قصة وقصيدة يا جديع يا مسندى بشكيلك الحالى

قصة وكلمات قصيدة يا جديع يا مسندى بشكىلك الحالى من سلسلة قصص سالفه وقصيده من حياة الباديه قديما مؤثره مكتوبة بالعربية

قصة قديمة جرت من حوالى ثمانين سنه للشاعر جديع السودان الخمشى رحمه الله شاعر ويعد من كبار الشعراء وقصائده ما تخلو من الحكم ومن الغزل العفيف عاش اول وقته متنقلا حسب المراعى

فى سنه من السنين نزل فى منطقه سدير وعاده الشاعر لابد ما يصير بينه وبين الشاعر الثانى احتكاك ومساجلات

وكان فيه رجل اسمه ماجد بن عبدالله بن عضيب الطامي من اهالى روضه سدير وهو شاعر شعبي متمكن و كان متولع قلبه فى محبة فتاه من بنات الباديه ويحاول الزواج منها واهلها لم يوافقوا على ذلك

وفى يوم من الايام وافق صديقه جديع

وقال ماجد يا جديع قال نعم

قال انا قلت ابيات برسلها لك واحب انك تسمعها

قال جديع اكتبها وارسلها لي

وقال ماجد

يا جديع يا مسندى بشكى لك الحالى
وش عندنا منك يا شوق السنافيه

الجادل اللي حليه ظبي الاسهالـي
ساعة لمحته ضربنـي بالقديميـة

الجادل اللي نهدها صوغ فنجالـي
العين خرسا كما عيـن النداويـة

من ضربته دوك فكر سايفت حالي
والعين عن نومها صارت شقاوية

يالله عسى حبها بالوصل ينجالـي
من يوم شفته وحبه باضـع فيـه

الله على لزمته في ماقـع خالـي
الله على لزمتـه ياجديـع بيديـة

يا جديع طرد الهوى والصيد غربائى
راعيه حاله كما العيدان مبريه

دايم شفاياه يباس ونحالى
ويجوز من طردها فى كل داويه

والقصيدة اطول من ذلك

يوم قرأ جديع الابيات

رد وقال جديع بن سودان :

حي الجواب اللذي يطرب لـه البالـي
ترحيبه مـن لبيـب الصـدر مثنيـة

يا صاحبي اكتب وزين كتب الامثالـي
واسطـر جـواب معنينـه بطلحـيـة

سر يا نديبي ترحل فـوق مهذالـي
مامونة من حـرار الجيـش عمليه

كرب عليها ومس الكور باحبالى
وارفع جرير الرسن والحبل مقطيه

يا حلو دفلاجها مع عثعثن خالى
توصلك فى ساعه بنت العمانيه

ملفاك قرم بدرب المرجله عالى
ماجد اليا عارضك بادرك بتحيه

واليا لفيتـه لقيـت رجـال ودلالـي
مثل الغرانيق فيهن كيف بريه

سلـم وقلـه يخبرنـا عـن الحالـي
وعطنا منه كلمـة حرشـا وبرحيه

بين لنا صاحبك يا طيب الفالى
هى وين مدهالها عنز الرماحيه

ان كان هى بالثمن نرخص له المالى
لو كان يبغى ثمان اميه افرنجيه

وان كان ما ايزن جلبت البشت وعقالي
واسوق شقران لك يالقرم عانيه

وان كان من دون خلك ضرب و قتالي
لـي لابـة كلهـم للحـرب منقـيـة

اجيك فى لابتى ماضين الافعالى
اولاد وايل يسرونك ضحـى الهيه

والله لـو دونهـا تسعيـن خيـالـي
جبنـاه فرعيـة ماهيـب شرعـيـة

ساعة لفى الخط جا في القلب ولوالـي
جـدد صوابـي جـواب كاتبـه ليـة

من عقب مانيب عن طرد الهوى سالي
ذكرتني جـادل عاقـت بـي صطيـة

بـس اتوجـد وخـلـي ماتهيـالـي
واليا عنا لي حكوا فيه وحكـوا فيـه

المراجع والمصادر

القصة ذكرت في العديد من كتب حياة البادية قديما وافواه الرواة مع اختلاف بعض التفاصيل بينهم