
رشاد وصل وسما نوووم، خلاها ترقد وخرج الصاله.

ساره: مرتك زيدت بها نوم وووواصل ، ماهو هذا؟

رشاد تنهدد: بين احسها هذه الايام تاعبه مابترقد الليل.

ساره: قدي عتتعب سهر وبتجابر امها واختها للفجر ورقده للظهر

رشاد: طيب ماتفعل الوقت مربوش ، واول يوم ترقد ل١١ كل يوم بتصحى معي

ساره: اجلس دااافع عليهاا اخرجوا بيت لحالكم يله

سما كانت قد صحيت بترتب ملابس رشاد، وبتسمع في غرفتها

رشاد دخل شافها وعصصصب: ليش تمثلي انش نوم؟

سما: والله اني كنت نوم دخلت بعطرك هذا طااايرته

رشاد: انااا تعبت مش قادره تتأقلمي وتكسبي امي ، كل يوم بيشكوووا منش !

سما: وانت تعرفهم ومافعلوا اكثر مني ، ليش بتعاتبني انااا ، عاتبهم هم !

رشاد: ابسرتش بعيني صاحيه ، المفروض تقوومي تخرجي.

سما: ماشخرجش مش هو صميل.

ساره بتسمعها فررحت ان ابنها سمع كلامها.

رشاد حنق وخرج من البيت.

سما اتصلت لابوها وبتبكككي: اشتي ارووووح الاااان احجزوا لي يلله..

يحيى افتجع: مااالش ! صلِ ع النبي

سما: انا تعبت وضايقه منهم كارهتهم كلهم روحوني.

يحيى بيقلللق اول مره يشوف سما بشخصيتها القوويه هكذا: شاكلم رشاد يحجز لش..

سما: الاااان ، والله مااجلس.

يحيى: مااحصل !!

سما حكت له الي حصل.

يحيى اتصل لرشاد وكلمه..يحجز لها.

رشاد: ياعم ، والله ان لها فتره متغيرره ، وحساسه ، صح به مشاكل بس قلت لها تصبر شويه ونخرج.

يحيى: خلاص خليها تغير جو يومين ونفهم الموضوع ورجعت.

رشاد:حاضر احجز لها بس مش حنقه، ترجع تفتهن.

يحيى: تمام.

رشاد: سار يحجز تذاكر ورجع البيت.

سما لفلفت شنطها كلهن.

رشاد: ماعتسيري الا بشنطه

سما بتبكبي: شاخرج بشنطي كلهن، كما قدو بيتنا انا راجعه.. كنت مستحمله طباعهم كلها عشانك بس لوما يقلوا لك اخرجووا وانت تدخل تعصب فوقي، عاد انا بنت ناس معي كرامه.

رشاد اخذ نفس ومسك راسه: لاااحول ولاقوة الا بالله.، ناهي ارجعي بشنطه والباقي كما خرجنا بيت خرجيهن.

سما: رجعتهن وبتجهز شنطه وتشوف رشاد زاعل فوق الكنبه ، بككيت عليه

رشاد مقهوور مفكرها بتبكي تشتي ترجع

وقت الغداء..
كلهم خارج في الصاله مراعين لرشاد وسما..

صلاح: مالهم ؟!

عبدالعزيز ، بيقلب بالملعقه في صحنه سكته.

ساره بتغرف له مرق: والله ان قد جننت ابني الصدق ، قلت لك ابردد لك من تيه الزواجه مابتسمعش…

عبدالعزيز: تشتوا الصدق احنا قد زيدنا بها عليه ، مش توصل لهذه الدرجه.

ساره: قد نسيت مافعلووا؟

عبدالعزيز: مافعلوا؟ هو انا اللي مابسرتينيش غوا شباب ، نتيجه دلعكم لنا صدقت الكذبه وواصلت فيها.

ساره بتسمع سكته.

صلاح: ماعتفهموناش ماوقع، رشااااد ،،، رشاااد.

في الغرفه
رشاد سمع وخرج..

صلاح: ماوقع !

رشاد حكى له..

ساره انحرررجت: تشتي تررجع !!

رشاد شاف امه: مدري مازعلها وماسمعت ، خلاها تتصل لعمي وعمي اتصل لي.

صلاح: يااااعيباااه

رشاد: بس سدينا تسير تغير جو مش حنقه.

صلاح قام من فوق الاكل: استغفرالله ، وسار يتصل ليحيى…ويفهم منه.
.
.

في اليمن ..رد ع التلفون
سلوى: من خالد ابني وصل !!

يحيى: الو اهلاا اخي صلاح حياك الله.

صلاح مستغرب رده عادي: الله يحييك ، ماوقع بين الجهال ما للبنت تشتي ترجع ؟

يحيى: قالت نفسها تغير جو وتاعبه شويه.

صلاح: اهم شي مابش شي ثاني.

يحيى: كما جت عنفهم ونسد، ماعلينا احنا منهم يسدوا، المهم كيف الشغل ..اخبارك

سلوى مطننه: من ترجع !! سما ؟ ليش!
.
.

بعد يومين..
محمد وسلا مروحين من المكتب

ايناس فتحت الباب..

سلا وملانها دموع سلمت ،، وطلعت بسرعه

محمد ضااابح سلم ، ولحق بعدها

ايناس: مسررع رجعتوا عادو ظهر !

محمد: تمينا شاصلي وانزل

دخل غرفته..
سلا بضبببح خلست البالطوو وبتبكي

محمد: اشتي ادرى ماراس الحنق هذا !!

سلا: ليش توعدني واحنا بندرس نشتغل سوا وذلحين قلبت!!

محمد اخذذ نفسس: يا سلاا
افهمي الله يرضى عليش ، كنت موافق.. والدليل مكتبش معي

سلا : وما استجد!! مالك نروح وانت مقلوب وضاابح وكأن عدوك معك مش حبيبتك

محمد بقلى صبر: ياااسلا مااافعل قدريني.. مااقدررش

سلا قاطعته: ليش ماتقدرش ماهو السبب؟

محمد: اهداي اووول اعرف اتكلم ولاتقاطعيش

سلا بتمسح عيونها: تكلم ماهو

محمد: اول يوم دخلوا لش مقااوولين وسط المكتب وفارر دمي قلت يلله هو عمل سهل

سلا: ماددخل المقاولين ، او اكتب للنسوان فقط

محمد: سلا رجااااءً ، اسمعي

سلا: يعني افهم من الاخيررر انه مااداومش صح ! اوصل تسع وترجعني ١٢

محمد حنق وخرج من الغرفه
.
.

في امريكا..

في المطار لحظه الوداع
سما جت تسم عليه بكيت وحضنته

رشاد ددمع: وتسخي تفلتيتي ! ماعد بين اشوف الدنيا الا بش يا سما

سما: وانا اكتشفت اني مااقددرش اعيش من غيرك، بس والله تاعبه مضايقه حاسه شاختنق اغير جو وارجع لك

رشاد: اذا مارجعتي شالحقش

سما: ياااريت تلحقني نغير جو ونرجع

رشاد: وعد ان شاء الله تبسريني قبالش

سما: الله يحفظك ويخليك لي

رشاد: ومايحرمني منش ، اوبهي لنفسش وتواصلي معي طمنيني عليش

سما: حاضر ، ارجع وغير العطر الشوعه

رشاد: لا اله الا الله

سما: محمد رسول الله، بيباي،، ومشيت
.
.

الليل شقه محمد وسلا..

محمد رجع دخل بالشكلاته اللي تعجبها

سلا واقفه بتمشط شعرها في المرايه.

محمد يشتي يساليها هزر الفرشه بيمشط لها وبيرفع لها حواجبه في المرايه.

سلا ماقدرت تمسك نفسها ضحكت: شووعه مااحبكش ابعد.

محمد: ايووه اغنجي عليا قدش داريه انش سلا قلبي وماسخاش اغثيها.

سلا: كلااام ، قدو باين.

محمد مسك يدها وبيعدد لها باصابعها..
اولا ، مامنعتش تشتغلي بس ابسر مكتب مرتي رجال مقاولين ومايعرفوا يتحاكوا سوا مااقدرش
ثانيا، يخرجوا من عندش واسمعهم يتغزلوا بصوتش وعيونش مااااقدررش ..
ثالثا، انا احبش واتمنى لش كل شي اكثر مني بس تعذريني في الاولات.

سلا تشتي تتكلم.

محمد: اششش، ماتميت.

رابعا، ادي في مكتبش سكرتيره تجمع لش كل التفااصيل والتصاميم المطلوبه وتنفذيها من البيت انا اجهز لش مكان كااامل خاص بالتصاميم.
خامسااا، احبش ومااشتيش تزعلي مني واتمنى تتفهميني لاني ماشغصبش على شي.

سلا ابتسمت بغمزه: اهم شي فارح بالسكرتيره، تطرحني في البيت وتدي لك سكرتيره

محمد ضحككك: يامغاااويه فلتي كل شي ومسكتي تيك ،، والاخيره احبششش وانتي لي وحدي

سلا: موافقه ششتغل من البيت

محمد: وبكره اجهز لش كل الادوات وفاكس وتلفون كل شي.

سلا بغنج: الله يخليك لي ياشوعه، ولو انك شرير بس بين احبك قوووي..
.
.

ثاني يوم وصلت سما سكته مفاجأه محد داري.

اول مادخلت البيت يووو شممم زحاوق مزحقه

سلوى سمعتها وحملت للحوي

سما حضنتهااا وسلمت ع امها.

يحيى اتصل لسلا..تجي

سلا وصلت البيت حسست سما موجوده حملت لاداخل.

تحاضنين قوووي وتسالمين.

سلا اتصلت تقل لمحمد انها في بيتهم .

سما: خااوره اكل من حقكم ..

سلوى: بعيني ماافعلش؟

سما: زحاوق ولبن ، وخبز خاله ايناس وذمول خاله فاطمه..

سلوى: يو جبرني ببنتي من عيني افعلش كلهن لايطبعين في الولد.

سما ضحكت: اين ولد!!!

سلوى: مافعلتيش فحص؟

سما: ماشي ليش! مش واحمه؟

سلوى: مادراش ؟

سما: مابين ادوخش ساع المسلسلات.

سلوى ضحكككت ، وقامت تزحوق لها..
.
.

بعد اسبوعين
رشاد فررح انها حامل ورجع يغير جو معها اسبوعين ويرجعوا امريكا.
.
.

سلا بدأت تشتغل في مكتبها وتنسق لمحمد التصاميم..

بعد شهر ونص..
تزوجت زهور ويوسف وسافرت الاردن تدرس دراسات عليا ويوسف يتخصص مجالات حديثه..

رويدا وياسر في تعز استقر هانك.. بيطلعوا في العطل والاعياد عند هدى.

بعد ٧شهور..
في بيت صغير لحالهم

رشاد: قررت قرارر

سما مندمجه بالتلفزيون و بتاكل تفاح حامض: هاا ماقررت !

رشاد: قررته قبل فتره، وجهزت له والآن حابب افاجئش..بس امهد لش حامل..

سما: ماهوو ؟؟

رشاد: قررت نرجع اليمن من مره واستقر هانك.

سما بفرحه صاااحت وفرحت: اخيراا

رشاد: اخيرا، هانا راحه وشغل وكل شي، بس هانك حبيت اجواءكم ، اجتماعيين الناس يزوروا بعض في عرس في موت ، في الجمع يوميا بدون مناسبات يجتمعوا حالي قوي، يتساعدوا كل واحد يدي راسه على الثاني.

سما: ايوه والله صددقت، بس والكل حبيت امريكا نكون نجي.

رشاد: اكيدد لازم نجي ، وعنرجع بعد ماتولدي امد الجنسيه.

سما: حاضر.
.
.

في اليمن..
ايناس: سلا مابتخوريش شي؟

سلا فهمت سؤال عمتها: لا للمه؟

ايناس: قلت يمكن تكوني واحمه ومش انتي داريه.

سلا تحسست: لا مش واحمه..
.
.

بعد فتره..
ايناس: اي حين عيوقع لي حفيد اتواله؟

محمد: لوما يريد الله.

سلا ماقالت لعمتها بالمشكله ساكته..

بعد ماطلعوا شقتهم.

محمد: لاتكونيش تتحسسي جاوبي ، شي بيد الله مالناش اي دخل.

سلا: كان نفسي اليوم اللي يجي لنا نونو يشبه طبعك واخلاقك تحبه الحاره كلها.

محمد: وانا مااشتيش منافسس يسررق حبي ومكاني من قلبش ، واذا كان هذا الشي من عند الله اللهم لا اعتراض.

سلا بكيت: ياااارب افرح قلبنا.

محمد: آمين

المهم لاتتهربيش معش تصاميم مااشتيش توحمي وتعيفيهن.
.
.

بعد شهور ..
رجعوا سما ورشاد واستقروا مع ابنهم قصي.

سلا كانت تشل قصي عندها ويمسي مجنونه عليه..
.
.

في يووم
محمد: سلا مالش بتخرررفي !!!

سلا: طعيم والله اطعم

محمد: بغير جنااان , بتاكلي صابون

سلا: شم فراوله تجنن.

محمد مبهرر هزر من يدها: سلااا بتخررفي او منش صدق، شاخرج اشتري لش فراوله.

سلا: هذا الشم

محمد باستغراب: حاضر..

سلا: شم عطر عمي عمار..

عمار دق لهم باب الشقه: محمددد

محمد مفجووع لفت لسلا وجاوب: من !!

عمار: كيف من مالك.

سلا بتضحككك: قد بين اقلك عمي.

محمد فتح: ربشتيني الله يسامحش..معش جن او ماهو

عمار: انزل عبي الخزان..مالكم !!

محمد: حاضر..

بعد فتره من زواجهم..

اخيرا سلا وحمت..

محمد كاان فااارح مزقرع

ايناس جمعت الحاره كلهن يخورين مرة ابنها..
فعلين صبوح وجلسين في الحوش…
.
.

رشاد وسما فتحوا شركه متواضعه ومسكت ادارتها التنفيذيه سما… ورشاد المدير العام.

كان قصي يجلس عند سلوى..
.
.
.
.

بعد شهورر
سلا بطنها كبررت بتحووس كيف ترسم ولاقدرت.

محمد بيتفرجها سكته ويضحك.

سلا: محمددد

محمد ماسك اللابتوب: نعم.

سلا: قل لي عيون محمد زي زمان.

محمد: عيون محمد..

سلا: جي تم لي التصميم.. ظهري تعبت.

محمد: قلتي مااتفيضلش في عملش.

سلا: خلاص تميته بقي لمسات بسيطه، قواا.

محمد ضحك: حاضر من عيوني يامكرششه.

سلا: تسلم لي عيونك.
.
.

بعد يومين..

ولدت سلا

محمد: مانسميها ؟

سلا: اسم عادي بس مناسب لي ولك ولها.

محمد: اللي هو ؟

سلا: سلمى.

محمد: امم قصدش سلا وميم محمد

سلا: مناسب لاسمي واسمك واسم سما وماما سلوى.

محمد: طيب ، بعدش البنت لش والولد لي

ضحكوا وفرطووا لسلا اربعين يوم ولاد ضخم كل يوم بززفه..
.
.
.
.

وبعد سنوووات مجتمعين بيت يحيى الجمعه حقهن.

فوق الغداء..
خالد.. رجع صنعاء وتزوج من معاريفهم، ومرته واحمه)

كانت مرة خالد في بيتهم معزومه ..

خالد: ابنش طلع ع سلا ..وبنت سلا عليش لقااانه.

سما ضحكت.

محمد: زد ناقص بنتي تطلع ساع خالتها تمتني فداج وانا صغير.

رشاد ضحك: الارش عليا.

سلمى بتبككي: ماااماااا ابسرووا قصي ضربني

سما: ليش ياقصي؟

قصي: بتحانكني، ان خالو محمد بيحب خاله سلا اكثر وان خالوا سار لكم لامريكا…

كلهم ضحكوووا..

رشاد: وانت قل لها انا ادتني امك لاوسط صنعاء لاني بين احبها اعظم.

ضحكووا كلهم..

قصي وسلمى في حضن يحيى وسلوى بيلعبوا ويغنجوا عليهم..

زهور ويوسف…وقع لهم ولد سموه غسان.

حارتهم رجعت لها الحياه وعادت ذكرياتهم بجهالهم…

وهكذا صنعاء القديمه افراح واعراس وحب
ومجاوره حقيقيه..

الاهل بينهم ألفة ومحبة وكل جمعة يلتقوا في كل بيت كبير في صنعاء..

تسودنا اجواء روحانيه في وقت كل اذان وفي رمضان تنزل على حواريها الطمأنينه..

اعيادنا صلة رحم وافراح رغم كل معاناتنا في الحياة..

لانستسلم لأية ظروف سواء فقر او مرض او حزن..

هكذا نحن اليمنيين…. الله يوفق بين كل اثنين اجتمعوا على الحلال وخافوا الله في علاقتهم ،، واحترموا وقدروا تعب اهلهم فيهم.

وكل ولد خاف الله في بنات الناس ..
وكل بنت خافت الله في كل تصرفاتها…

انتهت

💖💖حب في صنعاء القديمه💖💖

عبير الكبسي

وكم ياقصص وحكايات في زغاطيط شوارع صنعاء منها حب ومنها مشاكل…

الروايه خيال لكن نقدر نطبقها على ارض الواقع.. حب شريف عفيف بعلم الاهل.. اللي يحبش يجي لش للبيت ويخاف عليش.

بالصبر والوفاء والاصرار تتحقق كل احلامنا..

المشاكل في كل مكان بالصبر والاخلاق والتفاهم نقدر نحلها ونغير من بعضنا البعض..مش علاج اي قصة فاشلة الطلاق، ولا حياة مع اليأس.

في ناس ربي بيرزقهم حب ، وناس ربي يرزقهم مال وناس سعاده وناس صحه،، الحمدلله دائماً وابداً على كل احوالنا اللي قدرها لنا…

صنعاء جمالها بأهلها وجوها وعاداتها.. باسواقها وعفويتها وطبيعتها…

صنعاء حوت كل فن وكل حب وكل الجمال.. من سكنها لم يحس ابدا بالغربه فيها…

الله يلم شملنا ويوحد كلمتنا ويهدينا وينصرنا ويأمن بلادنا ووطننا من كل شر وترجع صنعاء واليمن بألف خير يااارب ..اتمنى روايتي نالت اعجابكم..